Author: +9251

اسلام آباد:عرب دنیا کی عزت وتکریم دل کی اتھاہ گہرائیوں سے اوران کی خوشحالی کے لیے ہمیشہ دعائیں کرتےہیں:اطلاعات کے مطابق متحدہ عرب امارات کے 50ویں قومی دن کے موقع پر منعقدہ تقریب میں وزیر خارجہ شاہ محمود قریشی نے اظہارِ خیال کرتےہوئے عرب دنیا سے پاکستان کی دلی محبت اوروابستگی کا کھل کراظہارکیا اور کہا پاکستان کی محبت عرب دنیا سے خصوصا عرب امارات سے ایک دینی تعلق ، اخوت اور فطری ہے

اس موقع پر شاہ محمود قریشی نے کہا کہ آج ہم نہ صرف متحدہ عرب امارات کے اتحاد کی گولڈن جوبلی منا رہے ہیں بلکہ اس وقت پاکستان اور متحدہ عرب امارات کے درمیان سفارتی تعلقات کو بھی 50 سال مکمل ہو گئے ہیں۔ان کا کہنا تھا کہ میں پاکستان کی قیادت کی طرف سے متحدہ عرب امارات کی قیادت کو تہہ دل سے مبارکباد پیش کرتا ہوں۔پاکستان اور متحدہ عرب امارات کے درمیان بہترین برادرانہ تعلقات ہیں جو مشترکہ ورثے اور کثیر جہتی تعاون پر مبنی ہیں۔

 

 

شاہ محمود قریشی نے کہاکہ متحدہ عرب امارات نے جو فقیدالمثال ترقی کے مدارج طے کیے ہیں وہ متحدہ عرب امارات کے بانی محترم شیخ زاید بن سلطان النہیان کی دور اندیش قیادت کے بغیر ممکن نہیں تھے۔

اس عظیم رہنما کو پاکستان سے بہت لگاؤ ​​تھا۔ انہوں نے پاکستان میں بہت سے سماجی و اقتصادی منصوبوں میں ذاتی دلچسپی لی اور پاکستانی ورکرز کو متحدہ عرب امارات میں کام کرنے کا موقع دیا – یہ پاکستانی، پاکستان اور متحدہ عرب امارات کے درمیان ایک مضبوط پل کا کردار ادا کرتے ہیں۔

متحدہ عرب امارات میں ان کے جانشین رہنما شیخ زاید کے طے کردہ اعلیٰ معیارات کی پیروی کر رہے ہیں اور پاکستان کے ساتھ تعلقات کو مزید مضبوط اور مستحکم بنانے کیلئے کوشاں ہیں ۔

شاہ محمود قریشی نے کہاکہ عمران خان کے وزیر اعظم منتخب ہونے کے بعد پاکستان اور یو اے ای کے تعلقات مزید مضبوط ہوئے۔ وزیر اعظم عمران خان اور عزت مآب محمد بن زید النہیان کے بار بار ہونے والے دوروں نے ہمارے دوطرفہ تعلقات میں مزید وسعت پیدا کی ہے

میں نے اور میرے ہم منصب نے اپنے قائدین کے فیصلوں کی پیروی کرنے کے لیے کئی بار ملاقات کی ہے۔ ہماری قریبی مشاورت کے نتیجے میں باہمی دلچسپی کے سیاسی، علاقائی اور بین الاقوامی مسائل پر بہتر تفہیم پیدا ہوئی ۔ ہمارے تجارتی اور اقتصادی تعلقات بھی مضبوط ہو چکے ہیں۔

ہم بین الاقوامی فورمز پر بھی باہمی تعاون جاری رکھے ہوئے ہیں۔ ہم متحدہ عرب امارات کو – 2022-23 کی مدت کے لیے اقوام متحدہ کی سلامتی کونسل میں انتخاب اور کوپ 26 کی میزبانی پر مبارکباد پیش کرتے ہیں۔

 

