Baaghi TV

Author: +9251

  • بڑی عید پر 3چھٹیاں ہوں گی

    بڑی عید پر 3چھٹیاں ہوں گی

    بڑی عید پر 3چھٹیاں ہوں گی، کابینہ ڈویژن نے وزیراعظم کو سمری بھجوا دی.سیکریٹری کابینہ ڈویژن سردار احمد نواز سکھیرا نے 10 سے 12 جولائی تک عید الاضحیٰ کی چھٹیوں کی منظوری کیلئے وزیراعظم شیباز شریف کو معاسلہ لکھ دیا ہے.

    بابینہ ڈویژن نے عید الاضحیٰ کیلئے تین چھٹیوں کی تجویز دی ہے جو 10 جولائی سے 12 جولائی 2022 تک ہوں گی ،تاہم وزیراعظم کی منظوری کے بعد عید کی چھٹیوں کا نوٹیفیکیشن جاری کر دیا جائے گا.

    دوسری طرف وزیر اعلی پنجاب حمزہ شہباز شریف کی زیرصدارت اجلاس منعقد کیا گیا اجلاس میں عید الاضحٰی پر لاہور سمیت صوبہ بھر میں صفائی پلان کا تفصیلی جائزہ لیاگیا .وزیر اعلی پنجاب حمزہ شہباز شریف نے عید الاضحٰی پر لاہور سمیت پنجاب کے شہروں میں صفائی کے بہترین انتظامات کے لئے ٹاسک سونپ دیئے جبکہ حمزہ شہباز نے کمشنر لاہورڈویژن، ڈپٹی کمشنر لاہور سمیت دیگر اضلاع کے انتظامی افسران کو عید الاضحٰی پر فیلڈ میں موجود رہنے کی ہدایت کر دی.

    وزیر اعلی پنجاب حمزہ شہباز شریف نے کہا کہ مخلوق خدا کو صاف ماحول فراہم کرنا ہمارا فرض ہے۔عوامی نمائندے بھی اپنے علاقوں میں صفائی کے انتظامات کی نگرانی کریں .وزیراعلیٰ نے یونین کونسل کی سطح پر عوامی نمائندوں کو صفائی کے عمل میں شریک کرنے اور کمیٹیاں تشکیل دیئے کی ہدایت کی.وزیر اعلی حمزہ شہبازنے صفائی کے انتظامات کی مانیٹرنگ کے لیے کنٹرول روم بنانے کا حکم بھی جاری کر دیا.

    حمزہ شہباز کا کہنا تھا کہ صفائی پلان کی موثر مانیٹرنگ کا نظام وضع کیا جائے۔صفائی پلان کے تحت کئے جانے والے تمام انتظامات کا تھرڈ پارٹی آڈٹ کرایا جائے گا. گنجان آبادیوں میں صفائی کے انتظامات پر خصوصی فوکس کیا جائے۔وزیر اعلی حمزہ شہبازنےعید الاضحٰی پر بارش کے امکان کے پیش نظر واسا کو چوکس رہنے کی ہدایت بھی کی.

    انہوں نے کہا کہ صفائی کے ساتھ نکاسی آب کے لئے موثر پلان مرتب کیا جائے۔ بارشوں کے پیش نظر واساز اور متعلقہ ادارے اپنی تیاریاں مکمل رکھیں۔ مویشی منڈیوں میں صفائی،نکاسی آب اور پارکنگ پر خصوصی توجہ دی جائے۔ الائشیں اٹھانے اور مناسب طریقے سے ٹھکانے لگانے کیلئے تمام ممکنہ وسائل بروئے لانے جائیں ۔

    حمزہ شہبازکا کہنا تھا کہ عیدالاضحی کے موقع پر پنجاب بھر میں صفائی کے بہترین انتظامات ہونے چاہئیں۔ آپ سب کی ذمہ داری ہے کہ صفائی کے انتظامات کو یقینی بنائیں،پیش کردہ صفائی پلان پر حقیقی معنوں میں عملدرآمد یقینی بنایا جائے تاکہ شہریوں کو صفائی کی صورتحال میں واضح بہتری نظر آئے۔

    اس موقع پر وزیراعلی پنجاب کو بریفنگ دی گئی کہ صفائی کے انتظامات کے لیے رواں برس عید الاضحٰی پر 1086 گاڑیاں فیلڈ میں ہوں گی۔ گزشتہ برس 480 گاڑیاں فیلڈ میں تھیں۔ الائشیں اٹھانے کے لئے3516 پک اپ کرائے پر لے رہے ہیں۔الائشیں اکٹھا کرنے کے لئے یونین کونسل کی سطح 280 کیمپ لگائے جائیں گے۔

