مقبوضہ کشمیر میں املاک کو نذر آتش کرنے کا سلسلہ جاری ہے۔

مقبوضہ کشمیر، اسکول کو آگ لگا دی گئی

تازہ ترین واقعہ میں مقبوضہ کشمیر کے ضلع کولگام کے چولگام علاقے میں گورنمنٹ مڈل اسکول کو آگ لگا دی گئی یا لگ گئی ہے اس کی تصدیق ابھی نہیں ہوپائی ہے۔

بھارتی میڈیا کے مطابق نامعلوم افراد نے اسکول کوآگ لگا دی۔ تاہم اس کی وجوہات کا ابھی تک پتہ نہیں چل سکا ۔آگ پر قابو پانے کی کوششیں جار ی ہیں۔

مقبوضہ کشمیر، بھارتی فوجی دکانوں کو آگ لگانے لگے

واضح رہے کہ رواں ہفتہ کے دوران مقبوضہ کشمیر کے ضلع کولگام میں ہی ہانجی پورہ علاقے میں واقع گورنمنٹ ہائیر سیکنڈری اسکول کو نامعلوم افراد نے آگ لگا دی۔

مقبوضہ کشمیر، تعلیمی اداروں میں تعلیمی سرگرمیاں معطل کیوں؟

یاد رہے کہ گذشتہ ماہ کی ایک خبر کے مطابق مقبوضہ کشمیر میں تحریک آزادی سے خوفزدہ بھارتی فوجی رات کے وقت دکانوں کو آگ لگا رہے ہیں۔ اس اقدام کا مقصد کشمیریوں کو خوف و ہراس میں مبتلا کرکے تحریک آزادی سے ان کی توجہ ہٹانا ہے۔

کشمیر میڈیا سروس کے مطابق بھارتی فورسز نے گذشتہ پندرہ دنوں کے دوران ضلع بڈگام کے بیروہ کے علاقے میں کم از کم 15 دکانوں کو نذر آتش کردیا۔ مقامی لوگوں نے کہا کہ فوجیوں نے 14 اور 15 ستمبر کی درمیانی شب بیروہ میں بس اسٹینڈ کے قریب بارہ دکانوں کوآگ لگائی۔ اس سے قبل اسی بازار میں غلام محمد رنگروٹ ، پرویز احمد وازہ اور مشتاق احمد بٹ کی دکانوں کو بھی نذر آتش کیا گیا تھا۔

بھارتی سپریم کورٹ نے مقبوضہ جموں و کشمیر میں آرٹیکل 370کے حوالے سے سماعت پانچ نومبر تک کے لیے ملتوی کر دی۔

آرٹیکل 370، کیس کی سماعت کب ہو گی، خبر آ گئی

دوران سماعت اعلیٰ عدالت نے ریاستی حکومت کی سخت سرزنش بھی کی۔ تین رکنی بنچ نے مودی حکومت سے پوچھا کہ وہ کتنے دنوں کے لئے ریاست میں پابندی چاہتی ہے؟

بنچ کے مطابق مقبوضہ وادی میں پہلے ہی سے دو ماہ پابندی جاری ہے۔ جسٹس رمن نے مودی حکومت کوکہاکہ آپ پابندی لگائے رکھ سکتے ہیں لیکن آپ کو اپنے فیصلوں کا تجزیہ کرنا ہوگا۔

بھارتی سپریم کورٹ: آرٹیکل 370 اور 35 اے کیس کی سماعت کیلئے بنچ تشکیل

دوسری جانب بھارتی حکومت کے وکیل کے مطابق ریاست میں 90 فیصد پابندیاں ہٹالی گئی ہیں اور ان کا روزانہ کی بنیاد جائزہ لیا جارہا ہے۔
بھارتی اعلیٰ عدالت نے مودی حکومت اور ریاستی انتظامیہ سے یہ بھی پوچھا کہ آپ کب تک پابندیاں لگا کر رکھیں گے؟ ہمیں ایک ٹائم فریم بتائیں۔

آرٹیکل 370نہیں تو کشمیر کے بھارت سے رشتے بھی ختم، بھارت نواز کشمیری کا بڑا اعلان

واضح رہے کہ آرٹیکل 370 سے متعلق درخواستوں کی سماعت کے لیے بھارتی سپریم کورٹ کے جج این وی رمن کی سربراہی میں آئینی بینچ تشکیل دیا گیا تھا۔ پانچ رکنی آئینی بینچ میں جسٹس رمن ، جسٹس سنجے کشن کول، جسٹس آر سبھاش ریڈی، جسٹس بی آر گوئئی اور جسٹس سوریہ کانت شامل ہیں۔

یاد رہے کہ مقبوضہ جموں و کشمیر سے آرٹیکل 370کے ہٹائے جانے کو مختلف جماعتوں اور شخصیات نے بھارتی سپریم کورٹ میں چیلنج کر رکھا ہے۔