Author: +9251

چلتی ٹرین سے گرنے والے نوجوان کی جان بچانے والے پولیس اہلکار کے لئے انعام کا اعلان کردیا گیا۔

مشیر زراعت سندھ منظور وسان نے جمیل کلہوڑوکو50 ہزارروپے نقد انعام دینے کا اعلان کردیا۔ منظور وسان نے کہا کہ ہمیں جمیل کلہوڑو جیسے پولیس اہلکار جوانوں پر فخر ہے، میں اپنی طرف سے جمیل کلہوڑو کو50ہزارروپےانعام دینےکا اعلان کرتاہوں۔

واضح رہے کہ ‏پولیس اہلکار جمیل کلہوڑو نے خیرپور ریلوے اسٹیشن پر گرنے والے شخص کی جان بچائی تھی جس پر وزیراعظم عمران خان نے اسے قومی اعزاز سے نوازنے کا اعلان کیا تھا۔

امریکا کی جیل میں قید پاکستانی نیورو سرجن ڈاکٹر عافیہ صدیقی پر ساتھی قیدی نے حملہ کردیا جس نے انہیں چہرے اور جسم پر زخم آئے۔

ڈاکٹر عافیہ صدیقی کی وکیل مروہ البیانی کا کہنا ہے کہ ایک قیدی نے گرم کافی کا کپ ڈاکٹر عافیہ کے چہرے پر دے مارا جس سے ان کی بینائی تو بچ گئی مگر چہرہ شدید زخمی ہوگیا۔
انہوں نے بتایا کہ اس حملے کا علم انہیں اس وقت ہوا جب وہ عافیہ سے ملنے جیل گئیں، ان کی موکلہ کا چہرہ اور جسم جھلسا ہوا تھا۔
انہوں نے مزید بتایا کہ ڈاکٹرعافیہ ہراساں کيے جانے کی شکایت کرتی رہتی ہیں لیکن امریکی حکام اس حوالے سے کچھ نہیں کررہے۔
امریکا میں مسلمان تنظیمیں ڈاکٹرعافیہ کی شکايات پرکارروائی نہ ہونے پر برہم ہیں اور ان کا کہنا ہے کہ امریکا کو افغانستان کی خواتین کی فکر ہے لیکن اپنی جیل میں قید عافیہ صدیقی کی نہیں۔
دریں اثناء عافیہ موومنٹ کی رہنما ڈاکٹر فوزیہ صدیقی کا کہنا ہے کہا ان کی بہن عافیہ صدیقی کی وکیل نے بتایا کہ ڈاکٹرعافیہ کی آنکھوں کے گرد جلنے کی وجہ سے پڑنے والا حلقہ، ان کی بائیں آنکھ کے قریب لگ بھگ 3 انچ کا داغ ، ٹوتھ پیسٹ میں ڈھکے ہوئے ان کے دائیں گال پر زخم اور کاغذ کا ایک چھوٹا ٹکڑا تھا اور ان کے دائیں بازو اور ٹانگوں پر بھی زخم آئے۔
مروہ البیالی کی طرف سے ملنے والی اپ ڈیٹ کے مطابق ڈاکٹر عافیہ اس وقت ایڈمنسٹریٹیو یونٹ میں رکھی گئی ہیں جس لا مطلب یہ ہے کہ انہیں اشیائے ضروریہ جیسے نماز کی ادائیگی کے لیے اسکارف اور اپنے دیگر ذاتی سامان تک رسائی حاصل نہیں ہے۔
ڈاکٹر فوزیہ صدیقی نے کہا کہ ایک طرف ان کی والدہ عصمت صدیقی کی طبیعت انتہائی ناساز ہے اور دوسری طرف امریکی کارزویل جیل سے ایسی دل دہلادینے والی اطلاعات موصول ہورہی ہیں۔
عافیہ صدیقی کی ہمشیرہ نے مطالبہ کیا ہے کہ امریکی جیل میں قید قوم کی بیٹی ڈاکٹر عافیہ کی زندگی خطرے میں ہے، اس پر سفاکانہ حملہ ہوا ہے جس کا حکومت فوری طور پر نوٹس لے اور ان کی حفاظت کو یقینی بناتے ہوئے انہیں رہا کرا کے وطن واپس لانے کے عمل کو تیز کر دیا گیا ہے۔

