Author: +9251

اپوزیشن اتحاد پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ جمہوریت کی بساط کو لپیٹنے کیلئے عمران خان نے ڈکٹیٹرز کو بھی پیچھے چھوڑ دیا۔

فضل الرحمن کا کہنا تھا کہ جعلی وزیر اعظم کےخلاف تحریک عدم اعتماد اسمبلی اجلاس میں ایجنڈے پرتھی لیکن ایجنڈےکومکمل نظر اندازکرکےغیر متعلقہ خط کا سہارا لےکرعدم اعتماد کی تحریک کومسترد کرنےکی جو بھونڈی حرکت کی ہےاورملک سیاسی بحران کی طرف دھکیل دیاگیا،شاید تاریخ میں اس ذمہ دار منصب سےایسی حماقت سرزدہوئی ہو۔

فضل الرحمان نے کہا کہ ایجنڈے میں عدم اعتماد کی تحریک پر آپ ایک ایسے خط کو لا رہے ہیں جس کا اس سے کوئی تعلق نہیں، انہوں نے یہ اقدام کرکے بھاگنے کی کوشش کی ہے۔

فضل الرحمان نے مزید کہا کہ 1988میں بلوچستان اسمبلی کو توڑا گیا تھا، اگلے ہی دن ہم ہائیکورٹ گئے تھے ،عدالت نے اسمبلی بحال کردی تھی۔

انہوں نے کہا کہ قومی اسمبلی کی کارروائی آئین کے خلاف ہوئی ہے، ڈپٹی اسپیکر ایسی رولنگ دینے کے مجاز نہیں تھے، کیا یہ تھا وہ سرپرائز جو وہ قوم کو دینا چاہتے تھے؟ یہ وہ لوگ ہیں جو آئے بھی ناجائز طریقے سے تھے اور گئے بھی ناجائز طریقے سے ہیں، اب یہ ہارے ہوئے اور ہار سے بھاگے ہوئے لوگ ہیں۔

تحریک عدم اعتماد متاثر نہیں ہورہی ، ڈپٹی سپیکر جو رولنگ دی اس میں سپیکر قومی اسمبلی کا حوالہ دیا گیا جبکہ خود اسد قیصر کے خلاف عدم اعتماد کی تحریک آچُکی تھی ۔ڈپٹی سپیکر اس رولنگ کے مجاز نہیں تھے ۔

فضل الرحمن نے مزیدکہا کہ کیا قوم ان لوگوں کے ان تماشوں کو دیکھتی رہے گی ۔جے یو آئی نے پہلے دن سے جو موقف دیا تھا ایک ایک واقعہ اس موقف کی تائید کررہا ہے ۔اور آج کے واقعے نے تو ہمارے موقف مہر تصدیق ثبت کردی ہے ۔انہوں نے جمہوریت کا چہرہ مسخ کیا ہے ۔

وہ مزید کہتے ہیں کہ نئے الیکشن ہمارا روز اوّل سے مطالبہ ہے تاہم ہم آئین کے اندر رہنے کو ترجیح دیتے رہیں ، اداروں کے کردار اور احترام کو مد نظر رکھتے ہوئے ۔لیکن آج اداروں کی دھجیاں اکھیڑ دی گئیں ۔

ڈپٹی سپیکر نے جس انداز ،لب ولہجے ، جذباتی سے فیصلہ سنایا ، لگتا تھا کہ وہ فریق ہیں ، فیصلہ بتا رہا تھا کہ باہر سے آیا ہوا ہے ، انہوں نے اپنے اختیار کو استعمال نہیں کیا ۔لہذا یہ فیصلہ بدنیتی پر مبنی ہے ۔
5/5 pic.twitter.com/BWBrvXM2xK

— Maulana Fazl-ur-Rehman (@MoulanaOfficial) April 3, 2022

ڈپٹی سپیکر نے جس انداز ،لب ولہجے ، جذباتی سے فیصلہ سنایا ، لگتا تھا کہ وہ فریق ہیں ، فیصلہ بتا رہا تھا کہ باہر سے آیا ہوا ہے ، انہوں نے اپنے اختیار کو استعمال نہیں کیا ۔لہذا یہ فیصلہ بدنیتی پر مبنی ہے ۔

