Baaghi TV

Author: +9251

  • مسجد حرام ؛ ایک سال کے دوران 15 لاکھ سے زیادہ مہمانوں کی خدمت

    مسجد حرام ؛ ایک سال کے دوران 15 لاکھ سے زیادہ مہمانوں کی خدمت

    مسجد حرام ؛ ایک سال کے دوران 15 لاکھ سے زیادہ مہمانوں کی خدمت

    صدارت عامہ برائے امور مسجد حرام اور مسجد نبوی کے سربراہ شیخ ڈاکٹر عبدالرحمن السدیس نے انکشاف کیا کہ 1444ھ کے آغاز سے لے کر اب تک بیت اللہ شریف کی مسجد حرام میں 100 ملین سے زیادہ افراد کی آمد و رفت ریکارڈ کی گئی ہے۔ حجر اسماعیل کے قریب نماز ادا کرنے والوں کی تعداد اس سال کے دوران 11 لاکھ 93 ہزار سے بڑھ گئی ہے۔ ان خیالات کا اظہار انہوں نے 22 ویں سائنٹیفک فورم برائے حج، عمرہ اور وزٹ ریسرچ کے دوسرے سیشن میں اپنی شرکت کے دوران کیا ۔ اس فورم کا انعقاد ام القریٰ یونیورسٹی نے کیا جس کی نمائندگی معھد خادم حرمین شریفین نے کی۔ اعداد و شمار میں مزید بتایا گیا کہ گاڑیوں کی نقل و حمل کی خدمات کے لیے ایک سال کے دوران 15 لاکھ سے زیادہ مہمانوں کی خدمت کی گئی ہے۔

    ڈاکٹر السدیس نے مزید بتایا کہ مسجد نبوی ﷺ میں بزرگوں اور معذوروں کو بہتر سہولیات فراہم کرنے کے لیے 50 سے زائد گاڑیاں صرف معمر افراد اور خاص ضرورت والے افراد کے لیے مختص کردی گئی ہیں۔ السدیس نے کہا صدارت عامہ کا مقصد 2023 کے دوران دونوں مقدس مساجد میں رضاکاروں کی تعداد بڑھا ئی جا رہی۔ گاڑی کی خدمات کو ضرورت مند افراد تک پہنچانے کے لیے الیکٹرانک آرڈر کی سہولت فراہم کی جارہی۔ مسجد حرام میں الیکٹرانک طواف کی سروس کی فراہمی بھی ممکن بنائی جائے گی۔
    مزید یہ بھی پڑھیں؛
    سسٹنٹ کمشنر مستونگ کی گاڑی پرفائرنگ، لیویز اہلکار شہید
    اسلام آباد ، لاہور کراچی سمیت ملک بھر میں بجلی غائب
    محسن نقوی کی نگراں وزیراعلیٰ پنجاب تقرری مسترد،سپریم کورٹ جائیں گے: پرویز الہیٰ
    کرن جوہر نے کارتک کو دوستانہ 2 سے کیوں نکالا؟ اداکار نے خاموشی توڑ دی
    نگران وزیر اعلیٰ محسن رضا نقوی نے اپنے عہدے کا حلف اٹھا لیا:جھنگ میں جشن
    الیکشن کمیشن نے پنجاب اور کے پی کے میں تقرریاں و تبادلوں پر پابندی لگادی
    انہوں نے کہا اس وقت فراہم کردہ الیکٹرانک خدمات کی تعداد 62 ہے۔ دونوں مقدس مساجد میں منارۃ الحرمین الشریفین پلیٹ فارم کا آغاز بھی کیا جا چکا ہے۔ اس پلیٹ فارم کے تحت خطبات، اسباق اور تلاوت کی ترسیل کی جا رہی ہے۔ ایک سال کے دوران لوگوں کی جانب سے اس پلیٹ فارم سے 30 کروڑ سے زیادہ مرتبہ استفادہ کیا گیا۔ انہوں نے کہا کہ صدارت عامہ سمارٹ کیمپس پروجیکٹ کو مکمل کرنے کی بھی خواہاں ہے۔ اس پروجیکٹ میں 48 سسٹمز اور سروسز شامل ہوں گی۔ ان میں 29 سسٹم اور 19 سروسز ہوں گی۔

