Baaghi TV

Author: +9251

  • پی ٹی آئی کی لاہور میں ہونے والی ریلی ملتوی کردی گئی

    پی ٹی آئی کی لاہور میں ہونے والی ریلی ملتوی کردی گئی

    پی ٹی آئی کی لاہور میں ہونے والی ریلی ملتوی کردی گئی

    پی ٹی آئی نے آج لاہور میں ہونے والی ریلی ملتوی کرنے کا اعلان کر دیا۔نجی ٹی وی کے مطابق لاہور میں پریس کانفرنس کرتے ہوئے پی ٹی آئی کے رہنما حماد اظہر کا کہنا تھا کہ ان کی ابھی عمران خان کے ساتھ بات ہوئی ہے، پی ٹی آئی نے ریلی ملتوی کردی ہے۔ حماد اظہرکا کہنا تھا کہ ریلی کل یا بعد میں بھی ہوسکتی ہے، ہم پرامن انتخابات اور پرامن انتقال اقتدار چاہتے ہیں، ارباب اختیار شہر کے راستےکھول دیں۔ علاوہ ازیں ان کا کہنا تھا کہ ہمیں دیوار سے لگایا گیا لیکن ہم نے آئین اور قانون کا راستہ نہیں چھوڑا۔

    خیال رہےکہ آج پی ٹی آئی نے لاہور میں ریلی نکالنےکا اعلان کیا تھا جس کی قیادت عمران خان نے کرنا تھی۔ عمران خان کی جانب سے آج ریلی نکالنے کے اعلان کے بعد پنجاب حکومت نے لاہور میں دفعہ 144 نافذ کرتے ہوئے ر ینجرز کو طلب کر لیا تھا۔ نگران وزیراعلیٰ پنجاب محسن نقوی کا کہنا تھا کہ پنجاب میں سیاسی سرگرمیوں پر کوئی پابندی نہیں ہے، تمام سیاسی جماعتوں کو انتخابی مہم چلانےکی آزادی ہے، ہم نے آج کے لیے ریلیاں اور سیاسی سرگرمیاں محدود کردی ہیں۔
    مزید یہ بھی پڑھیں؛
    عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
    قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
    مکیش امبانی کے ڈرائیورز کی تنخواہ کتنی؟ جان کردنگ رہ جائیں
    سعود ی عرب :بچوں سے زیادتی کے مجرم سمیت 2 ملزمان کو سزائے موت
    محسن نقوی کا کہنا تھا کہ لاہور میں پی ایس ایل کرکٹ میچ، ٹیم کی نقل و حرکت اور میراتھن ہے، اس حوالے سے تمام منصوبہ بندی کی گئی تھی اور بہت پہلے اعلان کیا گیا تھا۔

  • راولپنڈی؛ رقم نہ دینے پر بیٹے نے سگے باپ کو چھری کے وار سے زخمی کردیا

    راولپنڈی؛ رقم نہ دینے پر بیٹے نے سگے باپ کو چھری کے وار سے زخمی کردیا

    راولپنڈی؛ رقم نہ دینے پر بیٹے نے سگے باپ کو چھری کے وار سے زخمی کردیا

    راولپنڈی کے تھانہ صادق آباد کے علاقے میں پیسے نہ دینے کے تنازع پر بیٹے نے چھری کے وار کرکے بزرگ والد کو زخمی کر دیا۔ جبکہ پولیس کے مطابق بزرگ والد نے مقدمہ درج کرواتے ہوئے بتایا کہ میرے بیٹے جہانزیب نے رقم کا تقاضا کیا جو نہ ملنے پر چھری کے وار سے مجھے زخمی کر دیا۔

    صادق آباد پولیس نے والد کی درخواست پر والدین تحفظ آرڈنینس کے تحت مقدمہ درج کرکے ملزم جہانزیب کو گرفتار کرلیا ہے۔ ایس پی راول فیصل سلیم کا کہنا تھا کہ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے، والدین جیسی عظیم ہستی پر تشدد ناقابل تصور اور افسوس ناک ہے۔

