Baaghi TV

Author: +9251

  • نگراں وزیراعظم نے منصب سنبھالتے ہی وزارتوں سے اہم امور پر بریفنگ طلب کرلی

    نگراں وزیراعظم نے منصب سنبھالتے ہی وزارتوں سے اہم امور پر بریفنگ طلب کرلی

    نگران وزیرِاعظم انوارالحق کاکڑ نے وزارتِ عظمی کی ذمہ داریاں سنبھالتے ہی تمام وزارتوں سے اہم امور پر بریفنگ طلب کرلی۔ جبکہ نگراں وزیراعظم انوار الحق کاکڑ نے ملک کے 8 ویں نگراں وزیر اعظم کی حیثیت سے عہدے کا حلف اٹھا لیا ہے۔ جس کے ساتھ ہی شہباز شریف کی 16 ماہ کی حکومت ختم ہوگئی ہے۔ نگراں وزیراعظم انوارالحق کاکڑ کی حلف برداری کی تقریب ایوان صدر میں ہوئی، صدر مملکت ڈاکٹر عارف علوی نے نومنتخب نگراں وزیراعظم سے حلف لیا۔

    حلف برداری کے بعد وزارت عظمیٰ کا دفتر سنبھالنے والے نگراں وزیرِاعظم انوار الحق کاکڑ سے بلوچستان کے وفد کی ملاقات کی جبکہ ملاقات میں سینیٹر سرفراز بگٹی اور میر خالد لانگو شامل تھے۔ وفد نے وزیرِاعظم کو وزرات عظمیٰ کا منصب سنبھالنے پر مبارک باد دی۔

    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان

    یاد رہے کہ نگراں وزیراعظم انوار الحق کاکڑ حلف برداری کے فوری بعد وزیراعظم ہاؤس پہنچ گئے تھے جہاں ان سے پی ایم ہاؤس کے اسٹاف و عملے کا تعارف کروایا گیا۔ وزیراعظم ہاؤس پہنچنے پر انوار الحق کاکڑ کو گارڈ آف آنر پیش کیا گیا۔ انوار الحق کو تینوں مسلح افواج کے دستوں نے سلامی دی۔ اور نگراں وزیراعظم انوارالحق کاکڑ نے گارڈ آف آنر کا معائنہ کیا، تقریب میں قومی ترانہ بجایا گیا۔

    نگراں وزیر اعظم انوارالحق کاکڑ سینیٹ کی نشست سے مستعفی ہوگئے ہیں جس کا نوٹیفکیشن بھی جاری کردیا گیا ہے جبکہ انوار الحق کاکڑ 2018 میں آزاد حیثیت سے سینیٹ کے رکن منتخب ہوئے تھے۔ چیئرمین سینیٹ صادق سنجرانی نے انوار الحق کاکڑ کا استعفیٰ منظور کرلیا، جس کے بعد ان کی سینیٹ کی نشست خالی قرار دے دی گئی۔

  • اسلام آباد سمیت مختلف علاقوں میں گرج چمک کے ساتھ موسلادھار بارش کا امکان

    اسلام آباد سمیت مختلف علاقوں میں گرج چمک کے ساتھ موسلادھار بارش کا امکان

    محمکہ موسمیات کے مطابق آئندہ چوبیس گھنٹوں کے دوران اسلام آباد، بالائی/وسطی پنجاب،خطۂ پوٹھوہار، بالائی خیبر پختونخوا، گلگت بلتستان اورکشمیر میں چند مقامات پر تیز ہواؤں اور گرج چمک کے ساتھ موسلا دھاربارش کا امکان ہے۔ جبکہ محکمہ موسمیات نے یہ بھی بتایا کہ گزشتہ 24 گھنٹوں کے دوران اسلام آباد، خطہ پوٹھوہار ، بالائی خیبر پختونخوا سمیت کشمیر اور گلگت بلتستان میں بارش ہوئی، اس دوران خطۂ پوٹھوہار اور کشمیر میں چند مقامات پر موسلادھار بارش بھی ہوئی تھی۔

