معروف ٹک ٹاکر جنت مرزا نے اپنے حالیہ انٹرویو میں کہا ہے کہ جب میرے پاس فلم تیرے باجرے راکھی آئی تو اس وقت مجھے معلوم نہیں تھا کہ سید نور کون ہیں اور کیا کرتے ہیں، مجھے بعد میں معلوم پڑا کہ سید نور ملک کے معروف ڈائریکٹر ہیں. انہوں نے کہا کہ صائمہ اور سید نور کے ساتھ کام کرنے کا تجربہ بہت اچھا رہا ہے. جنت مرزا نے ایک سوال کے جواب میں کہا کہ زمانہ طالب علمی میں ، میں بہت زیادہ پڑھائی نہیں کرتی تھی، بلکہ جب امتحان ہوتے تھے تو ایک دن پہلے بس پڑھائی کرتی تھی اور اچھے نمبر لے آتی تھی.
جنت مرزا نے کہا کہ ”میں نے فلموں کی بڑی بڑی آفرز کو ٹھکرایا ” کیونکہ میں اپنی مرضی سے کام کرنے کی عادی ہوں، مجھے کوئی پچھتاوا نہیں ہے اگر میں نے کارتک آریان کے ساتھ فلم کو منع کیا ہے. انہوں نے کہا کہ ٹک ٹاک میری پہچان ہے اور مجھے فخر ہے کہ میں ٹک ٹاکر ہوں . واضح رہے کہ جنت مرزا ٹک ٹاک پر ملینز کے حساب سے فالورز رکھتی ہیں یوں ان کی ایک بڑی فین فالونگ ہے، ان کی وڈیوز کو بہت زیادہ پسند بھی کیا جاتا ہے. جنت آگے کس ایکٹنگ پراجیکٹ میں نظر آئیں گی ، اس حوالے سے انہوں نے کوئی بات تاحال نہیں کی .