    مزید یہ بھی پڑھیں؛
    عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
    قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
    مکیش امبانی کے ڈرائیورز کی تنخواہ کتنی؟ جان کردنگ رہ جائیں
    سعود ی عرب :بچوں سے زیادتی کے مجرم سمیت 2 ملزمان کو سزائے موت

    جبکہ دوسری جانب چین پاکستان اقتصادی راہداری (سی پیک) کی سیکورٹی کے لیے قائم سندھ پولیس کے اسپیشل پروٹیکشن یونٹ کو مزید وسعت دی جا رہی ہے جس کے لیے سندھ پولیس میں علیحدہ سے پولیس کانسٹیبلز کی گریڈ 7 کی 1500 نشستوں پر بھرتی کا آغاز کر دیا گیا ہے۔

    بھرتی کے لیے سندھ کے کسی بھی ضلع کا ڈومیسائل رکھنے والے مرد امیدوار اہل قرار دیے گئے ہیں۔ سی پیک اسپیشل پروٹیکشن یونٹ کے کمانڈنٹ ڈی آئی جی محمد کاشف نے اس سلسلے میں اعلامیہ جاری کیا ہے۔

    اعلامیے کے مطابق بھرتی کے لیے امیدوار کا تسلیم شدہ بورڈ آف سیکنڈری ایجوکیشن سےکم ازکم میٹرک پاس ہونا ضروری ہے، 18 سے 28 سال تک کی عمر کے امیدوار بھرتی کے لیے آن لائن درخواست دے سکتے ہیں۔ امیدوار کا کم از کم قد 5 فٹ 6 انچ اور چھاتی کا کم از کم 33 انچ چوڑا ہونا لازمی ہے، بھرتی کے خواہش مند نوجوان 5 اپریل تک آن لائن درخواستیں جمع کراسکتے ہیں۔

  • کے پی اور سندھ میں سیوریج کے نمونوں میں پولیو وائرس کی تصدیق

    کے پی اور سندھ میں سیوریج کے نمونوں میں پولیو وائرس کی تصدیق

    خیبر پختونخوا اور سندھ میں سیوریج کے نمونوں میں پولیو وائرس کی تصدیق ہوئی ہے۔

    خیبر پختونخوا اور سندھ میں سیوریج کے نمونوں میں پولیو وائرس کی تصدیق ہوئی ہے۔ قومی ادارہ برائے صحت نے ڈی آئی خان کےسیوریج نمونےمیں وائلڈ پولیو وائرس 1 کی تصدیق کی ہے۔ قومی ادارہ برائے صحت کے مطابق ڈی آئی خان کے علاقے پروا سے 21 فروری کو لیے گئے سیوریج نمونوں میں پولیو وائرس پایا گیا۔ حکام کے مطابق اس سال پاکستان کےتین علاقوں کے سیوریج نمونوں میں پولیو وائرس پایا گیا ہے۔

    قومی ادارہ برائے صحت کا کہنا ہےکہ سندھ کے ضلع گھوٹکی کے سیوریج نمونوں میں بھی پولیو وائرس ملا، گھوٹکی کےعلاقے باگو واہ سے سیوریج نمونے 14 فروری کو لیےگئے تھے۔ پولیو کے خاتمےکے لیےکام کرنے والےگلوبل کمیشن فار سرٹیفکیشن نے اظہار تشویش کرتے ہوئے پاکستان اور افغانستان میں پولیو وائرس کی سرویلینس بہتر بنانےکی ضرورت پر زور دیا ہے۔
    مزید یہ بھی پڑھیں؛
    عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
    قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
    مکیش امبانی کے ڈرائیورز کی تنخواہ کتنی؟ جان کردنگ رہ جائیں
    سعود ی عرب :بچوں سے زیادتی کے مجرم سمیت 2 ملزمان کو سزائے موت
    یاد رہے اس سے قبل لاہور میں پولیو وائرس کی تصدیق کے بعد ملک کے 39 اضلاع میں انسداد پولیو مہم چلانے کا فیصلہ کیا گیا تھا.وفاقی وزیر صحت عبدالقادرپٹیل نے کہا تھا کہ خیبرپختونخوا کے 7 اضلاع میں انسداد پولیو مہم چلائی جائے گی، بنوں،ڈی آئی خان، ٹانک، لکی مروت اور شمالی وزیرستان میں پولیو مہم ہوگی، اس کے علاوہ بالائی اور زیریں جنوبی وزیرستان میں بھی انسداد پولیو مہم چلائی جائےگی۔ وفاقی وزیر صحت کا کہنا ہےکہ پولیو کو جڑ سے اکھاڑ پھینکنے کے لیے والدین کا تعاون ضروری ہے۔