    جبکہ سب سے زیادہ بارش راولپنڈی (کچہری 68، چکلالہ ایئرپورٹ 67 ، شمس آباد 63)، اسلام آباد ( ایئرپورٹ 47، زیرو پوائنٹ ، بوکرا 46، گولڑہ 37، سید پور 8)، مری 12، اٹک 10، چکوال 2، دیر (بالائی 25، زیریں 18)، چراٹ، کاکول 10، بالاکوٹ 8، پاراچنار 3، مردان 2،کوٹلی 25، راولاکوٹ 16، مظفر آباد (سٹی 5 اور ایئرپورٹ 3)اور بونجی میں 2ملی میٹر بارش ریکارڈ کی گئی۔ علاوہ ازیں پیر کو ریکارڈ کیےگئے زیادہ سے زیادہ درجہ حرارت کی رپورٹ کے مطابق تربت 47 اور ڈی آئی خان میں42 ڈگری سینٹی گریڈریکارڈ کیا گیا ہے۔
    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان

    تاہم محکمہ موسمیات نے اپنے انتباہ میں کہا ہے کہ 14 سے16 اگست کے دوران تیز / موسلادھار بارش کے باعث کشمیر،گلگت بلتستان، چترال، دیر، سوات، کوہستان، شانگلہ، بونیر، مانسہرہ، ایبٹ آباد، راولپنڈی /اسلام آباد کے مقا می اور برساتی ندی نالوں میں پانی کے بہاؤ میں اضافے کا امکان ہے جبکہ 14 اور15 اگست کے دوران اسلام آباد، راولپنڈی،لاہور، گوجرانوالہ،سیالکوٹ اورگردونواح میں تیز / موسلادھار بارش کے باعث نشیبی علاقے زیر آب آنے کا خدشہ۔ جبکہ مری،گلیات،کشمیر، گلگت بلتستان اور خیبر پختو نخواہ کے پہاڑی علاقوں میں لینڈ سلائیڈنگ کا بھی خدشہ ہے۔

  • عام انتخابات تاخیر کا شکار ہو سکتے. الیکشن کمیشن

    عام انتخابات تاخیر کا شکار ہو سکتے. الیکشن کمیشن

    سیکرٹری الیکشن کمیشن عمر حمید کا کہنا ہے کہ نئی حلقہ بندیوں کی وجہ سے عام انتخابات تاخیر کا شکار ہو سکتے ہیں جبکہ نجی ٹی وی سے غیر رسمی گفتگو کرتے ہوئے سیکرٹری الیکشن کمیشن عمر حمید کا کہنا تھا آئین کے تحت الیکشن کمیشن 90 روز میں انتخابات کرانے کا پابند ہے لیکن مردم شماری کے نوٹیفکیشن کے بعد ہم نئی حلقہ بندیاں کرانے کے بھی پابند ہیں۔

    جبکہ سیکرٹری الیکشن کمیشن کا کہنا تھا کہ نئی حلقہ بندیوں میں 4 ماہ سے زیادہ وقت لگے گا جس کے باعث انتخابات زیادہ سے زیادہ ساڑھے 4 ماہ تاخیر کا شکار ہو سکتے ہیں جبکہ عمر حمید کا مزید کہنا تھا کہ انتخابات کے حوالے سے باقی تمام انتظامات مکمل کر رکھے ہیں۔

    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان

    یاد رہے کہ ملک میں نئی مردم شماری کی حتمی اشاعت کے بعد الیکشن کمیشن نئے سرے سے حلقہ بندیاں کرتا ہے۔ جبکہ اسلام آباد سمیت تمام صوبوں کے لیے حلقہ بندی کمیٹیاں قائم کی جاتی ہیں۔ اور قومی اسمبلی کے 266 حلقے ہیں اور صوبائی اسمبلیوں کے 593 حلقے ہیں، الیکشن کمیشن حلقہ بندیوں کے لیے شیڈول کا اعلان کرے گا جس کے بعد کوئی نیا انتظامی یونٹ نہیں بنایا جا سکتا۔

    جبکہ گزشتہ حلقہ بندی شیڈول کے اعلان کے بعد تقریباً چار ماہ میں الیکشن کمیشن نے حلقہ بندیوں کا کام مکمل کیا تھا۔ حلقہ بندیوں کے لیے ملک کو آبادی اور جغرافیائی لحاظ سے انتخابی حلقہ جات میں تقسیم کیا جاتا ہے۔ کسی بھی حلقے میں آبادی کا فرق 10 فیصد سے زیادہ نہیں ہوناچاہیے۔ حلقہ بندی کے بعد الیکشن کمیشن ووٹر لسٹوں کا کام مکمل کرکے انہیں منجمد کر دیتا ہے اور اس کے بعد الیکشن شیڈول کا اعلان کیا جاتا ہے۔