    وزیر اعلی پنجاب حمزہ شہباز شریف کی زیرصدارت اجلاس میں کمشنر لاہورڈویژن اور چیف ایگزیکٹو آفیسر لاہور ویسٹ مینجمنٹ کمپنی نےعید الاضحٰی پر صفائی کے انتظامات کے بارے وزیر اعلی پنجاب حمزہ شہباز شریف کو بریفنگ دی .وزیر اعلی پنجاب حمزہ شہباز نے صفائی کے انتظامات کو بہتر بنانے کے بارے میں متعلقہ حکام کو ضروری ہدایات دیں

    اجلاس میں خواجہ احمد حسان، چوہدری شہباز احمد، افتخار احمد، کبیر تاج، صبغت اللہ سلطان، غلام دستگیر، عمران گورایہ، سیکرٹری بلدیات، ایم ڈی واسا اور متعلقہ حکام نے شرکت کی.

  • کسٹمز کی کارروائی میں کھاد اور ایرانی ڈیزل ضبط

    کسٹمز کی کارروائی میں کھاد اور ایرانی ڈیزل ضبط

    کوئٹہ :پاکستان کسٹمز انفورسمنٹ اینٹی اسمگلنگ آرگنائزیشن نے انسداد اسمگلنگ کے تحت دو کامیاب کارروائیوں میں 5کروڑ 65لاکھ روپے کا اسمگل شدہ مال ضبط کرلیا۔

    ذرائع کے مطابق آرسی ڈی ہائی وے موچکہ کسٹم چیک پوسٹ کے عملے نے دو مشکوک آئل ٹینکرز روک کر جب معائنہ کیا تو ٹینکرز سے 30ہزار لیٹر اسمگلڈ ایرانی ڈیزل برآمد کیا گیا۔ ڈیزل کی درآمدی دستاویزات طلب کی گئیں لیکن ڈرائیورز متعلقہ دستاویزات پیش کرنے میں ناکام رہے۔

    اس پر حکام نے 2کروڑ 70لاکھ روپے مالیت کا اسمگلڈ ڈیزل ضبط کرکے مقدمہ درج کرکے دونوں ٹینکرز کے ڈرائیورز کو گرفتار کرلیا ہے۔اینٹی اسمگلنگ آرگنائزیشن کی موچکہ چیک پوسٹ پر ایک دوسری کارروائی میں حکام نے بلوچستان کے لیے کھاد کی اسمگلنگ کو ناکام بنادیا۔

    ذرائع نے بتایا کہ دو کروڑ 90لاکھ مالیت کی کھاد بذریعہ ٹریلر غیرقانونی طور پر بلوچستان لیجانے کی کوشش کی جارہی تھی۔حکام نے متعلقہ دستاویزات نہ ہونے پر کھاد ضبط کرکے مقدمہ درج کرلیا ہے۔

    یاد رہے کہ اس سے قبل بھی پاکستان کوسٹ گارڈز نے گوادر اور وندر میں کارروائی کے دوران اسمگنگ شدہ ایرانی ڈیزل سمیت بھاری مقدار میں چھالیہ اور دیگر چیزیں برآمد کرلی جبکہ ایک غیر ملکی سمیت 25 تارکین وطن کو بھی گرفتارتھا خفیہ اطلاع پر گوادر میں ایک لانچ سے 18 ہزار لیٹر ایرانی اسمگل شدہ ڈیزل برآمد کرلیا گیا جبکہ ایک اور وندر میں دوران کارروائی گاڑیوں سے 34 ہزار 394 کلو چھالیہ اور 45 ٹن فلو رائٹ اسٹون برآمدکیا تھا

    جبکہ اس وقت وندر کے قریب ناکہ کھاری چیک پوسٹ پر 91 عدد ٹائر اور 16 بیگ چائنا سالٹ برآمد کیا گیا

