Author: +9251

لاہور: پی ٹی آئی اور پاکستان لیگ پنجاب کے نئے بلدیاتی نظام پر متفق:جیت گیا کپتان،ن لیگ پریشان ،اطلاعات کے مطابق اس وقت پنجاب میں بلدیاتی الیکشن کے حوالے سے اچھی خبر نے جہاں پاکستان تحریک انصآف اور پاکستان مسلم لیگ کو خوش کردیا ہے وہاں یہ خبر ن لیگ کے لیے ایک بجلی کا کڑکا بن کرثابت ہوئی ہے ،

ن لیگ کو جو سب سے بڑی پریشانی ہوئی ہے وہ صوبے میں دوبڑی جماعتوں کا بلدیاتی انتخابات پر متفق ہونا ہے جس کے بعد ن لیگ کے لیے اب ڈھٹائی کے علاوہ کچھ نہیں بچا، ادسھر پنجاب حکومت اورپاکستان مسلم لیگ کے درمیان صوبائی بلدیاتی نظام کے حوالے سے معاملات طے پاگئے ہیں۔

ذرائع کے مطابق پنجاب کے نئے بلدیاتی نظام سے متعلق پی ٹی آئی اور پاکستان لیگ سمیت دیگر اتحادیوں کے درمیان ہونے والے ڈیڈ لاک میں بڑا بریک تھرو سامنے آیا اور دونوں جماعتوں نے مشاورت کے بعد بلدیاتی سیٹ اپ پر اتفاق کیا اور بات چیت کے جاری رکھنے کا فیصلہ بھی کیا۔

ذرائع کے مطابق پنجاب میں 11 میٹروپولیٹن کارپوریشنز ، 9ڈویژنل ہیڈکوارٹرز پر میٹروپولیٹن کارپوریشنز کے قیام پر اتفاق کیا گیا ہے جبکہ دونوں جماعتوں نے گجرات اورسیالکوٹ میں بھی میٹروپولیٹن کارپوریشنز کے قیام اور لارڈ میئر کے انتخاب پر اتفاق کیا۔

ذرائع کے مطابق پنجاب کےباقی 25 اضلاع میں ڈسٹرکٹ کونسلز ہوں گی، جن کی دیکھ بھال یا سربراہی ڈسٹرکٹ میئر کی ذمہ داری ہوگی۔

نئے بلدیاتی نظام کے تحت نچلی سطح پر نیبرہڈ اور ویلج کونسل کا قیام عمل میں لایا جائے گا جبکہ تحصیل کونسلز اور میونسپل کارپوریشنز کو ختم کردیا جائے گا، اسی طرح میونسپل کمٹیز اور ٹاؤن کمیٹیوں کو بھی ختم کردیا جائے گا۔ نئے بلدیاتی نظام کے بعد دوسرے تمام سیٹ اپ خود بہ خود

ختم ہوجائیں گے۔

لاہور: ویسٹ انڈیز کیخلاف ہوم سیریز کیلئے قومی اسکواڈ کا اعلان، ویسٹ انڈیز کے خلاف ہوم سیریز کیلئے پاکستانی اسکواڈ کا اعلان کردیا گیا۔ 4 اہم کھلاڑی شامل نہیں، پاکستان کرکٹ بورڈ کے مطابق سلیکٹرز نے ٹی 20سیریز کے لئے 15 رکنی جبکہ ون ڈے سیریز کے لئے 17 کھلاڑیوں کا اعلان کیا ہے ،عبداللہ شفیق بطور ٹریول ریزرو سکواڈ کے ساتھ رہیں گے ۔

تین ٹی 20انٹرنیشنل میچز کے لیے اعلان کردہ سکواڈ کی قیادت بابر اعظم کریں گے دیگر کھلاڑیوں میں نائب کپتان شاداب خان، آصف علی، فخر زمان، حیدر علی اور حارث رؤف ،افتخار احمد، خوشدل شاہ، محمد حسنین، محمد نواز، محمد رضوان ،وسیم جونیئر ،شاہین شاہ آفریدی، شاہنواز دھانی اور عثمان قادر بھی ٹیم میں شامل ہیں ۔

pic.twitter.com/rfjc4RUhg0

— Pakistan Cricket (@TheRealPCB) December 2, 2021

قومی ون ڈے سکواڈ میں شامل 17 کھلاڑیوں میں کپتان بابر اعظم اور نائب کپتان شاداب خان شامل ہیں جبکہ دیگر کھلاڑیوں میں آصف علی، فخر زمان، حیدر علی ،حارث رؤف ،افتخار احمد، امام الحق، خوشدل شاہ، محمد نواز ،محمد رضوان ،محمد وسیم جونیئر، محمد حسنین، سعود شکیل، شاہین شاہ آفریدی،شاہنواز دھانی اور عثمان قادر ٹیم کا حصہ ہوں گے۔

پی سی بی کے مطابق منصور رانا کو منیجر اور ثقلین مشتاق کو عبوری ہیڈ کوچ مقرر کیا گیا ہے ،نجیب سومرو ٹیم ڈاکٹر اور احسن افتخار ناگی ٹیم کے میڈیا اینڈ ڈیجیٹل منیجر مقرر کیے گئے ہیں ۔

چیف سلیکٹر محمد وسیم نے کہا کہ قومی ٹی 20سکواڈ متوازی ہے،سکواڈ کی تعداد کم کرنے کی وجہ سے شعیب ملک، سرفراز احمد ،عماد وسیم اور نان سٹاپ کرکٹ کھیلنے والے حسن علی کو ان کی مشاورت سے آرام دیا گیا ہے۔