    خیال رہے کہ اسمبلی قبل از وقت تحلیل ہونے پر الیکشن 90 روز کے اندر کرانا ہوتے ہیں، اگر مدت پوری ہوجائے تو 60 دن میں اور یوں اب الیکشن کمیشن کو عام انتخابات کرانے میں کم و بیش 6 سے7 ماہ درکار ہوں گے۔

  • یواے ای خلاباز کا 400 کلومیٹر کی بلندی سے پاکستانیوں کو آزادی کی مبارکباد

    یواے ای خلاباز کا 400 کلومیٹر کی بلندی سے پاکستانیوں کو آزادی کی مبارکباد

    متحدہ عرب امارات کے خلاباز سلطان النیادی کا زمین سے 400 کلومیٹر کی بلندی سے پاکستان کے یوم آزادی کے موقع پر خوشیوں میں شریک ہوئے۔ متحدہ عرب امارات کے خلاباز نے پاکستان کے دارالحکومت اسلام آباد کی ایک تصویر شیئر کی جو آج بین الاقوامی خلائی اسٹیشن سے لی گئی تھی اپنے سوشل میڈیا اکاؤنٹ پر شیئر کرتے ہوئے پاکستانیوں کو مبارکباد دی ہے.


    جبکہ اپنے چھ ماہ کے سفر کے اختتام پر خلا میں سفر کرنے والے ڈاکٹر النیادی نے سوشل میڈیا پر ایک مبارکبادی پیغام میں پاکستان کی بہترین ثقافت کو خراج تحسین بھی پیش کیا ہے، جبکہ اپنے پیغام میں لکھا کہ؛ "تمام پاکستانیوں بالخصوص متحدہ عرب امارات میں مقیم پاکستانیوں کو یوم آزادی مبارک ہو۔:
    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان

    انہوں نے مزید لکھا کہ "میرے ملک میں سب سے بڑی غیر ملکی برادریوں میں سے ایک کے طور پر، ہم سالوں سے ایک ساتھ رہ رہے ہیں اور آپ کی امیر ثقافت کے بارے میں بہت کچھ سیکھا ہے. یہ آپ کا دارالحکومت اسلام آباد ہے، خلا سے، (ایسا انہوں نے ایک تصویر کے بارے میں لکھا جو انہوں نے شیئر کی تھی)

  • تین نوجوان نہاتے ہوئے ڈوب گئے

    تین نوجوان نہاتے ہوئے ڈوب گئے

    کراچی کے علاقے گڈاپ میں تین نوجوان تالاب میں نہاتے ہوئے ڈوب گئے ہیں جبکہ گڈاپ کے تین نوجوان تالاب میں نہانے کیلئے گئے تھے مگر پھر زندہ واپس نہ آسکے ہیں اور ڈوبنے کے بعد مقامی لوگوں نے تینوں افراد کی لاشیں تالاب سے نکال لیں تھیں جس کے بعد تینوں لاشوں کو عباسی شہید اسپتال منتقل کردیا گیا تھا۔

    واضح رہے کہ جاں بحق ہونیوالوں میں یوسف، وقاص اور اللہ بخش نامی نوجوان شامل ہیں ادھر نوجوانوں کے گھروں میں ان کی موت کی خبر پہنچنے کے بعد کہرام مچ گیا ہے اور ان کے اہل خانہ انتہائی رنجیدہ ہیں، تاہم خیال رہے کہ نوجوانوں کی لاشوں کے پوسٹمارٹم کے بعد ہی ان کی میتیں ان کے گھر پہنچائی جائیں گی.

    یاد رہے کہ گزشتہ دنوں بھی دریائےسندھ خورہ خیل کے مقام پر ایک ہی گھر کے 4 افراد ڈوب گئے تھے جن کی تلاش کے لئے ریسکیو آپریشن کیا گیا تھا جبکہ اٹک میں دریائے سندھ خورہ خیل کے مقام پر ایک ہی خاندان کے4 افراد نہاتے ہوئے ڈوبے تھے، ڈوبنے والوں میں 3 سگی بہنیں اورایک بھائی شامل تھے.
    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف

