Author: +9251

کراچی :کورونا پھرسراٹھانے لگا :سندھ میں تقریبات، اسکولز، ہوٹلز سے متعلق نیا حکم نامہ جاری،اطلاعات کے مطابق محکمہ داخلہ سندھ نےکورونا ایس اوپیز سے متعلق نیاحکم نامہ جاری کر دیا۔

محکہ داخلہ سندھ سے جاری حکم نامہ کے مطابق کراچی اورحیدرآباد میں ان ڈور تقریبات پر15فروری تک پابندی عائد عائد کر دی گئی ہے۔ آؤٹ ڈور تقریبات میں 300 افرادکی شرکت کی اجازت ہوگی۔

سندھ کے دیگرشہروں میں ان ڈور300افرادکوشرکت کی اجازت ہوگی جب کہ آؤٹ ڈور تقریبات میں 500 افراد کو آنے کی اجازت ہو گی۔ تقریبا ت میں شریک ہونےوالےتمام افرادکاویکسینیٹڈہونالازمی قرار دیا گیا ہے۔ تقریبات میں کھانا ڈبوں میں پیش کرنےکو فروغ دینے کی ہدایت کی گئی ہے۔

نئے حکم نامہ میں کہا گیا ہے کہ 24 جنوری سےکراچی، حیدرآبادمیں ریسٹورنٹس میں انڈور کھانے پرپابندی ہو گی جب کہ آؤٹ ڈورڈائن ان بھی ویکسینیٹڈ افراد کے لیے ہو گی۔

دوسری طرف کراچی اورحیدرآبادمیں ان ڈورجم میں50فیصدافرادکوآنےکی اجازت ہوگی۔ جم میں آنےوالےتمام افرادکاویکسینیٹڈ ہونا لازمی ہوگا۔ سندھ کےدیگرشہروں میں ان ڈوراورآؤٹ ڈورڈائن ان کی اجازت برقرار ہے۔ ٹیک اووے، ڈرائیوتھرو اور ہوم ڈیلوری کی اجازت برقرار رکھی گئی ہے۔

حکم نامہ کے مطابق کراچی اور حیدرآباد میں سینماگھر میں50 فیصد سے زائد افراد نہ ہوں۔ کراچی،حیدرآبادمیں گنجائش کے 50 فیصد سے زائد افراد پارک میں نہیں آسکتے جب کہ 12 سال سےکم عمر بچے متبادل دنوں میں اسکول جائیں گے۔

کراچی اور حیدرآباد میں 12سال سے زائد عمر کے بچوں کی حاضری 100 فیصدرکھنےکی اجازت ہے۔ یکم فروری سے 12 سال سے زائدعمرکےبچوں کاویکسینیٹڈہونالازمی ہوگا۔

مارکیٹ،دیگرکاروباری سرگرمیوں کےاوقات کار پر کوئی پابندی نہیں لگائی گئی۔ پبلک ٹرانسپورٹ میں 70 فیصد سے زائد افراد سفر نہیں کرسکیں گے۔ دفاترمیں حاضری کی شرح100فیصدرکھنےکی اجازت ہو گی۔ ایس اوپیز پر عمل درآمد اور ویکسینیٹڈہونالازمی قرار دیا گیا ہے۔

اسلام آباد:کورونا کی نئی لہر آرہی ہے،لیکن کاروبار بند نہیں کریں گے: وزیراعظم عمران خان کا تسلّی بخش اعلان ،اطلاعات کے مطابق وزیراعظم عمران خان نے اعلان کرتے ہوئے کہا ہے کہ کورونا وائرس کی نئی لہر آرہی ہے، کاروبار بند نہیں کریں گے، ایس اوپیزپرعمل کریں گے۔

نیشنل سمال اینڈ میڈیم انٹرپرائززپالیسی2021کا افتتاح کرتے ہوئے وزیراعظم نے کہا کہ نوجوانوں میں کچھ کرنے کا زیادہ جنون ہوتا ہے، حکومت کا کام نوجوانوں کے لیے آسانیاں پیدا کرنا ہے، چھوٹا کاروبارکرنے والوں کو بینک قرضے نہیں دیتے، حکومت کاروبارکرنے والوں کے لیے آسانیاں پیدا کررہی ہے۔ ایس ایم ایزسیکٹرکے لیے آسانیاں پیدا کی جارہی ہیں، بدقسمتی سے کسی نے چھوٹا کاروبارکرنے والوں کے لیے آسانیاں پیدا نہیں کی تھیں۔ خسروبختیاراوران کی پوری ٹیم کومبارکباد دیتا ہوں۔

انہوں نے کہا کہ ایس ایم ایزکی راہ میں تمام رکاوٹوں کودورکریں گے، ایس ایم ایزکوسہولیات دیں گے توجی ڈی پی میں اہم رول ادا کرسکتے ہیں، کاروبارکی راہ میں تمام مشکلات کوختم کریں گے، ریگولیشن،این اوسی جیسے مسائل کوکم کرتے جا رہے ہیں، انسپیکشن بھی پیسہ بنانے کا ایک طریقہ بن چکا، آن لائن چیزیں کرنے سے مشکلات کم ہوں گی۔

