Baaghi TV

Tag: pakistan

  • ایکسپریس ٹرینوں کی وقت کی پابندی 59فیصد سے کم

    ایکسپریس ٹرینوں کی وقت کی پابندی 59فیصد سے کم

    اسلام آباد (محمد اویس ) ریلوے مسافر ٹرینوں کی وقت کی پابندی بری طرح خراب ہوگئی، ایکسپریس ٹرینوں کی وقت کی پابندی 59فیصد سے کم ہوکر 42فیصد رہے گئی، مسافر ٹرینوں کی تاخیر سے کڑوروں روپے کا اضافی ڈیزل خرچ ہوا۔مالی سال 2022-23میں ٹرینیں کل 19972گھنٹے تاخیر کا شکار ہوئیں جس کی وجہ سے ہزاروں لیٹر اضافی ڈیزل خرچ ہوا ۔اس خبر رساں ادارے کو دستیاب سرکاری دستاویزات کے مطابقایک سال میں ٹرینوں کے وقت پر پہنچنے کے تناسب میں مجموعی طور پر کمی واقع ہوئی ہے 2021-22 کے مقابلے میں 2022-23 میں میل،ایکسپریس ٹرینوں کے وقت پر پہنچنے میں 17فیصد کمی ہوئی2021-22 میں میل ایکسپریس ٹرینوں کی وقت کی پابندی 59 فیصد تھی،2022-23 میں میل،ایکسپریس ٹرینوں کی وقت کی پابندی 42 فیصد رہی،انٹرسٹی ٹرینوں کی وقت کی پابندی 2021-22 میں97 فیصد رہی،سال 2022-23 میں انٹرسٹی ٹرینوں کی وقت کی پابندی 85 فیصد رہی، مجموعی طور پر ٹرینوں کی وقت کی پابندی2021-22 میں 82 فیصد رہی، 2022-23 میں ٹرینوں کی وقت پابندی مجموعی طور پر79 فیصد رہی۔ دستاویزات کے مطابق ٹرینوں انجینئرنگ ریسٹریکشن کی وجہ سے ٹرینیں 4557گھنٹے تاخیر کا شکار ہوئی جو مالی سال 2022-23کی نسبت 916گھنٹے زیادہ ہیں حادثات کی وجہ سے 729گھنٹے تاخیر ہوئی، خراب موسم۔کی وجہ سے 6029گھنٹوں کی تاخیر ہوئی جو گذشتہ مالی سال کے مقابلہ میں 4163گھنٹے زیادہ ہیں مسافرٹرینوں کے ساتھ ریک منسلک کرنے کی وجہ سے3149گھنٹے تاخیر ہوئی ۔جو کل ملا کر 19972گھنٹے بنتے ہیں ہزاروں گھنٹوں کی تاخیر سے مسافر ٹرینوں نے صرف ڈیزل کی مد میں ہزاروں لیٹر اضافی ڈیزل استعمال کیا جس کی وجہ سے ریلوے کو کڑوروں روپے کا نقصان برداشت کرنا پڑا ۔(محمداویس)

  • فواد چوھری کی اہلیہ حبا فواد اور شہباز گل آمنے سامنے

    فواد چوھری کی اہلیہ حبا فواد اور شہباز گل آمنے سامنے

    سابق وفاقی وزیر و تحریک انصاف کو چھوڑنے والے فواد چوہدری کی اہلیہ حبا فواد نے سابق وزیراعظم عمران خان کے سابق معاون خصوصی شہباز گل کو تنقید کا نشانہ بناتے ہوئے کہا کہ "خود تو فرار ہو اور ان کی باتیں سنو، پہلے پارٹی میں اپنے عہدے کی وضاحت کریں۔” علاوہ ازیں ایک ٹوئٹ پر حبا نے شہباز گل سے متعلق لکھاکہ "واپس آئیں اور مقابلہ کریں”.


    خیال رہے کہ فواد چوہدری پی ٹی آئی کو خیرباد کہہ چکے ہیں اور وہ استحکام پاکستان پارٹی کے باقاعدہ اعلان والی پریس میں بھی موجود تھے۔ ان کی اہلیہ حبا فواد چوہدری سوشل میڈیا پر فعال ہیں۔ جبکہ واضح رہے کہ شہباز گل نے ٹوئٹ میں لکھاکہ تھا کہ علی زیدی سمیت 17 افراد کو پی ٹی آئی سے نکال دیا گیا ہے جس میں فواد چوہدری کا بھی نام شامل ہے۔

