Author: +9251

خانیوال: خانیوال پی پی 206 : جیت ہار مقدر ہے میدان بندے کے پتروں کی طرح لگاؤ،اطلاعات کے مطابق تحریک لبیک پاکستان کا پی پی 206 خانیوال سٹی پارک میں جلسہ، حافظ سعد رضوی کی شرکت، سعد رضوی نے کہا جیتنا ہارنا مقدر ہے، پہلے سب ٹیڑھے کام سیدھے کروا لیں پھر دین بھی تخت پر آ جائے گا۔

خانیوال پی پی 206 کے ضمنی انتخاب میں حاجی شیخ محمد اکمل تحریک لبیک کے امیدوار ہیں، غلام غوث رضوی، ظہیرالحسن شاہ بخاری، راؤ وکیل قادری، عابد رضوی، علامہ غلام عباس فیضی، سرور شاہ و دیگر جلسہ میں شریک ہوئے جبکہ جلسہ گاہ میں پاکستان تحریک لبیک کے کارکنان کی بڑی تعداد موجود رہی۔

ذرائع کے مطابق سربراہ تحریک لبیک حافظ سعد رضوی نے خطاب کرتے ہوئے کہا الیکشن 16 دسمبر کو ہے لیکن آپ ابھی جیت گئے ہو، حکومت نےسر کے بالوں سے لے کر پاؤں کے ناخن تک زور لگا لیا کہ لبیک نہ ہو لیکن پھر بھی لبیک ہو رہی ہے۔ہمار ایجنڈا اسلامی، جھنڈا بھی اسلامی اور جھنڈے کا ڈنڈا بھی اسلامی ہے،

خانیوال میں ضمنی الیکشن کی مہم کے دوران جلسے سے خطاب کرتےہوئے سعد رضوی کا کہنا تھا کہ جیت ہار مقدر ہے لیکن میدان بندے کے پتروں کی طرح لگاؤ، پہلے سب ٹیڑھے کام سیدھے کروا لیں پھر دین بھی تخت پر آ جائے گا۔ سعد رضوی نے مزید کہا آپ نے الیکشن کےدن پر کسی کو کچھ نہیں کہنا لیکن آنکھیں کھلی رکھنی ہیں جبکہ مفتی سرور کا کہنا تھا تحریک لبیک کا ایجنذا ہے کہ دین تخت پر لانا ہے جس کیلئے الیکشن میں حصہ لینا ضروری ہے۔

لاہور: بہت جلد پنجاب میں کھویا ہوا مقام حاصل کرلیں گے:ن لیگ عملا ختم ہوچکی:اطلاعات کے مطابق پی پی چیئرمین بلاول بھٹو نے پنجاب کوفتح کرنےکےلیے ڈیرے ڈال دیئے ہیں اوراہم شخصیات کی شمولیت کا سلسلہ جاری ہے، ادھرآج چیئرمین بلاول بھٹو زرداری اور این اے 133 میں پی پی پی کے ٹکٹ ہولڈر اسلم گِل کے درمیان بلاول ہاؤس میں ملاقات ہوئی

پی پی ذرائع کے مطابق چیئرمین بلاول بھٹو زرداری کو پی پی پی رہنما اسلم گِل نے این اے 133 کی ضمنی انتخاب میں پی پی پی کے کارکنان اور تنظیم کی کارکردگی سے آگاہ کیا.چیئرمین بلاول بھٹو زرداری نے اس موقع پر این اے 133 میں متحرک کردار پر جیالوں اور تنظیم کو شاباش دیتے ہوئے مستقبل میں بڑی کامیابیوں کی دلیل ہے

اس موقع پر بلاول بھٹو نے کہاکہ بہت کم وقت میں لاہور کے جیالوں نے این اے 133 کے ضمنی انتخابات میں ایک بہت اچھی انتخابی مہم چلائی، پاکستان پیپلزپارٹی لاہور شہر کی ایک زندہ حقیقت ہے، ہم ہر محاذ پر سیاسی مخالفین کے خلاف سیاسی جدوجہد کریں گے، عوام کی مدد سے پاکستان پیپلزپارٹی اگلے انتخابات میں لاہور سمیت پورے پنجاب میں زبردست نتائج دے گی،

