Baaghi TV

Author: +9251

  • یونیورسٹی میں لڑکیوں کے ساتھ زیادتی کے بعد قتل کر دیئے جانے کا انکشاف

    یونیورسٹی میں لڑکیوں کے ساتھ زیادتی کے بعد قتل کر دیئے جانے کا انکشاف

    یونیورسٹی میں لڑکیوں کے ساتھ زیادتی کے بعد قتل کر دیئے جانے کا انکشاف
    نوابشاہ: لڑکیوں کو زیادتی کا نشانہ بناکر قتل کر دیا جاتا ہے:نوابشاہ یونیورسٹی نرسنگ ہاؤس آفیسرکا انکشاف ،اطلاعات کے مطابق بھٹو کی بستی نوابشاہ پیپلز میڈیکل یونیورسٹی میں نرسنگ ہاؤس آفیسر پروین رند نے ڈائریکٹر اور وارڈن پر زیادتی کا الزام لگاتے ہوئے کہا ہے کہ یونیورسٹی میں لڑکیوں کو زیادتی کا نشانہ بنایا جاتا ہے۔

    یہ یاد رہے کہ نوابشاہ میڈیکل یونیورسٹی کی میڈیکل ہاؤس آفیسر پروین رند نےگزشتہ روز ڈائریکٹر اور وارڈن کے خلاف تشدد و ہراساں کیے جانے کا الزام لگایا تھا۔یہ بھی یاد رہے کہ یہ پہلا الزام نہیں بلکہ اس سے قبل کئی واقعات رونما ہوچکے ہیں جن کو زبردستی دبا دیا گیا اور کسی مظلوم کی آوازکو خلق خدا تک نہ پہنچنے دیا گیا

    بھٹو کی بستی کی نوابشاہ یونیورسٹی کی ایم ایل او ڈاکٹر نازیہ مگسی کا کہنا ہے کہ نرسنگ ہاؤس آفیسر پروین رند کے گلے اور ہاتھوں پر چوٹ کے نشان ہیں، پروین رند کے گال پر بھی سوجن ہے۔

    نوابشاہ میڈیکل یونیورسٹی کی میڈیکل ہاؤس آفیسر پروین رند کا کہناہے کہ پیپلز میڈیکل یونیورسٹی میں لڑکیوں کو زیادتی کا نشانہ بنایا جاتا ہے، ہراسمنٹ کی شکار لڑکیوں کو قتل کیا جاتا ہے، لاش پنکھے میں لٹکا دی جاتی اور خودکشی کا رنگ دیا جاتا ہے۔نوابشاہ میڈیکل یونیورسٹی کی میڈیکل ہاؤس آفیسر پروین رند کہتی ہیں کہ ہے کوئی جوظلم کی اس بستی میں مظلوموں کی داد رسی کرسکے

    پولیس کی زیادتی، خواجہ سراؤں نے ملک گیر احتجاج کی دھمکی دے دی

    پلاسٹک بیگ پر پابندی لگی تو خواجہ سراؤں نے ایسا کام کیا کہ شہری داد دینے پر مجبور

    کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

    کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

    دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

    شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    نوابشاہ میڈیکل یونیورسٹی کی میڈیکل ہاؤس آفیسر پروین رند نے مطالبہ کیا کہ وائس چانسلر، ڈائریکٹر یونیورسٹی اور وارڈن کو گرفتار کیا جائے، کل وارڈن فرحین اور عاتقہ نے مجھے مارا، میں لطیف ہال بھاگی، مجھے مار کھاتے اسٹوڈنٹس نے بھی دیکھا ہے۔نوابشاہ میڈیکل یونیورسٹی کی میڈیکل ہاؤس آفیسر پروین رند کہتی ہیں کہ یہ معاملہ فقط میرا نہیں قوم کی بیٹیوں کا ہے اور اگرآج ان ظالم عیاشوں کا راستہ نہ روکا گیا تو حوا کی بیٹیاں ایسے ہی لٹتی رہیں گی قتل ہوتی رہیں گی

    دوسری جانب وائس چانسلر پیپلز میڈیکل یونیورسٹی پروفیسر ڈاکٹر گلشن میمن کا کہنا ہے کہ معاملے کی تحقیقات کے لیے 3 رکنی کمیٹی قائم کر دی ہے، تحقیقاتی کمیٹی کی رپورٹ کی روشنی میں کارروائی کی جائےگی۔

    یہ بھی یاد رہنا چاہیے کہ بلاول بھٹو جو کہ اس وقت ابو کو بچانے کے لیے سرتوڑ کوششیں کررہے ہیں لیکن ان کو بھٹو کی بستی میں اگرحوا کی بیٹی کی عزت لُٹتی ہے اور پھر قتل کردیا جاتا ہے اس کی کوئی پرواہ نہیں وہ اپنے دوسروں کا گھرگرانے میں مگن اور اپنے گرتے گھر کو بچانے کی پرواہ تک نہیں‌

  • پاکستان پی ایس ایل 7 : میچز شروع ہونے سے قبل شہریوں کو خبردار کر دیا گیا

    پاکستان پی ایس ایل 7 : میچز شروع ہونے سے قبل شہریوں کو خبردار کر دیا گیا

    لاہور:پاکستان پی ایس ایل 7 : میچز شروع ہونے سے قبل شہریوں کو خبردار کر دیا،اطلاعات کے مطابق پی ایس ایل کا میلا قذافی سٹیڈیم میں سجنے کو تیار، ٹیمز کو پی سی ہوٹل سے قذافی سٹیڈیم تک لے جانے کیلئے مختلف شاہراہوں کو ٹریفک کے لیے مکمل طور پر بند رکھا گیا، ٹریفک جام میں پھنسے شہریوں کو شدید مشکلات کا سامنا رہا.

