Baaghi TV

Author: +9251

  • سنجے دت اور ارشد وارثی نے کیا منا بھائی تھری کا پوسٹر شئیر کیا ہے؟

    سنجے دت اور ارشد وارثی نے کیا منا بھائی تھری کا پوسٹر شئیر کیا ہے؟

    سنجے دت اور ارشد وارثی بالی وڈ میں سب سے زیادہ پسند کیے جانے والے اداکاروں میں سے ایک ہیں۔ منا بھائی اور سرکٹ کے طور پر ان کی آن اسکرین جوڑی لوگوں کو بے حد پسند ہے۔ سنجے دت اور ارشد وارثی نے حال ہی میں اپنی نئی آنے والی فلم کا پوسٹر شئیر کیا جیسے ہی ان دونوں نے نئی فلم کا پوسٹر شئیر کیا مداحوں نے سوشل میڈیا پر ان سے سوالات کی بوچھار کر دی ہر کسی نے پوچھا کہ کیا یہ منا بھائی تھری کا پوسٹر ہے؟ کہا جا رہا ہے کہ یہ فلم رواں برس ریلیز ہوگی. یہ دونوں اس سے پہلے منا بھائی ایم بی بی ایس اور لگے رہو منا بھائی میں ایک ساتھ کام

    کر چکے ہیں .تفصیلات کے مطابق سنجے اور ارشد نے اپنے اپنے سوشل میڈیا ہینڈلز پر فلم کا پوسٹر شیئر کیا لیکن اس کا نام شئیر نہیں کیا. پوسٹر میں سنجے دت اور ارشد جیل کی وردی پہنے اور سلاخوں کے پیچھے کھڑے نظر آ رہے ہیں۔ پوسٹر کے ساتھ، سنجے نے لکھا، "ہمارا انتظار آپ سے زیادہ طویل ہو گیا لیکن انتظار آخرکار ختم ہو گیا.جبکہ ارشد وارثی نے لکھا کہ ہم ایک ساتھ ایک دلچپسپ فلم لیکر آرہے ہیں ، میں بہت زیادہ پرجوش ہوں کہ میں شائقین کے ساتھ سینما گھر میں بیٹھ کر فلم دیکھوں‌.

  • کنگنا رناوت نے پٹھان کی تعریف کر دی

    کنگنا رناوت نے پٹھان کی تعریف کر دی

    بالی وڈ‌رامہ کوئین کنگنا رناوت نے حال ہی میں میڈیا سے بات کرتے ہوئے کہا ہے کہ بالی وڈ انڈسٹری بہت زیادہ مشکلات سے گزر رہی ہے. لہذا ہمیں اس وقت فلموں کو سپورٹ کرنے کی ضرورت ہے. اس لئے جس کی بھی فلم ریلیز ہو اس کو سپورٹ کریں تاکہ شائقین جو گھر بیٹھ چکے ہیں وہ سینما گھروں کا رخ کریں، کنگنا رناوت نے مزید کہا ہے کہ فلم پٹھان سے بالی وڈ کو بہت زیادہ امیدیں وابستہ تھیں اور خوشی کی بات یہ ہے کہ فلم بہت اچھا بزنس کررہی ہے اگر اسی طرح سے فلمیں بزنس کرتی رہیں اور شائقین سینما گھروں تک آتےرہے تو نہ صرف سینما گھروں کی

    رونقیں‌بحال ہوں گے بلکہ بالی وڈ انڈسٹری ایکبار پھر اپنے پائوں‌پر کھڑی ہو جائے گی. کنگنا رناوت نے کہا کہ میں نے ہمیشہ کوشش کی ہے کہ میں ہر آرٹسٹ کی فلم کو سپورٹ کروں . ایک وقت تھا کہ بالی وڈ کی فلمیں لگتی تھیں تو دھوم مچ جاتا تھا. ہر آرٹسٹ کی ہر فلم ہٹ ہوتی تھی بہت کم ہوتا تھا کہ کسی کی کوئی فلم مشکل سے ہی فلاپ ہو. پٹھان کے ہٹ ہوجانے کے بعد مجھے امید ہے کہ بالی وڈ ایک بار پھر آسمان کی بلندیوں پر پہنچے گا.

