Baaghi TV

Author: +9251

  • قبائلی علاقوں میں انتخابات کا کامیابی سے انعقاد امن اور جمہوریت کی فتح ہے، فردوس عاشق اعوان

    قبائلی علاقوں میں انتخابات کا کامیابی سے انعقاد امن اور جمہوریت کی فتح ہے، فردوس عاشق اعوان

    قبائلی علاقوں میں انتخابات کا کامیابی سے انعقاد امن اور جمہوریت کی فتح ہے، فردوس عاشق اعوان

    تفصیلات کے مطابق معاون خصوصی برائے اطلاعات ڈاکٹر فردوس عاشق اعوان نے کہا کہ قبائلی عوام کی بڑی تعداد نے اپنے ووٹ کا آئینی اور جمہوری حق استعمال کیا جو قابل تعریف ہے۔

    انہوں نے کہا کہ پاکستان نے دہشت گردی کے خلاف جنگ میں بے مثال قربانیاں دی ہیں اور ان قبائلی علاقوں میں امن اور استحکام کے قیام کے لیے اپنا اہم کردار ادا کیا ہے۔

    فردوس عاشق اعوان نے امید ظاہر کی کہ علاقے کے نئے منتخب نمائندے علاقے کی ترقی کے عمل میں اہم کردار ادا کریں گے۔ انہوں نے کہا کہ علاقے میں امن وامان کی بحالی کے لیے مسلح افواج اور سول اداروں کی قربانیوں کو سراہا۔

    واضح رہے کہ خیبرپختونخواہ میں ضم ہونے والے 7 قبائلی اضلاع کی 16 صوبائی نشستوں پر پولنگ کا عمل مکمل ہونے کے بعد نتائج آنے کا سلسلہ جاری ہے۔

  • پولیس نے تشدد کرکے دولہا کے دادا کی بےعزتی کی اور پھر مار مار کر جان سے ہی ماردیا

    پولیس نے تشدد کرکے دولہا کے دادا کی بےعزتی کی اور پھر مار مار کر جان سے ہی ماردیا

    احمد پور شرقیہ:تبدیلی والی سرکار پولیس کے رویے تبدیل کرنے میں‌ناکام ، جنوبی پنجاب کے علاقہ احمد پور شرقیہ میں شادی کے گھر میں پولیس کی مبینپ دھمکیوں کے باعث دولہے کا دادا جاں بحق ہوگیا ہے۔یہ واقعہ احمدپورشرقیہ کے علاقہ کلاب میں پیش آیا، جہاں پولیس نے شادی والے گھر دھاوا بولا اور دولہے کے دادا عبدالرحمن پرمبینہ تشدد کیا،اس کے علاوہ دیا۔ پولیس نے عبدالرحمن کی بہت ہی زیادہ بے عزتی کی ، جسے وہ برداشت نہ کرسکے اور صدمہ سے جاں بحق ہوگئے۔

    احمد پور شرقیہ سے ذرائع کے مطابق لواحقین نے اے ایس آئی منظور اور دیگر پولیس اہلکاروں کے خلاف کارروائی کا مطالبہ کرتے ہوئے بتایا کہ پولیس اہلکاروں نے دولہے کے دادا پر مبینہ تشدد کیا اور دھمکیاں دینے کے بعد مبینہ رشوت بھی لی۔دوسری جانب پولیس کا کہنا ہے کہ ون فائیو پر اطلاع پر چھاپہ مارا۔،اطلاع جھوٹی ہونے پر اطلاع دینے والے پر مقدمہ درج کرلیا ہے اور کسی قسم کا تشدد کا واقعہ پیش نہیں آیا.پولیس نے حسب روایت زیادتیوں کے باوجود تمام الزامات بے بنیاد قرار دیئے.

