Author: +9251

اسلام آباد: ریکوڈک کیس، حکومتی کاوشیں‌ رنگ لے آئیں، کمپنی جرمانہ چھوڑنے پر تیار اس حوالے سے خوشخبری سناتے ہوئے تحریک انصاف کے رہنما اور ماہر قانون بابراعوان نے کہا ہے کہ ریکوڈک کیس کے معاملے پر کارکے کمپنی سے بات چیت شروع ہوگئی اور وہ 1 ارب دو کروڑ ڈالر کا جرانہ چھوڑنے پر تیار ہیں۔

سوشل میڈیا پر جاری ہونے والے بیان میں معروف قانون دان کا کہنا تھا کہ کار کے سے متعلق پاکستان پر 1 ارب دو کروڑ جرمانہ عائد کیا گیا تھا جسے کمپنی معاف کرنے پر رضا مند ہوگئی۔

یہ بات یاد رہنی چاہیے کہ ریکوڈک کیس میں پاکستان پر 6.2 ارب ڈالر جرمانہ کیا گیا تھا، اس معاملے پر بیک ڈور ڈپلومیسی شروع ہوئی اور وزیر اعظم عمران خان کی وطن واپسی کے بعد دو طرفہ رابطے بھی ہوئے۔ اُن کا کہنا تھا کہ ریکورڈک بورڈ آف گورنرز سمجھتا ہے کہ پاکستان میں شفاف حکومت اور ایماندار وزیراعظم ہے، انشاء اللہ ! ریکوڈک چلے،کھلےگا اور دوڑےگا۔

انہوں نے مزید بتایا کہ وزیراعظم کی زیر قیادت ہونے والے اجلاس میں ایران گیس پائپ لائن سے متعلق فیصلے کیے گئے، ایران نے گیس منصوبے پر 5 سال تک کیس نہ کرنےکی یقین دہانی کرادی، جلد ہی پاکستان میں سستی گیس فراہم کی جائے گی۔

واضح رہے کہ رواں سال جولائی میں انٹرنیشنل کورٹ آف سیٹلمنٹ آف انویسٹمنٹ ڈسپیوٹ نے ریکوڈک کیس کا فیصلہ سناتے ہوئے پاکستان پر بھاری جرمانہ عائد کرتے ہوئے اربوں ڈالر کی رقم ادا کرنے کا حکم دیا تھا۔یاد رہے کہ پاکستان پر ہرجانہ ریکوڈک کا معاہدہ منسوخ کرنے کے باعث عائد کیا گیا تھا۔

: پاکستان کے موجودہ حالات میں مولانا فضل الرحمن جو گیم کھیل رہےہیں ، یہی پاکستان کا دشمن چاہتا ہے ،شیخ رشید احمد نے کہا ہے کہ مولانافضل الرحمان کشمیر کی خبروں کا وقت لے رہے ہیں، مولانا سے کہوں گا سیاستدان کبھی مذاکرات کے دروازے بند نہیں رکھتا،

پاکستان کی موجودہ سیاسی صورت حال پر تبصرہ کرتے ہوئے وزیرریلوے شیخ رشید احمد نے رائیونڈ میں ریلوے سٹیشن کے افتتاح کے بعد میڈیا سے گفتگو میں کہا کہ مولانا فضل الرحمان آزادی مارچ نہ کریں،ان کا کہنا ہے کہ مولانا کو کشمیر پر بات کرنی چاہیے، یہ وقت آپسی لڑائیوں کا نہیں، مذکرات کا دروازہ کھلا ہونا چاہیے۔

وفاقی وزیر فواد چودھری کے نوکریوں سے متعلق دئیے گئے بیان کے جواب میں شیخ رشید بولے کہ انہیں تو اپنے محکمے کا جواب ہی دینا ہے، ہم نے ریلوے کو ترقی کی راہ پر ڈال دیا ہے۔رائیونڈ اجتماع پر سپیشل ٹرینیں بھی چلائیں گے، بولے میں خود بھی اجتماع میں شرکت کروں گا۔