  • ماڈل فیا خان اپنی حالیہ تصاویر کی وجہ شدید تنقید کی زد میں

    ماڈل فیا خان اپنی حالیہ تصاویر کی وجہ شدید تنقید کی زد میں

    معروف ماڈل فیا خان نے سوشل میڈیا پر اپنی حالیہ تصاویر جاری کی ہیں جس کی وجہ سے وہ شدید تنقید کی زد میں ہیں.ان کی تصاویر کافی بولڈ ہیں ان تصاویر کو لگا کر انہوں نے اپنے مداحوں اور دوستوں کے ساتھ اپنے حاملہ ہونے کی خبر شئیر کی ہے. فیا خان پہلی ایسی ماڈل ہیں جنہوں اپنے حاملہ ہونے کی خبر اس انداز میں لوگوں کے ساتھ شئیر کی ہے.فیا خان کی بہت ساری دوستیں ان کو سوشل میڈیا پر مبارکباد دے رہی ہیں لیکن بہت سارے لوگ ان کے اس انداز پر انہیں شدید نشانہ بھی بنا رہے ہیں.فیا خان پر جو تنقید کررہا ہے وہ اس کو لاجواب کررہی ہیں اور کہہ رہی ہیں کہ ان کی مرضی ہے ان کی زندگی ہےوہ

    جو چاہیں کریں. یاد رہے کہ فیا خان چند ماہ کی حاملہ ہیں اور انہوں نے اسی ھالت میں ایک شوٹ کروایا ہے شوٹ خاصا بولڈ ہے ایسا شوٹ کم از کم ہماری شوبز انڈسٹری کی تاریخ میں شاید ہی پہلے کسی نے دیکھا ہو. فیا خان پہلے بھی اپنے بولڈ ڈریسز اور شوٹس کی وجہ سے ہی جانی جاتی ہیں. فیا خان کی پہلی شادی لاہور سے تعلق رکھنے والے کیمرہ مین قام علی مرید سے ہوئی تھی جو کچھ ہی عرصہ رہی اس کے بعد ان کی شادی ایک ترکش شہری سے ہوئی ہے اس کے ساتھ وہ کافی خوش بھی دکھائی دیتی ہیں اکثر اپنی اور اپنے شوہر کی تصاویر خوبصورت کیپشنز کے ساتھ شئیر کرتی ہوئی دکھائی دیتی ہیں.

  • وفاقی وزیر داخلہ کا اسلام آباد پولیس کی تنخواہیں بڑھانےکا اعلان

    وفاقی وزیر داخلہ کا اسلام آباد پولیس کی تنخواہیں بڑھانےکا اعلان

    اسلام آباد:پنجاب پولیس کی طرح وفاقی پولیس کی بھی سُنی گئی ہے اوراطلاعات ہیں کہ وفاقی وزیر داخلہ رانا ثنا اللہ نے اسلام آباد پولیس کی تنخواہیں بڑھانے کا اعلان کر تے ہوئے کہا ہے کہ جتنے بڑے شہر ہیں وہاں سیف سٹی کیمرے وقت کی اہم ضرورت ہیں،اسلام آباد سیف سٹی منصوبہ خامیوں کے باعث صحیح طور پر نہ چل سکا۔اہم جگہوں اور زیادہ ضرورت کی چیزوں کے لیے 4 کروڑ روپے مہیا کر دیئے گئے۔

    اس سلسلے میں وزیر داخلہ رانا ثنا اللہ نے کہا کہ آئی جی اسلام آباد کو فوری فزیبلٹی بنانے کا کہا ہے اور اسی سال میں سو فیصد سیف سٹی کوریج کی جائے گی۔ وزیر اعظم نے قطعا اس کی ادائیگی میں کوئی حیل و حجت نہیں کی اور کوشش کریں گے اس مالی سال میں اسے مکمل کریں، ایک ارب 22 کروڑ روپے کی رقم شہدا کے لیے بقایا جات تھے اور افسوس ہے جنہوں نے قربانیاں دیں ان کے اہلخانہ دھکے کھاتے پھر رہے ہیں۔

    شہدا کے لواحقین سے معذرت خواہ ہوں،رانا ثنا اللہ نے کہا کہ اسلام آباد پولیس نے مطالبہ کیا تھا کہ ان کی تنخواہیں پنجاب پولیس کے برابر کرنے کا تھا تو حکومت نے اسلام آباد پولیس کا مطالبہ پورا کر دیا ہے، اسلام آباد پولیس کی تنخواہیں اور مراعات پنجاب پولیس کے برابر کر دیئے گئے ہیں،

