Author: +9251

اسلام آباد:وفاقی حکومت دکھ برداشت نہ کرسکی،نوازشریف پرترس آگیا،بڑی پیشکش بھی کردی،اطلاعات کے مطابق وفاقی حکومت کونوازشریف پربڑا ترس آگیا ہے اورکہا ہےکہ وہ سابق وزیراعظم میاں نواز شریف کو آفر کی ہے کہ وطن واپس آئیں سکیورٹی دیں گے۔

نجی ٹی وی سے گفتگو کرتے ہوئے وفاقی وزیر داخلہ شیخ رشید نے کہا کہ پاکستان مسلم لیگ ن کے قائد نواز شریف کو پتا ہے کہ وہ کیا کرنا چاہتے ہیں، نواز شریف کا پاسپورٹ 16فروری کو ایکسپائر ہوچکا ہے، اگر نواز شریف پاکستان آنا چاہتے ہیں تو انہیں 24گھنٹوں میں پاسپورٹ مل جائیگا، نواز شریف اب پاکستان کے شہری نہیں ہیں، نواز شریف واپس آئیں سیکیورٹی دینگے۔

انہوں نے کہا کہ نواز شریف کو پاکستان آکر گرفتاری دینا ہوگی۔ نواز شریف 4ہفتوں کے لیے علاج کے لیے لندن گئے تھے۔ اب ثابت ہوگیا نوا زشریف علاج نہیں کروا رہے تھے، حکومت برطانیہ نے اس حوالے سے کوئی رابطہ نہیں کیا، نواز شریف اب پاکستان کے شہری نہیں ہیں۔ اگر نواز شریف پاکستان آنا چاہتے ہیں تو 24گھنٹوں میں پاسپورٹ مل جائیگا۔

دوسری طرف وفاقی وزیر اطلاعات فواد چودھری نے کہا کہ پاکستان مسلم لیگ ن کے قائد میاں نواز شریف لاکھوں، کروڑوں نہیں، اربوں روپے کی کرپشن میں ملوث ہیں، ویزے کی توسیع نہ ہونے کے بعد ان کے پاس تین آپشنزہیں۔

اپنی بات کو جاری رکھتے ہوئے انہوں نے کہا کہ پہلی آپشن نوازشریف پاکستان ایمبیسی میں جائیں، پاکستان وہاں سے نوازشریف کو عارضی دستاویزات دی جائیں گی، عارضی دستاویزات پر ٹریول کریں، واپس آجائیں، واپس آکرجیل جائیں، اپنے مقدمات کا سامنا کریں۔

ان کا کہنا تھا کہ اگرنوازشریف اپیل میں جائیں گے توان کے پاس کوئی جوازنہیں ہے، نوازشریف بیمارنہیں ہیں، یہ نظر ثانی اپیل میں برطانیہ کی عدالت میں بھی پھرجھوٹ بولیں گے، جھوٹ پر انہیں برطانوی عدالت سے بھی سزا ہوسکتی ہے۔ میری رائے میں نوازشریف کوپاکستان کی ایمبیسی سے عارضی دستاویزات لیکرپاکستان واپس آنا چاہیے۔

فواد چودھری کا کہنا تھا کہ عمران خان، پی ٹی آئی کی نوازشریف سے کوئی ذاتی دشمنی نہیں ہے، معاملہ یہ ہے نوازشریف پاکستان کے اربوں روپے لوٹ کرپاکستان سے فرارہوگئے ہیں، جوپیسہ لوٹا گیا وہ پیسہ پاکستان میں لانا ضروری ہے، نوازشریف پیسہ واپس کردیں بیشک پھرپاکستان اپنے گھرمیں رہیں۔

لندن:ہمیں پاکستان نہ بھیجا جائے؟ شریف فیملی کا برطانوی ہوم ڈیپارٹمنٹ کے فیصلے کے خلاف اپیل میں جانے کا اعلان ،اطلاعات کے مطابق شریف فیملی نے برطانوی ہوم ڈیپارٹمنٹ کے فیصلے کے خلاف اپیل میں جانے کا اعلان کر دیا ہے۔

تفصیلات کے مطابق شریف فیملی نے سابق وزیر اعظم پاکستان میاں نواز شریف کی ویزا توسیع درخواست مسترد ہونے کی تصدیق کر دی ہے، ان کے صاحب زادے حسین نواز نے کہا ہے کہ ہوم ڈیپارٹمنٹ کے فیصلے کے خلاف اپیل میں جائیں گے۔

