Baaghi TV

Tag: pakistan

  • آئی سی سی نے مینز اور ویمنز کرکٹ ٹیموں کیلئے یکساں انعام کا اعلان

    آئی سی سی نے مینز اور ویمنز کرکٹ ٹیموں کیلئے یکساں انعام کا اعلان

    انٹرنیشنل کرکٹ کونسل نے مینز اور ویمنز کرکٹ ٹیموں کے لیے یکساں انعامی رقم کا اعلان کردیا ہے جبکہ مینز اور ویمنز کرکٹ ٹیموں کے لیے یکساں انعامی رقم کا اعلان ڈربن میں آئی سی سی کی سالانہ میٹنگز کے دوران کیا گیا ہے ۔ آئی سی سی ٹورنامنٹس کی فاتح، رنراپ مینز اور ویمن ٹیموں کو برابر انعامی رقم ملا کرے گی۔

    خیال رہے کہ آئی سی سی کے ہرممبر کی فنڈنگ میں خاطر خواہ اضافہ کردیا گیا ہے اور اس سے اب تمام ممبران کو یکساں بنیاد کی تقسیم پر فنڈز ملیں گے۔ آئی سی سی نے ٹیسٹ کرکٹ میں سلو اوور ریٹ کی پابندیوں میں ترمیم کی توثیق کردی۔ موجودہ ورلڈ ٹیسٹ چیمپیئن شپ سائیکل کے آغاز سے نئے اوور ریٹ قوانین لاگو ہوں گے، کھلاڑیوں کو ان کی میچ فیس کے 5 فیصد کے برابر جرمانہ عائد کیا جائے گا، اوور ریٹ کی زیادہ سے زیادہ سزا 50 فیصد میچ فیس کا حصہ ہوگا۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    تاہم واضح رہے کہ حال ہی میں انڈیا کی ٹیم کے پلیئرز پر پوری 100 فیصد میچ فیس کا جرمانہ عائد کر دیا گیا تھا۔ آئی سی سی اعلامیے کے مطابق کسی ٹیم کے 80 اوور تک پہنچنے سے پہلے ہی آؤٹ ہونے پر اوور ریٹ جرمانہ نہیں ہوگا۔ آئی سی سی کے مطابق نئے ایونٹس کے لیے اب کم از کم 7 مقامی کھلاڑیوں کو رکھنے کی شرط ہوگی، آرگنائزنگ ممبر بورڈ کسی کھلاڑی کے ہوم بورڈ کو شرکت کی فیس بھی ادا کرے گا۔

  • امریکہ کا آئی ایم ایف پروگرام کی منظوری کا خیرمقدم

    امریکہ کا آئی ایم ایف پروگرام کی منظوری کا خیرمقدم

    سماجی رابطے کی ویب سائٹ ٹویٹر پر امریکی وزیر خارجہ انٹونی بلنکن نے لکھا کہ ہم اس مشکل وقت میں پاکستانی عوام کے شانہ بشانہ کھڑے ہیں اور بین الاقوامی مالیاتی فنڈ (آئی ایم ایف) کی جانب سے پاکستان کی مدد کے لیے ایک پروگرام کی منظوری کا خیرمقدم کرتے ہیں۔ جبکہ انہوں نے مزید کہا کہ ہم پاکستان پر زور دیتے ہیں کہ وہ میکرو اکنامک اصلاحات اور پائیدار معاشی بحالی کے لیے عالمی مالیاتی ادارے کے ساتھ کام جاری رکھے۔


    خیال رہے کہ گزشتہ روز عالمی مالیاتی ادارے نے پاکستان کے ساتھ ہونے والے سٹینڈ بائی ارینجمنٹ معاہدے کی منظوری دیدی تھی۔ 9 ماہ کے لیے پاکستان کو تین ارب ڈالر دیئے جانے ہیں جس کی پہلی قسط آج پاکستان کو موصول ہو چکی ہے۔ پاکستان اور آئی ایم ایف کے درمیان معاہدے کی بحالی سے قبل وزیر خزانہ اسحاق ڈار نے متعدد بار امریکی سفیر ڈونلڈ بلوم سے ملاقات کی تھی جس میں استدعا کی گئی تھی کہ امریکا آئی ایم ایف معاہدے کی بحالی کےلیے اپنا کردار ادا کرے۔

