Baaghi TV

Tag: pakistan

  • اسحاق ڈار کے نام پرقانونی اعتراضات شروع ہوگئے

    اسحاق ڈار کے نام پرقانونی اعتراضات شروع ہوگئے

    وفاقی وزیر دفاع خواجہ آصف نے کہا ہے کہ نگران وزیراعظم کیلئےاسحاق ڈار کے نام پرقانونی اعتراضات شروع ہوگئے ہیں۔ پارلیمنٹ ہاؤس کےباہرمیڈیاسےگفتگو کرتے ہوئےخواجہ آصف نے کہا کہ اسحاق ڈارکو نگران وزیراعظم بنانے کے حوالے سےحکومت کی طرف کوئی اشارہ نہیں ہے،ایک معتبر صحافی نےخبرلیک کی ہے،اس کےعلاوہ ابھی کچھ نہیں۔

    انہوں نے کہا اس حوالےسے ابھی کام بھی شروع نہیں ہوااور میرےعلم میں نہیں ہے،وہ میرے بھائی ہیں،میرے دوست ہیں،میرا کئی سال کا تعلق ہے جومجھے عزیزہے،اکٹھےمشرف کی قید کاٹی ہے۔ وزیردفاع نے کہا کہ میری خواہش بھی ہے اگراسحاق ڈار نگران وزیر اعظم بن سکتے ہیں تو اچھی بات ہے،تاہم اسحاق ڈار کے نام پرقانونی اعتراضات شروع ہوگئے ہیں،حکمران پارٹی سےکوئی نگران وزیراعظم آئےگا تو لوگ اعتراض کریں گے۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    پارٹی قائد نواز شریف کی وطن واپسی کے حوالے سے خواجہ آصف نے کہا کہ نوازشریف ضرور وطن واپس آئیں گے،اس میں کوئی شک نہیں۔

  • ڈالر کے مقابلے میں روپے کی قدر میں 0.39 فیصد تنزلی ریکارڈ

    ڈالر کے مقابلے میں روپے کی قدر میں 0.39 فیصد تنزلی ریکارڈ

    امریکی ڈالر کے مقابلہ میں روپے کی قدر میں 0.39 فیصد تنزلی ریکارڈ ہوئی ہے جبکہ عالمی مالیاتی ادارے سے کئی ڈالرز ملنے کے باوجود بھی ملک بھر میں امریکی ڈالر کے مقابلے میں روپیہ مسلسل تنزلی کا شکار ہے. اسٹیٹ بینک آف پاکستان کے ٹویٹر اکاؤنٹ پر جاری کردہ اعداد و شمار کے مطابق رواں ہفتے کے پہلے کاروباری دن کے دوران انٹر بینک میں روپیہ کے مقابلے میں امریکی ڈالر کی قیمت میں 1 روپے 11 پیسے کا اضافہ دیکھا گیا ہے.


    جبکہ اعداد و شمار کے مطابق انٹر بینک میں روپے کے مقابلے میں امریکی ڈالر کا بھاؤ 286 روپے 81 پیسے سے بڑھ کر 287 روپے 92 پیسے ہو گیا۔ علاوہ ازیں مرکزی بینک کے مطابق امریکی ڈالر کے مقابلے میں روپے کی قدر میں 0.39 فیصد کی تنزلی دیکھی گئی ادھر کرنسی ڈیلرز کے مطابق اوپن مارکیٹ میں بھی امریکی ڈالر کی قیمت 2 روپے اضافے کے بعد 293 روپے ہو گئی ہے۔

    دوسری طرف یورو کی قیمت 319 روپے، جاپانی ین 2 روپے، برطانوی پاؤنڈ 370 روپے، آسٹریلوی ڈالر 194 روپے، کینیڈین ڈالر 218 روپے، سعودی ریال 76 روپے، ملائیشین رنگٹ 62 روپے، کویتی دینار 937 روپے، بھارتی کرنسی کی قیمت 3.5 روپے ہو گئی ہے۔ تاہم واضح رہے کہ پاکستان سٹاک مارکیٹ میں اُتار چڑھاؤ کے بعد ایک مرتبہ پھر 134.08 پوائنٹس کی تیزی ریکارڈ کی گئی ہے۔

