انٹربینک مارکیٹ میں امریکی ڈالرسنبھلنے لگا، پیسے مہنگا ہوکر 214روپے کا ہوگیا ہے

بدھ کو 13 دن تک مسلسل گرنے کے بعد ڈالر کی قدرمیں اضافہ ہوا۔ انٹر بینک میں ڈالر10 پیسے مہنگا ہوکر 214روپے کا ہوگیا ۔ اوپن مارکیٹ میں ڈالر 214.50 روپے پر ٹریڈنگ کررہا تھا۔ منگل کودن کے اختتام پر انٹربینک میں ڈالر صرف 8 پیسے سستا ہوکر 213 روپے 90 پیسے پر بند ہوا تھا۔

منگل کو اوپن کرنسی مارکیٹ میں ڈالر 1 روپے مہنگا ہوکر 211 روپے کا ہوکر بند ہواتھا۔ گذشتہ12روز میں ڈالر اوپن مارکیٹ میں 37 روپے اور انٹر بینک میں 26 روپے نیچے آیا تھا۔

واضح رہے کہ بلوم برگ کے اعداد و شمار کے مطابق یکم تا 15 اگست عالمی سطح پر پاکستانی روپے کی کارکردگی (قدر بڑھنے کے لحاظ سے) 11.12 فیصد رہی جو دنیا کے کسی بھی ملک کی کرنسی کی بہتر کارکردگی میں سب سے زیادہ ہے، دوسرے نمبر پر مڈغاسکر کی کرنسی ہے جس کی کارکردگی کی شرح 5.42 فیصد اور تیسرے نمبر پر اسرائیلی کرنسی ہے جس کی کارکردگی 3.79 فیصد ہے۔

اعداد و شمار کے مطابق دوسرے اور تیسرے نمبر کے ممالک کی کرنسی کی کارکردگی کو جمع بھی کیا جائے تو پاکستانی کرنسی کی قدر بڑھنے کے لحاظ سے کارکردگی دونوں ممالک سے زیادہ ہے۔

یاد رہے کہ: بلوم برگ کے اعداد و شمار کے مطابق یکم تا 15 اگست عالمی سطح پر پاکستانی روپے کی کارکردگی (قدر بڑھنے کے لحاظ سے) 11.12 فیصد رہی جو دنیا کے کسی بھی ملک کی کرنسی کی بہتر کارکردگی میں سب سے زیادہ ہے، دوسرے نمبر پر مڈغاسکر کی کرنسی ہے جس کی کارکردگی کی شرح 5.42 فیصد اور تیسرے نمبر پر اسرائیلی کرنسی ہے جس کی کارکردگی 3.79 فیصد ہے۔
اعداد و شمار کے مطابق دوسرے اور تیسرے نمبر کے ممالک کی کرنسی کی کارکردگی کو جمع بھی کیا جائے تو پاکستانی کرنسی کی قدر بڑھنے کے لحاظ سے کارکردگی دونوں ممالک سے زیادہ ہے۔

وفاقی وزیرخزانہ مفتاح اسماعیل نے کہا ہے کہ دوسرے ممالک سے پیسے مانگتے ہوئے شرمندگی ہوتی ہے۔

اسلام آباد میں وزیرخزانہ مفتاح اسماعیل نے بزنس سمٹ سے خطاب کرتے ہوئے بتایا کہ پاکستان آج وہاں نہیں ہے جہاں 75 سال پہلے تھا، ہمارے مشرق و مغرب میں ممالک آگے نکل گئے ہیں،اس کی وجہ یہ ہے کہ ہم کہیں نہ کہیں غلطی کررہے ہیں۔

بجٹ سے متعلق ان کا کہنا تھا کہ اس سال بجٹ خسارہ 4 ہزارارب روپے ہوگا،پچھلےسال 5200 ارب روپے کا بجٹ خسارہ ہوا۔ وزیر خزانہ کا کہنا تھا کہ گزشتہ 4 سال میں سالانہ 3500 ارب روپے کا خسارہ ہوا اور ہمارے دور میں سالانہ 1600 ارب روپے کا بجٹ خسارہ تھا۔ آئی ایف ایف سے متعلق مفتاح اسماعیل کا کہنا تھا کہ پاکستان نےآئی ایم ایف کو لیٹرآف انٹینٹ بجھوا دیا ہے جس پرگورنراسٹیٹ بینک اور وزیرخزانہ کےدستخط ہیں۔