    یاد رہے کہ 29 مارچ کو شہباز گل کو امریکا جانے کی اجازت ملی تھی اور لاہور ہائی کورٹ نے تحریک انصاف (پی ٹی آئی) رہنما شہباز گل کو 4 ہفتوں کے لیے امریکا جانے کی اجازت دی تھی جبکہ لاہور ہائی کورٹ میں شہباز گل کا نام ای سی ایل میں شامل کرنے کے خلاف درخواست پر بھی سماعت ہوئی تھی جس پر چیف جسٹس لاہور ہائی کورٹ کی سربراہی میں 3 رکنی فل بینچ نے درخواست پر سماعت کی تھی اور یوں عدالت نے شہباز گل کو ایک مرتبہ بیرون ملک سفر کی اجازت دے دی تھی۔
    مزید یہ بھی پڑھیں؛
    خطرناک اشتہاری ملزم کو دبئی سے گرفتار کرلیا گیا
    چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
    آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
    افغانستان کر کٹ ٹیم نے تین میچز کی سیریز اپنے نام کر لی
    یونان کشتی حادثہ؛ جاں بحق 15 مزید پاکستانیوں کی شناخت
    بے اولادی کے طعنے پر 3 پڑوسیوں کو قتل کرنے والا ملزم گرفتار
    محمد رضوان کو سری لنکا کیخلاف ٹیسٹ سیریز میں کھلانے پر غور
    لیکن شہباز گل ملک سے جانے کے بعد دوبارہ واپس نہیں آئے ہیں اور ابھی تک وہی امریکہ میں ہی کیونکہ ان کے پاس بتایا جاتا ہے کہ امریکی شہریت بھی ہے لہذا وہ اب وہی پر رہائش پزیر ہیں کیونکہ پاکستان میں 9 مئی کے واقعات کے بعد پی ٹی آئی کیخلاف کاروایاں جاری ہیں.

  • خطرناک اشتہاری ملزم کو دبئی سے گرفتار کرلیا گیا

    خطرناک اشتہاری ملزم کو دبئی سے گرفتار کرلیا گیا

    بیرون ملک فرار ہونے والے اشتہاری ملزم کو دبئی سے گرفتار کرکے پاکستان منتقل کردیا گیا ہے جبکہ ترجمان پنجاب پولیس کے مطابق ملتان سے فرار ہونے والے قمر نامی خطرناک اشتہاری ملزم کو ملتان پولیس نے دبئی سے گرفتار کر لیا، اور انٹرپول کی مدد سے پاکستان منتقل کردیا ہے۔

    ترجمان پنجاب پولیس کے مطابق ملزم قمر جرائم کی متعدد وارداتوں میں مطلوب تھا، اور عدالت کی جانب سے اشتہاری قرار دیا جاچکا تھا، ملزم کو مزید کارروائی کیلئے وہاڑی پولیس کے حوالے کردیا گیا ہے۔ ترجمان پنجاب پولیس کے مطابق بیرون ملک سے گرفتار کئے گئے اشتہاریوں کی تعداد96 ہو گئی ہے۔

    دوسری جانب کراچی کے علاقےگلستان جوہر میں لڑکی کو ہراساں کرنے کے معاملے کی تحقیقات جاری ہیں اور پولیس نے ملزم کا خاکہ تیار کرالیا ہے۔ پولیس کے مطابق خاکہ سی سی ٹی وی اور عینی شاہدین کی مدد سے تیار کیا گیا ہے۔ پولیس کا کہنا ہےکہ واقعے سے متعلق 300 لوگوں سے پوچھ گچھ کی جاچکی ہے۔

    پولیس کی جانب سے واقعے کی تفتیش کے لیے 15 افراد کو حراست میں بھی لیا گیا ہے جبکہ ان افراد میں گلی کا چوکیدار اور ایک گھریلو ملازمہ بھی شامل ہے۔ جبکہ پولیس حکام کی جانب سے واقعے کی تحقیقات کے لیے پانچ رکنی تحقیقاتی ٹیم بنائی گئی ہے،کمیٹی میں ایس پی گلشن، 2 ڈی ایس پیز اور 2 ایس ایچ اوز شامل ہیں۔

    ادھر انور آباد محلے میں نامعلوم افراد نے اندھ دھند فائرنگ کردی، جس کے نتیجے میں 3 افراد جاں بحق ہوگئے۔ پولیس حکام کے مطابق گھوٹکی کے علاقے انورآباد محلے میں نامعلوم افراد کی فائرنگ میں 3 افراد جاں بحق ہوگئے، جاں بحق ہونے والوں میں 10 سالہ بچی بھی شامل ہے۔

