Author: +9251

پاکستان کرکٹ بورڈ کے چیئرمین رمیز راجہ نے کہا ہے کہ وہ وزیراعظم شہباز شریف کے ساتھ اچھے تعلقات کے خواہاں ہیں، عمران خان کی جانب سے ان سے رابطہ ختم کردیا گیا ہے۔ پی سی بی کے بورڈ آف گورنرز کے اجلاس کے بعد پریس کانفرنس کرتے ہوئے رمیز راجہ نے انکشاف کیا کہ عمران خان نے وزارت عظمیٰ سے ہٹائے جانے کے فوراً بعد ان سے رابطہ منقطع کر دیا ہے۔

رمیز راجہ نے سابق وزیراعظم کے ساتھ تعلقات کے بارے میں کہا کہ عمران بھائی نے مجھ سے رابطہ منقطع کر دیا، میں نے ان سے کافی عرصے سے بات نہیں کی،

چیئرمین پی سی بی کا مزید کہنا تھا کہ ہم قیاس آرائیوں میں نہیں رہ سکتے، میرا ماننا ہے کہ سیاسی اختلافات کے علاوہ تسلسل کی ضرورت ہے، ہمارے وزیر اعظم ہمارے سرپرست اعلیٰ ہیں، ہم نے ان سے وقت مانگا ہے اور اگر وہ ہم سے ملیں گے تو ہم انہیں اپنے کام کے بارے میں بتائیں گے، میرے خیال میں یہاں انا کی کوئی ضرورت نہیں ہے، آخر میں ہم سب کرکٹ کی ترقی چاہتے ہیں۔

زمیز راجہ کا کہنا تھا کہ اگر آئین میں ہر بار چیئرمین پی سی بی کو ہٹانے کے بارے میں کچھ ہے تو پھر ایسا کرنا چاہیے ورنہ انفرادی خواہشات کی تکمیل کھیل کے حق میں کام نہیں کرے گی جبکہ گیند وزیراعظم شہباز شریف کے کورٹ میں ہے۔

پریس کانفرنس میں رمیز راجہ نے مزید کہا کہ ستمبر 2021 سے اب تک قومی کرکٹ ٹیم کی کامیابی کا تناسب 75 فیصد رہا ہے، جو اس دوران ٹیسٹ کرکٹ کھیلنے والی کسی بھی ٹیم کے مقابلے میں سب سے بہتر ہے، اس شاندار کارکردگی کی بدولت پاکستان کرکٹ ٹیم ٹیسٹ کی موجودہ رینکنگ میں پانچویں جبکہ ون ڈے انٹرنیشنلز اور ٹی ٹونٹی انٹرنیشنلز رینکنگ میں تیسرے نمبر پر براجمان ہے، اس پس منظر میں عمدہ کارکردگی کا مظاہرہ کرنے والے کھلاڑیوں کو سراہنے کی پالیسی کے تحت انہیں مالی سال 23-2022 کے لیے سینٹرل کنٹریکٹ میں اضافہ کرنے پر خوشی ہے۔

انہوں نے کہا کہ ملک کے لیے اعزازات اور فینز کو خوشیاں دینے والے یہ کھلاڑی قوم کا فخر ہیں اور وہ ان کھلاڑیوں کا مکمل خیال رکھنے کے لیے پرعزم ہیں، وائٹ بال کی اہمیت اور کھیل کی ترقی کو مد نظر رکھتے ہوئے ریڈ اور وائٹ بال کے لیے علیحدہ علیحدہ کنٹریکٹس کو متعارف کروایا ہے، ان کھلاڑیوں نے آئندہ 16 ماہ میں 2 ورلڈ کپ سمیت 4 انٹرنیشنل ایونٹس کھیلنے ہیں۔

چیئرمین پی سی بی کا کہنا تھا کہ دو علیحدہ کنٹریکٹس کی پیشکش کے ذریعے دو مختلف طرز کے مقابلوں کے لیے بیک وقت دو مختلف سکواڈز کی تیاری میں معاونت ملے گی، اس حکمت عملی کے تحت مزید ٹیلنٹ سامنے لانے میں بھی مدد ملے گی، ایلیٹ کھلاڑیوں کو آف سیزن ایونٹس میں شرکت سے روکنے کے لیے خصوصی رقم مختص کردی گئی ہے، یہ رقم ان کے ریونیو کو پہنچنے والے ممکنہ نقصانات کی تلافی، ان کے ورک لوڈ کا خیال رکھنے اور انہیں مکمل فٹ رکھنے پر خرچ کی جائے گی تاکہ وہ تازہ دم اور تیار رہیں۔

