Tag: PTI

ایک وقت ایسا ہوگا جب عمران خان کا ٹکٹ لینے والا کوئی نہیں ہوگا. فیصل واؤڈا

پاکستان تحریک انصاف کے سابق رہنما اور عمران خان دور میں وفاقی وزیر رہنے والے فیصل واوڈا کا کہنا ہے کہ ابھی تو چیئرمین پی ٹی آئی کہہ رہے ہیں کہ میں جسے ٹکٹ دوں گا وہی جیتے گا لیکن ایک وقت آئے گا جب ان کا ٹکٹ لینے والا کوئی نہیں ہوگا۔ آج نیوز کے پروگرام روبرو میں بات کرتے ہوئے سابق پی ٹی آئی رہنما فیصل واوڈا کا کہنا تھا کہ سب چیئرمین تحریک انصاف عمران خان کی جگہ لینا چاہتے ہیں۔ ابھی تو گھنٹے اور دن گزرے ہیں ابھی دنوں، ہفتوں اور مہینوں میں دیکھیں گے کہ ایک دو لوگ ہی بچیں گے۔ ابھی اور لوگ بھی عمران خان کو مورد الزام ٹھہرا کر پارٹی سے نکلتے اور لاتعلقی کرتے نظر آئیں گے۔ میں ان کے کرپشن کے کیسز بھی سامنے لاؤں گا کہ ان لوگوں نے اقتدار میں آکر جائیدادیں بنائیں۔ سب سے غلط کام جو انھوں نے کیا وہ شہدا کی بےحرمتی کرنے کا ہے۔

سابق وفاقی وزیر نے کہا کہ اگر عمران خان کو 20 سال بعد پتا چلا کہ گٹر کے کیڑوں اور سانپوں کو ملک سونپ رکھا تھا تو انھوں نے کیا ملک چلانا ہے جو ملک کے شہدا کی قبر کا احترام نہ رکھ سکے جو جانور اور انسان میں فرق نہ رکھ سکے جو غلاظت اور صفائی میں فرق نہ رکھ سکے وہ پاکستان کیا سنبھالیں گے شرم آنی چاہیے۔ مجھے نکالنے پر پارٹی کے لوگ میری خبر بنارہے تھے لیکن آج خود ہی خبر بن گئے ہیں۔ عمران خان کہہ رہے ہیں میں جسے ٹکٹ دوں گا وہی جیتے گا لیکن ان کا ٹکٹ لینے والا کوئی ہوگا ہی نہیں

فیصل واوڈا کا کہنا تھا کہ سب کو معلوم ہے کہ سابق آرمی چیف جنرل باجوہ کی پگڑی کس نے اچھالی کیا وہ فوج کے سربراہ نہیں تھے۔ کیا فوج کے شہدا کا مذاق نہیں اڑایا گیا ، سب کو پتا ہے کہ فوج کے سپہ سالار کی بات کی جاتی رہی اور اب عمران خان کیسے کہہ سکتے ہیں کہ میں نے فوج کےخلاف بات نہیں کی جبکہ شہدا کی بے حرمتی کرنے کے بعد پی ٹی آئی کارڈ کے پتوں سے بھی زیادہ تیزی سے گری ہے۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
سابق وفاقی وزیر کا کہنا تھا کہ مراد سعید کو عمران خان نے چھپایا ہے یا انھیں پتا ہے کہ وہ کہاں چھپے ہیں۔ وہ چیئرمین پی ٹی آئی کے بہت قریب رہا بہت سے احکامات پر عمل بھی کیا اور پیغام رسانی کا کام بھی کرتا رہا اور مراد سعید ساتھ ہی عینی شاہد بھی ہوں گے بہت ساری چیزوں کے تو اس تناظر میں بڑی اہمیت ہے مراد سعید کی۔ یصل واوڈا نے یہ بھی کہا کہ اس ساری صورتحال کو دیکھ کر عمران کی ذمہ داری بنتی ہے کہ مراد سعید کی جان و مال کی حفاظت کریں وہ اس ذمہ داری سے دستبردار نہیں ہوسکتے۔