    پولیس حکام نے بتایا کہ واقعہ دیرینہ دشمنی کا شاخسانہ ہے، جس میں سندرانی اور ساوند برادری کے افراد شامل ہیں، سندرانی برادری کے مسلح ملزمان نے ساوند برادری کی دکانوں پر اندھا دھند فائرنگ کی، اور موقع سے فرار ہوگئے۔ حکام کا کہنا ہے کہ واقعے میں مرنے والوں کی شناخت غوث بخش، علی اصغر اور 10 سالہ بچی بشریٰ بی بی کے نام سے ہوئی ہے، جب کہ ایک راہگیر زخمی بھی ہوا۔ لاشوں اور زخمی کو سول اسپتال گھوٹکی منتقل کر دیا گیا ہے۔

  • یو این مذاہب کی توہین کو بین الاقوامی دہشتگردی قرار دے. خالد مسعود سندھو

    یو این مذاہب کی توہین کو بین الاقوامی دہشتگردی قرار دے. خالد مسعود سندھو

    یو این مذاہب کی توہین کو بین الاقوامی دہشتگردی قرار دے، خالد مسعود سندھو

    اکستان مرکزی مسلم لیگ کے تحت سویڈن میں قرآن مجید کی بے حرمتی کیخلاف ناصر باغ سے پنجاب اسمبلی تک بڑی حرمت قرآن ریلی نکالی گئی جس میں شہر بھر سے مختلف شعبہ ہائے زندگی سے تعلق رکھنے والے ہزاروں افراد نے شرکت کی۔ اس موقع پر زبردست جذباتی ماحول دیکھنے میں آیا۔ غیور شہریوں کی طرف سے حرمت قرآن پر جان بھی قرآن ہے کے فلک شگاف نعرے لگا ئے جاتے رہے۔مرکزی مسلم لیگ کی حرمت قرآن ریلی میں شریک سیاسی جماعتوں کے کارکنان، طلباء، وکلاء، تاجروں اور دیگر شعبہ جات سے تعلق رکھنے والے افراد نے ہاتھوں میں کتبے اور بینرز اٹھا رکھے تھے جن پر تحفظ حرمت قرآن کے حوالے سے تحریریں درج تھیں۔ مقررین کے خطابات کے دوران شرکاء میں تحفظ حرمت قرآن کے حوالے سے زبردست جوش و جذبہ دیکھنے میں آیا۔

    ترجمان کے مطابق احتجاجی ریلی سے مرکزی مسلم لیگ کے صدر خالد مسعود سندھو،ابتسام الٰہی ظہیر ،جاوید قصوری، نعیم بادشاہ، مسعود کمال الدین،انجینئر عادل، خلیق، ملک اعجاز،انجینئر حارث ڈار، مولانا ادریس فاروقی، مولانا امجد گھمن ودیگر رہنماؤں نے خطاب کیا۔ اس موقع پر خالد مسعود سندھو نے اپنے خطاب میں کہا کہ مذاہب کی توہین کو یو این بین الاقوامی دہشتگردی قرار دے۔اگر دنیا میں امن قائم رکھنا ہے تو مذاہب کا احترام رکھنا ہوگا اسلامی اشعار کا جو مذاق اڑایا جارہا ہے اگر یورپ ممالک ان سے باز نہ آئے تو اس کے بیانک نتائج سامنے آئیں گے. جبکہ مسلم ممالک اپنے سفیروں کو سویڈن سے واپس بلائیں اور تمام انبیاء کی شان میں گستاخی اور مقدس کتب کی توہین کو ناقابل معافی جرم قرار دے کر عالمی سطح پر قانون سازی کی جائے۔

    پاکستان مرکزی مسلم لیگ کے صدر خالد مسعود سندھو نے کہا کہ سویڈن نے قرآن نہیں پوری دنیا میں بسنے والے مسلمانوں کے دل جلائے ہیں ۔عید الاضحیٰ کے دن قرآن مجید کی گستاخی کرکے مسلمانوں کے دینی و مذہبی جذبات کو ٹھیس پہنچائی گئی ہے۔ مسلمان کسی صورت قرآن حکیم کی گستاخی برداشت نہیں کرسکتے ،پاکستان سمیت او آئی سی کے ممالک کو سویڈن کے ساتھ سفارتی تعلقات ختم کردینے چاہئیں اور اقوام متحدہ سے قرآن پاک کی بےحرمتی کیخلاف سخت قانون سازی کا مطالبہ کرنا چاہیے۔ تاکہ ان گھناونی حرکت میں ملوث عناصر کو سخت سے سخت سزا دے کر انہیں نشان عبرت بنایا جائے۔