Good to attend a reception celebrating #UAE50 . Congratulate H.H @ABZayed, the leadership and people of UAE. We are also pleased to commemorate a joint milestone this year: 50 years of Pakistan-UAE friendship. #PakUAEAt50
🇵🇰 🇦🇪 pic.twitter.com/YBYe4UzWgj

— Shah Mahmood Qureshi (@SMQureshiPTI) December 2, 2021

 

متحدہ عرب امارات کی فاؤنڈیشن کی گولڈن جوبلی کے موقع پر، ہم ایکسپو 2020 کے کامیاب انعقاد پر بھی مبارک باد پیش کرتے ہیں ۔ یہ مشرق وسطیٰ، شمالی افریقہ اور جنوبی ایشیا (MENASA) خطے، میں پہلی عالمی نمائش ہے۔

شاہ محمود قریشی نے کہا کہ متحدہ عرب امارات سے ہماری محبت کے اظہار کے طور پر، پاکستان نے ایکسپو میں پرجوش انداز میں شرکت کی۔ان کا یہ بھی کہنا تا تھا کہ صدر پاکستان نے "پاکستان پویلین” کا افتتاح کرنے کے لیے متحدہ عرب امارات کا دورہ کیا جس نے سب سے زیادہ متحرک اور فعال پویلین ہونے کی وجہ سے بھرپور توجہ حاصل کی ہے۔

پاکستان اور متحدہ عرب امارات کے درمیان اقتصادی اور تجارتی تعلقات ہمارے دوطرفہ تعلقات کا ایک اہم حصہ ہیں اور مسلسل نمو پا رہے ہیں۔ 8 بلین ڈالر سے زیادہ کی باہمی تجارت کے ساتھ، متحدہ عرب امارات مشرق وسطیٰ اور شمالی افریقہ کے خطے میں پاکستان کا سب سے بڑا تجارتی شراکت دار ہے۔ اس کا شمار پاکستان میں سب سے بڑے غیر ملکی سرمایہ کاروں میں ہوتا ہے۔

ان کا یہ بھی کہنا تھا کہ چین پاکستان اقتصادی راہداری کی مسلسل پیش رفت اور گوادر بندرگاہ کے آپریشنل ہونے سے پاکستان مشرق وسطیٰ کو افغانستان اور اس کے بعد وسطی ایشیا سے ملانے کے لیے تیار ہے۔ ہمارے خطوں کے درمیان بہتر رابطہ ہمارے لوگوں کے لیے کافی منفعت بخش ہو گا

آخر میں شاہ محمود قریشی کا کہنا تھا کہ میں ایک مرتبہ پھر پاکستان کی عوام اور حکومت کی طرف سے متحدہ عرب امارات کی عوام اور قیادت کو اس گولڈن جوبلی کے موقع پر دلی مبارکباد پیش کرتا ہوں۔

عرب امارات فلک بوس عمارتوں کی سرزمین نہیں ہے بلکہ کردارکی بلند و بالا شخصیات کا…

افغان طالبان اور ایرانی سرحدی فوج کے درمیان شدید جھڑپیں،افغان طالبان نے تین…

شوکت ترین کو سینیٹر بنانے کے لیے ٹکٹ جاری دیا گیا

مسنگ پرسنز: قومی کمیشن برائے لاپتہ افراد نے اب تک 6047 مقدمات نمٹادئیے

 

کراچی: سندھ حکومت کے لیے مشکلات ہی مشکلات:الیکشن کمیشن نے بڑی پابندی عائد کردی ،اطلاعات کے مطابق الیکشن کمیشن آف پاکستان (ای سی پی) نے سندھ کے تمام اضلاع، شہری اور مقامی علاقوں کی حدود تقسیم کرنے پر پابندی عائد کردی۔

ذرائع کے مطابق سندھ میں متوقع بلدیاتی انتخابات کے حوالے سے الیکشن کمیشن آف پاکستان نے بڑا حکم نامہ جاری کیا، جس میں ضلع کی حدود تبدیل کرنے پر پابندی عائد کی گئی ہے۔

