Baaghi TV

Author: +9251

  • عوام کو معاشی ریلیف دینے کے لئے ہر ممکن اقدام کریں گے،حمزہ شہباز

    عوام کو معاشی ریلیف دینے کے لئے ہر ممکن اقدام کریں گے،حمزہ شہباز

    وزیر اعلی پنجاب نے کابینہ کے پٹرول الاؤنس کو مکمل ختم کرنے کا فیصلہ کیا ہے جبکہ تمام صوبائی محکموں کے پٹرول اخراجات کی تفصیلات بھی طلب کر لی ہیں.

    وزیر اعلی پنجاب حمزہ شہباز اورصوبائی کابینہ کے ارکان سرکاری پٹرول نہیں لیں گے اور سرکاری امور کی انجام دہی کے دوران پٹرول کے اخراجات خود ادا کرینگے.

    وزیراعلی پنجاب حمزہ شہباز کا کہنا ہے کہ پٹرولیم مصنوعات کے نرخ میں اضافے کے حوالے سے عوام کی مشکلات کا پورا احساس ہے۔ بچت کا آغاز خود سے کریں گے۔ وزیر اعلیٰ حمزہ شہباز کی زیر صدارت اعلیٰ سطح کا اجلاس منعقد ہوا جس میں حکومتی سطح پر بچت،کھاد کی فراہمی اور دیگر اشیاء ضروریہ کے نرخ کے حوالے سے اہم فیصلے کئے گئے.

    اجلاس میں فیصلہ کیا گیا کہ وفاقی حکومت کوچینی ایکسپورٹ کرنے کی اجازت نہ دینے کی تجویز پیش کی جائے گی.وزیراعلی پنجاب حمزہ شہباز شریف کا کہنا تھا کہ عوام کو معاشی ریلیف دینے کے لئے ہر ممکن اقدام کیے جائیں گے،ضرورت مند طبقے کو اشیا ضروریہ میں سبسڈی کے لئے تاریخی اقدامات کر رہے ہیں .

    حمزہ شہباز نے مزید کہا کہ کھاد کی ذخیرہ اندوزی کاشتکار پر ظلم کے مترادف ہے، حمزہ شہباز نے نے اجلاس کے دوران ہدایت کی کہ کھاد اور دیگر اشیاء ضروریہ کی ذخیرہ اندوزی کرنے والوں کے خلاف کریک ڈاؤن مزید تیزکر دیا جائے.

    وزیراعلی پنجاب کی زیر صداعت اجلاس میں صوبائی وزرا خواجہ سلمان رفیق،سردار اویس لغاری۔ملک محمد احمد خان،عطااللہ تارڑ،ایم پی اے مجتبیٰ شجاع۔ ذیشان رفیق۔ چیف سیکرٹری۔ پرنسپل سیکرٹری وزیر اعلیٰ،متعلقہ سیکرٹریز اور حکام نے شرکت کی.

  • مزدورکی کم از کم اجرت میں اضافہ، 12 یورو فی گھنٹہ کر دی گئی

    مزدورکی کم از کم اجرت میں اضافہ، 12 یورو فی گھنٹہ کر دی گئی

    برلن :جرمنی میں کم از کم اجرت میں اضافہ، 12 یورو فی گھنٹہ کر دی گئی،اطلاعات کے مطابق جرمنی میں بڑھتی ہوئی مہنگائی کے پیش نظر حکومت نے کم از کم اجرت بڑھا کر بارہ یورو فی گھنٹہ کرنے کی منظوری دے دی۔ اس فیصلے سے 60 لاکھ سے زائد عوام مستفید ہوں گے۔

    اس حوالے سے جرمن چانسلر اولاف شولز نے اپنی انتخابی مہم میں بھی کم از کم اجرت بڑھانے کا وعدہ کیا تھا۔ اب پارلیمنٹ نے گزشتہ روز ایک بل کی منظوری دی ہے جس کے مطابق یکم اکتوبر سے کم از کم فی گھنٹہ تنخواہ قریب دو یورو اضافے کے ساتھ بارہ یورو ہو جائے گی۔جرمن پارلیمنٹ میں بل پر ووٹنگ سے قبل وزیر محنت ہوبیرٹوس ہائل نے کہا کہ اس فیصلے سے عوام کو 400 یورو اضافی آمدن ہوگی جس سے ماہانہ آمدن 1700 یورو ہو جائے گی۔ یہ بہت زیادہ تو نہیں ہے لیکن اس سے لوگوں کی جیبوں پر نمایاں فرق پڑے گا۔

    جرمن پارلیمنٹ میں بل کے حق میں 400 ارکان نے ووٹ دیا، 41 نے مخالفت کی جبکہ 200 نے رائے شماری میں حصہ ہی نہیں لیا۔ حصہ نہ لینے والے ارکان کا تعلق اپوزیشن جماعت سی ڈی یو سے تھا۔ سابق چانسلر مرکل کی جماعت کے ارکان کا کہنا تھا کہ وہ تنخواہ میں اضافے کے خلاف نہیں بلکہ بل پیش کرنے کے طریق کار کے خلاف ہیں۔ بائیں بازو کی سوشلسٹ جماعت دی لنکے کے ارکان نے بھی بل کی حمایت میں ووٹ دیا۔