  • جے یو آئی (ف) کا 15 صوبائی اسمبلی کی نشستوں پر امیدواران کے ناموں کا اعلان

    جے یو آئی (ف) کا 15 صوبائی اسمبلی کی نشستوں پر امیدواران کے ناموں کا اعلان

    جے یو آئی (ف) کا راولپنڈی ضلع کیلئے 15 صوبائی اسمبلی کی نشستوں پر امیدواران کے ناموں کا اعلان.

    جمعیت علمائے اسلام (جے یو آئی ایف) نے راولپنڈی ضلع کیلئے 15 صوبائی اسمبلی کی نشستوں پر امیدواران کے ناموں کا اعلان کردیاہے۔ ضلعی امیر ڈاکٹر ضیاالرحمن پر مشتمل پارلیمانی کمیٹی نے امیدواروں کا اعلان کیا جبکہ جامعہ اسلامیہ کشمیر روڈ میں امیدواروں کے انٹرویو لیے گئے جس میں امیدواران کی جانب سے الیکشن میں بھرپور طریقے سے حصہ لینے کے عزم کا اظہار کیا گیا۔

    امیدواروں میں پی پی 6 مری سے ارشد عباسی، پی پی 7 کلر سیداں راجہ ضیاء بشیر، قاری یوسف پی پی 8 گوجر خان، خالد مبین پی پی 9 گوجر خان، مفتی محسن نواز پی پی 10، ملک ریحان بابر، قاری افتخار شامل ہیں۔جبکہ پی پی 11 مفتی مسرت اقبال عباسی، چوہدری زاہد پی پی 12، سردار راشد نعیم، قاری فدا صدیقی اور پی پی 13 ضیاءاللہ خان، مولانا بشارت نوید امیدوار ہوں گے۔
    مزید یہ بھی پڑھیں؛
    عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
    قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
    مکیش امبانی کے ڈرائیورز کی تنخواہ کتنی؟ جان کردنگ رہ جائیں
    سعود ی عرب :بچوں سے زیادتی کے مجرم سمیت 2 ملزمان کو سزائے موت
    اسی طرح پی پی 14 مولانا گل عظیم شاہ پی پی 15، مولانا عمر علی حقانی امیدوار نامزد ہوئے ہیں، پی پی 16 قاری کرامت الرحمن، پی پی 17 پروفیسر زبیر عباسی امیدوار ہوں گے۔ پی پی 18 ڈاکٹر ضیاءالرحمن، پی پی 19 ٹیکسلا اقبال اعوان جبکہ پی پی 20 ٹیکسلا ملک سفیر عالم کو امیدوار نامزد کیا گیا ہے۔ دوسری جانب جے یو آئی نے ٹکٹ ہولڈرز کو اپنے حلقوں میں انتخابی مہم شروع کرنے کی ہدایت کردی ہے۔