  • کالج کے زمانے سے فیملی کو سپورٹ کررہی ہوں عائشہ عمر

    کالج کے زمانے سے فیملی کو سپورٹ کررہی ہوں عائشہ عمر

    اداکارہ عائشہ عمر نے ایک انٹرویو میں کہا ہے کہ میں‌نے بہت چھوٹی عمر میں ہی اپنی فیملی کو سپورٹ کرنا شروع کر دیا تھا ابو کے انتقال کے بعد تمام تر ذمہ داریاں مجھ پر آن پڑی تھیں ، بچپن میں ہمارے گھر کے ھالات بہت خراب تھے ، ہمارے پاس پیسے نہیں‌ہوتے تھے ہم نے بہت مشکلات دیکھیں ، لیکن اب ہمارے حالات اچھے ہیں، انہوں نے کہا کہ میرا بچپن لاہور میں گزرا یہاں میں‌نے این سی اے سے پڑھائی مکمل کی. عائشہ عمر نے کہا کہ مجھے نیگیٹیو لوگ نہیں‌پسند جن سے ایسی وائبز آئیں میں ان سے دور بھاگتی ہوں، کوشش ہوتی ہے کہ اچھی ٹیم کے ساتھ کام کروں لیکن ڈرامے کے درمیان میں سیٹ پر نیگیٹیو لوگوں سے واسطہ پڑے تو پھر برداشت کرنا پڑتا ہے اپنا دھیان مختلف چیزوں میں لگانا پڑتا ہے

    پازیٹیو رہنا پڑتا ہے، میں‌عموما ایسے لوگ سیٹ پر تلاش کر لیتی ہوں‌جن سے آپ ڈسکس کر سکیں آئیڈیاز کے بارے میں ، کام کے بارے میں، میں‌لوگوں سے لوگوں‌کی باتیں نہیں‌کرتی. مجھے ایسا کرنا اچھا نہیں‌لگتا. عائشہ عمر نے کہا کہ بلبلے میں کام کرنا ہر حوالے سے یادگار ہے اس سیٹ پر ہم فیملی کی طرح رہتے تھے سین ڈسکس کرتے تھے بہت انجوائے کیا اس سیٹ پر کام کرنے کو.

  • جمال شاہ نے دوسری شادی کیوں کی؟

    جمال شاہ نے دوسری شادی کیوں کی؟

    اداکار جمال شاہ اور ان کی اہلیہ کے ایک انٹرویو کا کلپ سوشل میڈیا پر کافی وائرل ہو رہا ہے اس میں جمال شاہ بتا رہے ہیں کہ انہوں نے آمنہ کے ساتھ دوسری شادی کیوں کی. انہوں نے بتایا کہ آمنہ ایک سلجھی ہوئی خاتون تھیں ان میں ایک خاص قسم کی انرجی ہے جو میں نے کام شروع کر رکھے تھے ان میں وہ چاہیے تھی. انہوں نے شادی کے بعد میرے کام میں میرا بہت ساتھ دیا اور میں سمجھتا ہوں کہ آمنہ کے ساتھ دوسری شادی کا فیصلہ میرا بہت اچھا رہا. انہوں نے کہا کہ میری پہلی شادی میں کسی قسم کے تلخ تجربات نہیں ہیں. انہوں یہ بھی بتایا کہ ہم نے بہت ہی سادگی کے ساتھ شادی کی. ان کی اہلیہ آمنہ نے بتایا کہ وہ اکثر اپنی امی سے کہتی تھیں کہ میں کھدر کے جوڑے میں شادی کروں گی اور ایسا ہی ہوا جس روز