چیئرمین پیپلز پارٹی بلاول بھٹو زرداری سے صدر پیپلز پارٹی سٹی گوجرانوالہ میاں ودود حسن ڈار نے بلاول ہاؤس لاہور میں خصوصی ملاقات کی،ملاقات میں ملک کی سیاسی و معاشی صورتحال پر تبادلہ خیال کیا گیا۔

بلاول بھٹونے میاں ودود حسن ڈار کو سٹی گوجرانوالہ سمیت پنجاب بھر میں پیپلز پارٹی کی بحالی کے لیے کام کرنے پر مبارکباد دی،این اے 133کے ضمنی الیکشن میں یوسی 229 میں بہترین کارکردگی پر شاباش بھی دی اور کہا کہ میاں ودود حسن ڈار جیسے ورکروں کی ضرورت ہے۔

میاں ودود حسن ڈار نے چیئرمین بلاول بھٹو زرداری کو گوجرانوالہ سٹی آنے کی دعوت بھی دی۔

لاہور:ن لیگ،پی پی اور جے یو آئی ف سمیت سیاسی جماعتوں کےکھاتے کھلنے چاہئیں:،اطلاعات کے مطابق وفاقی وزیر برائے اطلاعات و نشریات فواد چودھری نے کہا ہے کہ گوادرکےعوام کےمسائل گزشتہ حکومتوں نےحل نہیں کیے، الیکشن کمیشن کو مضبوط کرنا چاہتے ہیں،فارن فنڈنگ کیس پرویسےکام نہیں ہورہاجیسےہوناچاہیے،الیکشن کمیشن تینوں بڑی پارٹیوں کا فنڈنگ ریکارڈ ایک ساتھ سامنے لائے، فنڈنگ تحقیقات کا آغاز بے شک پیپلزپارٹی، پی ٹی آئی اور ن لیگ سے کیا جائے ،تمام سیاسی جماعتوں کےکھاتےعوام کےسامنےآنےچاہئیں۔

لاہور میں وفاقی وزیر اطلاعات فواد چودھری اور وزیر مملکت فرخ حبیب نے نیوز کانفرنس کی،اس دوران فواد چودھری نے کہا کہ بلوچستان حکومت عوام کےمسائل ضرورحل کرے گی جبکہ گوادر میں بجلی ، پانی اور گیس کے مسائل کا احساس ہے،موجودہ حکومت مسائل کے حل کیلئے تیار ہےوزیراعظم نے مسائل کے حل کیلئے بلوچستان کی حکومت سے بات کی ہے، رواں ہفتےبلوچستان کیلئےسب سےبڑاپیکج لارہےہیں۔

انہوں نے مزید کہا کہ الیکشن کمیشن کو مضبوط کرنا چاہتے ہیں، بہت سی شدت پسند جماعتیں الیکشن کمیشن میں رجسٹرڈ ہیں،ن لیگ کے ایک بھی ڈونر کا ریکارڈ موجود نہیں پارٹیوں کی فنڈنگ لوگوں کےسامنے آنی چاہیے،پیپلزپارٹی کا 2009سے 2012تک فنڈنگ کا کوئی ریکارڈ موجود نہیں،فنڈنگ کے ذرائع ابھی تک کسی کو معلوم نہیں ہیں ۔ہے،خیبر پختونخوا ڈویژن میں ن لیگ کا کبھی احتساب ہی نہیں ہوا۔

انہوں نے مزید کہا کہ پارٹیوں کی فنڈنگ لوگوں کےسامنے آنی چاہیے،پیپلزپارٹی کا 2009سے 2012تک فنڈنگ کا کوئی ریکارڈ موجود نہیں،الیکشن کمیشن تینوں بڑی پارٹیوں کا فنڈنگ ریکارڈ ایک ساتھ سامنے لائے،جے یو آئی کی فنڈنگ پر بہت اعتراضات ہوتے رہے ہیں،فنڈنگ تحقیقات کا آغاز بے شک پیپلزپارٹی، پی ٹی آئی، ن لیگ سے کیا جائے۔