الیکشن کمیشن کی جانب سے جاری اعلامیے میں بتایا گیا ہے کہ سندھ حکومت شہری یا مقامی علاقے کی حدود بھی تبدیل نہیں کرسکتی جبکہ ٹاؤن اور میونسپل کمیٹی کی تبدیلی پر بھی پابندی ہے۔الیکشن کمیشن نے واضح کیا ہے کہ نئی حلقہ بندیاں سابقہ حدود پر ہی کی جائیں گی۔

یاد رہے کہ سندھ حکومت نے گزشتہ دنوں بلدیاتی انتخاب میں ترمیم کر کے نیا قانون اسمبلی سے منظور کروایا تھا، جس میں ڈی ایم سی اور یونین کونسلز کو ختم کرکے ٹاؤن کی تعداد کو بڑھایا گیا تھا۔

ادھر پنجاب میں پاکستان مسلم لیگ اور پی ٹی آئی کے درمیان معاہدہ ہوگیا ہے پنجاب حکومت اور مسلم لیگ ق کے درمیان صوبائی بلدیاتی نظام کے حوالے سے معاملات طے پاگئے ہیں۔

ذرائع کے مطابق پنجاب کے نئے بلدیاتی نظام سے متعلق پی ٹی آئی اور ق لیگ سمیت دیگر اتحادیوں کے درمیان ہونے والے ڈیڈ لاک میں بڑا بریک تھرو سامنے آیا اور دونوں جماعتوں نے مشاورت کے بعد بلدیاتی سیٹ اپ پر اتفاق کیا اور بات چیت کے جاری رکھنے کا فیصلہ بھی کیا۔

ذرائع کے مطابق پنجاب میں 11 میٹروپولیٹن کارپوریشنز ، 9ڈویژنل ہیڈکوارٹرز پر میٹروپولیٹن کارپوریشنز کے قیام پر اتفاق کیا گیا ہے جبکہ دونوں جماعتوں نے گجرات اورسیالکوٹ میں بھی میٹروپولیٹن کارپوریشنز کے قیام اور لارڈ میئر کے انتخاب پر اتفاق کیا۔

ذرائع کے مطابق پنجاب کےباقی 25 اضلاع میں ڈسٹرکٹ کونسلز ہوں گی، جن کی دیکھ بھال یا سربراہی ڈسٹرکٹ میئر کی ذمہ داری ہوگی۔

نئے بلدیاتی نظام کے تحت نچلی سطح پر نیبرہڈ اور ویلج کونسل کا قیام عمل میں لایا جائے گا جبکہ تحصیل کونسلز اور میونسپل کارپوریشنز کو ختم کردیا جائے گا، اسی طرح میونسپل کمٹیز اور ٹاؤن کمیٹیوں کو بھی ختم کردیا جائے گا۔ نئے بلدیاتی نظام کے بعد دوسرے تمام سیٹ اپ خود بہ خود ختم ہوجائیں گے۔

عرب امارات فلک بوس عمارتوں کی سرزمین نہیں ہے بلکہ کردارکی بلند و بالا شخصیات کا…

افغان طالبان اور ایرانی سرحدی فوج کے درمیان شدید جھڑپیں،افغان طالبان نے تین…

شوکت ترین کو سینیٹر بنانے کے لیے ٹکٹ جاری دیا گیا

مسنگ پرسنز: قومی کمیشن برائے لاپتہ افراد نے اب تک 6047 مقدمات نمٹادئیے

اسلام آباد:ایک اور طیارہ خوفناک حادثے بال بال بچ گیا ،اطلاعات کے مطابق آج اللہ تعالیٰ نے قوم کو پھر ایک سانحے سے بچالیا ہے ، اطلاعات ہیں کہ کراچی سے اسلام آباد پہنچنے والی نجی ایئرلائن کے طیارے سے پرندہ ٹکرا گیا، حادثے میں کوئی جانی یا مالی نقصان نہیں ہوا۔

