Baaghi TV

Tag: pakistan

  • 14 جولائی سارہ خان کا یوم پیدائش

    14 جولائی سارہ خان کا یوم پیدائش

    سارہ خان ایک پاکستانی اداکارہ ہیں جو اکثر اردو زبان کی ٹیلی ویژن سیریز میں دکھائی دیتی ہیں۔ سارہ خان نے ٹی وی اسکرین پر جلوہ گر ہونے کی شروعات 2012ء میں ہم ٹی وی کے ٹیلی ویژن سیریل بڑی آپا میں معاون کردار سے کی تھی اور پھر اس کی پیروی کئی کامیاب ٹیلی ویژن سیریز میں مختصر کرداروں کے ساتھ کی ۔

    وہ مومل پروڈکشن کے تیار کردہ رومانٹک ڈراما الوداع (2015ء) میں ایک خود غرض موقع پرست کے کردار سے نمایاں ہوگئیں۔ اس کے بعد سارہ خان نے اسرار ڈراما محبت آگ سی (2015ء) میں گھریلو خاتون کا کردار ادا کیا، جس پر انہیں بہترین معاون اداکارہ کا ہم ایوارڈ بھی ملا۔ سارہ خان جو اب سارہ فلک شبیر ہیں 14 جولائی 1992 کو مدینہ منورہ میں پیدا ہوئیں تھیں۔سارہ خان کی والدہ ایک لبنانی خاتون تھیں۔سارہ خان نے اپنی زندگی کے ابتدائی 10 سال مدینہ منورہ میں گزارے ہیں

    سارہ خان نے 16 جولائی 2020ء کو پاکستانی گلوکار اور گیت کار فلک شبیر سے شادی کی۔فلک اور سارہ کی ملاقات لاہور میں ایک برائڈل فیشن ویک کے دوران ہوئی تھی جہاں فلک نے سارہ کو شادی کی پیشکش کی تھی۔ اس وقت تو سارہ نے نہ کر دی لیکن پھر فلک سارہ کے والد کے پاس ان کا ہاتھ مانگنے پہنچ گئے۔ سارہ خان نے اپنی اداکاری کا آغاز 2012ء میں معاون کردار کے طور پر کیا ، بڑی آپا جو ہم ٹی وی پر نشر کیا گیا ، جہاں انہوں نے مرکزی کرداروں کی بیٹی کا کردار ادا کیا۔ اس کے بعد وہ مرتہ العروس میں نظر آئیں جو اسی سال جیو ٹی وی پر نشر کی گئی۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا
    انہوں نے مہوش حیات ، میکال ذو الفقار، احسن خان، ثمینہ احمد اور عائشہ خان کے ساتھ ہمنا کا نمایاں کردار ادا کیا۔ اس کے بعد انھوں نے صنم جنگ اور عمران عباس نقوی کے ساتھ رومانٹک ڈراما الوداع میں 2015ء میں ایک خود غرض موقع پرست کا منفی کردار کے ادا کیا جو ہم ٹی وی پر ڈراما نشر کیا گیا تھا۔ اسی سال، انھوں نے ڈراما محبت آگ سی میں عمدہ اداکاری کی اور معاون کردار میں بہترین اداکارہ کا ایوارڈ حاصل کیا۔ اس کے بعد انہوں نے رومانٹک ڈراما تمارے ہیں ، کالے جادو پر مبنی رومانوی نظر بد (دونوں 2017ء) اور ہارر ڈراما بیلاپور کی دیان (2018ء) میں اہم کردار پیش کرنے پر وسیع پیمانے پر شناخت اور عوامی تعریف حاصل کی ، جس میں سے آخری ڈراما پر ہم ایوارڈ میں بہترین اداکارہ کی نامزدگی حاصل کی۔ اسرار ڈراما بند کھڑکیاں (2018ء) میں ان کی اداکاری کے لیے مزید تعریف ہوئی۔

  • آرمی چیف کا کوئٹہ گیریژن دورہ؛ افغانستان میں ٹی ٹی پی کی محفوظ پناہ گاہوں پر شدید تشویش

    آرمی چیف کا کوئٹہ گیریژن دورہ؛ افغانستان میں ٹی ٹی پی کی محفوظ پناہ گاہوں پر شدید تشویش