    جبکہ حصص مارکیٹ میں کاروبار کے آغاز پر ہی مثبت انداز ریکارڈ کیا گیا اور صبح دس بجے کے قریب انڈیکس میں 200 پوائنٹس سے زائد کی بڑھوتری دیکھی گئی، تاہم اس دوران غیر یقینی کے باعث اُتار چڑھاؤ غالب آ گیا، دوپہر بارہ بجے کے قریب انڈیکس میں تیزی کی سطح 70 پوائنٹس کی سطح پر پہنچ گئی تھی۔

    جبکہ کاروبار کے اختتام پر 100 انڈیکس 134.08 پوائنٹس کی تیزی کے بعد 46054.81 پوائنٹس کی سطح پر پہنچ کر بند ہوا۔ اور پورے کاروباری روز کے دوران کاروبار میں 0.29 فیصد کی بہتری دیکھی گئی علاوہ ازیں 15 کروڑ 4 لاکھ 95 ہزار 51 شیئرز کا لین دین ہوا۔ جس کے باعث سرمایہ کاروں کو اربوں روپے کا فائدہ ہوا۔

    دوسری جانب ملک بھر میں ایک مرتبہ پھر فی تولہ سونے کی قیمت میں ہزاروں روپے کا اضافہ دیکھا گیا ہے جبکہ بین الاقوامی مارکیٹ میں فی اونس سونے کا بھاؤ 3 ڈالر اضافے کے بعد 1965 امریکی ڈالر ہو گیا ہے۔ عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی ، ملتان سمیت دیگر جگہوں پر فی تولہ سونے کی قیمت میں 2800 روپے کی بڑھوتری دیکھی گئی اور نئی قدر 225300 روپے ہو گئی ہے۔

    اُدھر دس گرام سونے کی قدر 2143 روپے اضافے کے بعد 193158 روپے ہو گئی ہے۔ مزید برآں فی تولہ اور دس گرام چاندی کی قیمتوں میں استحکام دیکھا گیا اور قدریں بالترتیب 2750 روپے اور 2357.68 روپے کی سطح پر برقرار ہے۔

  • کولمبو ٹیسٹ میں پہلے دن ہی پاکستان کی کامیابی

    کولمبو ٹیسٹ میں پہلے دن ہی پاکستان کی کامیابی

    کولمبو میں کھیلے جانے والے سیریز کے دوسرے ٹیسٹ کے پہلے روز پاکستان نے سری لنکا کو جلد آؤٹ کرنے کے بعد دو وکٹوں پر 145 رنز بنا لیے جبکہ سری لنکا نے ٹاس جیت کر پہلے کھیلنے کا فیصلہ کیا تھا جو غلط ثابت ہوا، ابتداء میں ہی میزبان ٹیم کو نقصان اٹھانا پڑ گیا جب 9 سکور پر نشان مدھوشکا 4 رنز بنا کر شان مسعود کی گیند پر رن آؤٹ ہو گئے، 23 سکور پر کوشال مینڈس 6 رنز بنا کر شاہین شاہ کے ہاتھوں وکٹ گنوا بیٹھے، اینجلو میتھیوز بھی بڑی اننگز کھیلنے میں ناکام رہے اور 9 سکور بنا کر نسیم شاہ کی شاندار گیند پر آؤٹ ہوئے۔

