Author: +9251

لندن :عالمی منڈی میں خام تیل کی قیمتیں ساڑھے7سال کی بلند ترین سطح پر پہنچ گئیں:دنیا مسائل کا شکار،اطلاعات کے مطابق یوکرین پر روس کے حملے کے بعد ترسیلی نظام میں تعطل آنے کے خدشے کے پیش نظر عالمی منڈی میں خام تیل کی قیمتیں تقریباً ساڑھے 7 سال کی بلند ترین سطح پر پہنچ گئی ہے۔

برطانوی خبر رساں ایجنسی کے رپورٹ کے مطابق منگل کو خام تیل کی قیمتوں میں تقریباً 8 فیصد اضافہ ریکارڈ کیا گیا۔مئی کے مہینے کیلئے ہونے والے برینٹ کروڈ آئل کے سودے 7.83 ڈالر اضافے کے بعد 105.80 ڈالر فی بیرل پر طے ہوئے۔

اس کے علاوہ امریکی خام تیل ویسٹ ٹیکساس انٹرمیڈیٹ کے اپریل کے کیلئے ہونے والے سودے 8.27 ڈالر فی بیرل اضافے کے بعد 103.99 ڈالر فی بیرل پر ہوئے۔
کاروبار کے دوران برینٹ کروڈ آئل اگست 2014 اور ویسٹ ٹیکساس انٹرمیڈیٹ جولائی 2014 کے بعد کی بلند ترین سطح پر دیکھے گئے۔

دوسری جانب روس اور یوکرین کے درمیان جنگ کی وجہ سے سپلائی میں تعطل اور قیمتوں میں اضافے کو روکنے کیلئے عالمی توانائی ایجنسی کے رکن ممالک اپنے اسٹریٹجک پیٹرولیم ریزروز میں سے 6 کروڑ بیرل تیل مارکیٹ میں جاری کرنے پر غور کر رہے ہیں تاکہ قلت کی وجہ سے قیمتیں اوپر نہ جائیں۔

اس معاملے پر تیل برآمد کرنے والے ممالک کی تنظیم (اوپیک) اور روس کے مذاکرات بدھ کو ہونے کا امکان ہے۔

یوکرین پر حملے کی وجہ سے امریکا اور یورپی یونین نے روس پر اقتصادی پابندیاں عائد کردی ہیں اور روسی کمپنیوں اور شخصیات کے اثاثے منجمد کردیے گئے ہیں جس کہ وجہ سے روس سے تیل خریدنے والے ممالک کو ادائیگیوں میں مشکلات کا سامنا ہے۔

خیال رہے کہ روس یومیہ 40 سے 50 لاکھ بیرل خام تیل برآمد کرتا ہے جبکہ 20 سے 30 لاکھ بیرل تیل کی ریفائنڈ مصنوعات برآمد کرتا ہے۔

اسلام آباد:یوکرین میں پھنسے 1200 پاکستانی اپنی مدد آپ کے تحت پولینڈ میں داخل ہوگئے۔،اطلاعات ہیں کہ یوکرین کے پڑوسی ملک پولینڈ میں ہزاروں کی تعداد میں لوگ داخل ہو رہے ہیں، 1200 پاکستانی بھی پولینڈ کی سرحد کراس کرگئے۔

پولینڈ میں پاکستانی سفارتخانے کے حکام کے مطابق تین سو پاکستانیوں نے پاکستانی ڈیسک پر رجسٹریشن کرائی ہے جب کہ دیگر نے رابطہ نہیں کیا اور خود وارسا روانہ ہوگئے۔

پولینڈ کی سرحد پر اس وقت دس پاکستانی موجود ہیں، ان کی تعداد 50 ہونے پر انہیں وارسا روانہ کردیا جائےگا۔یوکرین میں زیر تعلیم پاکستانی زمینی راستے سے پولینڈمیں داخل ہو رہے ہیں۔