  • راکھی ساونت نے سلمان خان اور شاہ رخ خان سے مدد مانگ لی

    راکھی ساونت نے سلمان خان اور شاہ رخ خان سے مدد مانگ لی

    راکھی ساونت جو کہ ہر وقت کسی نہ کسی وجہ سے خبروں میں ہی رہتی ہیں . آجکل ان کی والدہ کی بیماری کی وجہ سے میڈیا دن رات ان کو گھیرے رکھتا ہے. حال ہی میں راکھی جب اپنی ماں کی عیادت کے لئے ہسپتال پہنچیں تو میڈیا نے ان سے فلم پٹھان اور کسی کا بھائی کسی کی جان کے ٹیزر کے ھوالے سے بات کی . راکھی نے کہا کہ سنا ہے کہ پٹھان اچھی اوپننگ لے رہی ہے میری دعا ہے کہ پٹھان دو سو نہیں دو ہزار کروڑ روپے کمائے اور مجھے امید ہے کہ ایسا ہی ہو گا.ان سے جب سوال ہوا کہ سلمان خان کی فلم کسی کا بھائی کسی کی جان کا ٹریلر ریلیز ہوا ہے اس بارے کیا کہیں گی تو انہوں نے کہا کہ یقینا اچھی فلم ہو گی . انہوں نے یہ بھی کہا کہ خدا ان دونوں خانز کو ہمیشہ کامیابیوں سے نوازے. میری سلمان خان

    اور شاہ رخ خان سے دعا ہے کہ دونوں میرا گھر بچا لیں میری ماں کو بچا لیں میری زندگی کو بچا لیں. انہوں نے کہا ہے کہ دونوں خانز نے ہمیشہ میری بہت زیادہ مدد کی ہے میری دعائیں ہر وقت ان کے ساتھ رہتی ہیں. میں پٹھان فلم دیکھنا چاہتی ہوں لیکن میری ماں کی بیماری کی وجہ سے میں ایسا نہیں‌کر پا رہی.

  • 20 سال تک خواتین کو ریپ کا شکار بنانے والے سیریل ریپسٹ ڈیوڈ کیرک کی کہانی

    20 سال تک خواتین کو ریپ کا شکار بنانے والے سیریل ریپسٹ ڈیوڈ کیرک کی کہانی

    20 سال تک خواتین کو ریپ کا شکار بنانے والے سیریل ریپسٹ ڈیوڈ کیرک کی کہانی

    ڈیوڈ کیرک ایک برطانوی پولیس کے اہلکار تھے اور وہ تقریبا بیس سال تک لگا تار مختلف خواتین کو اپنی جنسی تسکین کیلئے حوس کا نشانہ بناتا رہا جبکہ یہ سیریل ریپیسٹ فوج میں بھی رہے اور ان پر ایک الزام تو سنہ 2009 میں اس وقت لگایا تھا گیا جب ڈیوڈ کیرک پارلیمانی ایوانوں، سرکاری دفاتر اور سفارتی مشنوں کی حفاظت کرنے والی مسلح ٹیموں کے رکن تھے۔

    جون کیلی کی ایک رپورٹ کے مطابق ڈیویڈ کو سنہ 2002 میں بھی اپنے ایک سابق ساتھی پر حملہ کرنے اور اسے ہراساں کرنے کے الزام کے بعد نئے بھرتی ہونے والے پولیس اہلکار کیرک کے خلاف ان کی اپنی فورس کے ذریعے تفتیش کی گئی تھی۔ لیکن ان پر کوئی مجرمانہ الزامات عائد نہیں کیے گئے اور نہ ہی ان کے معاملے کو میٹ کے ڈائریکٹوریٹ آف پروفیشنل سٹینڈرڈ کے حوالے نہیں کیا گیا۔


    دی گارڈین کے مطابق؛ "جنوری 1975 میں کیرک سیلسبری نامی یہ سیریل ریپیسٹ ولٹ شائر میں پیدا ہوا تھا۔ اس کی پرورش ایمزبری کے قریب ڈیرنگٹن میں ہوئی اور وہ ڈیرنگٹن کے جامع اسکول میں پڑھتا رہا۔ اسکول چھوڑنے کے بعد وہ مقامی کووپ میں کام کرتا رہا جبکہ 1994 میں انہوں نے فوج میں شمولیت اختیار کرلی.

