Author: +9251

محمد طاہر برنجو کی زیر صدارت سینیٹ کمیٹی قوائد و ضوابط و استحاق کا پارلیمنٹ ہاؤس میں اجلاس
باغی ٹی وی:پریس ریلیز
سینیٹ سیکرٹریٹ
میڈیا ڈائریکٹوریٹ
اسلام آباد (2 جون2022) سینیٹ کمیٹی برائے قواعد و ضوابط و استحقاق کا اجلاس چیئرمین کمیٹی سینیٹر محمد طاہر بزنجو کی زیر صدارت پارلیمنٹ ہاؤس میں منعقد ہوا۔ کمیٹی اجلاس میں سینیٹر عرفان صدیقی کی جانب سے سابق ڈی جی ریڈیو پاکستان کے خلاف استحقاق کے معاملے کا تفصیل سے جائزہ لیا گیا۔ سینیٹر عرفان صدیقی نے کمیٹی اجلاس میں بتایا کہ ریڈیو پاکستان راولپنڈی کی حدود میں پرانے درختوں کو کاٹ کر فروخت کیا گیا ہے۔ میرا ریڈیو پاکستان سے گہرا تعلق رہا ہے اور اس کے تمام حصوں سے بخوبی واقف ہوں۔ میں نے تمام زندگی پڑھانے، صحافت اور آدب میں گزاری ہے جب مجھے درختوں کی کٹائی سے متعلق خبر موصول ہوئی تو تصدیق اور وجوہات کیلئے فون کیا تو بتایا گیا کہ ریڈیو پاکستان کے مالی بحران سے نمٹنے کیلئے پرانے درختوں کو کاٹ کر فروخت کیا گیا ہے۔ میں نے معاملہ ایوان بالاء کی قائمہ کمیٹی برائے اطلاعات ونشریات کو خط لکھ کر اٹھایا ہے۔ افسوس کی بات ہے کہ اس کے بعد میرے خلاف باقاعدہ مہم شروع کی گئی۔ مجھے سوشل میڈیا پر بدنام کیا گیا اور میرے خلاف نازیبا الفاظ استعمال کیے گئے۔ سی بی اے جو ایک تنظیم ہے جس نے ایک پریس ریلیز میں میرے خلاف انتہائی نازیبا الفاظ استعمال کیے جس کی شدید الفاظ میں مذمت کرتا ہوں اور میرے خلاف الزامات بھی لگائے۔سیکرٹری وزارت اطلاعات ونشریات نے کمیٹی کو بتایا کہ جب یہ معاملہ میرے نوٹس میں آیا تو میں نے وزیر اطلاعات کو بھی آگاہ کیا۔ معزز سینیٹر کے خلاف جو مہم شروع ہوئی اس پر شرمندہ ہیں۔ اس مہم میں نہ ہمارا ہاتھ اور نہ ہمیں علم تھا۔ ریڈیو پاکستان ایک کارپوریشن ہے اور ہر کارپوریشن میں ایک یونین ہوتی ہے۔یونین پارٹی بننا چاہتی ہے اگر کمیٹی اجازت دے تو ان کو بھی بلایا جا سکتا ہے۔ جس پر اراکین کمیٹی سینیٹرمنظور احمد کاکڑ اور سینیٹر ڈاکٹر آصف کرمانی نے کہا کہ یونین پارٹی کیوں بننا چاہتی ہے اور اس کے کیامقاصد ہیں سامنے لایا جائے اور جن لوگوں نے معزز سینیٹر کے خلاف پروپیگینڈا کیا ہے ان کو بے نقاب کیا جائے۔سابق ڈی جی ریڈیو نے کمیٹی کو بتایا کہ انہوں نے ریڈیو پاکستان کی ترقی و خوشحالی کیلئے بہت کام کیا ہے۔ انہوں نے کہا کہ اخبارات میں درختوں کی اونے پونے فروخت کے حوالے سے خبریں چلائی گئیں۔انہوں نے کہا کہ معزز سینیٹر کے خلاف سوشل میڈیا اور پریس ریلیز میں جو جاری کیا گیا اس میں ان کا کوئی ہاتھ نہیں ہے اور میں نے سیکرٹری وزارت اطلاعات کے ساتھ معزز سینیٹر سے ان کے آفس جا کر معذرت بھی کی ہے۔ چیئرمین کمیٹی سینیٹر محمد طاہر بزنجو نے کہا کہ مالی بحران کو ختم کرنے کیلئے درختوں کی کٹائی یا قومی اثاثوں کی فروخت کی روایت کو ختم ہونا چاہیے۔ملک میں پہلے ہی جنگلات کی شدید کمی ہے۔ جنگلات کو فروغ دینا ہماری ترجیح ہونا چاہیے۔ پاکستان ان چند ممالک میں شامل ہے جہاں موسمی تغیرات کے شدید اثرات مرتب ہو رہے ہیں۔سینیٹر عرفان صدیقی ملک کا قیمتی اثاثہ ہیں۔ وہ ایک نامور دانشور، ادیب، صحافی اور مدبر سیاستدان ہیں۔ انہوں نے اپنی معاشرتی ذمہ داری کا مظاہرہ کرتے ہوئے درختوں کی کٹائی کا معاملہ اٹھایا کہ کن وجوہات پر درخت کاٹے گئے ہیں۔ ان کے اس جذبے کو سراہتے ہیں۔کمیٹی نے متفقہ طور پر فیصلہ کیا کہ معزز سینیٹر کے خلاف سوشل میڈیا اور پریس ریلیز پر جو نازیبا مواد استعمال کیا گیا ہے اور ان کے پیچھے جو لوگ ملوث ہیں ان کو بے نقاب کرنے کیلئے معاملہ ایف آئی اے کی سائبر ونگ کو ریفر کر کے رپورٹ طلب کی جائے۔
کمیٹی کے آج کے اجلاس میں سینیٹرز ڈاکٹر آصف کرمانی، منظور احمد کاکڑ اور عرفان صدیقی کے علاوہ سیکرٹری وزارت اطلاعات ونشریات، ایڈیشنل سیکرٹری وزارت اطلاعات ونشریات،سیکرٹری پارلیمانی امور، ڈی جی پی بی سی، ڈی جی سائبر و دیگر حکام نے شرکت کی۔ ***********