نومئی کو پی ٹی آئی چیئرمین کی گرفتاری کے بعد ملک بھرمیں پرتشدد مظاہروں کے بعد پارٹی کے بکھرنے پرعمران خان کی مذاکرات کی پیشکش کو حکومت کی جانب سےمسترد کر دیا گیا ہے۔ جبکہ وزیرریلوے سعد رفیق نےجناح ہاؤس کے باہرمیڈیا سے گفتگو کرتے ہوئے کہا کہ سیاسی جماعتوں کوعمران خان چوراورغدارکہتےتھے، اورمذاکرات کی بات کا مذاق اڑاتے تھے، بہت سےدوستوں کےاختلاف کےباوجود میں بات چیت کاحامی تھا، قوم جانتی ہےمذاکرات کے دور ہوئے ، مذاکرات میں پی ٹی آئی ٹیم بےمقصد بات کررہی تھی،ان کی ٹیم واپس گئی توانہوں نےکہااب کچھ نہیں کرنا،مذاکراتی ٹیم کےکچھ لوگ انکےساتھ ہیں اورکچھ اب گھر بیٹھے ہیں،بات چیت کابھی کوئی ماحول اورایجنڈا ہوتاہے،لیکن اب مذاکرات کا ماحول نہیں۔

وزیرریلوے نے کہا کہ تحریک انصاف پرپابندی لگانے کاعلم نہیں،وفاقی حکومت آئینی مدت سےایک دن آگے نہیں جائے گی،الیکشن آئینی مدت کے مطابق ہوں گے، کوئی بے گناہ ہوگا تو قانون کی عدالت سے چھوٹ جائےگا،جوکام انہوں نے کیےاصل میں وہ غداری ہے،یہ احتجاج نہیں حملہ،دہشتگردی اورتخریب کاری ہے۔ انہوں نے کہا کہ ہم آج جناح ہاؤس میں موجود ہیں،بہت دل خراش یہ سانحہ عظیم ہے،یہ کئی طریقوں سے تاریخی ہے،یہ بابائے قوم کا گھررہا ہے،ان کے استعمال کی چیزیں یہاں رکھی گئیں، یہ لوگ بابائے قوم کی میراث کو معاف کرنےکیلئےتیارنہیں ہیں، اس کے تقدس کو برے طریقے سے پامال کیا گیا۔

انہوں نے کہا کہ بطورکورکمانڈرہاؤس یہ فوج کےسب سے بڑے افسر کا گھر ہے، وہ ویڈیو بھی دیکھی ہے جس میں کورکمانڈر اورانکی فیملی کے ساتھ بدتمیزی کی جارہی ہے،ہمارا اسٹیبلشمنٹ کےساتھ اختلاف ہوا لیکن کبھی ایسا سوچا بھی نہیں تھا،ان کےاپنےلوگ کہہ رہےہیں ہم باہراوراندربھی موجود تھے۔ سعد رفیق نے کہا کہ جی ایچ کیوہماری طاقت کی علامت ہے،کورکمانڈرہاؤس پر3اطراف سےحملہ کیاگیا،سب کومعلوم ہےیہ سرحدی محافظ کےسب سےبڑےافسرکی رہائشگاہ ہے، کورکمانڈر،ان کی اہلیہ کےساتھ بدتمیزی کی گئی،یہ کس طرح کےلوگ ہیں؟یہ آگ پٹرول سے نہیں کیمیکل سے لگائی گئی تھی، کس نےیہ کیمیکل دیئے؟نفرت کےانجن لگاکرپڑھے لکھے نوجوانوں کوورغلایا گیا۔