فواد چودھری کا کہنا تھا کہ پنجاب میں لوکل گورنمنٹ آرڈیننس منظوری پر مبارکباد دیتا ہوں ،وزیر اعلیٰ سندھ کو ہوش کے ناخن لینا چاہیے ،کل کی تقریر بھی ٹھیک نہیں تھی ،پنجاب حکومت نے لوکل گورنمنٹ کا نظام بنایا ہے ،ہر ڈسٹرکٹ میں میئر کے الیکشن ہونے جارہے ہیں ،میئر اپنے علاقے کا وزیر اعلیٰ ہوگا ،پنجاب میں ضلع کا میئر براہ راست آئے گا، اس کا شیڈول جلد آجائے گا ۔

وزیر اطلاعات نے کہا کہ یہ الیکشن سو فیصد ای وی ایم پر ہوسکتے ہیں ،دو ماہ کے اندر تمام مشینیں مل سکتی ہیں ،منی بجٹ میں کوئی ایسا ایشو نہیں ہے ،مہنگائی میں تیسرا ہفتہ ہے کمی آرہی ہے ،مڈل کلاس کے ہیلتھ کا بوجھ حکومت نے اٹھا لیا ہے ۔

وزیر مملکت برائے اطلاعات و نشریات فرخ حبیب نے کہا کہ الیکشن کمیشن میں 22والیم ہم نے جمع کرائے ہیں،تحریک انصاف نے الیکشن کمیشن میں تمام ریکارڈ جمع کرایا ہے، پیپلزپارٹی اورن لیگ کے اکاونٹس کا معاملہ حتمی مراحل میں نہیں پہنچایا جارہا جبکہ پیپلزپارٹی اور ن لیگ نے آج تک اکاونٹس کا کوئی ریکارڈ جمع نہیں کرایا۔

اکستان پیپلز پارٹی پارلیمنٹیرینز کی ترجمان شازیہ مری نے کہا ہے کہ تحریک انصاف نے فارن فنڈنگ کیس میں ہمیشہ راہ فرار اختیار کی، پیپلز پارٹی کا تمام ریکارڈ الیکشن کمیشن کے پاس موجود ہے ، فواد چودھری اور فرخ حبیب کی نوکری ہی جھوٹ بولنا ہے۔

ترجمان پیپلز پارٹی پارلیمنٹیرینز شازیہ مری نے وفاقی وزرا کی پریس کانفرنس پر رد عمل دیتے ہوئے کہا کہ فواد چودھری اور فرخ حبیب کی نوکری ہی جھوٹ بولنا ہے ، پاکستان پیپلز پارٹی کا تمام ریکارڈ الیکشن کمیشن کے پاس ہے ،فارن ممنوعہ فنڈز کیس میں پی ٹی آٸی مسلسل راہ فرار اختیار کر رہی ہے

جمرود:بس اولیا کی زندگی ہماری لئے مشعل راہ ہے:نورالحق قادری کا خطاب ،اطلاعات کے مطابق گیارویں شریف محفل میلاد کا انعقاد ملاگوری معصوم بابا تاتارہ میں کیا گیا جس میں کثیر تعداد میں علماء، طلباء کرام علاقہ مشران و علاقہ مکینوں نے شرکت کی

محفل میلاد النبی صلی اللہ علیہ وسلم کے موقع پر خطاب کرتے ہوئے وفاقی وزیر برائے مذہبی امور پیرنورالحق قادری نے کہاکہ اولیاء کی زندگی ہماری لئے مشعل راہ ہے۔ شیخ عبدالقادر جیلانی رح کی تعلیمات پر روشنی ڈالتے ہوئے انہوں نے کہا کہ ان کی تعلمات پر عمل سے ہی ہم اخرت میں فلاح پاسکتے ہیں اور معاشرے میں امن بھائی چارے کو فروغ دے سکتے ہیں۔

انہوں نے کہا کہ انبیاء کرام کے بعد اولیاء کرام نے اسلام کی تبلیغ و ترویج کے لئے بہت کام کیا ہے اور بھٹکے ہوئے لوگوں کی اصلاح کرکے اسلام کی روشنی کی طرف راغب کیا ہے۔اولیاء کرام انبیاء کے وارثین ہیں۔اولیاء کرام نے اپنے اعمال،اخلاق و افکار سے لوگوں کے دلوں میں گھر کرکے انکے دلوں کو اللہ تعالی کے محبت سے روشناس کیا ہے۔