    اس سے قبل امریکی محکمہ خارجہ کے ترجمان میتھیو ملر نے اشارہ دیا ہے کہ امریکا نے بھی آئی ایم ایف کے ساتھ قرض کے انتظامات کو جاری رکھنے کے لیے پاکستان کی کوششوں کی حمایت کی۔ واشنگٹن میں نیوز بریفنگ کے دوران امریکی ترجمان کا کہنا تھا کہ میں جو کہوں گا وہ یہ ہے کہ ہم اس مشکل وقت میں پاکستانی عوام کے ساتھ کھڑے ہیں، ہم آئی ایم ایف اور پاکستان کے درمیان عملے کی سطح کے معاہدے تک پہنچنے کی پیش رفت کا خیر مقدم کرتے ہیں۔ملک کی اقتصادی کامیابی کے لیے ہماری حمایت غیر متزلزل ہے اور ہم تکنیکی مصروفیات کے ذریعے پاکستان کے ساتھ رابطے جاری رکھیں گے اور اپنے تجارتی و سرمایہ کاری کے تعلقات کو مستحکم کرتے رہیں گے۔پاکستان کو معاشی بحالی اور خوشحالی کے طویل المدتی پائیدار راستے پر گامزن ہونے کے لیے بہت زیادہ محنت کرنی ہے، ساتھ ہی یقین دلایا کہ ہم اس عمل میں ان کے ساتھ کھڑے رہیں گے۔

    پشاور میں آج تقریب سے خطاب کرتے ہوئے امریکی سفیر ڈونلڈ بلوم نے کہا کہ امریکا پاکستان کے ساتھ تجارت کا مزید فروغ چاہتا ہے، پاکستان معاشی بحران سے گزر رہا ہے، جس سے نکلنے کے لیے ہماری نیک خواہشات ہیں، آئی ایم ایف سے اسٹینڈ بائی معاہدہ پر پاکستان کو مبارک باد پیش کرتا ہوں۔

  • کے پی میں بچوں کا کوئی ہسپتال نہیں، سینیٹ کمیٹی میں انکشاف

    کے پی میں بچوں کا کوئی ہسپتال نہیں، سینیٹ کمیٹی میں انکشاف

    سینیٹ کی قائمہ کمیٹی صحت میں انکشاف ہوا ہے کہ خیبر پختونخوا میں بچوں کیلئے سرے سے کوئی ہسپتال ہی موجود نہیں، جس کے بعد فنڈز کی جلد فراہمی کیلئے وزارت خزانہ کو خط لکھنے کی ہدایت کردی گئی ہے جبکہ نجی ٹی وی کےمطابق سینیٹ کی قائمہ کمیٹی صحت میں کمیٹی رکن مہرتاج نے نشاندہی کی کہ خیبرپختونخوا میں بچوں کیلئے سرے سے کوئی ہسپتال ہی موجود نہیں، مہر تاج کی نشاندہی پر کمی نے تشویش کا اظہارکرتے ہوئے فنڈز کی جلد فراہمی کیلئے وزارت خزانہ کو خط لکھنے کی ہدایت کردی گئی ۔

    کمیٹی اجلاس میں اسلام آباد آئسولیشن اور وبائی ٹریٹمنٹ سینٹرمیں موجود پچاس وینٹیلیٹرزاورڈھائی سو بیڈز سے متعلق سوال پرای ڈی پمزنے بتایاکہ وہاں صرف او پی ڈی ہو رہی ہے جس پرچیئرمین نے وزارت صحت حکام کو اسپتال کی شفٹ یا کوئی متبادل منصوبہ پیش کرنے کیلئے ایک ماہ کا وقت دے دیا ۔ اجلاس میں پمزاسپتال میں ایم آر آئی مشین کی تنصیب سے متعلق بتایا گیا کہ چھ ستمبر تک مشین فعال ہو جائے گی ۔کمیٹی نے اسلام آباد آئسولیشن اور وبائی ٹریٹمنٹ سینٹر کا آڈٹ کروانے کا فیصلہ بھی کرلیا ۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    اجلاس میں ڈینگی کے حوالے سے ضلعی محکمہ صحت کے اقدامات کا جائزہ بھی لیا گیا، چیئرمین کمیٹی نے ڈی ایچ او اسلام آباد کو سال کے آخر تک ڈینگی کے اعدادوشمار کے ساتھ کمیٹی کے سامنے پیش ہونے کی ہدایت کردی۔

