Baaghi TV

Author: +9251

  • کرینہ سے مجھے ملایا جائے تو اچھا نہیں لگتا نوشین شاہ

    کرینہ سے مجھے ملایا جائے تو اچھا نہیں لگتا نوشین شاہ

    پاکستان کے ڈراموں کا جانا مانا نام نوشین شاہ نے حال ہی میں مومن ثاقب کے شو میں شرکت کی ، اس میں‌ ان سے پوچھا گیا کہ آپ کی شکل کرینہ کپور سے ملائی جاتی ہے ، آپ کو کیسا لگتا ہے. اس پر نوشین شاہ نے کہاکہ مجھے بالکل اچھا نہیں لگتا کہ میری شکل کرینہ کپور سے ملائی جائے، اس کی ناک مجھ سے نہیں ملتی ، اسکی آنکھیں مجھ سے نہیں ملتیں. انہوں نے کہا کہ ایسا نہیں ہےکہ کرینہ کپور خوبصورت نہیں ہے بلکہ وہ بہت خوبصورت ہے اور مجھے لگتا ہے کہ میں بھی خوبصورت ہوں لیکن میری شکل کرینہ کپور کے ساتھ ملانا مناسب نہیں ہے نہ ہی مجھے ایسا کرنا اچھا لگتا ہے.

    انہوں نے کہا کہ” پتہ نہیں کہاں سے لوگوں کو لگتا ہے کہ میری شکل اس سے ملتی ہے”. وہ اپنا کام کرتی ہے میں اپنا کام کرتی ہوں ، اگر کسی کو لگتا ہے تو اس کا مطلب یہ نہیں ہے کہ جو وہ کہہ رہے ہیں وہ ٹھیک بھی ہو گا اور مجھے پسند بھی ہو گا. یاد رہے کہ نوشین شاہ کرینہ کپور کی بھرپور کاپی کرتی ہیں لیکن مانتی نہیں ہیں.

    میرے خلاف کوئی بات کریگا تو میں اسی لہجے میں اسکو جواب دوں گی نادیہ …

    ہم کہاں کے سچے تھے میں میرے کردار پر میری سوچ سے زیادہ تنقید ہوئی …

    ماہرہ خان کی شادی کی وجہ سے فلم کا شیڈیول تبدیل کر لوں گا ہمایوں …

  • کراچی میں 100 مقامات پر سہولت بازار کا انعقاد

    کراچی میں 100 مقامات پر سہولت بازار کا انعقاد

    حکمران عوام کے مسائل توسنیں ۔عوام جینے کےلیے ضروری اشیاء کا مطالبہ کررہے ہیں ۔فیصل ندیم
    پاکستان مرکزی مسلم لیگ کراچی کی جانب سےشہرقائدمیں 100مقامات پرسبزی سہولت بازارلگائے گئے۔سبزی سہولت بازاروں میں تمام اشیاء منڈی کی قیمت پر اور خصوصی ڈسکاؤنٹ پر فروخت کی گئیں ۔ جہاں سے ہزاروں خاندانوں نے استفادہ کیا۔شہر کی معززشخصیات و عوام نے پاکستان مرکزی مسلم لیگ کے سبزی سہولت بازاروں کو خوب سراہا ۔ پاکستان مرکزی مسلم لیگ کےنائب صدر فیصل ندیم ،کراچی کے صدر احمدندیم اعوان رہنما انجینئر نعمان نے مقامی ذمہ داروں کے ہمراہ سبزی سہولت بازار وں کا دورہ کیا۔اور عوام کی خدمت میں مصروف ذمہ داران و کارکنان کو خوب داد دی ۔

    اس موقع پر میڈیا سے گفتگو کرتے ہوئے نائب صدر فیصل ندیم کا کہنا تھا کہ ملک میں آئے روز بڑھتی ہوئی مہنگائی اور بیروزگاری سے لوگ خودکشی کرنے پر مجبور ہو چکےہیں ۔ہر طبقہ زندگی میں عوام کا خون چوساجارہاہے۔ حکمرانوں نے ہمیں آئی ایم ایف کا غلام بنا کرملک میں بدترین مہنگائی کا عذاب مسلط کر رکھا ہے۔ ملک میں کوئی بھی دور ہویہی لوگ چہرے بدل بدل کر مسلط ہوتے ہیں۔ اور عوام کا خون چوستے ہیں۔

