Author: +9251

پاکستان اسٹاک ایکسچینج، کاروبار کا منفی زون میں اختتام

نئے ہفتے کی شروعات میں پاکستان اسٹاک ایکسچینج میں کاروبار کا آغاز تیزی کےرجحان سے ہوا تاہم کاروبار کا منفی زون میں اختتام ہوا۔ پیر کی صبح اسٹاک مارکیٹ کے 100 انڈیکس میں 42 ہزار پوائنٹس کی حد بحال ہوگئی اور 100 انڈیکس 199 پوائنٹس کے اضافے سے 42 ہزار 48 پوائنٹس پر پہنچ گیا۔

پاکستان اسٹاک ایکسچینج میں کاروبار کا منفی زون میں اختتام ہوا اور اسٹاک مارکیٹ آج اتار چڑھاؤ کے بعد مندی کا شکار ہوگئی۔ اسٹاک مارکیٹ کا 100 انڈیکس 86 پوائنٹس کی کمی سے 41862 پوائنٹس پر بند ہوا۔ گزشتہ جمعہ کو مارکیٹ میں 100 انڈیکس 139 پوائنٹس کے اضافے سے 41 ہزار 964 پوائنٹس پر بند ہوا تھا۔
یہ بھی پڑھیں: عمران خان ہرجانہ کیس: پیش نہ ہونے پر دو ہزار روپے جرمانہ عائد کردیا گیا
چیف سیکرٹری پنجاب نے تمام ڈپٹی کمشنرز کو ڈینگی ایس او پیز کی خلاف ورزی کرنے والوں کیخلاف کارروائی تیز کرنے کی ہدایت کردی
واضح رہے کہ منگل 6 ستمبر کو پاکستان اسٹاک ایکسچینج (پی ایس ایکس) نے اپنے پہلے بنیادی انڈیکس پی ایس ایکس ڈیویڈنڈ 20 انڈیکس کا اجرا کردیا تھا۔ پی ایس ایکس ڈیویڈنڈ 20 انڈیکس کو پی ایس ایکس میں ڈیویڈنڈ ادا کرنے والی سرفہرست 20 کمپنیوں کی کارکردگی کو ٹریک کرنے کے لیے ڈیزائن کیا گیا جس کے تحت کمپنیوں کو ان کے گزشتہ 12 ماہ کے ڈیویڈنڈ دینے کی بنیاد پر درجہ بندی اور وزن دیا گیا ہے۔

واضح رہے کہ گزشتہ دنوں بھی پاکستان اسٹاک ایکسچینج میں اس وقت کاروبار کا منفی دن رہا تھا 100 انڈیکس 449 پوائنٹس کمی سے 41859 پر بند ہوا تھا. کاروباری دن میں 100 انڈیکس 527 پوائنٹس کے بینڈ میں رہا تھا، بازار میں اس وقت 15 کروڑ 68 لاکھ شیئرز کے سودے ہوئے تھے. شیئرز بازار کے کاروبار کی مالیت 4 ارب 36 کروڑ روپے رہی تھی، مارکیٹ کیپٹلائزیشن 62 ارب روپے کم ہوکر 6961 ارب روپے ہوئی تھی.

منچھر جھیل کا سیلابی پانی تمام یوسیز میں 8 سے 10 فٹ تک موجود ہے ،وزیراعلیٰ سندھ

اوپن کرنسی مارکیٹ، ڈالرکی قیمت فروخت 238 روپے پربند

مارکیٹ میں نئے ہفتے کے آغاز میں روپیہ پھر کمزور پڑ گیا جبکہ ڈالر مزید تگڑا ہوا ہے۔ ڈیلرز کےمطابق پیر کو انٹر بینک میں ڈالر1 روپیہ 82 پیسے مہنگا ہوا اور 230 روپے پر جا پہنچا۔انٹربینک میں ڈالر دوران ٹریڈنگ 230 روپے سے تجاوز کرتے بھی دیکھا گیا۔

انٹر بینک میں کاروبار کے اختتام پرڈالر 1 روپے 64 پیسے مہنگا ہوکر 229.82 روپے پر بند ہوا۔ اوپن کرنسی مارکیٹ میں ڈالر کی قیمت فروخت 238 روپے پربند ہوئی۔ جمعہ کو انٹربینک میں دن کے اختتام پر ڈالر228.18 روپے پر بند ہوا تھا۔اوپن کرنسی مارکیٹ میں ڈالر کی قیمت فروخت 237 روپے پر بند ہوئی تھی۔ 16 اگست سے ڈالر کی قدر میں 15 روپے سے زائد کا اضافہ ہوا ہے۔