  • میڈیا سے اجتناب کرنا

    میڈیا سے اجتناب کرنا


    ہمارے اردگرد بہت شورشرابہ ہے۔ ٹی وی، یو ٹیوب چینلز، متعدد سوشل میڈیا پلیٹ فارمز، اور تو اور، تمام نسلوں کو میسجنگ کا نشہ ڈالنے والا موبائل فون، کثیر جہتی موضوعات پر واٹس ایپ گروپس – چوبیسس گھنٹے توجہ لیتے ہیں۔

    نوجوان نسل خاص طور پر، حقیقی زندگی میں دوستوں سے میل کے بجائے ورچوئل دوستوں، اور آن لائن تعلقات پر زیادہ انحصار کرتی ہے۔ اوپر سے سوشل میڈیا کی ستم ظریفی کہ جہاں اس کا مقصد لوگوں کو اکٹھا کرنا ہے، وہیں یہ افراد اور ان کے ماحول کے درمیان ایک اہم خلا بھی پیدا کر سکتا ہے۔ یہ عجب ستم ظریفی ہے۔ سوشل میڈیا لوگوں کو جوڑتا ہے لیکن دوسری طرف یہ صارفین کی حقیقی زندگی میں لوگوں کے ساتھ تعلق کے درمیان حائل ہوتا ہے۔

    ان کو FOMO کاخطرہ لاحق ہوجاتا ہے، یعنی ایسے احساس کہ ان کے بغیر کچھ ہو نہ جائے۔ ان کو ایسا لگتا ہے کہ وہ ماحول کے”اندر” نہیں ہیں اور پارٹیوں میں مدعو نہیں کیے جا رہے ہیں اور انہیں پیچھے چھوڑ دیا گیا ہے۔ ایک کمرے میں بیٹھا خاندان اکثر اپنے آپ کو اپنے موبائل میں مشغول اور ایک دوسرے کے ساتھ کم ہی پائے گا۔

    مزید برآں، سوشل میڈیا کی لت اکثر صحت مند سرگرمیوں سے غفلت کا باعث بنتی ہے. مثلاً کھیل، ورزش، اور باہر وقت گزارنے سے۔ اس کاہلی والے طرز زندگی کے نتیجے میں صحت کے مختلف مسائل پیدا ہو سکتے ہیں۔

    ایک دوست نے مجھے ایک اقتباس بھیجا، مصنف نامعلوم، "آج سٹاربکس میں ایک آدمی کو دیکھا۔ نہ آئی فون، نہ ٹیبلیٹ، نہ لیپ ٹاپ۔ وہ بس وہیں بیٹھا تھا۔ کافی پی رہا تھا۔ بلکل جیسے کوئی نفسیاتی مریض ہو۔” اس بات نے مجھے سنجیدگی سے سوچنے پر مجبور کیا۔ کیا ہم نے سادہ خوشیوں کی لذت نہیں کھو دی؟ گھر والوں کا ایک ساتھ ناشتہ کرنا؟

    خط لکھنے اور وصول کرنے کی خوشی؟ پوسٹ کارڈز؟ اپنے بزرگوں کے ساتھ بیٹھ کر ان کی زندگی کے قصے کہانیاں سننا؟ ہماری یادداشت میں ہمیشہ کے لیے رہنے والی تصویر کی خواہش،بزرگوں سے عیدی ملنے کی خوشی، زیادہ بڑی رقم نہیں بلکہ وہ رقم جو احساس کے اعتبار سے معنی خیز تھی؟ تمام خاندان کا ایک گھر میں کھانے پر آنا؟ بچوں، نوجوانوں، اور بزرگوں سے بھرے ہوۓ کمرے؟ عید کی روایتی سوغات۔ چاندی کے ورق والی میٹھی سویاں، حلوے کے میٹھے ٹکڑے، کھٹی اور مسالے دار چاٹ، مختلف اقسام کے سموسے، کباب، شیرمال اور نان کے ساتھ نہاری، شیرہ ٹپکتی ہوئی گھریلو گلابی جامن۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    غم کے مواقع پر، مثلاً موت، یا بیماری کے وقت، متاثرہ گھر والوں کو خاندان کے دیگر افراد نے ایسے جیسے گھیر لیا ہو، کوئی کھانا لے کر آرہا ہو گا، یا ہسپتال میں مریض کے ساتھ رہنے آیا ہو گا، یا صرف سہارا دینے کے لیے وہاں موجود ہو گا۔