فضل الرحمان نے کہا کہ کے پی کے بلدیاتی انتخاب کے پہلے مرحلے میں شکست کے بعد انہوں نے خزانے کے منہ کھول دیے، الیکشن ہمارا پہلے دن سے مطالبہ اور ہدف ہے، بحران پیدا کرکے جمہوریتیں نہیں چلتیں۔

لاہور:پاکستان زندہ باد:کہنے پرکس کس کو ہوئی تکلیف؟ویڈیومنظرعام پرآگئی ،اطلاعات کے مطابق آج پاکستان میں جس طرح امریکہ ایجنٹوں کو شکست ہوئی اس شکست فاش کے موقع پر پاکستان زندہ باد کے نعرے گونج اٹھے ، یہ نعرے پاکستانیوں کے دل کی آواز تھے

پاکستان سے محبت کرنے والوں میں ایک بندہ ناچیز ملیحہ ہاشمی بھی ہیں‌ جن کی زندگی کا مقصد پاکستان کا مطلب کیا لا الہ الا اللہ ہے ، ملیحہ ہاشمی ہراس میدان میں مرد حُر کا کردار ادا کرتی ہیں جہاں کردار لازم ہوجاتے ہیں

ایسے ہی آج جب وزیراعظم عمران‌خان کے خلاف عدم اعتماد آرہی تھی اور ڈپٹی اسپیکر قاسم سوری نے شواہد کی بنیاد اس عدم اعتماد کو امریکی اور دیگرپاکستان مخالف قوتوں کا شاخصانہ قراردیتے ہوئےاس کو مسترد کردیا تو اس وقت اس اللہ کی بندی کے منہ سے بے ساختہ یہ نعرے لگنا شروع ہوگئے”پاکستان زندہ باد”

اطلاعات ہیں کہ یہ نعرے سُن کرپیڈ صحافیوں کی طرف سے ملیحہ ہاشمی کے پاکستان زندہ باد کے نعرے پرسخت ردعمل آیا بعض نے تو یہاں تک کہہ دیا کہ پاکستان زندہ باد کس لیے یہ تو عمران خان اور اپوزیشن کی لڑائی ہے اس میں‌ پاکستان کہاں‌سے آگیا

ویڈیو ثبوت آ گیا کہ آج عمران خان مخالف صحافی مجھ پر کیسےحملہ آور ہوئے جب عدم اعتماد ناکام ہوئی

اور میں نے"پاکستان زندہ باد" نعرہ لگایا

یہی صحافی سینٹ میں یوسف رضا گیلانی کے جیتنےپر بھنگڑے ڈالتےچیخ رہےتھے

لیکن آج "پاکستان زندہ باد" کے نعرے پر اتنی تکلیف؟ pic.twitter.com/58o9gKb5ar

— Maleeha Hashmey (@MaleehaHashmey) April 3, 2022

یہ بھی معلوم ہوا ہے کہ ملیحہ ہاشمی کہتی ہیں کہ میں تو بہت پریشان ہوگئی کہ یہ تو بظاہرپاکستان سے محبت کرنے والے تھے لیکن آج عمران خان کی دشمنی میں سب کچھ بھول گئے ، ملیحہ کہتی ہیں کہ مجھے دُکھ اس بات کا نہیں کہ ان لوگوں‌ میرے ساتھ بدتمیزی کی کوشش کی اورپاکستان زندہ باد کے نعرے روکنے کی جسارت کی بلکہ دُکھ تو اس بات کا ہے کہ جب واجح ہوچکا ہےکہ عدم اعتماد کے پیچھے امریکہ اور پاکستان کے دیگر دشمن ہیں تو پھرجانتے ہوئے بھی ہم کیوں‌ اپنے چار دن کے پرتعیش مستقبل کی خاطر ملک وقوم کا مستقبل داو پر لگا رہے ہیں ہمیں اپنے گریبان میں جھانکنا ہوگا