    آرمی چیف کا کوئٹہ گیریژن دورہ؛ افغانستان میں ٹی ٹی پی کی محفوظ پناہ گاہوں پر شدید تشویش

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے کوئٹہ گیریژن کا دورہ کیا ہے جہاں انہیں ژوب میں ہونے والے حالیہ دہشت گردانہ حملے پر بریفنگ دی گئی جبکہ اس موقع پر پاک فوج کے سربراہ جنرل عاصم منیر نے شہداء کو خراج عقیدت پیش کیا۔ آئی ایس پی آر کے مطابق آرمی چیف نے زخمیوں کی عیادت کے لیے سی ایم ایچ کوئٹہ کا بھی دورہ کیا جہاں انہوں نے زخمی جوانوں کی عیادت کی اور جنرل سید عاصم منیر نے جوانوں کے عزم اور استقلال کی تعریف کی۔


    ترجمان پاک فوج کی جانب سے کہا گیا کہ افغانستان میں ٹی ٹی پی کی محفوظ پناہ گاہوں اور انہیں دہشت گردانہ کاروائیوں کی اجازت ہونے پر افواج پاکستان کو شدید تشویش ہے، امید کرتے ہیں کہ افغان عبوری حکومت کسی ملک کے خلاف اپنی سرزمین کو دہشت گردی کے لیے استعمال ہونے کی اجازت نہیں دے گی۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا
    آئی ایس پی آر نے مزید کہا کہ افغان عبوری حکومت کو دوحہ میں ہونے والے معاہدے پر عملدرآمد کرنا چاہیئے۔ ترجمان پاک فوج کی جانب سے یہ بیان بدھ کو بلوچستان میں پاکستانی سیکیورٹی فورسز کے خلاف 2 دہشت گردانہ حملوں کے تناظر میں سامنے آیا ہے۔ جب ژوب اور سوئی میں حملوں میں 12 فوجی شہید ہوئے تھے۔

  • بینظیر کفالت کے تحت 75 لاکھ مستحقین میں 68 ارب روپے تقسیم

    بینظیر کفالت کے تحت 75 لاکھ مستحقین میں 68 ارب روپے تقسیم

    بینظیر کفالت کے تحت 75 لاکھ مستحقین میں 68 ارب روپے سے زائد کی رقم تقسیم کی جاچکی ہے

    ترجمان بینظیر انکم سپورٹ پروگرام کے مطابق اب تک بی آئی ایس پی کے تحت مالی سال 23-2022 کی بینظیر کفالت کی چوتھی سہ ماہی قسط کی ادئیگی جاری ہے اور اب تک 75 لاکھ سے زائد مستحق خواتین میں 68 ارب روپے سے زائد کی رقم تقسیم کی جا چکی ہے۔
    بینظیر کفالت کے تحت 90 لاکھ رجسٹرڈ گھرانوں کو 9000 روپے فی خاندان ادا کئے جارہے ہیں۔ بینظیر انکم سپورٹ پروگرام اپنے پارٹنر بینکوں، یعنی بینک الفلاح اور حبیب بینک لمیٹڈ (HBL) کو 81 ارب روپے سے زائد کی رقم جاری کر چکا ہے۔

    پروگرام کے ترجمان نے کہا کہ بینظیر کفالت کے علاوہ رجسٹرڈ خاندانوں کے بچوں کو بھی بینظیر تعلیمی وظائف دیے جا رہے ہیں، تاہم تعلیمی وظائف کے حصول کے لیے سکول میں 70 فیصد حاضری لازمی ہے۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا

    علاوہ ازیں یہ بھی کہا گیا کہ کسی بھی شکایت کی صورت میں مستحق افراد بی آئی ایس پی کے قریبی تحصیل دفاتر سے رجوع کر سکتے ہیں یا بینظیر انکم سپورٹ پروگرام کے ٹول فری ہیلپ لائن نمبر 080026477 پر کال کر سکتے ہیں۔ بی آئی ایس پی کے ترجمان نے اس بات کا اعادہ کیا کہ بینظیر انکم سپورٹ پروگرام کا کوئی بھی پیغام صرف 8171 سے بھیجا جاتا ہے اس کے علاوہ کسی دوسرے نمبر سے آنے والے پیغامات پر بھروسہ نہ کیا جائے۔