وزیرخزانہ سے سوال کیا گیا کہ کیا حکومت آرڈیننس کے زریعےنئے ٹیکس لگانے جارہی ہے؟ اس پر انھوں نےصحافی کو جواب دیا کہ اس بارے میں کوئی بھی فیصلہ وزیراعظم کریں گے۔ شوگر ملز سے متعلق مفتاح اسماعیل نےکہا کہ شوگرملوں کواضافی چینی برآمد کرنے کی اجازت دیں گے،اقتصادی رابطہ کمیٹی میں سمری آئے گی تو فیصلہ ہوگا۔

تعلیم سے متعلق وزیرخزانہ نے کہا کہ پاکستان میں نصف بچےاسکول نہیں جاتے اور دنیا میں اسکول نہ جانے والا ہر 10 واں بچہ پاکستانی ہے، وفاقی اور صوبائی حکومتیں اس معاملے میں ناکام ہیں۔ پیداوار اور بجلی سے متعلق انھوں نے کہا کہ ہم نے 5 سال میں بجلی کی پیداوار میں 1250 میگاواٹ اضافہ کیا اور پیداوار کو دوگنا کردیا تاہم کیا ایسا کرنے سے برآمدات اورصنعتی پیداوار دگنی ہوئی؟۔

ڈالر اور غیرملکی امداد پر انھوں نے کہا کہ دوسرے ممالک سے پیسے مانگتے ہوئے شرمندگی ہوتی ہے۔ انھوں نے کہا کہ لوگ سمجھتے ہیں کہ ڈالر جادو سے اوپر نیچے ہوجاتا ہے تاہم وزیرخزانہ کے بیان سے تھوڑا بہت فرق پڑتا ہے لیکن ڈالر کی قیمت کا تعلق ان اورآؤٹ فلو سے ہے۔ پیٹرولیم مصنوعات سے متعلق ان کا کہنا تھا کہ بھارت کے پاس 60 گنا ،بنگلہ دیش کے پاس ساڑھے تین گنا زیادہ پیسے ہیں لیکن وہاں پیٹرول پاکستان سے مہنگا ہے۔

تجارت سے متعلق وزیرخزانہ نے کہا کہ گزشتہ سال ہم نے 80 ارب ڈالر کی درآمدات کی ہیں،سب چیزیں درآمد کررہے ہیں لیکن ایکسپورٹ کوئی نہیں کررہا ہے۔30 ارب ڈالرکی برآمدات ٹیکسٹائل کی وجہ سےہیں،ہمیں برآمدات بڑھانا بہت ضروری ہے اور ہرکمپنی کوکم ازکم 10 فیصد ایکسپورٹ کرنا چاہئے۔ مفتاح اسماعیل کا کہنا تھا کہ درآمدات میں کمی اور برآمدات میں ویلیو ایڈیشن کی ضرورت ہے۔

جولائی 2022ء میں کارکنوں کی ترسیلات زر کی مد میں 2.5 ارب ڈالر کی رقوم موصول ہوئیں، اس طرح ترسیلات زر نے مسلسل 26 مہینوں تک 2 ارب ڈالر سے زائد کی ریکارڈ آمد کا تسلسل برقرار رکھا ہے۔

نمو کے لحاظ سے جولائی 2022 ء کے دوران ترسیلات زر میں ماہ بہ ماہ بنیادوں پر 8.6 فیصد ہوا ہے اور سال بہ سال بنیادوں پر 7.8 فیصد کمی واقع ہوئی ہے۔ یہ کمی بڑی حد تک جولائی میں عید کے سبب کاروباری دنوں کی کم تعداد کی عکاس ہے جو 17 رہے تھے، جبکہ اس سے پچھلے مہینے میں کاروباری دنوں کی تعداد 22 اور جولائی 2021ء میں 18 رہی تھی۔

جولائی 2022ء میں ترسیلات زر کی آمد کے اہم ذرائع میں سعودی عرب (580.6 ملین ڈالر)، متحدہ عرب امارات (456.2 ملین ڈالر)، برطانیہ (411.7 ملین ڈالر) اور امریکہ (254.3 ملین ڈالر ) کے شامل ہیں۔

رواں مالی سال 2022-2023 کے پہلے ماہ (جولائی ) کے دوران اوورسیز پاکستانیوں کی جانب سے بھجوائی گئی یا جانیوالی ترسیلات زر میں جون کے مقابلے میں 7.8 فیصد کمی کا انکشاف ہوا ہے تاہم گذشتہ ماہ سعودی عرب میں مقیم اوورسیز پاکستانیوں کی جانب سے سب سے زیادہ ترسیلات زر اپنے وطن عزیز پاکستان میں بھجوائی گئی ہیں۔