    انہوں نے کہا کہ بدنام زمانہ دہشت گرد کو جہنم واصل کرنے پر تمام افراد اور ادارے مبارکباد کے مستحق ہیں اور جس ٹیم نے اس دہشت گرد کو مارا ہے انہیں بھی میڈل اور ایوارڈ دیئے جائیں گے۔ 140ملین کی ابتدائی رقم اسلام آباد پولیس کو دی گئی ہے،وزیر داخلہ نے کہا کہ فسادی ٹولے کو پسپا کرنے پر اسلام آباد پولیس اور سیکیورٹی اداروں کو ہر سہولت دی جائیں گی جبکہ اسلام آباد 3 طرف سے ایسے معاملات کا شکار ہو سکتا ہے۔

    25 مئی کو فسادی ٹولہ اسلام آباد پر حملہ آور ہونا تھا لیکن پولیس، رینجرز اور دیگر سیکیورٹی حکام نے فسادی ٹولے کو پسپا کر دیا،رانا ثنا اللہ نے کہا کہ یہ سیف سٹی صرف سڑکوں پر نہیں بلکہ سب کچھ کیچ ہو گا اور کارروائی بھی ہو گی۔ کسی کو تشدد کی قطعا کوئی اجازت نہیں دی جاسکتی۔ فیصل آباد کی سیٹ ہم جیت رہے ہیں تاہم کچھ مشکلات بھی ہیں۔ بتائیں کیا انہوں نے بینرز کی اجازت لی تھی ؟ فیس ادا کی تھی؟

  • ایمبر ہرڈ کے ستارے مسلسل گردش میں

    ایمبر ہرڈ کے ستارے مسلسل گردش میں

    ہالی وڈ کی نامور اداکارہ اور جونی ڈیپ کی سابقہ اہلیہ ایمبر ہرڈ نے جب سے اپنے شوہر پر مار پیٹ کا الزام لگا کر عدالت کا دروازہ کھٹکھٹایا اس کے بعد ذلت نے جیسے ان کے گھر کا راستہ دیکھ لیا ہو. اس کھیل میں ہارنے والی ایمبر ہرڈ مسلسل پریشانیوں کا شکار ہیں ان کی مقبولیت یں تیزی سے کمی آرہی ہے. یہاں تک کہ اپنی ہی شوبز فیلڈ میں ان کو کافی سخت رویوں کا سامنا ہے. ایمبر ہرڈ کی مقبولیت کا مسلسل گرتا گراف دوبارہ اوپر لانے کےلئے ایک جھوٹی خبر کا سہارا لیا گیا اس کے مطابق ایمبرہرڈ دنیا کی خوبصورت خاتون قرار دی گئیں.اس خبر کے بعد دنیا بھر کی بڑی ویب سائٹس پر ایمبر ہرڈ کو

    مثبت انداز میں کوریج ملی اور انہیں دنیا کی خوبصورت ترین خاتون کہا لیکن اس جھوٹی خبر اور اس کے نیتجے میں ملنے والی کوریج دھڑام سے نیچے آکر گر گئی ہے کیونکہ متعدد بین الاقوامی میڈیا سائٹس کے مطابق ایمبر ہرڈ دنیا کی تیسری خوبصورت ترین خاتون ہیں جبکہ پہلا نمبر سپر ماڈل بیلا حدید اور دوسرا گلوکارہ بیونسے کا ہے۔اس درجہ بندی میں ڈاکٹر جولین ڈی سلوا نے کردار ادا کیا ہے، ڈاکٹر جولین ڈی سلوا ایک برطانوی پلاسٹک سرجن ہیں جو لندن میں سینٹر فار ایڈوانسڈ فیشل کاسمیٹک اینڈ پلاسٹک سرجری کی سربراہ ہیں۔یاد رہے کہ ایمبر ہرڈ نے جس طرح سے جونی ڈیپ کے معاملے کو ہینڈل کرنے کی کوشش کی ہے اس کے بعد ان کی ساکھ بری طرح متاثر ہوئی ہے.یاد رہے کہ فیک نیوز کے مطابق یہ کہا گیا تھا کہ سائنسدانوں نے ایمبر ہرڈ کی خوبصورتی کو ناپنے کے لیے یونانی فارمولے کا استعمال کرتے ہوئےان کی آنکھیں، بھنویں، ناک، ہونٹ، ٹھوڑی، جبڑے اور چہرے کی پیمائش کی ہے۔ اس پیمائش کے مطابق اداکار کا چہرہ 91.85 فیصد یونائی فارمولے کے مطابق ہے اور وہ ان کا چہرہ سائنسی اعتبار سے دنیا کا خوبصورت ترین چہرہ ہے.