  • فیاض الحسن چوہان کا عمران خان کے ملک مخالف اقدامات بے نقاب کرنے کا اعلان

    فیاض الحسن چوہان کا عمران خان کے ملک مخالف اقدامات بے نقاب کرنے کا اعلان

    استحکام پاکستان پارٹی کے رہنماء اور پی ٹی آئی کے سابق رہنماء و عمران خان کے ساتھی فیاض الحسن چوہان نے چیئرمین تحریک انصاف عمران خان کے ملک مخالف تمام اقدامات بے نقاب کرنے کا اعلان کرتے ہوئے کہا ہے کہ چیئرمین پی ٹی آئی عمران خان کے جس جس اقدام سے پاکستان کو نقصان پہنچا ہے میں اسے بے نقاب کروں گا۔

    علاوہ ازیں انہوں نے کہا کہ چیئرمین پی ٹی آئی کا آئی ایم ایف معاہدہ توڑ کر پاکستان کو ڈیفالٹ کرانے کا پلان تھا، اسرائیل سے گٹھ جوڑ بھی اس میں شامل تھا جبکہ فیاض الحسن چوہان نے کہا کہ ریاست نے اس پاکستان دشمن تحریک کو سختی کچلا تو آئی ایم ایف کو پتہ چل گیا کہ اب پاکستان سے معاہدہ کرنا ہی پڑے گا۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں

    جبکہ دوسری جانب : استحکام پاکستان پارٹی (آئی پی پی) نے عام انتخابات ’عقاب‘ کے نشان پر لڑنے کا فیصلہ کیا ہے، جس کے لیے الیکشن کمیشن میں جلد درخواست دائر کی جائے گی۔ آئی پی پی کی مرکزی ترجمان فردوس عاشق اعوان نے بتایا کہ استحکام پاکستان پارٹی کی رجسٹریشن اور انتخابی نشان کے لیے الیکشن کمیشن میں جلد درخواست دائر کی جائے گی۔

    انہوں نے بتایا کہ پارٹی نے عقاب کے نشان پر الیکشن لڑنے کا فیصلہ کیا ہے جس کے لیے الیکشن کمیشن سے استدعا کریں گے۔ تاہم واضح رہے کہ الیکشن کمیشن نے قانون کے مطابق سیاسی جماعتوں سے انتخابی نشان الاٹ کرنے کے حوالے سے درخواستیں وصول کرلی ہیں جن پر چند روز میں آئینی طریقہ کار کے تحت فیصلہ کیا جائے گا۔

  • آئی سی سی نے مینز اور ویمنز کرکٹ ٹیموں کیلئے یکساں انعام کا اعلان

    آئی سی سی نے مینز اور ویمنز کرکٹ ٹیموں کیلئے یکساں انعام کا اعلان

    انٹرنیشنل کرکٹ کونسل نے مینز اور ویمنز کرکٹ ٹیموں کے لیے یکساں انعامی رقم کا اعلان کردیا ہے جبکہ مینز اور ویمنز کرکٹ ٹیموں کے لیے یکساں انعامی رقم کا اعلان ڈربن میں آئی سی سی کی سالانہ میٹنگز کے دوران کیا گیا ہے ۔ آئی سی سی ٹورنامنٹس کی فاتح، رنراپ مینز اور ویمن ٹیموں کو برابر انعامی رقم ملا کرے گی۔

