Author: +9251

اسلام آباد :گورنر اسٹیٹ بینک رضا باقر کی تنخواہ کتنی ہے؟ کون کونسی مراعات لے رہے ہیں؟بڑے حیران کن انکشافات آگئے،اطلاعات کے مطابق گورنر اسٹیٹ بینک رضا باقر کی ماہانہ تنخواہ کتنی ہےاور انہیں کون کونسی سہولیات اور مراعات ملتی ہیں؟ تفصیلات سامنے آگئی ہیں۔

مسلم لیگ (ن) کے سینٹرعرفان صدیقی نے ایوان بالا میں گورنر اسٹیٹ بینک کو ملنے والی تنخواہ کی تفصیلات پر سوال کیا تھا، اور پوچھا تھا کہ گورنر اسٹیٹ بینک رضا باقر آئی ایم ایف میں کتنے عرصہ کیلئے ملازم رہے، پاکستان میں بطور گورنر اسٹیٹ بینک ملنے والی تنخواہ اور مراعات کتنی ہیں۔

جس پر وزارت خزانہ کی جانب سے دستاویزات فراہم کی گئیں جس کے مطابق گورنر اسٹیٹ بینک رضا باقر کی تنخواہ ماہانہ 25 لاکھ روپے تنخواہ ہے جس میں سالانہ 10 فیصد اضافہ ہوتا ہے۔

تنخواہ کے علاوہ گورنر اسٹیٹ بنک کو ملنے والی مراعات کی تفصیلات بھی سامنے آگئیں جس کے مطابق حکومت پاکستان کی جانب سے گورنر اسٹیٹ بینک کو فرنشڈ گھر یا اس کے برابر کرایہ اور مینٹیننس کی سہولیات فراہم دی جاتی ہیں۔

گورنر اسٹیٹ بینک کو 25 لاکھ روپے ماہانہ تنخواہ ملتی ہے ۔ رضا باقی 18 سال آئی ایم ایف کے ملازم رہے۔ pic.twitter.com/fX1yTjZ6PP

— Nausheen Yusuf (@nausheenyusuf) February 11, 2022

وزارت خزانہ کی دستاویزات کے مطابق گورنر اسٹیٹ بنک کو دو گاڑیاں فراہم کی گئی ہیں اور انہیں 600 لیٹر پیٹرول دیا جاتا ہے جبکہ گورنر اسٹیٹ بنک کو ڈرائیور کی بھی سہولت حاصل ہے۔

علاوہ ازیں گورنر اسٹیٹ بینک کو بجلی، گیس، پانی اور جنریٹر کے اخراجات بھی حکومت بھی ذمہ داری ہے جبکہ گورنر اسٹیٹ بینک کو مفت لینڈ لائن، موبائل فونز اور انٹرنیٹ کی سہولت حاصل ہے۔

دستاویزات کے مطابق ان کے بچوں کی 75 فیصد فیس ادا کی جاتی ہے جبکہ گورنر اوراسکی فیملی کو مکمل علاج معالجے کی بھی سہولیات حاصل ہیں۔

دستاویزات کے مطابق گورنر اسٹیٹ بینک 4 ملازمین رکھ سکتے ہیں اور ہر ملازم کی تنخواہ 18 ہزار روپے ماہانہ ہے، انہیں 24 گھنٹے سکیورٹی اور سکیورٹی گارڈز کی سہولت حاصل ہے۔

وزارت خزانہ کے مطابق گورنر اسٹیٹ بنک کی گریجویٹی ایک ماہ کی تنخواہ سالانہ ہے، گورنر اسٹیٹ بینک کو ہر ماہ تین دن چھٹی کی سہولت حاصل ہے۔گورنر اسٹیٹ بینک کو کلب کی ماہانہ چارجز سمیت سہولت حاصل ہے۔

جناب عمران خان صاحب
وزیرِ اعظم
اسلامی جمہوریہ پاکستان
وزیر اعظم ہاوس اسلام آباد

عنوان۔ بزرگ پنشنرز کی درد مندانہ فریاد
۔۔۔۔۔۔۔۔۔۔

جناب محترم وزیر اعظم صاحب!