گزشتہ ہفتے آئی ایم ایف (IMF) کی جانب سے پاکستان کو1 ارب 16 کروڑ ڈالر قرض مل گیا، جس کے بعد یہ امکان ظاہر کیا جارہا تھا کہ اس سے روپے کی گرتی قدر کو سہارا ملے گا لیکن ایسا نہ ہوسکا اور ڈالر کو لگام نہ دی جاسکی۔ گذشتہ چند روز سے ملک کی کرنسی مارکیٹوں میں ڈالر سمیت دیگرغیرملکی کرنسیوں کے مقابلے میں روپیہ بے قدری کا شکار رہا۔

کرنسی ڈیلرز کا کہنا تھا کہ ڈالر کی طلب میں مسلسل اضافہ اس کی قدر میں اضافے کی سب سے بڑی وجہ ہے۔ ڈالر کی طلب کے مقابلے میں فراہمی آدھی بھی نہ ہونے کے باعث ڈالر مسلسل مہنگا ہورہا ہے۔ نجی ٹی وی سے بات کرتےہوئے امپورٹرعبدالرؤف کا کہنا تھا کہ بینکوں سے ڈالر دستیاب نہیں ہیں اوربلیک مارکیٹ کا حجم بڑھ رہا ہے۔ انھوں نے مزید کہا کہ ڈالر نہ ملنے سے خوراک کا بحران سراٹھا سکتا ہے اورسیلاب زدگان کیلئے امدادی سامان کی خریداری بھی ڈالر نہ ملنے سے متاثر ہے۔ لہذا حکومت کو معیشت بارے سوچنا چاہئے تاکہ ہمارا روہیہ مضبوط ہواور ڈالر نیچے آئے.

راولپنڈی میں بائیکیا رائیڈر مسافر کے ہاتھوں زیادتی کا شکار ہوگیا ہے.

راولپنڈی میں رائیڈ بک کرنے والے شخص نے بائکیا چلانے والے نوجوان کو جنسی زیادتی کا نشانہ بنا ڈالا ہے، نجی ٹی وی کی ایک نیوز کے مطابق نوجوان سے زیادتی کا واقعہ راولپنڈی کے تھانہ ایئرپورٹ کی حدود میں پیش آیا جہاں بائکیا چلاکر رزق حلال کمانے والے نوجوان کو مسافر نے اپنی ہوس کا نشانہ بنا ڈالا۔ پولیس نے محنت کش نوجوان کے بیان پر حسن نامی ملزم کے خلاف مقدمہ درج کرلیا۔

مقدمے میں دئیے گئے بیان میں متاثرہ نوجوان کا کہنا تھا کہ حسن نامی شخص سے جان پہنچا تھی جس نے رائیڈ بک کی اور تمام دن مختلف جگہوں پر گھومتا رہا اور شب گئے فارغ کرکے کہا کہ صبح چار بجے آجاؤ پھر کہیں جانا ہے وہاں پیسے اکھٹے لےلینا۔ مدعی مقدمہ نے پولیس نے بیان دیا کہ ملزم کی بتائی ہوئی جگہ رحیم آباد پہنچا تو حسن نے کہا کہ تیار ہونے میں کچھ وقت لگے گا لہذا تم گھر میں آکر بیٹھ جاؤ۔
یہ بھی پڑھیں: الیکشن کمیشن نے 4 حلقوں میں ضمنی انتخابات کے لیے نئی تاریخوں کا اعلان کردیا
لندن سے چوری کار کراچی سے برآمد ہونے کا کیس،ملزم کی ضمانت پر فیصلہ آ گیا
متاثرہ نوجوان کا کہنا تھا کہ حسن کے کہنے پر میں کمرے میں پہنچا تو اس نے زبردستی کرتے ہوئے زیادتی کا نشانہ بنا ڈالا اور کسی کو بتانے کی صورت میں سنگین نتائج کی دھمکیاں دیں۔ متاثرہ نوجوان نے بتایا کہ حادثے کے بعد گھر پہنچا اور والدہ کو سارے واقعے سے آگاہ کیا تو انہوں نے پولیس میں مقدمہ درج کروانے کا کہا۔ اس حوالے سے پولیس کا کہنا ہے کہ واقعے کا مقدمہ درج کرکے تفتیش شروع کردی ہے اور ملزم کی گرفتاری کیلئے چھاپے مار رہے ہیں۔

پاکستان کو بدنام کرنے کی ایک اور کوشش سیکرٹری جنرل اقوام متحدہ انتونیو گوتریس سے منسوب فیک ٹوئیٹ وائرل کردی گئی ہے.