    ٹریفک پولیس نے پی ایس ایل میچز شروع ہونے سے قبل ہی شہریوں کو خبردار کر دیا ہے کہ شہری دوپہر اور شام کے اوقات میں فیروز پور روڈ اور کینال روڈ پر سفر مت کریں۔ ٹیمز کو پریکٹس سیشن کے لیےقذافی سٹیڈیم لےجانے کے لیے کینال روڈ کو نومنٹ تک ٹریفک کے لیے بند رکھا گیا۔مال روڈ الحمرا سے کینال روڈ کی جانب جانے والی ٹریفک کو تیرہ منٹ تک بند رکھا گیا۔

    کینال روڈ کو دھرم پورہ سے مسلم ٹاؤن تک نو منٹ تک بند کیا گیا۔جیل روڈ سے ٹریفک کو صدیق ٹریڈ سینٹر کی جانب جانے کی اجازت نہیں دی گئی۔صدیق ٹریڈ سینٹر سے لبرٹی کی جانب بھی ٹریفک معطل رہی۔فیروز پور روڈ مسلم ٹاؤن سے ٹریفک کو وحدت روڈ کی جانب ڈائیورٹ کیا گیا۔

    فیروز پور کو مسلم ٹاؤن سے کلمہ چوک تک بند کیا گیا۔ جس کے باعث قرطبہ چوک سے مسلم ٹاؤن ، مال روڈ ، وحدت روڈ ، فیروز پور روڈ ، مین بلیووارڈ میں گاڑیوں کی لمبی قطاریں لگی رہیں۔ ٹریفک جام کی اذیت میں مبتلا شہریوں کو شدید دشواری کا سامنا کرنا پڑا۔

    یاد رہے کہ دوسری طرف پاکستان کرکٹ بورڈ نے نئے کمنٹیٹرز کی تلاش کا بیڑا اُٹھالیا ہے۔کمنٹیٹر کی تلاش کے لیے پاکستان کرکٹ بورڈ نے ایک مقابلے کا اعلان کیا ہے جس کے تحت مقابلہ جیتنے والے کو 5 لاکھ روپے اور پی ایس ایل سیون کے فائنل میں کمنٹری کرنے کا موقع دیا جائے گا۔

    پی سی بی کےمطا بق پی ایس ایل سیون کے دوران نئے کمنٹیٹرز کی تلاش کے لیے مہم شروع کی جارہی ہے اور اس کام کا آغاز ہوگیا ہے۔

    پی سی بی کا کہنا ہے کہ کمنٹری کو پروفیشنل کیرئیر بنانے کے خواہشمند افراد اس مقابلے میں حصہ لے سکتے ہیں، مقابلے میں 18 سال سے زائد عمر اور پاکستانی ہونا شرط ہے۔

    پی سی بی کے مطابق پہلے مرحلے میں 20 کمنٹیٹرز کا انتخاب کیا جائے گا، اس کے بعد اُن میں سے 5 کمنٹیٹرز کو شارٹ لسٹ کیا جائے گا جو فائنل راؤنڈ میں حصہ لیں گے اور پھر فاتح کا فیصلہ ہوگا۔

    پی سی بی کے مطابق کامیاب اُمیدوار کو 5 لاکھ روپے انعام اور پی ایس ایل سیون کے فائنل میں کمنٹری کا موقع فراہم کیا جائے گا۔

  • چونیاں سےآزادکشمیرتک پیدل یکجہتی مارچ کرنیوالےمنشا ساجد کےاعزازمیں تقریب:مقررین کاخطاب وخراج تحسین

    چونیاں سےآزادکشمیرتک پیدل یکجہتی مارچ کرنیوالےمنشا ساجد کےاعزازمیں تقریب:مقررین کاخطاب وخراج تحسین

    چونیاں:چونیاں سےآزاد کشمیرتک پیدل یکجہتی مارچ کرنے والےمنشا ساجد کے اعزاز میں تقریب:مقررین کا خطاب وخراج تحسین ،اطلاعات کے مطابق دنیا کی توجہ مقبوضہ کشمیر میں جاری بھارتی مظالم و ریاستی دہشتگردی کی جانب مبذول کروانے کیلئے چونیاں سے آزاد کشمیر تک پیدل یکجہتی کشمیر مارچ کرنے والے امن کے سفیر محمد منشاء ساجد کے اعزاز میں مقامی ہال میں تقریب کا اہتمام کیا گیا، تقریب کا اہتمام تنازعہ کشمیر کو بین قومی و بین الاقوامی سطح پر اجاگر کرنے کیلئے نوجوانوں تنظیمات کے اتحاد پر مشتمل کشمیر یوتھ الائنس کی جانب سے کیا گیا،

    تقریب میں نوجوانوں، صحافیوں وکلاء اور اقلیتی برادری کے نمائندوں نے شرکت کی، اس موقع پر کشمیر یوتھ الائنس کی جانب سے منشاء ساجد کو کشمیر کاز کیلئے ان کی خدمات پر سیکرٹری انفارمیشن کشمیر یوتھ الائنس نوید احمد نے اعزازی شیلڈ اور تعریفی سند پیش کی،

    اس موقع پر گفتگو کرتے ہوئے سیکریٹری انفارمیشن کشمیر یوتھ الائنس نوید احمد ، صدر پریس کلب چونیاں ملک شرافت علی گوہر، انسانی حقوق کے سرگرم کارکن طارق چغتائی ایڈووکیٹ، سینیئر صحافی عامر حسین تقوی، رانا کامران اشرف، حمزہ عباس، مسیح کمیونٹی کے نوجوان رہنما طارق عمانوائل ،امیدوار یوتھ کونسلر مہر اشفاق مکی، میاں زوہیب بگا ویگر کا گفتگو کرتے ہوئے کہنا تھا کہ منشاء ساجد نے پیدل یکجہتی کشمیر مارچ کر کے کشمیری بھائیوں بہنوں کے ساتھ منفرد انداز میں یکجہتی کا اظہار کیا،