    پاکستان مرکزی مسلم لیگ نے اس وقت کراچی میں 100 مقامات پر بازار لگائے ہیں۔یہ بازاروں کا سلسلہ ملک بھر میں جاری ہے۔ عوام کی خدمت کا یہ سلسلہ ہر اتوار کو جاری رکھیں گے۔ اگلے اتوار کو شہر میں بڑے عوامی سہولت بازار لگائیں گے۔کراچی کے اہل خیر لوگوں کے ساتھ مل کر عوام کو آٹے، چینی،گھی اور دیگر ضروریات زندگی کی اشیاء میں خصوصی سبسڈی دیں گے۔فیصل ندیم کا مزید کہنا تھا کہ نگران حکومت آپس کے اجلاس منعقد کرنے کے بجائے سڑکوں پر نکل کر عوام کے مسائل دیکھے۔لوگ جینے کی اشیاء کا مطالبہ کررہے ہیں۔حکمران عوام کو سہولت دیں یا حکومت چھوڑ کر گھر چلے جائیں۔سبزی سہولت بازاروں کے دورہ کے موقع پر میڈیا سے گفتگو کرتے ہوئے کراچی کے صدر احمد ندیم اعوان نےکہا کہ مہنگائی کا سونامی عوام کا ڈبو رہا ہے۔

    نااہل حکمرانوں کی غیرمتوازن پالیسیوں نے گندم اور آٹا کے خود کفیل پاکستان کو فقیر بنا دیا۔ بجلی، گیس ،آٹا ،گندم، چینی، ادویات کی قیمتوں میں جان لیوا ٹیکس اور مہنگائی نے غریب عوام کو زندہ درگور کر دیا ہے۔حکمران طبقہ غریب عوام کے ٹیکسوں پر لوٹ مار کا سلسلہ جاری رکھتے ہوئے اندھی دولت کے انبار لگانے میں مصروف ہیں۔ ایسے حالات میں عوام کسی مسیحا کے منتظر ہیں ۔پاکستان مرکزی مسلم لیگ کے تحت صرف کراچی میں آج 100 مقامات پر سبزی سہولت بازار لگائے گئے ہیں ۔ہم عوام کو سہولت دینے کے لیے بےشمار پروجیکٹس پانی ،صحت ،صفائی ،سستی روٹی و دیگرپر کام کررہے ہیں۔پاکستان مرکزی مسلم لیگ کے عوامی سہولت پروگراموں کا دائرہ کا مزید وسیع کریں گے۔

    احمدندیم اعوان نے مطالبہ کیا کہ پاکستان کی سیاسی وحکمران جماعتیں آپس کی لڑائیوں کو پس پشت ڈال کر عوام کو سہولت فراہم کرنے کےلیے مفاہمت کا راستہ اختیار کریں ۔اگر آج حکمرانوں ا ور سیاست دانوں نے عوام کو مہنگائی کی دلدل سے نکالنے میں اپنا کردار ادا نہ کیا ۔تو عوام انہیں کبھی معاف نہیں کریں گے۔عوام نے پاکستان مرکزی مسلم لیگ کے اس اقدام کو خوب سراہااور دیگر جماعتوں کے لیے آئیڈیل قرار دیا۔

  • چلتی گاڑی؛ بیوی سے مبینہ جھگڑے پر شوہر نے خود کو گولی ماردی

    چلتی گاڑی؛ بیوی سے مبینہ جھگڑے پر شوہر نے خود کو گولی ماردی

    کراچی میں چلتی گاڑی میں بیوی سے مبینہ جھگڑے پر شوہر نے خود کو گولی مارلی اور پولیس کے مطابق واقعہ نیوٹاؤن کے علاقے میں پیش آیا جہاں مبینہ طور پر بیوی سے جھگڑے کے دوران شوہر نے اپنے سینے پرگولی ماری جبکہ پولیس کا کہنا ہے کہ زخمی شخص کو نجی اسپتال منتقل کردیا گیا ہے اور اس کی گاڑی سے اسلحہ برآمد کرلیا گیا ہے۔

