Author: +9251

اسلام آباد:او آئی سی اجلاس:اسلام آباد میں 3روز کیلئے تعلیمی ادارے بند:موبائل فون سروس بھی بند رکھنے کا اعلان ،اطلاعات کے مطابق او آئی سی اجلاس کے باعث حکومت نے وفاقی دارالحکومت میں 3روز کے لئے موبائل فون سروس بند کرنے کا فیصلہ کرلیا ہے۔

ذرائع وزارت داخلہ کے مطابق 17،18،19دسمبرکواسلام آبادبھرمیں موبائل فون سروس بندہوگی، وزارت داخلہ نےپی ٹی اےکوموبائل فون سروس بندکرنےکاحکم جاری کردیا ہے۔

دوسری جانب وزات خارجہ نے20دسمبرکواسلام آبادمیں عام تعطیل دینےکی سفارش کردی ہے ۔ذرائع وزارت داخلہ کا کہنا تھا کہ چھٹی کامقصدوی آئی پی موومنٹ کےدوران فول پروف سکیورٹی کوممکن بناناہے۔

واضح رہے کہ پاکستان میں اسلامی تعاون تنظیم (او آئی سی) کانفرنس 19 دسمبر کو منعقد کی جائے گی۔

اس کانفرنس میں شرکت کے لئے سعودی عرب سمیت تمام اسلامی ممالک نے شرکت کی یقین دہانی کروائی ہے،کانفرنس کا مقصد افغانستان کی بگڑتی ہوئی صورتحال پر بحث کرنا ہے۔

وزیراعظم عمران خان کے معاون برائے مشرق وسطیٰ کے مطابق سعودی وزیر خارجہ شہزادہ فیصل بن فرحان السعود 18 دسمبر کو اسلامی تعاون تنظیم (او آئی سی) کے افغانستان میں جاری بحران سے متعلق اجلاس میں شرکت کے لیے پاکستان آئیں گے۔

او آئی سی کا 17واں وزرا خارجہ کا خصوصی اجلاس سعودی عرب کی دعوت پر بلایا جارہا ہے اور اس کی میزبانی پاکستان 19 دسمبر کو کرے گا۔اس اجلاس میں افغانستان میں جاری انسانی بحران اور عنقریب قحط کی صورتحال جیسے معاملات زیر بحث آئیں گے۔ اقوام متحدہ کے مطابق، تقریباً دو کروڑ تیس لاکھ افغان آخری درجے کے فاقوں سے دوچار ہوسکتے ہیں۔

خانیوال: خانیوال پی پی206: ضمنی الیکشن، پولنگ کا وقت ختم ،کس کی ہوگی جیت؟ ووٹوں کی گنتی شروع ،اطلاعات کے مطابق خانیوال کے حلقہ پی پی206 کے ضمنی الیکشن کیلئے پولنگ کا وقت ختم ہونے کے بعد ووٹوں کی گنتی کا عمل شروع کردیا گیا ہے۔ہرجماعت جیت کا دعویٰ کررہی ہے مگرجیتے گا وہی جس کے ووٹ ہوں گے زیادہ

یاد رہے کہ یہ نشست مسلم لیگ ن کے رہنما نشاط احمد ڈاہا کے انتقال کے باعث خالی ہوئی تھی لیکن ان کی اہلیہ نورین نشاط ڈاہا پاکستان تحریک انصاف کے ٹکٹ پر الیکشن میں حصہ لے رہی ہیں۔ ضمنی الیکشن میں پیپلز پارٹی کے میر واثق اور ن لیگ کے رانا سلیم اور دیگر امیدوار میدان میں ہیں۔

ضمنی الیکشن کے لئے حلقے میں 183 پولنگ اسٹیشن بنائے گئے ہیں۔ 2 لاکھ 30 ہزار 698 ووٹرز نے اپنا حق رائے دہی استعمال کیا، ہر پولنگ سٹیشن پر پولیس کے ساتھ رینجرز اہلکار سیکورٹی کے فرائض سر انجام دیئے۔

الیکشن کمیشن کا کہنا ہے کہ امن و امان کے پیش نظر تمام پولنگ اسٹیشن پر پولیس کے ساتھ رینجرز اہلکاروں کو تعینات کیا گیا ہے۔

پولنگ سٹیشن 45 پر لیگی کارکن اور تحریک لبیک کے کارکنان میں جھگڑا ہوا، کارکنوں نے ایک دوسرے پر تشدد کیا اور ایک دوسرے پر تھپڑ اور مکوں کی بارش کی، پولیس اور رینجر کی بھاری نفری موقع پر پہنچ گئی۔