دیگر کھلاڑیوں میں نائب کپتان شاداب خان، آصف علی، فخر زمان، حیدر علی، حارث رؤف، افتخار احمد، خوشدل شاہ، محمد حسنین، محمد نواز، محمد رضوان ، محمد وسیم جونیئر، شاہین شاہ آفریدی، شاہنواز دھانی اور عثمان قادر شامل ہیں۔

واضح رہے کہ پاکستان اور ویسٹ انڈیز کے درمیان تین ٹی ٹوئنٹی اور 3 ایک روزہ میچوں کی سیریز کا آغاز 13 دسمبر سے ہو گا اور تمام میچز کراچی کے نیشنل اسٹیڈیم میں کھیلے جائیں گے۔

اسلام آباد : پاکستان کا سب سے بڑا “ٹیلنٹ ہنٹ پروگرام”:وزیراعظم نےمنظوری دے دی ،اطلاعات کے مطابق وزیراعظم عمران خان نے ملک کا سب سے بڑا ‘ٹیلنٹ ہنٹ پروگرام’ لانچ کرنے کی منظوری دے دی، پروگرام رواں ہفتے لانچ کیا جائے گا۔

تفصیلات کے مطابق وزیراعظم عمران خان نے ایک بار پھر نوجوانوں سے خطاب کا فیصلہ کرتے ہوئے ملک کے سب سے بڑے ‘ٹیلنٹ ہنٹ پروگرام’ لانچ کرنے کی منظوری دے دی۔

اس سلسلے میں وزیراعظم سے سربراہ کامیاب جوان پروگرام عثمان ڈار کی ملاقات ہوئی ، جس میں کامیاب جوان اسپورٹس ڈرائیو 6 دسمبر کو لانچ کرنے کا فیصلہ کرلیا۔

ملک میں کرکٹ ہاکی فٹ بال سمیت 12 کھیلوں کا ٹیلنٹ ہنٹ کیا جائے گا ، ٹیلنٹ ہنٹ پروگرام کے لیے 4 صوبوں کو25 ریجنز میں تقسیم کر دیا گیا ، ملک بھر کی جامعات میں ہائی پرفارمنس سینٹرز بھی بنائے جائیں گے۔

وزیراعظم نے ابتدائی پلان منظور کر لیا، 6 دسمبر کو لانچنگ ہو گی، لانچنگ تقریب جناح اسٹیڈیم اسلام آباد میں ہوگی ، ہزاروں نوجوان شریک ہوں گے۔سربراہ کامیاب جوان پروگرام عثمان ڈار نے تیاریاں شروع کر دیں، عثمان ڈار کا کہنا ہے کہ وزیراعظم کھیلوں کے فروغ کےلیےکیا وعدہ پورا کرنےجا رہے ہیں۔

عثمان ڈار کا کہنا تھا کہ ملک کا سب سے بڑا ٹیلنٹ ہنٹ پروگرام رواں ہفتے لانچ کیا جائے گا، وفاقی حکومت مقامی ٹیلنٹ کوعالمی فورمز تک پہنچانے کی ذمے داری لے گی۔

کراچی:کامیابیوں کا سفر جاری :ایرانی شہر مشہد سے کراچی کیلئے براہ راست پروازوں پر اتفاق،اطلاعات کے مطابق پاکستان اور ایران کے درمیان فضائی سروس کا ایک زبردست معاہدہ سامنے آیا ہے ،اسی سلسلے میں‌ قومی ایئرلائن کے چیف ایگزیٹو آفیسر ایئر مارشل اشد ملک سے ایرانی سفری محمد علی حسینی نے ملاقات کی اس دوران ایرانی شہر مشہد سے کراچی کیلئے براہ راست پروازوں پر اتفاق ہوا۔

تفصیلات کے مطابق ایئر مارشل ارشد ملک اور ایران کے سفیر محمد علی حسینی کے درمیان ہونے والی ملاقات کے دوران ہوا بازی کے شعبے میں دوطرفہ تعلقات پر تبادلہ خیال اور دوطرفہ تعاون بڑھانے پر بھی تبادلہ خیال کیا گیا۔

ایران اور پاکستان نے مشہد سے کراچی کے لیے براہ راست پروازیں شروع کرنے پر اتفاق کیا ہے جس کا مقصد دونوں ہمسایہ ممالک کے درمیان عوام کے درمیان روابط اور سیاحت کو فروغ دینا ہے۔حکام کا کہنا ہے کہ پی آئی اے جنوری 2022 سے شمال مشرقی ایران کے شہر مشہد سے کراچی کے لیے براہ راست پروازیں شروع کرے گی۔

ترجمان پی آئی اے کا کہنا ہے کہ کراچی سے مشہد کی براہ راست پروازوں کے آغاز سے دونوں ہمسایہ ممالک کے مختلف گروپوں کی ایک دوسرے کے ممالک میں نقل و حرکت میں اضافہ ہوگا، جس میں ایران میں مقدس مقامات کی زیارت اور تجارتی و تجارتی وفود کا تبادلہ بھی شامل ہے۔

قومی ایئرلائن کے ترجمان نے مزید کہا کہ پی آئی اے زائرین کی سہولیات کے لئے شام، عراق اور ایران کے سیکٹر پر پروازوں میں اضافہ پر بہت زیادہ توجہ دے رہا ہے تمام مقدس مقامات پی آئی اے کے نیٹ ورک میں آجائیں گے۔