    مقررین کا کہنا تھا کہ دنیا کا ہر انسان دوست شخص مقبوضہ کشمیر میں کشمیریوں اور ہندوستان میں اقلیتوں کے حقوق کیلئے آواز بلند کر رہا ہے، مقبوضہ کشمیر اور ہندوستان میں آر ایس ایس کے غنڈوں نے مسلمانوں اور دیگر اقلیت کا جینا مشکل کر رکھا ہے، پاکستان کے نوجوان آر ایس ایس کی غنڈہ گردی اور اور مقبوضہ کشمیر میں بھارتی ریاستی دہشت گردی کو بے نقاب کریں،

    سیکرٹری انفارمیشن کشمیر یوتھ الائنس نوید احمد کا مزید کہنا تھا کہ ففتھ جنریشن وار میں ہر شہری اور نوجوان سپاہی ہے، نوجوان سوشل میڈیا کا مثبت استعمال کرتے ہوئے مقبوضہ کشمیر اور ہندوستان کے مظلوم لوگوں کی آواز دنیا بھر میں اٹھائیں

  • پاکستان کرکٹ بورڈ کے”مختارکل” سلمان نصیرکے بارے میں مزید انکشافات سامنےآگئے

    پاکستان کرکٹ بورڈ کے”مختارکل” سلمان نصیرکے بارے میں مزید انکشافات سامنےآگئے

    لاہور:پاکستان کرکٹ بورڈ کے”مختارکل” سلمان نصیرکے بارے میں مزید انکشافات سامنےآگئے ،اطلاعات ہیں کہ پاکستان کرکٹ بورڈ اس وقت ایک طاقتورشخص کے نرغے میں ہے اور یہی شخص کرکٹ بورڈ کا مختارکل بھی ہے ، یہ بھی انکشاف ہوا ہے کہ سلمان نصیرنے اپنے عہدے اور ترقیاں حاصل کرنے اور ان پر قابض رہنے کے لیے کرکٹ بورڈ کی باڈی کے ساتھ ساز باز کی گیم کھیلی ہے

    پچھلے دو دن سے جس طرح ہر پاکستانی اس بات پر ماتم کدہ ہے کہ کس طرح غریب عوام کے خون پسینے کی کمائی کےکرکٹ بورڈ کا یہ شخص بٹوارے کررہا ہے ، یہ بھی سخت ردعمل اس وقت سوشل میڈیا پر جاری ہے کہ اس شخص کا سکیل کیا ہے اور کیا یہ شخص ان پڑھے لکھے افراد اور ماہرین سے زیادہ تعلیم اور معزز ہے جو ساری زندگی بڑے بڑے کارنامے سرانجام دیتے ہیں اور ان کو سکیل کی دنیا کا پابند کرکے ان کی تنخواہیں عمر اور تعلیم کے ساتھ مشروط کی جاتی ہیں لیکن سلمان نصیر کیا چیز ہے اور اس کا سکیل کیا ہے اور کیا یہ پاکستان کے کروڑوں سے ممتاز ہے جو ساری زندگی گزار دیتے ہیں لیکن ان کی تنخواہیں ہزاروں میں رہتی ہیں اور شاید کسی ایک آدھے کی لاکھ سے تجاوز کرجائے

    یہ بحث جاری ہے کہ دوسری طرف مزید انکشافات نے پاکستانیوں کو مزید غصہ دلا دیا ہے ،یہ باتیں اب منظرعام پر آنا شروع ہوگئی ہیں کہ سربراہ سلمان نصیر فی الحال پی سی بی میں ون مین شو کے طور پر کام کر رہا ہے، ۔ پہلے یہ کرکٹ بورڈ کے قانونی امور کے سربراہ اور اب سرکاری طور پر COO کے طور پر خدمات انجام دے رہے ہیں۔ وہ اکیلے ہی بورڈ کا مکمل کنٹرول سنبھالنے میں کامیاب ہو گیا ہے۔

    موجودہ سی او او سلمان نصیر سابق لیگل ایڈوائزر ابھی قانونی معاملات میں دخل اندازی کررہا ہے ، کرکٹ بورڈ کے کمرشل ہیڈ کی سیٹ خالی کو نہ تو پُر کیا جارہا ہے اور پھر اس سیٹ کے اختیارات بھی سلمان نصیراستعمال کرتے ہوئے تمام تجارتی سودے خود ہی کرتے ہیں۔

    پی ایس ایل کے لیے ڈائریکٹر کی سطح کے عہدے کے لیے ایسا معیار طلب کیا جاتا ہے کہ سلمان نصیر کی موجودگی میں کوئی اہل سے اہل شخص بھی سلیکٹ نہیں ہوسکتا پھر اس صورت میں سلمان نصیر یہ اختیار استعمال کرنے میں بڑی ہوشیاری سے کام لیتے ہیں خود کو COO کے عہدے پر فائز کرنے کے لیے اس قسم کے حربے ہر بار استعمال کیے جاتے ہیں ۔مثال کے طور پر، ڈائریکٹر کی سطح کے عہدے کے لیے 15 سال کا متعلقہ تجربہ اور ماسٹرز ڈگری کی ضرورت جب کہ COO کی سیٹ کے لئے صرف 7 سال کا تجربہ اور ایک انڈرگریجویٹ بیچلر ڈگری یہ کیسا تضاد ہے ؟