    2002 میں ان پر ایک الزام لگا اپنے پارٹنر کے حوالے سے مگر ان کے خلاف کوئی کاروائی نہ ہوئی تاہم سنہ 2001 میں انہوں نے میٹ میں شمولیت اختیار کرلی لیکن 2002 میں ایک پارٹنر کو ہراساں کرنے پر بھی ان کے خلاف کوئی کاروائی عمل میں نہ لائی جاسکی. گارڈین نے لکھا کہ 2004 میں انہوں نے خاتون کو جنسی ہراسانی کرتے تشدد بھی کیا لیکن پھر بھی ان کے ادارے میٹ نے انہیں بچایا اور اوپر تک معاملہ نہیں جانے دیا.

    مزید یہ بھی پڑھیں؛
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    پاکستانی خواتین کو آن لائن ہراسانی کاا سامنا؛ بڑھتی رپورٹس مزید خطرناک

    یوں 2009، 2016، 2017 اور 2019 تک بھی ان پر الزامات لگتے رہے اور یہ بھی بچ جاتے رہے لیکن 2021 میں ایک 50 سالہ خاتون نے ان کے خلاف رپورٹ کی کہ ستمبر 2020 میں ڈیوڈ کیرک نے ان کے ساتھ جنسی زیادتی کی تھی۔ جس کے بعد انہیں میٹ نے عارضی طور پر نوکری سے برطرف کردیا جبکہ عصمت دری کے الزام میں ویسٹ منسٹر مجسٹریٹس کی عدالت میں پیش ہونے کے بعد کیرک کو حراست میں لے لیا گیا تھا.

    جبکہ اس پبلسٹی نے 21 اکتوبر 2021 کو مزید 12 خواتین کو آگے آنے اور کیرک کے خلاف الزامات لگائے کہ انہوں نے ان کے ساتھ بھی ایسا کیا تھا جبکہ کیرک نے اولڈ بیلی میں 43 جرائم کا اعتراف کیا۔ جس کے بعد اس کی تنخواہ میٹ نے روک دی تھی علاوہ ازیں گزشتہ دنوں 16 جنوری 2023 کو کیرک نے ساؤتھ وارک کراؤن کورٹ میں مزید چھ الزامات کو تسلیم کرلیا ہے.

  • راکھی کی والدہ وینٹیلیٹر پر چلی گئیں

    راکھی کی والدہ وینٹیلیٹر پر چلی گئیں

    بالی وڈ اداکارہ ، آئٹم گرل راکھی ساونت کی والدہ جو کہ ان دنوں شدید علیل ہیں وہ کینسر کی مریضہ ہٰیں ان کی حالت دن بہ دن خراب ہوتی جا رہی ہے . ڈاکٹرز ہر طرح کی کوششیں کررہے ہیں لیکن ان کی والدہ کی طبیعت میں رتی برابر بھی بہتری نہیں آرہی. راکھی کی والدہ کے جسم میں کینسر پھیل چکا ہے اور ان کو اب سانس لینے میں دشواری ہے. اس حوالے سے راکھی ساونت نے کہا ہے کہ میری والدہ کسی کو بھی اب نہیں پہنچان رہیں اور انہوں نے بولنا بھی بند کر دیا ہے. ان کو نہیں پتہ وہ کہاں ہیں اور ان کو کیا ہوا ہے . میں کل رات امی سے ملک کر ہسپتال سے

    واپس گھر پہنچی ہی تھی کہ تھوڑی دیر کے بعد رات کو دو بجے ڈاکٹروں نے کال کر دی کہ ماں کی طبیعت بہت خراب ہو گئی ہے لہذا انکو وینٹیلیٹر پر منتقل کر دیا گیا ہے. میری والدہ بہت بیمار ہیں آپ سب ان کے لئے دعا کیجیے. میری ندگی بہت خراب چل رہی ہے میں بے حد پریشان ہوں میری والدہ کو خدا صحتیابی دے دے تو میں دنیا کی خود کو خوش قسمت ترین خاتون سمجھوں‌ گی .