    اس موقع پر معروف مذہبی سکالر علامہ ابتسام الہٰی ظہیر نے گفتگو کرتے ہوئے کہا کہ ہمیں قرآن اور اپنے نبی صل اللہ علیہ وسلم سے زیادہ کوئی چیز عزیز نہیں ، حرمت قرآن اور حرمت رسول پر ہماری جانیں اولاد میں مال سب کچھ قربان ہے، پچھلی چند دہائیوں سے مغربی ممالک کی طرف سے بار بار قرآن مجید اور حضرت محمد صلی اللہ علیہ وسلم کی شان میں گستاخیاں کی جارہی ہیں جب مسلمان اس پر ردعمل دیتے ہیں تو پھر ہمیں دہشتگرد کہا جاتا ہے، افسوسناک بات یہ ہے کہ یہ سارا کام سرکاری سرپرستی میں کیا جاتا ہے۔

    مقررین کا کہنا تھا کہ مغربی ممالک کے طرز عمل پر نا صرف ہم بلکہ پوری امت مسلمہ بہت تکلیف میں ہے، مغرب نے اپنے گھناؤنے فعل سے ثابت کیا ہے کہ انتہا پسند اور دہشتگر مسلمان نہیں بلکہ وہ خود ہیں مسلمانوں نے تو کبھی کسی مقدس کتاب یا مقدس ہستی کی بے حرمتی نہیں کی مغربی ممالک کا دہرا معیار اب دنیا کے سامنے بے نقاب ہو گیا ہے۔ دنیا کے امن کیلئے ضروری ہے مقدس کتابوں اور انبیاء اکرام کی بے حرمتی کرنے والوں کے خلاف عالمی سطح پر قانون سازی اور پر عملدرآمد یقینی بنایا جائے نے کہا کہ سویڈن میں قرآن پاک کی بےحرمتی سے پوری امت مسلمہ کے دل چھلنی ہیں۔ حکومت اس مسئلے کو بین الاقوامی سطح پر اجاگر کر کے قانون سازی کروائے۔

    صدر ملی یکجہتی کونسل پنجاب جاوید قصوری نے کہا کہ سویڈن میں قرآن پاک کی بے حرمتی ایک گھناونا فعل اور انتہائی قابل مذمت عمل ہے، شدت پسند واقعے سے یورپ کا مکروہ چہرہ بے نقاب ہوچکا ہے۔ جاوید قصوری نے کہا کہ اقوام متحدہ کو اس پر ایکشن لینا چاہیے تاکہ کوئی ایسی ناپاک جسارت نہ کر سکے۔ پاکستان مرکزی مسلم لیگ کے معروف مذہبی سکالر مسعود کمال الدین نے شرکاء سے خطاب کرتے ہوئے کہا کہ حکومت وقت سے مطالبہ کرتے ہیں کہ سویڈن سے تجارتی اور سفارتی تعلقات فی الفور ختم کیے جائیں۔او آئی سی کے ممالک کے لئے مشعل راہ بنا جائے۔ او آئی سی کے ممالک کو احتجاجی اجلاس بلانے کی بجائے عملی اقدامات کرنے چاہیے۔
    مزید یہ بھی پڑھیں؛
    خطرناک اشتہاری ملزم کو دبئی سے گرفتار کرلیا گیا
    چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
    آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
    افغانستان کر کٹ ٹیم نے تین میچز کی سیریز اپنے نام کر لی
    یونان کشتی حادثہ؛ جاں بحق 15 مزید پاکستانیوں کی شناخت
    بے اولادی کے طعنے پر 3 پڑوسیوں کو قتل کرنے والا ملزم گرفتار
    محمد رضوان کو سری لنکا کیخلاف ٹیسٹ سیریز میں کھلانے پر غور
    مرکزی مسلم لیگ لاہور کے انجنئیر عادل خلیق نے کہا کہ پاکستان سمیت او آئی سی کے تمام ممالک کو اقوام متحدہ سے مطالبہ کرکے اس سلسلے میں قانون سازی کے لیے کوشش کرنی چاہیے۔ مرکزی مسلم لیگ لاہور کے جنرل سیکرٹری انجنئیر حارث ڈار نے کہا کہ سویڈن میں قرآن پاک کی بےحرمتی کا سانحہ فرد واحد کا مسئلہ نہیں بلکہ یورپی یونین کے ذہن کی عکاسی کرتا ہے، آزادی اظہار کی آڑ میں 2 ارب سے زائد مسلمانوں کے جذبات کو مجروح کرنا ایک سوچی سمجھی اور گھناؤنی سازش ہے۔

