Author: +9251

نادرا نے شناختی کارڈ کی تصدیق و تجدید کے نئے نظام کا اجرا کر دیا۔غیرقانونی طور پر پاکستان میں رہنے والے غیرملکیوں کے خلاف آپریشن شروع کر دیا گیا۔ نئے نظام سے نادرا ڈیٹابیس میں موجود غیرملکیوں کی نشاندہی انتہائی آسان ہو گئی۔
ترجمان نادرا کے مطابق آپ کا خاندان محفوظ تو پاکستان محفوظ کے مرکزی پیغام کے تحت آگاہی مہم کا آغاز کر دیا گیا، اب ہر پاکستانی اپنے خاندان میں کسی اجنبی یا غیرمتعلقہ فرد کی رجسٹریشن چیک کرسکتا ہے۔

جدید ٹیکنالوجی سے جعلی شناختی کارڈ کا سراغ لگایا جائے گا، آرٹیفشل انٹیلی جنس جیسی جدت آمیز ٹیکنالوجی کا استعمال کیا جائے گا۔شہری اپنے رجسٹرڈ موبائل نمبر سے 8009 پر اپنا شناختی کارڈ نمبر تاریخ اجرا ایس ایم ایس کریں، جواب میں آپ کو اپنے خاندان کے افراد کی تفصیلات (فیملی ٹری)موصول ہوں گی۔معلومات درست ہوں تو 2 لکھ کر ایس ایم ایس کرکے تصدیق کریں، معلومات درست نہ ہونے کی صورت میں جواب میں 1 لکھ کر ایس ایم ایس کریں، نادرا کا نمائندہ آپ سے رابطہ کرے گا۔

سمندر میں اونچی لہریں بننے کے بعد کلفٹن کی ریت میں پھنسنے والے جہاز کو نکالنا آسان ہوگیا۔19 جولائی کو کلفٹن کی ریت میں پھنسنے والے جہاز کو اب تک نہیں نکالا جاسکا ہے۔ جہاز نکالنے کے لیے لائی جانے والی کرین بارج بھی 11 اگست سے ریت میں پھنسی ہوئی ہے۔ذرائع کا کہنا ہے کہ حکمت عملی تبدیل کرتے ہوئے پہلے کرین بارج کو ریت سے نکالا جائے گا۔
کرین بارج کے آپریشن میں شامل نہ ہونے کی وجہ سے ٹگ بوٹس پر زیادہ زور پڑتا ہے، جس سے وہ خراب ہو جاتی ہیں۔سمندر میں پھر اونچی لہریں بننا شروع ہوگئیں ہیں۔ جہاز کے اطراف اونچی لہریں بننے سے جہاز اپنا رخ تبدیل کررہا ہے، جس سے پل کرنے میں مدد ملے گی۔جہاز سے کرین بارج اور ٹگ بوٹس تک نائیلوں اور آئرن مکس رسہ باندھا جائیگا۔11 سو میٹر لمبے رسے سے جہاز کو پل کرنے میں رسہ مددگار ثابت ہوگا۔ جہاز کو نکالنے کا آپریشن اتوار سے متوقع ہے۔

شہر قائد کے علاقے سائٹ ایریا میں گھر میں نامعلوم افراد کی فائرنگ سے میاں بیوی جاں بحق ہوگئے۔

کراچی کے علاقے سائٹ ایریا ولیکا اسپتال کے قریب نامعلوم افراد نے گھر میں گھس کر فائرنگ کرکے میاں اور بیوی کو قتل کردیا، مقتولین نے پسند کی شادی کررکھی تھی۔

پولیس کے مطابق مقتولہ کے باپ اور بھائی روبی کی پسند کی شادی کے خلاف تھے، مقتولین سر میں گولیاں ماری گئی جس کے نتیجے میں دونوں موقع پر ہی دم توڑ گئے۔

پولیس کا کہنا ہے کہ ابتدائی طور پر معلوم ہوا ہے کہ مقتولہ کے باپ، بھائیوں نے دونوں کو قتل کیا، مقتولین کی شناخت موسیٰ اور روبی کے ناموں سے ہوئی ہے، دونوں نے دو ماہ قبل کورٹ میرج کی تھی۔

پولیس کا کہنا ہے کہ جاں بحق ہونے والے میاں بیوی کی لاشوں کو ضابطے کی کارروائی کے لیے اسپتال منتقل کردیا گیا ہے۔

واضح رہے کہ چند گھنٹوں قبل کراچی کے علاقے بلدیہ ٹاؤن میں لڑکی پر تیزاب پھینکنے کا واقعہ پیش آیا تھا، ٹک ٹاک ویڈیوز بنانے پر سابق شوہر نے 19 سالہ بیوی رمشا پر تیزاب پھینک دیا تھا، جس کے باعث لڑکی کے جسم کا 40 فیصد حصہ جھلس گیا تھا۔

متاثرہ لڑکی کو طبی امداد کے لیے سول اسپتال کے برنس وارڈ منتقل کیا گیا۔

متاثرہ خاتون کی والدہ نے اےآروائی نیوزسےبات چیت کرتے ہوئے بتایا کہ رمشا کے شوہر نے واٹس ایپ پر طلاق دی تھی اور طلاق دینے کے باوجود سابق شوہرراستے میں تنگ اور پریشان کرتا تھا۔