شہر قائد میں زلزلے کے جھٹکے محسوس کیے گئے، زلزلے کی شدت 3.1 ریکارڈ کی گئی جبکہ مرکز کراچی سے 72کلومیٹر شمال مشرق میں تھا۔

تفصیلات کے مطابق کراچی کے نواحی علاقوں میں زلزلے کے جھٹکے محسوس کئے گئے ، ریکٹر اسکیل پر زلزلے کی شدت 3.1 ریکارڈ کی گئی ، زلزلہ پیمامرکز کا کہنا ہے کہ

زلزلہ 15کلومیٹر گہرائی میں آیا اور مرکزکراچی سے72کلومیٹرشمال مشرق میں تھا۔

زلزلہ پیما مرکز کا کہنا ہے کہ 3 اعشاریہ ایک شدت کا زلزلہ معمولی نوعیت کا حامل ہوتا ہے، جس سے کسی بھی نقصان کا کوئی اندیشہ نہیں، تاہم زلزلے سے کسی قسم کے جانی و مالی نقصان کی اطلاع موصول نہیں ہوئی۔

یاد رہے گذشتہ سال نومبر میں بھی کراچی میں زلزلے کے شدید جھٹکے محسوس کیے گئے تھے ، زلزلے کے جھٹکوں کی زیر زمین گہرائی 10 کلو میٹر اور شدت3.6ریکارڈ کی گئی۔

محکمہ موسمیات کا کہنا تھا کہ زلزلے کے جھٹکےملیر، لانڈھی اور کورنگی میں محسوس کیے گئے، زلزلے کےجھٹکے محسوس ہوتے ہی لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے نکل آئے تھے۔

وزیرتعلیم سندھ سردارشاہ کا کہنا تھا کہ محکمہ صحت نےآئندہ ہفتےکوروناکی نئی لہر سے خبردار کیا تھا، جس کے بعد تعلیمی ادارے بند رکھنے کا فیصلہ کیا گیا ، اسکولوں سے متعلق ایک ہفتے بعد جائزہ لے کر فیصلہ کیاجائے گا۔

تفصیلات کے مطابق وزیرتعلیم سندھ سردارشاہ کی جانب سے بیان میں کہا گیا ہے کہ تعلیمی اداروں کوبندکرنےکافیصلہ کوروناصورتحال پرکیاگیا ، وزیراعلیٰ سندھ نےمشاورت کے بعد بندش کافیصلہ کیا۔

سردارشاہ کا کہنا تھا کہ محکمہ صحت نےآئندہ ہفتےکوروناکی نئی لہرسےخبردارکیاتھا اور صورتحال مدنظررکھ کرتعلیمی ادارےبندرکھنےکی تجویزدی، آئندہ ہفتےتک تمام اساتذہ کی ویکسین مکمل کی ہوجائےگی ، سندھ حکومت نےمحتاط رہ کرفیصلہ کیاہے۔

وزیرتعلیم سندھ نے کہا کہ اسکولوں سےمتعلق ایک ہفتےبعدجائزہ لےکرفیصلہ کیاجائے گا ، والدین سےاپیل ہےاپنی ویکسین کرائیں تاکہ بچےمحفوظ رہیں۔

دوسری جانب اسکول بند کرنے کے حوالے سے سندھ حکومت نےاسٹیک ہولڈرزکی مشاورت سےپہلے ہی فیصلہ کرلیا ، تمام اسٹیک ہولڈرز پرمشتمل ورکنگ کمیٹی کا اجلاس ہونا تھا اور سیکریٹری اسکول ایجوکشن کی سربراہی میں آئندہ کےلائحہ عمل کا اعلان کیاجاناتھا۔

ورکنگ کمیٹی میں نجی اسکولز،محکمہ صحت اور دیگر اسٹیک ہولڈزکی نمائندگی تھی تاہم مشاورت سےقبل ہی وزیراعلیٰ نےاسکولوں کی بندش کا اعلان کیا ، وزیراعلیٰ سندھ کے فیصلے سے تمام اسٹیک ہولڈرز پریشانی کا شکار ہے۔