  • آج کل فنکاروں کو جلدی شہرت مل جاتی ہے ہمارے دور میں ایسا نہیں تھا کرشمہ

    آج کل فنکاروں کو جلدی شہرت مل جاتی ہے ہمارے دور میں ایسا نہیں تھا کرشمہ

    نوے کی دہائی کی سپر ہٹ اداکارہ کرشمہ کپور جو اپنی خوبصورتی اور اداکاری کی وجہ سے مشہور تھیں ، انہوں نے اپنے ایک حالیہ انٹرویو میں کہا ہے کہ ہم جس دور میں کام کررہے تھے وہ بہت مختلف تھا اس میں بہت مشکلات تھیں خصوصی طور پر ایک اداکار کو اپنی پہچان اور نام بنانے کے لئے بہت محنت کرنی پڑتی تھی. جبکہ آج ایسا نہیں ہے آج سٹارز کے لئے مشہور ہونا بہت آسان ہے کیونکہ آج سیلف پرموشن کے بہت زرائع ہیں. آج سلیبرٹیز کے

    پاس ٹویٹر اور انسٹاگرام جیسے پلیٹ فارمز ہیں. اگر کوئی شوبز کا حصہ نہ بھی ہو تو وہ خود کو مشہور کر سکتا ہے . ہمارے وقتوں میں شہرت حاصل کرنے کےلئے ہمیں لڑنا پڑتا تھا . ہماری فلموں کے لئے ہمیں‌پرموشن کے لئے سخت محنت کرنی پڑتی تھی لیکن آج ایسا نہیں‌ہے آج تو فلموں کی پرموشنز بھی بہت آسان ہے . کرشمہ کپور نے کہا کہ میں نے اپنے کیرئیر میں جتنا بھی کام کیا اس سے بے حد مطمئن ہوں . ہم نے بہت شہرت سمیٹی لیکن یقینا آج وقت اور حالات مختلف ہیں آج کسی کے لئے بھی مشہور ہونا مشکل کام نہیں‌ رہا. یاد رہے کہ کرشمہ کپور ماضی نامور اداکار ہیں جنہوں نے نوے کی دہائی کے بڑے ڈائریکٹرز اور ایکٹرز کے ساتھ کام کیا.

  • راکھی ساونت نے نیا گانا ریلیز کر دیا

    راکھی ساونت نے نیا گانا ریلیز کر دیا

    راکھی ساونت جن کی زندگی کافی زیادہ مشکلات کا شکارہے انہوں نے عادل درانی کے ساتھ اپنے بریک اپ کے بعد پھر سے کام کرنا شروع کر دیا ہے. انہوں نے حال ہی میں ایک گانا ریلیز کیا ہے، گانے کے بول ہیں یادیں. اس گانے کے ھوالے سے راکھی ساونت نے انٹرویو دیتے ہوئے کہا ہے کہ یہ گانا میری آپ بیتی ہے ، عادل کے ساتھ شادی کے بعد میرے ساتھ جو بھی ہوا میں نے اس گانے کے زریعے دکھانے کی کوشش کی ہے. کہنے کو تو یہ چار منٹ کا گانا ہے لیکن اس میں میں نے اپنی زندگی کی مشکلات دکھائی ہیں . مجھے کس طرح‌دھوکہ دیا گیا یہ دکھانے کی

    کوشش کی ہے. ویسے تو چار منٹ بہت کم ہیں میرے ساتھ جو ہوا اس کو دکھانے اور بتانے کےلئے. لیکن یہ زندگی ہے اس نے تو چلتے ہی رہنا ہے ، لہذا میں ایک بار پھر اپنے پائوں پر کھڑے ہونے کی کوشش کررہی ہوں. میری ویب سیریز بھی آرہی ہی گانے بھی آرہے ہیں ، آئٹم نمبرز بھی آرہے ہیں . میں سجھتی ہوں کہ عادل نے میرے ساتھ جو کچھ بھی کیا ہے وہ اس پر ایک دن ضرور پچھتائے گا لیکن مجھے افسوس ہے کہ میں نے ایک غلط انسان کا انتخاب کیا .