اسلام آباد:تحریک عدم اعتماد عالمی سازش تھی،ناکام ہوگئی :اللہ ملک وقوم کا نگہبان ہے:اطلاعات کے مطابق وفاقی وزیر برائے توانائی حماد اظہر نے کہا ہے کہ تحریک عدم اعتماد عالمی سازش تھی۔

تفصیلات کے مطابق حماد اظہر نے اپنے جاری کردہ ایک بیان میں کہا کہ تحریک عدم اعتماد عالمی سازش تھی، عالمی سازش ناکام ہوگئی۔

انہوں نے کہا کہ کچھ قوتیں خارجہ پالیسی پر کنٹرول چاہتی تھیں، اب یہ فرار ہونے کی کوشش کریں گے،عوام فرار نہیں ہونے دیں گے، انہوں نے بیرونی قوتوں کی مدد سے ڈاکا ڈالنے کی کوشش کی۔

واضح رہے کہ اسپیکر قاسم سوری قومی اسمبلی نے وزیر اعظم کے خلاف تحریک عدم اعتماد کو آئین کے منافی قرار دے دیا۔ قاسم سوری کی سربراہی میں قومی اسمبلی کا اجلاس 40 منٹ کی تاخیر سے شروع ہوا تھا۔

اجلاس کی کارروائی کے باقاعدہ آغاز پر وزیر قانون و انصاف فواد چوہدری نے کہا کہ تحریک اعتماد آئینی حق ہے، تحریک عدم اعتماد آئین کے آرٹیکل 95 کے تحت لائی جاتی ہے۔

فواد چوہدری نے کہا کہ 7 مارچ کو ہمارے سفیر کو میٹنگ میں طلب کیا جاتا ہے، ہمارے سفیر کو بتایا جاتا ہے کہ وزیراعظم کے خلاف تحریک اعتماد لائی جارہی ہے، بتایا گیا کہ بیرون ملک کی مدد سے حکومت ہٹائی جاسکتی ہے۔

وفاقی وزیر نے کہا کہ آئین کے آرٹیکل 5اے کے تحت ریاست سے وفاداری ہر شہری کا فرض ہے، کیا پاکستان کے عوام کٹھ پتلیاں ہیں۔

ڈپٹی سپیکر قاسم سوری نے اپنی رولنگ میں کہا کہ یہ قرارداد آئین کے منافی ہے اس لیے سپیکر کی رولنگ کے مطابق اسے مسترد کیا جاتا ہے۔ڈپٹی اسپیکر نے اسمبلی کا اجلاس غیر معینہ مدت کے لیے ملتوی کردیا۔

اسلام آباد:شہبازشریف صاحب سیاسی اختلاف اپنی جگہ لیکن اس عظیم قوم کی اس قدرتذلیل نہ کریں:اطلاعات کے مطابق سابق وفاقی وزیراطلاعات و نشریات فواد چوہدری نے کہا ہے کہ سیاسی جماعتوں اور شخصیات کے درمیاں اختلافات ہوتے رہتے ہیں لیکن آپ نے میری عظیم قوم کی انتہائی تذلیل کردی ،

فواد چوہدری نے کہا کہ جس قوم کے خون پسینے کی کمائی سے تم عیاشیاں کررہے ہواور پاکستانیوں کی کمائی لوٹ لوٹ کرامریکہ اور برطانیہ کے بینک بھررہے ہو آج اسی قوم کواپنے اقتدار کے حصول کو ممکن بنانے کے لیے ساری دنیا کے سامنے بھکاری کہہ کرتذلیل کررہے ہو، کچھ شرم آنی چاہیے ، آپ میں غیرت نام کی کوئی چیز ہی نہیں

پاکستان تحریک انصاف کے رہنما فواد چودھری نے کہا ہے کہ حکومت سینہ تان کر میدان میں نکلی ہے، مخالفین شیر کیوں نہیں بن رہے؟ یہ سب اب ٹیکنیکل جسٹس کے چکر میں پڑے ہوئے ہیں۔