  • وزیراعلی پنجاب کا انتخاب،سپریم کورٹ کا تحریری حکم

    وزیراعلی پنجاب کا انتخاب،سپریم کورٹ کا تحریری حکم

    سپریم کورٹ نے وزیراعلیٰ پنجاب کے انتخاب کا سیکنڈ پول 22 جولائی کو کرنے سے متعلق تحریری حکم نامہ جاری کر دیا۔سپریم کورٹ کا 10 صفحات پر مشتمل تحریری حکم نامہ جسٹس اعجاز الاحسن نے تحریر کیا۔ حکمنامے میں کہا گیا کہ فریقین کی یقین دہانی پر لاہور ہائیکورٹ کے حکم میں ترمیم کررہے ہیں۔

    سپریم کورٹ کے جاری کردہ حکمنامے کے مطابق وزیراعلیٰ کے انتخاب کا سیکنڈ پول قانون کے مطابق ہو گا، وزیراعلیٰ پنجاب کے انتخاب کے سیکنڈ پول کو ڈپٹی اسپیکر پنجاب اسمبلی چیئر کریں گے، اسپیکر یا ڈپٹی اسپیکر پول کے بعد باقاعدہ نوٹیفکیشن جاری کریں گے۔

    سپریم کورٹ نے اچھا فیصلہ دیا،ہماری مانی گئی،پرویزالہی

    سپریم کورٹ کا تحریری حکم نامہ میں کہا گیا کہ وزیراعلیٰ حمزہ شہباز اوران کی کابینہ عدالت کو کرائی گئی یقین دہانی کےمطابق صاف شفاف انتخاب کرائیں گے، پنجاب کےعوام کو نمائندگی اور گورننس کےحقوق کے لیے وزیراعلیٰ اپنی ذمہ داری پوری کریں۔

    تحریری حکم نامہ میں کہا گیا کہ وزیراعلیٰ کی ذمہ داری آئینی خلاء کو پر کرنے کے لیے 22 جولائی تک ہوگی، وزیراعلیٰ اور ان کی کابینہ کی ذمہ داری آرٹیکل130 کی شق 2 کے تحت 22 جولائی تک محدود ہوگی۔

    سپریم کورٹ نے کہا کہ لاہور ہائیکورٹ اپنے 27 مئی 2022 کے مختصر فیصلے کی تفصیلات آج سے ایک ہفتے کے بعد جاری کرے۔

    اسپیکر پنجاب اسمبلی نے ایوان کا ماحول خوشگوار رکھنے کی یقین دہانی کرائی ہے، امید ہے پرویز الہیٰ اور حمزہ شہباز کی پرامن انتخابات کی یقین دہانی پر عملدرآمد ہوگا۔

    سپریم کورٹ نے کہا کہ ضمنی انتخابات تک حمزہ شہباز بطور وزیر اعلیٰ ہی کام کریں گے، مل بیٹھ کر مسئلے کا حل نکالنے پر پی ٹی آئی،مسلم لیگ ن اور ق لیگ کا شکریہ ادا کرتے ہیں۔عدالت عظمیٰ نے کہا کہ لاہور ہائیکورٹ کے فیصلے کیخلاف کیس نمٹایا جاتا ہے۔

    واضح رہے کہ گزشتہ روز عدالت عظمیٰ نے وزیر اعلیٰ پنجاب کے انتخاب سے متعلق مقدمہ میں فریقین کے اتفاق رائے سے22جولائی کو رائے شماری کا دن مقرر کرتے ہوئے قرار دیا ہے کہ 17جولائی کو صوبائی اسمبلی کی 20 نشستوں پر ضمنی انتخاب کے بعد 22جولائی کو وزیر اعلیٰ کا انتخاب منعقد ہوگا اور اس دوران حمزہ شہباز بطور وزیر اعلیٰ پنجاب کام جاری رکھیں گے۔

  • الیکشن کمیشن نے وفاقی وزیر کو ضابطہ اخلاق کی خلاف ورزی پر نوٹس جاری کردیا

    الیکشن کمیشن نے وفاقی وزیر کو ضابطہ اخلاق کی خلاف ورزی پر نوٹس جاری کردیا

    الیکشن کمیشن آف پاکستان کی جانب سے مسلم لیگ کے رہنماء اور وفاقی وزیر تعلیم رانا تنویر کو پی پی 140 کے ضمنی الیکشن کی انتخابی مہم میں ضابطہ اخلاق کی خلاف ورزی پر اظہار وجوہ کا نوٹس جاری کردیاگیا.