  • اب پی ڈی ایم کی ضرورت باقی نہیں رہی. مولانا فضل الرحمان

    اب پی ڈی ایم کی ضرورت باقی نہیں رہی. مولانا فضل الرحمان

    پاکستان ڈیمو کریٹک موومنٹ کے سربراہ اور جمعیت علمائے اسلام (ف) امیر مولانا فضل الرحمان نے کہا ہے کہ پی ڈی ایم ایک تحریک تھی اب اس کی ضرورت باقی نہیں رہی، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، دبئی میں ہونے والے میٹنگ میں پی ڈی ایم کو اعتماد میں کیوں نہیں لیا گیا۔

    پشاور میں سینئر صحافیوں کے ساتھ غیر رسمی گفتگو کرتے ہوئے انہوں نے کہا کہ یہ سوال پی ڈی ایم میں موجود ہے کہ مسلم لیگ ن نے اب تک اتحاد میں شامل جماعتوں کو دبئی میں ہونے والی میٹنگ کے حوالے سے اعتماد میں کیوں نہیں لیا۔ دبئی مذاکرات اچانک نہیں بلکہ منصوبہ بندی سے ہوئے اس لیے سب کواعتماد میں لیا جانا چاہیے تھا۔ پی پی ہمارے اتحاد کا حصہ نہیں اس لیے دبئی مذاکرات کے بارے میں نہیں پوچھ سکتے۔پی ڈی ایم ایک تحریک تھی اب اس کی ضرورت باقی نہیں رہی۔

    ایک سوال کے جواب میں مولانا فضل الرحمان نے کہا کہ عام انتخابات وقت پر ہوں گے، جلد مرکز، سندھ اوربلوچستان میں نگران حکومتیں قائم آ جائیں گی، ملک میں معیشت بہتر ہونا شروع ہو گئی ہے۔ جبکہ ایک اور سوال کے جواب میں پاکستان تحریک انصاف کے چیئر مین پر تنقید کرتے ہوئے پی ڈی ایم کے سربراہ نے کہا کہ عمران خان امریکا کوگالی بھی دیتاہے اور اس سے یاری بھی گانٹھی جارہی ہے، عجیب بات ہے کہ وہ عالمی برادری جو قران پاک کی توہین کرتی ہے وہی چیئرمین پی ٹی آئی کی حمایت بھی کرتی ہے۔چیئرمین پی ٹی آئی سی پیک اورسرمایہ کاری روکتا ہے اسکے قول وفعل میں تضاد ہے، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، چیئرمین پی ٹی آئی کو را اور موساد کی سپورٹ حاصل تھی اور آج بھی حاصل ہے۔امید ہے کہ قوم عام انتخابات میں اس فتنے سے ملک کومحفوظ رکھے گی۔
    مزید یہ بھی پڑھیں؛
    خطرناک اشتہاری ملزم کو دبئی سے گرفتار کرلیا گیا
    چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
    آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
    افغانستان کر کٹ ٹیم نے تین میچز کی سیریز اپنے نام کر لی
    یونان کشتی حادثہ؛ جاں بحق 15 مزید پاکستانیوں کی شناخت
    بے اولادی کے طعنے پر 3 پڑوسیوں کو قتل کرنے والا ملزم گرفتار
    محمد رضوان کو سری لنکا کیخلاف ٹیسٹ سیریز میں کھلانے پر غور

    علاوہ ازیں امیر جے یو آئی ف کا کہنا تھا کہ ہم 2018 اتخابات کے بعد اسمبلیوں کی رکنیت کاحلف نہیں اٹھاناچاہتے تھے تاہم اپوزیشن جماعتوں کی وجہ سے ایساکرنا پڑا۔ ہمارے لیے بے شمارمشکلات پیداکی گئیں مگر ہم نے تحمل سے کام لیا۔ ہم چیئرمین پی ٹی آئی کی حکومت کونہیں ہٹاناچاہتے تھے تاہم اپوزیشن کا ساتھ دینے کے لیے ان کے ساتھ کھڑے ہوئے۔ فوج ایک ادارہ ہے جس سے اختلاف ممکن نہیں البتہ شخصیات سے اختلاف ہوسکتا ہے۔

  • یونان کشتی حادثہ؛ جاں بحق 15 مزید پاکستانیوں کی شناخت

    یونان کشتی حادثہ؛ جاں بحق 15 مزید پاکستانیوں کی شناخت

    یونان میں کشتی حادثے میں جاں بحق 15 مزید پاکستانیوں کی میتوں کی شناخت ہوگئی ہے جبکہ گزشتہ ماہ یونان میں تارکین وطن کی کشتی ڈوبنے کے حادثے میں سیکڑوں افراد لاپتہ ہوگئے تھے، جب کہ متعدد افراد کی موت کی بھی تصدیق کردی گئی ہے۔ یونانی حکام کی جانب سے حادثے میں جاں بحق ہونے والے افراد میں 15 پاکستانیوں کی شناخت کی تصدیق کردی گئی ہے۔