    یہ بھی معلوم ہوا ہے کہ سلمان نصیر کرکٹ بورڈ کےاندر شکایات کو بھی اپنے تک محدود رکھتے ہیں اور پھران شکایات کی آڑ میں فریقین کو دباو میں رکھتے ہوئے اپنا سفر تیزی سے آگے بڑھا رہے ہیں اہم ذرائع نے یہ بھی انکشاف کیا ہے کہ سلمان نصیر کو وفاقی وزیر خارجہ شاہ محمود قریشی اور ان کے بیٹے کی شفقت بھی حاصل ہے جس کا وہ بھرپورفائدہ اٹھاتے ہیں اوریوں یہ شخص اس وقت کرکٹ بورڈ کا سب سے طاقتور شخص بن چکا ہے جے اگرکرکٹ بورڈ میں ایک آمر کا نام دیا جائے تو وہ غلط نہیں ہوگا

    ان تمام ترحقائق کے بعد اب اگلاسوال باقی ہے کہ کیا چیئرمین کرکٹ بورڈ ان سارے معاملات کی چھان بین کرتے ہیں یا پھروہ بھی سلمان نصیر سے خوف زدہ ہیں اور عوامی مطالبے کی بجائے سلمان نصیر کی خواہشات کا احترام کرتے ہیں اس کا تو آنے والے دنوں میں ہی پتہ چلے گا ؟

    چوری دے کپڑے تےڈانگاں دے گز”قوم کے خون پسینے کی کمائی:کرکٹ کے میدان سے تہلکہ خیزرپورٹ آگئی

     پی ایس ایل سیون کیلئے نیشنل ہاکی سٹیڈیم میں 20بیڈز پر مشتمل عارضی ہسپتال قائم 

    پی ایس ایل دیکھنے والوں کو فری ماسک دینے کا اعلان

    آسٹریلیا کے خلاف ٹیسٹ سیریز کے لیے قومی اسکواڈ کا اعلان

  • مقبوضہ کشمیر:مقبول بٹ کےیوم شہادت پرہڑتال کااعلان: حریت کانفرنس کےخلاف بھارتی سازشوں کی مذمت

    مقبوضہ کشمیر:مقبول بٹ کےیوم شہادت پرہڑتال کااعلان: حریت کانفرنس کےخلاف بھارتی سازشوں کی مذمت

    سرینگر: مقبوضہ جموں وکشمیر:مقبول بٹ کے یوم شہادت پر کل ہڑتال کا اعلان:حریت کانفرنس کے خلاف بھارتی سازشوں کی مذمت ،اطلاعات کے مطابق بھارت کے غیر قانونی زیر قبضہ جموں و کشمیر میں ممتاز کشمیری رہنما محمد مقبول بٹ کی شہادت کی 38 ویں برسی کے موقع پر کل بروز جمعہ مکمل ہڑتال کی جائے گی۔

    کشمیر میڈیا سروس کے مطابق ہڑتال کی کال کل جماعتی حریت کانفرنس کے چیئرمین مسرت عالم بٹ، میر واعظ عمر فاروق اور جموں و کشمیر لبریشن فرنٹ نے دی ہے۔بھارت نے محمد مقبول بٹ کو تحریک آزادی کشمیر میں اہم کردار ادا کی پاداش میں 11 فروری 1984 کو نئی دہلی کی تہاڑ جیل میں پھانسی دے کر انکا جسد خاکی جیل کے احاطے میں ہی دفن کر دیا تھا۔

    کل جماعتی حریت کانفرنس کے رہنماو¿ں نے اپنے بیانات میں محمد مقبول بٹ کو زبردست خراج عقیدت پیش کرتے ہوئے کہا کہ شہداءکی عظیم قربانیاں تحریک آزادی کا ایک قیمتی اثاثہ ہیں ۔ انہوں نے کہا کہ کشمیری شہداءکی قربانیوں کو رائیگاں نہیں جانے دیا جائے گا اور ان کے مشن کو ہر قیمت پر پایہءتکمیل تک پہنچایا جائے گا۔

    تحریک آزادی جموں و کشمیر اور جموں و کشمیر پولیٹیکل موومنٹ کی طرف سے بھی سرینگر اور دیگر علاقوں میں پوسٹرز چسپاں کیے گئے میں جن کے ذریعے لوگوں سے کل مکمل ہڑتال کی اپیل کی گئی ہے ۔ لوگوں سے کشمیری شہداءکے لیے دعائیہ اجتماعات منعقد کرنے کو بھی کہا گیا۔

    ھارت کے غیر قانونی زیر قبضہ جموں و کشمیر میں کل جماعتی حریت کانفرنس کے جنرل سیکرٹری مولوی بشیر احمد عرفانی نے حق خودارادیت کے لیے کشمیریوں کی آواز کو دبانے کے لیے بھارتی جابرانہ اقدامات کی شدید مذمت کی ہے۔

    کشمیرمیڈیاسروس کے مطابق مولوی بشیر احمد عرفانی نے سرینگر میں جاری ایک بیان میں بھارتی ناجائز قبضے کے خلاف کشمیر کی مزاحمتی تحریک کی تاریخ کا حوالہ دیتے ہوئے کہا کہ کشمیری عوام کو تحریک آزادی کو بدنام کرنے کے حوالے سے بھارتی سازشوں اور مذموم عزائم کا تلخ تجربہ ہے۔ انہوںنے کہا کہ بھارت مقبوضہ علاقے میں حالات پر امن ہونے کا غلط تاثر دے کر بین الاقوامی برادری کو دھوکہ دینے کی پوری کوشش کر رہا ہے۔

    مولوی بشیر احمد عرفانی نے کل جماعتی حریت کانفرنس کے غیر قانونی طور پر نظر بند چیئرمین مسرت عالم بٹ کی طرف سے محمد مقبول بٹ کے یوم شہادت پر دی جانے والی ہڑتال کی کال کا اعادہ کرتے ہوئے آزادی پسند عوام سے اپیل کی کہ وہ ہڑتال کو بھر پور طریقے سے کامیاب بنائیں۔انہوں نے کہا کہ جموں و کشمیر کے آزادی پسند عوام شہید محمد مقبول بٹ کے مقدس مشن کو منطقی انجام تک پہنچانے کا عہد کرتے ہیں۔