    خیال رہے کہ آئی سی سی کے ہرممبر کی فنڈنگ میں خاطر خواہ اضافہ کردیا گیا ہے اور اس سے اب تمام ممبران کو یکساں بنیاد کی تقسیم پر فنڈز ملیں گے۔ آئی سی سی نے ٹیسٹ کرکٹ میں سلو اوور ریٹ کی پابندیوں میں ترمیم کی توثیق کردی۔ موجودہ ورلڈ ٹیسٹ چیمپیئن شپ سائیکل کے آغاز سے نئے اوور ریٹ قوانین لاگو ہوں گے، کھلاڑیوں کو ان کی میچ فیس کے 5 فیصد کے برابر جرمانہ عائد کیا جائے گا، اوور ریٹ کی زیادہ سے زیادہ سزا 50 فیصد میچ فیس کا حصہ ہوگا۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    تاہم واضح رہے کہ حال ہی میں انڈیا کی ٹیم کے پلیئرز پر پوری 100 فیصد میچ فیس کا جرمانہ عائد کر دیا گیا تھا۔ آئی سی سی اعلامیے کے مطابق کسی ٹیم کے 80 اوور تک پہنچنے سے پہلے ہی آؤٹ ہونے پر اوور ریٹ جرمانہ نہیں ہوگا۔ آئی سی سی کے مطابق نئے ایونٹس کے لیے اب کم از کم 7 مقامی کھلاڑیوں کو رکھنے کی شرط ہوگی، آرگنائزنگ ممبر بورڈ کسی کھلاڑی کے ہوم بورڈ کو شرکت کی فیس بھی ادا کرے گا۔

  • امریکہ کا آئی ایم ایف پروگرام کی منظوری کا خیرمقدم

    امریکہ کا آئی ایم ایف پروگرام کی منظوری کا خیرمقدم

    سماجی رابطے کی ویب سائٹ ٹویٹر پر امریکی وزیر خارجہ انٹونی بلنکن نے لکھا کہ ہم اس مشکل وقت میں پاکستانی عوام کے شانہ بشانہ کھڑے ہیں اور بین الاقوامی مالیاتی فنڈ (آئی ایم ایف) کی جانب سے پاکستان کی مدد کے لیے ایک پروگرام کی منظوری کا خیرمقدم کرتے ہیں۔ جبکہ انہوں نے مزید کہا کہ ہم پاکستان پر زور دیتے ہیں کہ وہ میکرو اکنامک اصلاحات اور پائیدار معاشی بحالی کے لیے عالمی مالیاتی ادارے کے ساتھ کام جاری رکھے۔


    خیال رہے کہ گزشتہ روز عالمی مالیاتی ادارے نے پاکستان کے ساتھ ہونے والے سٹینڈ بائی ارینجمنٹ معاہدے کی منظوری دیدی تھی۔ 9 ماہ کے لیے پاکستان کو تین ارب ڈالر دیئے جانے ہیں جس کی پہلی قسط آج پاکستان کو موصول ہو چکی ہے۔ پاکستان اور آئی ایم ایف کے درمیان معاہدے کی بحالی سے قبل وزیر خزانہ اسحاق ڈار نے متعدد بار امریکی سفیر ڈونلڈ بلوم سے ملاقات کی تھی جس میں استدعا کی گئی تھی کہ امریکا آئی ایم ایف معاہدے کی بحالی کےلیے اپنا کردار ادا کرے۔

    اس سے قبل امریکی محکمہ خارجہ کے ترجمان میتھیو ملر نے اشارہ دیا ہے کہ امریکا نے بھی آئی ایم ایف کے ساتھ قرض کے انتظامات کو جاری رکھنے کے لیے پاکستان کی کوششوں کی حمایت کی۔ واشنگٹن میں نیوز بریفنگ کے دوران امریکی ترجمان کا کہنا تھا کہ میں جو کہوں گا وہ یہ ہے کہ ہم اس مشکل وقت میں پاکستانی عوام کے ساتھ کھڑے ہیں، ہم آئی ایم ایف اور پاکستان کے درمیان عملے کی سطح کے معاہدے تک پہنچنے کی پیش رفت کا خیر مقدم کرتے ہیں۔ملک کی اقتصادی کامیابی کے لیے ہماری حمایت غیر متزلزل ہے اور ہم تکنیکی مصروفیات کے ذریعے پاکستان کے ساتھ رابطے جاری رکھیں گے اور اپنے تجارتی و سرمایہ کاری کے تعلقات کو مستحکم کرتے رہیں گے۔پاکستان کو معاشی بحالی اور خوشحالی کے طویل المدتی پائیدار راستے پر گامزن ہونے کے لیے بہت زیادہ محنت کرنی ہے، ساتھ ہی یقین دلایا کہ ہم اس عمل میں ان کے ساتھ کھڑے رہیں گے۔