ہم بزرگ پنشنرز کس کو اپنی درد بھری فریاد سنائیں۔ اب تو ہم روٹی کپڑے اور ادویات سے بھی محروم ہو چکے ہیں۔ آپ کے دورِ حکومت میں ہی حاضر سروس ملازمین نے دو مرتبہ احتجاج کر کے یکم مارچ 2021 سے 25 فیصد ڈسپرائٹی الاؤنس پھر بجٹ میں 10 فیصد اضافہ اب یکم مارچ 2022 سے پھر 15 فیصد تنخواہوں میں اضافہ حاصل کیا۔ جبکہ پنشنرز کو بجٹ میں صرف 10 فیصد کا پنشن میں اضافہ دیا گیا ۔جناب وزیر اعظم صاحب کیا بزرگ پنشنرز اِس ُملک کے شہری نہیں؟ کیا بزرگ پنشنرز نے اپنی زندگی اور جوانی کا قیمتی حصہ ُملک کی خدمات میں صرف نہیں کیا؟ اب جب اِن میں دم خم نہیں رہا۔ گھروں میں بیٹیاں رخصت کی امید لگائے بیٹھی ہیں۔بچوں کی تعلیم آخری مراحل اور مہنگے ترین حصے میں ہیں بال بچوں کی روزی روٹی کے کوئ ذرائع آمدن نہیں اور ادویات اِن کی پہنچ سے دور ہو گئی ہیں۔ مہنگائ آسمان سے باتیں کر رہی ہے۔ ایسے وقت میں صرف پنشنرز کو ہی پنشن میں اضافہ سے محروم رکھنا کیا زندہ درگور کرنے کے مترادف نہیں۔

بزرگ پنشنرز تو ویسے بھی چلتی پھرتی لاشیں ہیں۔ جن کا پنشن کے علاوہ کوئ ذریعہ آمدن نہیں۔ کیا ہم بیٹیوں کو زندہ دفن کر دیں ؟ کیا ہم بیٹے بیٹیوں کو تعلیم حاصل کرنے سے روک دیں؟ اگر کسی کا بیٹا جوان ہے بھی تو اُسے نوکری نہیں ملتی تو ہم کیا کریں۔ کیا ہم اجتماعی خود کشی کے لیے اسلام آباد ڈی چوک آ جائیں؟ ہم بزرگ پنشنرز حاضر سروس ملازمین کی طرح نہ احتجاج کر سکتے ہیں نہ ڈنڈے کھا سکتے ہیں۔ اب اس عمر میں تو صرف کفن پہن کر ڈی چوک آ کر اجتماعی خود کشی کر سکتے ہیں یا آپ سے اللہ اور رسول ؐ کا واسطہ دیکر فریاد کر سکتے ہیں۔ آپ کا نعرہ ہے ریاستِ مدینہ کا اور دو نہیں ایک پاکستان کا ۔ تو پھرریاستِ مدینہ میں اور ایک ہی پاکستان میں بزرگ پنشنرز کے ساتھ یہ ظلم زیادتی اور ناانصافی کیوں؟ پاکستان کی تاریخ میں کبھی ایسا نہیں کہ حاضر سروس ملازمین کی تنخواہ میں اضافہ ہوا ہو اور پنشنرز کو وہ نہ ملا ہو۔ آپ سے اللہ اور رسولؐ کا واسطہ دیکر اپیل ہے کہ ہماری پنشن میں مہنگائ کے تناسب سے ممکن نہیں تو ملک بھر کے پنشنرز کی پنشن میں کم از کم 50 فیصد پنشن میں اضافہ کرکے بزرگ پنشنرز کی دعائیں لیں۔ ورنہ بزرگ پنشنرز بچوں کی شادیاں نہ کر سکنے روزی روٹی نہ ملنے اور ادویات خرید نہ سکنے کی وجہ مر جائیں گے اور بروز محشر اللہ کی بارگاہ میں جواب دہ حکومت وقت بلکہ آپ اور صرف آپ ہونگے۔ یہ بزرگ پنشنرز اب آپ کے رحم و کرم پر ہیں ان کی حالتِ ناگفتہ پر رحم کھائیں۔ داد رسی کی اپیل ہے۔ یہی وقت ان بزرگ پنشنرز کی دعائیں لینے کا۔ آپ کا بہت بہت شکریہ

