Author: +9251

لاہور:لاہور:دواہم ترقیاتی منصوبوں میں حکومتی شخصیات کو نوازے جانے کے الزامات سامنے آگئے،اطلاعات کے مطابق ضلعی حکومت لاہور پر اس حوالے سے سخت الزامات سامنے آگئے ہیں جن میں کہا گیا ہےکہ حکومت نے اپنےپسندیدہ افراد کو نوازنے کی کوشش کی ہے ،

اس حوالے سےلاہور کے دو بڑے اور اہم منصوبوں کی تعمیر کے حوالے سے کہا جارہاہے کہ حکومت کی طرف سے یہ منصوبے شروع کرنے کا بڑا مقصد اپنے پسندیدہ لوگوں کو مالی فائدہ پہنچانا ہے، اس میں ایک منصوبہ کاہنہ فلائی اور سے لے کر گلشن احباب تک سڑک کی تعمیرکا ہے جبکہ دوسرا منصوبہ خیرہ ڈسٹی بیوٹری سے لیکر کالج روڈ کو ایک طرف چھوڑے ہوئے ریلوے لائن کے ساتھ تک ہے

[wp-embedder-pack width=”100%” height=”400px” download=”all” download-text=”” attachment_id=”461166″ /]

کہا جارہاہےکہ یہ دونوں منصوبے کم وبیش 570 ملین روپے کی مالیت کےہیں اور ان دونوں منصوبوں میں عوام الناس کو فائدہ کم جبکہ حکومتی شخصیات کو زیادہ ہے ، اس منصوبے میں کسی بڑے فائدہ کو سامنے نہیں رکھا گیا ، مثلا کالج روڈ جہاں ہر وقت بہت زیادہ ٹریفک کا رش لگا رہتا ہے اور یہاں واقعی ایک چوڑی اور کارپٹ سڑک کی ضرورت تھی اسے بالکل ہی نظر انداز کردیا گیا ہے ، اس منصوبے کےمطابق کالج روڈ جسے منسلک ہونا چاہیے تھا اڑھائی کلومیٹر دور سے گزر رہا ہے جس کا بالکل ہی فائدہ نہیں ہے

ایسے ہی یہ بھی معلوم ہوا ہےکہ ان دونوں منصوبوں میں ضلعی حکومت کے ایسے لوگ مستفید ہورہے ہیں جن کا اس منصوبے کی تیاری میں کوئی نہ کوئی کردار ضرور ہے

اطلاعات کے مطابق ان میں پہلا جو فائدہ پہنچایا جارہا ہے وہ پی ٹی آئی ایم پی اے عون چوہدری کے بھائی چوہدری امین ہیں جوکو فائدہ پہنچانے کےلیے اس منصوبے کی غلط بنیاد رکھی گئی ہے

[wp-embedder-pack attachment_id=”461166″ /]

ملک شہباز پریس آف آئی ای پی سوسائٹی اور ابدالیان فیز 2 کے لینڈ پروکیورر ہیں ایسے ہی ہائی کورٹ فیز 2 سوسائٹی کی اہم کاروباری شخصیات بھی اس منصوبے سے فائدہ اٹھا رہی ہیں

یہ بھی کہاجارہاہے کہ اس منصوبے سے ایک اہم کاروباری شخصیت چوہدری طاہر گجر ہیں جن کے بارے میں بتایا جارہاہے کہ وہ پرائیویٹ زمین کے مالک ہیں۔اس کے ساتھ ساتھ ایل ڈی اے کے متعدد سرمایہ کار جنہوں نے گزشتہ دو ماہ میں ان سڑکوں کے ارد گرد زمینیں خریدی ہیں وہ بھی اس منصوبے سے فائدہ اٹھا رہے ہیں اور قوم کے 570 ملین روپے کو فقط اپنی جیب میں ڈالنے کےلیے ایسے منصوبے شروع کررہے ہیں جن کا عوام کو کم اور مال بنانے والوں کو زیادہ فائدہ ہے