    جبکہ ریسکیوحکام نے بتایا تھا کہ ڈوبنے والوں میں 22 سالہ، 20 سالہ اور 18 سالہ دختر شہزادہ خان اور 15 سالہ عامر خان شامل تھے اور تینوں سگے بہن بھائی ہیں، جو دریا پر سیر و تفریح کے لیے گئے تھے۔ جبکہ ریسکیو حکام کا کہنا تھا کہ پانی گہرا ہونے کی وجہ سے آپریشن میں مشکلات ہورہی ہیں، تاہم کل صبح دوبارہ ریسکیو آپریشن شروع کیا جائے گا۔

  • ڈاکوؤں کے متعدد ٹھکانے تباہ، املاک کو آگ لگا دی گئی

    ڈاکوؤں کے متعدد ٹھکانے تباہ، املاک کو آگ لگا دی گئی

    سندھ کے شہر کندھ کوٹ میں پولیس نے ڈاکوؤں کے متعدد ٹھکانوں کو آگ لگا دی ہے، کچے کے علاقے میں پولیس نے مغویوں کی بازیابی کےلیے ڈاکوں کیخلاف آپریشن کیا ہے جبکہ درانی مہر کے کچے میں پولیس اور ڈاکوؤں کے درمیان فائرنگ کا تبادلہ بھی ہوا اور پولیس نے دوران آپریشن ڈاکوؤں کے متعدد ٹھکانوں کو تباہ کرنے کے بعد آگ لگا دی گئی ہے.

    ایس ایس پی امجد شيخ نے آپریشن بارے بتاتے ہوئے کہا ہے کہ مغویوں کی بازیابی تک آپریشن جاری رہے گا۔ اور ایسے عناصر کو جڑ سے ختم کیا جاوے گا، تاہم خیال رہے کہ سندھ کے علاقے شکار پور سے متصل کچے کے علاقے میں مغویوں کی بازیابی کے لیے پولیس آپریشن میں بکتر بند کے اندر پولیس اہلکاروں کی ہلاکت کے بعد سندھ حکومت نے سال 2021 میں بھی فوج اور رینجرز کی مدد سے کچے کے علاقے میں آپریشن کیا تھا.

    جبکہ ڈی آئی جی لاڑکانہ ناصر آفتاب نے تسلیم کیا تھا کہ پولیس کے پاس ڈاکوؤں سے مقابلے کے لیے معیاری ہتھیار نہیں، اس حوالے سے حکومت کو متعدد بار آگاہ بھی کیا جا چکا تاہم کوئی ایکشن نہیں لیا گیا۔ جبکہ کچے میں ڈاکوؤں کے پاس اینٹی ایئر کرافٹ گنز موجود ہیں، اور پولیس کا اشارہ اس طرف ہے۔
    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف

    جبکہ بکتر بند کو نشانہ بنانے کے لیے یہی اینٹی ایئر کرافٹ گنز استعمال کی جاتی ہیں جو کثیر تعداد میں موجود ہیں اور اطلاعات کے مطابق صرف ضلع شکار پور میں ڈاکوؤں کے پاس نو ایسی گنز موجود تھیں جنکے جواب میں پولیس کے پاس اس معیار کا اسلحہ موجود نہیں۔

  • میں نے پاکستانی فلموں میں آئٹم سانگز بحال کروائے متھیرا

    میں نے پاکستانی فلموں میں آئٹم سانگز بحال کروائے متھیرا

    معروف اداکارہ و رقاصہ ماتھیرا جو کہ پروگرام بھی ہوسٹ کرتی ہیں ، وہ اپنے پروگرام میں شوبز کی معروف شخصیات کو مدعو کرکے ان سے ہلکی پھلکی چٹ چیٹ کرتی ہیں، انہوں نے حال ہی میں پبلک ڈیمانڈ پروگرام میں شرکت کی ہے اس میں انہوں نے دعوی کیا ہے کہ پاکستانی فلموں میں ، میں نے آئٹم سانگ بحال کروائے. 2013 میں ریلیز ہونے والی فلم میں ہوں شاہد آفریدی جو کہ ہمایوں سعید کی فلم تھی اس میں مجھے ایک آئٹم سانگ آفر ہوا ، اور کہا گیا کہ اس گانے کی ڈیمانڈ ہے کہ اس میں‌مختصر لباس زیب تن کیا جائے جب میں‌نے لباس کا پوچھا تو جو لباس انہوں نے بتایا کہ یہ پہننا ہے وہ میرے لئے بہت ہی نارمل سی بات تھی.