میڈیا سے گفتگو کرتے ہوئے فواد چودھری کا کہنا تھا کہ شہبازشریف سے کہتا ہوں قوم غیرت مند ہے، عمران خان کے بیانئے کے ساتھ کھڑی ہے، ووٹ سے اسلام آباد کا تخت ملے گا، ادھر، ادھر جا کر نہیں، چھوڑ کر جانے والے دھوبی کے کتے گھر کے نہ گھاٹ کے ہیں۔

انہوں نے مزید کہا کہ سیاست کے فیصلے عدالتوں نہیں عوام کرتے ہیں، ایسے فیصلے عدالتوں کو کرنے بھی نہیں چاہئیں، چوں، چوں کا مربہ چاہتا تھا حکومت چلی جائے، اب چلی گئی، اب چوں، چوں کا مربہ چاہتا ہے حکومت کو بحال کریں، ان کے دماغ اخروٹ سے چھوٹے ہیں۔

فواد چودھری کا کہنا تھا کہ سپریم کورٹ کے اس حوالے سے فیصلے موجود ہیں، سیاسی جماعتیں اب شیر کیوں نہیں بن رہے؟ جانے والی حکومت خوشیاں اور اپوزیشن کا برا حال ہے، حکومت سینہ تان کر میدان میں نکلی ہے، یہ کبھی ایک کونے، کبھی دوسرے کونے میں گھس رہے ہیں۔

اسلام آباد:‘بلاول بگڑے ہوئے لڑکے کی طرح برتاؤ کرنا چھوڑو’اطلاعات کے مطابق وفاقی وزیر علی زیدی نے کہا ہے کہ بلاول بگڑے ہوئے لڑکے کی طرح برتاؤ کرنا چھوڑو۔

ٹوئٹر پر جاری بیان میں علی زیدی نے کہا کہ الیکشن میں سندھ کے عوام کا سامنا کرنے کے لیے تیار رہو لیکن پہلے ریاست کیخلاف سازش کے الزام کا سامناکرنا پڑے گا۔

علی زیدی نے لکھا کہ تمھیں، تمھارے والد اور بےایمان پی ڈی ایم پارٹنرز کو بھی ریاست کیخلاف سازش کے الزام کا سامنا کرنا پڑے گا۔

چیئرمین پیپلز پارٹی بلاول بھٹو زرداری نے ڈپٹی اسپیکر قومی اسمبلی قاسم سوری کی جانب سے تحریک عدم اعتماد مسترد ہونے پر شدید ردعمل کا اظہار کیا اور کہا کہ ہمارے پاس اکثریت ہے کہ وزیراعظم کو شکست دیں۔

بلاول بھٹو نے مزید کہ حکومت نے تحریک عدم اعتماد پر ووٹنگ روک کر آئین کی خلاف ورزی کی ہے، اداروں سے مطالبہ ہے کہ پاکستان کے آئین کی حفاظت کریں، ادارے اسے برقرار رکھیں، دفاع کریں اور عمل درآمد کریں۔

بلاول بھٹو نے کہا کہ ہم اپنے وکلاء کے ساتھ ابھی سپریم کورٹ جائیں گے لیکن غیر آئینی کام نہیں کرنے دیں گے۔
علی محمد خان نے کہا ہے کہ آج جو فیصلہ ہوا اسی میں پاکستان کی سلامتی ہے۔

پی ٹی آئی رہنما علی محمد خان نے سپریم کورٹ کے باہر میڈیا سے گفتگو کرتے ہوئے کہا کہ آج پاکستان کی بقا اور آزادی کے لیے وزیراعظم نے وہ کام کیا جو کسی وزیراعظم نے جرات نہیں کی۔انہوں نے کہا کہ عدم اعتماد کی تحریک آنی چاہیے آسکتی ہے لیکن وہ پاکستان کی اپنی ہو، باہر سے نہ بنائی گئی ہو۔

پی ٹی آئی رہنما کا کہنا تھا کہ نیشنل سیکورٹی کمیٹی کے اعلامیہ میں یہ بات آتی ہے کہ اندرونی معاملات میں دخل اندازی پر تشویش ہے۔