لاہور:لاہور میں پی ایس ایل میچز: طے شدہ پلان : چیف سیکرٹری، آئی جی، کمشنر اور سی سی پی او لاہورکی بریفنگ،اطلاعات کے مطابق وزیر قانون راجہ بشارت نے پی ایس ایل کے لاہور میں ہونے والے میچز میں مقامی اور غیر ملکی کھلاڑیوں کی نقل و حرکت بلٹ پروف گاڑیوں میں ہوگی، طے شدہ پلان پر عملدرآمد یقینی بنایا جائے۔

وزیر قانون راجہ بشارت کی زیر صدارت قذافی سٹیڈیم میں اعلی سطحی اجلاس ہوا، جس میں پی ایس ایل سکیورٹی کا جائزہ لیا گیا۔ چیف سیکرٹری، آئی جی نے اجلاس میں شرکت کی۔ کمشنر اور سی سی پی او لاہور نے سکیورٹی پلان پر اجلاس کے شرکت کو بریفنگ دی۔

راجہ بشارت کا کہنا تھا کہ طے شدہ سیکیورٹی پلان پر اس کی روح کے مطابق عملدرآمد یقینی بنایا جائے، وزیر قانون نے روٹ پر خراب کیمرے فوری تبدیل کر کے نئے لگانے کی ہدایت جاری کیں۔ ان کا کہنا تھا کہ اہل لاہور ماضی کی طرح مہمانوں کو خندہ پیشانی سے خوش آمدید کہیں، شہری کھیلوں کی بحالی کیلئے حکومتی انتظامات میں تعاون کریں۔

چیف سیکرٹری پنجاب کامران افضل کا کہنا تھا کہ پارکنگ ایریاز کے بارے میں میڈیا پر تشہیری مہم چلائی جائے۔ آئی جی کا کہنا تھا کہ اتوار کو تمام ادارے مشترکہ فرضی مشق کریں گے۔

کراچی: پل بھرمیں ؛ملک بھر میں :اسٹیٹ بینک آف پاکستان نے راست کے تحت فرد تا فرد رقم کی مفت منتقلی کی سہولت متعارف کرادی ،اطلاعات ہیں کہ اسٹیٹ بینک آف پاکستان نےحکومتی غلامی سے نجات کے فوری بعد ایسے اقدامات شروع کردیئے ہیں کہ جن کے اپنانے سے عوام الناس کا اعتماد بہت جلد بحال بھی ہوگا اور بڑھے گا بھی ، اسٹیٹ بینک آف پاکستان کی طرف سے نئے اقدامات نے عوام الناس کے دل جیت لیئے ہیں ، اسٹیٹ بینک نے بینکوں ‘راست’ کے تحت فرد تا فرد (پی 2 پی) رقم کی مفت منتقلی کی سہولت فراہم کرنے کی ہدایت کی ہے، راست رقوم کی ادائیگی کا ایک ڈیجیٹل نظام ہے۔

اس حوالے سے میڈیا ذرائع کے مطابق مرکزی بینک نے کہا کہ اس نے بینکوں کو ملک میں راست کے ذریعے پی 2 پی ادائیگیاں شروع کرنے کی ہدایت کی ہے،یہ بھی کہا جارہا ہےکہ مرکزی بینک ڈیجیٹلائزیشن کے ذریعے مالیاتی نظام میں اصلاحات اور ادائیگی کے نظام میں بہتری کے لیے سخت محنت کر رہا ہے اور ادائیگی کے نظام کو کم سے کم وقت کے ساتھ فاسٹ ٹریک پر لانے کے لیے کئی اقدامات کیے گئے۔

یہ بھی معلوم ہوا ہے کہ راست اسٹیٹ بینک کا تیار کردہ پاکستان کا پہلا فوری ادائیگی کا نظام ہے جو پاکستانی عوام کو ڈیجیٹل ادائیگی کی فوری اور معتبر ہسولت فراہم کرتا ہے، اردو زبان کے لفظ راست کا مطلب صحیح اور سیدھا ہے۔

بیان میں کہا گیا کہ اسٹیٹ بینک سمجھتا ہے کہ راست فرد سے فرد سروس سے نہ صرف صارفین کو آسان دشواریوں سے پاک اور مفت ڈیجیٹل فنڈ ٹرانسفر کی سہولت ملے گی اور ایک مؤثر اور سازگار ادائیگیوں کا انفرا اسٹرکچر بھی مہیا ہوگا جو معیشت کی ڈیجیٹائزیشن اور ملک میں ڈیجیٹل مالیاتی سروس کے فروغ کی راہ ہموار ہوگی۔