  • عمران خان وزارت عظمیٰ کی کرسی پربیٹھ کرکاروبارکرتا تھا. مریم اورنگزیب

    عمران خان وزارت عظمیٰ کی کرسی پربیٹھ کرکاروبارکرتا تھا. مریم اورنگزیب

    عمران خان وزارت عظمیٰ کی کرسی پربیٹھ کرکاروبارکرتا تھا. مریم اورنگزیب

    وفاقی وزیر اطلاعات و نشریات مریم اورنگزیب نے کہا ہے کہ عمران خان بھیانک سیاسی کاروبار کے لئے کتنی ماؤں کی گودیں اجاڑوگے؟۔ پریس کانفرنس کے دوران مریم اورنگزیب نے کہا کہ لاہور میں ایک شخص ملک میں فساد پھیلانا چاہتا ہے، اس نے عدم اعتماد کے وقت اقتدار ہاتھ سےگیا تو سائفر سے کھیلنے کا منصوبہ بنایا، اسے کوئی سروکار نہیں سائفر کے کھیل سے پاکستان کو کتنا نقصان پہنچے گا، اب سائفر پر امریکا سے معافیاں مانگتا پھر رہا ہے, اقتدار جاتا نظر آیا تو آرمی چیف کو ایکسٹینشن کی پیشکش کی۔

    عمران خان نے ملک میں افراتفری کے لئے پولیس پر گولیاں چلوائیں ،عمران خان نے صحافیوں کی لاشوں کی سیاست کی، گوجرانوالہ میں 14سالہ بچہ شہید ہوا اس پر اس شخص نے سیاست کی، ملک میں تباہی ہو لاشیں گریں ،اس شخص کو کوئی سروکار نہیں ، عمران خان بھیانک سیاسی کاروبارکیلئےکتنی ماؤں کی گودیں اجاڑوگے؟۔

    مریم اورنگزیب نے کہا کہ کل مریم نواز کی آڈیو چلائی اور اپنے ساتھ جوڑنے کی کوشش کی، عمران خان وزارت عظمیٰ کی کرسی پربیٹھ کر کاروبار کرتا تھا، 4 سال اس ملک کو لوٹا، آئی ایم ایف پروگرام جس پر خود دستخط کیے معطل کرگیا۔
    مزید یہ بھی پڑھیں؛
    عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
    قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
    مکیش امبانی کے ڈرائیورز کی تنخواہ کتنی؟ جان کردنگ رہ جائیں
    سعود ی عرب :بچوں سے زیادتی کے مجرم سمیت 2 ملزمان کو سزائے موت
    عمران خان نے کل مریم نواز کی آڈیو چلائی اور اپنے ساتھ جوڑنے کی کوشش کی، کیا اس آڈیو میں سائفر سے کھلنے اور گولیاں مارنے کا حکم ہے؟ مریم نواز کی آڈیو میں کیا ہے؟ملکی معیشت کو داؤ پر لگانے کا حکم ہے؟مریم نواز چاہتی تو تم پر کارکن کے قتل کا الزام لگاسکتی تھی۔

  • صنم جنگ کس کرکٹر کی دیوانی ہیں ؟

    صنم جنگ کس کرکٹر کی دیوانی ہیں ؟

    اداکارہ صنم جنگ جو جب سے شوبز انڈسٹری میں آئی ہیں انہوں نے خود کو سکینڈلز سے دور رکھا ، انہوں نے اپنے ایک انٹرویو میں کہا ہے کہ ویسے تو بہت ساری سلیبرٹیز ہیں جو اپنے اپنے کام اور شخصیت کی وجہ سے میری فیورٹ ہیں لیکن میں‌ کرکٹر شاہد آفریدی کی بہت بڑی مداح ہوں. مجھے یاد ہے کہ جب شاہد آفریدی سے میری پہلی ملاقات ہوئی تو اس وقت میں تھوڑی پریشان تھا میرے پاس میرا والٹ نہیں تھا.. شاہد آفریدی نے دیکھا تو مجھے پوچھنے لگے کہ کیا آپ کو پیسوں کی ضرورت ہے تو میں نے ان سے کہا کہ میری ماں میرے ساتھ ہے مجھے