ان کا کہنا تھا کہ اولیاء کرام نے انبیاء کرام کے محبت کو لوگوں کے دلوں میں ڈال کر اسلام کی سربلندی کے لئے اپنی زندگیاں وقف کی ہے۔دورد شریف سب سے افضل ذکر ہے کیونکہ اللہ تعالٰی نے اپنے نبی کریم صلی اللہ علیہ وسلم کا ذکر بلند کیا ہے۔آخر میں وفاقی وزیر برائے مذہبی امور پیر نورالحق قادری نے مدرسے کے طلباء میں کتابیں تقسیم کی اور فارغ التحصیل طلباء کی دستر بندی کی جبکہ کامیاب طلباء میں انعامات بھی تقسیم کئے گئے۔

اسلام آباد :سپریم کورٹ میں کل کون سے اہم کیسزکی سماعت ہونے جارہی ہے:تفصیلات آگئیں،اطلاعات کے مطابق کل بروز سوموار مورخہ 13 دسمبر سپریم کورٹ میں سماعت ہونے والے اہم مقدمات کی تفصیلات منظرعام پرآگئی ہیں‌

کل اہم کیسز کی سماعت کی ترتیب کچھ اس طرح ہے

1- کپاس کے پیداواری علاقوں میں شوگر ملوں کو لگانے کی اجازت کے خلاف دائر درخواستوں پر سماعت
(کورٹ نمبر دو جسٹس عمر عطاء بندیال تین رکنی بینچ سیریل نمبر 6)

2- طاہر نقاش بنام سٹیٹ کیس کی سماعت جو توہین رسالت سے متعلق ہے
(کورٹ نمبر پانچ جسٹس سردار طارق مسعود تین رکنی بینچ سیریل نمبر 9)
خصوصی نوٹ سری لنکن شہری پرانتھا کمار کے واقعہ کو مدنظر رکھ کر اس کیس کی کوریج اور اس کیس کی سماعت میں شرکت کیلئے کافی تعداد میں لوگ سپریم کورٹ آ سکتے ہیں لہزا مناسب حفاظتی اقدامات کی ضرورت ہے

3- غلام قادر چانڈیو بنام سید زین العابدین کیس کی سماعت جو صوبائی اسمبلی کی انتخابی عذرداری سے متعلق ہے
(کورٹ نمبر چھ جسٹس اعجاز الاحسن تین رکنی بینچ سیریل نمبر 3)

4- برطرف سرکاری ملازمین بحالی کیس کی سماعت
سماعت دن ساڑھے گیارہ بجے کورٹ نمبر ایک میں جسٹس عمر عطاء بندیال کی سربراہی میں پانچ رکنی لارجر بینچ کرے گا

دوسری طرف ماہرین کا خیال ہے کہ کافی زیادہ امکان ہے کہ متزکرہ بالا کیس کی اس سماعت میں اٹارنی جنرل پاکستان اور کیس کے دیگر وکلاء کے دلائل مکمل مونے پر عدالت اپنا فیصلہ سنا دے اور اس بات کا بھی قوی امکان ہے کہ اس سماعت کے موقعہ پر عدالت عظمیٰ اور حکومت ہر دباؤ بڑھانے کیلئے پہلے سے کہیں زیادہ برطرف سرکاری ملازم سپریم کورٹ کے سامنے جمع ہوں۔

برطرف ملازمین کسی صورت نہیں چاہتے کہ اس کیس میں فیصلہ ان کے خلاف آئے اگر خدانخواستہ فیصلہ ان ملازمین کے خلاف آتا ہے تو سپریم کورٹ بلڈنگ کے اندر باہر لاء اینڈ آرڈر کا بہت بڑا مسلہ بن سکتا ہے،سپریم کورٹ کے سامنے شاہراہِ دستور پر موجود متاثرہ ملازمین کا یہ جم غفیر مجمع خلاف قانون میں تبدیل ہو سکتا ہے،

