Author: +9251

اسلام آباد:زیر آب انٹرنیٹ کیبل خراب: متبادل ذرائع کا انتظام کرتولیا،مگربہتری میں چند دن لگ سکتےہیں:اطلاعات کے مطابق پاکستان ٹیلی کمیونیکیشن کمپنی لمیٹڈ (پی ٹی سی ایل) نے ملک بھر میں انٹرنیٹ کی رفتار سست ہونے کی رپورٹس پر کہا ہے کہ بین الاقوامی زیرآب کیبل میں خرابی پر انٹرنیٹ کے متبادل ذرائع کا انتظام کر لیا گیا ہے۔

پی ٹی سی ایل کی جانب سے جاری بیان میں کہا گیا کہ ‘اے اے ای-ون(ایشیا-افریقہ-یورپ-ون) سے ریفرینس کےساتھ انٹرنیشنل زیرآب کیبل منقطع ہوگئی ہے، ہم نے پاکستان میں انٹرنیٹ کے استعمال کی ضروریات پوری کرنے کے لیے متبادل ذریعے کا انتظام کرلیا ہے’۔

بیان میں کہا گیا کہ اقدامات کے ‘نتیجے میں صارفین نے کیبل کٹ جانے کے باجود خدمات میں بغیر کسی بڑے خلل کے بہتری دیکھی’۔اے اے ای-ون 25 ہزار کلومیٹر کنسورشیم کیبل سسٹم ہے جو جنوب مشرقی ایشا کو براستہ مصر یورپ سے ملاتا ہے۔

اس نظام سے ہانگ کانگ، ویت نام، کمبوڈیا، تھائی لینڈ، ملائیشیا، سنگاپور، میانمار، بھارت، پاکستان، عمان، متحدہ عرب امارات، قطر، یمن، جبوتی، سعودی عرب، مصر، یونان، اٹلی اور فرانس جڑے ہوئے ہیں۔

اے ای ای-ون کیبل سسٹم 100 گیگابائیٹس فی سیکنڈ ٹرانسمیشن ٹیکنالوجی فراہم کرتا ہے، جس کے ساتھ کم ازکم 40 ٹیرابائیٹس فی سیکنڈ ڈیزائن کی صلاحیت ہے۔

پی ٹی سی ایل نے یقین دہانی کروائی کہ انٹرنیٹ کی صلاحیت اگلے چند روز میں مزید بہتر کی جائے گی تاکہ مسائل حل ہوں۔بیان میں کہا گیا کہ ‘تاہم صارفین نظام مزید بہتر کرنے تک ملک بھر میں سروسز میں معمولی مشکلات کا سامنا کرسکتےہیں’۔

بعد ازاں پاکستان ٹیلی کمیونیکیشن اتھارٹی (پی ٹی اے) نے بھی بیان جاری کیا اور کہا کہ انٹرنیشل زیرآب کیبل میں کراچی کے قریب رکاوٹ رپورٹ ہوئی تھی، جس سے کام کے عروج کے وقت انٹرنیٹ ٹریفک میں اثر پڑا تھا۔

پی ٹی اے کی جانب سے ٹوئٹر پر جاری بیان میں کہا گیا کہ ‘رکاوٹ دور کرنے کے لیے کام جاری ہے، جو بہتر ہونے میں مزید وقت لے سکتا ہے’۔

مزید کہا کہ سروس فراہم کرنے والوں کی جانب سے متبادل فراہم کیا گیا ہے اور اضافی بینڈوڈتھ حاسل کرلیا ہے تاکہ ملک میں انٹرنیٹ کے استعمال کی ضرورت پوری کی جائے اور بلاتعطل سروس فراہم کی جائے۔

خیال رہے کہ پاکستان میں صارفین کو اکتوبر میں بھی انٹرنیٹ میں رکاوٹ کا سامنا کرنا پڑا تھا جب زیر آب کیبل میں متحدہ عرب امارات میں فجیرہ کے قریب مسئلہ سامنے آیا تھا۔

اسی طرح رواں برس فروری میں مصر میں ابو تلات کے قریب بین الاقوامی زیر آب کیبل سسٹم میں خرابی کے نتیجے میں پاکستان بھر کے صارفین کو انٹرنیٹ سروسز تک رسائی میں مشکلات کا سامنا ہوا تھا۔

لاہور:سرکاری افسران کی عالی شان رہائش گاہوں‌ کو پبلک پارکس بنانے کی تجویز:حکومت نے منظورکرلی ،اطلاعات کے مطابق ن لیگ سے تعلق رکھنے والے رکن پنجاب اسمبلی نے سرکاری افسران کی رہائش گاہوں کو عوامی پارک بنانے کا مطالبہ کردیا۔