    کپتان کرونا رتنے 17 رنز بنا کر نسیم شاہ کی شاندار گیند پر بولڈ ہو گئے، اس دوران چندیمل اور ڈی سلوا نے کچھ مزاحمت دکھائی اور سکور کو آگے بڑھایا، 121 سکور پر چندیمل 34 رنز بنا ہمت ہار بیٹھے اور نسیم شاہ کو وکٹ دے بیٹھے۔ اس کے بعد کوئی بھی کھلاڑی قابل ذکر کارکردگی نہ دکھا سکا، ڈی سلوا 57 رنز بنا کر سرفہرست رہے، سماراوکراما 0، مینڈس 27، جے سوریا 1، فرنینڈو 8 بنا کر چلتے بنے، میزبان ٹیم 166 رنز پر ڈھیر ہو گئی، ابرار احمد نے چار شکار کیے جبکہ نسیم شاہ نے تین وکٹیں لیں۔

    قومی ٹیم کی طرف سے اننگز کا آغاز امام الحق اور عبد اللہ شفیق نے کیا، گرین شرٹس کو بھی شروع میں ہی نقصان اٹھانا پڑا جب امام الحق 6 گیندوں پر 6 رنز بنا کر فرنینڈو کی گیند پر کریز چھوڑ گئے۔ اس دوران عبد اللہ شفیق اور شان مسعود نے جارحانہ انداز اپنایا اور وکٹ کے چاروں اطراف باؤلرز کی خوب درگت بنائی، دونوں کے درمیان 100 سے زائد کی پارٹنر شپ بنی جس کا خاتمہ ایک مرتبہ پھر فرنینڈو نے شان مسعود کی وکٹ لیکر کیا۔ قومی بیٹر نے 47 گیندوں پر 51 رنز کی باری کھیلی، اس اننگز میں چار چوکے اور ایک چھکا شامل تھا۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    پہلے روز کھیل ختم ہونے کے دوران قومی ٹیم نے دو وکٹوں کے نقصان پر 145 رنز بنا لیے ہیں، عبد اللہ شفیق 74 اور بابر اعظم 8 رنز کیساتھ کریز پر موجود ہیں۔ سری لنکا کی جانب سے فرنینڈو نے دو شکار کیے۔

  • اب توہین پارلیمنٹ پر سزا ہوگی

    اب توہین پارلیمنٹ پر سزا ہوگی

    سینیٹ نے توہین پارلیمنٹ بل متفقہ طور پر منظور کرلیا ہے جبکہ اب پارلیمنٹ، کمیٹی اور رکن پارلیمنٹ کا استحقاق مجروح کرنے پر سزا اور جرمانہ ہوگا۔ سینیٹ اجلاس کے دوران توہین پارلیمنٹ بل سینیٹر کہدہ بابر نے پیش کیا جبکہ سینیٹ نے توہین پارلیمنٹ بل متفقہ طور پر منظور کرلیا۔

    بل کے مطابق پارلیمنٹ، کمیٹی اور رکن پارلیمنٹ کا استحقاق مجروح کرنے پر سزا اور جرمانہ ہوگا۔ جبکہ خیال رہے کہ اس سے قبل قومی اسمبلی نے توہین پارلیمنٹ بل 2023 منظور کیا تھا اور اسپیکر راجہ پرویز اشرف کی زیر صدارت قومی اسمبلی کا اجلاس ہوا تھا جس میں رانا قاسم نون نے توہین پارلیمنٹ بل 2023 منظوری کے لیے ایوان میں پیش کیا تھا۔

    تاہم خیال رہے کہ بل کے تحت کسی بھی ادارے یا شخص کی جانب توہین کا معاملہ استحاق کمیٹی کے سامنے رکھا جائے گا، استحقاق کمیٹی 60 روز کے اندر اپنی سفارشات قومی اسمبلی اور سینٹ میں پیش کریں گی جبکہ کمیٹی سفارشات پر ایوان معاملہ توہین کمیٹی کے سپردکیا جائے، بل کے مطابق تحقیر کمیٹی 5 ممبران پر مشتمل ہوگی، 3 ممبران قومی اسمبلی اور 2 سینیٹ سے ہوں گے۔ ایک ممبر اسپیکر قومی اسمبلی، 2 وزیراعظم اور اپوزیشن کے تجویز کردہ ہوں گے۔