    ”میں نے مختصر لباس پہنا اور آئٹم سانگ ریکارڈ کروایا” جب فلم لگی تو اس فلم کو بہت زیادہ پسند کیا گیا. اس کے بعد ہر دوسری فلم میں آئٹم سانگ رکھا جانے لگا ، میرے دیکھا دیکھی بہت ساری ہیروئینز نے آئٹم سانگز کئے اور وہ سپر ہٹ بھی ہوئے. متھیرا نے کہا کہ مجھے فی الحال تو کوئی آئٹم سانگ آفر نہیں ہوا اگر ہو گا تو یقینا کروں گی. انہوں نے کہا کہ میں اپنی مرضی کے مطابق کام کرتی ہوں.

    کاش کےہم آزاد ہوجائیں نعمان اعجاز

    حمائمہ ملک کا جشن آزادی کے موقع پر خصوصی پیغام

    22قدم کے لئے فورا ہاں کر دی تھی حریم فاروق

  • ہمایوں سعید ، عدنان صدیقی و دیگر کے جشن آزادی کے خصوصی پیغامات

    ہمایوں سعید ، عدنان صدیقی و دیگر کے جشن آزادی کے خصوصی پیغامات

    یوم آزادی کے موقع پر پاکستان کے نامور فنکاروں نے اپنے جذبات کا اظہار اپنی اپنی سوشل میڈیا پوسٹوں میں کیا ہے. ہر کسی نے خوبصورت پیغام دیا ہے. اداکار ہمایوں سعید نے پاکستان کے جھنڈے کے ساتھ اپنی تصویر شئیر کرکے لکھا کہ آپ سب کو میری طرف یومِ آزادی مبارک۔ انہوں نے دعا کی کہ اللہ ارضِ پاک کو قوت اور پاکستانی قوم کو ایسی صفات سے نوازے جس سے وطن عزیز ترقی اور خوشحالی کی جانب گامزن ہو۔ ساتھ ہی انہوں نے پاکستان زندہ باد بھی کہا.اسی طرح سے عدنان صدیقی نے ایک خوبصورت پیغام اپنے سوشل میڈیا اکائونٹ سے جاری کیا انہوں نے لکھا کہ

    پاکستان کے 76 ویں یوم آزادی پر آئیے ہم اس عظیم جدوجہد کو یاد کریں جس کے نتیجے میں وطن عزیز وجود میں آیا ، ہمیں مستقبل کے چیلنجز کا مقابلہ کرنے کے لیے متحد ہونا ہوگا کیوں کہ امید، اتحاد اور خوش حالی کا مرکز پاکستان ہمارا مستقبل ہے۔ پاکستان زندہ باد۔”معروف گلوکار اور سیاستدان جواد احمد نے اس موقع پر اپنا ایک مشہور گانا دوستی کو ایک بار پھر گایا ”اور اسکی وڈیو جاری کی . انہوں نے بھی اپنے سوشل میڈیا اکائونٹس پر قوم کو جشن آزادی مبارک کہا.

    کاش کےہم آزاد ہوجائیں نعمان اعجاز

    حمائمہ ملک کا جشن آزادی کے موقع پر خصوصی پیغام

    22قدم کے لئے فورا ہاں کر دی تھی حریم فاروق

  • شہری کا انوکھا انداز؛ زیر سمندر پاکستانی جھنڈا لہرا دیا

    شہری کا انوکھا انداز؛ زیر سمندر پاکستانی جھنڈا لہرا دیا

    شہری کا انوکھا انداز؛ زیر سمندر پاکستانی جھنڈا لہرا دیا

    متحدہ عرب امارات میں مقیم ایک پاکستانی شہری نوجوان نے بحیرہ عرب میں پانی کے اندر سبز ہلالی پرچم لہرا کر 14 اگست کی مناسبت سے یوم آزادی منایا ہے جبکہ کراچی سے تعلق رکھنے والے 43 سالہ خاور اقبال گزشتہ 24 سالوں سے دبئی میں بینک منیجر کے طور پر کام کر رہے ہیں۔ اور وہیں پر ہی روزگار کی خاطر مقیم ہیں.