    زخمی شخص کی شناخت سعود کے نام سے ہوئی ہے جو کہ ایک تاجر ہے تاہم دوسری جانب گاڑی میں موجود زخمی شخص کی اہلیہ اور دیگر اہلخانہ نے پولیس کو دیے گئے بیان میں کہا ہےکہ سعود ایک ماہ سے پریشان تھا۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    جبکہ اس سے قبل وفاقی دارالحکومت اسلام آباد کے علاقے سیکٹر آئی الیون میں بھی کیش اینڈ کیری نامی سُپر اسٹور کے قریب دن دیہاڑے فائرنگ کی گئی تھی جس میں نشانہ ایک جوڑا تھا جس کے ساتھ ایک بچہ بھی تھا جبکہ فائرنگ کے بعد ملزمان تو فرار ہوگئے لیکن پیچھے دو لاشیں اور روتا بلکتا بچہ چھوڑ گئے تھے۔

    اسلام آباد پولیس کے ترجمان کا کہناتھا کہ مقتولین کی شناخت ریحانہ سردار اور ظفر اقبال کے نام سے ہوئی ہے، جنہیں ذاتی تنازعہ پر ان کے رشتہ داروں نے قتل کیا جبکہ مقتولین کے ساتھ ان کا دو سالہ بچہ بھی تھا جو فائرنگ سے محفوظ رہا، لیکن اسے کیا معلوم تھا کہ اس کی دنیا ہی اجڑ گئی ہے، اس کے سر پر سے دست شفقت چھین لیا گیا ہے۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    خیال رہے کہ یہ دو دو سال کا معصوم سا بچہ اپنے والدین کے لاش کے پاس ہاتھ میں فیڈر لیے کھڑا روتا رہا۔ جسے دیکھنے والوں کے دل بھی بھر آئے.

  • درپیش مشکلات میں میڈیا پر بھی ذمہ داری عائد ہوتی. حلیم قصوریہ

    درپیش مشکلات میں میڈیا پر بھی ذمہ داری عائد ہوتی. حلیم قصوریہ

    سابق صوبائی وزیر عبدالحلیم خان قصوریہ کا کہنا ہے کہ ملک کو درپیش مشکل صورتحال میں جہاں میڈیا پر خصوصی زمہ داری عائد ہوتی ہے وہیں اس حوالہ سے حکومتی اداروں کے کردار کی اہمیت بھی بڑھ جاتی ہے ان خیالات کا اظہار انہوں نے گزشتہ روز پریس انفارمیشن ڈیپارٹمنٹ ڈیرہ اسماعیل خان ریجنل دفتر کے دورہ کے موقع پر کیا۔ ریجنل دفتر کے انچارج محمد فضل الرحمان نے انکا خیرمقدم کیا اور بتایا کہ وفاقی وزارت اطلاعات موجودہ صورت حال میں ملکی اداروں اور پالیسیوں کے حوالے سے ملک دشمن عناصر کے پروپیکینڈے کے موثر جواب اور ریاستی بیانیہ کے فروغ کے لیئے اپنا بھرپور کردار ادا کررہی ہے۔

    haleem khan
    سابق وزیر عبدالحلیم خان قصوریہ پی آئی ڈی ریجنل دفتر میں گفتگو کررہے ہیں

    جبکہ سابق صوبائی وزیر عبدالحلیم خان قصوریہ نے کہا کہ ڈیرہ اسماعیل خان اور جنوبی اضلاع کے باسی ہمیشہ ریاست اور ریاستی اداروں کے وقار کے لیئے سرگرم عمل رہے ہیں انہوں نے کہا کہ ہمارے خطہ کے باسیوں نے قیام امن کے لئے بڑی قربانیاں دیں اور ہم اج بھی سیکورٹی فورسز کی قربانیوں کو سلام پیش کرتے ہیں انہوں نے کہا کہ سانحہ نو مئی کے بعد ڈیرہ اسماعیل خان کے باسیوں نے افواج پاکستان کے حق میں جو ردعمل دیا اس نے ثابت کردیا کہ ملک دشمن عناصر کبھی بھی عوام اور افواج میں دوریاں پیدا کرنے میں کامیاب نہیں ہونگے.
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    آب و ہوا کے مطالعے کے لیے طیارے کی پہلی پرواز ریجنل کلاؤڈ سیڈنگ پروگرام کے ذریعے شروع

