Baaghi TV

Tag: pakistan

  • ہم پاکستان میں قانون کی حکمرانی چاہتے ہیں. امریکہ

    ہم پاکستان میں قانون کی حکمرانی چاہتے ہیں. امریکہ

    ترجمان امریکی محکمہ خارجہ میتھو ملر کا کہنا ہے کہ پاکستان سمیت پوری دنیا میں قانون کی حکمرانی کےحامی ہیں، واشنگٹن میں ایک پریس بریفنگ کے دوران پاکستان میں انتخابات کی تیاریوں پر ردعمل دیتے ہوئے میتھو ملر نے کہا کہ آزاد میڈیا، آزادی اظہار رائے، اجتماع کی آزادی ہونی چاہیے، یہی تمام اصول جمہوری انتخابات کی بنیاد ہیں جن کی حمایت کرتے ہیں۔

    ترجمان امریکی محکمہ خارجہ کا کہنا تھا کہ پاکستان میں بنیادی جمہوری اصولوں کو سپورٹ کرتے ہیں، البتہ ہم نہ صرف پاکستان بلکہ پوری دنیا میں قانون کی حکمرانی کے حامی ہیں۔ ایک سوال کے جواب میں میتھو ملر نے کہا کہ طالبان اپنے وعدوں پر قائم رہیں ہم اپنے وعدوں پر برقرار ہیں، خطے میں امریکی مفادات کے تحفظ کا حق برقرار رکھیں گے۔

    علاوہ ازیں امریکی ترجمان سے وزیر داخلہ رانا ثناء اللہ کے گزشتہ روز دیے گئے ایک بیان کے تناظر میں سوال کیا گیا، جس میں انہوں نے سابق وزیر اعظم عمران خان کے پرنسپل سیکرٹری اعظم خان کے اس اعتراف کے حوالے سے گفتگو کی تھی کہ عمران خان کا امریکی مداخلت کے بارے میں سائفر کا بیانیہ من گھڑت تھا۔امریکی محکمہ خارجہ کے ترجمان میتھیو ملر نے روزانہ کی پریس بریفنگ کے دوران اس سوال کے جواب میں کہا۔ ’مجھے نہیں معلوم کہ میں اس سوال کا کتنی بار اس پوڈیم سے ایک ہی جواب دے سکتا ہوں جو یہ ہے کہ یہ الزامات بالکل بے بنیاد ہیں۔‘

    جب ایک صحافی نے امریکی ترجمان سے پوچھا کہ امریکا اس مسئلے کے حل کے لیے کچھ کرے گا؟ تو ترجمان نے کہا کہ امریکا پاکستان یا دوسرے کسی ملک میں کسی سیاسی مسئلے میں خود کو ملوث نہیں کرتا۔ ترجمان میتھیو ملر نے کہا، ’امریکا کسی ملک کے اندرونی سیاسی معاملات میں خود کو ملوث نہیں کرتا اور ہم پاکستان یا کسی دوسرے ملک کی سیاسی جماعتوں کا ساتھ نہیں دیتے۔‘ واضح رہے کہ وزیر داخلہ رانا ثناء اللہ نے عمران خان کے قریبی ساتھی اور ان کے دور حکومت میں پرنسپل سیکریٹری اعظم خان کی جانب سے سائفر کے من گھڑت ہونے کے مبینہ اعتراف کو عمران خان کے خلاف چارج شیٹ قرار دیتے ہوئے کہا تھا کہ ان کے خلاف قانونی کارروائی ہونی چاہیے۔

  • بھتہ طلبی پر ایس ایچ او سول لائن کو ساتھیوں سمیت مقدمہ درج کرکے گرفتار کر لیا گیا

    بھتہ طلبی پر ایس ایچ او سول لائن کو ساتھیوں سمیت مقدمہ درج کرکے گرفتار کر لیا گیا

    لاہورمیں ایک شہری سے بھتہ طلب کرنے پرایس ایچ او سول لائن ، سب انسپیکٹراورپرائیویٹ شخص کومقدمہ درج کرکے گرفتار کر لیا گیا ہے جبکہ بھتہ خوری میں ملوث ایس ایچ او، سب انسپکٹر اور پرائیویٹ شخص کیخلاف تھانہ سول لائن میں مقدمہ الزام نمبر1055/23 مجموعہ تعزیزات پاکستان کی دفعہ 384 اور 155 سی کےتحت درج کیا گیا ہے۔