وزیراعظم نے کہا کہ ہماری حکومت نے جتنا چیلنج کسی حکومت کونہیں تھا، اقتدارسنبھالا توملک دیوالیہ ہونے کا خطرہ تھا، چین، سعودی عرب نے ہماری مدد کی، ملک کودیوالیہ ہونے سے بچایا تو صدی کا سب سے بڑا کورونا آ گیا، دنیا نے پاکستان کی کورونا پالیسی کو سراہا،۔

عمران خان کا کہنا تھا کہ ہم نے پاکستان میں ایکسپورٹ بڑھانے پر زورلگانا ہے۔ جوبھی محکمہ ایکسپورٹ کی راہ میں رکاوٹیں ڈالے گا ایکشن لیں گے، سنگاپورکی ایکسپورٹ پاکستان سے زیادہ ہے، سنگاپورکی300ارب ڈالر کی ایکسپورٹ ہے، ملائیشیا بھی ہم سے آگے نکل گیا، 1960میں پاکستان تیزی سے ترقی کررہا تھا، غلط فیصلوں کی وجہ سے پاکستان نیچے جانا شروع ہوگیا۔

اپنی بات کو جاری رکھتے ہوئے ان کا کہنا تھا کہ یہ نہیں ہو سکتا 22 کروڑ میں سے صرف 20 لاکھ لوگ ٹیکس دیں، سب کوٹیکس دینا ہوگا۔

مہنگائی سے متعلق عمران خان کا کہنا تھا کہ کورونا سے بچے توعالمی سطح پرمہنگائی کی لہرآئی، ان تمام بحرانوں کا مقابلہ کیا، کورونا کے باوجود آج ریکارڈ ایکسپورٹ، ترسیلات زر، ریکارڈ ٹیکس اکٹھا کیا، جب اقتدار سنبھالا تو 8 ہزار ارب ٹیکس اکٹھا کرنے کا اعلان کیا تو بڑا مذاق اڑایا گیا، اس وقت 6 ہزارارب ٹیکس اکٹھا کر چکے ہیں۔

ان کا کہنا تھا کہ گندم، چینی، مکئی، چاول کی ریکارڈ پیداوار ہوئی، نظرآرہا ہے عالمی سطح پرمہنگائی ہوئی ہے، پاکستان کی تاریخ میں موٹرسائیکل، گاڑیوں، موبائل کی ریکارڈ فروخت ہوئی، مانتا ہوں مشکلات ہے، آنے والے دنوں میں بہتری آئے گی۔

اسلام آباد:پارلیمانی کمیٹی نے جسٹس عائشہ ملک کو سپریم کورٹ کا جج مقرر کرنے کی منظوری دے دی۔

واضح رہے کہ جوڈیشل کمیشن نے جسٹس عائشہ ملک کو سپریم کورٹ میں جج مقرر کرنے کی سفارش کی تھی۔

ججز تقرری سے متعلق پارلیمانی کمیٹی کا اجلاس پی پی رہنما فاروق ایچ نائیک کی زیرصدارت ہوا جس میں کمیٹی نے جسٹس عائشہ ملک کو سپریم کورٹ کا جج مقررکرنے کی منظوری دی۔

فاروق ایچ نائیک کا کہنا تھا کہ جسٹس عائشہ ملک کے نام کی منظوری اتفاق رائے سے دی گئی ہے، ہم سنیارٹی کے طریقہ کار کو ختم نہیں کررہے، ایک خاتون کی پہلی بار تقرری ہورہی ہے تو اس کی منظوری دی ہے اور جسٹس عائشہ ملک کے نام کی منظوری ملکی مفاد میں دی۔اس لیے جو لوگ پراپیگنڈہ کررہے ہیں وہ عدلیہ کے وقار کو مجروح کررہےہیں ، ایسا نہیں کرنا چاہیے

یاد رہے کہ جسٹس عائشہ اے ملک 1966ء کو پیدا ہوئیں، جسٹس عائشہ ملک نے ابتدائی تعلیم پیرس، نیویارک اور پھر کراچی سے حاصل کی۔

انہوں نے بی کام کراچی سے کرنے کیا اور لاہور سے ایل ایل بی کی ڈگری حاصل کی، ایل ایل ایم انہوں نے ہارورڈ لا سکول امریکا سے کیا، 55 سالہ جسٹس عائشہ ملک نے بطور جج لاہورہائیکورٹ عہدہ کا حلف 27 مارچ 2012ء کو اٹھایا تھا۔

جسٹس عائشہ اے ملک مارچ 2031 تک عدالت عظمیٰ کی جج رہیں گی۔ جسٹس عائشہ ملک لاہور ہائی کورٹ میں سنیارٹی لسٹ میں چوتھے نمبر پر ہیں۔