علاوہ ازیں صوبائی وزیر صحت خواجہ سلمان رفیق ،پاکستان کرکٹر بورڈ کے چیئرمین رمیز راجہ ،پاکستانی کرکٹرز حسن علی اور امام الحق نے سندس فاونڈیشن کا دورہ کیا اورتھیلیسیمیا اور ہیمو فیلیا میں مبتلا بچوں کی عیادت کی. اس موقع پربچوں میں تحائف بھی تقسیم کئے گئے.اپنے ہیروز کو دیکھ کر بچوں کی خوشی دیدنی تھی،کرکٹرز نے بچوں کے ساتھ تصاویر بھی بنوائیں۔تمام مہمانوں نے سندس فائونڈیشن کے مختلف وارڈز کا معائنہ کیا. اس موقع پر خواجہ سلمان رفیق کا کہنا تھا کہ 2012میں شہباز شریف کے سنگ صحت کا سفر شروع کیاتھا۔ ابھی بھی بہت کچھ کرنا باقی ہے۔ میری خوش قسمتی ہے کہ منو بھائی کے ساتھ بھی کام کرنے کا موقع ملا۔ خواجہ سلمان رفیق نے کرکٹرز سے درخواست کی کہ فنڈز ریزنگ کے لئے آ گے آ ئیں۔ ہر ماہ ایسے بچوں کے درمیان ضرور آ ئیں تاکہ انکا حوصلہ بڑھے۔

کرکٹ بورڈ چیئرمین رمیز راجہ نے کہا کہ میں آپ کو یقین دلاتا ہوں کہ پوری ٹیم آپ کے ساتھ ہے۔ خون کے عطیات کے حوالے سے عوام تک ضرور یہ پیغام پہنچائیں گے۔ آپ لوگ حقیقی معنوں میں دکھی انسانیت کی خدمت کر رہے ہیں۔ پوری پاکستانی کرکٹ ٹیم کے ہمراہ سندس فائونڈیشن کا دورہ کریں گے.رمیز راجہ نے بچوں کے لیے دس لاکھ روپے امداد کا بھی اعلان کیا۔

پاکستان اسپورٹس بورڈ کے ڈائریکٹر کو عہدے سے ہٹا دیا گیا

صوبائی وزیر خزانہ اویس لغاری، صوبائی وزیر داخلہ عطاء اللہ تارڑ، صوبائی وزیر قانون ملک احمد خان نے مشترکہ پریس کانفرنس کرتے ہوئے کہا کہ ن لیگ جب حکومت میں آئی توحمزہ شہباز وزیر اعلئ بنے، ہمارا یقین ہے کہ اقتدار نچلے طبقے تک لے کرجانا ہے، اس قانون پر کام کیا گیا پھر اس کو کابینہ میں لے کر گئے،صوبائی وزیر خزانہ اویس لغاری نے کہا کہ اربن اور رورل کو دوبارہ تقسیم کیا ہے، جب تک میونسپل کمیٹی نہیں بنتی سسٹم نہیں چل سکتا، چودہ نئی میونسپل کارپوریشن فارم کی جارہی ہیں،دو سو پینتیس سے زیادہ میونسپل کمیٹیاں چیئرمین اور وائس چیئرمین کا براہ راست انتخاب ہوگا،یونین کونسلز کو صحیح طرح مضبوط کرنے جارہے ہیں.

عارف علوی کا بھی احتساب ہوگا،حمزہ شہباز

اویس لغاری کا کہنا تھا کہ لوکل گورنمنٹ کا دس فیصد حصہ یونین کونسل میں جایا کرے گا، یونین کونسل کا وائس چیئرمین اپر ہاؤس میں جائے گا اور تحصیل کی حکومت کو ہیڈ کرے گا عمران خان پیسے والے لوگوں کو لے کر آگے آرہے تھے، ہم غریب آدمی کو آگے لے کر آرہے ہیں،اگر کوئی افسر صحیح کام نہیں کرے گا تو یو سی افسران اس کو تبدیل کرسکے گے، گیارہ گریڈ کے افسران پی سی ایس کے ذریعے بھرتی کیئے جائیں گے

انہوں نے کہا کہ چیک اینڈ بیلنس کا مکمل طریقہ کار وضع کیا گیا ہے،جہاں وزیر اعلی چیئرمین نہیں ہے وہاں لوکل گورنمنٹ کے افسران چیئر کریں گے، لوکل گورنمنٹ کے سربراہان کو خودمختاری دی جائے گی،اس اقتدار کو ہم ہر یو سی لیول تک لے کر جارہے ہیں
، جلد از جلد ان حکومتوں کا قیام بھی یقینی بنائیں گے، پچاس ہزار سے زیادہ لوگ عوام کے بنیادی مسائل حل کرنے کے لئے اپنا کردار ادا کریں گے