    جرمنی میں عام طور پر کم از کم اجرت کے بارے میں تجاویز ایک کمیشن دیتا ہے جس میں آجروں اور ملازموں کے نمائندے شامل ہوتے ہیں تاہم اس مرتبہ حکومتی اتحاد نے کمیشن کو نظرانداز کرتے ہوئے خود ہی بارہ یورو اجرت مقرر کر دی۔جرمنی میں کام کرنے والے اٹھارہ سال سے زائد عمر کے زیادہ تر افراد فی گھنٹہ اجرت پر کام کرتے ہیں۔ ان میں دیگر ملکوں سے تعلق رکھنے والے سیزنل ورکرز بھی شامل ہیں۔ جرمنی کا شمار یورپی یونین کے ان رکن ممالک میں ہوتا ہے جہاں کم از کم تنخواہ کافی زیادہ ہے۔

  • نیوزی لینڈ 285 پر آل آؤٹ، انگلینڈ کو جیت کیلئے 277 رنز کی ضرورت

    نیوزی لینڈ 285 پر آل آؤٹ، انگلینڈ کو جیت کیلئے 277 رنز کی ضرورت

    لارڈز:لارڈز ٹیسٹ میں نیوزی لینڈ ٹیم اپنی دوسری اننگز میں 285 رنز پر آل آؤٹ ہوگئی، انگلینڈ کو جیت کے لیے 277 رنز کا ہدف ملا ہے۔تفصیلات کے مطابق بارش کے باعث تیسرے روز کا کھیل تاخیر سے شروع ہوا تو نیوزی لینڈ کی ٹیم اپنے گزشتہ روز کے اسکور میں صرف49 رنز کا اضافہ ہی کرسکی۔

    گزشتہ روز نیوزی لینڈ کی ابتدائی 4 وکٹیں 56 رنز پر گرنے کے بعد ڈیرل مچل اور ٹام بلنڈیل نے دن کے اختتام تک اسکور 236 تک پہنچادیا تھا۔تاہم آج میچ شروع ہونے کے بعد دونوں کھلاڑی زیادہ دیر کریز پر نہ جم سکے۔ڈیرل مچل 108 اور ٹام بلنڈیل 96 رنز بناکر آؤٹ ہوئے۔دونوں کھلاڑیوں کے دوران 195 رنز کی شراکت قائم ہوئی تھی۔

    ٹم ساؤتھی 21، کپتان کین ولیمسن 15، ٹام لیتھم 14، ڈیوون کونوے 13، اعجاز پٹیل 4، ول ینگ ایک رن بناکر آؤٹ ہوئے جبکہ کولن ڈی گرینڈہوم اور کائل جیمیسن کوئی رن نہ بناسکے۔ ٹرینٹ بولٹ 4 رنز پر ناٹ آؤٹ رہے۔انگلینڈ کی جانب سے اسٹورٹ براڈ اور میتھیو پوٹس نے 3،3 ، جیمز اینڈرسن نے 2 اور میٹ پارکنسن نے ایک وکٹ حاصل کی۔

    یاد رہے کہ اس سے قبل جیمز اینڈرسن اور ڈیبیوٹینٹ میتھیو پوٹس کی تباہ کن بولنگ کے سبب نیوزی لینڈ ٹیم پہلی اننگز میں 132 رنز پر ڈھیر ہوگئی تھی۔
    نیوزی لینڈ نے ٹاس جیت کر پہلے بیٹنگ کا فیصلہ کیا تھا جو ابتدا سے ہی غلط ثابت ہوا تھا اور صرف 45 کے مجموعی اسکور پر 7 کھلاڑی پویلین واپس لوٹ گئے تھے۔

    آٹھویں وکٹ کے لیے کولن ڈی گرینڈ ہوم اور ٹم ساؤتھی کے درمیان 41 رنز کی پارٹنرشپ قائم ہوئی تاہم اسے کے بعد کوئی کھلاڑی کریز پر زیادہ دیر نہ رک سکا تھا۔نیوزی لینڈ کی جانب سے کولن ڈی گرینڈ ہوم 42 رنز بناکر ناقابل شکست رہےتھے۔ٹم ساؤتھی 26، ٹام بلنڈیل اور ٹرینٹ بولٹ 14،14 اور ڈیرل مچل 13رنز بناکر نمایاں رہے تھے۔