اطلاعات کے مطابق کراچی سے وفاقی دارالحکومت اسلام آباد انٹرنیشنل ایئرپورٹ پہنچنے والی نجی ائیرلائن کی پرواز خوفناک حادثے کا شکار ہونے سے بال بال بچ گئی۔سول ایوی ایشن حکام کا کہنا ہےکہ مسافر طیارے سے پرندہ ٹکرا گیا تاہم حادثے کے باوجود کپتان نے طیارے کو مہارت سے اسلام آباد ایئرپورٹ پر اتار لیا۔

ایئرپورٹ ذرائع کا کہنا ہے کہ اسلام آباد سے کراچی آنے کےلیے پرواز میں تاخیر ہوگئی کیوں کہ انجینئرز متاثرہ طیارے کی جانچ کررہے ہیں، طیارے کے ٹھیک ہونے کے بعد پرواز کو کراچی کےلیے روانہ کیا جائے گا۔

خیال رہے کہ ایئرپورٹ کے اطراف میں رہائشی آبادیاں بنانے اور کچرا پھینکنے کے باعث پرندے ہوائی اڈے کے اردگرد اور رن کے قریب پرواز کرتے رہتے ہیں جس کے باعث طیاروں سے پرندے ٹکرانے کے واقعات بڑھتے جارہے ہیں۔

یاد رہے کہ اس سے قبل پچھلے مہینے تین اکتوبر کو بھی کراچی سے اسلام آباد پہنچنے والی نجی ایئرلائن کی پرواز ای آر 500 سے پرندہ ٹکرا گیا تھا۔

عرب امارات فلک بوس عمارتوں کی سرزمین نہیں ہے بلکہ کردارکی بلند و بالا شخصیات کا…

افغان طالبان اور ایرانی سرحدی فوج کے درمیان شدید جھڑپیں،افغان طالبان نے تین…

شوکت ترین کو سینیٹر بنانے کے لیے ٹکٹ جاری دیا گیا

مسنگ پرسنز: قومی کمیشن برائے لاپتہ افراد نے اب تک 6047 مقدمات نمٹادئیے

 

 

اسلام آباد،اسلام اباد ہل کررہ گیا :وفاقی بیورکریسی میں اعلیٰ سطح پر اکھاڑ پچھاڑ ،سیکرٹری خزانہ بھی تبدیل ،اطلاعات کے مطابق آج کا دن اس حوالے سے اہم ہے کہ آج وفاقی دارالحکومت میں بڑے بڑے فیصلوں کے اثرات اور ثمرات نے سب کو ہلا کررکھ دیا ہے ، ادھر ذرائع کے مطابق وفاقی بیورکریسی میں اعلیٰ سطح پر اکھاڑ پچھاڑ ،سیکرٹری خزانہ یوسف خان کوتبدیل کردیا گیا ،

 

 

 

ادھر کے مطابق وفاقی بیوروکریسی میں بڑے پیمانے پر ترقیاں و تبادلے کئے گئے ہیں جن کے تحت وفاقی حکومت نے سیکرٹری خزانہ یوسف خان کو تبدیل کر کے گریڈ21کے ایڈیشنل سیکرٹری حامد یعقوب شیخ کو انچارج سیکرٹری خزانہ تعینات کردیا جبکہ یوسف خان کو سیکرٹری مشترکہ مفادات کونسل لگا دیا گیا ،

 

 

یہ بھی بتایا گیا ہے کہ چیف کمشنر اسلام آباد عامر علی احمد سمیت گریڈ20کے 12افسران کو گریڈ21میں ترقی دے دی گئی ،ترقی پانے والوں میں سیکرٹریٹ گروپ کے پانچ اور پاکستان ایڈمنسٹریٹو سروس کے سات افسران شامل ہیں ۔ اسٹیبلشمنٹ ڈویژن کی جانب سے جاری نوٹیفکیشن کے مطابق سیکرٹری خزانہ یوسف خان کو عہدے سے ہٹاتے ہوئے گریڈ21کے حامد یعقوب شیخ کو ایڈیشنل سیکرٹری انچارج خزانہ تعینات کردیا ۔

 

 