یہ بھی خیال کیا جارہا ہے کہ دھرنا کی صورتحال بھی پیدا ہو سکتی ہے لہزا کسی بھی قسم کی ناخوشگوار صورتحال سے بچنے کیلئے کمرہ عدالت،احاطہ سپریم کورٹ،سپریم کورٹ کے سامنے شاہراہِ دستور،ججز بلاک ،ججز کالونی اور دیگر ضروری مقامات پر حفاظت کے سخت اقدامات کیے جائیں تاکہ کوئی ناخوشگوار واقعہ رونما نہ ہو سکے اور نہ ہی لاء اینڈ آرڈر کا کوئی مسلہ بنے۔

اسلام آباد :امیر جماعت اسلامی سراج الحق کی اپیل پر”یوم یکجہتی بلوچستان“ احتجاجی مظاہرہ ا،طلاعات کے مطابق امیر جماعت اسلامی سراج الحق کی اپیل پر ملک بھر کی طر ح اسلام آباد میں بھی ”یوم یکجہتی بلوچستان“ منایا گیا اس سلسلے میں نیشنل پر یس کلب اسلم آباد کے سامنے جماعت اسلامی اسلام آباد کے زیر اہتمام احتجاجی مظاہرہ کیا گیا ، احتجاجی مظاہرے سے جماعت اسلامی پاکستان کے مر کزی نائب امیر میاں محمد اسلم ، جماعت اسلامی بلوچستان کے سیکرٹری جنرل مو لانا ہدایت الرحمن ،امیر جماعت اسلامی اسلام آباد نصر اللہ رند ھاوا، زبیر صفدر ،میاں محمد رمضان ،فیض بلوچ ،وراحسن خان دیگر رہنماءنے خطاب کیا ۔

احتجاجی مظاہرے سے خطاب کر تے ہو ئے میاں محمد اسلم نے کہا حکمران گوادر میں ظلم بند کریں اور مظاہرین کو ان کاحق دیں،گوادر کے عوام ایک ماہ سے سڑک پر بیٹھے اپنا حق مانگ رہے ہیں،گوادر کی تاریخ میں پہلی بار خواتین اپنے شیرخوار بچوںکے ہمراہ سڑکوں پرآئیں، پورا گوادر مولانا ہدایت الرحمن کی ”گوادر کو حق دو تحریک“ پر ان کے ساتھ کھڑا ہے۔، انھوں نے کہابلوچ عوام محب وطن اور پرامن ہیں۔ حکمران ان کی آواز نہیں سنیں گے، تو ردعمل آئے گا، ملک میں پسماندہ اور مظلوم طبقات کی کبھی شنوائی نہیں ہوئی۔ ایک خاص طبقہ ایوانوںمیں بیٹھا اپنا مال بنا رہا ہے اور انھیں لوگوں کے مسائل سے کوئی غرض نہیں، مولانا ہدایت الرحمن کی سربراہی میں ”گوادر کو حق دو تحریک“ تب تک جاری رہے گی جب تک گوادر کے رہائشیوں کے تمام جائز مطالبات منظور نہیں ہوجاتے، انھوں نے کہا کہ جماعت اسلامی بلوچستان کا مقدمہ ہر فورم پر لڑ رہی ہے، بلوچستان کے عوام کے تمام آئینی اور قانونی جائز مطالبات کی بھرپور تائید کرتے ہیں۔