    پشاور میں آج تقریب سے خطاب کرتے ہوئے امریکی سفیر ڈونلڈ بلوم نے کہا کہ امریکا پاکستان کے ساتھ تجارت کا مزید فروغ چاہتا ہے، پاکستان معاشی بحران سے گزر رہا ہے، جس سے نکلنے کے لیے ہماری نیک خواہشات ہیں، آئی ایم ایف سے اسٹینڈ بائی معاہدہ پر پاکستان کو مبارک باد پیش کرتا ہوں۔

  • کے پی میں بچوں کا کوئی ہسپتال نہیں، سینیٹ کمیٹی میں انکشاف

    کے پی میں بچوں کا کوئی ہسپتال نہیں، سینیٹ کمیٹی میں انکشاف

    سینیٹ کی قائمہ کمیٹی صحت میں انکشاف ہوا ہے کہ خیبر پختونخوا میں بچوں کیلئے سرے سے کوئی ہسپتال ہی موجود نہیں، جس کے بعد فنڈز کی جلد فراہمی کیلئے وزارت خزانہ کو خط لکھنے کی ہدایت کردی گئی ہے جبکہ نجی ٹی وی کےمطابق سینیٹ کی قائمہ کمیٹی صحت میں کمیٹی رکن مہرتاج نے نشاندہی کی کہ خیبرپختونخوا میں بچوں کیلئے سرے سے کوئی ہسپتال ہی موجود نہیں، مہر تاج کی نشاندہی پر کمی نے تشویش کا اظہارکرتے ہوئے فنڈز کی جلد فراہمی کیلئے وزارت خزانہ کو خط لکھنے کی ہدایت کردی گئی ۔

    کمیٹی اجلاس میں اسلام آباد آئسولیشن اور وبائی ٹریٹمنٹ سینٹرمیں موجود پچاس وینٹیلیٹرزاورڈھائی سو بیڈز سے متعلق سوال پرای ڈی پمزنے بتایاکہ وہاں صرف او پی ڈی ہو رہی ہے جس پرچیئرمین نے وزارت صحت حکام کو اسپتال کی شفٹ یا کوئی متبادل منصوبہ پیش کرنے کیلئے ایک ماہ کا وقت دے دیا ۔ اجلاس میں پمزاسپتال میں ایم آر آئی مشین کی تنصیب سے متعلق بتایا گیا کہ چھ ستمبر تک مشین فعال ہو جائے گی ۔کمیٹی نے اسلام آباد آئسولیشن اور وبائی ٹریٹمنٹ سینٹر کا آڈٹ کروانے کا فیصلہ بھی کرلیا ۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    اجلاس میں ڈینگی کے حوالے سے ضلعی محکمہ صحت کے اقدامات کا جائزہ بھی لیا گیا، چیئرمین کمیٹی نے ڈی ایچ او اسلام آباد کو سال کے آخر تک ڈینگی کے اعدادوشمار کے ساتھ کمیٹی کے سامنے پیش ہونے کی ہدایت کردی۔

  • میڈیا سے اجتناب کرنا

    میڈیا سے اجتناب کرنا


    ہمارے اردگرد بہت شورشرابہ ہے۔ ٹی وی، یو ٹیوب چینلز، متعدد سوشل میڈیا پلیٹ فارمز، اور تو اور، تمام نسلوں کو میسجنگ کا نشہ ڈالنے والا موبائل فون، کثیر جہتی موضوعات پر واٹس ایپ گروپس – چوبیسس گھنٹے توجہ لیتے ہیں۔

    نوجوان نسل خاص طور پر، حقیقی زندگی میں دوستوں سے میل کے بجائے ورچوئل دوستوں، اور آن لائن تعلقات پر زیادہ انحصار کرتی ہے۔ اوپر سے سوشل میڈیا کی ستم ظریفی کہ جہاں اس کا مقصد لوگوں کو اکٹھا کرنا ہے، وہیں یہ افراد اور ان کے ماحول کے درمیان ایک اہم خلا بھی پیدا کر سکتا ہے۔ یہ عجب ستم ظریفی ہے۔ سوشل میڈیا لوگوں کو جوڑتا ہے لیکن دوسری طرف یہ صارفین کی حقیقی زندگی میں لوگوں کے ساتھ تعلق کے درمیان حائل ہوتا ہے۔