اسلام آباد سے موصول ہونے والی اطلاعات کے مطابق یعقوب شیخ وزارت منصوبہ ترقی واصلاحات میں بطور ایڈیشنل سیکرٹری فرائض سرانجام دے رہے تھے جبکہ عبدالعزیز عقیلی کوایڈیشنل سیکرٹری انچارج وزارت منصوبہ بندی لگا دیا گیا ۔سیکرٹریٹ گروپ کے جن افسران کو گریڈ20سے گریڈ21 میں ترقی دی گئی ہے ان میں حسن رضا سعید، مسز صبینہ قریشی،علی اصغر ،محمد طاہر نور اور محمد شعیب اکبر شامل ہیں ۔

 

 

یہ بھی کہا گیاہے کہ ایڈمنسٹریٹو سروس کے جن افسران کو گریڈ20سے21میں ترقی دی گئی ہے ان میں بلوچستان میں تعینات علی طاہر ، پنجاب میں تعینات کیپٹن ریٹائرڈ اسد اللہ خان ، محمد حسن اقبال ، فواد ہاشم ربانی،چیف کمشنر اسلام آباد عامر علی احمد ،اوورسیز پاکستانیز ڈویژن میں تعینات زاہد علی عباسی اور کے پی کے میں تعینات فلائٹ لیفٹیننٹ ریٹائرڈ افتخار علی ساہو شامل ہیں۔

عرب امارات فلک بوس عمارتوں کی سرزمین نہیں ہے بلکہ کردارکی بلند و بالا شخصیات کا…

افغان طالبان اور ایرانی سرحدی فوج کے درمیان شدید جھڑپیں،افغان طالبان نے تین…

شوکت ترین کو سینیٹر بنانے کے لیے ٹکٹ جاری دیا گیا

مسنگ پرسنز: قومی کمیشن برائے لاپتہ افراد نے اب تک 6047 مقدمات نمٹادئیے

کراچی:کوالالمپور میں کھیلی جانے والی ایشین اسکواش چیمپئن شپ میں پاکستان کو بدھ کو بھارت کے ہاتھوں 2-1سے ناکامی کا سامنا کرنا پڑا، دوسرے میچ میں پاکستان نے عراق کو 3- 0سے ہرایا، پاکستان کے طیب، ناصر اور احمد نے اپنے اپنے میچز جیت لئے، بھارت کے خلاف ناصر اپنا میچ جیتنے میں کامیاب ہوگئے، عاصم خان اور طیب کو اپنے حریفوں سے ناکامی کا سامنا کرنا پڑا۔

اسی پریشانی پر بات کرتےہوئے محسن علی نامی شہری نے کہا ہے کہ واہ کیا بات تھی پاکستان کی اسکواش کے کھیل کے میدان میں ، جب پاکستان کے مقابلے میں کوئی ملک ٹھہر نہیں سکتا تھا مگرافسوس اب یہ دور بھی آگیا ہےکہ اب ہماری ٹیم بھارت کے سامنےٹھہر ہی نہ سکی اور بری طرح ہار گئی

Shameful day in the history of Pakistan Squash. India beat Pakistan 2-1 in 20th Asian Squash Team Championship.#Pakistan #Squash@WorldSquash @JK555squash@PTVSp0rts @GovtofPakistan @NOCPakistan

— Zubair Nazeer Khan (@Zubairnazeerex1) December 1, 2021

اسی طرح سنیئر سپورٹس رپورٹر نزیرخان کہتے ہیں کہ کسی کو تکلیف ہو یا نہ ہو مجھے تو بہر کیف ضرور ہوئی ہے کہ اسکواش کی دنیا کا ایک نام پاکستان بھارت کے ہاتھوں بُری طرح ہار گیا ہے ، ان کا یہ بھی کہنا تھا کہ وہ پھر سے پاکستان کو فاتح اور کامیاب دیکھنا چاہتے ہیں

 

 