اے آر وائی نیوز کے مطابق پنجاب اسمبلی میں ہونے والے اجلاس میں آج مسلم لیگ ن کے رکن اسمبلی میاں طاہر نے سرکاری افسران کی بڑی بڑی رہائش گاہوں کی نشاندہی کی۔

انہوں نے ایوان کو بتایا کہ سرکاری افسران 12 ایکڑ کی رہائش گاہوں میں رہتے ہیں، انہیں ایک کنال رقبے پر مشتمل کوٹھیاں بنا کر دی جائیں اور ان رہائش گاہوں کو عوام کے لیے مختص کیا جائے۔

میاں طاہر نے کہا کہ بڑی رہائش گاہوں پر پبلک پارکس بنائے جائیں تاکہ عوام کو سہولت حاصل ہو اور وہ وہاں سیر و تفریح کے لیے جاسکیں۔

پارلیمانی سیکریٹری نے ایوان میں اعتراف کیا کہ اس بات میں کوئی دو رائے نہیں کہ صوبے میں سرکاری افسران بڑی رہائش گاہوں میں رہتے ہیں، چھوٹی رہائش گاہیں دینے کے لیے قانون میں ترمیم کرنا ہوگی۔

پارلیمانی سیکریٹری نے میاں طاہر کی تجویز اور نشاندہی کو اچھا قرار دیتے ہوئے ایوان کو یقین دہانی کرائی کہ حکومت اس معاملے کو دیکھے گی۔ اس پر ڈپٹی اسپیکر نے ہدایت کی کہ آپ اس سسٹم کو تبدیل کرنے کے لیے ترمیم کر لیں۔

لاہور:کرسمس تقریبات کا سلسلہ جاری:نولکھا چرچ میں تقریب کے خصوصی مہمان:اقلیتوں کے ترجمان:مبشرلقمان ،اطلاعات کے مطابق جیسے جیسے کرسمس کا دن قریب آتے جارہا ہے ملک بھر کی طرح لاہور میں بھی پاکستان کی کرسچئن کمونیٹی اس دن کوبڑے جوش و جزبے سے منانے میں مصروف ہوگئے ہیں

x   

اسی سلسلے میں آج ایک اہم تقریب کا آغاز لاہور کے مشہور نولکھا چرچ میں ہوا جہاں سماجی ، سیاسی اور مذہبی شخصیات کی آمد کے ساتھ ساتھ صحافت کے میدان میں اقلیتوں کے ترجمان معروف صحافی مبشرلقمان کو بھی دعوت دی گئی ، اس دعوت پرسنیئر صحافی نے اس تقریب میں شامل ہوکر پاکستان کی اقلیتوں کے حقوق کی ترجمانی کرتے ہوئے کرسچئن کمونٹی کی حوصلہ افزائی کی

یہ بھی یاد رہے کہ ابھی کرسمس ڈے میں 4 دن باقی ہیں پورے ملک میں‌ پچھلے کئی دنون سے مسیحی برادری کرسمس مذہبی جوش و جذبے سے منا رہی ہے، گرجا گھروں کو برقی قمقموں اور پھولوں سے سجارہےہیں‌، کرسمس ٹری بھی جگمگ کرنے لگے، تقریبات میں ملکی سلامتی کے لیے خصوصی دعائیں مانگی گئیں۔

گرجا گھروں میں کرسمس کے گیت گائے گئے، پاسٹرز اور بشپس نے امن اور بھائی چارے کا پیغام دیا۔ کرسمس تقریبات کے دوران ملکی سلامتی اور استحکام کے لیے خصوصی دعاوں کا اہتمام کیا گیا ہے ۔

پنجاب حکومت کی طرف سے کرسمس کے موقع پر سکیورٹی کے سخت انتظامات کئے گئے ہیں، گرجا گھروں کے باہر واک تھرو گیٹ نصب کئے گئے، مسیحیوں کو جامہ تلاشی کے بعد اندر داخلے کی اجازت دی گئی، پولیس کسی بھی ناخوشگوار واقعے سے نمٹنے کیلئے دن بھر الرٹ رہے گی ۔

لاہور نولکھا چرچ میں کرسمس کے حوالے سے پروگرام جاری آزاد تھا آزان شروع ہوتے ہی پروگرام کو آزان کے احترام میں روک دیا گیا مذہبی رواداری کی ایک مثال ہے#HappyChristmas #Christmas2021 pic.twitter.com/E2cYJjiKis

— Faaiz Chughtai (@FaaizChughtai) December 21, 2021

ادھر آج نولکھا چرچ میں اس وقت ایک بہت اچھا منظردیکھنے میں آیا جب لاہور نولکھا چرچ میں کرسمس کے حوالے سے پروگرام جاری آزاد تھا آذان شروع ہوتے ہی پروگرام کو آذان کے احترام میں روک دیا گیا مذہبی رواداری کی ایک مثال ہے