Tag: police

پشاور کیپٹل سٹی پولیس پشاور نے شہر کے نواحی علاقہ ارمڑ میں خود کو حساس ادارے کے اہلکار ظاہر کرکے ڈکیتیاں کرنے والے 3 رکنی جعل ساز ،راہزن اور ڈکیت گروہ کو گرفتار کر لیا، گرفتار ملزمان نے ابتدائی تفتیش کے دوران اپنے جرم کا اعتراف کر لیا ہے جن کے قبضے سے مسروقہ طلائی زیورات 3 تولہ سونا ، 50 ہزار نقد رقم ، واردات میں استعمال ہونے والا اسلحہ تین عدد پستول ،ایک بندوق اورایک ہینڈ گرنیڈ بھی برآمد کر لیا گیا ہے جن کے خلاف مقدمہ درج کرکے تفتیش شروع کر دی گئی

تفصیلات کے مطابق مدعی عجب گل ولد محمد گل سکنہ افریدی آباد ارمڑ نے 20 دسمبر 2020 کو تھانہ ارمڑ پولیس کو رپورٹ درج کراتے ہوئے بیان کیا کہ وہ رات کو اہل خانہ ہمراہ گھر خود میں موجود تھے کہ اسی اثنا گھر کے دروازے پر دستک ہوئی اور ساتھ ہی آواز دی کہ ہم حساس ادارے کے اہلکار ہیں اور گھر کا سرچ آپریشن کرنا ہے ،جونہی دروازہ کھولا تو اچانک مسلح ملزمان نے گھر میں گھس کر ایک نقدی نقد ،طلا ئی زیورات لائسنس دار اسلحہ اور مو بائل فون لے کر چلے گئے جس کی رپورٹ پر مقدمہ درج کرکے تفتیش شروع کر دی گئی

ایس ایس پی آپریشن منصور آمان نے واقعہ کا سختی سے نوٹس لیتے ہوئے ایس پی صدر ڈویژن وقاراحمد کی نگرانی میں ڈی ایس پی صدر سرکل عالم زیب خان، ایس ایچ او تھانہ ارمڑ صابر خان اور دیگر پولیس افسران پر مشتمل خصوصی ٹیم تشکیل دی ملوث ملزمان کو ٹریس کرنے کا ٹاسک حوالہ کیا،خصوصی ٹیم نے جدید سائنسی خطوط پرتفتیش کرتے ہوئے واقعہ میں ملوث3 ملزمان کاشف ولد بہادر ،احمد نبی عرف احمدے ولد سید نبی ساکنان ارمڑ اور مالک ولد قدیر خان سکنہ بڈھ بیر کو گرفتار کر لیا ،گرفتار ملزمان نے ابتدائی تفتیش کے دوران اپنے جرم کا اعتراف کر لیا ہے ، جن کے قبضے سے مسروقہ طلائی زیورات 3 تولہ سونا ، 50 ہزار روپے نقد ، واردات میں استعمال ہونے والا اسلحہ تین عدد پستول ،ایک بندوق اورایک ہینڈ گرنیڈ بھی برآمد کر لیا گیا ہے جن کے خلاف مقدمہ درج کرکے تفتیش شروع کر دی گئی ،ملزمان سے دوران تفتیش مزید اہم اور سنسنی خیز انکشافات کی توقع کی جا رہی ہے.