    پسیوں کی ضرورت نہیں ہے. میں بہت زیادہ حیران ہوئی کہ شاہد آفریدی مجھے جانتے بھی نہیں تھے لیکن انہوں نے میری مدد کرنی چاہی انہوں نے کہا کہ میں شاہد آفریدی کا یہ روپ دیکھ کر بہت متاثر ہوئی ، انہوں نے کہا کہ میں پہلے بھی شاہد آفریدی کی فین تھی لیکن اس واقعہ اور ملاقات کے بعد تو میں ان کی مزید دیوانی بن گئی . انہوں نے کہا کہ شاہد آفریدی کے بارے میں سن رکھا تھا کہ وہ ایک اچھے انسان ہیں لیکن میری ان سے پہلی ملاقات کے بعد مجھے یقین ہو گیا کہ وہ اچھے نہیں بہت اچھے انسان ہیں.

  • مجھے نہیں لگتا تھا میری شادی ہو گی سوہائے علی آبرو

    مجھے نہیں لگتا تھا میری شادی ہو گی سوہائے علی آبرو

    سوہائے علی آبرو جنہوں نے کم عرصے میں اپنا نام اور اپنی ایک خاص پہچان بنائی انہوں نے ڈراموں کے ساتھ ساتھ فلموں میں بھی اپنی اداکاری کے جوہر دکھائے اور خوب داد سمیٹی . انہوں نے اپنے ایک انٹرویو میں کہا ہے کہ مجھے لوگ کہا کرتے تھے ہمیں‌نہیں لگتا کہ تم شادی کرو گی اور مجھے بھی ایسا ہی لگتا تھاکہ میری شادی ہو گی یا میں شادی کروں گی لیکن اللہ نے قسمت میں‌لکھا ہوا تھا لہذا میری شادی ہو گئی اور سارے معاملات بہت اچھے سے ہو گئے. میں اپنے شوہر کو 17 سال کی عمر سے جانتی تھی ، ہم دونوں کے کچھ میوچل فرینڈز تھے لہذا ہمارا ملنا

    جلنا رہتا تھا ، ہم ایک دوسرے سے ملتے رہتے تھے ، اور ایک دوسرے کو پسند بھی کرتے تھے. کافی سال گزرنے کے بعد ہمیں لگا کہ ہمیں‌ ایک دوسرے کے ساتھ شادی کر لینی چاہیے تو ہم نے شادی کر لی اور میں ایک بہت اچھی زندگی گزار رہے ہیں. میں بہت خوش ہوں کہ اللہ نے مجھے ایک بہت ہی اچھا جیون ساتھی دیا ہے. سوہائے نے کہا کہ مجھے شاید میرے شوہر سے بہتر کوئی ساتھی مل ہی نہیں سکتا تھا ہم ایک دوسرے کی عادات کو پہلے سے اچھی طرح جانتے تھے.

  • محمد خان بھٹی 1 روزہ جسمانی ریمانڈ پر اینٹی کرپشن اسٹیبلشمنٹ کے حوالے

    محمد خان بھٹی 1 روزہ جسمانی ریمانڈ پر اینٹی کرپشن اسٹیبلشمنٹ کے حوالے

    عدالت نے محمد خان بھٹی کو 1 روزہ جسمانی ریمانڈ پر اینٹی کرپشن اسٹیبلشمنٹ کے حوالے کر دیا.