واضح‌ رہے کہ گزشتہ روز اسٹیٹ بینک آف پاکستان نے بیرون ملک سے پاکستان بھیجی جانے والی ترسیلات زر کی تفصیلات جاری کردی تھی. اسٹیٹ بینک کے مطابق جولائی کی ورکرز ترسیلات ڈھائی ارب ڈالر رہی ہے، اسٹیٹ بینک نے بتایا تھا کہ جولائی مسلسل 26واں مہینے ہے جس میں ترسیلات 2 ارب ڈالر سے زائد رہیں۔ جولائی میں ترسیلات جون کے مقابلے 7.8 فیصد کم رہیں، سعودی عرب میں مقیم پاکستانیوں نے 58 کروڑ ڈالر بھیجے۔ متحدہ عرب امارات سے 45 کروڑ 62 لاکھ ڈالر بھیجے گئے، برطانیہ سے 41 کروڑ جبکہ امریکا سے 25 کروڑ ڈالر کی رقم پاکستان بھیجی گئی۔

اسماعیل اقبال سیکیورٹیز کے ریسرچ ہیڈ فہد رؤف نے انگریزی اخبار ایکسپریس ٹریبیون سے گفتگو کرتے ہوئے کہا ہے کہ جولائی میں ترسیلاتِ زر کی کمی کی وجہ ایام کار کی تعداد میں کمی ہی قرار دی جاسکتی ہے کیوں کہ عالمی اقتصادیات کے بنیادی عوامل میں کوئی ایسا بڑا تغیر رونما نہیں ہوا ہے جس کو ترسیلاتِ زر میں کمی کا سبب ٹھہرایا جاسکے۔

لکھاری عمر اظہر نے کچھ دستاویزات اپنے ٹوئیٹر پر شیئر کرتے ہوئے دعوی کیا کہ: ان دستاویزات سے تصدیق ہوتی کہ تحریک انصاف نے لابنگ کیلئے جس لابنگ فرم کے ساتھ معاہدہ کیا ہے اس لابنگ فرم کا سربراہ امریکی انٹیلجنس ایجنسی سی آئی اے کا سابق اسٹیشن چیف اسلام آباد رابرٹ گرینیئر نکلا ہے.

امریکہ پر اپنی حکومت گرانے کی سازش کا الزام لگانے والے سابق وزیر اعظم اور چیئرمین تحریک انصاف عمران خان کی جماعت امریکہ میں اپنے مفادات کے تحفظ کے لئے تین مختلف لابنگ فرموں سے معاہدے کر چکی ہے جن میں سے ایک لابنگ فرم کے سربراہ رابرٹ گرینیئر پاکستان میں بطور سی آئی اے اسٹیشن چیف بھی تعینات رہ چکے ہیں۔

https://twitter.com/OmerAzhar96/status/1559637768120242178

نیا دور کے مطابق: "دلچسپ بات یہ ہے کہ تحریک انصاف نے جس امریکی فرم کے ساتھ 2022 میں معاہدہ کیا اس پر واشنگٹن میں تعینات رہنے والے سابق پاکستانی سفیر اسد مجید خان کے دستخط بھی موجود ہیں۔ اسد مجید خان نے وہ بدنام زمانہ خط لکھا تھا جسے عمران خان نے امریکی خط قرار دے کر اپنی فراغت کا الزام امریکہ پر عائد کر دیا تھا۔”

ان دستاویزات کے مطابق تحریک انصاف حکومت کے امریکی فرم سے معاہدے پر اسد مجید خان نے 22 مارچ 2022 کو دستخط کیے تھے جب کہ سابق وزیر اعظم عمران خان نے بطور وزیر اعظم اسلام آباد کے پریڈ گراؤنڈ میں اسد مجید خان کا لکھا ہوا جھوٹا سازشی خط چند روز بعد 27 مارچ 2022 کو لہرایا تھا۔

گذشتہ دنوں تحریک انصاف کا امریکی لابنگ فرم کے ساتھ معاہدے کی خبریں سامنے آئی تھیں اور ان معاہدوں کا مقصد امریکی انتظامیہ اور میڈیا میں اپنے لئے ایک مثبت رائے عامہ پیدا کرنا ہے۔ واضح رہے کہ تحریک انصاف کی طرف سے یہ اس قسم کا پہلا معاہدہ نہیں ہے بلکہ گذشتہ چند ماہ میں انہوں اس طرح کے چار معاہدے کر چکی ہے۔ ان معاہدوں کی ضرورت اس وقت پیش آئی جب بائیڈن انتظامیہ نے اقتدار سنبھالا۔ سابق ٹرمپ انتظامیہ سے عمران خان حکومت کے تعلقات بہت بہتر تھے اور جب عمران خان نے امریکہ کا دورہ کیا تو ان کی ڈانلڈ ٹرمپ اور ان کے داماد جیرڈ کشنر نے بہت آؤ بھگت کی تھی۔ بعد ازاں پی آئی اے کی ملکیت امریکہ میں واقع روزوویلٹ ہوٹل بیچنے کے موقع پر بھی ٹرمپ کا نام سامنے آیا تھا۔