حالیہ دنوں ایک فیک ٹوئیٹ وائرل ہے جسے سیکرٹری جنرل اقوام متحدہ انتونیو گوتریس کے نام سے منسوب کیا گیا ہے اس ٹوئیٹ میں لکھا ہوا یے کہ "مجھے پاکستان کے دورہ پر حیرانی ہوئی کہ پاکستان کے وزیراعظم مجھ سے اپنی مرضی کی پریس ٹاک چاہتے تھے۔” اس فیک ٹوئیٹ میں مزید کہا گیا ہے کہ: "میں نے دیکھا کہ پاکستانی حکام اور انتظامیہ کو لوگوں کی کوئی پرواہ نہیں ہے۔”

دراصل یہ ایک سافٹویئر کے ذریعے جے پی جی فائل میں ایک ایسے انداز میں یہ جھوٹی ٹوئیٹ بنائی گئی کہ دیکھنے والوں کو یہ پوسٹ حقیقی لگے لیکن بنانے والے نالائقوں نے جو ٹوئیٹر اکاونٹ کا ویری فیکیشن والا بلیو ٹیک اس میں دیا تاکہ دیکھنے والے کو انتونیو گوتریس کا اکاؤنٹ حقیقی لگے لیکن دیا گیا نشان واضح طور پر ایک غلط نشان تھا کیونکہ ٹوئئٹر کے بلیو ٹیک کا ڈیزائن اور رنگ ایسا نہیں ہے، ٹوئیٹر کے بلیو ٹیک کا نشان گول اور ڈیزائیندار ہے جبکہ اس نشان کو مستطیل شکل میں بنایا گیا ہے. تاہم مزید تصدیق کیلئے باغی ٹی وی نے سیکرٹری جنرل اقوام متحدہ انتونیو گوتریس کے آفیشل ٹوئیٹر ہیڈل @antonioguterres پر جاکر چیک کیا تو وہاں ایسی کوئی ٹوئیٹ نہیں ملی جبکہ پاکستان بارے موسمیاتی تبدیلی، سیلاب کی تباہ کاری اور وزیر اعظم پاکستان کے ساتھ دورہ سیلاب متاثرین بارے کچھ ٹوئیٹ کی گئی تھیں.

I have never seen climate carnage on the scale of the floods here in Pakistan.

As our planet continues to warm, all countries will increasingly suffer losses and damage from climate beyond their capacity to adapt.

This is a global crisis. It demands a global response. pic.twitter.com/5nqcJIMoIA

— António Guterres (@antonioguterres) September 10, 2022

واضح رہے کہ حالیہ دنوں سیکرٹری جنرل اقوام متحدہ انتونیو گوتریس نے سیلاب کی تباہ کاری سے متعلق پاکستان کا دورہ کیا ہے اور متعدد متاثرہ علاقوں کا دورہ بھی کیا. جیو نیوز کے مطابق: گزشتہ 9 ستمبر کو پاکستان کے دورے پر آئے اقوام متحدہ کے سیکرٹری جنرل انتونیو گوتریس نے وزیر اعظم شہباز شریف سے ملاقات کے بعد مشترکہ پریس کانفرنس سے گفتگو کرتے ہوئے کہنا تھا کہ: پاکستان کوبہت زیادہ مالی امداد کی ضرورت ہے، بین الاقوامی کمیونٹی پاکستان کی بڑھ چڑھ کر مدد کرے، اقوام متحدہ اس مشکل وقت میں ضرور مدد کرے گا۔

Discussed with PM @CMShehbaz Pakistan's response to devastating floods.

Pakistan suffers—yet has done almost nothing to contribute to climate change.

I urge countries to generously support the humanitarian response, recovery & reconstruction as a matter of solidarity & justice. pic.twitter.com/iK1kEZSAaq

— António Guterres (@antonioguterres) September 9, 2022

تاہم اس سے قبل سیکرٹری جنرل انتونیو گوتریس نے وزیرخارجہ بلاول بھٹو زرداری سے بھی ملاقات کی تھی جس میں انہیں ملک میں سیلاب سے ہونے والی تباہی کے بارے آگاہ کیا تھا. انتونیو گوتریس نے اس موقع پر کہا تھا کہ پاکستان موسمیاتی تبدیلی کے اثرات سے متاثر ہو رہا ہے، لوگ قحط اور سیلاب کے باعث مررہے ہیں ،پاکستان کے عوام کو مشکل میں دیکھ کر انتہائی دکھ ہوا۔