    حکام کے مطابق حادثے میں جاں بحق ہونے والے افراد میں گجرات سے تعلق رکھنے والے 6 افراد اور گوجرانوالہ کے 4 افراد بھی شامل ہیں۔ دیگر افراد میں شیخوپورہ، راولپنڈی، میرپور، وہاڑی اور منڈی بہاؤالدین سے تعلق رکھنے والے افراد بھی شامل ہیں۔ واضح رہے کہ گزشتہ ماہ 23 جون کو وفاقی وزیر داخلہ رانا ثنا اللہ نے اپنے بیان میں بتایا تھا کہ یونان کشتی حادثےمیں جاں بحق پاکستانیوں کی تعداد 350 ہے، شناخت کے بعد لاشیں پاکستان لائی جائیں گی۔

    خیال رہے کہ دوسری جانب یونان کشتی حادثہ، زندہ بچنے والا پاکستانی گھر پہنچ گی، یونان کشتی حادثے میں زندہ بچ جانے والا خوش قسمت پاکستانی واپس گھر پہنچ گیا۔ جبکہ 28 سالہ عثمان صدیق محکمہ پولیس میں سپاہی ہے، 4 دوستوں کے ساتھ اٹلی جانا چاہتا تھا۔
    یونان کشتی حادثہ: زندہ بچ جانے والے نوجوان عثمان صدیق نے پوری کہانی سنادی
    مزید یہ بھی پڑھیں؛
    خطرناک اشتہاری ملزم کو دبئی سے گرفتار کرلیا گیا
    چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
    آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
    افغانستان کر کٹ ٹیم نے تین میچز کی سیریز اپنے نام کر لی
    عثمان صدیق نامی اس خوش قسمت پاکستانی کا تعلق گجرات کے علاقے کالیکی سے ہے۔ عثمان صدیق نے میڈیا سے گفتگو میں بتایا کہ بدقسمت کشتی میں 700 افراد سوار تھے، جن میں 350 پاکستانی تھے۔ انہوں نے کہا کہ حادثے سے پہلے ایک ہیلی کاپٹر بھی آیا اور تصاویر لینے کے بعد چلا گیا تھا۔

  • بے اولادی کے طعنے پر 3 پڑوسیوں کو قتل کرنے والا ملزم گرفتار

    بے اولادی کے طعنے پر 3 پڑوسیوں کو قتل کرنے والا ملزم گرفتار

    بے اولادی کے طعنے پر 3 پڑوسیوں کو قتل کرنے والا ملزم گرفتار کر لیا گیا ہے جبکہ میڈیا رپورٹس کے مطابق یہ واقعہ بھارتی ریاست پنجاب کے شہر لدھیانہ میں پیش آیا ہے جس میں ایک 46 سالہ شخص کو سلیم تبری کےعلاقے سے گرفتار کیا گیا ہے اور اس کے متعلق پولیس نے بتایا ہے کہ ملزم رابن عرف مُنا مرنے والے افراد کا پڑوسی ہے جنہیں انہوں نے قتل کیا تھا.

    کمشنر آف پولیس کے مطابق متاثرہ افراد میں ایک خاتون، اس کا شوہر اور اس کی ساس شامل ہیں۔ یہ واقعہ جمعہ کی صبح پیش آیا تھا جس میں مُنا نامی شخص جو پیشے کے اعتبارسے ایک رکشہ ڈرائیور ہے اور ناراض تھا کیونکہ سُریندر کور اسے بے اولادی اورعلاج کروانے پر تنگ کرتی تھی۔ پولیس افسر نے یہ بھی بتایا کہ وہ پریشان تھا کیونکہ سُریندر کور اِس کی بیوی کے سامنے یہ ذکر کرتی تھی۔