تاہم، بائیڈن انتظامیہ کے ٹیک اوور کے بعد امریکہ کے ساتھ عمران خان حکومت کے تعلقات میں سرد مہری آتی چلی گئی۔ اسی موقع پر پی ٹی آئی نے لابنگ فرمز کے ساتھ معاہدے کرنے کا فیصلہ کیا اور ان میں سے ایک کمپنی رابرٹ لارنٹ گرینیئر کی تھی جو کہ ماضی میں پاکستان میں امریکی سی آئی اے کے اسٹیشن چیف رہ چکے ہیں۔ یہ معاہدہ عمران خان کی جانب سے ان کے مشیر افتخار درانی نے کیا تھا۔ اس معاہدے کے تحت اس کمپنی کو 25 ہزار ڈالر فی ماہ دینے کا فیصلہ کیا گیا تھا اور اس کے علاوہ دیگر اخراجات بھی ادا کیے جانے تھے۔

دستاویزات کے مطابق: اس معاہدے کی مدت چھ ماہ تھی جو کہ مئی 2021 میں شروع ہوا اور دسمبر 2021 میں ختم ہوا۔ رابرٹ گرینیئر 2001 میں پاکستان میں سی آئی اے کے اسٹیشن چیف تھے جب امریکہ نے افغانستان پر حملہ کیا۔ تاہم بعد میں عراق میں بھی تعینات رہے اور ریٹائرمنٹ کے بعد ایک لابنگ فرم کھول لی تھی جس کے ساتھ اب عمران خان نے بھی معاہدہ کیا ہے۔ یاد رہے کہ جس زمانے میں یہ موصوف پاکستان میں تعینات تھے، عمران خان بھی جنرل پرویز مشرف کے بڑے پرجوش حامی اور افغانستان جنگ پر ان کا دفاع کیا کرتے تھے۔ یہ جنرل مشرف کے خاصے قریب بھی تھے۔ عمران خان کو جنرل مشرف نے اپنا ایک کتا بھی بطور تحفہ دیا تھا۔ بعد ازاں جنرل مشرف سے تعلقات خراب ہوئے تو عمران خان نے افغانستان میں امریکی جنگ کی بھی بھرپور مخالفت شروع کر دی تھی.

امریکی قانون کے مطابق لابنگ کمپنیز کے لئے لازم ہے کہ وہ اپنے تمام معاہدے پبلک کرے تاکہ حکومت اور عوام کو پتہ ہو کہ کون سی امریکی کمپنی کسی غیر ملکی کے لئے کام کر رہی ہے۔ اس معاہدے کے صفحہ نمبر 6 پر افتخار درانی کے اسلام آباد کے گھر اور اس کمپنی کے امریکہ میں موجود دفتر کا پتہ موجود ہے۔

فینٹن کمپنی کے ساتھ بھی پی ٹی آئی تین معاہدے کر چکی ہے۔ پہلا معاہدہ جون 2021 میں کیا گیا جو کہ پاکستان کی طرف سے کونسل آن پاکستان ریلیشنز نے کیا۔ یہ ہیوسٹن میں واقع ایک کمپنی ہے جو محمد اشرف قاضی، عادل جمال اور اقبال عبداللہ نے بنائی تھی اور انہوں نے فینٹن کے ساتھ معاہدہ پاکستان کی حکومت کی نمائندگی کرتے ہوئے کیا تھا۔ یہ معاہدہ بھی چھ ماہ کا تھا اور اس کی رقم بھی 25 ہزار ڈالر ماہانہ تھی.