سابق صدر آصف علی زرداری کی ہدایت پر عمران خان کی طرف سے پاکستان کے تین ٹکڑے کرنے کے بیان پر پاکستان پیپلز پارٹی نے لاہور پریس کلب کے سامنے احتجاجی مظاہرہ کیا۔ اس موقع پر بڑی بڑی سکرینیں آویزاں کی گئیں جن میں ایک پر سابق صدر آصف علی زرداری کی بڑی تصویر کے ساتھ “پاکستان کھپے “کا نعرہ درج تھا۔ ایک سکرین پر عمران خان اور تصویر تھی. اس موقع پر مظاہرین نے “ غدار ہے غدار ہے عمران خان غدار ہے” اور “ گرفتار کرو گرفتار کرو عمران کو گرفتار کرو” کے نعرے لگائے۔

اس موقع پر پیپلز پارٹی کے راہنما حاجی عزیز الرحمن چن نے خطاب کرتے ہوئے کہا کہ صدر آصف علی زرداری نے شہید بے نظیر بھٹو کی شہادت پر “پاکستان کھپے “ کا نعرہ لگا کر ملک کو بچایا۔ آج 2022 میں بھی صدر زرداری ایک مرتبہ پھر عمران خان کے عزائم خاک میں ملائیں گے-

فیصل میر نے مظاہرین سے خطاب کرتے ہوئے کہا کہ پی ٹی آئی والے کہہ رہے ہیں کہ سپریم کورٹ عمران خان کے خلاف مظاہرہ کرنے پر بھی پابندی لگا دے گی۔ عمران خان کی گفتگو ریکارڈ ہے اور کوئی یہ نہیں کہہ سکتا کہ وہ بھارت کو توڑنے کی بات کر رہا تھا۔

فیصل میر نے کہا کہ اگر پاکستان کو تین ٹکڑے کرنے کی بات صدر آصف زرداری یا بلاول بھٹو زرداری کرتے تو اب تک سپریم کورٹ اور ہائی کورٹ نے سو موٹو نوٹس لے لیا ہونا تھا، ملک بھر میں پیپلز پارٹی والوں پر مقدمے درج ہو رہے ہونے تھے شہر شہر جلوس نکل رہے ہونے تھے۔ مگر آج جب عمران خان پاکستان کو توڑنے کی بات کر رہا ہے تو سناٹا ہے۔