    اعجاز پٹیل 7، کائل جیمیسن 6، ڈیوون کونوے 3، کپتان کین ولیمسن 2 جبکہ ٹام لیتھم اور ول ینگ ایک ایک رنز بناسکے تھے۔انگلینڈ کی جانب سے جیمز اینڈرسن اور ڈیبیوٹینٹ میتھیو پوٹس نے 4،4 جبکہ کپتان بین اسٹوکس اور اسٹورٹ براڈ نے ایک ایک وکٹ حاصل کی تھی۔انگلینڈ ٹیم بھی اپنی پہلی اننگز میں صرف 141 رنز پر ڈھیر ہوگئی تھی۔

    انگلینڈ ٹیم نے 116 رنز 7 کھلاڑی آؤٹ پر دوسرے دن کھیل کا آغاز کیا تو گزشتہ روز کے اسکور میں صرف 25 رنز کا اضافہ ہی کرسکی تھی۔انگلینڈ کی جانب سے زیک کرولی 43، ایلکس لیس 25 اور جو روٹ 11 رنز بناسکے تھے۔ ان کے علاوہ کوئی کھلاڑی ڈبل فیگرز میں داخل نہ ہوسکا تھا۔اسٹورٹ براڈ 9، میٹ پارکنسن8، اولی پوپ اور بین فوکس 7،7، جونی بیئر اسٹو اور کپتان بین اسٹوکس ایک ایک جبکہ میتھیو پوٹس بغیر کوئی رن بنائے آؤٹ ہوئے تھے۔جیمز اینڈرسن 7 رنز بناکر ناٹ آؤٹ رہے تھے۔

    نیوزی لینڈ کی جانب سے ٹم ساؤتھی نے 4، ٹرینٹ بولٹ نے 3 کائل جیمیسن نے 2 اور کولن ڈی گرینڈہوم نے ایک وکٹ حاصل کی تھی۔

  • حکومت کاموبائل فون صارفین کیلئے بڑا اقدام، ناپسندیدہ ایس ایم ایس بلاک کرنے کی اجازت

    حکومت کاموبائل فون صارفین کیلئے بڑا اقدام، ناپسندیدہ ایس ایم ایس بلاک کرنے کی اجازت

    وزیرِ اعظم شہباز شریف کی ہدایت پر حکومت کا موبائل فون صارفین کے تحفظ کیلئے بڑا اقدام،صارفین کو ناپسندیدہ ایس ایم ایس بلاک کرنے کی اجازت دینے کیلئے پالیسی سازی کا عمل شروع کر دیا گیا.

    پی ٹی اے صارفین کے ڈیٹا کی رازداری کے قوانین کا فوری جائزہ لے گی، وزیراعظم شہباز شریف نی ہدایت کی ہے کہ صارفین کی پرائیویسی شہریوں کا بنیادی آئینی حق ہے حکومت اسکی خلاف ورزی کی کسی قدر اجازت نہیں دے گی.

    وزیر اعظم کے مشیر برائے اسٹریٹجک ریفارمز سلمان صوفی نے چیئرمین پی ٹی اے سے موبائل فون صارفین کے ڈیٹا کے تحفظ اور مرکیٹرز کی طرف سے بھیجے جانے والے ناپسندیدہ ایس ایم ایس کے حوالے سے مشاورت کی ہے.ملاقات میں شہریوں کو ناپسندیدہ ایس ایم ایس بلاک کرنے کی اجازت دینے کی فوری پالیسی سازی پر اتفاق کی اگیا ہے

    معاون ِ خصوصی نے وزیراعظم کی پی ٹی اے کو صارفین کو بھیجے جانے والے مارکیٹرز کے ناپسندیدہ ایس ایم ایس کے ساتھ ساتھ شہریوں کے رازداری کے قوانین کے فوری جائزے کی ہدایات سے آگاہ کیا.

    سلمان صوفی نے کہا کہ شہریوں کی پرائیویسی ایک آئینی حق ہے اور وزیر اعظم اس بات کو یقینی بنانا چاہتے ہیں کہ اس کی خلاف ورزی نہ ہو۔ چئیرمین پی ٹی اے وزیراعظم اسٹریٹجک ریفارمز یونٹ کو اس سلسلے میں ہونے والے اقدامات پر آج بریف کریں گے.

    اس سلسلے میں مجوزہ اقدامات میں صارف بغیر اجازت موصول ہونے والے میسج بھیجنے والی کمپنی کو رپورٹ کر سکے گا،مزید برآں صارف کو یہ حق حاصل ہو گا کہ وہ کسی بھی میسج بھیجنے والی کمپنی کو میسج بھیجنے سے منع کر سکے گا جس پر عملدرآمد کمپنی پر لازم ہوگا. اسکے علاوہ کمپنی صارف کا ڈیٹا اس کی مرضی کے بغیر کسی اور کمپنی کو نہ دینے کی پابند ہوگی.