پولنگ صبح 8 بجے سے شام 5 بجے تک بغیر کسی وقفے کے جاری رہی۔اس دوران پاکستان تحریک انصاف کی امیدوار نورین نشاط ڈاہا نے ووٹ ڈالنے کے بعد اپنا ووٹ میڈیا کو دکھایا جس پر الیکشن کمیشن نے ان کے ووٹ کو مسترد کر دیا ہے۔

لاہور:کل سے آج تک:ڈاکٹرفوزیہ عمران کے منفی رویے کومثبت ثابت کرنے کے لیے سرتوڑکوششیں:مگران میں بھی تضادات،اطلاعات کے مطابق کل سے آج تک میڈیا پرایک خبر بہت زیادہ وائرل ہورہی ہے جس میں یہ دعویٰ‌کیا گیا تھا کہ ڈاکٹرفوزیہ عمران نامی خاتون نے وزیراعظم عمران‌ خان کے معاون خصوصی شہبازگل سے اپنی پی ایچ ڈی کی ڈگری لینے سے محض سیاسی وجوہات کی بنا پرانکار کردیا تھا ،

اس خبر کے بعد ڈاکٹرفوزیہ عمران کی ڈیلیٹ شدہ ٹویٹ کا عکس بھی ثبوت کے طور پر پیش کیا گیا ، دوسری طرف شہباز گل کے ردعمل کو بھی پیش کیا گیا جس میں انہوں نے خاتون کے رویے کو برداشت کرتے ہوئے تنقید نہیں بلکہ یہ کہہ کرنظرانداز کردیا کہ یہ کسی بھی شخص کا حق ہے کہ وہ کسی سے مانوس ہویا نہ

ادھر کل کی یہ اہم ترین ڈویلپمنٹ ابھی جاری تھی کہ ڈاکٹرفوزیہ عمران کے منفی رویےپرپردہ ڈالنے کےلیے من گھڑت تاویلیں بھی کی گئیں ، مزے کی بات یہ ہےکہ”سیانے سچ کہتے ہیں کہ ایک جھوٹ کو چپھانے کے لیے سوجھوٹ بولنے پڑتے ہیں”اور پھرواقعی ایسے ہی ہورہا ہے

بعض میڈیا چینلز کو کچھ اس طرح موقف دیا گیا کہ خاتون نے وقت سے پہلے ڈگری حاصل نہ کرنے کے بارے میں ٹویٹ کیا تھا اور انتظامیہ نے سیکیورٹی اور فیکلٹی آف سوشل سائنسز کو ہدایت کی تھی کہ وہ اسے یونیورسٹی میں داخل ہونے سے روکیں۔ تاہم، انتظامیہ بعد میں اس کا نام فہرست سے خارج کرنا بھول گئی۔

دوسری طرف یونیورسٹی ترجمان نوید اقبال کہتے ہیں کہ روکنے کا تصور بھی نہیں کرسکتے ، یہ جھوٹ ہے اورایک غلطی کو چپھانے کے لیے سوبہتان لگائے جارہے ہیں‌

دوسری طرف یہ بھی تاویلیں پیش کی گئیں‌ کہ ” گورنمنٹ سمن آباد کالج برائے خواتین کی اسسٹنٹ پروفیسر لاہور کالج برائےخواتین یونیورسٹی کی طالبہ ڈاکٹرفوزیہ عمران نے مبینہ طور پروزیر اعظم کے معاون خصوصی ڈاکٹر شہباز گل سے پی ایچ ڈی کی ڈگری لینے سے انکار کر دیا، سماجی رابطےکی سائٹ پر ان کا پیغام گردش کرتا رہا جس میں انہوں نے لکھا کہ شہباز گل لاہور کالج برائے خواتین یونیورسٹی جیسے باوقار ادارےکے کانووکیشن میں مہمان خصوصی بننے کے لائق نہیں، لیکن بعد ازاں یکدم نہ صرف یہ پیغام سائٹ سے غائب ہو گیا ،بلکہ ڈاکٹر فوزیہ عمران نامی کوئی بھی صارف سماجی رابطے کی سائٹ پر نظر ہی نہیں آرہا تھا۔ سمن آباد کالج کی پرنسپل کا کہنا ہےکہ خاتون پروفیسر کا اکاؤنٹ ہیک کیا گیا، انہوں نے ایسی کوئی بات نہیں کی۔ لاہور کالج فاروویمن یونیورسٹی کے ترجمان نے کہا ہے کہ مذکورہ طالبہ پہلے ہی ڈگری وصول کر چکی ہے ، ٹوئیٹر اکاونٹ سے جاری ہونے والے پیغام کی کوئی حیثیت نہیں ہے لیکن کانووکیشن میں اس خاتون کا نام پکارا گیا مگر وہ اسٹیج پرنہ آئیں

اگراس بات کو مان لیا جائے تو پرنسپل کی کل کی اس حوالے سے جو معیاری گفتگو تھی تواس کا مطلب ہے کہ وہ بے بنیاد تھی ،