    مدعی مقدمہ کی جانب سے پولیس کو دیئے گئے بیان کے مطابق رواں ماہ کی 17 تاریخ کو سب انسپکٹر اختر حسین میرے پاس ہوٹل میں آیا اور کہا کہ ایس ایچ او شیخ ندیم نے آپ کو بلایا ہے، جس پر میں سب انسپکٹر کے ساتھ چوکی گنگا رام ہسپتال گیا، جہاں پرایس ایچ او اپنی وردی میں موجود تھا۔ شیخ ندیم نے مجھ سے کہا کہ آپ کے ہوٹل میں غلط کاریاں ہو رہی ہیں ، لہذا مجھے 70 ہزار روپے ماہانہ ادا کرو،اور کام کرتے رہو، جبکہ عدم ادا ئیگی پر میں آپ کے ہوٹل پر چھاپہ مار کر آپ کا کاروبار بند کر دوں گا،اگر ہوٹل میں کوئی وقوعہ ہوا تو اس کا مقدمہ بھی آپ کیخلاف ہی درج کروں گا۔

    ایس پی سول لائن حسن جاوید بھٹی کے مطابق بھتہ خوری میں ملوث پولیس اہکاروں کو رنگے ہاتھوں گرفتار کیا گیا ہے۔ انہوں نےبتایا کہ شہری کی شکایت پرسادہ لباس افراد کو ہوٹل کو تعینات کیا گیا، کچھ دیر بعد مذکورہ سب انسپیکڑ بھتے کی رقم وصول کرنے پہنچا، تواس کو بھتے کی رقم وصول کرتے ہوئے گرفتار کر لیا گیا۔ تاہم اس دوران سب انسپیکٹر اخترحسین نے کہا کہ وہ یہ رقم ایس ایچ او شیخ ندیم کے حکم پر وصول کرنے آیا ہے،پولیس نےہوٹل مالک سے لی گئی رقم کے سیریل نمبر نوٹ کیے اور سب انسپیکٹر کو ایس ایچ او کو رقم پہنچانے کا کہا۔

    ایس پی کے مطابق جب مذکورہ سب انسپکٹر بھتے کی رقم ایس ایچ او کو دینے پہنچا تو بھتہ خوری میں ملوث ایس ایچ او سمیت تمام اہلکاروں کو رنگے ہاتھوں گرفتارکر لیا گیا اور ڈی آئی جی آپریشنز لاہور علی ناصر رضوی نے نجی ٹی وی سے گفتگو کرتے ہوئے کہا کہ ملوث اہلکاروں کیخلاف قانونی کارروائی کے ساتھ ساتھ محکمانہ کارروائی بھی کی جا رہی ہے۔ انہوں اس عزم کا اظہار کیاکہ بھتہ خوری میں ملوث اہلکاروں کو محکمہ پنجاب پولیس سے برطرف کرنے کی سفارش کی جائے گی۔

  • ذمہ داری پوری کرنے والے کو نگران وزیراعظم ہونا چاہیے۔ ایاز صادق

    ذمہ داری پوری کرنے والے کو نگران وزیراعظم ہونا چاہیے۔ ایاز صادق

    مسلم لیگ نواز کے مرکزی رہنما اور وفاقی وزیر سردار ایاز صادق کا کہنا ہے کہ عمران خان نے غلط شرط لگائی تھی جسے ہم نے مسترد کر دیا تھا۔ سردار ایاز صادق کا کہنا تھا پرویز خٹک کا یہ کہنا درست ہے کہ تحریک انصاف نے پچھلے ایک سال میں چار مرتبہ سے زیادہ انتخابات کا موقع گنوا دیا کیونکہ چیئرمین تحریک انصاف نئے انتخابات کے بجائے کسی اور میں زیادہ دلچسپی لی.