یاد رہے کہ اسکواش کی دنیا میں سے اگر پاکستان کانام نکال دیاجائے تو شاید کچھ باقی نہیں رہ جاتاہے پاکستان نے اسکواش کے کھیل میں جہاں چیمپین بننے کا اعزاز کیا ہے وہیں روشن خان،ہاشم خان،اعظم خان، جہانگیر خان،جان شیر خان کے نام اسکواش کی تاریخ میں سنہری حرفوں سے لکھے گئے ہیں۔اسکواش فٹنس کے لحاظ سے مشکل ترین کھیلوں میں شمار ہوتا ہے اس لیے کم ہی لوگ اس کھیل کی طرف راغب ہوتے ہیں۔ پاکستان اس کھیل میں کافی نمایاں مقام رکھتا ہے لیکن حالیہ برسوں میں یہ کھیل پاکستان میں زوال پزیر ہے۔

1967میں عالمی اسکواش فیڈریشن قائم ہوئی جس میں اس وقت 175رکن ممالک شریک ہیں۔عالمی اسکواش فیڈریشن کی گورننگ باڈی اگرچہ انٹرنیشنل ولمپک کمیٹی سے تسلیم شدہ ہے لیکن اس کے باوجود، تاحال یہ کھیل اولمپک گیمز کا حصہ نہیں بن سکا۔1950 تک اس پر یورپ ، آسٹریلیااور امریکا کو دست رس حاصل تھی لیکن بعد ازاں پاکستانی کھلاڑیوں نے اس میں کارہائے نمایاں انجام دیئے اور نصف صدی سے زائدعرصے تک عالمی اسکواش پر اپنی حکم رانی قائم رکھی اور عالمی چیمپئن شپ، برٹش اوپن، ایشین چیمپئن شپ سمیت کئی بین الاقومی اعزازات طویل عرصے تک اپنے پاس رکھے۔ شاید اسی خوف کی وجہ سے اس کھیل کو اولمپک مقابلوں کا حصہ نہیں بنایا جا سکا۔

1982 سے 1997 تک کا 16 سال کا عرصہ بلاشبہ اسکواش کے میدان میں پاکستان کا سنہری ترین دور تھا۔ 1982 سے 1991 تک پاکستان کے اسکواش کے عظیم کھلاڑی جہانگیر خان نے لگاتار 10 برس برٹش اوپن چیمپئن شپ کا ٹائٹل جیت کر اسکواش کے ماضی کے تمام تر ریکارڈ روند ڈالے۔ 1992 میں پاکستان ہی کے ایک اور عظیم کھلاڑی جان شیر خان نے برٹش اوپن اسکواش چیمپئن شپ میں اپنے ہم وطن جہانگیرخان کی کامیابیوں کا سلسلہ توڑا اور یہ اعزاز اپنے نام کیا۔ 1992 سے 1997 تک لگاتار 6 برس جان شیرخان نے یہ اعزاز اپنے پاس رکھا اور یوں اپنے ہم وطن ہاشم خان کا ریکارڈ برابر کردیا۔پاکستان 14 بار ورلڈ اوپن جیتنے کا منفرد ریکارڈ رکھتا ہے، 8 بار جان شیر خان اور 6 بار جہانگیر خان نے ملک کو سرخرو کیا۔ پاکستانی کھلاڑی ایونٹ میں 9 بار رنرز اپ بھی رہے، قمر زمان 4 مرتبہ فائنل ہارے، جہانگیر خان 3، جان شیر خان اور محب اللہ خان ایک ایک فیصلہ کن معرکہ میں ناکام رہے۔ 14 مرتبہ ایسا ہوا کہ ٹورنامنٹ کا فائنل کھیلنے والے دونوں کھلاڑی پاکستانی تھے۔