  • بلال اشرف کو ڈرامہ سیریل یونہی کرنے کے لئے کس نے راضی کیا ؟

    بلال اشرف کو ڈرامہ سیریل یونہی کرنے کے لئے کس نے راضی کیا ؟

    اداکار بلال اشرف جنہوں نے ماہرہ خان کے ساتھ بڑی سکرین پر اپنے فن کا جادو جگایا ان دونوں کی جوڑی فلم سپر سٹار میں بہت زیادہ پسند کی گئی اس کے بعد انہوں نے ٹیلی فلم نگار میں ماہرہ خان کے ساتھ کام کیا. بلال اشرف کو بہت زیادہ پسند کیا جاتا ہے انہوں نے اپنے ہر پراجیکٹ کے ساتھ ثابت کیا کہ وہ ایک بہترین اداکار ہیں. یونہی ڈرامہ سیریل کے زریعے بلال اشرف ٹی وی پر ڈیبیو کررہے ہیں کیونکہ اس سے پہلے ان کا کوئی بھی ڈرامہ آن ائیر نہیں‌ گیا. مایا علی کہتی ہیں کہ انہیں جب یونہی ڈرامہ آفر کیا گیا تو ان کو بہت پسند آیا اور انہوں نے ہاں کر دی اور بلال اشرف کو

    بھی فون کرکے کہا کہ تم اس ڈرامے کےلئے ہاں کردو تمہیں‌ یہ ڈرامہ ہر ھال میں‌کرنا چاہیے. یوں‌مایا علی کے کنونس کرنے کے بعد بلال اشرف نے ڈرامے کے لئے ہاں کی. مایا علی کہتی ہیں کہ انہوں نے بلال اشرف کو سکرپٹ پڑھنے میں مدد کی انہیں‌سکرپٹ کی سمجھ نہیں آرہی تھی لہذا انہوں نے بلال کووڈیو کال کی اور سکرپٹ پڑھ کر نہ صرف بتایا بلکہ سمجھایا بھی اور کہا کہ لازمی یہ ڈرامہ کریں. واضح رہے کہ ڈرامہ سیریل یونہی بہت جلد آن ائیر جائیگا.

  • ًًمایا علی اور بلال اشرف کے ڈرامہ سیریل یونہی کے ڈرامے کے ٹیزر نے ہلچل مچا دی

    ًًمایا علی اور بلال اشرف کے ڈرامہ سیریل یونہی کے ڈرامے کے ٹیزر نے ہلچل مچا دی

    مایا علی اور بلال اشرف کے ڈرامہ سیریل ”یونہی” کا ٹیزر جاری ہو چکا ہے جسے بہت زیادہ پسند کیا جا رہا ہے ، مایا علی اور بلال اشرف پہلی بار ایک ساتھ کسی پراجیکٹ میں نظر آرہے ہیں. ڈرامے کو احتشام الدین نے ڈائریکٹ کیا ہے کہا جا رہا ہے کہ اس ڈرامے کو فلم کے کیمرے پر شوٹ کیا گیا ہے. یہ ڈرامہ ہم ٹی وی پر نشر کیا جائیگا. اس ڈرامے کا ٹیزر معروف گلوکارہ شائے گل نے گایا ہے اس گانے کو بہت زیادہ پسند کیا جا رہا ہے. ڈرامے کی کہانی داؤد اور کنیز فاطمہ کے کردار کے ارد گرد گھومتی ہے. مایا علی اور بلال اشرف کے ٹیزر نے سوشل میڈیا پر دھوم مچا رکھی ہے اور شائقین اس جوڑی کو دیکھنے کےلئے بےتاب نظر آرہے ہیں. احتشام الدین جب بھی کوئی پراجیکٹ کرتے ہیں یقینا وہ روٹین سے

    ہٹ کر ہی ہوتا ہے امید کی جا رہی ہے کہ یونہی ڈرامہ بھی روٹین سے ہٹ کر ہی ہو گا. اس میں ایک اہم بات یہ بھی ہے کہ اس میں‌معروف فیشن ڈیزائنرز دیپک پروانی بھی ایکٹنگ کررہے ہیں اور وہ مایا علی کے والد کا کردار ادا کرتے ہوئے دکھائی دیں گے، دیپک اپنے کردار کو لیکر کافی پرجوش ہیں ان کا کہنا ہےکہ انہوں نے اس سے قبل ایسا کردار ادا نہیں کیا تھا لہذا جیسے ہی انہیں یہ کردار آفر ہوا انہوں نے ہاں کر دی .