اس کے بعد اسی کمپنی کے ساتھ مارچ 2022 میں ایک اور معاہدہ کیا گیا تھا تاہم یاد رہے کہ یہ وہی وقت تھا کہ جب عمران خان کی حکومت کے خلاف تحریکِ عدم اعتماد آ چکی تھی اور وہ امریکی انتظامیہ کو اس کا ذمہ دار قرار دے رہے تھے۔ اس معاہدے پر 21 مارچ کی تاریخ درج ہے اور اس پر دستخط کرنے والے کوئی اور نہیں بلکہ پاکستان کے وہی سابق سفیر اسد مجید ہیں جنہوں نے ڈانلڈ لو سے ہونے والی گفتگو کا احوال بذریعہ بدنامِ زمانہ مراسلہ پاکستان بھیجا تھا۔ یہاں پتہ بھی پاکستان ایمبیسی کا دیا گیا ہے۔

اس معاہدے کے ختم ہونے سے پہلے ہی پاکستان تحریکِ انصاف نے اب اسی کمپنی سے ایک اور معاہدہ کر لیا ہے۔ دیکھنے کی بات یہ ہے کہ پچھلے چھ ماہ اس کمپنی کو پیسے کس مد سے ادا کیے گئے اور اس دوران کی جانے والی لابنگ کس مقصد کے لئے ہو رہی تھی۔ کہیں ایسا تو نہیں کہ لابنگ تحریک انصاف کی ہو رہی تھی اور پیسہ حکومتِ پاکستان کے خزانے سے ادا ہو رہا تھا؟ یہ بات تشویش طلب ہے۔ اس معاہدے پر دستخط یکم اگست کو ہوئے ہیں اور یہ 21 اگست کے بعد سے نافذ العمل ہوگا۔ لگتا یہی ہے کہ پچھلے معاہدے کو ہی توسیع دے دی گئی ہے۔

گزشتہ 24 گھنٹوں کے دوران ملک بھر میں کورونا کے مزید 5 مریض انتقال کرگئے۔

قومی ادارہ صحت (این آئی ایچ ) کے مطابق گزشتہ 24 گھنٹوں کے دوران کورونا سے متاثر مزید 5افراد انتقال کر گئے جبکہ 156 مریضوں کی حالت نازک ہے۔

COVID-19 Statistics 17 August 2022
Total Tests in Last 24 Hours: 19,312
Positive Cases: 526
Positivity %: 2.72%
Deaths: 05
Patients on Critical Care: 156

— NIH Pakistan (@NIH_Pakistan) August 17, 2022

گزشتہ 24 گھنٹوں میں کورونا کے19 ہزار312 ٹیسٹ کئےگئے جس میں 526 افراد کا کورونا ٹیسٹ مثبت آیا۔ این آئی ایچ کا مزید کہنا ہے کہ کورونا کے 156 مریضوں کی حالت نازک ہے۔ گزشتہ 24 گھنٹوں کے دوران ملک میں کورونا مثبت کیسز کی شرح 2.72 ریکارڈ کی گئی۔

واضح‌رہے کہ گزشتہ دنوں سندھ میں کورونا کیسز میں اضافے میں اضافہ دیکھنے میں‌ آیا تھا جس پر این سی او سی کے سربراہ میں وفاقی وزیر صحت نے اہم فیصلے کیئے تھے. وفاقی وزیر صحت عبدالقادر پٹیل نے اس وقت این سی او سی کو سندھ محکمہ صحت سے رابط کرنے کی ہدایت کی تھی.

وفاقی وزیر صحت عبدالقادر پٹیل نے کہا تھا کہ: این سی او سی کی ٹیم سندھ کے محکمہ صحت سے مل کراچی میں کنٹرول کے لیے مربوط حکمت عملی طے کرگی اور خصوصا کراچی میں کورونا وائرس کے کنٹرول کے لیے صوبائی سطح پر حکمت عملی بنائی جائے گی.

وفاقی وزیر صحت عبدالقادر پٹیل نے مزید کہا تھا کہ: کورونا کنٹرول کے لیے ٹیسٹنگ اور کنٹیکٹ ٹریسنگ کو بڑھایا جائے گا. جبکہ کورونا ایس او پیز پر عمل درآمد کرایا جائے گا اور ہجوم والی جہگوں پر ماسک کا استعمال کرنا لازمی قرار دیا تھا.

علاوہ ازیں وفاقی وزیر صحت عبدالقادر پٹیل نے کرونا وائرس سے بچاؤ کیلئے اہم پیغام بھی جاری کیا تھا جس میں کہا گیا کہ: کرونا وائرس سے پچاو کیلئے موثر اقدامات کو یقینی بنارہے ہیں، کروانا وائرس سے نمٹنے کیلئے این سی او سی میں روزانہ کی بنیاد پر اجلاس ہوتا ہے جبکہ کرونا وائرس سے کی صورت کی کڑی نگرانی کی جارہی ہے.