اس ضمن میں اسٹیٹ بینک نے یوٹیوب اور اپنی ویب سائٹ پر ایک وضاحتی ویڈیو بھی جاری کی جو آسان الفاظ میں بیان کرتی ہے کہ راست کے ذریعے ادائیگیاں اور رقوم کس طرح منتقل کی جائیں۔

اسٹیٹ بینک نے کہا کہ ‘راست’ فرد تا فرد رقوم کی منتقلیوں اور سیٹل منٹ خدمات کے تحت بینک صارفین اپنے بینک کی موبائل ایپلیکیشن، انٹرنیٹ بینکاری اور اوور دی کاؤنٹر خدمات استعمال کرتے ہوئے اپنے اکاؤنٹس میں رقوم بھیجنے اور اسے وصول کرنے کی سہولت سے استفادہ کریں گے۔

بینک کا کہنا تھا کہ صارفین کے لیے آسانی یہ ہے کہ وہ بینک کی موبائل ایپلیکیشن، انٹرنیٹ بینکنگ کے ذریعے یا بینک کی برانچ میں جا کر اپنے رجسٹرڈ موبائل فون نمبر کو اپنی راست آئی ڈی بنا کر اسے اپنے ترجیحی انٹرنیشنل بینک اکاؤنٹ نمبر (آئی بی اے این) سے منسلک کرسکیں گے۔

اسٹیٹ بینک کی طرف سے جاری بیان میں بتایا گیا کہ جب صارف موبائل نمبر کو اپنی راست آئی ڈی بنالے گا تو دیگر افراد یہ موبائل فون استعمال کر کے اسے رقم بھیج سکیں گے، انہیں اکاؤنٹ نمبر یا کوئی اور تفصیل جاننے کی ضرورت نہیں ہوگی۔

دوسری جانب بینک صارفین کے پاس اگر راست آئی ڈی موجود نہ ہو یا وہ آئی بی اے اینکے استعمال کو ترجیح دیتے ہیں تو بھی اپنے آئی بی اے این کے ذریعے راست سروس کو رقوم بھیجنے اور وصول کرنے کے لیے استعمال کرسکتے ہیں۔

اسٹیٹ بینک نے بینکوں کو ہدایت کی کہ وہ موبائل ایپلیکیشن، انٹرنیٹ بینکنگ اور برانچ کاؤنٹرز سمیت کم از کم 3 ذریعوں (چینلز) پر راست فرد سے فرد رقم کی منتقلی کی سہولت فراہم کریں۔

مرکزی بینک کے مطابق بہت سے بینکوں نے تمام ضروری تکنیکی اپگریڈز اور دیگر تیاریاں مکمل کرلی ہیں اور اکاؤنٹ ہولڈرز کو ‘راست’ پی 2 پی خدمات فراہم کررہے ہیں۔

اسلام آباد :ممکن ہے قومی اسمبلی کی مدت میں ایک سال کی توسیع ہو جائے:پی ٹی آئی رہنما ریاض فتیانہ کے بیان پرطوفان کھڑے ہوگئے،اطلاعات کے مطابق پاکستان تحریک انصاف کے رہنما ریاض فتیانہ کا کہنا ہے کہ بینظیر بھٹو کے خلاف بھی عدم اعتماد آئی لیکن کامیاب نہیں ہوئی۔آئندہ بھی اس کے دور دور تک کوئی امکانات نظر نہیں آرہے۔قومی اسمبلی میں یا جوائنٹ سیشن میں جب بھی وٹنگ ہو تو حکومت کو کامیابی جبکہ اپوزیشن کو شکست ہوئی ہے۔مجھے نہیں لگتا قومی اسمبلی میں کوئی گروپ عدم اعتماد کے لیے پر تول رہا ہو۔