  • پاکستانی خواتین کو آن لائن ہراسانی کاسامنا؛ بڑھتی رپورٹس مزید خطرناک

    پاکستانی خواتین کو آن لائن ہراسانی کاسامنا؛ بڑھتی رپورٹس مزید خطرناک

    پاکستانی خواتین کو آن لائن ہراسانی کا سامنا؛ بڑھتی رپورٹس مزید خطرناک

    پاکستان میں سائبر کرائمز سے متعلق جو شکایت درج کروائی گئی ہیں ان میں سب سے زیادہ تعداد آن لائن ہراسانی کے بارے میں درج کی جاتی ہیں جبکہ پاکستانی خواتین کو آن لائن ہراسانی کا یہ سامنا اور اس کی بڑھتی رپورٹس مزید خطرناک ہیں اگر ان کی روک تھام کیلئے کوئی ٹھوک اقدام نہ کئے گئے تو.

    ڈیجیٹل حقوق بارے متحرک ایک غیر سرکاری تنظیم ‘ڈیجیٹل رائٹس فاؤنڈیشن کی ایک رپورٹ کے مطابق فاؤنڈیشن کی سائبر اسپیس میں ہراساں کرنے کے خلاف قائم کردہ ہیلپ لائن کو گزشتہ سال کے مقابلے میں تقریبا 65 سے زائد فی صد ایسی شکایات موصول ہوئی ہیں ۔ ان میں سے زیادہ تر کیسز بلیک میلنگ اور بھتہ خوری سے متعلق تھے جو کُل واقعات کا 33 فی صد بنتے ہیں۔ ان میں اکثر کیسز میں فرد کی ذاتی معلومات، تصاویر یا نفسیاتی جوڑ توڑ کا استعمال کرکے ڈرانے دھمکانے یا کوئی مطالبہ پورا کرنے کی کوشش کی گئی تھی.

    جبکہ 23 فی صد شکایات کا تعلق ہیکنگ سے تھا جس میں لوگوں کے سوشل میڈیا اکاؤنٹس کے ذریعے فرد کی معلومات جیسا کہ تصاویر وغیرہ کا استعمال کیا گیا۔ علاوہ ازیں صوبائی سطح پر 57 فی صد شکایات ملک کے سب سے بڑے صوبے پنجاب سے سامنے آئیں تھیں اور سندھ میں 11 فی صد، خیبرپختونخوا اور وفاقی دارالحکومت اسلام آباد سے موصول ہونے والی شکایات کی تعداد 4.4 فی صد رہی ہے۔ ایک اور تنظیم کے مطابق سائبر کریم بارے شکایت درج کرانے والوں میں سے اکثریتی تعداد خواتین کی ہوتی یے جن کے کل واقعات کی 66 فی صد بنتی ہے۔ ان میں زیادہ تر کو فیس بُک اور واٹس ایپ سے ہراساں کیا جاتا ہے.

    باغی ٹی وی کے نیوز ایڈیٹر ملک رمضان اسراء کے مطابق "دراصل پاکستان میں مسئلہ یہ ہے کہ خواتین کو کھل کر موبائل رکھنے کی اجازت نہیں ہوتی جس کے سبب پھر وہ چھپ کر یا کسی دوست کے ذریعے موبائل رکھتی ہیں جس کے بعد انہیں موبائل دینے والا شخص بھی مجبوری سے فائدہ اٹھا کر ہراساں کرتا ہے لیکن دوسری طرف چونکہ موبائل فون چوری رکھا ہوتا تو وہ اس کی اب کھل کسی کے سامنے شکایت بھی نہیں کرتی ہیں.”
    مزید یہ بھی پڑھیں؛
    قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
    نگراں کابینہ غیرسیاسی اور غیر جانبدارہوگی، شوکت یوسفزئی
    پابندیوں کے باوجود پاکستان روس سے تیل خرید سکتا ہے. امریکہ
    نگراں کابینہ غیرسیاسی اور غیر جانبدارہوگی، شوکت یوسفزئی
    ملک رمضان اسراء کا مزید کہنا تھا کہ "دوسری وجہ یہ ہے پاکستان میں جن خاندانوں میں خواتین کو کھلے عام موبائل رکھنے کی اجازت ہے وہاں بھی ایک بڑا مسئلہ یہ کہ وہ چیک نہیں کرتے اور ناہی اپنی بچیوں پر نظر رکھتے ہیں لہذا دونوں صورتوں میں پھر خواتین ہی آسان شکارہوتی لیکن اس کا حل یہ ہے کہ خواتین کو فون دیا جائے اور انہیں اس قاعدے و قوانین بھی سمجھائے جائیں اور یہ بھی کہا جائے کہ اگر کوئی بھی تنگ کرے تو فورا بلاخوف گھر والوں کو بتائیں.”