    مشکل اوقات میں برادری اور تعلق کا یہ احساس بتدریج ختم ہوتا جا رہا ہے. کیونکہ خاندان علیحدہ ہوتے جارہے ہیں اور لوگ ورچوئل دنیا میں مجذوب ہوتے جارہے ہیں۔

  • سول ایوی ایشن کا سب سے بڑا مسئلہ کرپشن ہے. ڈی جی سول ایوی ایشن کا اعتراف

    سول ایوی ایشن کا سب سے بڑا مسئلہ کرپشن ہے. ڈی جی سول ایوی ایشن کا اعتراف

    قومی اسمبلی کی قائمہ کمیٹی برائے ایوی ایشن کا اجلاس چیئرمین مبین احمد کی زیر صدرات ہوا جس میں رکن اسمبلی سائرہ بانو نے سرفیس ٹریولنگ کے دوران حادثے میں پی آئی اے کی ایئرہوسٹس کے جاں بحق ہونے پر کہا کہ رات کے وقت یونیفارم میں کیبن کریو کو لمبے سفر پر بھیجنا رولز کی خلاف ورزی ہے۔ کیبن کریو کوغیرقانونی طور پر سرفیس ٹریولنگ کروائی جارہی، پی آئی اے کا قانون رات میں سرفیس ٹریولنگ کی اجازت نہیں دیتا۔

    پی آئی اے کے سی ای او عامر حیاب نے جواب میں بتایا کہ افسوسناک حادثہ ہوا لیکن سرفیس ٹریولنگ قانونی کےمطابق تھی، معاملے کی تحقیقات کررہے ہیں، ڈرائیور کا الکوحل اور مکمل میڈیکل ٹیسٹ کروایا ہے، غلطی اور کوتاہی ثابت ہوئی تو کارروائی کی جائے گی۔ رومینہ خورشید عالم کا کہنا تھا کہ بیرون ملک ملٹی نیشنل کمپنیاں تزئین آرائش کرتی ہیں، ہمارے یہاں ٹک شاپ تک ایئرپورٹ پر دستیاب نہیں۔

    ڈی جی سول ایشن خاقان مرتضی کا کہنا تھا کہ تین ملکی ایئرپورٹ کو آؤٹ سورس کررہے ہیں، جس سے بہتری آئے گی۔ سی ای او پی آئی اے کا کہنا تھا کہ پی آئی اے جتنا کماتا ہے اس میں سے بینک کو سود بھی دیتا ہے سی اے اے اور فیول کمپنی کے بقایات جات کی ادائیگی بھی کرنی ہے۔ سائرہ بانو اور رومینہ خورشید عالم نے قومی ایئر لائن پی آئی اے کے جہازوں کی بری حالت، سیٹیں گندی سیٹوں اور بدبودار ماحول پر بات کرتے ہوئے کہا کہ ایسی ایئرلائن پر لوگ کیسے سفر کریں گے۔ ڈی جی سول ایوی ایشن خاقان مرتضی نے بھی بے بسی کا اظہار کرتے ہوئے کہا کہ سول ایوی ایشن کا سب سے بڑا مسئلہ کرپشن ہے، ڈھائی سال میں ایک بھی کرپٹ ملازم کے خلاف کارروائی نہ کرسکا۔ رومینہ خورشید عالم نے کہا کہ اسلام آباد میں بہت زیادہ ہاؤسنگ سوسائٹیاں ہیں، ایئرپورٹ کے قریب بڑی عمارتیں بن رہی ہیں، سی ڈی اے اورسول ایوی ایشن کیا کررہی ہے۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    ڈی جی سول ایوی ایشن نے جواب دیا کہ بلڈنگ قوانین خلاف ورزی پرصوبائی حکومتوں کولکھا جاتا، کراچی میں 3 عمارتوں کا سندھ حکومت کو لکھا ہے، تاہم سندھ حکومت نے کوئی کارروائی نہیں کی، سندھ بلڈنگ لاء کی خلاف ورزی پرسول ایوی ایشن ایکشن نہیں لے سکتی، کراچی کے ایک بلڈرنے خلاف قانون 3 بلڈنگز بنا رکھی ہیں، بلڈر نے میرے خلاف ایف آئی آر بھی کروائی تھی۔ سائرہ بانو نے حیرانی کا اظہار کرتے ہوئے کہا بلڈرز نے کیسے ایف آئی آر درج کروا دی، کابینہ میں بلڈرز بیٹھے ہوں گے تو پھر ایف آئی آر تو ہوں گی۔ ڈی جی سول ایوی ایشن نے کہا کہ خدشہ ظاہر کیا کہ خدانخواستہ کوئی حادثہ ہوگیا تو اس کا دفاع نہیں کرسکیں گے۔