انہوں نے کہا کہ ایم ایم عالم کاجہازہماری طاقت اورہمت کا ثبوت ہے،جولوگ فوج کوٹارگٹ کریں ان سےزیادہ بدبخت کوئی نہیں،جوکئی کلومیٹرزتک سرحدوں کی حفاظت کرتے ہیں انکےساتھ یہ کیاگیا،5گناطاقتوردشمن کوروکنےوالوں کیلئےانہیں روکنامشکل نہیں تھا،پاک فوج بارڈرکےاندراورباہردہری جنگ لڑرہی ہے،آپ اپنی مسلح افواج کوشرمندہ نہیں کرسکتے۔ وفاقی وزیرنے کہا کہ سیاست جی ایچ کیوپردھاوانہیں ہے،یہ دہشتگردوں کاکام ہے،پی ٹی آئی نےبھی دہشت گردوں والاکام کیا،یہ نہیں ہوسکتا کہ سیاسی غلاف اوڑھ کردہشتگردوں والاکام کریں،نوجوانوں کےدماغ کوزہرسےبھرناانکےلیڈرکاسب سےبڑاجرم ہے،کتنی نفرت ان لوگوں میں بھری گئی،پی ٹی آئی کی لیڈرشپ کوپوری قوم اورافواج سےمعافی مانگنی چاہیے۔

انہوں نے کہا کہ سیاسی لوگ جیلوں میں جاتےرہتےہیں مگرایساکوئی نہیں کرتا، ہم بھی بےگناہ جیلوں میں گئے،جیلیں کاٹ کرواپس آگئے،ایک فوجی کےمنع کرنےپرہم دوبارہ وہاں سےکبھی نہیں گزرے،ہم نےکبھی فوجی تنصیبات کےسامنےجاکراحتجاج کاتصوربھی نہیں کیا،قوم فوج کےساتھ کھڑی ہوتی ہے،پاک فوج کےجوانوں اورشہداءکےساتھ یکجہتی کااظہارکرتےہیں۔ جبکہ خیال رہے کہ پاکستان مسلم ن کے قائد اورسابق وزیراعظم نوازشریف نے گزشتہ روز کہا تھا کہ شہداءکی یادگاروں کوجلانےوالوں سےبات نہیں ہوگی۔

یاد رہے کہ ایک روز قبل تحریک انصاف کے چیئرمین عمران خان نےویڈیو پیغام میں فیصلہ سازوں کو مذاکرات کی پیشکش کرتے ہوئے کہا تھا پاکستان کے حالات مزید خراب ہونے کی صورت میں معاشرہ پھٹ جائے گا اور اسی لیے میں بات چیت کی بات کر رہا ہوں۔ ڈنڈوں اور ظلم سے مسائل حل نہیں ہوں گے، جو صرف قانون کی حکمرانی اور اداروں کو مضبوط کر کے ہی ممکن ہے۔ واضح رہے کہ تحریک انصاف کے چیئرمین اور سابق وزیر اعظم عمران خان کی القادر ٹرسٹ کیس میں نیب کے ہاتھوں گرفتاری کے بعد پی ٹی آئی کے ورکرز نے ملک بھر میں پرتشدد مظاہرے کیے تھے۔پی ٹی آئی کارکنوں نے جلائوگھیرائو کے دوران سول اورعسکری تنصیبات میں گھس کر توڑ پھوڑ کی تھی، اور متعدد فتح کی علامات کا آگ لگا دی تھی۔ جس کے بعدملک بھر میں پی ٹی آئی کارکنوں اوررہنمائوں کی گرفتاریوں کا سلسلہ شروع ہوگیا، اور سول تنصیبات پر حملہ کرنے والے پر انسداد دہشتگردی ایکٹ اورفوج تنصیبات پر حملہ کرنیوالوں کیخلاف آرمی ایکٹ اور آفیشل سیکرٹ ایکٹ کے تحت مقدم درج کیے گئے۔اس کے بعد پاکستان تحریک انصاف ٹوٹ پھوٹ کا شکار ہے اور اس کےمتعد د بانی اور دیگر رہنما پارٹی کو چھوڑ چکے ہیں۔