فیصل میر نے سپریم کورٹ سے اپیل کی کہ عمران خان کے ملک دشمن بیان پر سو موٹو نوٹس لیکر اس پر غداری کا مقدمہ قائم کیا جائے ۔ اس موقع افنان بٹ , احمد رضا زوہیب بٹ ، شاہدہ جبیں ، شاہد عباس اور مسرت صدیقی نے بھی خطاب کیا.

اگر اچھے سے حوصلہ افزائی کی جائے تو گوادر کے نوجوانوں میں ٹیلنٹ کی کمی نہیں ہے،مجیب الرحمن
گوادر
2جون2022
باغی ٹی وی: ڈائریکٹر جنرل ادارہ ترقیات گوادر مجیب الرحمٰن قمبرانی نے کہا کہ ھے گوادر کے نوجوانوں میں ٹیلنٹ کی کوئی کمی نہیں ہے بس نوجوان کی حواصلہ افزائی چائیے ان خیالات کا اظہار انہوں جمعرات کے روز وائی ڈی ذی میوزیکل گروپ کو گیھٹار پیش کرنے کے موقع پر بات چیت کرتے ہوئے کیا ھے اس موقع پر ڈاٹریکٹر فنانس طارق عزیز لاسی ڈپٹی ڈائریکٹر اسٹاف نظر ناصر ضلعی آفیسر تعلیم فیمل بلقس سلیمان بھی موجود تھے اس موقع پر وائی ڈی زی گروپ کے یونس ذین اوردیدگ نے ڈائریکٹر جنرل ادارہ ترقیات گوادر کو اپنے فن اور موسیقی سے متعلق تفصیلی بریفنگ دی اور کہا کہ ہمارے دوستوں میں بہت سے دوست ایسے بھی ہیں جو خود شاعری کرتے ہیں خود گانا لکھتے ہیں،کمپوز کرتے
ہیں اور پھر اسے گاتے ہیں سماجی مسائل پر شاعری
کر لکھ کر نوجوانوں کو جگاتے ہیں اس موقع پر ڈاٹریکٹر جنرل ادارہ ترقیات گوادر مجیب الرحمٰن قمبرانی نے کہا ھےکہ موسیقی گروپ کے فروغ کا مقصد نوجوانوں کو مثبت سرگرمیاں فراہم کرنا ہے تاکہ نوجوان نسل غیر نصابی سرگرمیوں میں اپنے چھپے ھوئے ٹیلنٹ کا مظاہرہ کرسکے اور گوادر کے نوجوانوں کو اپنی صلاحیتوں کو اجاگر کرنے کا مواقع فراہم ھو نوجوان موسیقاروں نے بتایا کہ موسیقی
کو سمجھنے کے لئے کسی زبان کی مہارت کی ضرورت نہیں ہوتی نہ ہی موسیقی کو کسی سرحد میں باندھا جا سکتا ہے۔ موسیقی تو وہ چیز ہے جو لوگوں کو آپس میں جوڑتی ہے۔ ان کے جذبات کوسُروں بھرے الفاظ میں ڈھالتی ہے اور ان کے خیالات کا اظہار کرتی ہے۔ موسیقی خود میں مکمل فن ہے اس موقع پر وائی ڈی زی میوزیکل گروپ کے یونس دیدگ اور زین نے نوجوانوں کو مثبت سرگرمیاں فراہم کرنے اور گوادر کے نوجوانوں کے ٹیلنٹ کو آگے لانے اور ان کی حواصلہ افزائی کرنے پر ڈاٹریکٹر جنرل ادارہ ترقیات گوادر مجیب الرحمٰن قمبرانی کا شکریہ ادا کیا