  • قیام امن کی خاطر متحدہ امن کمیٹی کا کردار مسلمہ ہے. سی سی پی او پشاور

    قیام امن کی خاطر متحدہ امن کمیٹی کا کردار مسلمہ ہے. سی سی پی او پشاور

    جاری اعلامیہ کے مطابق صوبائی دارالحکومت پشاور میں قیام امن کی خاطر متحدہ امن کمیٹی کا کردار مسلمہ ہے، شہر میں بین المذاہب ہم آہنگی کی خاطر متحدہ امن کمیٹی کے کردار کو قدر کی نگاہ سے دیکھتے ہیں، مختلف مذاہب کے مابین اخوت و بھائی چارے کی فضا کو برقرار رکھنے کی خاطر تمام مکاتب فکر سے تعلق رکھنے والے افراد کے ساتھ مل کر امن وامان کی صورتحال کو برقرار رکھنے کیلئے کام کرتے رہیں گے، پچھلے کئی سالوں سے محرم الحرام، چہلم امام حسین، ربیع الاول اور عیدین پر متحدہ امن کمیٹی نے مثبت کردار ادا کیا ہے، جس کی جتنی بھی تعریف کی جائے کم ہے، انشاء اللہ امسال بھی محرم الحرام کے پر امن انعقاد کیلئے پوری تیاری کیساتھ تمام تر انتظامات مکمل کرلئے گئے ہیں، پشاور میں محرم الحرام کے دوران امن وامان کی صورتحال کو برقرار رکھنے کیلئے فول پروف سیکیورٹی انتظامات کئے گئے، جس کیلئے خصوصی سیکیورٹی پلان تشکیل دیا جارہا ہے، ان خیالات کا اظہار سی سی پی او پشاور سید اشفاق انور نے ڈپٹی کمشنر پشاور شاہ فہد کے ہمراہ ملک سعد شہید پولیس لائن میں مولانا حسین احمد مدنی ایڈوکیٹ کی سربراہی میں آنے والے پشاور کا گلدستہ متحدہ امن کمیٹی کے نمائندہ وفد کیساتھ خصوصی ملاقات کے دوران کیا،

    تفصیلات کے مطابق گزشتہ روز ملک سعد شہید پولیس لائن پشاور میں سی سی پی او پشاور سید اشفاق انور اور ڈپٹی کمشنر پشاور شاہ فہد کا حسین احمد مدنی ایڈوکیٹ کی قیادت میں آنے والے متحدہ امن کمیٹی کے نمائندہ وفد کے ساتھ خصوصی ملاقات کی ہے، اس موقع پر ایس پی فقیر آباد ڈویژن ڈاکٹر محمدعمر، ایس پی کینٹ ڈویژن وقاص رفیق اور دیگر پولیس افسران بھی ان کے ہمراہ موجود تھے، حسین احمد مدنی ایڈووکیٹ کی سربراہی میں آنے والے وفد میں خورشید علی اخونزادہ، گوپال سنگھ، پنڈت ہری لعل، اقبال بھٹی مسیح، انعام اللہ قادری، شاہ پور سلام، حاجی عبد الوہاب ایڈوکیٹ، اخونزادہ زاہد اللہ اور دیگر معزز ممبران پر مشتمل خصوصی وفد نے شرکت کی، اس موقع پر سی سی پی او پشاور سید اشفاق انور نے اجلاس سے خطاب کرتے ہوئے کہا کہ شہر کے امن کیلئے پچھلے 30 سالوں سے متحدہ امن کمیٹی نے بغیر کسی لالچ اور بغیر کسی خوف کے محرم الحرام، چہلم امام حسین، ربیع الاول، عیدین اور بین المذاہب ہم آہنگی کی خاطر کردار ادا کرنے پران کی کاوشوں کو سراہا، انہوں نے واضح کیا کہ شہر میں امن وامان کے قیام کی خاطر ضلعی انتظامیہ اور حکومتی مشینری سمیت تمام مکاتب فکر اور علماء کرام کے ساتھ قریبی رابطے میں ہیں،
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    ترجمان کے مطابق اس موقع پر متحدہ امن کمیٹی کے سربراہ مولانا حسین احمد مدنی ایڈوکیٹ نے سی سی پی او اور ڈپٹی کمشنر پشاور کو چند تجاویز پیش کی گئی اور باور کراتے ہوئے شہر میں امن وامان برقرار رکھنے کی خاطر پولیس، ضلعی انتظامیہ اور دیگر حکومتی اداروں کے ساتھ اسی طرح تعاون جاری رکھنے کے عزم کا اعادہ کیا،