    ہم نے شادی کرنی تھی میں دیکھ رہی تھی کہ میں کونسا جوڑا پہنوں میں نے اپنا کھدر کا سوٹ نکالا میری امی یہ دیکھ کربہت غصہ ہوئیں انہوں نے کہا کہ یہ کیا کررہی ہو میں نے کہا کہ امی شادی جوڑوں یا چیزوں کو دیکھ کر نہیں ہوتی. آمنہ نے کہا کہ جمال شاہ نے مجھے کبھی تحفہ نہیں دیا اس پر جمال شاہ نے کہا کہ آمنہ کی اچھی بات یہ ہے کہ اس نے کبھی مائنڈ نہیں کیا اور یہ تحفوں سے زیادہ رشتوں‌کو اہمیت دیتی ہے .

  • دنیا کے سمندروں کی سطح بلند کرنے میں گرین لینڈ کا بڑا کردار

    دنیا کے سمندروں کی سطح بلند کرنے میں گرین لینڈ کا بڑا کردار

    گرین لینڈ کی تیزی سے پگھلتی برف، سطح سمندر میں ہوشربا اضافے کا انتباہ

    سائنس دانوں نے خبردارا کیا ہے کہ گرین لینڈ کی برف کی چادر اب تک کے سب سے زیادہ گرم درجہ حرارت سے گزر رہی ہے اور اگر یہ درجہ حرارت اس ہی رفتار سے بڑھتا رہا تو 2100 تک دنیا بھر کے سمندر 20 انچ تک بلند ہو جائیں گے۔2001 سے 2011 تک گرین لینڈ کا درجہ حرارت 20 ویں صدی کی نسبت 1.5 ڈگری سینٹی گریڈ زیادہ تھا۔ یہ دہائی گزشتہ ہزار سالوں میں سب سے گرم دہائی تھی۔ الفریڈ ویگنر انسٹیٹیوٹ کے ماہرین نے یہ ڈیٹا 1100 سے 2011 تک شمالی وسطی گرین لینڈ کے درجہ حرارت کو دوبارہ تشکیل دے کر حاصل کیا۔

    گزشتہ 30 سال سے زائد کے عرصے میں دنیا کے سمندروں کی سطح بلند کرنے میں گرین لینڈ نے بڑا کردار ادا کیا ہے کیوں کہ وہاں برف پگھلنے میں اضافہ ہوا ہے۔ ایک حالیہ اہم رپورٹ کے مطابق اس خطہ میں 1990 کی دہائی کے مقابلے میں سات گُنا زیادہ تیزی سے برف پگھل رہی ہے۔ ماہرین کی جانب سے اس خدشے کا اظہار بھی کیا جارہا ہے کہ ممکنہ طور پر برف کی چادر کے معاملات ایسی نہج تک پہنچ چکے ہیں جہاں سے واپسی ممکن نہیں۔ یہ بتایا گیا ہے کہ کاربن اخراج کے سبب عالمی درجہ حرارت میں اضافے کے نتیجے میں گرین لینڈ کی تمام برف پگھل جائے گی۔
    مزید یہ بھی پڑھیں؛
    سسٹنٹ کمشنر مستونگ کی گاڑی پرفائرنگ، لیویز اہلکار شہید
    اسلام آباد ، لاہور کراچی سمیت ملک بھر میں بجلی غائب
    محسن نقوی کی نگراں وزیراعلیٰ پنجاب تقرری مسترد،سپریم کورٹ جائیں گے: پرویز الہیٰ
    کرن جوہر نے کارتک کو دوستانہ 2 سے کیوں نکالا؟ اداکار نے خاموشی توڑ دی
    نگران وزیر اعلیٰ محسن رضا نقوی نے اپنے عہدے کا حلف اٹھا لیا:جھنگ میں جشن
    الیکشن کمیشن نے پنجاب اور کے پی کے میں تقرریاں و تبادلوں پر پابندی لگادی
    برف کی اس چادر کے کنارے پر موجود موسمیاتی اسٹیشن کئی سالوں سے علاقے کے درجہ حرارت میں اضافہ ریکارڈ کر رہےہیں لیکن سائنس دانوں پر اب تک یہ بات واضح نہیں ہے کہ گلوبل وارمنگ کس طرح 3000 میٹر بلند علاقوں کو متاثر کر رہی ہے۔گرین لینڈ کی برف کی چادر کا عالمی موسم کے لیے ایک اہم کردار رکھتی ہے اور اس میں تقریباً 30 لاکھ کیوبک کلومیٹر تازہ پانی ذخیرہ ہے۔