    علاوہ ازیں انہوں نے خیبرپختونخوا کے جنوبی اضلاع کے لیئے پریس انفارمیشن ڈیپارٹمنٹ کے کردار کو سراہا اور اس پر وفاقی وزارت اطلاعات کے حکام کو خراج تحسین پیش کیا ۔انہوں نے امید ظاہر کی کہ پی آئی ڈی ڈیرہ دفتر سے اس خطہ کے صحافیوں کو ہر ممکن سہولیات میسر ہونگی ۔ڈیرہ اسماعیل خان کی معروف کاروباری و سماجی شخصیات رانا محمد رمضان اور چوہدری شاہد راج بھی اس موقع پر ڈیرہ امن جرگہ کے سربراہ کے ہمراہ تھے۔

  • آب و ہوا کے مطالعے کے لیے پہلی پرواز شروع

    آب و ہوا کے مطالعے کے لیے پہلی پرواز شروع

    سعودی عرب میں تحقیق اور موسم اور آب و ہوا کے مطالعے کے لیے طیارے کی پہلی پرواز ریجنل کلاؤڈ سیڈنگ پروگرام کے ذریعے شروع کردی گئی ۔اس قدم کا مقصد مختلف اونچائیوں سے موسم کا ڈیٹا اکٹھا کرنا ہے۔ یہ پروگرام جدید ٹیکنالوجی اور ماحول کے عناصر کی پیمائش میں مہارت رکھنے والے سینسرز سے لیس ہے۔

    جبکہ ریجنل کلاؤڈ سیڈنگ پروگرام کے ایگزیکٹو ڈائریکٹر ایمن بار نے بتایا کہ طیارہ رابغ سے الباحہ اور عسیر کے علاقوں پر تحقیقی مطالعہ کے لیے روانہ ہوا۔ انہوں نے بتایا کہ تحقیقی طیارے کا مشن موسم اور آب و ہوا کے مطالعہ کے لیے ہے۔ اس پروگرام سے تحقیق کے میدان میں فائدہ حاصل کیا جائے گا کیونکہ اس میں موسمی ڈیٹا بھی اکٹھا کیا جارہا ہے العربیہ کے مطابق پروگرام میں درجہ حرارت، ہوا کی رفتار، اور بادل بنانے والے پانی کے مالیکیولز کی تقسیم کی پیمائش کی جائے گی۔ اڑنے والا طیارہ آب و ہوا اور موسم کی تحقیق کے شعبے میں جدید ترین ٹیکنالوجیز اور آلات سے لیس ہے۔

    علاوہ ازیں علاقائی کلاؤڈ سیڈنگ پروگرام میں بارش کی بوائی کے آپریشنز کے لیے 4 طیارے اور ایک تحقیقی اور مطالعہ کا طیارہ شامل ہے۔ پروگرام کے تحت پہلی تحقیقاتی پرواز کا مقصد بارش کی کوریج اور کارکردگی کی سطح کو بڑھانا ہے۔ سیڈنگ آپریشنز، اندرونی صلاحیتوں کی تعمیر، کاروبار کی پائیداری، علم کی منتقلی، لوکلائزیشن اور اخراجات کو کم کرنا بھی مقاصد میں شامل ہے۔ تحقیق اور آب و ہوا کے طیارے کا مشن صرف کوریج پر نہیں رکتا بلکہ علاقائی کلاؤڈ سیڈنگ پروگرام سے وابستہ ایک سائنسی ٹیم کے ذریعے خطے کے بادلوں کی خصوصیات کو سمجھنے اور سمجھنے کے لیے تحقیقی ڈیٹا کا تجزیہ بھی کیا جائے گا۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں

    تاہم یاد رہے 11 مئی 2023 کو ماحولیات، پانی اور زراعت کے وزیر انجینئر عبدالرحمٰن نے علاقائی کلاؤڈ سیڈنگ پروگرام کے لیے 5 طیارے خریدنے کے معاہدے پر دستخط کیے تھے۔ اب سعودی عرب دنیا کا دوسرا ملک بن گیا ہے جس کے پاس اس قسم کے تحقیقی طیارے ہیں۔