  • اسلام آباد میں پولیس کے ادارے کو رول ماڈل ہونا چاہیئے. رانا ثناءاللہ

    اسلام آباد میں پولیس کے ادارے کو رول ماڈل ہونا چاہیئے. رانا ثناءاللہ

    اسلام آباد میں ویمن پولیس اسٹیشن جی سیون کی افتتاحی تقریب سے خطاب کرتے ہوئے رانا ثناء اللہ کا کہنا ہے کہ اسلام آباد میں اسٹیٹ آف دی آرٹ ویمن پولیس اسٹیشن کا آج سنگ بیناد رکھ دیا ہے، اسلام آباد میں امن و امان کو قائم رکھنے کے لیے پولیس نے اہم کردار ادا کیا، اسلام آباد میں پولیس کے ادارے کو رول ماڈل ہونا چاہیئے، دنیا اسلام آباد سے ہی پورے ملک کا اندازہ لگاتی ہے، دنیا کے لیے اسلام آباد ہی پاکستان کا چہرہ ہے۔

    وزیر داخلہ رانا ثناءاللہ نے کہا کہ ہم نے ایک سال اسلام آباد کو رول ماڈل بنانے کے لیے کام کیا ہے اور اسلام آباد میں اس وقت 150 ارب کے ترقیاتی منصوبے جاری ہیں جبکہ 100 ارب روپے کے منصوبے جلد مکمل کرلیں گے، اسلام آباد میں سب سے بڑا منصوبہ بہارہ کہو فلائی اوور ہے جس سے لاکھوں لوگ مستفید ہوں گے۔ رانا ثناء اللہ کا مزید کہنا تھا کہ آئی جی اسلام آباد کے جتنے مطالبات تھے ہم نے پورے کیے، اسلام آباد پولیس کی تنخواہوں میں اضافہ کیا، ہم نے اسلام آباد پولیس کی تنخواہیں پنجاب پولیس کے برابر کی ہیں۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    ان کا یہ بھی کہنا تھا کہ اسلام آباد پولیس میں ڈسپلن سے عالمی سطح پر مثبت تشخص بڑھے گا، اسلام آباد پولیس کے شہداء کے ورثاء کو معاوضے کی ادائیگی ممکن بنائی گئی ہے لہذا اسلام آباد پولیس میں 1700 نئی بھرتیاں بھی کی گئیں ہیں، جس میں خواتین بھی شامل ہیں، ہم نے آپ کے مطالبات کو پورا کردیا ہے اور امید ہے کہ اب اسلام آباد پولیس اپنے فرائض کی انجام دہی میں پورا اترے گی، اسلام آباد پولیس کا شہریوں کے ساتھ مثبت رویہ رہا جس میں مزید بہتری کی ضرورت ہے۔

  • پی ٹی آئی کے تحفظات کو مل بیٹھ کر حل کرلیں گے. وزیر قانون

    پی ٹی آئی کے تحفظات کو مل بیٹھ کر حل کرلیں گے. وزیر قانون

    وزیرقانون اعظم نذیر تارڑ کا کہنا ہے کہ الیکشن اصلاحات پر 99 فیصد کام مکمل کر لیا گیا ہے اور سیاسی جماعتوں پر پابندی کے معاملے کو ایجنڈے سے نکال دیا ہے خیال رہے کہ سردار ایاز صادق کی زیرصدارت انتخابی اصلاحات کی پارلیمانی کمیٹی کا تیسرا اجلاس ہوا، جوڈھائی گھنٹے تک جاری رہنے والے اجلاس میں تحریک انصاف کے سینیٹر علی ظفر نے آن لائن شرکت کی ہے۔