یاد رہے کہ لاہورکالج برائےخواتین یونیورسٹی کے کانووکیشن میں ڈاکٹرفوزیہ نے سیاسی انتہا پسندی کا مظاہرہ کرتے ہوئے معاون خصوصی وزیراعظم شہبازگل سےڈگری لینےسےانکار دیا۔جس کے بعد اہل علم لوگوں کی طرف ڈاکٹرفوزیہ کے اس رویے پرسخت تنقید کی جارہی ہے

یاد رہےکہ آج لاہورکالج فار ویمن یونیورسٹی کے16ویں کانووکیشن کا انعقاد کیا گیا جس کے دوسرےروز مہمان خصوصی شہبازگل تھے ۔

ایسوسی ایٹ پروفیسرپولیٹیکل سائنس سمن آبادکالج ڈاکٹر فوزیہ کو پی ایچ ڈی کی ڈگری دی جانی تھی تاہم ڈاکٹر فوزیہ نے شہباز گل سے ڈگری نہ لینے سے متعلق ٹویٹ کر دیا۔

انہوں نے ٹویٹ میں لکھا کہ شہباز گل کانووکیشن کے مہمان خصوصی بننے کے لائق نہیں،اس لئے ان سے ڈگری وصول نہیں کروں گی۔

خاتون کے ڈگری لینے کے انکار پرسوال کا جواب دیتے ہوئے شہباز گل کا کہنا تھا کہ ملک میں جمہوریت ہے اور ہر ایک کواپنی رائے کا اظہار کرنے کا حق حاصل ہے،ڈگری لینے سے انکار کرنے والی خاتون خواجہ سعد رفیق کی رشتے دار ہے۔

لاہور کالج برائے خواتین یونیورسٹی کی وائس چانسلر(وی سی ) بشریٰ مرزا نے کہا کہ میری نظر میں کانووکیشن کے مہمان خصوصی شہباز گل بننے کے اہل ہیں اس لیے انکو بلایا،ہر کسی کا اپنا حق ہے، کسی کو زبردستی کچھ نہیں کہ سکتے۔

ادھر ذرائع کے حوالے سے یہ بھی معلوم ہوا ہے کہ ڈاکٹرفوزیہ نے سخت عوامی ردعمل کے بعد یہ ٹویٹ ڈیلیٹ کردی ہے ،

اسلام آباد:آپٹما کا وزیراعظم عمران خان کے نام اہم خط:کہتے ہیں کہ ہم سب مان گئے "مگرآپ بھی تو مان جائیں”اطلاعات کے مطابق پاکستان کی ٹیکسٹائل کے شعبے کی نمائندہ تنظیم آپٹا نے چند دن پہلے وزیراعظم عمران خان اورمشیر تجارت عبدالرزاق داود کے نام ایک بڑا ہی اہم خط لکھا تھا جس میں ایک بڑی درخواست کی گئی ہے

وزیراعظم کے نام اپنے خط میں آپٹما کی طرف سے کہا گیا ہےکہ جناب وزیراعظم آپ نے گیس بجلی کے نرخ بڑھائے باوجود اس کے کہ یہ ایک اضافی بوجھ تھا مگرہم نے عالمی حالات کے پیش نظرآپ کے اس فیصلے کوسرتسلیم خم کیا اورجتنی قیمت آپ نے مانگی ہم نے گیس اور بجلی کی مد میں دی

[wp-embedder-pack width=”100%” height=”400px” download=”all” download-text=”” attachment_id=”446361″ /]

اس خط میں وزیراعظم کو باور کراتے ہوئے کہا گیا ہے کہ 70 فیصد سے زائد ٹیکسٹائل کی صنعت صوبہ پنجاب میں ہے جبکہ صورت حال ہے کہ حکومت نے پنجاب میں تمام ٹیکسٹائل ملوں کی گیس سپلائی معطل کر دی ہے جس سے برآمدات سے جڑے شعبے کو رواں مالی سال کے دوران بھاری مالی نقصان ہوا ہے، اس خط میں یہ بھی درخواست کی گئی ہے کہ گیس اور بجلی کے ٹیرف اتنے نہ بڑھائیں کہ معاملات ہی بگڑجائیں ، کچھ کم کریں تو ہم کام کرین گے

اس خط میں مزید کہا گیاہے کہ اس تنظیم نے پہلے عدالت کا دروازہ کھٹکھٹایا ہے اور اسی بنیاد پرلاہور ہائیکورٹ نے ملوں میں بجلی پیدا کرنے کے لئے استعمال ہونے والی گیس کے بلوں میں اضافہ تاحکم ثانی روک دیا، عدالت نے حکم امتناعی جاری کر دیا، وفاقی حکومت ، اوگرا سمیت دیگر فریقین کو نوٹس جاری کرتے ہوئے جواب طلب کرلیا۔