    ان کو FOMO کاخطرہ لاحق ہوجاتا ہے، یعنی ایسے احساس کہ ان کے بغیر کچھ ہو نہ جائے۔ ان کو ایسا لگتا ہے کہ وہ ماحول کے”اندر” نہیں ہیں اور پارٹیوں میں مدعو نہیں کیے جا رہے ہیں اور انہیں پیچھے چھوڑ دیا گیا ہے۔ ایک کمرے میں بیٹھا خاندان اکثر اپنے آپ کو اپنے موبائل میں مشغول اور ایک دوسرے کے ساتھ کم ہی پائے گا۔

    مزید برآں، سوشل میڈیا کی لت اکثر صحت مند سرگرمیوں سے غفلت کا باعث بنتی ہے. مثلاً کھیل، ورزش، اور باہر وقت گزارنے سے۔ اس کاہلی والے طرز زندگی کے نتیجے میں صحت کے مختلف مسائل پیدا ہو سکتے ہیں۔

    ایک دوست نے مجھے ایک اقتباس بھیجا، مصنف نامعلوم، "آج سٹاربکس میں ایک آدمی کو دیکھا۔ نہ آئی فون، نہ ٹیبلیٹ، نہ لیپ ٹاپ۔ وہ بس وہیں بیٹھا تھا۔ کافی پی رہا تھا۔ بلکل جیسے کوئی نفسیاتی مریض ہو۔” اس بات نے مجھے سنجیدگی سے سوچنے پر مجبور کیا۔ کیا ہم نے سادہ خوشیوں کی لذت نہیں کھو دی؟ گھر والوں کا ایک ساتھ ناشتہ کرنا؟

    خط لکھنے اور وصول کرنے کی خوشی؟ پوسٹ کارڈز؟ اپنے بزرگوں کے ساتھ بیٹھ کر ان کی زندگی کے قصے کہانیاں سننا؟ ہماری یادداشت میں ہمیشہ کے لیے رہنے والی تصویر کی خواہش،بزرگوں سے عیدی ملنے کی خوشی، زیادہ بڑی رقم نہیں بلکہ وہ رقم جو احساس کے اعتبار سے معنی خیز تھی؟ تمام خاندان کا ایک گھر میں کھانے پر آنا؟ بچوں، نوجوانوں، اور بزرگوں سے بھرے ہوۓ کمرے؟ عید کی روایتی سوغات۔ چاندی کے ورق والی میٹھی سویاں، حلوے کے میٹھے ٹکڑے، کھٹی اور مسالے دار چاٹ، مختلف اقسام کے سموسے، کباب، شیرمال اور نان کے ساتھ نہاری، شیرہ ٹپکتی ہوئی گھریلو گلابی جامن۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    غم کے مواقع پر، مثلاً موت، یا بیماری کے وقت، متاثرہ گھر والوں کو خاندان کے دیگر افراد نے ایسے جیسے گھیر لیا ہو، کوئی کھانا لے کر آرہا ہو گا، یا ہسپتال میں مریض کے ساتھ رہنے آیا ہو گا، یا صرف سہارا دینے کے لیے وہاں موجود ہو گا۔

    مشکل اوقات میں برادری اور تعلق کا یہ احساس بتدریج ختم ہوتا جا رہا ہے. کیونکہ خاندان علیحدہ ہوتے جارہے ہیں اور لوگ ورچوئل دنیا میں مجذوب ہوتے جارہے ہیں۔

  • سول ایوی ایشن کا سب سے بڑا مسئلہ کرپشن ہے. ڈی جی سول ایوی ایشن کا اعتراف

    سول ایوی ایشن کا سب سے بڑا مسئلہ کرپشن ہے. ڈی جی سول ایوی ایشن کا اعتراف

    قومی اسمبلی کی قائمہ کمیٹی برائے ایوی ایشن کا اجلاس چیئرمین مبین احمد کی زیر صدرات ہوا جس میں رکن اسمبلی سائرہ بانو نے سرفیس ٹریولنگ کے دوران حادثے میں پی آئی اے کی ایئرہوسٹس کے جاں بحق ہونے پر کہا کہ رات کے وقت یونیفارم میں کیبن کریو کو لمبے سفر پر بھیجنا رولز کی خلاف ورزی ہے۔ کیبن کریو کوغیرقانونی طور پر سرفیس ٹریولنگ کروائی جارہی، پی آئی اے کا قانون رات میں سرفیس ٹریولنگ کی اجازت نہیں دیتا۔