    جبکہ چیئرمین مانیٹرنگ ٹیم و الیکشن کمشنر نے مراسلہ بھی جاری کردیا ہے.

    رانا تنویر نے ایک روز قبل رانا خلیل کے ڈیرے پر اجتماع سےخطاب کیا تھا۔ اور اس میں ضمنی الیکشن کے حوالے سے گفتگو کی تھی جس پر الیکشن کمیشن نے نوٹس لیا.

    مراسلے کے مطابق: ڈیرہ پی پی 140 کے علاقہ جنڈیالہ روڈ پر واقع ہے، رانا تنویر کے خطاب کی ویڈیو 24 گھنٹے سے وائرل ہے۔

    رانا تنویر کو 4 جولائی دوپہر ایک بجےخود یا نمائندے کے ذریعے آفس میں پیش ہونے کا نوٹس بھیجا گیا ہے، پیش نہ ہونے پر یک طرفہ کارروائی ہو سکتی ہے.

  • کیا واقعی مہیش بھٹ اپنی گھر کی عورتوں سے ڈرتے ہیں؟

    کیا واقعی مہیش بھٹ اپنی گھر کی عورتوں سے ڈرتے ہیں؟

    مہیش بھٹ نے حال ہی میں کہا ہے کہ وہ اپنے گھر کی عورتوں سے ڈرتے ہیں مہیش بھٹ کے اس بیان کے بعد وہ کافی چرچا میں ہیں. تفصیلات کے مطابق فلم جلیبی کی تشہر کے دوران انہوں نے ایک انٹرویو میں کہا کہ وہ اپنے گھر کی عورتوں سے ڈرتے ہیں ساتھ ہی انہوں نے یہ بھی کہا کہ عورتیں نہ صرف ذہین ہوتی ہیں بلکہ بہترین فیصلہ ساز بھی ہوتی ہیں.مہیش بھٹ کے ساتھ اس فلم کی تشہیر میں اداکارہ ریا چکرورتی بھی تھیں انہوں نے کسی صحافی کے سوال کے جواب میں کہا کہ اگر مرد خوش رہنا چاہتے ہیں اور یہ بھی چاہتے ہیں کہ عورتوں کے ساتھ ان رشتے میں تنائو نہ آئے تو وہ میرے اس مشورے کو عمل کریں کہ وہ

    عورتوں کی بات سنیں انہیں اہمیت دیں اور جو مرد ایسا نہیں کرتے وہ یقینا نقصان اٹھاتے ہیں. ریا کی اس بات سے اتفاق کرتے ہوئے مہیش بھٹ نے بھی کہا میں عورتوں سے بھرے گھر میں رہتا ہوں ان کی بہت سنتا ہوں ان کے فیصلوں کو اہمیت دیتا ہوں. انہوں نے کہا کہ میں تو خواتین کی ذہانت کا قائل ہوں.انہوں نے اعتراف کیا کہ میں ایک خوشگوار زندگی گزار رہا ہوں حالانکہ عورتوں سے بھرے گھر میں رہتا ہوں لیکن بہت خوش ہوں ان کی سنتا ہوں ان کی مانتا ہوں.
    فلم کی تشہیر کے دوران مہیش بھٹ کی کہی ہوئی یہ باتیں خاصی پسند کی جا رہی ہیں اورسوشل میڈیا پر ان کے بیانات پر مختلف قسم کے تبصرے کئے جا رہے ہیں.

  • صاحبہ اور ریمبو بیٹے کی گریجوایشن پر نہایت خوش

    صاحبہ اور ریمبو بیٹے کی گریجوایشن پر نہایت خوش

    اداکار جان ریمبو اور صاحبہ کے بیٹے احسن خان نے لمز یونیورسٹی سے گریجوایشن کی حال ہی میں ڈگری حاصل کی ہے جس پر دونوں فنکار کافی خوش ہیں.اس حوالے سے لمز یونیورسٹی میں‌ ایک تقریب کا اہتمام کیا گیاجس میں ریمبو اور صاھبہ نے شرکت کی. سوشل میڈیا پر جب یہ تصاویر جاری کی گئیں تو دونوں فنکاروں کو مبارکبادیں ملنے کا بڑی تعداد میں سلسلہ شروع ہوا.گریجوایشن کی ڈگری جاری کرنےکےلئے جس تقریب کا یونیورسٹی میں اہتمام کیا گیا اس کے ختم ہونے کے بعد صاحبہ اور ریمبو نے خوشی بھرے انداز میں اپنے بیٹے کے ساتھ یونیورسٹی میں تصاویر بنوائیں،تصاویر میں تینوں کی خوشی دیدنی ہے.سوشل میڈیا پر جان ریمبو اور صاحبہ کے دوست جہاں انہیں ٹیگ کرکے