  • یہ عورت کا حق ہے کہ وہ کیا پہننا چاہتی ہے:مودی ڈاکٹرائن کی مذمت کرتی ہوں :پرینکا گاندھی

    یہ عورت کا حق ہے کہ وہ کیا پہننا چاہتی ہے:مودی ڈاکٹرائن کی مذمت کرتی ہوں :پرینکا گاندھی

    نئی دہلی:یہ عورت کا حق ہے کہ وہ کیا پہننا چاہتی ہے:مودی ڈاکٹرائن کی مذمت کرتی ہوں :اطلاعات کے مطابق انڈین نیشنل کانگریس کی رہنما پرینکا گاندھی نے کہا ہے کہ یہ فیصلہ کرنا عورت کا حق ہے کہ وہ کیا پہننا چاہتی ہے۔

    کشمیر میڈیا سروس کے مطابق پرینکا گاندھی نے ایک ٹوئٹ میں کہا کہ چاہے وہ بکنی ہو، ‘گھونگھٹ’ ہو، جینز کا جوڑا ہو یا حجاب یہ فیصلہ کرنا عورت کا حق ہے کہ وہ کیا پہننا چاہتی ہے۔انہوں نے زور دے کر کہا کہ اس حق کی ضمانت بھارت کے آئین نے دی ہے۔انہوں نے لکھا کہ خواتین کو ہراساں کرنا بند کریں۔

    یاد رہے کہ بھارتی ریاست کرناٹک میں حجاب کا تنازعہ پہلی بار جنوری میں ضلع اڈوپی کے ایک سرکاری پی یو کالج میں شروع ہوا جہاں ہیڈ اسکارف پہن کر کلاسز میں شرکت کرنے والی چھ طالبات کو کیمپس چھوڑنے کے لیے کہا گیا۔ بعد ازاں ریاست کے دیگر کالجوں نے بھی لڑکیوں کے حجاب پہننے پر پابندی عائد کر دی ۔

     

    بھارتی اداکارائیں بھی مسکان کے ساتھ پیش آئے واقعے پر خاموش نہ رہ سکیں،اطلاعات ہیں کہ حجاب کی آڑ میں مسلمان طالبات کی حمایت میں بھارتی معروف اداکارائیں بھی میدان میں آگئی ہیں ، بھارتی میڈیا ذرائع کے مطابق اس سلسلے میں ہندو انتہاپسندوں کے جتھے کے سامنے ڈٹ کر کھڑی ہونیوالی بھارتی مسلم طالبہ کو سوشل میڈیا صارفین نے جہاں شیرنی قرار دیا وہیں طالبہ کے حق میں مختلف شعبہ زندگی سے تعلق رکھنے والی شخصیات بھی آواز بلند کررہی ہیں۔

    بھارتی میڈیا کا کہنا ہے کہ اب مسلم طالبہ مسکان کے ساتھ پیش آئے واقعے پر بھارتی اداکارائیں بھی خاموش نہ رہ سکیں۔اس حوالے سے بھارت کی معروف اور چوٹی کی اداکارہ پوجا بھٹ نے ٹوئٹر پر لکھا کہ ہمیشہ کی طرح مردوں کے ایک گروپ نے عورت کو ڈرانے کی کوشش کی۔

    پوجا بھٹ نے اس واقعے کو انسانیت کے لیے خوفزدہ قرار دیا اور کہا کہ شالوں کو ہتھیار بنانا اپنی کمزوری کو ظلم کے ذریعے چھپانے کے مترادف ہے۔

     

    ایسے ہی بھارتی اداکارہ سوارا بھاسکر نے بھی اس واقعے کو بھارت کے لیے شرمناک قرار دیا۔

     

    واضح رہےکہ کرناٹک میں کالج آنے والی باحجاب مسلم طالبہ مسکان کو انتہا پسندوں نے ڈرایا دھمکایا لیکن طالبہ نے بھی ڈٹ کر ہراساں کرنے والوں کا مقابلہ کیا، انتہا پسندوں نے طالبہ کے سامنے جے شری رام کے نعرے لگائے جس کا جواب طالبہ نے ’اللہ اکبر‘ کے نعروں سے دیا۔

     

     

    اس سے پہلے آج اور کل مسکان کو خراج تحسین پیش کرنے کا سلسلہ جاری و ساری ہے ، یہی وجہ ہے کہ ہندو انتہاپسندوں کے جتھے کے سامنے ڈٹ کر کھڑی ہونیوالی طالبہ کو سوشل میڈیا صارفین نے شیرنی قرار دے دیا۔

    بھارتی ریاست کرناٹک میں زعفرانی رنگ کے مفلر پہنے انتہا پسندوں کا ڈٹ کر مقابلہ کرنے کے بعد مسلمان طالبہ مسکان ٹوئٹر پر ٹرینڈ کررہی ہیں۔

    مسکان نامی بھارتی طالبہ ٹوئٹر پر ہیش ٹیگ مسکان اور ہیش ٹیگ اللہ اکبر سے ٹرینڈ کررہی ہیں جس میں مختلف ٹوئٹس کے ذریعے سوشل میڈیا صارفین مسکان کے حق میں اور مسلم مخالف واقعات پر آواز بلند کررہے ہیں۔

    جہاں مسکان کو سوشل میڈیا صارفین شاندار خراج تحسین پیش کررہے ہیں وہیں پاکستان کی سیاسی شخصیات اور وزرا نے بھی ان کی دلیری کو سراہا۔

     

    وزیر مملکت زرتاج گل نے بھی ایک ایڈیٹ شدہ تصویر شیئر کرتے ہوئے لکھا کہ یہی وہ صورتحال ہے جس سے متعلق وزیراعظم عمران خان نے مغرب کو خبردار کیا تھا۔زرتاج گل نے اپنی ٹوئٹ میں بھارت کو اقلیتوں اور خواتین کے لیے انتہائی خطرناک ملک بھی قرار دیا۔