تحریک انصاف کے رہنما ریاض فتیانہ کا کہنا ہے کہ کرونا کی وجہ سے پارلیمنٹ دو سال تو کام ہی نہیں کر سکی۔میری رائے میں ہو سکتا ہے کہ قومی اسمبلی کی مدت میں ایک سال کی توسیع ہو جائے۔جس کا مطلب یہ ہے کہ یہ اسمبلی 2024 تک قائم رہ سکتی ہے۔آئینی طور پر اس کی گنجائش موجود ہے۔ریاض فتیانہ نے کہا کہ اتنا عرصہ لاک ڈاؤن رہا جس کی وجہ سے اسمبلی بند رہی۔تحریک انصاف کے رہنما ریاض فتیانہ کا کہنا ہے کہ اس کی گنجائش موجود ہے اور یہ راستہ نکل سکتا ہے۔

ریاض فتیانہ نے کہا کہ یہ بات میں اپنی ذاتی رائے میں دے رہا ہوں جس پر بحث کی جاسکتی ہے۔کیونکہ قومی اسمبلی کو اپنی مدت پوری کرنے کے ساتھ ساتھ فنکشن بھی کرنا چاہیے۔بند دروازوں کے ساتھ اسمبلی کی مدت پوری نہیں ہوتی۔قبل ازیں ایک بیان میں ریاض فتیانہ نے کہا کہ ہ کرپشن پی ٹی آئی کا رکن کرے یا اپوزیشن، معافی نہیں، میں نے حکومت یا کسی فرد کیخلاف بات نہیں کی، میرے حوالے سے دو جگہوں پر انکوائری ہورہی ہے، نتائج پر تبصرہ نہیں کرتا۔

تحریک انصاف کے رہنما ریاض فتیانہ کا کہنا ہے کہ ابھی مجھے کسی نے نہیں بلایا، وزیراعظم بلائیں گے تو ضرور جاؤں گا، میرا ان کے ساتھ ذاتی جھگڑا نہیں ہے۔ریاض فتیانہ نے کہا کہ گلاسگو کانفرنس میں قائد اعظم، وزیر اعظم کی تصویر ہونی چاہئے تھی، وہاں لگڑ بگڑ کی تصویر کی جگہ پاکستان کے سیاحتی مقامات کی تصویر ہونی چاہئے تھی۔

لاہور: علما عوامی مسائل کے حل کے لیے حکومت کی رہنمائی کریں: پرویز الٰہی کی طاہراشرفی سے بات چیت ،اطلاعات کے مطابق اسپیکر چودھری پرویز الٰہی نے متحدہ علما بورڈ کے چیئرمین طاہر اشرفی اور وفد کے دیگرافراد سے گفتگو کرتے ہوئے کہا ہے کہ علماء عوامی مسائل کے حل کے لیے حکومت کی رہنمائی کریں۔

اسپیکر چوہدری پرویز الہی سے چیرمین متحدہ علماء بورڈ طاہر محمود اشرفی اور مجلس احرار اسلام کے امیر مرکزیہ سید محمد کفیل بخاری، مرکزی ڈپٹی سیکرٹری جنرل میاں محمد ادریس اور محمد قاسم چیمہ نے سپیکر چیمبر میں ملاقات کی۔

اس موقع پر پرویز الہی کا کہنا تھا کِہ متحدہ علماء بورڈ، مجلس احرار اسلام نے ملک کے اندر فرقہ وارانہ تشدد اور انتہاپسندی کے خاتمے کے لیے بھرپور اور نمایاں کردار ادا کیا، ہم میں ایک دوسرے کی بات برداشت کرنے، سننے اور قبول کرنے کا جذبہ ہونا چاہیے۔

حافظ طاہر محمود اشرفی اور سید محمد کفیل بخاری نے کہا کہ پنجاب اسمبلی میں اتفاق رائے سے مذہبی اور ختم نبوت پر قانون سازی میں آپ کا کردار انشاء اللہ سنہری حروف سے لکھا جائے گا۔

متحدہ علماء بورڈ اور مجلس احرار اسلام دینی خدمات پیش کرنے پر سپیکر چودھری پرویز الٰہی کو خراجِ تحسین پیش کرتے ہیں۔ حافظ طاہر محمود اشرفی نے کہا کہ آپ کے دورِ حکومت میں بین المذاہب ہم آہنگی کو فروغ دیا گیا۔