    جبکہ انہوں نے کہا کہ پی ٹی آئی والے ہم سے بات کرتے تھے تو کہتے تھے پوچھ کر آتے ہیں، پی ٹی آئی والے پوچھنے کے لیے جاتے تھے تو پھر واپس نہیں آتے تھے، پشاور دھماکے پر اے پی سی کے لیے میں نے اسد قیصر اور پرویز خٹک کو فون کیا، ان سے کہا کہ اے پی سی میں آئیں اور دھماکے کی مذمت کریں، میں راستہ نکال کر دوں گا، ہم تحریک انصاف سے بات کرناچاہتے تھے وہ نہیں کرنا چاہتے تھے، ہم صاف شفاف الیکشن اور دہشتگردی کے خلاف مشترکہ کوشش پر متفق تھے، وہ آرمی چیف کی تقرر سے متعلق نام دینا چاہتے تھے جو ہمیں قبول نہیں تھا۔
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    عراق؛ سویڈن سفارتخانہ نذرآتش، قرآن کی بے حرمتی پر سفیر کو نکلنے کا حکم
    عالمگیر ترین کی موت بارے فرانزک رپورٹ جاری
    وفاقی وزیر ایاز صادق نے کہا کہ نگران وزیراعظم کا کردار محدود ہوتا ہے، جو وقت پر ذمہ داری پوری کرے اس کو نگران وزیراعظم ہونا چاہیے۔ انہوں نے کہا کہ نگران وزیراعظم سے متعلق ابھی کسی نام پر بات نہیں ہوئی، نگران وزیراعظم سے متعلق اپوزیشن لیڈر سے مشاورت ہو گی، الیکشن کمیشن تاریخ دے گا اور نگران وزیراعظم انتخابات ممکن بنائے گا، 60 یا 90 دن میں انتخابات ہونے چاہئیں۔ سردار ایاز صادق نے کہا کہ آنے والے عام انتخابات میں آر ٹی ایس نہیں بیٹھے گا، رات دو بجے تک اگر کسی حلقے کا نتیجہ نہیں آتا تو وجوہات پوچھی جائیں گی۔

    ادھر دوسری جانب وزیردفاع خواجہ آصف نے کہا ہےکہ چیئرمین پی ٹی آئی کو سائفر کے سیاسی استعمال کی قیمت چکانا پڑے گی۔ بجی ٹی وی سے گفتگو کرتے ہوئے خواجہ آصف نے کہا کہ سائفرکوسیاسی ساکھ بحال کرنے کیلئے استعمال کرنا گھٹیا حرکت ہے ،چیئرمین تحریک انصاف کواپنی حرکت کی قیمت چکانا پڑے گی ۔

    انہوں نے کہا کہ اپوزیشن کی مشاورت سے نگراں وزیراعظم کیلئے متفقہ نام سامنے لانے کی کوشش ہوگی ،پارلیمنٹ نے ملک کوچارسال کے عذاب سے نجات دلائی ، معیشت کوپوری طرح سہارا تونہیں دے سکے لیکن سمت ضرورمتعین کردی ۔ خواجہ آصف نے کہا کہ ناکامیاں اورچوری چکاری ہمیں ورثے میں ملی،مستحکم حکومت آکر ناکامیاں دورکرے گی۔

  • پاکستان استحکام پارٹی نے عمران خان کے خلاف آرٹیکل 6 لگانے کا مطالبہ کردیا

    پاکستان استحکام پارٹی نے عمران خان کے خلاف آرٹیکل 6 لگانے کا مطالبہ کردیا

    پاکستان استحکام پارٹی نے تحریک انصاف کے چیئرمین عمران خان کے خلاف آرٹیکل 6 لگانے کا مطالبہ کردیا ہے جبکہ فردوس عاشق اعوان نے کہا ہے کہ سائفر کے ساتھ ڈرامہ بازی سامنے آچکی ہے، سابق پرنسپل سیکرٹری اعظم خان کا بیان آیا ہے۔ جبکہ اسلام آباد میں پریس کانفرنس کرتے ہوئے ترجمان پاکستان استحکام پارٹی فردوس عاشق اعوان نے کہا کہ میڈیا میں اعظم خان کا بیان زیربحث ہے، چیئرمین پی ٹی آئی کی شعبدہ بازی اور ڈرامہ بازی سامنے آچکی، جھوٹ کےکوئی پاؤں نہیں ہوتے،جیت سچ کی ہوتی ہے۔

    انہوں نے کہا کہ وزیراعظم ہاؤس میں سیاستدانوں کی بے توقیری کی گئی، سائفر کے نام پر سادہ کاغذ لہرانے کی فلم سب نے دیکھی، اداروں کو ذاتی مقاصد کے لیے کمزور کرنے کی سازش کی گئی۔ ترجمان استحکام پاکستان پارٹی نے مزید کہا کہ اعظم خان کا سکندرِ اعظم کے حوالے سے بیان سامنے آیا ہے، جو چیئرمین پی ٹی آئی کی آنکھیں کھولنے کیلئے کافی ہے، جیسے مکڑی جال بن کر حصار بناتی ہے اعظم خان نے بھی ویسا ہی کیا۔ قوم کو من گھڑت، منفی بے بنیاد پروپگینڈا کا شکار بنایا گیا۔
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    عراق؛ سویڈن سفارتخانہ نذرآتش، قرآن کی بے حرمتی پر سفیر کو نکلنے کا حکم
    عالمگیر ترین کی موت بارے فرانزک رپورٹ جاری
    فردوس عاشق اعوان کا کہنا تھا کہ وزیراعظم ہاؤس میں اداروں کے خلاف سازش ہوتی رہی ہے، پورے گینگ کو آرٹیکل 6 کے تحت کٹہرے میں لایا جائے، ملک سے غداری کرنے والوں کو آئنی شکنجے میں لایا جائے۔