  • سیاست بچانے کےلئے پاکستان کو عمران کے رحم و کرم پر نہیں چھوڑ سکتے،عظمی بخاری

    سیاست بچانے کےلئے پاکستان کو عمران کے رحم و کرم پر نہیں چھوڑ سکتے،عظمی بخاری

    مسلم لیگ ن کی مرکزی رہنما عظمی بخاری نے کہا کہ اس گناہ پر قصور وار ہیں جو کیا ہی نہیں، معاشی دہشت گردی اس وقت ملک کو بھگتنی پڑ رہئ ہے،پیٹرول پر دس روپے کا ریلیف عوام کو سو روپے کا بھگتنا پڑ رہاہے، سیاسی جوکر آوازیں کس رہے ہیں اپنے چار سال کے بجائے چار ہفتے کی حکومت سے جواب طلب کررہے ہیں.

    عظمی بخاری نے پریس کانفرنس کرتے ہوئے کہا کہ آئی ایم ایف کا معاہدہ غلط کیا اور سخت شرائط پر کیا اس کی خلاف ورزی کرکے پاکستان کو سری لنکا بنانے کی سازش کی،اپنے خلاف عدم اعتماد کامیاب ہوتے دیکھتے وقت پاکستان کو سری لنکا بنانے کےلئے پلان بنایا گیا،عمران خان کی سیاسی و معاشی دہشت گردی کے جواب میں کان منہ لپیٹ کر سیاست بچا لیتے لیکن بھاگے نہیں.

    عظمی بخاری نے کہا کہ ہم نے مشکل وقت میں ہمیشہ کام کیا اور ملکی ترقی کےلئے کوششیں کیں، اپنی سیاست بچانے کےلئے پاکستان کو عمران خان کے رحم و کرم پر نہیں چھوڑ سکتے،عمران خان نامی پروجیکٹ کی ناکامی کے بعد معاشی و اخلاقی عدم استحکام آیا، عمران خان کے پاس سب کچھ ہے بس ضمانت نہیں تھی جو قائد انقلاب ضمانت لئے پھر رہے ہیں، شہبازشریف کوچار سال سیاسی انتقام کا نشانہ بنایا گیا.

    عظمی بخاری نے مزید کہا کہ شہبازشریف کو دو سال جیل میں رکھنے کے بعد اب بطور وزیراعظم پاکستان اوروزیر اعلی پنجاب قانون کے حوالے عدالتوں میں پیش ہورہے ہیں ،ایف آئی اے سمیت تمام اداروے ان کے انڈر ہیں مگر شہبازشریف اور حمزہ شہباز ریلیف نہیں مانگ رہے،عدالت میں پیش ہونے کے بعد شہبازشریف نے لوڈ شیڈنگ پر ہنگامی میٹنگ طلب کی،بیوروکریسی نے کاغذوں اور لفاظی سے رپورٹ لوڈ شیڈنگ پر دی تو شہبازشریف نے رپورٹ مسترد کرتےہوئے کہاکہ لوڈ شیڈنگ ختم کی جائے.

    عظمی بخاری کا کہنا تھا کہ جو کہتے تھے کہ شہبازشریف نے بجلی زیادہ بنا دی تو آج پی ٹی آئی والوں کو پتہ چلا ہوگا کہ آبادی اور موسم کے مطابق بجلی کی ڈیمانڈ بڑھتی ہے. وقت پر حماد اظہر نے ایل این جی جب آٹھ ڈالر پر مل رہی تھی تو نہیں خریدی جس سے بیس ڈالر کا نقصان ملک کو اٹھانا پڑا.

  • یوکرین پر حملہ:پوتن نے تاریخی غلطی کی: فرانسیسی صدرمیکروں

    یوکرین پر حملہ:پوتن نے تاریخی غلطی کی: فرانسیسی صدرمیکروں

    پیرس: فرانسیسی صدر ایمانوئل میکروں نے جمعے کو کہا کہ ان کے روسی ہم منصب ولادی میر پوتن نے یوکرین پر حملہ کر کے ایک ’تاریخی اور بنیادی غلطی‘ کا ارتکاب کیا ہے اور اب وہ ’تنہا‘ ہو چکے ہی-

    انہوں نے فرانسیسی میڈیا کے ساتھ ایک انٹرویو میں کہا کہ ’میرا خیال ہے اور میں نے انہیں (پوتن کو) بتایا کہ انہوں نے اپنے لوگوں، اپنے لیے اور تاریخ کے لیے ایک تاریخی اور بنیادی غلطی کی۔‘ ’مجھے لگتا ہے کہ وہ تنہا ہو چکے ہیں۔

    خود کو تنہا کر لینا ایک چیز ہے، لیکن اس سے نکلنا ایک مشکل راستہ ہے۔‘ فرانسیسی صدر نے دہرایا کہ روس کی ’ذلت نہیں ہونی چاہیے تاکہ جس دن لڑائی رک جائے ہم سفارتی ذرائع سے باہر نکلنے کا راستہ ہموار کر سکیں۔‘ میکرون نے یہ بھی کہا کہ انہوں نے کیئف کے دورے کو مسترد نہیں کیا۔