    جبکہ یوم آزادی کے موقع اپنے وطن کو خراج تحسین پیش کرتے ہوئے انہوں نے سطح سمندر کے نیچے غوطہ لگایا اور بحیرہ عرب کے پانیوں میں پاکستانی پرچم کامیابی سے لہرا دیا جسکی تصویر سوشل میڈیا پر وائرل ہے جبکہ خاور نے گزشتہ سال یوم آزادی کے لیے فلائی بورڈ پر پاکستانی پرچم بلند کیا تھا اور اس سال کچھ الگ کرنا چاہتے تھے۔

    واضح رہے کہ پرچم لہرانے کے لیے خاور اقبال سمندر کے نیچے 25 فٹ گہرائی تک گئے تھے جہاں انہوں نے بیک وقت متحدہ عرب امارات اور پاکستان کا پرچم لہرایا اور تصویر کشی بھی کی، جبکہ اقبال کو اس کی تیاری میں ایک ماہ سے زیادہ کا وقت لگا تھا. خاور نے میڈیا کو بتایا کہ میں ابتدائی طور پر اس بارے میں ذرا فکرمند تھا کیونکہ یہ ایک ایسی سرگرمی ہے جس کی میں نے پہلے کبھی کوشش نہیں کی تھی لیکن ہمارے تربیتی طریقہ کار میں کلاس روم سیشنز، پانی کی مشقیں، پول ٹریننگ، اور بالآخر گہرے سمندر کی تربیت شامل تھی۔

    انہوں نے مزید کہا کہ میں نے پاکستان کو خراج تحسین پیش کرنے کے لیے سمندر کے نیچے اپنے ملک کا جھنڈا لہرانے کا فیصلہ کیا تھا اور ان تمام شہداء کو بھی سلام پیش کیا جنہوں نے ہمارے آزاد وطن کو محفوظ بنایا اور ہمارے ملک کیلئے اپنی جان کی قربانی دی ہے.

  • نادیہ حسین کا یوم آزادی پر خصوصی پیغام

    نادیہ حسین کا یوم آزادی پر خصوصی پیغام

    معروف اداکارہ و ماڈل نادیہ حسین نے یوم آزادی کے موقع پر خصوصی پیغام دیتے ہوئے کہا ہے کہ حقیقی آزادی تب نصیب ہو گی جب ہم قرضوں سے آزاد ہو جائیں گے ، اقتصادی طور پر خوشحال ہو جائیں گے، انہوں نے سوشل میڈیا پر اپنی ایک تصویر شئیر کی جس میں‌وہ پاکستان کا جھنڈا پکڑے ہوئے کھڑی ہیں اور انہوں نے پاکستانی جھنڈے کی طرح سبز لباس زیب تن کیا ہوا ہے. نادیہ حسین کے اس پیغام کو ان کے چاہنے والوں نے بے حد پسند کیا، اور ان کی اس پوسٹ پر آزادی مبارک کے پیغامات بھی لکھے.

    اسی طرح سے اداکارہ سحر خان نے بھی اس موقع پر خصوصی ٔپیغام دیا اور کہا کہ میری دعا ہے ہمارا ملک ترقی یافتہ ملکوں کی فہرست میں شامل ہوجائے، ہم ہر قسم کی پریشانیوں سے نکل جائیں یہاں‌خوشیوں‌کا راج ہو،سحر خان کے علاوہ بلال قریشی نے سوشل میڈیا پر لکھا کہ اگر ہم واقعی آزاد ہیں تو ہم سب کو آزادی مبارک .سینئر اداکار طلعت حسین نے کہا کہ ”یوم آزادی کا سبق اور پیغام یہ ہے کہ نوجوان قائداعظم کی اساسی تعلیمات اور آزادی کی روح کے مطابق پاکستان کی تشکیل نو کی جدوجہد کا آغاز کریں انقلابی عوامی جدوجہد کریں”۔ جب تک آزادی کی روح بحال نہ ہو جائے ہم اپنے مسائل سے باہر نہیں نکل سکیں گے۔پاکستان کو سنوارنا اور اس کی ترقی یقینی بنانا ہماری انفرادی و اجتماعی ذمہ داری ہے۔ ہمیں یقینی بنانا ہوگا کہ ہم سب ایک ہوکر اس ملک میں تعمیرو ترقی کے لیے جامع منصوبہ بندی کریں۔

    کاش کےہم آزاد ہوجائیں نعمان اعجاز

    حمائمہ ملک کا جشن آزادی کے موقع پر خصوصی پیغام

    22قدم کے لئے فورا ہاں کر دی تھی حریم فاروق