آج سے کوئی 67 برس پہلے 9 اپریل 1951 کو لندن میں پاکستان کے کھلاڑی ہاشم خان نے مصر کے کھلاڑی محمود الکریم کو پہلی مرتبہ ہرا کر برٹش اوپن اسکواش چیمپئن شپ جیتنے کا اعزاز حاصل کیا۔ ہاشم خان نے 1951 سے 1955 تک لگاتار 5 مرتبہ یہ چیمپین شپ جیت کر مصر کے کھلاڑی محمود الکریم کا 4 مرتبہ لگاتار یہ ٹورنامنٹ جیتنے کا ریکارڈ توڑ دیا۔1956 میں چھٹی مرتبہ لگاتار برٹش اوپن اسکواش چیمپین شپ جیت کر انہوں نے اپنا ریکارڈ مزید بہتر بنا لیا۔ ہاشم خان 1958 تک اسکواش کے افق پر چھائے رہے۔ اس دوران انہوں نے صرف ایک مرتبہ 1957 میں فائنل میں روشن خان سے شکست کھائی۔ انہوں نے 7 مرتبہ برٹش اوپن اسکواش چیمپیئن شپ جیتنے کا اعزاز حاصل کیا۔1959 میں یہ بیڑہ اٹھایا اعظم خان نے، جنہوں نے 1962 تک لگاتار 4 برس یہ اعزاز اپنے نام کیا۔ 1963 میں ان سے یہ اعزاز اپنے ہی ہم وطن محب اللہ خان سینئر نے چھینا۔ اگلے 12 برس پاکستان یہ ٹائٹل جیت تو نہ سکا مگر ہمارے کھلاڑی آفتاب جاوید، گوگی علاؤالدین، محب اللہ سینئر اور محب اللہ جونیئر مسلسل اس ایونٹ کا فائنل میں کھیلتے رہے۔ 1975 میں ایک مرتبہ پھر پاکستانی کھلاڑی قمر زمان نے برٹش اوپن چیمپئن شپ کا اعزاز اپنے نام کر لیا۔ 1976 سے 1981 تک پاکستانی کھلاڑی گوگی علاؤالدین، محب اللہ جونیئر، قمر زمان اور جہانگیر خان نے برٹش اوپن چیمپین شپ کا فائنل کھیلنے کا اعزاز حاصل کیا۔

جہانگیر خان اورجان شیر خان کا نام تو بہت سنا ہے اور دیکھا بھی لیکن اسکواش کے کھیل سے وہی نوجوان واقف ہیں جن میں اس کا جنون کوٹ کوٹ کر بھرا ہے پاکستان نے اگر کبھی عالمی سطح میں کھیلوں کی دنیا میں بنایا ہے تو شاید وہ اسکواش واحد کھیل ہے ۔نوجوان نسل شاید نہیں جانتی کہ پاکستان میں کھیلوں کی دنیا کا پہلا اعزاز کرکٹ یا ہاکی نے نہیں بلکہ اسکواش نے دلوایا تھا اور المیہ یہ ہے کہ ملک میں اسکواش کا زوال بھی ہاکی اور کرکٹ سے پہلے ہی آیا۔

بلاشک و شبہ جہانگیر خان پاکستان کے بہترین کھلاڑی ہیں۔ ان کی اسکواش کے میدان میں حاصل کی گئی کامیابیاں ایسی ہیں کہ دنیا کوئی دوسرا کھلاڑی شاید ہی ان تک پہنچ سکے،بحثیت پروفیشنل اسکواش کھلاڑی جہانگیر خان نے ورلڈ اوپن کا ٹائٹل چھ مرتبہ اور برٹش اوپن کا ٹائٹل ریکارڈ 10 مرتبہ اپنے نام کیا۔1981 میں 17 سالہ جہانگیر خان ورلڈ اوپن جیتنے والے کم عمر ترین کھلاڑی بنے، اس کامیابی کے بعد جہانگیر خان کی جیت کا ایسا سلسلہ شروع ہوا جو کہ پانچ سال تک برقرار رہا اور وہ مسلسل ناقابل شکست رہے۔اس دوران انہوں نے 555 میچز جیتے، ان کامیابیوں کا سلسلہ 1986 میں اس وقت رکا جب انہیں فرانس میں ورلڈ اوپن کے فائنل میں روس نورمن سے شکست ہوئی۔ جہانگیر خان دنیا کھیل سے سب سے بہترین کھلاڑی ہیں۔ ان کا مسلسل 555 میچز جیتنے کا ریکارڈ ایسا ہے کہ جسے ٹوٹنے میں شاید صدیاں لگ جائیں۔جہانگیر خان نے اپنی کتاب ’’وننگ اسکواش‘‘ میں بتاتے ہیں کہ کیسے انہیں اپنے کیرئیر کے شروع میں ہی مایوس کرنے کی کوشش کی گئی۔ وہ لکھتے ہیں کہ ’’ مجھے بتایا گیا کہ میں کبھی عالمی چیمپئن نہیں بن سکوں گا،میں اپنے خاندان کا میں سب سے کم عمر، کمزور اور بیمار بچہ تھا۔ ڈاکٹر اور میرے والد کو بالکل بھی یقین نہیں تھا کہ میں کبھی اسکواش کا اچھا کھلاڑی بھی بن سکتا ہوں۔ ‘‘

