جمعرات کی شام لبنان کے دارالحکومت بیروت کے وسط میں حزب اللہ کے حامیوں نے ایران میں ولایت فقیہ کے نظام کے بانی آیت اللہ خمینی اور موجودہ سپریم لیڈر آیت اللہ علی خامنہ ای کی حمایت میں نعرے بازی کی۔ تاہم پولیس کی جانب سے مظاہرین کا گھیرائو کیے جانے کے بعد مظاہرین پیچھے ہٹ گئے تھے۔

حزب اللہ کو ایران کی طرف سے حمایت یافتہ سمجھا جاتا ہے. حزب اللہ پر اسرائیل پر حملے کرنے کا الزام ہے اور ساتھ ہی شام میں‌اسی فوجوں کی مدد کرنے کا الزام بھی ہے حزب اللہ نے اسرائیل کے شمالی علاقے میں متعدد ٹینک شکن راکٹ داغے جس میں اسرائیلی فوج کو جانی نقصان اٹھانا پڑا تاہم اسرائیل نے اس دعوے کی تردید کی ہے۔ اسرائیل کے فوجی ذرائع نے اس بات کی تصدیق کی ہے کہ اس کے ایک فوجی اڈے اور فوجی گاڑیوں کی جانب راکٹ داغے گئے ہیں اور سرحدی علاقے میں واقع فوجی اڈے پر دو سے تین ٹینک شکن میزائل گرے ہیں۔دوسری طرف حزب اللہ نے دعوی کیا تھا کہ اس حملے میں متعدد اسرائیلی فوجی زخمی اور ہلا ک ہو گئے تھے۔

عراقی سیکیورٹی فورسز نے گرین زون کے سامنے مظاہرین کوواٹر گنوں اور آنسو گیس کا استعمال کرتے ہوئے منتشر کردیا۔ مظاہرین تمام رکاوٹیں عبور کر کے گرین زون تک پہنچ گئے تھے.

عراق کے دارالحکومت بغداد میں جمعرات کو ہونے والے ایک مظاہرے کے دوران لوگوں نے حکومت کے خلاف نعرے لگائے۔پولیس نے حکومت مخالف مظاہرین کو وسطی بغداد میں تحریر اسکوائر اور گرین زون تک جانے والی تمام سڑکیں بند کردیں۔ مظاہرے کے وقت بغداد بالخصوص گرین زون اور دیگرحساس مقامات پر پولیس کی بھاری نفری تعینات کی گئی تھی۔
عراقی دارالحکومت میں تحریراسکوائر میں سیکڑوں مظاہرین جمع ہوئے۔ انہوں نے جب انہوں نے ” سب چور ” کے نعرے لگائے
واضح رہے کہ عراق میں مہنگائی اور بے روزگاری کی وجہ سے لوگ پہلے بھی سٹرکوں پر نکلے تھے اور اس کے نتیجے میں سنکڑوں ہلاکتیں بھی ہوئی تھیں. یہ سلسلہ کئی روز تک جاری رہا . اب یہ احتجاج گرین زون تک جانا کافی تشویش ناک امر ہے .

عراق، فسادات میں مرنے والوں کی تعداد 100تک جا پہنچی

مہنگائی سب کو کھاگئی ، امیر اور غریب ممالک سب متاثر ، عراق میں مہنگائی کے خلاف پرتشدد مظاہرے

اقوام متحدہ کے انسانی حقوق کے ایک اہلکار نے کہا ہے کہ ایران نے گذشتہ سال سات اور رواں سال دو بچوں کو پھانسی دی ہے جبکہ ایرانی جیلوں میں 18 سال سے کم عمر کے 90 بچوں کو پھانسی دینے کی تیاری کی جا رہی ہے۔ حالانکہ عالمی قانون میں 18 سال سے کم عمر ہر شخص کے لیے سزائے موت پر پابندی عائد ہے۔

انسانی حقوق کمیٹی کے رکن جاوید رحمان نے بدھ کے روز اقوام متحدہ کی جنرل اسمبلی کی ہیومن رائٹس کمیٹی کوبتایا کہ ان کے پاس ایران میں سزائے موت کے تحت قید کیے گئے 90 بچوں کو کسی بھی وقت پھانسی دی جاسکتی ہے۔ ان کے پاس ایران میں پھانسی کے سزایافتہ 90 بچوں کے بارے میں ٹھوس ثبوت موجود ہیں۔
واضح رہےکہ سعودی آئل تنصیبات پر حملے کے بعد ایران اور سعودی عرب سمیت امریکا و یورپ کے درمیان کشیدگی کافی عروج پر ہے جس وجہ سے دونوں ممالک جنگی تیاریاں کرنے اور اسلحے کے حصول کے لیے کوشاں ہیں.
یاد رہے کہ ایران اور امریکہ کے مابین ان دنوں‌سخت کشیدگی پائی جاتی ہے اور دونوں‌طرف سے جارحانہ بیان بازی کی جارہی ہے. ایرانی سپاہ پاسداران انقلاب کی جانب سے ڈالر کو سڑکوں‌پر آگ لگانے کا بیان بھی اسی تناظر میں دیا گیا ہے.

بھارتی ریاست ہریانہ کے اسمبلی نتائج سے پہلے ہی بی جے پی کو بڑا جھٹکا لگا ہے۔

مہاراشٹرانتخابات، کیا بی جے پی شیوسینا کے درمیان سب ٹھیک چل رہا؟

بھارتی میڈیا کے مطابق بی جے پی کے ریاستی صدر سبھاش برالا نے استعفیٰ دے دیا ہے۔ این ڈی ٹی وی کے مطابق سبھاش نے ریاست میں پارٹی کی خراب کارکردگی کی ذمہ داری لیتے ہوئے یہ قدم اٹھایا ہے۔

مہاراشٹر میں بی جے پی دورمیں کتنے کسانوں نے خود کشی کی، خبر نے ہوش اڑا دیے

واضح رہے کہ ریاستی انتخابات میں ووٹوں کی گنتی جاری ہے اور کانگریس اور بی جے پی کے مابین سخت مقابلہ نظر آ رہا ہے۔ حکومت بنانے کے لیے 46سیٹیں درکار ہیں۔ بی جے پی اور کانگریس دونوں34 سیٹوں میں آگے ہیں۔ دشینت چوٹالا کی جن نایک جنتا پارٹی کنگ میکر کے رول میں نظر آ رہی ہے۔مذکورہ پارٹی 10میں لیڈ لیے ہوئے ہیں۔

بھارت، بی جے پی سینئر رہنما کو جیل بھیج دیا گیا

یاد رہے کہ ریاستی اسمبلی کی 90 سیٹوں پرگزشتہ سوموار کو انتخابات ہوئے تھے۔ ریاست میں مختلف سیاسی پارٹیوں سے 105 خواتین سمیت کل 1169 امیدوار انتخابی میدان میں اپنی قسمت آزما رہے ہیں۔ ان میں وزیراعلیٰ منوہر لال کھٹر ،سابق وزیراعلیٰ بھوپیندر بھوپیندر سنگھ ہدا، جے جے پی کے دشینت چوٹالا اور انڈین نیشنل لوک دل کے ابھے سنگھ چوٹالا شامل ہیں۔