  • سیاسی انتقام کی آگ میں جلنے والوں کو دنیا میں تو جواب مل گیا. وزیر اعظم

    سیاسی انتقام کی آگ میں جلنے والوں کو دنیا میں تو جواب مل گیا. وزیر اعظم

    وزیراعظم شہباز شریف نے احتساب عدالت کی طرف سے منی لانڈرنگ کیس میں بری ہونے پر رد عمل دیتے اپنے ٹوئیٹر پر لکھا کہ "الحمداللہ، لاہور کی احتساب عدالت نے منی لانڈرنگ کے سیاسی انتقام پر مبنی جھوٹے اور بے بنیاد مقدمے میں آج مجھے اور حمزہ شہبازکو بری کردیا.”


    جبکہ انہوں نے مزید لکھا کہ "جس پر اللہ تعالی کا جتنا شکریہ ادا کیا جائے وہ کم ہے۔سیاسی انتقام میں لتھڑا یہ وہی مقدمہ ہے جس میں برطانیہ کی عالمی ساکھ رکھنے والی نیشنل کرائم ایجنسی نے تین ممالک میں 40 سال کا ریکارڈدو سال تک کھنگالا اور کچھ نہ ملنے پر ہمیں کلین چٹ دی تھی۔ برطانیہ کے ڈیلی میل میں ڈیفیڈ کے فنڈز میں غبن کی جھوٹی خبر دانستہ شائع کرائی گئی تھی لیکن اس میں بھی اللہ تعالیٰ نے ہمیں سرخرو کیا اور ڈیلی میل کو معافی مانگنا پڑی۔”

    وزیر اعظم نے اپنی بات کو جاری رکھتے ہوئے کہا "یہ وہی مقدمہ تھا جس میں ناحق مجھے دو مرتبہ گرفتار کیاگیا، حمزہ شہبازکو قید رکھاگیا اور کورونا وبا کے دوران سخت بیمار ہونے کے باوجودحمزہ کو ڈاکٹر کے پاس بھی نہ لیجایا گیا۔ اس کی معصوم بیٹی سے ملنے تک نہ دیا گیا۔ انہوں نے سوال کیا کہ ’واٹس ایپ‘ احتساب ، بدترین میڈیا ٹرائل اور بے گناہی کی قید کا آج کوئی ازالہ ہوسکتا ہے ؟”
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    عراق؛ سویڈن سفارتخانہ نذرآتش، قرآن کی بے حرمتی پر سفیر کو نکلنے کا حکم
    عالمگیر ترین کی موت بارے فرانزک رپورٹ جاری
    وزیر اعظم کے مطابق "سیاسی انتقام کی آگ میں جلنے والوں کو دنیا میں تو جواب مل گیا لیکن انہیں آخری اور سب سے بڑی عدالت میں اس ظلم کا حساب دینا پڑے گا۔ انتقامی اندھیرنگری کے اُس سیاہ دور میں ہمارا ساتھ دینے، ہماری بے گناہی پر اعتماد رکھنے اور ہر جگہ ہمارا حوصلہ بڑھانے والے محسنوں، دوستوں، احباب، وکیلوں اور عوام کا شکریہ ادا کرتا ہوں”

  • کرنٹ لگنے سے واپڈا اہلکار جاں بحق

    کرنٹ لگنے سے واپڈا اہلکار جاں بحق

    لاہور کے علاقے مصری شاہ میں واٹر اینڈ پاور ڈویلپمنٹ اتھارٹی [واپڈا] کا ملازم دوران ڈیوٹی کرنٹ لگنے سے جاں بحق ہو گیا ہےجبکہ ریسکیو 1122 حکام کے مطابق مصری شاہ کے علاقے شریف مارکیٹ تانگے والا چوک سے کرنٹ لگنے کی اطلاع موصول ہوئی تھی جس پر بروقت کاورائی عمل میں لائی گئی۔ انہوں نے بتایا کہ امدادی ٹیم جب جائے حادثہ پہنچی تو ایک شخص بجلی کے کھمبے کے ساتھ چپکا ہوا تھا جسے بجلی کی سپلائی معطل کرنے بعد اتارا گیا جو انتقال کر چکا تھا۔