گذشتہ روز یوکرین میں پاکستانی سفیر نوئیل کھوکھرکا کہنا تھا کہ یوکرین میں 3 ہزار پاکستانی طالب علم تھے، زیادہ تر طلبا کو نکال لیا ہے، بقیہ پاکستانیوں کو بحفاظت نکالا جارہا ہے۔

ادھر یورپی یونین، برطانیہ، جاپان، ناروے، آسٹریلیا، ترکی اور کینیڈا سمیت مختلف ممالک نے پاکستان پریوکرین پر روسی حملےکی مذمت کرنے پر زور دیا ہے۔

یوکرین پر روس کے حملےکا آج چھٹا روز ہے اور صورتحال تیزی سے بگڑتی نظر آرہی ہے۔

پاکستان پر برطانیہ، جاپان، ناروے، آسٹریلیا، ترکی، ڈنمارک اورکینیڈا سمیت یورپی یونین نے زور دیا ہےکہ پاکستان یوکرین پر روسی حملےکی مذمت کرے۔

سوشل میڈیا پر پاکستان میں ڈنمارک کی سفیر نےکہا کہ پاکستان روسی اقدام کی مذمت کرے اور یو این چارٹر اور عالمی قوانین کی پاسداری کی حمایت میں دیگر ممالک کا ساتھ دے۔

لاہور:ن لیگ نے پاکستان مسلم لیگ کو جال میں پھنسانے کے لیے بڑی آفرکی جوکام نہ آسکی،اطلاعات کے مطابق ن لیگ نے عمران خان سے جان چھڑوانے کے بدلنے میں پاکستان مسلم لیگ قائداعظم کو ایک ایسی پیشکش کی کہ جس کوسُن کرہرکوئی حیران رہ گیا ہے

اس حوالےسے سیاسی اکھاڑپچھاڑکے اس مرحلے پراس پیشکش کا انکشاف اس وقت جب آج وزیراعظم عمران خان چوہدری برادران کے پاس ملاقات کےلیے پہنچے تھے اور اس کامیاب ملاقات کے بعد یہ چیز سامنےآئی

اس پیش کش کا انکشاف اس وقت سامنے آیا جب سینیئر صحافی مبشرلقمان نے ن لیگ کے خلیل طاہر سندھو سے بات کرتے ہوئے جب یہ کہا کہ ن لیگ نے پاکستان مسلم کو عمران خان کی حکومت کوگرانے کے ڈپٹی وزیراعظم کی پیشکش کی تھی تو خلیل طاہرسندھو نے اس بات کی تصدیق کی کہ جی واقعی ن لیگ کی طرف سے یہ پیش کش کی گئی تھی

https://twitter.com/TeamLucmanML/status/1498709777807028230?t=F-QwYoFa09cIRwtF7Be5_Q&s=19

ساتھ ہی خلیل طاہر سندھو نے چوہدری برادران کے حوالے سے ایک عجیب سے انداز میں بات کرتے ہوئے کہا کہ چوہدری برادران نے پنجاب کی وزارت اعلیٰ مانگی تھی ، جو مشاورت کے بغیر ممکن نہ تھا

اس موقع پر بات کرتے ہوئے مبشرلقمان نے پاکستان تحریک انصاف کے زبیر خان نیازی سے کہا کہ اپوزیش عدم اعتماد لارہی ہے اور اپوزیشن کا دعویٰ ہے کہ ان کے پاس عددی اکثریت ہے تو اس کے جواب میں زبیر خان نیازی نے کہا کہ یہ بات نہیں اگران کے پاس عددی اکثریت ہوتی تو یہ پی ٹی آئی کی حکومت کو ایک دن میں گرادیتے ، جس پرمبشرلقمان نے کہا کہ اپوزیشن نے عدم اعتماد کےلیے قومی اسمبلی کا اجلاس بلانے کی ریکوزیشن جمع کروائی ہے آپ اجلاس بلائیں تو پتے لگ جان گے ، جس پر زبیرخان نیازی نے کہا کہ ہاں جب اجلاس ہوگا تو دعووں کی حقیقت کا پتہ چل جائے گا