    مبارکباد دے رہے ہیں وہیں ان کے مداح بھی خوشی کا اظہار کررہے ہیں اور اپنے پسندیدہ سٹارز کی خوشی میں خوش ہو رہے ہیں.یاد رہے کہ صاحبہ کافی برسوں سے اداکاری کم کرتی دکھای دے رہی ہیں وہ اب اپنا ایک بیوٹی سیلون چلا رہی ہیں اس کے ساتھ ساتھ وہ ایک یوٹیوب چینل بھی چلا رہی ہیں. جبکہ جان ریمبو ڈراموں میں تو نظر نہیں آرہے لیکن کافی برسوں کے بعد حال ہی میں فلم گھبرانا نہیں ہے میں ایک اہم کردار کرتے دکھائی دئیے ہیں.ریمبو کہتے ہیں کہ ان کو ڈرامے آفر نہیں کئے جاتے ورنہ وہ ڈراموں میں ضرور کام کریں ان کا یہ بھی کہنا ہے کہ مجھے صرف کامیڈین ہی نہ سمجھا جائے میں ورسٹائل اداکار ہوں مجھے مختلف قسم کے کردار بھی دئیے جائیں.

  • 22 جولائی کا الیکشن انشاء اللہ ہم ہی جیتیں گے،پرویزالہی

    22 جولائی کا الیکشن انشاء اللہ ہم ہی جیتیں گے،پرویزالہی

    سپیکر پنجاب اسمبلی چودھری پرویزالٰہی کی زیرصدارت ضمنی الیکشن کے حوالے سے اجلاس منعقد ہوا.اجلاس میں جنرل سیکرٹری پنجاب سینیٹر کامل علی آغا، سابق صوبائی وزراء چودھری ظہیرالدین، میاں عمران مسعود، سابق ایم این اے چودھری طاہر بشیر چیمہ اور شاداب جعفری ایڈووکیٹ نے شرکت کی.

    اجلاس سے خطاب کرتے ہوئے سپیکر پنجاب چودھری پرویزالٰہی نے کہا کہ چیف جسٹس نے ضمنی انتخابات کے بعد وزیراعلیٰ کا الیکشن کروانے کا ہمارا آپشن مان کر جمہوریت کو پروان چڑھانے میں پل (Bridge) کا کردار ادا کیا،ان کے اس فیصلے سے صاف و شفاف الیکشن کروانے اور دھاندلی کو روکنے میں بڑی مدد ملے گی

    ضمنی الیکشن میں دھاندلی کی ہرگز اجازت نہیں دیں گے،یاسمین راشد

    چودھری پرویزالٰہی کا کہنا تھا کہ 22 جولائی کا الیکشن انشاء اللہ ہم ہی جیتیں گے،مہنگائی نے عوام کا جینا محال کر دیا، غریب کا کوئی خیال نہیں کرتا، آئے روز پٹرول اور روزمرہ اشیاء کی قیمتوں میں اضافے کی روک تھام پر حکومت کی کوئی پالیسی نہیں ہے،مسلم لیگ ضمنی الیکشن میں پی ٹی آئی کے امیدواروں کی بھرپور سپورٹ کر رہی ہے،انشاء اللہ ہماری سپورٹ سے واضح فرق نظر آئے گا،انہوں نے کہا کہ عوام امپورٹڈ حکومت کو رد کرنے کیلئے ووٹ کے ذریعے اپنا حق استعمال کرے.