    خیال رہے کہ متوفی کی لاش کو قانونی کاروائی کے لیے میئو اسپتال منتقل کیا گیا جہاں اس کی شناخت 50 سالہ خالد محمود کے نام سے کی گئی ہے، ڈویژنل سپریٹینڈنٹ آف پولیس {ڈی ایس پی] مصری شاہ سرکل شکیل کھوکھر نے نجی ٹی وی کو بتایا کہ متوفی واپڈا کا ملازم تھا جبکہ شریف مارکیٹ میں بجلی کی فراہمی متاثر ہوئی تھی جس پر شہریوں نے لاہور الیکٹرک سپلائی کمپنی کو شکایت درج کروائی تھی۔
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    عراق؛ سویڈن سفارتخانہ نذرآتش، قرآن کی بے حرمتی پر سفیر کو نکلنے کا حکم
    عالمگیر ترین کی موت بارے فرانزک رپورٹ جاری
    شہریوں کی شکایات کے ازالے کے لیے ایل ای ایس سی کی ٹیم علاقہ مین پہنچی تھی۔ فالٹ دور کرنے کے لیے متوفی جیسے ہی کحمبے پر چڑھا تو بجلی نے اسے اپنی لپیٹ میں لے لیا۔ تاہم جائے حادثہ پر موجود افراد نے متوفی کو بچانے کی کوشش کی مگر وہ ناکام رہے۔ ڈی ایس پی مصری شاہ کا کہنا ہے کہ واقعہ کی تحقیقات کر کے زمہ داران کا تعین کیا جا رہا ہے۔

  • عالمگیر ترین کی موت بارے فرانزک رپورٹ جاری

    عالمگیر ترین کی موت بارے فرانزک رپورٹ جاری

    معروف کاروباری شخصیت اور نئی قائم ہونے والی جماعت استحکام پاکستان پارٹی کے سربراہ جہانگیرترین کے بھائی عالمگیر ترین کی موت فرانزک رپورٹ میں خودکشی ثابت ہوگئی ہے جبکہ پستول اور تحریر بھی عالمگیر ترین کی تھی جس میں انہوں نے اپنی موت بارے لکھا تھا، فرانزک رپورٹ میں ثابت ہوگیا ہے کہ عالمگیر ترین نے خود کشی کی تھی۔

    فرانزک رپورٹ کے مطابق عالمگیر ترین کے گھر سے برآمد ہونے والی پستول پر انگلیوں کے نشانات عالمگیر ترین کے ہی ہیں جبکہ خودکشی سے قبل لکھی گئی تحریر بھی عالمگیر ترین کی ہے۔ تاہم یاد رہے کہ 6 جولائی کو جہانگیر ترین کے بھائی عالمگیر ترین نے پستول سے اپنے سر میں گولی مار کر خودکشی کرلی تھی۔ عالمگیر ترین کی پوسٹ مارٹم رپورٹ میں بتایا گیا تھا کہ عالمگیر ترین کی دائیں کنپٹی پر ایک گولی لگی تھی، کنپٹی پر لگنےوالی گولی آرپار ہوئی جس سے ان کی موت سرزد ہوئی تھی۔

    رپورٹ میں یہ بھی بتایا گیا تھا کہ عالمگیر ترین کے جسم کے اندرونی تمام حصے تندرست ہیں، گولی لگنے سے کھوپڑی فریکچر ہوئی جو موت کا سبب بنی، جسم پر تشدد کے کوئی نشانات موجود نہیں تھے۔ رپورٹ کے مطابق موت زیادہ خون بہہ جانے کے باعث واقع ہوئی، گولی لگنے سے دماغ کے ٹشو بری طرح متاثر ہوئے اور گولی دائیں جانب لگ کر بائیں جانب سے پار ہوئی۔
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    پولیس ذرائع کا کہنا تھا کہ عالمگیر ترین لاہور کے علاقے گلبرگ میں واقع اپنے اپارٹمنٹ میں موجود تھے، وہاں سے اطلاع ملنے پر پولیس پہنچی۔ ابتدائی تفتیش کے مطابق کمرے سے گولی کا ایک خول ملا ہے، سر کے دائیں طرف گولی کا نشان موجود ہے۔ تفتیش میں معلوم ہوا کہ عالمگیر ترین نے صبح 6 سے 7 بجے کے درمیان خودکشی کی، پولیس ذرائع کے مطابق عالمگیر ترین کی لاش فلیٹ کے کمرہ نمبر 3 سے ملی ہے، لاش کے پاس پستول موجود تھا اور ان کے 2 ملازم فلیٹ میں موجود نہیں تھے۔