    پی آئی اے کے سی ای او عامر حیاب نے جواب میں بتایا کہ افسوسناک حادثہ ہوا لیکن سرفیس ٹریولنگ قانونی کےمطابق تھی، معاملے کی تحقیقات کررہے ہیں، ڈرائیور کا الکوحل اور مکمل میڈیکل ٹیسٹ کروایا ہے، غلطی اور کوتاہی ثابت ہوئی تو کارروائی کی جائے گی۔ رومینہ خورشید عالم کا کہنا تھا کہ بیرون ملک ملٹی نیشنل کمپنیاں تزئین آرائش کرتی ہیں، ہمارے یہاں ٹک شاپ تک ایئرپورٹ پر دستیاب نہیں۔

    ڈی جی سول ایشن خاقان مرتضی کا کہنا تھا کہ تین ملکی ایئرپورٹ کو آؤٹ سورس کررہے ہیں، جس سے بہتری آئے گی۔ سی ای او پی آئی اے کا کہنا تھا کہ پی آئی اے جتنا کماتا ہے اس میں سے بینک کو سود بھی دیتا ہے سی اے اے اور فیول کمپنی کے بقایات جات کی ادائیگی بھی کرنی ہے۔ سائرہ بانو اور رومینہ خورشید عالم نے قومی ایئر لائن پی آئی اے کے جہازوں کی بری حالت، سیٹیں گندی سیٹوں اور بدبودار ماحول پر بات کرتے ہوئے کہا کہ ایسی ایئرلائن پر لوگ کیسے سفر کریں گے۔ ڈی جی سول ایوی ایشن خاقان مرتضی نے بھی بے بسی کا اظہار کرتے ہوئے کہا کہ سول ایوی ایشن کا سب سے بڑا مسئلہ کرپشن ہے، ڈھائی سال میں ایک بھی کرپٹ ملازم کے خلاف کارروائی نہ کرسکا۔ رومینہ خورشید عالم نے کہا کہ اسلام آباد میں بہت زیادہ ہاؤسنگ سوسائٹیاں ہیں، ایئرپورٹ کے قریب بڑی عمارتیں بن رہی ہیں، سی ڈی اے اورسول ایوی ایشن کیا کررہی ہے۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    ڈی جی سول ایوی ایشن نے جواب دیا کہ بلڈنگ قوانین خلاف ورزی پرصوبائی حکومتوں کولکھا جاتا، کراچی میں 3 عمارتوں کا سندھ حکومت کو لکھا ہے، تاہم سندھ حکومت نے کوئی کارروائی نہیں کی، سندھ بلڈنگ لاء کی خلاف ورزی پرسول ایوی ایشن ایکشن نہیں لے سکتی، کراچی کے ایک بلڈرنے خلاف قانون 3 بلڈنگز بنا رکھی ہیں، بلڈر نے میرے خلاف ایف آئی آر بھی کروائی تھی۔ سائرہ بانو نے حیرانی کا اظہار کرتے ہوئے کہا بلڈرز نے کیسے ایف آئی آر درج کروا دی، کابینہ میں بلڈرز بیٹھے ہوں گے تو پھر ایف آئی آر تو ہوں گی۔ ڈی جی سول ایوی ایشن نے کہا کہ خدشہ ظاہر کیا کہ خدانخواستہ کوئی حادثہ ہوگیا تو اس کا دفاع نہیں کرسکیں گے۔