مو لانا ہدایت الرحمن نے کہا۔ گوادر تحریک کے مطالبات عوامی آواز ہیں، حکومت انھیں اپنی مخالفت میں سمجھنے کی بجائے تسلیم کرے اور عوام کی مشکلات کا خاتمہ کرے۔ مقامی ماہی گیروں کے لیے روزگار کے ذرائع ناپید ہو چکے،گوادر میں بڑے ٹرالروں کے ذریعے غیر قانونی مچھلی کا شکار نہ صرف گوادر کے ماہی گیروں کے لیے مشکلات پیدا کر رہا ہے بلکہ اس سے سمندر ی حیات کے خاتمہ اور ماحول کو شدید خطرات لاحق ہیں، انھوں نے کہا گوادر تحریک سی پیک کے خلاف نہیں، کوئی پاگل ہی ہو گا جو ترقی کی مخالفت کرے گا، گوادر تحریک کو سی پیک کی مخالفت سے جوڑنے والے پروپیگنڈا کر رہے ہیں، اس کا حقیقت سے کوئی تعلق نہیں۔ مولانا ہدایت الرحمن نے کہا کہ بلوچ عوام محب وطن ہیں، مگر ان کے ساتھ زیادتیاں نہیں ہونی چاہییں، علاقے میں جگہ جگہ چیک پوسٹوں پر لوگوں کی تذلیل نہ کی جائے، سرحدی تجارت پر پابندی ختم کی جائے۔

نصر اللہ رند ھاوا نے کہا گوادر میں 10دسمبر کو مولانا ہدایت الرحمن کی قیادت میں تاریخی ریلی نے ریفرنڈم کر دیا کہ وفاقی، صوبائی اور ریاستی ادارے گوادر بلوچستان کے عوام کو حق دیں، مظاہرین پرامن گوادر کی ترقی کے حامی اور پاکستان کے لیے جرات مند بااعتماد عوام ہیں، حکومتیں حالات و مسائل کو الجھانے کی بجائے گوادر ساحل پر ٹرالر مافیا کے خاتمہ اور مقامی ماہی گیروں کے روزگار کو تحفظ دیا جائے، انھوں نے کہا بارڈر پر ایف سی کوسٹ گارڈز کی بجائے صوبائی سول انتظامیہ معاملات کی ذمہ داری لیں، سیکیورٹی کے نام پر غیر ضروری چیک پوسٹس ختم کی جائیں اورعوام کی تذلیل بند کی جائے، شراب خانوں کے لائسنس منسوخ اور منشیات فروشی کا خاتمہ کیا جائے، نصر اللہ رندھاوا نے کہا گوادر کے عوام کا تعلیم، صحت، پانی و روزگار کا حق تسلیم کیا جائے۔

لاہور:32ممالک کے 425کھلاڑیوں کے ساتھ پی ایس ایل 7کی ڈرافٹنگ ہوگئی ،اطلاعات کے مطابق پاکستان کرکٹ کا سب سے بڑا میلہ سجنے کو تیارہے ، لاہور میں پاکستان سپر لیگ (پی ایس ایل 7)کیلئے ڈرافٹنگ کی تقریب جاری ہے جس میں 32 ممالک کے 425کھلاڑیوں کی سلیکشن کی جائیے گی جبکہ میگا ایونٹ27 جنوری سے شروع ہوگا اور مجموعی طورپر34میچز کھیلے جائیںگے۔

پی سی بی کی طرف سے جاری تفصیلات میں بتایا گیا ہےکہ پی ایس ایل ڈرافٹنگ پالیسی کے تحت ہر فرنچائز کو آخری ایونٹ کے زیادہ سے زیادہ 8 کرکٹرز برقرار رکھنے کی اجازت تھی۔اسلام آباد یونائیٹڈ،کراچی کنگز، لاہور قلندرز اور پشاور زلمی نے 8 کھلاڑیوں کا انتخاب کیا۔ملتان سلطانز اور کوئٹہ گلیڈی ایٹرز نے 7،7کھلاڑی برقرار رکھے ۔ہر فرنچائز کو 18رکنی سکواڈ میں پلاٹینم، ڈائمنڈ اور گولڈ کیٹیگریز کے تین تین کھلاڑی شامل کرنے کی اجازت ہے۔

ٹیموں کو سلور میں 5، ایمرجنگ میں 2 اور سپلیمنٹری کیٹیگری کے 2 پلیئرز شامل کرنا ہیں،ڈرافٹنگ کا مرحلے میں 32ملکوں سے مجموعی طور پر 425 کھلاڑی سلیکشن کیلئے دستیاب ہیں۔ فرنچائزز اپنی مرضی کے کرکٹرز کا انتخاب کرتے ہوئے سکواڈز کو پورا کریں گے ۔