    دوسری جانب ایک ایسے وقت پر جب یوکرین میں ماسکو کی کارروائی سے عالمی خوراک کے بحران کا خدشہ پیدا ہو گیا ہے، صدر پوتن نے کہا کہ یوکرین سے اناج برآمد کرنے میں ’کوئی مسئلہ نہیں‘۔ انہوں نے ایک ٹیلی ویژن انٹرویو میں کہا کہ یہ یوکرین کی بندرگاہوں کے ذریعے، دوسروں کے ذریعے روس کے زیر کنٹرول، یہاں تک کہ وسطی یورپ کے ذریعے بھی کیا جا سکتا ہے۔ پوتن نے مغرب پر الزام لگایا کہ وہ یوکرین سے اناج کی برآمدات کو روک رہا ہے۔

    پوتن کو ڈاکٹروں نے ’صرف تین سال کا وقت‘ دیا ہے: جاسوس کا دعویٰ روسی رہنما نے بحیرہ ازوف پر یوکرینی بندرگاہوں ماریوپول اور برڈیانسک کے ذریعے برآمدات کے امکان کا ذکر کیا، جو بحیرہ اسود تک رسائی فراہم کرتا ہے۔ یہ دونوں روس کے کنٹرول میں ہیں۔ انہوں نے یہ بھی کہا کہ کیئف کے زیر کنٹرول بندرگاہیں، خاص طور پر اوڈیسا کو استعمال کیا جا سکتا ہے۔

    ان کا کہنا تھا کہ یوکرین کے زیر کنٹرول بندرگاہوں کے ارد گرد کے پانیوں کو بارودی سرنگوں سے ’صاف‘ کیا جائے۔ پوتن نے کہا کہ روس بدلے میں بحری جہازوں کو محفوظ راستے کی اجازت دے گا۔ انہوں نے مزید کہا کہ نقل و حمل کے دیگر اختیارات میں رومانیہ، ہنگری یا پولینڈ کے راستے دریائے ڈینیوب شامل ہیں۔

    ’لیکن سب سے آسان، سب سے آسان، سب سے سستا بیلاروس کے راستے برآمدات ہوں گی، وہاں سے کوئی بالٹک بندرگاہوں، پھر بحیرہ بالٹک اور پھر دنیا میں کہیں بھی جا سکتا ہے۔’ پوتن نے کہا کہ بیلاروس کے راستے کوئی بھی برآمدات ماسکو کے اتحادی منسک کے خلاف مغرب کی طرف سے ’پابندیوں کے خاتمے‘ سے مشروط ہوں گی۔

    سوئی سدرن کےلیےگیس کی قیمت میں44 فیصد اضافے کی منظوری

    بھارت میں کورونا نے پھرسراُٹھا لیا

    ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

    اگست سے پٹرول کی قیمتیں کم ہونےکا امکان:اوپیک نے روس سے مدد مانگ لی

  • صدر مملکت اور وفاقی حکومت کے درمیان سرد جنگ برقرار،نیب اور الیکشن ترمیمی بلزواپس بھجوا دیئے

    صدر مملکت اور وفاقی حکومت کے درمیان سرد جنگ برقرار،نیب اور الیکشن ترمیمی بلزواپس بھجوا دیئے

    صدر مملکت ڈاکٹر عارف علوی نے قومی اسمبلی اور سینیٹ سے منظور ہونے والے نیب اور الیکشن ترمیمی بلز منظوری کے بجائے واپس بھیجتے ہوئے ان پر نظرثانی کی ہدایت کردی۔

    باغی ٹی وی کی رپورت کے مطابق صدر مملکت اور وفاقی حکومت کے درمیان سرد جنگ برقرار ہے، صدر مملکت نے نیب اور الیکشن ترمیمی بلز بغیر منظوری کے واپس وزارت پالیمانی امور کو بھجوا دئیے اور ان دونوں بلز پر نظرثانی کی ہدایت کردی۔ صدرعارف علوی نے دونوں بل آئین کے آرٹیکل 75 کی شق کے تحت واپس وزیر اعظم کو بھجوائے اور کہا ہے کہہ پارلیمنٹ اور اس کی کمیٹی/ کمیٹیاں دونوں بلوں پر نظر ثانی اور تفصیلی غور کریں، صدر مملکت کو قانون سازی کی تجاویز کے متعلق مطلع نہ کرکے آئین کے آرٹیکل 46 کی خلاف ورزی کی گئی۔

    صدر مملکت نے کہا کہ دونوں بل جلد بازی میں 26 مئی کو قومی اسمبلی اور 27 مئی کو سینیٹ سے منظور ہوئے، معاشرے کے لیے دور رس اثرات والی قانون سازی پر قانونی برادری اور سول سوسائٹی کے ساتھ مشاورت کی جانی چاہیے۔انہوں نے مزید کہا کہ سمندر پار پاکستانی اپنی محنت سے کمائی دولت کے ذریعے ملکی ترقی و خوشحالی میں اپنا کردار کرتے ہیں، سپریم کورٹ نے بھی 2018ء اور 2014ء میں سمندرپار پاکستانیوں کے ووٹ کے حق کی توثیق کی، ٹیکنالوجی میں بہتری لا کر بیرون ملک سے پاکستانیوں کو ووٹ کا حق دیا جاسکتا ہے۔