    سینیٹ سے قائد ایوان اور اپوزیشن لیڈر کے تجویز کردہ 2 ارکان بھی تحقیر کمیٹی کا حصہ ہوں گے اور بل کے محرک رانا قاسم نون نے آج کے دن کو تاریخی قرار دے دیا ہے۔ علاوہ ازیں یہ بھی کہا گیا تھا کہ کمیٹی کو سول جج کو سول جج کے اختیارات حاصل ہوں گے، کمیٹی کو کسی بھی ادارے شخص کیمٹی کے سامنے عدم پیشی پر سمن اور وارنٹ گرفتاری جاری کرنے کا اختیار ہوگا جبکہ وارنٹ گرفتاری کی منظوری اسپیکر قومی اسمبلی اور چیئرمین سینیٹ سے لی جائے گی۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    ارکان پارلیمان نے توہین پارلیمنٹ بل کو ایوان کی تاریخی فتح قرار دیا تھا اور بتایا گیا تھا پارلیمنٹ ، قومی اسمبلی، سینیٹ اور ارکین پارلیمنٹ کی توہین قابل سزا جرم ہوگا، سزا کے خلاف اپیل چیئرمین سینیٹ اور اسپیکر قومی اسمبلی کے سامنے دائر کی جائے گی۔ اسپیکر اور چیئرمین سینیٹ پر مشتمل 2 رکنی کمیٹی سزا کے خلاف اپیل سننے اور اس پرفیصلہ کرنے کے مجاز ہوں گے۔ بل میں یہ بھی کہا گیا تھا کہ تحقیر کمیٹی کا کوئی دستاویز بطور ثبوت کسی عدالت میں پیش نہیں کیا جا سکے گا۔ جبکہ توہین ثابت ہونے پر 6 ماہ قید اور 10 لاکھ روپے جرمانہ ہوگا۔ سزا پر ملزم 30 دن میں فیصلے کے خلاف اپیل دائر کرسکے گا۔

  • محسن نقوی نےغفلت برتنے پر ایم ایس سروسز اسپتال کو عہدے سے ہٹا دیا

    محسن نقوی نےغفلت برتنے پر ایم ایس سروسز اسپتال کو عہدے سے ہٹا دیا

    سروسزاسپتال کے آپریشن تھیٹرز میں بجلی بریک ڈاؤن پر نگراں وزیراعلیٰ محسن نقوی کو انکوائری کمیٹی کی رپورٹ پیش کردی گئی ہے، اور وزیراعلیٰ نےغفلت برتنے پرسمز کے پرنسپل اور ایم ایس سروسز اسپتال کو عہدے سے ہٹا دیا ہے۔

    سروسز اسپتال لاہور کے آپریشن تھیٹر میں بجلی بند ہوگئی تھی، جس کے باعث مریضوں کو تکلیف کا سامنا کرنا پڑا تھا، نگراں وزیراعلیٰ پنجاب نے واقعہ کی تحقیقات کے لئے 2 رکنی کمیٹی قائم کی تھی۔ سیکرٹری صحت کی سربراہی میں بننے والی 2 رکنی کمیٹی نے آپریشن تھیٹرز میں بجلی بریک ڈاؤن کی انکوائری کی اورحالات کاجائزہ لیا، اور نگران وزیراعلیٰ محسن نقوی کو انکوائری رپورٹ پیش کردی ہے۔
    مزید یہ بھی پڑھیں؛
    وکیل قتل کیس میں چیئرمین پی ٹی آئی کی نامزدگی، سپریم کورٹ کا بینچ دوسری بار تبدیل
    بین الاقوانی شہرت یافتہ صحافی، اینکر پرسن، کالم نگار ، مدیر اور مصنف حامد میر
    کسی صورت تو ظاہر ہو مری رنجش مرا غصہ
    نگران وزیراعلیٰ محسن نقوی کو انکوائری رپورٹ میٹنگ میں پیش کی گئی، صوبائی وزیر ڈاکٹر جاوید اکرم، چیف سیکرٹری، سیکرٹری صحت اور سیکرٹری ٹو سی ایم بھی موجود تھے۔ وزیراعلیٰ محسن نقوی نے انکوائری کمیٹی کی سفارشات کی روشنی میں فرائض میں غفلت برتنے پر سمز کے پرنسپل پروفیسر ڈاکٹر فاروق افضل اور ایم ایس ڈاکٹر احتشام کو عہدے سے ہٹا دیا۔