     

    https://twitter.com/AliHassan__92/status/1491231738118684675?ref_src=twsrc%5Etfw%7Ctwcamp%5Etweetembed%7Ctwterm%5E1491231738118684675%7Ctwgr%5E%7Ctwcon%5Es1_&ref_url=https%3A%2F%2Furdu.geo.tv%2Flatest%2F277069-

    علی حسن نامی صارف نے مسکان کی ویڈیو شیئر کرتے ہوئے لکھا کہ 100 کے مقابلے میں ایک شیرنی، آپ کسی ہیرو سے بڑھ کر ہو۔

     

    https://twitter.com/SufianAyub3/status/1491265958568394755?ref_src=twsrc%5Etfw%7Ctwcamp%5Etweetembed%7Ctwterm%5E1491265958568394755%7Ctwgr%5E%7Ctwcon%5Es1_&ref_url=https%3A%2F%2Furdu.geo.tv%2Flatest%2F277069-

    ایک صارف نے مسکان اور باحجاب خواتین کے حق میں آواز بلند کرتے ہوئے لکھا کہ حجاب صرف ہماری مذہبی شناخت نہیں ہے بلکہ ہمارا وقار ہے ، یہ اللہ رب العزت کا حکم ہے ۔

     

    حلیمہ نامی صارف نے مسکان سمیت فلسطین سے باہمت خواتین کی تصاویر شیئر کرتے ہوئے لکھا کہ ہماری خواتین ہی تمہارے لیے کافی ہیں۔

     

    ایک صارف نے مسکان کی تصویر شیئر کی اور ٹوئٹ کی کہ وہ آئی ، دیکھا اور فتح کرلیا ۔

     

    وفاقی وزیر اسد عمر نے بھی اپنی ٹوئٹ میں مسکان کی بہادری کو سراہتے ہوئے سلام پیش کیا۔

     

     

    بھارتی ڈراموں کے مشہور اداکار علی گونی جو بگ باس کا حصہ بھی رہ چکے ہیں، انہوں نے بھی مسلم طالبہ کی انتہاپسند ہندوؤں کے سامنے نعرہ تکبیر بلند کرنے کی ویڈیو اپنی انسٹا اسٹوری پر شیئر کرتے ہوئے طالبہ کو ’’شیرنی‘‘ قرار دیا۔ دوسری طرف اداکارہ سوارہ بھاسکر نے بھی طالبہ کی ویڈیو کو ٹوئٹ کراتے ہوئے بھارت کی صارتحال کو شرمناک قرار دیا۔

  • راجہ پرویز اشرف اور شہبازشریف کسی بھی وقت گرفتار ہوسکتے ہیں:اہم شخصیت کا دعویٰ

    راجہ پرویز اشرف اور شہبازشریف کسی بھی وقت گرفتار ہوسکتے ہیں:اہم شخصیت کا دعویٰ

    لاہور:راجہ پرویز اشرف اور شہبازشریف کسی بھی وقت گرفتار ہوسکتے ہیں:اہم شخصیت کا دعویٰ ا،طلاعات کے مطابق پی این این پر گفتگو کرتے ہوئے کھرا سچ کے میزبان سنیئر صحافی مبشرلقمان نے وہاں پینل میں موجود پی پی اور نون لیگی رہنما سے پوچھتے ہوئے کہا کہ کیا آپ کو علم ہے کہ چند دن تک شہبازشریف اور راجہ پرویز اشرف کو گرفتار کیا جاسکتا ہے

    اس پر ن لیگ کی مریم اورنگزیب نے عمران خان کے فیصل آباد کے خطاب کے حوالے سے گفتگو کے ساتھ اس طرف بات کرنا چاہی تو اس دوران سینئر صحافی مبشرلقمان نے انکشاف کرتے ہوئے بتایا کہ ان کی اطلاع کے مطابق شہبازشریف اور راجہ پرویز اشرف کو گرفتار کرنے کے لیےکچھ لوگوں کی ذمہ داری لگا دی گئی ہے

     

    مبشرلقمان نے اس کی وجہ بھی بتاتے ہوئے کہا کہ گرفتار کرنے والوں کا خیال ہے کہ وہ ان دو احباب کو اس وقت تک گرفتار کریں جب تک الیکشن نہیں ہوجاتے ہیں ، ان کا یہ بھی کہنا تھاکہ ان کو بتانےوالوں نے یہ بھی بتایا ہے کہ ان دونوں احباب کی گرفتاری کا فیصلہ ہوچکا ہے

    مبش لقمان نے اس کے ساتھ یہ بھی بتایا کہ ہوسکتا ہے کہ الیکشن وقت سے پہلے ہوں اور اس صورت میں حکومت کامیابی حاصل کرنے کے لیے یہ طریقہ کار استعمال رکے

  • وزیراعظم عمران خان کوملازمین پرترس آگیا:سرکاری ملازمین کی تنخواہوں میں اضافے کا اعلان

    وزیراعظم عمران خان کوملازمین پرترس آگیا:سرکاری ملازمین کی تنخواہوں میں اضافے کا اعلان

    اسلام آباد: وزیراعظم عمران خان کوملازمین پرترس آگیا:سرکاری ملازمین کی تنخواہوں میں اضافے کا اعلان ،اطلاعات کے مطابق وزیراعظم عمران خان جوکہ پچھلے کئی دنوں سے ملازمین کی تنخواہوں کے حوالے سے فکرمند تھے اور کئی اہم فورمز پر وہ پرائیویٹ سیکٹر کو بھی درخواست کرچکے ہیں کہ ملازمین کی تنخواہیں بڑھائی جائین آج اچانک خود ہی فیصلہ کرکے پاکستان کے سرکاری ملازمین کے دل جیت لیے ہیں ،