  • مجھے اداکاری نہیں آتی نہ ہی اس میں دلچسپی ہے زنیرہ انعام خان

    مجھے اداکاری نہیں آتی نہ ہی اس میں دلچسپی ہے زنیرہ انعام خان

    اداکارعثمان مختار کی اہلیہ زنیرہ انعام خان جو کہ سوشل میڈیا پر کافی متحرک رہتی ہیں ، وہ سوشل ایشوزپر آواز بھی اٹھاتی ہیں اور بہت ہی سلجھی ہوئی باتیں کرتی ہیں، انہوں نے حال ہی میں ایک انٹرویو دیتے ہوئے کہا ہے کہ لوگوں‌کو لگتا ہے کہ چونکہ میں عثمان مختار کی اہلیہ ہوں تو مجھے اداکاری کے شعبے میں آنا چاہیے لیکن میری اداکاری میں بالکل بھی دلچپسی نہیں ہے . نہ مجھے اداکاری کرنی آتی ہے. زنیرہ انعام خان نے کہا کہ سوشل مٰیڈیا پر کوئی بھی کسی کو کچھ بھی کہہ دیتا ہے کسی کو کوئی روک ٹوک نہیں ہے یہاں بات کا بتنگڑ ایک منٹ میں بنتا ہے اس لئے

    سب کو احیتاط کرنی چاہیے یہاں کچھ لکھتے یا شئیر کرتے ہوئے. انہوں نے کہا کہ چونکہ مٰیں سوشل میڈیا پر اکثر مختلف معاملات پر اپنے خیالات کا اظہار کرتی رہتی ہوں تو ایک بات چل نکلی ہے کہ شاید میں اداکاری میں آنا چاہتی ہوں بھئی ایسا بالکل بھی نہیں ہے یہ جن کا کام وہ بخوبی کررہے ہیں مجھے بلاوجہ ایسے کاموں‌میں پڑنے کی ضرورت نہیں ہے جو میں کر نہیں سکتی. بولنا بات کرنا میرا حق ہے اس حق کو استعمال کرنا بھی میرا ھق ہے لہذا میرے حوالےسے اس طرح‌کی باتیں نہ پھیلائی جائیں کہ میں اداکاری میں آنے کےلئے یہ سب کررہی ہوں.

  • اسپین میں دنیا کی بزرگ ترین خاتون؛ عمر 115 سال

    اسپین میں دنیا کی بزرگ ترین خاتون؛ عمر 115 سال

    ماریہ برانیاس موریرا کی عمر 115 برس ہے اور وہ زندہ بزرگ ترین خاتون بھی ہیں۔

    گنیز بک آف ورلڈ ریکارڈ نے حال ہی میں دنیا کی ایک بزرگ ترین خاتون کی تصدیق کر دی ہے جن کی عمر 115 سال ہے اور وہ اب تک تندرست اور زندگی سے بھرپور ہیں۔ اسپین کے شہر کیٹالونیا کی رہائشی خاتون ماریہ برانیاس موریرا کی عمر اس وقت 115 برس اور 321 دن ہے۔ اس کی تصدیق گنیز بک آف ورلڈ ریکارڈ نے سند کے تحت کی ہے۔