اسلام آباد:اظہار رائے کا مطلب بدتمیزی،الزام تراشی اورکی ذات پرمجرمانہ حملے نہیں:پیمرا نے نفرت پھیلانے والوں کونوٹس بھیج دیئے،اطلاعات کے مطابق پیمرا کی طرف سے کچھ ایسے نام نہاد تجزیہ نگاروں کونوٹسز بھیجے گئے ہیں جن کی زبان سے کبھی خیر نہیں نکلی

اطلاعات ہیں کہ اس حوالے سے کچھ ایسے اینکروں کونوٹسز جاری کیئے گئے ہیں جو اپنے ہی ہم وطنوں کی کردار کُشی اور ان کی توہین میں تمام حدیں پار کرجاتےہیں ، اس حوالے سے ویسے تو پیمرا نے جن اینکروں کے نام لیے ہیں وہ کسی تعارف کے محتاج نہیں مگران کے بارے میں سوشل میڈیا پران کو جاننے والوں کی طرف سے بہت زیادہ وضاحت کی جارہی ہے کہ یہ ایسے شرپسند ہیں کہ جو پیسے کی خاطر اپنے آقاوں کو خوش کرنے کے لیے اہل وطن کی توہین کرنے میں فخر محسوس کرتے ہیں‌

اس حوالے سے معلوم ہوا ہے کہ وفاقی وزیر مرادسعید کی کردار کشی کرنے میں محسن بیگ ، افتخاراحمد اور غریدہ فاروقی کے ساتھ کچھ اور لوگ بھی شامل ہیں ،یہ بھی معلوم ہوا ہے کہ پیمرا نے یہ فیصلہ عوامی ردعمل کے بعد لیا جب ہر طرف سے ان شرپسند اینکروں کی زبان سے پاکستان کے باسیوں کے بارے میں زہر اور غلط بیانی نکل رہی تھی

مرادسعید کی جس کارکردگی پر پہلانمبر ملا ہے وہ ریحام کی کتاب میں ہے؛ محسن بیگ
مرادسعید نےکارکردگی میں سب کو پیچھےچھوڑدیا مزید نہ پوچھیں پیمرا موجود ہے؛طارق محمود
مرادسعید کی کارکردگی کےالزامات سب کےسامنےموجود ہیں؛افتخاراحمد
میں مرادسعید کی کارکردگی بارے اتفاق کرتاہوں؛ جنرل امجد pic.twitter.com/TzGv09EZeN

— Gharidah Farooqi (T.I.) (@GFarooqi) February 11, 2022

اس حوالے سے پیمرا نے غریدہ فاروقی ، محسن بیگ ، افتخار احمد اور طارق محمود شامل ہیں ، دوسری طرف سوشل میڈیا پر اس وقت مطالبہ کیا جارہاہےکہ نفرت کے ان بیوپاریوں کی زبانوں کو تالے لگنے چاہیں

کراچی :طلبا یونین سندھ نے اپنا وعدہ پورا کردیا ،اطلاعات کے مطابق سندھ اسمبلی نے 38 سالوں سے عائد طلبہ یونینز پر پابندی ختم کرنے کا بل متفقہ طور پر منظور کر لیا۔ایوان میں طلبہ یونین سے متعلق مجوزہ بل قائمہ کمیٹی برائے قانون سے منظوری کے بعد پیر مجیب الحق نے پیش کیا۔

طلبا یونین کی بحالی کیلئے بل تیار کرکے سب کو حیران کردیا ، ادھر متفقہ طور پر بل منظوری کے بعد قائد ایوان مراد علی شاہ نے سب جماعتوں کا شکریہ ادا کرتے ہوئے کہا کہ بل میں طلبہ یونین سے متعلق قواعد ہیں، امید ہے کہ طلبہ یونین تدریسی عمل کو متاثر یا بند نہیں کروائیں گی۔

سندھ اسمبلی سے منظور شدہ بل کے مطابق طلبہ انتخابات سے 7 سے 11 نمائندوں پرمشتمل یونین کومنتخب کریں گے اور تعلیمی اداروں میں ہرسال طلبہ یونین کے انتخابات ہوں گے۔

بل میں کہا گیا ہے کہ تعلیمی ادارے کی سینیٹ اور سینڈیکٹ میں طلبہ یونین کی نمائندگی ہوگی جبکہ تعلیمی ادارے کی انسداد ہراساں کمیٹی میں بھی یونین کی نمائندگی ہوگی۔