نیوز ریلیز
پاکستان سنی تحریک

مورخہ:02-06-2022 حوالہ نمبر :
تیل،گھی،آٹا اور ضرورت اشیاء عام آدمی کی قوت خرید سے باہر ہوگئیں،سربراہ پاکستان سنی تحریک محمد ثروت اعجاز قادری کا کہنا تھا
اگر یہی حالت رہی تو ملک میں خانہ جنگی کے خدشات بڑھ جائینگے عام آدمی کو ریلیف دینے کیلئے حکومت نے اقدامات کرئے،ثروت اعجاز قادری
مہنگائی کی شرح تاریخ کی بلند سطح پر پہنچ گئی غربت میں خطرناک حد تک اضافہ ہورہا ہے،ثروت اعجاز قادری نے مزید کہا اس حوالے سے کہ سیاستدان ایکدوسرے پر بازی لیجانے کی بجائے عوام کو بدترین حالات سے نکالنے کیلئے کردار ادا کریں،ثروت اعجاز قادری نے سیساست دانوں کو چاہیے کے عوام کے بارے میں بھی کچھ سوچیں۔
سبزیوں،پھلوں،تیل،گھی،،آٹا،چاول کی قیمتوں کو پر لگ گئے عوام شدید مشکلات میں مبتلا ہوگئے،ثروت اعجاز قادری مہنگائی کے حوالے سے بھی کہا کہ ہر چیز کی قیمت میں مزید اضافہ ہو چکا ہے۔اور یہ عوام کے لیے بہت زیادہ مشکل ہے۔
معاشی استحکام اور قوم کو مسائل کے بھنور سے نکالنے کیلئے تمام اکائیوں کو مثبت کردرا ادا کرنا ہوگا،ثروت اعجاز قادری نے کہا
کراچی( ) سربراہ پاکستان سنی تحریک محمد ثروت اعجاز قادری نے کہا ہے کہ مہنگائی کی شرح تاریخ کی بلند سطح پر پہنچ گئی غربت میں خطرناک حد تک اضافہ ہورہا ہے،تیل،گھی،آٹا اور ضرورت اشیاء عام آدمی کی قوت خرید سے باہر ہوگئیں،یہی حالت رہی تو ملک میں خانہ جنگی کے خدشات بڑھ جائینگے عام آدمی کو ریلیف دینے کیلئے حکومت نے اقدامات نہیں کئے تو اس کے منفی نتائج نکلیں گے،پیٹرول مہنگا ہونے سے مہنگائی میں اضافہ ہوا ہے،آئی ایم ایف سے بھیک مانگنے سے ماض حکومت کو بھی منع کیا موجودہ حکومت سے بھی کہتے ہیں قرضے نہ لئے جائیں،ملک کے وسائل پر انحصار کرکے آگے بڑھا جائے،ایسے معاشی اقدامات کئے جائیں جس سے عام آدمی کی زندگی میں مشکلات نہ آئے،سیاستدان ایکدوسرے پر بازی لیجانے کی بجائے عوام کو بدترین حالات سے نکالنے کیلئے کردار ادا کریں،سبزیوں،پھلوں،تیل،گھی،،آٹا،چاول کی قیمتوں کو پر لگ گئے عوام شدید مشکلات میں مبتلا ہوگئے،ان خیالات کا اظہار انہوں نے ملک کی معاشی واقتصادی عدم استحکام کی سورتحال پر گہری تشویش کا اظہا ر کرتے ہوئے کیا،ثروت اعجاز قادری نے کہا کہ پاکستان کی سلامتی وبقاء پر کوئی آنچ آنے نہیں دینگے، ملک کی تعمیر وترقی اور خوشحالی کیلئے ایک ہوکر کام کرنا ہوگا،انہوں نے کہا کہ ملک کو معاشی بحرانوں سے نکالنے کیلئے دعوؤں کی بجائے عملی جدوجہد کرنا ہوگی،معاشی استحکام اور قوم کو مسائل کے بھنور سے نکالنے کیلئے تمام اکائیوں کو مثبت کردرا ادا کرنا ہوگا،انہوں کا کہنا تھا کہ بانیان پاکستان کی اولادیں ملک کی طرف میلی آنکھ سے دیکھنے والوں کی آنکھیں پھوڑنا اچھی طرح جانتی ہیں،سیاسی جماعتیں الزامات کی سیاست کو ترک کرکے ملک معاشی واقتصادی استحکام کو یقینی بنانے کیلئے کام کریں۔#