    واضح رہے کہ ماریہ کو یہ اعزاز سسٹر آندرے کی وفات کے بعد ملا ہے جو گزشتہ منگل کو 118 سال کی عمر میں فوت ہوئی ہیں اور وہ ایک چرچ سے وابستہ راہبہ تھیں۔ ماریہ نے بتایا کہ وہ چار مارچ 1907 کوامریکی شہر سان فرانسسکو میں پیدا ہوئی تھیں اور 8 برس کی عمر میں اسپین آگئی تھیں۔ اب پیرانہ سالی کی وجہ وہ گزشتہ 22 برس سے ایک نرسنگ ہوم میں رہ رہی ہیں۔ تاہم ڈاکٹروں اور خود گنیز بک آف ورلڈ ریکارڈ کے مطابق ان کی صحت بہت اچھی ہیں اور وہ چل پھر بھی سکتی ہیں۔
    مزید یہ بھی پڑھیں؛
    سسٹنٹ کمشنر مستونگ کی گاڑی پرفائرنگ، لیویز اہلکار شہید
    اسلام آباد ، لاہور کراچی سمیت ملک بھر میں بجلی غائب
    محسن نقوی کی نگراں وزیراعلیٰ پنجاب تقرری مسترد،سپریم کورٹ جائیں گے: پرویز الہیٰ
    کرن جوہر نے کارتک کو دوستانہ 2 سے کیوں نکالا؟ اداکار نے خاموشی توڑ دی
    نگران وزیر اعلیٰ محسن رضا نقوی نے اپنے عہدے کا حلف اٹھا لیا:جھنگ میں جشن
    الیکشن کمیشن نے پنجاب اور کے پی کے میں تقرریاں و تبادلوں پر پابندی لگادی
    ماریہ کا ٹویٹر اکاؤنٹ بھی ہیں جو ان کی بیٹی دیکھتی ہیں۔ اپنی ٹویٹر بایوگرافی میں انہوں نے لکھا ہے کہ وہ ’بوڑھی ہیں، بہت بوڑھی لیکن احمق ہرگز نہیں ہیں۔‘ وہ اپنے اہلِ خانہ کے ساتھ وقت گزارنا پسند کرتی ہیں اور فطرت سے بھی اپنا تعلق استوار رکھتی ہیں۔ ماریہ کے مطابق انہیں کوئی غم یا فکر لاحق نہیں اور وہ بہت مسرور ہیں۔

  • عثمان مختار نے اپنی خامی بتا دی

    عثمان مختار نے اپنی خامی بتا دی

    اداکار عثمان ًمختار نے اپنے حالیہ انٹرویو میں کہا ہے کہ مجھے سنجیدہ کردار ہی ملتے رہے ہیں ورنہ کامیڈی کو پسند کرتا ہوں. میں‌نے ہمیشہ کردار کو دیکھا کہانی کودیکھا اگر یہ دونو‌ں اچھے لگے توفورا ہی کسی ڈرامے کے لئے ہاں کر دی. عثمان مختار نے کہا کہ آرٹسٹ آرٹسٹ ہوتا ہے فلم یا ٹی وی کیےمیڈیم میں‌اسے بانٹ دینا زیادتی ہوتی ہے. میرے لئے فلم کرنا بھی مشکل کام نہیں ہے لیکن مجھے ڈانس کرنا نہیں آتا. انہوں نے یہ بھی کہا کہ میں نے جو پروڈکشن ہائوس بنایا ہے اس کے تحت فلمیں ڈرامے دونوں ہی بنیں گے لیکن میں ہدایتکاری کی طرف نہیں آئوں گا انہوں نے کہا کہ میں صرف پرڈیوس کروں گا. عثمان مختار نے کہا کہ میں نے ابھی تک جتنا بھی کام کیا ہے اس پر مطمئن ہوں مجھے کبھی کوئی پراجیکٹ