  • ایڈووکیٹ پر تشدد، گاڑی بھی نذرآتش

    ایڈووکیٹ پر تشدد، گاڑی بھی نذرآتش

    کراچی کے علاقے اورنگی ٹاؤن الطاف نگر میں نامعلوم افراد نے ایڈووکیٹ کو تشدد کا نشانہ بنا ڈالا اور اس کی گاڑی کو نذرآتش کردی ہے جبکہ واقعے کی اطلاع ملتے ہی پولیس نے تحقیقات شروع کردیں ہیں۔ ایس ایس پی ویسٹ فیصل بشیر میمن نے ٹیم جائے وقوعہ پر روانہ کردی ہے۔ ایڈووکیٹ علی اختر کا کہنا ہے کہ نامعلوم افراد نے خالی پلاٹ میں لے جا کرتشدد کیا۔ فیصل بشیر میمن نے کہا کہ واقعے کی تفصیلات حاصل کی جارہی ہیں۔

    پولیس کا کہنا ہے کہ ایڈووکیٹ کو تھانے لے کرآئے ہیں، اس نے اپنی اسٹیٹ ایجنسی کھولی تھی، اورنگی الطاف نگرمیں لینڈ گریبرز ہیں، جنہوں نے گاڑی کوآگ لگائی ہے۔ مزید بتایا کہ واقعے کامقدمہ درج کیا جارہا ہے کچھ افراد ہیں جن کی شناخت کی ہے اور واقعےمیں ملوث افراد کی گرفتاری کیلئے چھاپے مارےجارہےہیں۔

    جبکہ دوسری جانب کراچی کے علاقے لانڈھی سیکٹر36B میں محمد عثمان بن عفان مدرسہ کے قریب سے خاتون کی برآمد ہونے والی لاش سے متعلق پولیس نے کہا کہ لڑکی کو موٹر سائیکل سے اُتارنے کے بعد لڑکے نے فائرنگ کرکے ہلاک کیا ہے۔ لاش سے متعلق ایس ایس پی کورنگی طارق نواز کا کہنا ہے کہ خاتون کی شناخت نہیں ہو سکی،عینی شاہدین نے بتایا ہے ایک لڑکا موٹر سائیکل پر لڑکی کو لے کر آیا تھا۔
    مزید یہ بھی پڑھیں؛
    وکیل قتل کیس میں چیئرمین پی ٹی آئی کی نامزدگی، سپریم کورٹ کا بینچ دوسری بار تبدیل
    بین الاقوانی شہرت یافتہ صحافی، اینکر پرسن، کالم نگار ، مدیر اور مصنف حامد میر
    کسی صورت تو ظاہر ہو مری رنجش مرا غصہ
    انہوں نے کہا کہ لڑکی کو موٹر سائیکل سے اتارنے کے بعد لڑکے نے اس سے فائرنگ کر کے ہلاک کردیا۔ لڑکی کی عمر30 سال کے قریب ہے اسے پیٹ میں ایک گولی لگی ہے۔ طارق نواز نے مزید کہا کہ جائے وقوعہ سے نائن ایم ایم پستول کے دو خول ملے ہیں، پولیس کی تلاش ایب ڈیوائس کی مدد سے خاتون کی شناخت کی کوشش کی جا رہی ہے۔