  • بچوں کی سمگلنگ اور چائلڈ لیبر کیخلاف نیشنل ڈائیلاگ

    بچوں کی سمگلنگ اور چائلڈ لیبر کیخلاف نیشنل ڈائیلاگ

    غیر سرکاری تنظیم ایس ایس ڈی او کے زیراہتمام امریکی سٹیٹ ڈیپارٹمنٹ کے اشتراک سے بچوں کی سمگلنگ اور چائلڈ لیبر کے خاتمے کے حوالے سے نیشنل ڈائیلاگ کا انعقاد

    نیشنل ڈائیلاگ میں امریکی دفتر خارجہ کے نمائندوں، پارلیمنٹیرینز، ایف آئی اے، پولیس اور لیبر ڈیپارٹمنٹ کے اعلی افسران، صحافیوں اور سول سوسائٹی کے نمائندوں کا اظہار خیال جبکہ بچوں کی سمگلنگ کی روک تھام کے لئے نیشنل ڈائیلاگ میں مستقبل کا لائحہ عمل طے، بچوں کی سمگلنگ اور چائلڈ لیبر کے خاتمے کے حوالے سے حکومتی اور غیر سرکاری سطح پر کئے جانے والے اقدامات کا جائزہ لینے اور تجاویز کے تبادلہ خیال کے لئے غیرسرکاری تنظیم (ایس ایس ڈی او) نے امریکی سٹیٹ ڈیپارٹمنٹ کے اشتراک سے نیشنل ڈائیلاگ کا اہتمام کیا۔
    نیشنل ڈائیلاگ کے شرکاء نے بچوں کی سمگلنگ روکنے کے لئے سٹیک ہولڈرز کے درمیان رابطے کو مضبوط بنانے اور سمگلنگ کے شکار بچوں کے تحفظ اور ان کی بحالی کے لئے موثر اقدامات اٹھانے کی ضرورت پر زور دیا۔

    واضح رہے کہ جون 2023 میں امریکا کے سیکرٹری آف سٹیٹ نے انسانی سمگلنگ کے خاتمے کے لئے پاکستان بھرمیں نمایاں کارکردگی دکھانے والے افسر ظہیر احمد کو ٹی آئی پی رپورٹ ہیرو ایوارڈ سے نوازا۔ بطور ڈائریکٹر ایف آئی اے اینٹی ہیومن سمگلنگ یونٹ ظہیر احمد کے شاندار اقدامات کی بدولت 2022 میں پاکستان کی ٹی آئی پی ٹائیر واچ لسٹ میں نمایاں بہتری آئی۔ سیکرٹری بلنکن نے 2023 میں ٹی آئی پی رپورٹ لانچ کرنے کی تقریب کے موقع پر ظہیر احمد کو انعام سے نوازا۔

    بچوں کی سمگلنگ روکنے اور چائلڈ لیبر کے خاتمہ کے لئے منعقدہ نیشنل ڈائیلاگ کے شرکاء سے خطاب کرتے ہوئے وزیراعظم کے خصوصی مشیر فیصل کریم کنڈی نے کہا کہ بچوں کی سمگلنگ روکنے کے لئے پسماندہ اضلاع میں غربت کا خاتمہ کیا جانا ضروری ہے کیونکہ بیشتر والدین غربت سے تنگ آکر خود ہی اپنے چھوٹے بچوں سے مزدوری کراتے ہیں، فیصل کریم کنڈی نے کہا کہ بچوں کی سمگلنگ اور چائلڈ لیبر کے خاتمے کے ایس ایس ڈی او کی طرف سے نیشنل ڈائیلاگ کا انعقاد قابل تعریف ہے۔ فیصل کریم کنڈی نے اس عزم کا اظہار کیا کہ حکومتی سطح پر تمام وسائل بروئے کار لاکر بچوں کی سمگلنگ، چائلد لیبر کے خاتمے اور ان کے حقوق کا تحفظ یقینی بنایا جائے گا۔

    نیشنل ڈائیلاگ کے شرکاء سے خطاب کرتے ہوئے( ایس ایس ڈی او) کے ایگزیکٹیو ڈائریکٹر سید کوثر عباس نے کہا کہ پاکستان سے چائلڈ لیبر اور بچوں کی سمگلنگ کا خاتمہ یقینی بنانے کے لئے ضروری ہے کہ تمام ذمہ دار ادارے مشترکہ طور پر کوشش کریں اور اس نیشنل ڈائیلاگ کے انعقاد کا مقصد اس سلسلے میں تمام سٹیک ہولڈرز کو باہمی تبادلہ خیال کے لئے موقع فراہم کرنا ہے۔ سید کوثر عباس نے کہا کہ بچوں کی سمگلنگ اس وقت پاکستان میں انسانی حقوق کی خلاف ورذیوں کی سب سے بدتر مثال ہے۔ انہوں نے کہا کہ نیشنل ڈائیلاگ کا مقصد ہے کہ ہم شرکاء کے تجربات اور تجاویز کی روشنی میں سائنسی اور تحقیقی بنیادوں پر ایسا ڈیٹا اکٹھا کرکے پالیسی مرتب کرسکیں جو بچوں کی سمگلنگ کی روک تھام میں معاون ثابت ہو۔