    صدر مملکت عارف علوی نے کہا کہ عدالت نے فیصلے میں قرار دیا کہ آئی ووٹنگ کو تھرڈ پارٹیز کی جانب سے محفوظ ، معتبر اور قابل بھروسہ قرار دیا جا چکا ہے، آئین کے آرٹیکل 17 میں بیرون ملک مقیم پاکستانیوں کو ووٹ کا حق دیا گیا ہے، دنیا بھر میں انٹرنیٹ کے ذریعے روزانہ 8.5 ارب ڈالر کے محفوظ لین دین کیے جاتے ہیں۔

    عارف علوی کا کہنا تھا کہ پاکستان کی ووٹنگ مشین میں پیپر ٹریل کا پورا سسٹم موجود ہے، الیکٹرانک ووٹنگ مشین بیلٹ پیپر کی چھپائی اور گنتی میں مدد دیتی ہے ، پاکستان میں ہر الیکشن کے نتائج کو چیلنج کیا جاتا ہے اور ہر حکومت پر الزامات لگتے ہیں، نئی ترامیم ایک قدم آگے جانے اور گھبرا کر دو قدم واپس پلٹ جانے کے مترادف ہیں۔ صدر مملکت نے کہا کہ ترامیم الیکشن میں شفافیت اور بہتری لانے کے تکنیکی عمل میں غیر ضروری تاخیر لانے کے مترادف ہیں، پارلیمنٹ ان قوانین پر پیچھے کی جانب مت جائے ، مزید بہتری لا کر نفاذ یقینی بنایا جائے۔

    صدر مملکت نے کہا کہ نیب قوانین میں ترمیم سے بارِ ثبوت استغاثہ پر ڈال کر اسے 1898ء کے فوجداری قوانین جیسا بنا دیا گیا ہے، نیب قانون میں ترامیم سے استغاثہ کے لیے کرپشن اور سرکاری اختیارات کے غلط استعمال کے الزامات ثابت کرنا ناممکن بنا دیا گیا ہے، نیب قانون میں ترامیم سے پاکستان میں احتساب کا عمل دفن ہو جائے گا۔ صدر مملکت نے کہا کہ نیب ترامیم اسلامی فقہ کی روح کے بھی خلاف ہیں، نیب ترامیم سے غیر قانونی اثاثوں کی منی ٹریل حاصل کرنا ناممکن ہو جائے گا، ترامیم منظور کرنے سے عدالتوں میں میگا کرپشن کے کیسز بے نتیجہ ہوجائیں گے، کرپشن کے خاتمے کے لیے احتساب کے عمل کو مزید مضبوط ہونا چاہیے تھا۔

    قبل ازیں وزارت پارلیمانی امور نے دونوں بلز منظوری کے لیے صدر مملکت کو بھجوائے تھے جب کہ یہ بلز قومی اسمبلی اور سینیٹ سے منظور ہوچکے ہیں۔

  • گوگل نے پاکستان میں”خودکُش”ہاٹ لائن لانچ کردی

    گوگل نے پاکستان میں”خودکُش”ہاٹ لائن لانچ کردی

    لاہور:گوگل نے پاکستان میں”خودکُش”ہاٹ لائن لانچ کردی،اطلاعات کے مطابق ٹیک کمپنی گوگل نے ایک این جی او کے ساتھ مل کر پاکستان میں خودکشی کی ہاٹ لائن لانچ کردی ہے اس ہاٹ لائن کا مقصد ملک میں خودکشیوں کی بڑھتی ہوئی تعداد اور ذہنی صحت سے متعلق مسائل سے نمٹا جا سکے۔

    اس حوالے سے ورلڈ ہیلتھ آرگنائزیشن (WHO) کے ماہرین کا کہنا ہے کہ پاکستان میں ہر سال خودکشی کی کوشش کے تقریباً 130,000 سے 270,000 واقعات رپورٹ ہوتے ہیں۔

    گوگل نے جمعہ کو جاری کردہ ایک بیان میں کہا، "پاکستان میں کوئی بھی شخص خودکشی سے متعلق سوالات جیسے کہ "خودکشی کی حمایت” اور "میں خودکشی کیسے کر سکتا ہوں” تلاش کرتا ہے، اسے اب "امنگ پاکستان کی” ہیلپ لائن پر بھیج دیا جائے گا۔پاکستان، بنگلہ دیش اور سری لنکا کے گوگل کے ریجنل ڈائریکٹر، فرحان قریشی نے جمعہ کو میڈیا کو بتایا کہ ہاٹ لائن صارفین کو "خودکشی” سے متعلق کسی بھی چیز کو براؤز کرنے پر سرچ رزلٹ پیج کے اوپری حصے میں فوری مدد حاصل کرنے کے قابل بنائے گی۔