    تاہم اجلاس کے بعد میڈیا سے غیر رسمی بات کرتے ہوئے وفاقی وزیر قانون اعظم نذیر تارڑ کا کہنا تھا کہ الیکشن اصلاحات پر 99 فیصد کام مکمل کر لیا گیا ہے، اور بہت سی چیزوں پر اتفاق رائے ہوگیا ہے، بلکہ جن نکات پر اتفاق نہیں تھا ان پر اتفاق بھی ہو گیا ہے۔ اور اگر مزید بھی کوئی بات ہوگی تو اس پر بھی بات چیت کرکے معاملات طے کیئے جائیں گے.
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں

    علاوہ ازیں وزیر قانون کا کہنا تھا کہ ایک دو معاملات پر پی ٹی آئی نے تحفظات کا اظہار کیا ہے اور یہ معاملات اتنے حساس نہیں کہ انہیں حل نہ کیا جا سکے، پی ٹی آئی کے تحفظات کو مل بیٹھ کر حل کرلیں گے، سیاسی جماعتوں پر پابندی کے معاملے کو ایجنڈے سے نکال دیا ہے کیونکہ پابندی کسی مسئلے کا حل نہیں ہے جبکہ اس سے مزید خلفشار پیدا ہوتا ہے اور پھر نفرتیں بڑھتی ہیں.

  • انسداد دہشت گردی عدالت مین عدم پیشی،عمران خان کےقابل ضمانت وارنٹ جاری

    انسداد دہشت گردی عدالت مین عدم پیشی،عمران خان کےقابل ضمانت وارنٹ جاری

    اسلام آباد کی انسداد دہشت گردی عدالت نے تین مقدمات میں چیئرمین پی ٹی آئی عمران خان ، شبلی فراز، فرخ حبیب اور حسان نیازی سمیت دیگر رہنمائوں کے قابل ضمانت وارنٹ گرفتاری جاری کردیئے

    عدالت نے تمام ملزمان کو 19 جولائی کو ذاتی حیثیت میں طلب کرلیا ، اے ٹی سی کے جج ابوالحسنات محمد ذوالقرنین نے کیس کی سماعت کی ،دوران سماعت چیئرمین پی ٹی آئی عمران خان کے وکلا ء کی جانب سے حاضری سے استثنیٰ کی درخواست دائر کی گئی،وکیل نے عدالت میں کہا کہ عمران خان نے لاہور ہائیکورٹ میں پیش ہونا ہے لاہور ہائیکورٹ میں پیشی کے باعث عمران خان اسلام آباد نہیں آسکتے۔

    جج ابوالحسنات نے ریمارکس دیتے ہوئے کہا کہ عمران خان کو عدالت پیش ہونا پڑے گامعدالت نے جوڈیشل کمپلیکس پر حملے کے الزام میں اسلام آباد کے تھانہ رمنا کے 2 اور تھانہ گولڑہ میں درج ایک مقدمے میں وارنٹ گرفتاری جاری کردیئے۔عدالت نے چیئرمین پی ٹی آئی سمیت تمام ملزمان کو 19جولائی کو ذاتی حیثیت میں طلب کرکے کیس کی سماعت 19 جولائی تک ملتوی کر دی

    آج سے مزید مون سون بارشوں کی پیشگوئی

    دوسری جانب اسلام آباد ڈسٹرکٹ اینڈ سیشن کورٹ میں چیئرمین تحریک انصاف عمران خان کےخلاف توشہ خانہ فوجداری کیس کی سماعت آج ہوگی،اسلام آباد ڈسٹرکٹ اینڈ سیشن کورٹ کے جج ہمایوں دلاور کیس کی سماعت کریں گے عدالت نے 2 گواہوں کو آج بیانات ریکارڈ کرانے کیلئے طلب کر رکھا ہے، چیئرمین پی ٹی آئی پرتوشہ خانہ کیس میں پہلے ہی فرد جرم عائد ہوچکی ہے۔

    علاوہ ازیں عمران خان لاہور ہائیکورٹ میں حفاظتی ضمانت کے لئے جائیں گے اور پھر عدالتی کارروائی کے بعد وہ اسلام آباد کی عدالت میں پیش ہونے جائیں گے وکیل چیئرمین پی ٹی آئی نعیم پنجھوتا نے اپنے ٹویٹ میں کہا ہے کہ عمران خان لاہورہائیکورٹ میں پیش ہوں گے، حفاظتی ضمانت کی درخواست لاہورہائیکورٹ میں مقرر ہے چیئرمین پی ٹی آئی ایک مقدمہ میں پیش ہوں گے ، جسٹس باقر نجفی اور امجد رفیق مقدمہ سنیں گے۔