  • اتحادی انتخابات سے بھاگ رہے ہیں. بلاول بھٹو زرداری

    اتحادی انتخابات سے بھاگ رہے ہیں. بلاول بھٹو زرداری

    پاکستان پیپلز پارٹی کے چئیرمین بلاول بھٹو زرداری کا کہنا ہے کہ اتحادی الیکشن سے بھاگ رہے ہیں تو انہیں بھاگنے دو، اتحادیوں سے کہتا ہوں ڈرو گے تو مرو گے جبکہ حیدر آباد میں چھ ملین گیلن پانی کی فراہمی کے واٹر فلٹر پلانٹ منصوبے کے افتتاح کے بعد ہونے والی تقریب سے خطاب کرتے ہوئے بلاول نے کہا کہ نالائق کو نکالنے کے لیے عدم اعتماد کی کامیابی حیدرآباد کے عوام کی وجہ سے تھی، اگر وہ وزیراعظم نہیں رہا تو جیالوں کی محنت کی وجہ سے نہیں رہا۔

    خیال رہے کہ بلاول بھٹو نے کہا کہ آج میں آپ سے مانگنے نہیں بلکہ آپ کو دینے کے لیے آیا ہوں، حیدرآباد کےعوام کو پینے کا پانی ملے گا، ہمیں ہر شہر میں صاف پانی پہنچانا ہے اور چئیرمین پیپلز پارٹی کا کہنا تھا کہ ہم اپنے منشور پر الیکشن لڑیں گے، میں پاکستان کے عوام پر بھروسہ کرتا ہوں، میں عوام کے پاس جاؤں گا اور بتاؤں گا کہ میں ملتان، فیصل آباد اور پشاور کو بھی پانی دینا چاہتا ہوں۔

    بلاول بھٹو نے کہا کہ اتحادی الیکشن سے بھاگ رہے ہیں تو انہیں بھاگنے دو، اتحادیوں سے کہتا ہوں کہ ڈرو گے تو مرو گے، الیکشن سے بھاگنا پیپلز پارٹی کی ٹریننگ میں نہیں ہے اور انہوں نے مزید کہا کہ جناح ہاؤس پر حملہ کرنے والوں کو پیغام ہے کہ ہم مقابلے کے لیے تیار ہیں، پیپلز پارٹی کے جیالے آپ سے نہیں ڈرتے، ہم الیکشن میں ملک کے کونے کونے میں سیاسی یتیموں اور کٹھ پتلی سیاست دانوں کا صفایا کردیں گے۔

    بلاول بھٹو زرداری نے مزید کہا کہ پیپلز پارٹی کی کردارکشی کی مہم 3 نسلوں سے چلتی آرہی ہے، وہ سیلیکٹڈ کو مسلط کرنا چاہ رہے تھے تو پیپلز پارٹی کے خلاف نہ جانے کیا کیا کہا گیا، ہم نے جھوٹ کا منہ توڑ جواب دینا ہے۔

  • ہم کہاں کے سچے تھے میں میرے کردار پر میری سوچ سے زیادہ تنقید ہوئی عثمان مختار

    ہم کہاں کے سچے تھے میں میرے کردار پر میری سوچ سے زیادہ تنقید ہوئی عثمان مختار

    معروف اداکار عثمان مختار نے اپنے حالیہ انٹرویو میں کہا ہے کہ میں اداکار نہیں‌بننا چاہتا تھا بلکہ میں ڈائریکشن میں آنا چاہتا تھا. انہوں نے ڈرامہ سیریل ہم کہاں کے سچے تھے کے حوالے سے بات کرتے ہوئے کہا کہ اس ڈرامے کی سٹوری جب میرے پاس آئی میں نے پڑھی تو میں نے محسوس کیا کہ یہ کہانی دو لڑکیوں کے کرداروں کے گرد گھومتی ہیں. عثمان مختار نے کہا کہ مجھے پتہ چل گیا تھا کہ میرے کردار پر تنقید ہوگی ، اس سے بھی کہیں زیادہ تنقید ہوئی . لیکن مجھے وہ تنقید بری نہیں لگی. جب لوگ ہر طرف کہہ رہے تھے کہ ہیرو کا کردار بہت کم ہے تو میں نے اس چیز کو سر پر سوار نہیں کیا تھا.