    ڈبلیو ایچ او کی طرف سے تسلیم شدہ، امنگ ایک ذہنی صحت کی ہیلپ لائن ہے جو خودکشی کے بارے میں سوچنے والے کمزور پاکستانیوں کو مدد فراہم کرتی ہے۔
    پاکستان، بنگلہ دیش اور سری لنکا کے گوگل کے ریجنل ڈائریکٹر، فرحان قریشی نے کہا ہےکہ جیسے ہم گوگل ٹرینڈ بڑے اہتمام سے دیکھتے ہیں، پاکستانی اپنی ذہنی صحت کے بارے میں جوابات تلاش کر رہے ہیں۔ ہم سمجھتے ہیں کہ مدد کی تلاش کرتے وقت وقت اہم ہے، خاص طور پر ان لوگوں کے لیے جو خودکشی کے خیالات کا سامنا کر رہے ہیں۔ ہمیں امید ہے کہ یہ خصوصیت کمزور صورت حال سے درپیش افراد کو ضرورت کے وقت مدد تلاش کرنے میں مدد کرے گی،”

    ٹیک دیو، امنگ کے بانی اور چیف ایگزیکٹو آفیسر کنزہ نعیم کہتی ہیں کہ "ذہنی صحت ہمارے دور کا سب سے بڑا غیر حل شدہ مسئلہ ہے، خاص طور پر پاکستان جیسی جگہ جہاں 40 فیصد سے زیادہ آبادی اس دماغی صحت کےمرض میں مبتلا ہے۔

    ٹیک دیو، امنگ کے بانی اور چیف ایگزیکٹو آفیسر کنزہ نعیم کہتی ہیں کہ "ہم اس بروقت شراکت کے لیے گوگل کے شکر گزار ہیں۔ مجھے یقین ہے کہ ہم مل کر زیادہ سے زیادہ لوگوں تک پہنچنے میں کامیاب ہو جائیں گے جنہیں ذہنی صحت کی مدد کی اشد ضرورت ہے اور ملک بھر میں اس کے ارد گرد کی ممنوعہ کو توڑ دیں گے،‘‘

    سوئی سدرن کےلیےگیس کی قیمت میں44 فیصد اضافے کی منظوری

    بھارت میں کورونا نے پھرسراُٹھا لیا

    ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

    اگست سے پٹرول کی قیمتیں کم ہونےکا امکان:اوپیک نے روس سے مدد مانگ لی

  • شہزاد رائے اور سجل علی کا گانا تم ہو کی مکمل ویڈیو آ گئی ۔

    شہزاد رائے اور سجل علی کا گانا تم ہو کی مکمل ویڈیو آ گئی ۔

    شہزاد رائے اور سجل علی کا گانا تم ہو کی مکمل ویڈیو آ گئی ۔

    باغی ٹی وی کی رپورٹ کے مطابق پاکستان کے مشہور اور معروف گلو کار جن کی خوب صورت آواز سے ہر کوئی واقف ہے۔ شہزاد رائے اور مشہور اور حسین اداکارہ سجل علی نے انسٹا گرام پر اپنے نئے گانے* تم ہو * کی پہلی جھلک کو عوام کے ساتھ اس ویب سائٹ پر شئیر کیا۔

    کچھ دن قبل ہی اس بات کو بہت زیادہ سنا جا رہا تھا کہ سجل علی اور شہزاد رائے کسی خاص پروجیکٹ پر کام کرنے میں مصروف ہیں۔ عوام کو اس بات میں بہت دل چسپی تھی کہ یہ کس قسم کے پروجیکٹ پر کام کر رہے ہیں ۔گانا ہے یا ڈرامہ یا فلم اس بات کا اندازہ کسی کو بھی نہیں تھا۔
    لیکن اب سجل نے خود اس بات کی تصدیق کر دی ہے کہ یہ گانے پر کام کر رہے تھے۔انہوں نے انسٹا پر اپنے اس گانے کی ایک جھلک کو شئیر کیا _
    یہ گانا آج یو ٹیوب پر بھی شئیر کیا گیا ۔
    مزید یہ کہ ان دونوں اداکاروں کا کہنا تھا کہ اگر مرد کام نہ کرے تو سوال پوچھا جاتا ہے لیکن اگر عورت کام کرۓ تو سوال پوچھا جاتا ہے۔یہ بات سجل اور شہزاد نے گانے کی ویڈیو شئیر کرتے ہوۓ لکھا۔

    مزید کہ اس گانے کی ویڈیو میں شہزاد اور سجل نے  میاں بیوی کا کردار نبھایا ہے۔  اس گانے میں سجل نوکری کرنے کی خواہشمند ہیں اور اپنے پیروں پر کھڑے ہوکر اپنے شوہر کا سہارا بننا چاہتی ہیں۔ لیکن شہزاد انہیں نوکری کرنے کی اجازت نہیں دیتے ہے جس پر اداکارہ ان سے ناراضگی کا اظہار کرتی ہیں۔
    اور بہت افسردہ بھی ہوتی ہیں ۔