    آئی ایم ایف نے پاکستان کی معاشی کارکردگی سے متعلق رپورٹ جاری کردی

    واضح رہے کہ لاہور ہائیکورٹ میں چیئرمین پی ٹی آئی کی راولپنڈی کے مقدمہ میں ضمانت قبل از گرفتاری کی درخواست سماعت کیلئے مقرر ہے جسٹس علی باقر نجفی کی سربراہی میں 2 رکنی بنچ سماعت کرے گا رجسٹرار آفس نے درخواست پر اعتراض عائد کرتے ہوئے کہا تھا کہ درخواست ناقابل سماعت ہے متعلقہ عدالت سے رجوع کیا جائے۔

    چیئرمین تحریک انصاف نے بیرسٹر سلمان صفدر کے توسط سے درخواست دائر کی ہے، جس میں مؤقف اپنایا گیا ہے کہ عمران خان کو راولپنڈی کے مقدمہ میں ملزم نامزد کر دیا گیا ہے، چیئرمین تحریک انصاف کو 9 مئی ہنگامہ آرائی کیس میں نامزد کیا گیا ہے عمران خان پر اعانت جرم کا الزام ہے، چیئرمین تحریک انصاف پر روزانہ کی بنیاد پر مقدمات درج کیے جا رہے ہیں، وہ مقدمہ کی تحقیقات میں پیش ہونا چاہتے ہیں، خدشہ ہے پولیس گرفتار کر لے گی، اس لئے عدالت ضمانت قبل از گرفتاری منظور کرے-

    یوکرین کو نیٹو کا رکن بنایا جانا مستقبل قریب میں نہیں ہوگا،امریکا

  • ژوب آپریشن مکمل؛ 9 نوجوان شہید جبکہ 5 دہشتگرد ہلاک

    ژوب آپریشن مکمل؛ 9 نوجوان شہید جبکہ 5 دہشتگرد ہلاک

    بلوچستان کے ضلع ژوب میں دہشت گردوں کیخلاف آپریشن مکمل کر لیا ہے لیکن اس آپریشن میں 9 نوجوان شہید ہو گئے جبکہ 5 دہشت گرد مار دیئے گئے ہیں، پاک فوج کے شعبہ تعلقات عامہ آئی ایس پی آر کی طرف سے جاری کردہ بیان کے مطابق بلوچستان کے ضلع ژوب میں دہشت گردوں نے گیریژن پر حملہ کیا گیا تھا ، اسی دوران دہشت گردوں اور سکیورٹی فورسز کے درمیان فائرنگ کا تبادلہ بھی ہوا تھا۔

    آئی ایس پی آرکے مطابق ابتداء میں چار جوان شہید ہوئے تھے اور پانچ زخمی بھی ہوئے جبکہ بھاری ہتھیاروں سے لیس تین دہشت گردوں کو جہنم واصل کیا گیا، بیان کے مطابق سکیورٹی فورسز کی جانب سے بعد میں کلیئرنس آپریشن شروع کیا گیا جسے اب مکمل کر لیا گیا ہے۔
    مزید یہ بھی پڑھیں؛
    سیاسی جماعت پر پابندی،ایاز صادق نے اعلان کر دیا
    یوکرینی وزیر خارجہ رواں ماہ پاکستان کا دورہ کریں گے
    کوئی بتا دے ریاست پر حملہ کرنا جرم ہے یا نہیں؟ جاوید لطیف
    جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
    پاکستان اور سری لنکن بورڈ الیون کا دو روزہ میچ ڈرا
    آئی ایس پی آر کے مطابق ابتدائی لڑائی کے دوران 5 سپاہی، جو بہادری سے لڑتے ہوئے پہلے شدید زخمی ہوئے تھے، زخموں کی تاب نہ لاتے ہوئے فرض پر قربان ہو گئے۔ شہید ہونے والوں کی تعداد 9 ہو گئی ہے جبکہ مجموعی طور پر 5 دہشتگردوں کو جہنم واصل کر دیا گیا ہے۔ تاہم بیان کے مطابق سکیورٹی فورسز اور قوم دشمن کی ایسی تمام مذموم کوششوں کو ناکام بنانے کے لیے پرعزم ہے جس کا مقصد بلوچستان اور پاکستان کا امن تباہ کرنا ہے۔