گورنرسندھ عمران اسماعیل نے بلدیہ ٹاؤن میں لڑکی پر تیزاب پھینکنے کےواقعےکی شدید مذمت کرتے ہوئے ایڈیشنل آئی جی کراچی سے واقعہ کی تفصیلی رپورٹ طلب کرلی ہے۔

پاکستان پیپلز پارٹی کے چیئرمین بلاول بھٹو زرداری کی ہمشیرہ بختاور بھٹو زرداری نے کہا ہے کہ عوامی مقامات پر مردوں کے داخلے پر پابندی لگائی جانی چاہیے۔لاہور میں خواتین سے ہراسانی کے واقعات منظر عام آنے پر سبین آغا نامی خاتون نے اپنی ٹوئٹ میں کہا کہ میں کوئی ٹک ٹاکر یا یوٹیوبر نہیں بلکہ صحافی ہیں ، چند برس قبل وہ یوم آزادی کے موقع مزار قائد پر اپنے ادارے کی ہدایات پر پیشہ وارانہ ذمہ داریاں ادا کررہی تھیں ، اس دوران 100 سے زائد اوباش مردوں نے ان پر ان کے کیمرہ مین پر حملہ کردیا۔
سبین آغا نے مزید کہا کہ کیمرہ مین اور میرے کو وہاں سے ہٹادیا گیا لیکن وہ ان اوباش لوگوں کے نرغے میں پھنس گئی۔ ہراسانی کے واقعے پر وہاں موجود پولیس اہلکاروں سے شکایت کی تو انہوں نے الٹا کہا کہ ہم صرف 4 ہیں اور وہ 150 ، ایسی صورت حال میں ہم انہیں نہیں روک سکتے تھے، آپ یہاں آئی ہی کیوں سبین آغا کی ٹوئٹ پر آصف علی زرداری کی صاحبزادی بختاور بھٹو زرداری نے کہا کہ خاتون سے ہراسانی کا ایک اور واقعہ سامنے آیا ہے، جب پولیس نے ہی مدد سے انکار کردیا، حالانکہ وہ واقعے کو روکنے کے لیے مزید نفری بلاسکتے تھے ، وہ ہجوم کو منشتر کرنے کے لیے اسلحے کا استعمال بھی کرسکتے تھے۔
بختاور بھٹو زرداری نے کہا کہ عوامی مقامات پر مردوں کے داخلے پر پابندی لگائی جانی چاہیے، ہمیں خواتین کی حفاظت کے لئے مزید خواتین کی ضرورت ہے .

کراچی کے علاقے کورنگی میں پانی کے ٹینک میں ڈوب کر دو افراد کی موت واقع ہوگئی ہے۔

پولیس ذرائع کے مطابق واقعہ کورنگی مہران ٹاؤن میں پیش آیا، جہاں خاتون ٹینک کی صفائی کے دوران بے ہوش ہوکر پانی میں جاگری، اسی دوران پڑوسی خاتون کو نکالنے کے لئے ٹینک میں گیا تو وہ بھی ڈوب گیا۔

واقعے کے بعد امدادی ٹیموں نے جائے وقوعہ پر پہنچ کر دونوں لاشوں کو جناح اسپتال منتقل کیا۔

جاں بحق خاتون کی شناخت عظمیٰ کے نام سے ہوئی ہے، لاشوں کو پوسٹ مارٹم کے بعد ورثا کے حوالے کردیا گیا ہے، ایک ہی محلے سے دو افراد کی میتوں پر علاقے میں سوگ کا سماں ہے۔

واقعے سے متعلق پولیس کی ابتدائی رپورٹ میں بتایا گیا ہے کہ خاتون سمیت مرد کی موت ٹینک میں زہریلی گیس کے باعث ہوئی، ٹینک بہت عرصے سے خالی تھا،جس کے باعث اس میں گیس بھر گئی تھی، خاتون کے ٹینک میں گرنے کے بعد یونس خان نامی شہری بھی اسکی مدد کو گیا تاہم وہ بھی زہریلی گیس کا شکار ہوگیا۔

خاتون نے اپنے سابق شوہر پر تیزاب پھینک دیا، جس کے نتیجے میں وہ شخص بری طرح جھلس گیا۔کراچی میں شابانہ نامی خاتون نے اپنے دو ساتھیوں کے ہمراہ ناگن چورنگی کے ایک ہوٹل پر بیٹھے اپنے سابق شوہر پر تیزاب پھینک دیا، جس کے نتیجے میں عثمان شدید زخمی ہوگیا، جبکہ خاتون بھی معمولی زخمی ہوئیں۔
زخمی عثمان کو فوری طور پر مقامی اسپتال لے جایا گیا، جہاں سے اسے سول اسپتال کے برنس وارڈ منتقل کردیا گیا، جہاں طبی امداد دی جارہی ہے۔ عثمان کا چہرہ، سینہ اور جسم کے دیگر حصے تیزاب سے متاثر ہے۔خاتون واقعے کے فوری بعد نیو کراچی تھانے پہنچی اور الٹا سابِق شوہر پر تیزاب پھینکے کا الزام عائد کیا۔ پولیس ذرائع کا کہنا ہے کہ شواہد بتاتے ہیں ہیں کہ شبانہ نے ہی تیزاب پھینکے کے بعد عثمان کے خلاف ہی مقدمہ درج کرانے کی کوشش کی۔پولیس کو عثمان کی حالت سدھرنے کا انتظار ہے، جس کے بیان کے بعد ہی مقدمہ درج کرکے تفتیش کے عمل آگے بڑھائے جائے گا۔