جان شیر خان کے دو بھائی محب اللہ اور اطلس خان اسکواش کے معروف کھلاڑی تھے، جنہوں نے جان شیر کو اس کھیل میں تربیت دی۔ 1986میں انہوں نے آسٹریلیا میں عالمی جونئیر اسکواش چیمپئن شپ کے مقابلے میں شرکت کی اور مذکورہ ٹائٹل جیتا جب کہ 1987میں سینئر عالمی چیمپئن شپ میں کرس ڈٹمار کو شکست دی۔ 1988میں اسکاٹ لینڈ میں ہونے والے مقابلے میں بھی عالمی جونئیر اسکواش چیمپئن کا اعزاز انہی کے پاس رہا۔ 1992 میں انہوں نیاپنے ہم وطن لیجنڈ کھلاڑی کو برٹش اوپن اسکواش چیمپئن شپ میں شکست سے دوچار کرکے مذکورہ اعزاز حاصل کیا، 1993میں جہانگیر خان کی ریٹائرمنٹ کے بعد 1997 تک لگاتار 6 برس تک جان شیرخان نے یہ اعزاز اپنے پاس رکھا اور ہاشم خان کاچھ مرتبہ کے برٹش اوپن چیمپئن رہنے کا ریکارڈ برابر کردیا، جب کہ آٹھ مرتبہ ورلڈ اوپن اسکواش چیمپئن شپ کے فاتح رہے۔ انہوں نے اپنے اسکواش کیریئر میں99میچز میں فتح حاصل کی،آخری مرتبہ 1997میں برٹش اوپن کا مقابلہ جیت کر برطانیہ میں سبز ہلالی پرچم لہرایا۔ 6 اپریل 1998 کووہ اس ٹورنامنٹ کے فائنل میں اسکاٹ لینڈ کے کھلاڑی پیٹر نکول سیہارگئے۔جس کے بعد انہوں نے ریٹائرمنٹ کا اعلان کردیا اور اس کے ساتھ ہی پاکستان کا اسکواش کے کھیل میں زوال شروع ہوا اور اس کی ساٹھ سالہ اجارہ داری ختم ہوگئی۔جہانگیر خان اور جان شیر خان کی ریٹائرمنٹ کے بعد کوئی پاکستانی کھلاڑی ٹاپ ٹین تک کے مرحلے میں بھی نہیں پہنچ پایا۔

پاکستان میں اسکواش جیسے مشہور کھیل کا زوال بیسویں صدی کے آخر ہی میں ہوگیا تھا جس کوانتظامیہ اور ناقص پالیسی کی وجہ سے نظر انداز کردیا گیااور آج نتیجہ یہ ہے کہ ہمارے پاس نوجوان پلئیرز تو بہت ہیں مگر چیمپینز کی کمی ہے۔

افغان طالبان اور ایرانی سرحدی فوج کے درمیان شدید جھڑپیں،افغان طالبان نے تین…

شوکت ترین کو سینیٹر بنانے کے لیے ٹکٹ جاری دیا گیا

مسنگ پرسنز: قومی کمیشن برائے لاپتہ افراد نے اب تک 6047 مقدمات نمٹادئیے

امریکی این جی او کی ڈونیشن کے پاکستان میں چرچے

صدرمملکت ڈاکٹرعارف الرحمن علوی نے نے 31 بلوں کی منظوری دے کرقانون بنا دیا