صوبائی وزیر قانون ملک احمد خان نے کہا کہ صاف دیہات پروگرام اس کے ساتھ منسوب ہے، پنجاب کے طول و عرض میں صفائی کا بہترین نظام وضع کریں گے، آج کچھ قوانین پنجاب اسمبلی سے متعلق بھی پاس کیئے گئے ہی، دو ہزار بیس میں ایک بل پاس کیا گیا قوانین کے حوالے سے اس کو واپس اس کی اصل شکل میں لے کر آئے ہیں، پنجاب میں کیا گیا تھا کہ میرا اپنا سیکرٹری ہوگا تو اپنی مرضی سے چلو گا،صحافیوں کے حوالے سے ایک بل پاس کیا گیا تھا کہ کوئی صحافی خبر دے گا تو چھ ماہ جیل ہوسکتی ہے، چیئرمین نیب کے پاس بھی ایسا اختیار نہیں تھا، پنجاب کے آٹھ اضلاع متاثر تھے ٹول پلازوں کی وجہ سے اورٹول پلازوں سے عوامی تکلیف بہت زیادہ تھی ان گیارہ ٹول پلازوں کو ختم کردیا گیا ہے

ملک احمد خان نے مزید کہا کہ عمران خان ، فواد چوہدری نیوٹرل فوج کے سربراہ کو کہتے ہیں، پہلے ان کو کہتے ہیں کہ ہماری حکومت قائم کروائے نہیں کرواتے تو گالیاں دیتے ہی، کل ایک پروگرام میں کہا گیا کہ فوج اور عدلیہ کا آئینی کردار ہے، بیس بائیس پی ٹی آئی کے سوشل میڈیا کے لوگ پکڑے جاتے ہیں،وہ فوج اور عدلیہ کی کردار کشی کرتے ہیں، جب وہ میری کردار کشی کریں گے تو میں حق رکھتا ہوں کہ قانونی کاروائی کروں،کبھی کہتے ہیں نیوٹرل نیوٹرل نہیں ہیں، وہ کیا کہنا چاہتے ہیں. ہم عمران خان ، فواد چوہدری کے خلاف قانونی کاروائی بھی کرسکتے ہیں ہتک عزت کا دعوی بھی کرسکتے ہی،عدلیہ میں یہ پراسیس سلو ہے اس کے لئے ترمیم کرنا پڑی ہے ،اگر تم قائم رہو تو ٹھیک ہے باقی سب برباد ہوجائیں ، فواد چوہدری، قاسم سوری اور عمر چیمہ سمیت پی ٹی آئی کے دیگر رہنماؤں نے آئین شکنی کی ہے ان کے خلاف آرٹیکل 6 کے تحت کارروائی ہونی چاہیے جب کہ جھوٹی خبریں پھیلانے والوں کے خلاف ہتک عزت کے مقدمات چلانے پر غور کررہے ہیں

صوبائی وزیر داخلہ عطاء اللہ تارڑ نے کہا کہ پچھلے دنوں ایک صحافی یہ کہہ رہے تھے کہ عمران خان آدھی پانی کی بوتل بھی لے جاتے ہیں، ہمارا یہی کیس ہے وہ کچھ نہیں چھوڑتے انھوں نے مشرق وسطی میں جاکر بیچا، یہ تین اور پانچ کیرٹ کے تحفے مانگتے رہے لوگوں کے بڑے کام کیئے ہیں، کبھی فوج کبھی عدلیہ پر حملہ کرتے ہیں، آپ کی بیوی کی سہیلی فرحت شہزادی نے کرپشن کے انبار لگادیئے، منی لانڈرنگ آپ نے کی ہے،آج بڑا اچھا لگا عمران خان گرمی کے موسم میں کسی عدالت میں گئے.

عطاء اللہ تارڑ نے کہا کہ یہ اسلام آباد آئے جب لوگ نہ نکلے تو واپس چلے گئ، پشاور حکومت کو عمران خان کئی کروڑ کے پڑتے تھے،حکومت چلی گئی عمران خان کی ہیرا پھیری نہیں گئی، اتوار کے روز کسی نے قانون ہاتھ میں لیا تو قانونی کاروائی کی جائے گی
،ابھی تک کوئی درخواست نہیں ملی.سابق وزیراعلی عثمان بزدار پر دو ایف آئی آر ہیں اصل بے ایمانی عمران خان کی ہے،عمران خان نے وزیر اعظم اور وزیر اعلی کے اختیار بشری مانیکا اور فرح گوگی کو دیئے ہوئے تھے،اسپیکر نیشنل اسمبلی سے کہوں گا ان کی تنخواہیں بند کریں انہوں نےبل جلائیں اور بعد میں ادا بھی کئے.بنتے پھرتے ہیں ایماندار اور غیرت مند یہ فواد چوہدری بھی قومی اسمبلی سے تنخواہ لے رہا ہے،فواد صاحب استعفی دیا ہے تو نہ کریں ایسے. خان صاحب کہتے تھے کسی کے باپ کا پیسہ نہیں تو یہ کسی کے باپ کا پیسہ نہیں ہے، ڈ ٹ کے کھڑا ہے اب کپتان اس کی حقیقت ہے چھپ کے کھڑا ہے اب کپتان.میڈیا کا یہ کام نہیں ہے کہ کسی کی سائیڈ لے ،امن و امان خراب کرنے کی کسی کو اجازت نہیں ہے.