    کرکے پچھتاوا نہیں ہوا. آج بھی اچھے کام کی بھوک میں‌رہتا ہوں آفر ہوتو کر لیتا ہوں لیکن صرف نظر آنے کےلئے ہی کام نہیں کرتا رہتا. معیار پر بہت زیادہ توجہ دیتا ہوں. عثمان نے مزید کہا کہ میں اپنے مداحوں کو جلد ہی کسی پراجیکٹ میں نظر آئوں گا. میں کسی بھی سکرپٹ کو پڑھنے اور اپنے کردار کو سمجھ کر اسے سائن کرنے میں وقت لیتا ہوں لیکن کوشش یہی ہوتی ہے کہ مداحوں کو ایسے کردار اورکہانی میں نظر آئوں جو ان کے لئے دلچپسی کا باعث ہو .

  • کراچی؛ مہنگا آٹا بیچنے والوں کے خلاف کارروائی، 8 دکانیں سیل

    کراچی؛ مہنگا آٹا بیچنے والوں کے خلاف کارروائی، 8 دکانیں سیل

    کراچی میں مہنگا آٹا بیچنے والوں کے خلاف کارروائی، 8 دکانیں سیل کر دی گیئں.

    کراچی میں مہنگا آٹا بیچنے والوں کے خلاف کارروائی، 8 دکانیں سیل کر دی گیئں. کمشنر کراچی محمد اقبال میمن کی ہدایت پر ڈپٹی کمشنرز نے آٹے کے سرکاری نرخْ نافذ کرنے کے لیے شہر کے 85 دکانداروں کے خلاف کاروائی کی گئی جب کہ کارروائی میں 8 دکانوں کو سیل کر دیا۔ تمام ڈپٹی کمشنرز نے آٹے کے نرخ کی خلاف ورزی کرنے والے دکانداروں کے خلاف کارروائی کی رپورٹ کمشنر کو پیش کی ہے جس کے مطابق ضلع جنوبی میں 24 دکانداروں کے خلاف کارروائی کی گئی۔

    ضلع شرقی میں 30دکانداروں کے خلاف ضلع غربی میں 11 اور وسطی اور ملیر اضلاع میں10، 10 دکانداروں کے خلاف کارروائی کی گئی،ضلع جنوبی میں2 لاکھ 22 ہزار روپے جرمانہ عائد کیا گیا اور3 دکانوں کو سیل کیا گیا۔ ضلع شرقی میں ایک لاکھ 10 ہزار روپے جرمانہ اور 3 دکانوں کو سیل کیا گیا، ضلع ملیر میں 2 دکانوں کو سیل کیا گیا اور 30 ہزار روپے جرمانہ عائد کیا،وسطی میں10 ہزار روپے جرمانہ عائد کیاگیا۔
    مزید یہ بھی پڑھیں؛
    سسٹنٹ کمشنر مستونگ کی گاڑی پرفائرنگ، لیویز اہلکار شہید
    اسلام آباد ، لاہور کراچی سمیت ملک بھر میں بجلی غائب
    محسن نقوی کی نگراں وزیراعلیٰ پنجاب تقرری مسترد،سپریم کورٹ جائیں گے: پرویز الہیٰ
    کرن جوہر نے کارتک کو دوستانہ 2 سے کیوں نکالا؟ اداکار نے خاموشی توڑ دی
    نگران وزیر اعلیٰ محسن رضا نقوی نے اپنے عہدے کا حلف اٹھا لیا:جھنگ میں جشن
    الیکشن کمیشن نے پنجاب اور کے پی کے میں تقرریاں و تبادلوں پر پابندی لگادی
    کمشنر کراچی اقبال میمن نے آٹے کے نئے نرخ مقرر کر دہ نافذ کر نے کی مہم جاری رکھنے کی ہدایت کی ہے،سرکاری افسران مارکیٹوں کا بھی روزانہ دورہ کریں گے۔