  • قیام امن کی خاطر متحدہ امن کمیٹی کا کردار مسلمہ ہے. سی سی پی او پشاور

    قیام امن کی خاطر متحدہ امن کمیٹی کا کردار مسلمہ ہے. سی سی پی او پشاور

    جاری اعلامیہ کے مطابق صوبائی دارالحکومت پشاور میں قیام امن کی خاطر متحدہ امن کمیٹی کا کردار مسلمہ ہے، شہر میں بین المذاہب ہم آہنگی کی خاطر متحدہ امن کمیٹی کے کردار کو قدر کی نگاہ سے دیکھتے ہیں، مختلف مذاہب کے مابین اخوت و بھائی چارے کی فضا کو برقرار رکھنے کی خاطر تمام مکاتب فکر سے تعلق رکھنے والے افراد کے ساتھ مل کر امن وامان کی صورتحال کو برقرار رکھنے کیلئے کام کرتے رہیں گے، پچھلے کئی سالوں سے محرم الحرام، چہلم امام حسین، ربیع الاول اور عیدین پر متحدہ امن کمیٹی نے مثبت کردار ادا کیا ہے، جس کی جتنی بھی تعریف کی جائے کم ہے، انشاء اللہ امسال بھی محرم الحرام کے پر امن انعقاد کیلئے پوری تیاری کیساتھ تمام تر انتظامات مکمل کرلئے گئے ہیں، پشاور میں محرم الحرام کے دوران امن وامان کی صورتحال کو برقرار رکھنے کیلئے فول پروف سیکیورٹی انتظامات کئے گئے، جس کیلئے خصوصی سیکیورٹی پلان تشکیل دیا جارہا ہے، ان خیالات کا اظہار سی سی پی او پشاور سید اشفاق انور نے ڈپٹی کمشنر پشاور شاہ فہد کے ہمراہ ملک سعد شہید پولیس لائن میں مولانا حسین احمد مدنی ایڈوکیٹ کی سربراہی میں آنے والے پشاور کا گلدستہ متحدہ امن کمیٹی کے نمائندہ وفد کیساتھ خصوصی ملاقات کے دوران کیا،

    تفصیلات کے مطابق گزشتہ روز ملک سعد شہید پولیس لائن پشاور میں سی سی پی او پشاور سید اشفاق انور اور ڈپٹی کمشنر پشاور شاہ فہد کا حسین احمد مدنی ایڈوکیٹ کی قیادت میں آنے والے متحدہ امن کمیٹی کے نمائندہ وفد کے ساتھ خصوصی ملاقات کی ہے، اس موقع پر ایس پی فقیر آباد ڈویژن ڈاکٹر محمدعمر، ایس پی کینٹ ڈویژن وقاص رفیق اور دیگر پولیس افسران بھی ان کے ہمراہ موجود تھے، حسین احمد مدنی ایڈووکیٹ کی سربراہی میں آنے والے وفد میں خورشید علی اخونزادہ، گوپال سنگھ، پنڈت ہری لعل، اقبال بھٹی مسیح، انعام اللہ قادری، شاہ پور سلام، حاجی عبد الوہاب ایڈوکیٹ، اخونزادہ زاہد اللہ اور دیگر معزز ممبران پر مشتمل خصوصی وفد نے شرکت کی، اس موقع پر سی سی پی او پشاور سید اشفاق انور نے اجلاس سے خطاب کرتے ہوئے کہا کہ شہر کے امن کیلئے پچھلے 30 سالوں سے متحدہ امن کمیٹی نے بغیر کسی لالچ اور بغیر کسی خوف کے محرم الحرام، چہلم امام حسین، ربیع الاول، عیدین اور بین المذاہب ہم آہنگی کی خاطر کردار ادا کرنے پران کی کاوشوں کو سراہا، انہوں نے واضح کیا کہ شہر میں امن وامان کے قیام کی خاطر ضلعی انتظامیہ اور حکومتی مشینری سمیت تمام مکاتب فکر اور علماء کرام کے ساتھ قریبی رابطے میں ہیں،
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    ترجمان کے مطابق اس موقع پر متحدہ امن کمیٹی کے سربراہ مولانا حسین احمد مدنی ایڈوکیٹ نے سی سی پی او اور ڈپٹی کمشنر پشاور کو چند تجاویز پیش کی گئی اور باور کراتے ہوئے شہر میں امن وامان برقرار رکھنے کی خاطر پولیس، ضلعی انتظامیہ اور دیگر حکومتی اداروں کے ساتھ اسی طرح تعاون جاری رکھنے کے عزم کا اعادہ کیا،