  • امریکہ انتخابات منعقد کرانے کے فیصلہ کو خوش آئند قرار دے دیا

    امریکہ انتخابات منعقد کرانے کے فیصلہ کو خوش آئند قرار دے دیا

    امریکا نے کہا ہے کہ چاہتے ہیں پاکستان میں انتخابات آزادانہ اور منصفانہ ہوں۔ ان اصولوں کو ذہن میں رکھتے ہوئے منعقد انتخابات کا مشاہدہ کریں گے جبکہ محکمہ خارجہ میں پاکستان ڈیسک سے منسلک پرنسپل ڈپٹی اسسٹنٹ سیکریٹری آف اسٹیٹ الزبتھ ہورسٹ نے صحافیوں سے بات کرتے ہوئے کہا کہ آئی ایم ایف اور پاکستان کے درمیان قرض کی قسط کا معاہدہ طے پانا ایک خوش آئند اقدام ہے۔

    ایک اور سوال کے جواب میں انہوں نے کہا کہ پاکستان کی موجودہ حکومت کا انتخابات منعقد کرانے کا فیصلہ خوش آئند ہے تاہم پاکستان کی سیاست کے بارے میں پاکستانی عوام کو اپنے قوانین اور آئین کے مطابق فیصلہ کرنا ہے۔ کسی ایک سیاسی جماعت کو دوسری پارٹی پر یا کسی ایک امیدوار کو دوسرے پر ترجیح نہیں دیتے۔ الزبتھ ہورسٹ نے مزید کہا کہ چاہتے ہیں پاکستان میں انتخابات آزادانہ اور منصفانہ ہوں۔ وہ ان اصولوں کو ذہن میں رکھتے ہوئے پاکستان میں منعقد ہونے والے انتخابات کا مشاہدہ کریں گے۔

    پاکستان کی معیشت پر بات کرتے ہوئے پرنسپل ڈپٹی اسسٹنٹ سیکریٹری آف اسٹیٹ نے مزید بتایا کہ 2022 میں امریکی کمپنیوں پاکستان میں غیر ملکی براہِ راست سرمایہ کاری لگ بھگ 250 ملین ڈالر کے برابر رہی۔ گزشتہ دو عشروں میں امریکہ نے پاکستان کو اربوں ڈالر کی امداد فراہم کی۔ یہ غلط تاثر ہے کہ امریکا پاکستان کو بھول گیا ہے۔پاکستان اور امریکا میں 2022ء میں باہمی تجارت کا حجم نو ارب ڈالر رہا ہے جبکہ امریکا نے گزشتہ برس چھ ارب ڈالر کی پاکستانی اشیا درآمد کیں۔

    امریکی اہلکار نے کہا کہ وہ خوش ہیں کہ آئی ایم ایف اور پاکستان اسٹینڈ بائے معاہدے پر پہنچنے میں کامیاب ہوئے ہیں۔ پاکستان آئی ایم ایف کے ساتھ ”میکرو اکنامک“ اصلاحات پر کام کرے جو پائیدار معاشی بحالی کا باعث بنیں۔ بلوچستان اور پشاور میں سکیورٹی فورسز پر حملے سے متعلق پوچھے گئے سوال کے جواب میں انہوں نے کہا کہ حملوں پر افسوس ہے، پاکستان کو بیشتر ملکوں کے مقابلے میں دہشت گردی کی وجہ سے زیادہ نقصان ہوا ہے۔ اس لیے امریکا اور پاکستان انسدادِ دہشت گردی کے خلاف جنگ میں اہم اتحادی ہیں۔
    مزید یہ بھی پڑھیں؛
    وکیل قتل کیس میں چیئرمین پی ٹی آئی کی نامزدگی، سپریم کورٹ کا بینچ دوسری بار تبدیل
    بین الاقوانی شہرت یافتہ صحافی، اینکر پرسن، کالم نگار ، مدیر اور مصنف حامد میر
    کسی صورت تو ظاہر ہو مری رنجش مرا غصہ
    انہوں نے کہا کہ امریکا پاکستان کی تحریک طالبان پاکستان (ٹی ٹی پی) کے خلاف کوششوں کی حمایت کرتا ہے۔ علاقائی سلامتی کو درپیش خطرات اور کالعدم ٹی ٹی پی جیسے گروہوں کی وجہ سے پاکستان کو در پیش خطرات سے نمٹنے کی کوششوں کی حمایت کرتے ہیں۔