    ”میں سمجھتا ہوں کہ بہت عرصہ تک پاکستانی ڈراموں کے مین کردار مردوں کے ہی لکھے جاتے تھے”، آج زرا عورتوں کے لئے لکھے جاتے ہیں، انہوں نے مزید کہا کہ میں نے اپنی زندگی کا پہلا آڈیشن سٹیج تھیٹر کے لئے دیا تھا ، اس کے بعد اداکاری کا موقع ملا اور پھر میں نے پیچھے مڑ کر نہیں دیکھا. یاد رہے کہ عثمان مختار سنجیدہ کرداروں کے لئے مشہور ہیں، وہ کم مگر معیاری کام کرنے کو ترجیح دیتے ہیں. ان کی جوڑی کو ہم کہاں‌کے سچے ہیں میں‌ماہرہ خان کے ساتھ بہت زیادہ سراہا گیا.

    دل کو صاف رکھیں کیا پتہ کل ہو نہ ہو ہانیہ عامر کا مداحوں کو …

    اب صرف اداکاری ہی کروں گا سنی دیول کا اعلان

    بزنس کا ارادہ نہیں صرف اداکاری پر توجہ ہے عائزہ خان

  • میرے خلاف کوئی بات کریگا تو میں اسی لہجے میں اسکو جواب دوں گی نادیہ حسین

    میرے خلاف کوئی بات کریگا تو میں اسی لہجے میں اسکو جواب دوں گی نادیہ حسین

    ماڈل اور اداکارہ نادیہ حسین نے حال ہی میں ایک پوڈ‌کاسٹ میں شرکت کی ، اس میں انہوں نے سوشل میڈیا کے استعمال اور سوشل میڈیا پر موجود لوگوں کے رویوں کے بارے میں بات کی . انہوں نے کہا کہ میری پوسٹوں پر اگر آکر کوئی بدتمیزی کرے تو میں اسکو معاف نہیں کرتی بلکہ اسکو اسی کے لہجے میں جواب دیتی ہوں. انہوں نے کہا کہ جو بدتمیزی کرے اسکو معافی دینے کا مطلب ہے کہ وہ دوبارہ بھی اسی لہجے میں بات کرے گا. ضروری ہے کہ جو جیسا بولے اسکو ٹھیک ٹھاک انداز میں جواب دیا جائے. انہوں نے کہا کہ بہت سارے لوگ میرے بچوں کو گالیاں دے رہے ہوتے ہیں تو میں‌تو ایسے لوگ کو معاف نہیں کرتی.

    ”میرے ان باکس میں ایک میسج آیا کہ میں‌آپ سے نفرت کرتا ہوں”. انہوں نے کہا کہ لوگوں کے پاس ٹیکنالوجی تو آگئی ہے لیکن ان کو اسکے استعمال کی بالکل بھی تمیز نہیں آئی. نہ ہی انہوں نے سیکھا ہے کہ کسی سے بات کیسے کرنی ہے. انہوں نے کہا کہ جہاں آپ کو لگتا کہ آپ ٹھیک ہیں وہاں آپ کو بولنا چاہیے، یہ دنیا معاف کرنے والی نہیں ہے، آپ کو پلٹ کر جواب دینا آنا چاہیے، اگر کوئی آپ سے بدتمیزی کرتا ہے تو اسے فوراً تھپڑ مار دینا چاہیے۔

    دل کو صاف رکھیں کیا پتہ کل ہو نہ ہو ہانیہ عامر کا مداحوں کو …

    اب صرف اداکاری ہی کروں گا سنی دیول کا اعلان

    بزنس کا ارادہ نہیں صرف اداکاری پر توجہ ہے عائزہ خان

  • کراچی میں پاکستان تھیٹر فیسٹیول 2023 کا افتتاح

    کراچی میں پاکستان تھیٹر فیسٹیول 2023 کا افتتاح

    آرٹس کونسل آف پاکستان کراچی کے زیر اہتمام ”پاکستان تھیٹر فیسٹیول 2023“ کا افتتاح کر دیا گیا ہے. افتتاحی تقریب کے ریڈ کارپٹ پر گورنر سندھ کامران ٹیسوری، گورنر پنجاب محمد بلیغ الرحمان، معروف دانشور انور مقصود، نگراں وزیر ثقافت سید جنید علی شاہ، تھیٹر ڈائریکٹرز عثمان پیرزادہ، نبیل قریشی، حبا بخاری، ٹیپو اور شوبز انڈسٹری کی نامور شخصیات سمیت تھیٹر کے شائقین کی بڑی تعداد موجود تھی۔پاکستان تھیٹر فیسٹیول کا افتتاح معروف ہدایتکار و اداکار سلمان شاہد کے تھیٹر ڈرامے Patriot & Abdullah سے کیا گیا، لاہور کے تھیٹر گروپ کی جاندار اداکاری کو شائقین نے بے حد پسند کیا۔انور مقصود کو صدر آرٹس کونسل محمد احمد شاہ کی جانب سے شیلڈ پیش کی گئی۔