    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    نیشنل ڈائیلاگ کے شرکاء سے خطاب کرتے ہوئے چیئرپرسن پنجاب چائلڈ پروٹیکشن بیورو، چیئرپرسن نیشنل کمیشن چلڈرن رائٹس، ایڈیشنل ڈائریکٹر جنرل ایف آئی اے، ڈائریکٹر جنرل نیشنل پولیس بیورو، امریکی سٹیٹ ڈیپارٹمنٹ کے نمائندہ مسٹر براڈ پارکر نے بھی بچوں کی سمگلنگ اور چائلڈ لیبر کے خاتمے کے حوالے سے گفتگو کی۔

    نیشنل ڈائیلاگ کے شرکاء کو چار گروپس میں تقسیم کرکے ان سے تجاویز لی گئیں۔ قانون نافذ کرنے والے اداروں کے نمائندوں پر مشتمل گروپ نے تجویز پیش کی کہ بچوں کی سمگلنگ کے کیسز کی شفاف رپورٹنگ، سائبر کرائم کنٹرول کرنے کے لئے وسائل کو بہتر بنانے اور ٹریفکنگ میں ملوث بنیادی کرداروں کی نشاندہی ضروری ہے۔ بچوں کے حقوق کے لئے کام کرنے والی تنظیموں کے نمائندوں پر مشتمل گروپ نے تجویز پیش کی کہ بچوں کے تعلیمی نصاب اور ٹی وی کے ذریعے بچوں کو سمگلنگ کے حوالے سے آگاہی فراہم کرنے کی ضرورت ہے۔ پالیسی میکرز اور قانون سازوں پر مشتمل گروپ نے تمام صوبوں میں بچوں کے حقوق کے تحفظ کے لئے الگ عدالتیں بنانے کی ضرورت پر زور دیا۔ میڈیا اور سول سوسائٹی کے نمائندوں پر مشتمل گروپ کے نمائندوں نے تجویز پیش کی کہ انسانی سمگلنگ کے حوالے سے بچوں کو آگاہی فراہم کرنے کی ضرورت ہے جبکہ مدارس کی نگرانی سے بھی اس مسئلے پر قابو پانے میں مدد مل سکتی ہے۔

  • یونان کشتی حادثہ: ڈی این اے کے بعد میتوں کو پاکستان بھیجا جائے گا

    یونان کشتی حادثہ: ڈی این اے کے بعد میتوں کو پاکستان بھیجا جائے گا

    یونان کے کشتی حادثہ میں جاں بحق ہونے والے افراد کے ڈی این اے کی تصدیق ہونے کے بعد 14 میتوں کو پاکستان بھیجنے کا سلسلہ شروع ہو جائے گا جبکہ کشتی حادثہ میں جاں بحق افراد کی میتیں 19 جولائی سے پاکستان جانا شروع ہوں گی اور 23 جولائی تک 14 میتوں کو پاکستان روانہ کر دیا جائے گا۔

    میتیں بھیجنے کے ترتیب وار سلسلے میں پہلے 4، پھر 4، پھر 2، پھر 2، پھر 2 میتیں روانہ کی جائیں گی، جبکہ 3 باڈیز اسلام آباد اور 11 لاہور جائیں گی۔ ٹوٹل 14 ڈیڈ باڈیز بھیجی جائیں گی، 15 ویں ڈیڈ باڈی کی تاحال ابھی تک روانگی کیلئے کنفرم نہیں ہے۔ تمام میتیں قطر ائیرویز کے ذریعے پاکستان روانہ کی جائیں گی جس کے تمام اخراجات حکومت پاکستان ادا کر رہی ہے۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    لاہور ائیرپورٹ اور اسلام آباد ائیرپورٹ سے میتوں کو ان کے لواحقین وصول کریں گے، جنہیں ایمبولینس کے ذریعے ان کے آبائی گاؤں یا شہروں میں بھیجا جائے گا جس کا بندوبست بھی حکومت پاکستان نے کیا ہے۔