    مندیپ سنگھ سدھو نے بتایا کہ جمعرات کی صبح غصے میں آکر مُنا نے سُریندر کور(عمر تقریباً 70 سال)، اس کے شوہر چمن لال (75 سال) اور اس کی ساس (عمر تقریباً 90 سال) پر ہتھوڑے سے حملہ کرکے انہیں موت کے گھاٹ اتار دیا۔ پولیس کا کہنا ہے کہ گرفتاری کے بعد مُنا نے کوئی پچھتاوا نہیں ہے، اس نے یہ بھی درخواست کی کہ اس کی بیوی کو گرفتار کیا جائے، کیونکہ اس کے بعد اس کی دیکھ بھال کرنے والا کوئی نہیں تھا۔ مُنا نے جرم کرنے کا اعتراف کر لیا ہے۔
    مزید یہ بھی پڑھیں؛
    خطرناک اشتہاری ملزم کو دبئی سے گرفتار کرلیا گیا
    چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
    آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
    افغانستان کر کٹ ٹیم نے تین میچز کی سیریز اپنے نام کر لی
    پولیس نے کہا کہ جُرم کو ایک حادثہ کا روپ دینے کے لیے مُنا نے کھانا پکانے کے گیس سلنڈر کا وال کھولا اور ایک اگربتی جلائی تاکہ کمرے میں آگ لگ جائے اور تمام شواہد مٹ جائیں۔ پولیس نے جرم میں استعمال ہونے والے ہتھیار کو ضبط کرلیا ہے۔ یہ واقعہ جمعہ کی صبح اس وقت سامنے آیا جب ایک دودھ والے نے آس پاس کے لوگوں کو بتایا کہ گھر میں موجود افراد میںٓ سے کسی کی بھی آواز نہیں آرہی ہے۔ پولیس نے بتایا کہ پڑوسی دیوار پار کرکے گھر میں داخل ہوئے تو خاندان کے تینوں افراد کو مردہ پایا۔

  • عمرہ زائرین کے کرایوں میں نمایاں کمی

    عمرہ زائرین کے کرایوں میں نمایاں کمی

    عمرہ زائرین کیلئے کرایوں میں نمایاں کمی کردی گئی.

    قومی ایئر لائنز پی آئی اے نے عمرہ زائرین کیلئے مدینہ اور جدہ کے دوطرفہ کرایوں میں نمایاں کمی کردی گئی ہے جبکہ پی آئی اےکے مطابق عمرہ کرایوں میں 11 ہزار روپے کی کمی کی گئی ہے،جس کے بعد پی آئی اے کا فیصل آباد سے مدینہ ،جدہ کا کرایہ 1لاکھ 12 ہزار سے کم ہو کر 1لاکھ 800 ہوگیا ۔

    پی آئی کےکرایوں میں کمی کا اطلاق 10اگست تک رہے گا ،اورکرائے امریکی ڈالر کی کرنسی کے مساوی پاکستانی روپوں میں ادا کرنا ہوں گے۔ دوسری جانب واضح رہے کہ قومی ائیر لائن پی آئی اے کا بعد از حج آپریشن شروع ہو گیا ہے جس کے تحت دو پروازیں حجاج کرام کو لیکر وطن واپس پہنچ گئی ہیں۔
    مزید یہ بھی پڑھیں؛
    بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
    آئی سی سی ورلڈ کپ سے پہلے دوسرا بڑا اپ سیٹ ہو گیا
    عمران خان کیخلاف مقدمات کی تفصیلات فراہمی تک کاروائی روکی جائے، وکیل
    یونان کشتی حادثہ کے بعد کاروائیاں،35 انسانی سمگلرز گرفتار
    نومئی واقعات،خواتین کا فوجی عدالتوں میں ٹرائل نہیں ہو گا
    سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
    ترجمان پی آئی اے کے مطابق بعد از حج آپریشن کے تحت قومی ائیر لائن کی پہلی پرواز پی کے 832 جدہ سے لاہور پہنچی جبکہ دوسری پرواز کراچی پہنچی ہے جبکہ پی آئی اے کے ترجمان کا کہنا ہے کہ قومی ائیرلاین پی آئی اے کی بعد از حج آپریشن کے تحت اسلام آباد ائیرپورٹ پر پہلی پرواز آج لینڈ کرے گی، پی آئی اے کا بعد از حج آپریشن 2 اگست تک جاری رہے گا۔

  • پاکستان اسٹاک ایکسچینج کا 100 انڈیکس 28 پوائنٹس اضافے سے 44 ہزار 207 پر بند

    پاکستان اسٹاک ایکسچینج کا 100 انڈیکس 28 پوائنٹس اضافے سے 44 ہزار 207 پر بند

    پاکستان اسٹاک ایکسچینج میں کاروباری ہفتے کے آخری روز ملا جلا رجحان رہا ہے جبکہ پاکستان اسٹاک ایکسچینج کا 100 انڈیکس 28 پوائنٹس اضافے سے 44 ہزار 207 پر بند ہوا۔ کاروباری دن میں 100 انڈیکس کی بلند اور کم ترین سطحوں کا فرق 206 پوائنٹس رہا۔ بازارمیں 24 کروڑ 79 لاکھ شیئرز کے سودے ہوئے جن کی مالیت 8 ارب 51 کروڑ روپے رہی۔