کراچی: طیارے کی کراچی ایئرپورٹ پر ایمرجنسی لینڈنگ:فنی خرابی یا کوئی اورمسئلہ ،اطلاعات کے مطابق فنی خرابی پر شارجہ جانے والی ایک پرواز کو کراچی ایئرپورٹ پر ایمرجنسی لینڈنگ کرنی پڑ گئی۔

تفصیلات کے مطابق سیالکوٹ سے شارجہ جانے والی پی آئی اے کی پرواز پی کے 209 میں اڑان بھرنے کے کچھ دیر بعد فنی خرابی پیدا ہو گئی۔کپتان نے کنٹرول ٹاور سے رابطہ کر کے کراچی ایئر پورٹ پر لینڈنگ کی اجازت طلب کی، اجازت ملنے کے بعد کپتان نے طیارے کو بہ حفاظت کراچی ایئر پورٹ پر اتار لیا۔

قومی ایئر لائن کے ترجمان نے بتایا کہ پی کے 209 کو فنی خرابی پیدا ہونے پر کراچی ایئر پورٹ پر ٹیکنیکل لینڈنگ کرائی گئی، انجینئر طیارے کی مکمل جانچ پڑتال کر رہے ہیں، فنی خرابی دور ہوتے ہی پرواز کو شارجہ کے لیے روانہ کر دیا جائے گا۔

یاد رہے کہ 16 فروری کو ابوظبی سے لاہور آنے والی پی آئی اے کی پرواز 264 میں فضائی میزبان کو دل کا دورہ پڑ گیا تھا، دوران پرواز فضائی میزبان مبشر علی کو دل میں تکلیف محسوس ہوئی، جس پر کپتان نے لاہور ایئر پورٹ پر لینڈنگ سے قبل میڈیکل ٹیم طلب کر لی، طیارہ لینڈ ہوتے ہی میڈیکل ٹیم نے جہاز کے اندر پہنچ کر مبشر علی کو فوری طور پر طبی امداد فراہم کی۔

اسلام آباد :5 فیصد ٹیکس ادا کریں اور سفید کریں کالے دھن سے بنائی ہوئی دولت ،اطلاعات کے مطابق وفاقی کابینہ نے حکومتی کی تیسری ٹیکس ایمنسی اسکیم کا آرڈیننس جاری کرنے کی منظوری دے دی ۔آرڈیننس کی سمری کے مطابق صرف 5 فیصد ٹیکس ریٹ پر اب کالا دھن سفید کیا جاسکتا ہے۔

ٹیکس ریٹ کی ادائیگی پر کالادھن سفید کرنے والوں سے اُن کے ذرائع آمدن نہیں پوچھے جائیں گے۔سمری کے مطابق سرمایہ کار ایمنسٹی اسکیم سے فائدہ اٹھانے کے لیے نئی کمپنی بنائے گا، اس سے فائد اٹھانے کی کٹ آف ڈیٹ دسمبر 2022ء ہوگی۔

آرڈیننس سمری کی مطابق نئے یونٹ کے ذریعے جون 2024ء تک کمرشل پیداوار شروع کردی جائے، ایمنسٹی اسکیم میں بیمار صنعتی یونٹس کے لیے 3سال کی ٹیکس مراعات بھی شامل ہیں۔

سمری کے مطابق بیرون ملک پاکستانی غیرملکی اثاثے سرمایہ کاری کے لیے بھیجتے ہیں تو 5 سال کے لیے ٹیکس چھوٹ ہوگی۔

سمری کے مطابق گزشتہ 3 سال سے نقصان والی کمپنیوں کو صحت مند صنعتی یونٹ خرید سکتا ہے اور کمپنی کو منافع بخش بنانے پر کمپنی کو 3 سال کی ٹیکس چھوٹ ہوگی۔