  • عمران خان سیکریٹ ایکٹ کی خلاف ورزی پر نااہل ہوسکتے. مفتاح اسماعیل

    عمران خان سیکریٹ ایکٹ کی خلاف ورزی پر نااہل ہوسکتے. مفتاح اسماعیل

    سابق وفاقی وزیر خزانہ مفتاح اسماعیل کا کہنا ہے کہ چیئرمین پی ٹی آئی کو سیکریٹ ایکٹ کی خلاف ورزی پر نااہل قرار دیا جاسکتا ہے، مگر ان کے خلاف 190 ملین پاؤنڈ اور توشہ خانہ جیسے سنگین مقدمات بھی ہیں، جن میں ان کو سزا ہوسکتی ہے اور پھر آنے والی حکومت کو آئی ایم ایف کا ایک اور پروگرام لینا ہوگا، آئی ایم ایف پروگرام سے معاشی اصلاحات کا موقع ملتا ہے۔ نجی ٹی وی سے گفتگو کرتے ہوئے ان کا مزید کہنا تھا کہ سابق امریکی صدر ڈونلڈ ٹرمپ کے خلاف سکریٹ ایکٹ کیس چل رہا ہے، سائفر بھی ایک خفیہ ڈاکومنٹ ہوتا ہے۔

    مفتاح اسماعیل کا یہ بھی کہنا تھا کہ امریکا پاکستان کا پر خلوص دوست نہیں، امریکا پاکستان سے اپنے مفاد کے لیے تعلقات رکھتا ہے، کوئی پاکستان کے اندرونی معاملات میں مداخلت نہیں کرسکتا، یہ کہنا درست نہیں کہ امریکا نے حکومت تبدیل کرادی ہے۔ عمران خان سے متعلق سوال پر سابق وزیر خزانہ کا کہنا تھا کہ پی ٹی آئی نے امریکا میں لابی کمپنی ہائر کی ہوئی ہے، پی ٹی آئی نے امریکا سے تعلقات بنانے کی کوشش بھی کی، چیئرمین پی ٹی آئی کا رجیم چینج کا دعویٰ غلط تھا، چیئرمین پی ٹی آئی کے خلاف 190ملین پاؤنڈ کا مضبوط کیس ہے، یہ کہتے تھے کہ میرے علاوہ سب کرپٹ لوگ ہیں۔

    انہوں نے مزید کہا کہ پی ٹی آئی حکومت میں کرپشن ختم نہ ہوئی اور کچھ اچھا نہ ہوا، ان کی اہلیہ نے جیولری لی، کہا گیا آڈیو ٹیپ جعلی ہے، چیئرمین پی ٹی آئی نے توشہ خانہ کی گھڑی بیچی، 2 کروڑ روپے ادا کرکے گھڑی 20 کروڑ میں بیچی گئی۔ مفتاح اسماعیل نے کہا کہ 190 ملین پاؤنڈ، توشہ خانہ اور 9 مئی کے مقدمات اہم ہیں، عمران خان کے دعوے پی ٹی آئی والے بھی تسلیم نہیں کرتے، پی ٹی آئی کا ووٹر جانتا ہے کہ سائفر کوئی سازش نہیں، آفیشل سیکریٹ ایکٹ پر یہ نااہل ہوسکتے ہیں۔

    نجی ٹی وی کے مطابق ن لیگ کے رہنما نے کہا کہ فواد حسن فواد ڈھائی سال تک بے گناہ جیل میں رہے، فواد حسن فواد آج بھی کہتے ہیں کہ نوازشریف نے کچھ نہیں کیا، فواد حسن فواد پر بھی بہت دباؤ تھا علاوہ ازیں انہوں نے مزید کہا پی آئی اے خسارے میں ہے، چوری نہیں روک سکتے، پی آئی اے کی نجکاری سے آئی ایم ایف نے نہیں روکا، آئی ایم ایف کی شرائط کڑوا سچ ہیں، آئی ایم ایف کا کہنا ہے کہ ایکسچینج ریٹ ایک ہونا چاہیئے۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    ان کا کہنا تھا کہ غریب مہنگائی سے پس رکھے ہیں، قیمتوں میں اضافے کا بوجھ عوام پر ڈالنا مجبوری ہے، مہنگائی کا بوجھ حکومت خود نہیں اٹھاسکتی، آئی ایم ایف پروگرام کے ٹریک پر رہنے سے بہتری ہوگی، ہمیں آئی ایم ایف کے ایک اور پلان میں جانا ہوگا، نئی حکومت کو آئی ایم ایف پروگرام میں جانا پڑے گا۔ آئی ایم ایف پروگرام سے معاشی اصلاحات کا موقع ملا ہے۔ انتخابات کے حوالے سے سابق وفاقی وزیر مفتاح اسماعیل کا کہنا تھا کہ عام انتخابات نومبر میں ہوجائیں گے۔