    اس حوالے سے معلوم ہوا ہے کہ حکومت نے کم تنخواہ والے سرکاری ملازمین کی تنخواہ میں اضافے کا اعلان کردیا۔

    ذرائع کے مطابق حکومت نے کم تنخواہ والے سرکاری ملازمین کی تنخواہ میں 15 فیصد اضافے کا اعلان کردیا، تنخواہوں میں اضافے کا اطلاق یکم مارچ سے ہوگا۔ ذرائع کے مطابق بی ایس 1 سے 19 گریڈ تک کے سرکاری ملازمین کی بنیادی تنخواہ پر 15 فیصد اضافہ کیا جائے گا۔

    وزارت خزانہ کا کہنا ہے کہ 15 فیصد سپیرٹی الاؤنس میں اضافے کی سفارش کردی گئی ہے، صوبائی حکومتوں کو بھی ملازمین کو اپنے فنڈز سے الاؤنس دینے کی سفارش کی گئی ہے۔ترجمان وزارت خارجہ کا کہنا ہے کہ ایڈہاک ریلیف الاؤنس بنیادی تنخواہ میں ضم کرنے کا فیصلہ بعد میں ہوگا، ٹائم اسکیل پروموشن کی سمری پر بھی غور کیا جارہا ہے۔

    اس سے قبل سینیٹر فیصل جاوید نے خوشخبری سناتے ہوئے کہا ہے کہ مہنگائی میں کمی آنے کے ساتھ تنخواہوں میں بھی اضافہ کیاجائے گا۔فیصل جاوید کا کہنا تھا کہ ریکارڈ ایکسپورٹس، ترسیلات اور ریونیو کلیکشن سے چند ہفتے میں مہنگائی میں کمی آئے گی۔

    پی ٹی آئی رہنما نے مزید کہا کہ کسان اورمزدور کی آمدنی کے ساتھ فی کس آمدنی میں اضافہ ہوا ، تنخواہ دار طبقے کی مشکلات کا اندازہ ہے، مہنگائی میں کمی آنے کے ساتھ تنخواہوں میں بھی اضافہ کیاجائے گا، ہیلتھ انشورنس سب کوپہنچائی جارہی ہے۔

    یاد رہےکہ چند دن پہلے وزیراعظم نے جہاں پرائیویٹ سیکٹر سے مزدوروں اور دیگر ملازمین کی تنخواہیں بڑھانے کی درخواست کی تھی وہاں خود بھی اس خواہش کا اظہار کیا تھا کہ سرکاری ملازمین مہنگائی کی وجہ سے پریشان ہیں اور وہ چاہتے ہیں کہ ان کی تنخواہیں بڑھا دوں ، آج کے فیصلے نے وزیراعظم کے اس اعلان کو عملی جامعہ پہنا دیا ہے

    ادھر اس وقت سرکاری ملازمین بہت زیادہ خوش ہیں اور وہ حکومت اور وزیراعظم کے بہت زیادہ مشکور ہورہے رہیں‌

  • احسن اقبال سےبیک ڈوررابطےاحمد جواد کوPTIسےدور :ن لیگ کےقریب لےآئے:ن لیگ میں شمولیت کی دعوت

    احسن اقبال سےبیک ڈوررابطےاحمد جواد کوPTIسےدور :ن لیگ کےقریب لےآئے:ن لیگ میں شمولیت کی دعوت

    لاہور:احسن اقبال سےبیک ڈوررابطے احمد جواد کو پی ٹی ائی سے دورجبکہ ن لیگ کے قریب لے آئے:ن لیگ میں شمولیت کی دعوت،اطلاعات کے مطابق ن لیگ کے سیکرٹری جنرل احسن اقبال نے سابق سیکرٹری اطلاعات پی ٹی آئی احمد جواد کو پارٹی میں شمولیت کی دعوت دے دی ہے

    ذرائع کے مطابق بدھ کے روز رہنما ن لیگ احسن اقبال کی ملاقات پی ٹی آئی کے سابق رہنما احمد جواد سے ہوئی جس میں انہوں نے سابق سیکرٹری اطلاعات کو ن لیگ میں شامل ہونے کی دعوت دی۔یہ بھی معلوم ہوا ہے کہ یہ دعوت اچانک نہیں بلکہ اس کے پیچھے کئی مہینوں کی محنت کارفرما ہے

     

    ادھر اس حوالے سے مزید معلوم ہوا ہے کہ اس موقع پر احسن اقبال کا کہنا تھا کہ احمد جواد دیرینہ دوست ہے،ان سے مل کر خوشی ہوئی ہے جبکہ ملاقات میں موجودہ سیاسی صورتحال اور پاکستان کو درپیش چیلنجز پر گفتگو ہوئی۔اس کے علاوہ احسن اقبال نے احمد جواد کے جرات مندانہ مؤقف کی تعریف کی۔

    واضح رہے کہ گزشتہ ماہ پی ٹی آئی کے سابق مرکزی سیکرٹری اطلاعات احمد جواد نے تحریک انصاف کی پالیسیوں پر آواز اُٹھائی تھی اور وزیراعظم کے قریبی ساتھیوں کو ہدفِ تنقید بنایا تھا،اس کے علاوہ انہوں نے پی ٹی آئی دور حکومت میں ارب پتی بننے والوں کے نام بھی سامنے لانےکا اعلان کیا تھا۔

    تاہم اس کے بعد تحریک انصاف نے اعلامیہ جاری کیا تھا جس کے مطابق سابق مرکزی سیکرٹری اطلاعات احمد جواد کی پارٹی رکنیت قیادت کےخلاف بے بنیاد الزامات لگانے کی وجہ سے ختم کردی گئی تھی۔

     