    مارکیٹ کیپٹلائزیشن تین ارب روپے بڑھ کر 6 ہزار 694 ارب روپے ہے۔ اقتصادی امور پر نظر رکھنے والی ویب سائٹ بلوم برگ نے اپنی رپورٹ میں کہا ہے کہ عالمی مالیاتی فنڈ (آئی ایم ایف) سے معاہدے کے بعد پاکستان اسٹاک ایکسچینج میں تیزی آئی ہے۔ بلوم برگ کی رپورٹ کے مطابق گزشتہ ایک ہفتے کے دوران پاکستان اسٹاک ایکسچینج میں 11 فیصد اضافہ ہوا جو کہ کسی بھی دوسری اسٹاک مارکیٹ سے بہتر ہے۔
    مزید یہ بھی پڑھیں؛
    بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
    آئی سی سی ورلڈ کپ سے پہلے دوسرا بڑا اپ سیٹ ہو گیا
    عمران خان کیخلاف مقدمات کی تفصیلات فراہمی تک کاروائی روکی جائے، وکیل
    یونان کشتی حادثہ کے بعد کاروائیاں،35 انسانی سمگلرز گرفتار
    نومئی واقعات،خواتین کا فوجی عدالتوں میں ٹرائل نہیں ہو گا
    سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
    اس حوالے سے معاشی تجزیہ کار محمد سہیل کا کہنا ہے کہ پاکستان اور آئی ایم ایف کے معاہدے کی آئی ایم ایف بورڈ سے منظوری اور سعودی عرب، متحدہ عرب امارات اور دیگر ذرائع کی جانب سے آنے والی فنڈنگ آئندہ ہفتوں میں اہم ہو گی۔ دوسری جانب آئی ایم ایف سے معاہدے کے بعد گزشتہ ایک ہفتے میں پاکستان کے یوروبانڈز کی مالیت میں بھی تیزی سے اضافہ ہوا ہے۔

  • کوکنگ آئل لوٹنے والا گینگ گرفتار، سرکاری اہلکار بھی ملوث

    کوکنگ آئل لوٹنے والا گینگ گرفتار، سرکاری اہلکار بھی ملوث

    کوکنگ آئل لوٹنے والا گینگ گرفتار، سرکاری اہلکار بھی ملوث نکلا ہے، کراچی میں پولیس موبائل کے ذریعے کوکنگ آئل لوٹنے والا گینگ پولیس کے ہتھے چڑھ گیا ہے جبکہ گزشتہ دنوں کوکنگ آئل لوٹنے کی متعدد وارداتین رپورٹ ہوئی تھیں پولیس حکام کے مطابق چارملزمان کو گارڈن پولیس ہیڈ کوارٹر کے قریب سے گرفتارکیا گیا ہے۔ ملزمان کے گروپ میں پولیس اہلکاربھی شامل ہے جومفرور تھا۔ ملزمان کی نشاندہی پر پولیس نے سی ٹی ڈی افسر ظفر اقبال کو بھی گرفتار کرلیا ہے۔

    پولیس موبائل کی جانب سے پک اپ کو روکنے کی سی سی ٹی وی فوٹیج بھی منظرعام پر آگئی ہے۔ ملزمان پولیس موبائل میں کوکنگ آئل کی گاڑیاں لوٹ رہے تھے۔ ویڈیو میں دیکھا جاسکتا ہے کہ پولیس موبائل میں موجود افراد نے کوکنگ آئل کی گاڑیوں کو روکا اورگاڑی سے آئل پولیس موبائل میں منتقل کرنا شروع ہوگئے.
    مزید یہ بھی پڑھیں؛
    بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
    آئی سی سی ورلڈ کپ سے پہلے دوسرا بڑا اپ سیٹ ہو گیا
    عمران خان کیخلاف مقدمات کی تفصیلات فراہمی تک کاروائی روکی جائے، وکیل
    یونان کشتی حادثہ کے بعد کاروائیاں،35 انسانی سمگلرز گرفتار
    نومئی واقعات،خواتین کا فوجی عدالتوں میں ٹرائل نہیں ہو گا
    سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
    علاوہ ازیں پولیس حکام کا کہنا ہے کہ پولیس اہلکار پک اپ کے ساتھ موبائل لگا کرکولنگ آئل اپنی موبائل میں منتقل کرلیتے تھے، اور گودام میں خالی کرتے تھے، جب کہ کوکنگ آئل شفٹ کرنے کے دوران پک اپ ڈرائیور کو نامعلوم مقام پر چھوڑ دیتے تھے، اس گروہ میں گودام کا ملازم بھی شامل ہے۔ تاہم حکام کے مطابق ملزمان کے خلاف نیو کراچی صنعتی ایریا تھانے میں مقدمہ درج کرلیا گیا ہے، جب کہ ملزمان سے تفتیش جاری ہے۔