پی ایس ایل ڈرافٹنگ تقریب سے خطاب کرتے ہوئے پاکستان کرکٹ بورڈ کے چیئرمین رمیز راجہ نے کہا کہ کرکٹ بورڈ اور فرنچائز مالکان کا تعلق بہت اہم ہے ،لیڈرشپ بہتر ہو تو تمام چیزیں بہتر سمت میں جاتی ہیں جبکہ بورڈ اور مالکان کو ایک پیج پر ہونا چاہیئے ۔

رمیز راجہ کا کہنا تھا کہ کوشش یہی ہے کہ پی ایس ایل کو دنیا کی بہترین لیگ بنائیں ،تمام فرنچائز اور سپانسرز کا تعاون اہم ہے اس لئے ان کا شکریہ ادا کرتا ہوں۔

ان کا کہنا تھا کہ آج ہم سٹریٹجک پارٹنرشپ کرنے جارہے ہیں ،جب تک آپ کی پچز نہیں ہونگی تو بین الاقوامی کرکٹ میں مشکلات ہونگی ،جتنی بھی فرسٹ کلاس کرکٹ دیکھی اس میں پچز کا معیار بہتر نہیں تھا، اگر پچ اچھی نہیں ہوگی تو آپ کا پراڈکٹ ٹھیک نہیں ہوگا ۔

رمیز راجہ نے کہا کہ اگلے ایک ماہ میں 30ہائبرڈ پچز بنائیں گے ،دو ڈراپ ان پچز بنانے جارہے ہیں اور ان دو ڈراپ ان پچز پر 37 کروڑ کی لاگت آئے گی۔

پلاٹینم، ڈائمنڈ اور گولڈ کی ڈرافٹنگ کچھ اس طرح کی گئی ہے

The first pick of our #HBLPSLDraft in the Platinum round was with the @lahoreqalandars who added @FakharZamanLive back to the squad! pic.twitter.com/S2MA3GvYvn

— PakistanSuperLeague (@thePSLt20) December 12, 2021

پلاٹینم کیٹگری

اس کیٹگری کے ساتھ تقریب کے دوران پلاٹینیم کیٹگری کے لئے لاہور قلندرز نے فخر زمان ،اسلام آباد یونائیٹڈ نے کولن منرو،کراچی کنگز نے کرس جارڈن اور ملتان سلطانز نے آسٹریلوی بلے باز ٹم ڈیوڈ کو وائلڈ کارڈ سے منتخب کرلیا ہے۔کوئٹہ گلیڈئیٹرز نے جیسن روئے اورپشاور زلمی نے افغانستان کے اوپنر حضرت اللہ ززئی کو وائلڈ کارڈ کے ذریعے منتخب کرلیا ہے۔

ڈائمنڈ کیٹگری

پاکستان سپر لیگ 7 کی ڈرافٹنگ تقریب کی ڈائمنڈ کیٹگری میں کوئٹہ گلیڈئیٹرز نے آسٹریلوی آل راؤنڈر جیمز فالکنر، اسلام آباد یونائیٹڈ نے مرچنٹ ڈی لینگ، ملتان سلطانز نے ڈوین سمتھ ،کراچی کنگز نے لوئس گریگری کو شامل کرلیا ہے۔

سلور کیٹگری

ڈرافٹنگ تقریب میں سلور کیٹگری میں پشاور زلمی نے سلمان ارشاد ، ملتان سلطانز نے رومان رئیس ، کراچی کنگز نے عمید آصف، ملتان سلطانز نے آصف آفریدی ، پشاور زلمی نے کامران اکمل ، کوئٹہ گلیڈئیٹرز نے خرم شہزاد،پشاور زلمی نے ثمین گل کراچی کنگز نے محمد عمران جونئیر کوشامل کیا گیا ہے

سلوری کیٹگری میں‌ کوئٹہ گلیڈی ایٹرز نے نوین الحق ،ملتان سلطانز نے رومین پال پشاور زلمی نے ارشد اقبال ،اسلام آباد یونائیٹڈ نے ظفر گوہر،کراچی کنگز نے روحیل نذیر اورکوئٹہ گلیڈی ایٹرز نے سلور کیٹگری میں سہیل تنویر کو شامل کرلیا۔