  • شاہ رخ خان نے ثابت کر دیا وہ بالی وڈ کے کنگ ہیں

    شاہ رخ خان نے ثابت کر دیا وہ بالی وڈ کے کنگ ہیں

    فلم پٹھان جس کے خلاف پورے بھارت میں انتہا پسند ہندوئوں نے مظاہرے کئے فلم کے لئے بائیکاٹ کا ٹرینڈ چلایا ، ہر ممکن کوشش کہ فلم سینما گھروں میں نہ لگے ، کرناٹک میں فلم کے پوسٹر پھاڑے گئے ،شاہ رخ خان کو جلانے کی بات کی گئی. شاہ رخ خان کو دھمکایا گیا اور کہا گیا کہ فلم سے بے شرم رنگ گانےکو نہ صرف نکالا جائے بلکہ فلم کا نام بھی تبدیل کیا جائے شاہ رخ خآن نے ایسا کچھ بھی نہیں کیا اور فلم ریلیز ہو چکی ہے اور ریلیز ہوتے ہی اس نے بالی وڈ کی فلمی تاریخ میں ایک ریکارڈ‌قائم کیا ہے. پٹھان سے قبل کسی بھی فلم نے آج تک بھارت میں ایسی ریکارڈ توڑ اوپپنگ نہیں لی جیسی پٹھان نے لی ہے. شاہ رخ خان کے بارے میں بھارت کے بڑے بڑے نقاد کہہ رہے ہیں کہ شاہ رخ خان نے ایک بار پھر ثابت

    کر دیا ہے کہ وہ بالی وڈ‌کے کنگ ہیں. سینما ہالز کے کچھ کلپس سوشل میڈیا پر وائرل ہو رہے ہیں اس میں دیکھا جا سکتا ہےکہ آڈینز شاہ رخ خان کے لئے پاگل ہو رہے ہیں انہیں سکرین پر دیکھ کر سیٹیاں بجا رہے ہیں تالیاں‌ بجا رہے ہیں. یوں شاہ رخ خان نے چار سال کے بعد بڑی سکرین پر دھواں دار واپسی کی ہے.

  • پٹھان دیکھنے کےلئے دماغ گھر پر رکھ کر جائیں کے آر کے

    پٹھان دیکھنے کےلئے دماغ گھر پر رکھ کر جائیں کے آر کے

    متنازعہ نقاد کے آر کے نے فلم پٹھان پر ریویو دیتے ہوئے کہا ہے کہ فلم میں دو فلمیں ہیں ایک پہلے ہاف کی فلم اور ایک دوسرے ہاف کی فلم . پہلے ہاف کی فلم اچھی ہے لیکن دوسرے ہاف فلم کا پتہ ہی نہیں‌چلتا وہ کدھر جا رہی ہے. کے آر کے نے کہا ہے کہ فلم کی کہانی کا نہ سر ہے نہ پیر ہے لیکن گانے دونوں ہی سپر ہٹ ہیں. کے آر کے نے مزید کہا ہے کہ فلم میں‌ایکشن سینز مزاحیہ ہیں اور ڈائریکٹر نے کئی فلموں سے چرائے ہیں ، انہوں نے یہ بھی دعوی کیا ہےکہ دیپیکا پڈوکون اور شاہ رخ خان نے صرف بیس فیصد فلم خود شوٹ کی ہے اور 80 فیصد فلم ڈوپلیکیٹ نے شوٹ کی ہے. فلم میں‌جان ابراہم نے بہت اچھی اداکاری کی ہے ، شاہ رخ خان کی عمر 58 سال ہے اور جتنے وہ اس فلم میں خوبصورت نظر آئے ہیں وہ

    خود کو سکرین پر دیکھ کر حیران ہو گئے ہوں گے کہ میں اتنا خوبصورت ہوں، کے آر کے نے یہ بھی کہا ہے کہ فلم نے اچھی اوپننگ لی ہے فلاپ ہونے کا خطرہ اس کے سر سے ٹل گیا ہے. انہوں نے مزید یہ بھی کہا ہے کہ فلم کی کہانی اچھی ہو یا نہ ہو لیکن اگر شائقین اسکو پسند کررہے ہوں تو فلم کی کامیابی کو مان لینا چاہیے.