علی محمد خان نے کہا کہ آج سازشی عناصر کی تحریک ریجیکٹ ہوئی، آج جو فیصلہ ہوا اسی میں پاکستان کی سلامتی ہے۔

پی ٹی آئی رہنما علی محمد خان کا مزید کہنا تھا کہ آئیں الیکشن میں جائیں ،گھوڑا بھی حاضر ہے اور میدان بھی حاضر ہے۔

دوسری جانب صدر مملکت نے قومی اسمبلی تحلیل کردی ہے اور کابینہ ٹوٹ گئی ہے تاہم آئین کے تحت وزیر اعظم عمران خان 15 روز کے لیے اپنے عہدے پر رہ سکتے ہیں۔

اس سے قبل آج ہی وزیرِ اعظم عمران خان نے صدرِ مملکت ڈاکٹر عارف علوی کو اسمبلیاں تحلیل کرنے کی تجویز بھیجی تھی۔

یاد رہے کہ اسپیکر قاسم سوری قومی اسمبلی نے وزیر اعظم کے خلاف تحریک عدم اعتماد کو آئین کے منافی قرار دے دیا۔

اسلام آباد:طاقت کے نشے میں دُھت عمران خان آج اپنے اوپر خودکش حملہ کر بیٹھا ہے۔ عمران کا ڈرامہ اور کہانی اب ہمیشہ کے لیے ختم انشاءاللّہ! , یہ کہنا تھا مریم نواز کا عدم اعتماد تحریک کے مسترد ہونے کے بعد

ڈپٹی اسپیکر قومی اسمبلی قاسم سوری کی جانب سے وزیر اعظم عمران خان کے خلاف پیش کی گئی تحریک عدم اعتماد مسترد کیے جانے کے بعد مریم نواز کا ردعمل سامنے آگیا۔

مریم نواز نے اپنے پیغام میں کہا کہ اپنی کرسی کو بچانے کی خاطر آئینِ پاکستان کا حلیہ بگاڑنے کی اجازت کسی کو نہیں دی جانی چاہیے۔

انہوں نے کہا کہ اس جرم پر اگر اس پاگل اور جنونی شخص کو سزا نا دی گئی تو آج کے بعد اس ملک میں جنگل کا قانون چلے گا!

واضح رہے کہ ڈپٹی اسپیکر قومی اسمبلی قاسم سوری نے رولنگ کے تحت تحریک عدم اعتماد کو مسترد کیا جس کے بعد قومی اسمبلی میں اپوزیشن نے شدید ہنگامہ آرائی شروع کردی، اپوزیشن ارکان اسپیکر ڈائس کے قریب جمع ہوگئے اور شدید نعرے بازی کی۔

ڈپٹی اسپیکر کی رولنگ کے بعد قومی اسمبلی میں ہنگامہ آرائی ہوئی اور تمام اپوزیشن اراکین اپنی نشستوں پر بیٹھ گئے۔

ان کے چہروں کو نشان زد کریں۔ یہ وہ گروہ مافیا ہے جس نے اسلامی جمہوریہ پاکستان کے آئین پر حملہ کیا اور اسے منسوخ کیا۔ ان سب پر آرٹیکل 6 کے تحت مقدمہ چلنا چاہیے۔

اپنی کرسی کو بچانے کی خاطر آئینِ پاکستان کا حلیہ بگاڑنے کی اجازت کسی کو نہیں دی جانی چاہیے۔ اس جرم پر اگر اس پاگل اور جنونی شخص کو سزا نا دی گئی تو آج کے بعد اس ملک میں جنگل کا قانون چلے گا!

— Maryam Nawaz Sharif (@MaryamNSharif) April 3, 2022

اپنی کرسی کو بچانے کی خاطر آئینِ پاکستان کا حلیہ بگاڑنے کی اجازت کسی کو نہیں دی جانی چاہیے۔ اس جرم پر اگر اس پاگل اور جنونی شخص کو سزا نا دی گئی تو آج کے بعد اس ملک میں جنگل کا قانون چلے گا!