وزیراعظم سے درخواست کی گئی ہے کہ جناب اگریہی صورت حال رہی تو سخت سردی میں ہزاروں گھروں کے چولہے بند ہوجائیں گے اور بلا شبہ اس کا ردعمل حکومت کے خلاف جائے گا،آپٹما کی طرف سےکہا گیا ہے کہ تمام ترکٹھن پالیسیوں کے باوجود آپٹما نے تمام بوجھ برداشت کیے لیکن گیس کی لوڈ شیڈنگ کا بوجھ برداشت نہیں کرسکتے اس لیے مہربانی کرکے معاملے کو جلد حل کیا جائے

تنظیم کی طرف سے مشیر تجارت عبدالرزاق داود کے نام بھی خط لکھا گیا ہے اورتازہ ترین صورت حال سے آگاہ کرنے کے ساتھ ساتھ پچھلے کئی مہہینو ں سے اس سلسلے میں ہونے والے فیصلوں سے بھی آگاہ کیا گیا ہے

ادھر آل پاکستان ٹیکسٹائل ملز ایسوسی ایشن کے ایگزیکٹو ڈائریکٹر اور سیکریٹری جنرل شاہد ستارکا کہنا ہے کہ ’’ہماری گیس سپلائی اور بجلی بدھ کی شام سات بجے سے بند کر دی گئی ہے اور ہمیں نہیں معلوم کہ ہم اپنے ایکسپورٹ کے آرڈرز کیسے پورے کریں گے۔ حکومت کے 30؍ ارب ڈالرز کی برآمدات کے ہدف کو بھی خطرات ہیں کیونکہ گیس سپلائی معطل کرنے کی وجہ سے ٹیکسٹائل کے شعبے کو زبردست نقصان ہوگا۔ ایسا لگتا ہے کہ گیس سپلائی پورے موسم سرما میں فروری سے مارچ 2022ء تک بند رہے گی۔

شاہد ستار کا کہنا تھا کہ سرکاری ذریعے کا کہنا ہے کہ حکومت نے گیس لوڈ مینجمنٹ پلان کی منظوری دی تھی اور فیصلہ کیا تھا کہ اس پر رواں ماہ کے وسط میں نظرثانی کی جائے گی۔ سرکاری ذریعے کا کہنا تھا کہ اعلیٰ سرکاری عہدیداروں نے گیس حکام کو ہدایت کی کہ فوری طور پر 200؍ یونٹس کو گیس کی سپلائی معطل کر دی جائے کیونکہ ملک میں گیس کی قلت ہے۔ سرکاری عہدیداروں کو بتایا گیا کہ پنجاب میں برآمدات کے شعبے سے جڑی صنعتوں کی گیس بند کر دی گئی ہے۔ وزیر توانائی نے ٹیکسٹائل انڈسٹری کو یقین دہانی کرائی تھی کہ گیس فراہم کی جائے گی لیکن اس کی لئے قیمت 6.5؍ ڈالر فی ایم ایم بی ٹی یو سے بڑھا کر 9؍ ڈالر فی ایم ایم بی ٹی یو ہوگی۔ اس پر اپٹما نے آمادگی کا اظہار کیا تھا تاکہ موسم سرما میں گیس کی سپلائی بحال رہ سکے۔ تاہم، وزارت توانائی نے 2؍ دسمبر کو کابینہ کمیٹی برائے توانائی کے روبرو گیس لوڈ مینجمنٹ پلان جاری کر دیا۔

شاید ستارکا یہ بھی کہنا تھا کہ اجلاس کی صدارت وزیر پلاننگ اسد عمر نے کی۔ اجلاس میں کئے گئے فیصلوں کی وجہ سے ایک طرف گیس کی بندش کی وجہ سے پنجاب کے ٹیکسٹائل شعبے کو زبردست دھچکا لگا کیونکہ ایک طرف ان کا ٹیرف بڑھا دیا گیا (یہ سندھ اور کے پی کے مقابلے میں دگنا تھا) تو دوسری طرف شعبے کو گیس کی لوڈ شیڈنگ بھی برداشت کرنا پڑی۔ ملک کی 70؍ فیصد ٹیکسٹائل انڈسٹری پنجاب میں ہے اور گیس کی سپلائی معطل کرنے سے 80؍ فیصد انڈسٹری تقریباً بند ہو جائے گی جس سے ملکی برآمدات کو بھی نقصان ہوگا۔ موجودہ حالات میں انڈسٹری وعدوں کے مطابق اپنے ایکسپورٹ آرڈرز پورے نہیں کر پائے گی جس سے پاکستان اُس غیر ملکی زر مبادلہ سے محروم ہو جائے گا جو برآمدات کی صورت میں اُسے ملنا تھے۔