ادھر وزیر داخلہ پاکستان نے کہا ہے کہ نواز شریف اگر وطن واپس آئیں تو انھیں 24 گھنٹوں میں سفری دستاویزات دے دیں گے۔

یاد رہے کہ سابق وزیراعظم نواز شریف نے لندن میں مزید ‏قیام کے لیے برطانوی ہوم ڈیپارٹمنٹ کو ویزا توسیع کی درخواست دی تھی، جسے مسترد کر دیا گیا ہے۔

لندن :نواز شریف کو برطانیہ میں گرفتار کرکے جیل میں‌ ڈال دینے کے امکانات بڑھ گئے،اطلاعات کے مطابق نواز شریف کو برطانیہ میں گرفتار کر لیے جانے کا امکان پیدا ہوگا ہے ۔

ادھراسی حوالے سے ملنے والی خبروں کے مطابق مسلم لیگ ن کے قائد اور پاکستان کے سابق وزیراعظم نواز شریف کی ویزہ توسیع درخواست مسترد ہونے کے بعد قانونی ماہرین کی جانب سے بتایا گیا ہے کہ میاں صاحب کو برطانیہ میں گرفتار بھی کیا جا سکتا ہے۔

قانونی ماہرین کے مطابق ویزہ توسیع کی درخواست مسترد ہونے کے بعد نواز شریف کے پاس فیصلے کیخلاف اپیل کرنے کا حق موجود ہے، اگر فیصلے کیخلاف کی گئی اپیلوں کا فیصلہ بھی ان کے حق میں نہیں آیا، تو اس صورت میں برطانوی حکومت قائد ن لیگ کو برطانیہ سے نکل جانے کی ڈیڈ لائن دے گی۔

برطانوی حکومت کے فیصلے کے تحت مقررہ مدت میں برطانیہ نہ چھوڑنے کی صورت میں قائد ن لیگ کو قانون کے تحت حراست میں لے لیا جائے گا۔

واضح رہے کہ علاج کے غرض سے برطانیہ میں مقیم سابق وزیراعظم اور مسلم لیگ ن کے قائد نواز شریف کو زبردست دھچکا پہنچا ہے۔ برطانوی حکومت نے نواز شریف کو برطانیہ میں مزید قیام کی اجازت دینے سے انکار کر دیا۔

میڈیا رپورٹس کے مطابق نواز شریف نے برطانوی حکومت سے ویزہ توسیع کی درخواست کی تھی۔

کراچی:کراچی کے قبرستان میں‌ کورونا سے مرنے والوں‌ کی تدفین کا خوفناک منظر،غیرمصدقہ اطلاعات کے مطابق سوشل میڈیا پرایک ویڈیو وائرل ہوئی ہے جس کے بارے میں کہا جارہا ہےکہ یہ کراچی کے کسی قبرستان میں کورونا سے مرنے والے افراد کی تدفین کے مناظرہیں‌

اس حوالے سے سوشل میڈیا پریہ بھی کہا جارہاہےکہ کورونا کی حالیہ لہرمیں کراچی میں مرنے والوں کی تعداد میں بہت زیادہ اچانک اضافہ ہوگیا ہے اورلوگ اپنے پیاروں‌ کو قبرستانوں میں‌ دفن کرنے کے لیے آرہے ہیں

غیرمصدقہ اطلاعات کے مطابق یہ صورت حال بہت ہی تکلیف دہ ہے جہاں بڑی تعداد میں لوگوں‌کو اپنے پیاروں کو دفناتے ہوئے دیکھا گیا ہے ، ادھر یہ بھی کہا جارہاہےکہ یہ کل ایک قبرستان کے مناظرہیں جہاں ایک ہی دن کورونا سے مرنے والے آٹھ افراد کوبیک وقت تدفین کےلیے لایا گیا ہے

یاد رہے کہ اس وقت کراچی اورسندھ کے دیگرعلاقوں میں بھارتی کورونا بڑی تیزی سے پھیل رہا ہے اورمرنے والوں کی تعداد میں بھی اضافہ ہوگیا ہے ، یہ وجہ ہے کہ سندھ حکومت نے اس آفات سے محفوظ رکھنے اور رہنے کےلیے سخت پابندیاں‌بھی عائد کررکھی ہیں‌