  • عمرہ انشورنس پالیسی کیا ہے؟

    عمرہ انشورنس پالیسی کیا ہے؟

    سعودی عرب حج اور عمرہ پر جانے والے غیر ملکی زائرین کے عمرہ ویزہ کی فیس میں انشورینس کی فیس بھی شامل ہوتی ہے۔ چار نوعیت کے حادثات کی صورت میں متاثرہ ویزہ ہولڈر کو امداد فراہم کی جاتی ہے۔ سعودی عرب کی وزارت حج و عمرہ نے واضح کیا ہے کہ عمرہ انشورنس پالیسی بیرون ملک سے آنے والے زائرین کے لیے لازمی ہے۔ یہ ویزا فیس میں شامل ہوتی ہے اور اس کے حاملین کو جامع کوریج فراہم کرتی ہے۔

    اس پالیسی میں صحت کی ہنگامی صورتحال، ہنگامی COVID-19 سے متاثر ہونا، عمومی حادثات اور اموات، جانے والی پروازوں کی منسوخی یا تاخیر کی صورت میں متاثرہ شخص کو مالی امداد دی جاتی ہے۔
    مزید یہ بھی پڑھیں؛
    وکیل قتل کیس میں چیئرمین پی ٹی آئی کی نامزدگی، سپریم کورٹ کا بینچ دوسری بار تبدیل
    بین الاقوانی شہرت یافتہ صحافی، اینکر پرسن، کالم نگار ، مدیر اور مصنف حامد میر
    کسی صورت تو ظاہر ہو مری رنجش مرا غصہ
    وزارت حج نے ایک معلوماتی انفوگرافک میں نشاندہی کی کہ انشورنس دستاویز سے 100,000 ریال تک کی رقم کا فائدہ اٹھایا جا سکتا ہے۔ دوسری جانب مدینہ منورہ میں مسجد نبوی ﷺ کے امور کے ادارہ کے کراؤڈ ڈپارٹمنٹ کے ڈائریکٹر عبداللہ البلادی نے بتایا ہے کہ محکمہ کے پاس ہجوم کے انتظام میں مہارت رکھنے والے 300 سے زیادہ مبصر موجود ہیں۔

    عبداللہ البلادی نے کہا کہ ہجوم کے انتظام کے کام مسجد نبوی کے تمام صحنوں اور اس کی راہداریوں میں پیش آتا ہے۔ مردوں اور خواتین کے لیے پرائیویٹ ہالز کا اہتمام کیا جاتا ہے۔ نمازیوں کی رہنمائی اور گروپ بندی کا آغاز مسجد کے اندر سے ہوتا ہے۔ اس کے بعد نمازیوں کو مسجد کی چھت اور صحنوں میں منظم کیا جاتا ہے۔

  • محمود الرشید کا جیل میں انتقال کی خبر فیک نکلی

    محمود الرشید کا جیل میں انتقال کی خبر فیک نکلی

    سوشل میڈیا پر پاکستان تحریک انصاف کے سینئر رہنما میاں محمود الرشید کے جیل میں انتقال کی خبر سامنے آئی تھی تاہم اس خبر کو خود میاں محمود الرشید نے جعلی قرار دے دیا ہے، علاوہ ازیں جیل حکام کے مطابق میاں محمود الرشید اس وقت ڈسٹرکٹ جیل لاہور میں صحت اور تندرستی کے ساتھ موجود ہیں اور انہیں تمام تر طبی سہولیات مہیا کی جا رہی ہیں۔