    قبل ازیں سپیکر پیجاب اسمبلی چوہدری پرویز الہی کا کہنا تھا کہ سپریم کورٹ کا بڑا اچھا فیصلہ ہے
    جو چیز یں ہم چاہتے تھے وہ مانی گئی ہیں، میدیا سے گفتگو کرتے ہوئے چوہدری پرویز الہی کا کہنا تھا کہ پنجاب اسمبلی کا اجلاس رولز کے مطابق ہو گا کوئی پسند ،ناپسند نہیں ہوگی ۔

    چوہدری پرویز الہی کا کہنا تھا کہ وزیراعلی پنجاب حمزہ شہباز نے بھی کہا ہے کہ کوئی سیاسی مداخلت اور پولیس استعمال نہیں کی جائے گی ، انہوں نے کہا کہ 22جولائی تک ہاوس مکمل ہو جائے گا جس کے بعد وزیراعلی کا الیکشن ہو گا.

    سپیکر پنجاب اسمبلی نے کہا کہ22جولائی کو اجلاس پنجاب اسمبلی کی بلڈنگ میں ہوگا اور کہیں نہیں ہوگا ، جو ماحول عدالت کے اندر بنا وہ عدالت کے باہر بھی رہنا چاہئیے، یہی جمہوریت ہے.

    پنجاب اسمبلی میں پی ٹی آئی کے پارلیمانی لیڈرمیاں محمود الرشید نے کہا کہ عدلیہ نے صاف اور شفاف الیکشن کی راہ ہموار کر دی ہے ،امید کرتے ہیں کہ الیکشن شفاف ہونگے ۔

    قبل ازیں چیف جسٹس عمر عطا بندیال کا کہنا ہے کہ وزیر اعلیٰ پنجاب کا دوبارہ انتخاب 22 جولائی کو ہوگا، تین ماہ کا بحران ہم نے 3 سیشنز میں حل کردیا ہے،حکومتی بنچز کو اپوزیشن کا احترام کرنا ہوگا۔ تحریکِ انصاف کی اپیل پر سپریم کورٹ کے 3 رکنی بینچ نے چیف جسٹس عمر عطاء بندیال کی سربراہی میں سماعت کی، جسٹس اعجاز الاحسن اور جسٹس جمال خان مندوخیل بھی اس بینچ میں شامل تھے۔

    لاہور سے پی ٹی آئی کے وکیل امتیاز صدیقی ویڈیو لنک کے ذریعے عدالت میں پیش ہوئے جبکہ پی ٹی آئی کے وکیل بابر اعوان بھی عدالت میں پیش ہوئے۔ کیس کی سماعت کے دوران جسٹس جمال مندوخیل نے کہا کہ سیاستدان یا اپنے مسائل خود حل کریں یا ہمارے پاس آکر ہماری بات مانیں۔

    لاہور ہائی کورٹ کے گزشتہ روز کے فیصلے کے خلاف پی ٹی آئی کی درخواست کی سماعت کے دوران چیف جسٹس پاکستان عمر عطا بندیال نے کہا کہ حمزہ کےلیے قائم مقام وزیر اعلیٰ کا لفظ استعمال نہیں کریں گے، ایسے الفاظ استعمال کریں گے جو دونوں فریقین کو قابل قبول ہوں گے، ، کیس کا تحریری حکمنامہ بعد میں جاری کریں گے۔

    چیف جسٹس نے کہا کہ عدالت پر باتیں کرنا بہت آسان ہے، ججز جواب نہیں دے سکتے، حکومتی بنچز کو اپوزیشن کا احترام کرنا ہوگا، قومی اسمبلی میں اپوزیشن نہ ہونے سے بہت نقصان ہوا ہے۔ اس سے قبل عدالت نے کیس کی سماعت آدھے گھنٹے کے لیے ملتوی کی تھی اور پرویز الہٰی کو حکم دیا تھا کہ وہ عمران خان سے رابطہ کرکے آدھے گھنٹے میں عدالت کو آگاہ کریں، جس کے بعد کیس کی دوبارہ سماعت ہوئی تو پی ٹی آئی کے وکیل بابر اعوان نے عدالت کو عمران خان کی ہدایت سے متعلق آگاہ کیا۔

    ان کا کہنا تھا کہ عمران خان نے حمزہ کو قائم مقام وزیراعلیٰ کے طور پر 17 جولائی تک قبول کیا ہے، عمران خان کا کہنا ہے کہ آئی جی پولیس، پنجاب الیکشن کمشنر اور چیف سیکریٹری قانون پر عمل کریں۔ بابر اعوان نے بتایا کہ عمران خان کا کہنا ہے جن حلقوں سے الیکشن لڑ رہے ہیں وہاں پبلک فنڈز استعمال نہیں ہوں گے۔