    اس گانے کو بہت زیادہ پسند کیا جا رہا ہے۔سجل اور شہزاد عوام میں بہت مقبولیت رکھتے ہیں۔

  • شانگلہ اور سوات کے پہاڑی سلسلوں میں آگ بھڑک اٹھی

    شانگلہ اور سوات کے پہاڑی سلسلوں میں آگ بھڑک اٹھی

    شانگلہ :شانگلہ اور سوات کے پہاڑی سلسلوں میں آگ بھڑک اٹھی ہے جس کے نتیجے میں 4 افراد جاں بحق ہوگئے ہیں۔تفصیلات کے مطابق شانگلہ کی پہاڑیوں میں موجود جنگلات میں اچانک آگ بھڑک اٹھی جس نے گھراور آبادی کو بھی اپنی لپیٹ میں لے لیا ۔

    کنٹرول روم شانگلہ کو اطلاع ملتے ہی ریسکیو 1122 کے فائر فائٹرز بمع ایمبولینس موقع پر پہنچے جبکہ ریسکیو 1122 شانگلہ کے دستے پہاڑوں میں پیدل سفر کرتے ہوئے جائے وقوع تک پہنچے۔ریسکیو 1122کے اہلکاروں نے پیشہ ورانہ طریقے سے فوری کارروائی شروع کر دی ہے جس میں 15 اہلکار حصہ لے رہے ہیں ۔

    آگ سے 4 افراد جان کی بازی ہار گئے ہیں جس میں تین خواتین اور ایک مرد شامل ہیں ۔

    یاد رہے کہ اس سےچند دن پہلے بلوچستان میں بھی آگ نے بہت بڑے علاقے کو اپنی لپیٹ میں لے لیا تھا،بلوچستان کے ضلع شیرانی کے جنگلات میں لگی آگ پربالآخر 12روز کےبعد قابو پا لیا گیا۔ضلع شیرانی اور اس سے ملحقہ ضلع موسیٰ خیل کے جنگلات میں آگ 12 اور 13 مئی کی رات کو لگی تھی، ابتدائی طور پرمحکمہ جنگلات، صوبائی حکومت اور مقامی انتظامیہ و رضاکاروں کی مدد سے آگ پر قابو پالیاگیا تاہم 19 مئی کو آگ دوبارہ بھڑک اُٹھی جوپھیلتی چلی گئی۔

    وفاقی حکومت کی درخواست پر ایرانی حکومت کے بجھوائے گئےخصوصی فائر فائٹر طیارے کی مدد سے آگ پر12 روزبعد قابو پالیاگیا۔شیرانی کے جنگلات میں آگ کےنتیجےمیں تقریبا 36 مربع کلومیٹر پر پھیلے چلغوزے کے سیکڑوں درخت شدید متاثر ہوئے، یہی نہیں وہاں پائی جانے والے مارخور اور اوڑیال سمیت جنگلی حیات اور پرندے بھی شدید متاثر ہوئے۔

    آگ بجھانے کے عمل میں تین مقامی رضاکار جھلس کر جاں بحق ہوگئے، اگرچہ شیرانی میں آگ پر قابو تو پالیاگیا تاہم اس سے صوبائی اور وفاقی اداروں کی کارکردگی کی قلعی ضرور کھل گئی۔ آگ لگنے کی وجوہات کا تاحال تعین نہ ہونا متعلقہ اداروں کی کارکردگی پر سوالیہ نشان ہے۔دوسری جانب ماہرین کا کہنا ہے کہ آگ لگنے سے جنگلات اور جنگلی حیات کو پہنچنے والا نقصان شاید آئندہ کئی دہائیوں میں بھی پورا نہ کیاجاسکے۔

    شانگلہ کی پہاڑیوں میں لگی آگ پر کافی حد تک کامیابی سے قابو پالیا گیا ہے تاہم اور آپریشن ابھی جاری ہے۔

    دوسری جانب سوات میں بھی کبل سیگرام کوزہ بانڈئ کے پہاڑی پر آگ لگنے کی اطلاع موصول ہوئی ہے جس کے متعلق کنٹرول روم سوات کو اطلاع ملتے ہی ریسکیو 1122 کی فائر فائٹرز فوری جائے وقوعہ پر پہنچ گئی۔

    ریسکیو 1122 کے جوانوں نے فوری کارروائی کرتے ہوئے پیشہ ورانہ طریقے سے آگ پر مکمل قابو پا لیا گیا ہے۔

    سوئی سدرن کےلیےگیس کی قیمت میں44 فیصد اضافے کی منظوری

    بھارت میں کورونا نے پھرسراُٹھا لیا

    ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

    اگست سے پٹرول کی قیمتیں کم ہونےکا امکان:اوپیک نے روس سے مدد مانگ لی