    گورنر سندھ کامران ٹیسوری نے تھیٹر فیسٹیول میں اظہار خیال کرتے ہوئے کہا کہ ”احمد شاہ نے پاکستان ہی نہیں بلکہ پاکستان سے باہر اس ثقافت و تہذیب کو اجاگر کیا ہے”، یہ مختلف پروگرامز کرتے رہتے ہیں، ملکوں کی ثقافت کو جوڑنے میں احمد شاہ بھرپور کردار ادا کر رہے ہیں۔گورنر پنجاب محمد بلیغ الرحمان نے تھیٹر فیسٹیول سے خطاب کرتے ہوئے کہا کہ یہاں پر بڑی تعداد میں مختلف ممالک سے لوگ موجود ہیں، جس طرح احمد شاہ پاکستان لٹریچر فیسٹیول کو پاکستان کے مختلف شہروں میں اور عالمی اردو کانفرنس کو دنیا کے مختلف ممالک میں لے کر گئے ہیں وہ قابل ستائش ہے۔

    دل کو صاف رکھیں کیا پتہ کل ہو نہ ہو ہانیہ عامر کا مداحوں کو …

    اب صرف اداکاری ہی کروں گا سنی دیول کا اعلان

    بزنس کا ارادہ نہیں صرف اداکاری پر توجہ ہے عائزہ خان

  • ماہرہ خان کی شادی کی وجہ سے فلم کا شیڈیول تبدیل کر لوں گا ہمایوں سعید

    ماہرہ خان کی شادی کی وجہ سے فلم کا شیڈیول تبدیل کر لوں گا ہمایوں سعید

    معروف پرڈیوسر اور اداکار ہمایوں سعید نے اپنے حالیہ انٹرویو میں‌کہا ہے کہ جو بھی لڑکی میرے ساتھ کام کرتی ہے وہ مشہور ہو جاتی ہے اور ٹاپ سٹار بن جاتی ہے. انہوں نے کہا کہ مجھ سے کچھ بے وقوف لوگ حسد کرتے ہیں ، سوشل میڈیا سے مجھے کوئی پرابلم نہیں ہے اگر سوشل میڈیا کومجھ سے کوئی پرابلم ہو تو میں‌کچھ کہہ نہیں سکتا. میں اپنا پورا فوکس اپنے کام پر رکھتا ہوں جس کی وجہ سے سوشل میڈیا سے مجھے کبھی کوئی مسئلہ ہوا ہی نہیں . انہوں نے کہا کہ اگلے سال سے میں تین فلمیں پورے سال میں تیار کیا کروں گا. میں‌نے پہلے بھی میں ہوں شاہد آفریدی کے زریعے انڈسٹری کو سنبھالا دیا تھا اب بھی ایسا کروں گا اور کر بھی رہا ہوں .

    انہوں نے ایک سوال کے جواب میں کہا کہ ”ماہرہ خان میری فلم کی ہیروئین ہیں اور اگر ان کی شادی ہونی ہوئی تو میں اپنی فلم کا شیڈیول تبدیل کر لوں گا ”اور اسکا انتظار کرلوں گا مجھے کوئی مسئلہ نہیں ہے . انہوں نے کہا کہ ماہرہ خان کی شادی سے میری فلم پر کوئی فرق نہیں پڑے گا، ماہرہ خان کے ساتھ فلم ’بن روئے‘ میں ہماری جوڑی مقبول ہوچکی ہے، میری نئی فلم میں بھی ان کو میرے ساتھ پسند کیا جائے گا۔

    دل کو صاف رکھیں کیا پتہ کل ہو نہ ہو ہانیہ عامر کا مداحوں کو …

    اب صرف اداکاری ہی کروں گا سنی دیول کا اعلان

    بزنس کا ارادہ نہیں صرف اداکاری پر توجہ ہے عائزہ خان