بالی وڈ اداکار دھرمیندر جنہوں نے اداکارہ ہیما مالنی کے ساتھ دوسری شادی کی، ان کے بارے میں ہیما مالنی کی ایک دوست کا وہ پرانا انٹرویو وائرل ہو رہا ہے جس میں ہیما مالنی اور ایشا دیول بھی موجود ہیں. ہیما مالنی کی دوست نے انٹرویو کے دوران کہا کہ جب ایشا دیول کی پیدائش ہونے والی تھی تو اس وقت دھرمیندر نے 100 کمروں پر مشتمل پورا ہسپتال کرائے پر بک کروالیا تھا۔انہوں نے کہا کہ 2 نومبر 1981 کی بات ہے، اس دن ایشا دیول کا جنم ہوا، جو ہیمامالنی اور دھرمیندر کی پہلی اولاد ہے۔
اداکارہ کی دوست نے کہا کہ دھرمیندر نے ہیمامالنی کی ڈلیوری کو خفیہ رکھنے کےلئے ڈاکٹر دستور پورا نرسنگ اسپتال جو 100 کمروں پر مشتمل تھا، کرائے پر بک کروالیا۔دوران پروگرام یہ واقعہ سننے پر ہیمامالنی اور ایشا دیول کے چہرے سے فخر کے تاثرات عیاں تھے،انٹرویو کے دوران ہیما مالنی نے اپنی دوست کی بات کی تصدیق کی اور بتایا کہ ہمارے سگے رشتے داروں سے ہٹ کر مجھ سے اس دوران ملنے والی یہ پہلی خاتون تھیں۔یاد رہے کہ” دھرمیندر نے پہلی شادی پرکاش کور سے کی” جس میں سے سنی دیول اور بابی دیول پیدا ہوئے ، ہیما مالنی کے ساتھ شادی کرنے کےلئے دھرمیندر کو مسلمان ہونا پڑا.