ملک احمد خان نے کہا کہ یہ سیریز قاسم سوری سے شروع ہوتی ہے جوعمران خان ، فواد چوہدری اور دیگر پر جاتی ہے،یہ کہتے ہیں فوج اورعدلیہ کا سیاسی کردار ہے اس کے بعد گنجائش نہیں ہے،ان پرآرٹیکل پانچ اور چھ واضح طور پر آتا ہے،وفاقی حکومت سے اس پر بات کریں گے.ریاست کے اداروں سے بات کرنے کی ضرورت نہیں ہے، کاش عمران خان کے کیسز کی ویسے تحقیق ہو جیسے نواز شریف کے خلاف فیصلے آئے تھے، میری بات آئین اور قانون کے دائرے میں ہے، درست صحافت کریں گے تو کوئی اعترازض نہیں ہوگا

جی ایس پی پلس اسٹیٹس کے معاملے پریورپی یونین کے مانیٹرنگ مشن نے پنجاب سول سیکرٹریٹ میں منعقد ہونے والےاجلاس میں شرکت کی، چیف سیکریٹری پنجاب کامران علی افضل نے مشن کو نوترجیحی شعبوں سے متعلق صوبائی حکومت کے اقدامات بارے آگاہ کیا۔ مشن نے صوبے میں انسانی حقوق، چائلڈ لیبر، لیبر رائٹس، ماحولیاتی تحفظ سمیت دیگر امور کا جائزہ لیا۔

اس موقع پر چیف سیکریٹری پنجاب کامران علی افضل نے کہا کہ پاکستان یورپی یونین سے شراکت داری کو بہت اہمیت دیتا ہے۔ جی ایس پی پلس اسٹیٹس پاکستان کی معیشت کیلئے نہایت فائدہ مندہے۔ چیف سیکرٹری پنجاب نے کہا کہ2014میں جی ایس پی پلس اسٹیٹس ملنے کے بعد پاکستانی مصنوعات کو یورپی منڈیوں تک آسان رسائی ملی۔ وفاقی اور صوبائی حکومتیں بین الاقوامی کنونشنز پر عملدرآمد کے سلسلے میں متعلقہ قوانین کا نفاذ یقینی بنا رہی ہیں۔

چیف سیکریٹری پنجاب کامران علی افضل کا مزید کہنا تھا کہ صوبہ میں انسانی حقوق، لیبر رائٹس، ماحولیات اور دیگر شعبوں میں اصلاحات کا عمل جاری ہے۔ لیبر انسپکشنز کیلئے انفارمیشن ٹیکنالوجی کو بروئے کار لاتے ہوئے جدید نظام وضع کیا گیا ہے۔ چائلڈ لیبر کے خاتمے کیلئے ٹھوس اقدامات کئے جا رہے ہیں۔ پنجاب میں چائلڈ لیبر سروے مکمل کر لیا گیا ہے۔

آئی جی پنجاب راؤ سردار علی خان نے بتایا کہ ملزمان پر پولیس کی حراست میں تشدد کے سلسلے میں زیرو ٹالرنس کی پالیسی ہے۔ مقدمات سائنسی بنیادوں پر تفتیش کیلئے پنجاب فارنزک سائنس ایجنسی سے مدد لی جاتی ہے۔

چیف سیکریٹری نے مشن کو ہیومن،وویمن، منارٹی رائٹس، سوشل ویلفیئر سے متعلق کئے جانیوالے خصوصی اقدامات بارے بھی آگاہ کیا۔ مشن نے بین الاقوامی کنونشنز پر عملدرآمد کے سلسلے میں پنجاب حکومت کی کوششوں کو سراہا۔ مشن میں یورپی ایکسٹرنل ایکشن سروس اور یورپی کمیشن کے ڈائریکٹوریٹ جنرل برائے تجارت، روزگار، سماجی امور کے حکام شامل تھے۔اجلاس میں ایڈیشنل چیف سیکرٹری داخلہ، ہیومن رائٹس، لیبر، ماحولیات اور متعلقہ محکموں کے ایڈمنسٹریٹو سیکرٹریز نے اجلاس میں شرکت کی.