    میاں محمود الرشید کو حکومت پنجاب کی منظوری کے بعد 22 جولائی 2023 کو پنجاب انسٹیٹیوٹ آف کارڈیالوجی ”ایکو کارڈیو گرافی“ ٹیسٹ کے سلسلے میں منتقل کیا گیا تھا۔ کنسلٹنٹ پروفیسر کے معائنے کے بعد اسی دن ہی جیل واپس منتقل کر دیا گیا ہے۔ انتقال کے حوالے سے بے بنیاد اور من گھڑت خبریں پھیلائی جا رہی ہیں۔
    مزید یہ بھی پڑھیں؛
    وکیل قتل کیس میں چیئرمین پی ٹی آئی کی نامزدگی، سپریم کورٹ کا بینچ دوسری بار تبدیل
    بین الاقوانی شہرت یافتہ صحافی، اینکر پرسن، کالم نگار ، مدیر اور مصنف حامد میر
    کسی صورت تو ظاہر ہو مری رنجش مرا غصہ

    بعد میں اپنے ایک ویڈیو بیان میں پاکستان تحریک انصاف کے رہنما میاں محمود الرشید نے کہا کہ میں کل پی آئی سی میں اپنے ہارٹ کے ٹیسٹ کے لیے گیا تھا، آج میں شام چھ بجے خیریت کے ساتھ ہوں ۔

  • پاک امریکادفاعی تعلقات کےتناظرمیں جنرل کوریلا پاکستان پہنچ گئے

    پاک امریکادفاعی تعلقات کےتناظرمیں جنرل کوریلا پاکستان پہنچ گئے

    امریکی سنٹرل کمانڈ کے کمانڈر جنرل مائیکل ایریک کوریلا پاکستان پہنچ گئے ہیں جبکہ جنرل مائیکل ایریک کوریلا دوطرفہ دفاعی تعلقات پر بات چیت کریں گے جبکہ پاک امریکادفاعی تعلقات کےتناظرمیں جنرل کوریلا پاکستانی حکام سےملاقاتیں کریں گے اور جنرل مائیکل ایریک کوریلا کا پاکستانی میڈیا نمائندگان سے بھی ملاقات کا امکان ہے۔

    جبکہ واضح رہے کہ اس سے قبل پاکستان کے اس وقت کے آرمی چیف جنرل قمر جاوید باجوہ سے امریکی سینٹ کام کے کمانڈر جنرل مائیکل ایرک کوریلا نے ملاقات کی تھی جب وہ پاکستان کے دورہ پر آئے تھے افواج پاکستان کے شعبہ تعلقات عامہ آئی ایس پی آر کی جانب سے جاری کیے گئے بیان کے مطابق بتایا گیا تھا کہ امریکی سینٹ کام کے کمانڈر جنرل مائیکل ایرک کوریلا نے وفد کے ہمراہ جنرل ہیڈکوارٹرز (جی ایچ کیو) راولپنڈی کا دورہ کیا تھا.

    مزید یہ بھی پڑھیں؛
    وکیل قتل کیس میں چیئرمین پی ٹی آئی کی نامزدگی، سپریم کورٹ کا بینچ دوسری بار تبدیل
    بین الاقوانی شہرت یافتہ صحافی، اینکر پرسن، کالم نگار ، مدیر اور مصنف حامد میر
    کسی صورت تو ظاہر ہو مری رنجش مرا غصہ

    علاوہ ازیں دہشت گردی کے خلاف جنگ میں پاکستانی فوج کی کاوشوں کو مائیکل نے سراہا تھا جبکہ جنرل مائیکل ایرک کوریلا نے راولپنڈی میں آرمی میوزیم کا بھی دورہ کیا تھا جبکہ اب بھی کوریلا مختلف دورے بھی کریں گے جب پاکستانی حکام سے ملاقات بھی کریں جس میں اعلیٰ سطح کے علاوہ میڈیا صحافی اور اہم عہدیداران بھی شامل ہیں.

    تاہم ابھی تک ان کی ملاقات کسی اہم اعلی عہدیدار سے طے نہیں ہوئی ہے.