    سابق وزیراعلیٰ پنجاب چوہدری پرویز الہٰی کے قریبی ساتھی محمد خان بھٹی کو 1 روزہ جسمانی ریمانڈ پر اینٹی کرپشن اسٹیبلشمنٹ کے حوالے کردیا گیا۔ سابق پرنسپل سیکرٹری پنجاب اور پرویزالہیٰ کے قریبی ساتھی محمد خان بھٹی کو جوڈیشل مجسٹریٹ کے سامنے پیش کر دیا گیا۔

    عدالت نے محمد خان بھٹی کو 1 روزہ جسمانی ریمانڈ پر اینٹی کرپشن اسٹیبلشمنٹ کے حوالے کردیا۔ چوہدری پرویز الہٰی کے قریبی ساتھی محمد خان بھٹی کو 2 مارچ کو بلوچستان سے ایران فرار ہونے کی کوشش کرتے ہوئے گرفتار کیا گیا تھا۔ جس کے بعد ڈی جی اینٹی کرپشن پنجاب نے محمد خان بھٹی کو لاہور لانے کے لئے 4 رکنی ٹیم تشکیل دی تھی۔

    محمدخان بھٹی کے خلاف اینٹی کرپشن میں 80 کروڑ روپے کی کرپشن کا مقدمہ درج ہے۔ محمدخان بھٹی کے خلاف تقرر و تبادلوں میں رشوت اور ترقیاتی منصوبوں میں بھاری کمیشن وصول کرنے کا الزام ہے۔ اینٹی کرپشن نے محمد خان بھٹی کے خلاف درج مقدمے میں سی اینڈ ڈبلیو کے ایکسیئن رانا اقبال کو پہلے ہی گرفتار کر رکھا ہے جبکہ گرفتار ملزم رانا اقبال محمد خان بھٹی کے خلاف عدالت میں اعترافی بیان ریکارڈ کروا چکے ہیں۔

    واضح رہے کہ اس سے قبل سابق پرنسپل سیکرٹری وزیر اعلیٰ پنجاب محمد خان بھٹی کے خلاف ایک مقدمہ تھانہ اینٹی کرپشن رحیم یار خان میں درج کیا گیا تھا. درج مقدمے میں کہا گیاتھا کہ محمد خان بھٹی نے ناجائز طریقے سے 25 کروڑ کی رقوم حاصل کیں، اور رحیم یار خان شوگر ملز میں انویسٹ کردی۔

    ابتدائی معلوماتی رپورٹ (ایف آئی آر) میں کہا گیا کہ سرکاری افسران کسی کاروبار کا حصہ نہیں بن سکتے، محمد خان بھٹی نے اثر و رسوخ کا ناجائز استعمال کیا۔ یاد رہے کہ چوہدری پرویز الہٰی کے قریبی ساتھی محمد خان بھٹی کو 2 مارچ کو بلوچستان سے ایران فرار ہونے کی کوشش کرتے ہوئے گرفتار کیا گیا تھا۔
    مزید یہ بھی پڑھیں؛
    عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
    قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
    مکیش امبانی کے ڈرائیورز کی تنخواہ کتنی؟ جان کردنگ رہ جائیں
    سعود ی عرب :بچوں سے زیادتی کے مجرم سمیت 2 ملزمان کو سزائے موت
    جس کے بعد ڈی جی اینٹی کرپشن پنجاب نے محمد خان بھٹی کو لاہور لانے کے لئے 4 رکنی ٹیم تشکیل دی تھی۔ محمدخان بھٹی کے خلاف اینٹی کرپشن میں 80 کروڑ روپے کی کرپشن کا مقدمہ درج ہے۔ محمدخان بھٹی کے خلاف تقرر و تبادلوں میں رشوت اور ترقیاتی منصوبوں میں بھاری کمیشن وصول کرنے کا الزام ہے۔ اینٹی کرپشن نے محمد خان بھٹی کے خلاف درج مقدمے میں سی اینڈ ڈبلیو کے ایکسیئن رانا اقبال کو پہلے ہی گرفتار کر رکھا ہے جبکہ گرفتار ملزم رانا اقبال محمد خان بھٹی کے خلاف عدالت میں اعترافی بیان ریکارڈ کروا چکے ہیں۔