    دوسری طرف بیک دی ڈور رابطوں کی تصدیق کرتے ہوئے احمد جواد نے تسلیم کیاکہ ‏احسن اقبال کے ساتھ دو دفعہ برلن میں جرمن تھینک ٹینک کے سیمینار سے خطاب کیا،دونوں دفعہ مخالف جماعت کا ہونے کے باوجود احسن اقبال کے تدبر اور علم و فراست سے متاثر ہوا۔چین کے ایوانوں میں انہیں مسٹر سی پیک کے نام سے جانا جاتا ہے،سی پیک میں اُن کی خدمات کوسب سے زیادہ سراہا جاتا ہے

  • امریکا پاکستان کیساتھ ملکر کالعدم ٹی ٹی پی کوختم کرنے کےلیے حاضرہے:امریکی جنرل کا کانگریس میں اعلان

    امریکا پاکستان کیساتھ ملکر کالعدم ٹی ٹی پی کوختم کرنے کےلیے حاضرہے:امریکی جنرل کا کانگریس میں اعلان

    لاہور:امریکا پاکستان کیساتھ ملکر کالعدم ٹی ٹی پی کوختم کرنے کےلیے حاضرہے:امریکی جنرل کا کانگریس میں پالیسی بیان،اطلاعات کے مطابق امریکی فوج نے عزم کا اظہار کرتے ہوئے کہا ہے کہ پاکستان کیساتھ مل کر کالعدم تحریک طالبان پاکستان (ٹی ٹی پی) کا خاتمہ کرینگے۔

    امریکی افواج سنٹرل کمانڈ کے اگلے کمانڈر لیفٹیننٹ جنرل مائیکل کوئریلا نے امریکی کانگریس کو بتایا امریکا پاکستان کے ساتھ ملکر کالعدم تحریک طالبان پاکستان کا خاتمہ چاہتا ہے، کالعدم ٹی ٹی پی پرتشدد دہشت گردتنظیم ہے جو پاکستان کے لیے خطرات پیدا کرتی ہے۔ اسلام آباد اور واشنگٹن کی مشترکہ مفادات فہرست میں”تمام دہشت گرد تنظیموں” کا خاتمہ اور افغانستان میں مستحکم حکومت کا قیام بھی شامل ہے۔

    اپنی بات کو جاری رکھتے ہوئے انہوں نے کہا کہ افغانستان کے اندر انسانی بحران کے باعث مہاجرین کی بڑی تعداد کے پاکستان ہجرت کرنے کا خدشہ موجود ہے کیونکہ مشکل حالات میں بسنے والے افغان شہری پہلے ہی ملک چھوڑ کر جانا شروع ہو چکے ہیں۔

    بریفنگ کے دوران انہوں نے بتایا کہ پاکستان کے ساتھ ہر ممکن حد تک کام جاری رکھنا چاہتے ہیں، اسلام آباد کے خطے میں عسکریت پسند گروپوں سے نمٹنے کے طریقہ کار پر امریکا کے ساتھ بعض اوقات مخالفانہ تعلقات رہے ہیں لیکن واضح کرتا چلوں ہمارے مفادات مشترکہ ہیں۔

    خیال رہے کہ افغانستان میں موجود کالعدم تحریک طالبان پاکستان (ٹی ٹی پی) کیخلاف آپریشن کے لیے متعدد بار پاکستان افغان طالبان کو کہہ چکا ہے کہ دہشتگردوں خلاف کارروائی کی جائے۔

    یاد رہے کہ چند ماہ قبل وزیراعظم عمران خان نے ترک میڈیا کو انٹرویو دیتے ہوئے کہا تھا کہ افغان طالبان کی معاونت سے کالعدم ٹی ٹی پی کے ساتھ کچھ گروپوں کے ساتھ مذاکرات کر رہے ہیں۔

    اس دوران وفاقی وزیر اطلاعات فواد چودھری نے چند روز بعد میڈیا سے گفتگو کرتے ہوئے بتایا تھا کہ حکومت اور کالعدم ٹی ٹی پی کے درمیان ایک ماہ کے لیے سیز فائر ہو چکا ہے، تاہم کالعدم ٹی ٹی پی نے خود ساختہ طور پر خود ہی اس سیز فائر کو توڑنے کا اعلان کیا تھا۔

    5 جنوری کو میڈیا سے گفتگو کے دوران ترجمان پاک فوج میجر جنرل بابر افتخار نے کہا تھا کہ کالعدم تحریک طالبان پاکستان (ٹی ٹی پی) کے خلاف آپریشن ہو رہا ہے، موجودہ افغان حکومت کی درخواست پر کالعدم تحریک طالبان پاکستان (ٹی ٹی پی) سے مذاکرات کا آغاز کیا گیا لیکن کچھ چیزیں ناقابل قبول تھیں، تنظیم غیر ریاستی عنصر ہے جو پاکستان میں کوئی بڑا حملہ نہیں کر سکی۔ کالعدم ٹی ٹی پی میں اندورنی اختلافات بھی ہیں جبکہ افغان حکومت کو کہا ہے کہ اپنی سرزمین کو ہمارے خلاف استعمال نہ ہونے دیں۔

    ڈی جی آئی ایس پی آر نے حالیہ مذاکرات کا حوالہ دیتے ہوئے کہا کہ کالعدم تحریک طالبان پاکستان کے ساتھ کوئی مذاکرات نہیں ہورہےنہ ان کے ساتھ اب جنگ بندی کا کوئی معاہدہ ہے،آپریشن جاری ہے کالعدم ٹی ٹی پی کے ساتھ جنگ بندی کا معاہدہ نو دسمبرکوختم ہوگیا۔جنگ بندی کایہ معاہدہ غیرریاستی جنگجوعناصر کے ساتھ مذاکرات سے قبل موجودہ افغان حکومت کی درخواست پراعتماد سازی کےلیے اٹھایا گیا۔