  • ارجیت نے پسوڑی گانا دبئی کے ایک کنسرٹ میں گایا

    ارجیت نے پسوڑی گانا دبئی کے ایک کنسرٹ میں گایا

    علی سیٹھی کا گایا ہوا گیت پسوڑی کا بخار ہے کہ اترنے کا نام ہی نہیں لے رہا. پورا بالی وڈ اس گانے کے سحر میں تاحال مبتلا ہے. پاکستان کے علاوہ جہاں جہاں اردو بولی اور سمجھی جاتی ہے وہاں پر پسوڑی کو پسند کیا گیا ہے. علی سیٹھی کے گائے ہوئے اس گیت کواب بالی وڈ کے معروف گلوکار اریجیت جن کے گیتوں کو لوگ خود بے حد پسند کرتے ہیں انہوں نے حال ہی میں پسوڑی گانا گایا ، انہوں نے یہ گانا یو اے ای میں ہونے والے ایک کنسرٹ‌ میں گایا ان کے سامنے لوگوں‌کی ایک بڑی تعداد موجود تھی ، ارجیت نے یہ گیت گا کر یو اے ای میں بہت سارے لوگوں سے بڑے پہمانے پر داد وصول کی .اس گیت کی وڈیو سوشل میڈیا پر وائرل ہو رہی ہے جس میں اریجیت کو گاتے ہوئے سنا جا سکتا ہے. تاہم علی

    سیٹھی کے مداحوں کا کہنا ہے کہ اریجیت نے گانے کے ساتھ انصاف نہیں کیا علی سیٹھی نے جس انداز سے گایا وہ انداز اور سر اریجیت نہیں پکڑ سکے. یاد رہے کہ علی سیٹھی نے پسوڑی گیت کوک سٹوڈیو کے لئے گایا تھا اس گانے کو جتنی مقبولیت حاصل ہوئی ہے اس سے پہلے شاید ہی کوک سٹوڈیو کے کسی گیت کو حاصل ہوئی ہو.یوں پسوڑی مسلسل پسند کیا جا رہا ہے.

  • ماہرہ سے نفرت اسکے ٹویٹ کے بعد ہوئی خلیل الرحمان قمر

    ماہرہ سے نفرت اسکے ٹویٹ کے بعد ہوئی خلیل الرحمان قمر

    معروف مصنف خلیل الرحمان قمر نے اپنے حالیہ انٹرویو میں ایک بار پھر ماہرہ خان پر تنقید کے نشتر برسا دئیے. انہوں نے کہا کہ ماہرہ خان ایک اچھی اداکارہ ہے میں مانتا ہوں لیکن اس نے میرے اور ماروی سرمد کے معاملے کو لیکر جس طرح‌ سے ٹویٹ کیا اس سے میرا دل بہت دُکھا. مجھے اس سے ایسی امید نہ تھی اس کے پاس فون تھا وہ مجھے فون کرکے پوچھتی کہ ہوا کیا ہے تو میں اسکو بتاتا کہ اصل میں ہوا کیا تھا لیکن اس نے شہرت کے لئے اوچھا ہتھکنڈا استعمال کیا اور میرے خلاف ٹویٹ کیا. اس ٹویٹ کو دیکھ کر میرا دل دُکھا اور مجھے اس سے نفرت کرنا پڑی،

    میں اس سے کبھی بھی نفرت نہیں کرنا چاہتا تھا لیکن ایسا کرنا پڑا. اصل میں اس جیسی معقول لڑکی اور اداکارہ سے ایسی امید نہیں تھی جو اس نے کیا. ہو سکتا ہے کبھی اس کو میں معاف کردوں لیکن فی الحال تک تو میرا دل اسکے ٹویٹ پر کُڑھتا ہے جلتا ہے. انہوں نے مزید کہا کہ میں نے کبھی کسی کے ساتھ بلاوجہ بدتمیزی نہیں کی. جو لوگ مجھے جانتے ہیں ان کو اس چیز کی اچھی طرح‌آگاہی ہے اس لئے مجھے ماہرہ کے ٹویٹ کا بہت زیادہ دکھ ہوا.