  • کنجاہ پولیس کا مویشی چوروں کے خلاف کریک ڈاؤن، 4 کارندے گرفتار 10 لاکھ کا مال مسروقہ برآمد

    کنجاہ پولیس کا مویشی چوروں کے خلاف کریک ڈاؤن، 4 کارندے گرفتار 10 لاکھ کا مال مسروقہ برآمد

    گجرات(نمائندہ باغی ٹی)کنجاہ پولیس کامویشی چور وں کے خلاف کریک ڈاﺅن کنجاہ کے علاقہ سے مویشی چوری کرکے ساہیوال لے جانے والے گینگ کے چار کارندے گرفتار ،10لاکھ روپے مالیت کا مال مسروقہ اوروارداتوں میں استعمال ہونے والا اسلحہ،موٹر سائیکل اور شہ زور ڈالہ برآمد تفصیلات کے مطابق ڈی پی او گجرات توصیف حیدر کی ہدایت پر کنجاہ پولیس کا مویشی چور گینگ کے خلاف خصوصی آپریشن، جس میں ڈی ایس پی صدر سرکل سعید احمد کی زیر نگرانی ایس ایچ او تھانہ کنجاہ فرقان شہزاد چیمہ اور انچارج چوکی خوجیانوالی ASI فےاض احمد نے پیشہ ورانہ مہارت سے کنجاہ کے دیہاتی علاقہ سے مویشی چوری میں ملوث گینگ کو ٹریس کر کے اس کے چا ر کارندوں کو گرفتار کر لیا۔جن کے قبضہ سے چوری شدہ مال مویشی بھینسوں سمیت 10لاکھ روپے مالیت کا مال مسروقہ برآمد ہوا ۔جبکہ وارداتوں میں استعمال ہونے والا اسلحہ پسٹل30 بور موٹرسائیکل اور شہ ذور ڈالہ بھی برآمد کیا۔ملزمان میں محمد ایوب ولد محمد یعقوب قوم جٹ سکنہ ساہیوال ۲۔محمد یعقوب ولد چنن دین قوم جٹ سکنہ ساہیوال ۳۔محمد ارشد ولد محمد اشرف قوم جٹ سکنہ خوجیانوالی ۴۔محمد عمران ولد اللہ دتہ قوم شیخ سکنہ ساہیوال شامل ہیں ۔جنہوں نے دوران انٹیروگیشن انکشاف کیا کہ وہ اپنے دیگر رشتہ داروں کے ہمراہ مختلف علاقوں میں مال مویشی والے ڈیروں پر بطور ملازم کا م کرتے تھے اور وہاں پر ارد گرد کے ڈیروں سے مال مویشی چوری کرکے شہ زور ڈالہ پر لاد کر ساہیوال لے جاتے تھے ۔جہاں پر چھوٹے جانوروں کوقصائیوں کے پاس جبکہ بھینسوں کو منڈی میں بیچ دیتے تھے ۔ملزمان کی مزید انٹیروگیشن جاری ہے ۔

  • ملک بھر میں مون سون بارشوں کا نیا سلسلہ آج سے شروع

    ملک بھر میں مون سون بارشوں کا نیا سلسلہ آج سے شروع

    ملک بھر میں مون سون بارشوں کا نیا سلسلہ آج سے شروع ہو گا جبکہ بیشتر علاقوں میں موسم گرم اور مرطوب رہیگا۔

    تفصیلات کے مطابق محکمہ موسمیات کے مطابق آئندہ 24 گھنٹوں کے دوران ژوب، قلات، سبی، ڈی جی خان، بہاولپور، میرپورخاص ڈویژن میں کہیں کہیں بارش کا امکان ہے۔

    جبکہ ہزارہ، کوہاٹ، پشاور، بنوں، ڈی آئی خان، راولپنڈی، لاہور، گوجرانوالہ، فیصل آباد، ساہیوال، ملتان، حیدرآباد، لاڑکانہ، سکھر ڈویژن، اسلام آباد اور کشمیر میں چند مقامات پر تیز ہواوٗں /آندھی اور گرج چمک کے ساتھ موسلا دھار بارش کی پیش گوئی کی گئی ہے۔

    گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا تاہم لاہور، ژوب، قلات اور حیدر آباد ڈویژن میں چند مقامات پر تیز ہواوٗں/آندھی اور گرج چمک کے ساتھ بارش ہوئی

    سب سے زیادہ بارش لاہور(سٹی 18)، ژوب 04، خضدار 03، بارکھان 01، مٹھی 02 ملی میٹر بارش ریکاڑ کی گئی۔

  • مالم جبہ: سیاحوں کی گاڑی کو حادثہ کھائی میں گرنے سے بچی سمیت 2 افراد جاں بحق

    مالم جبہ: سیاحوں کی گاڑی کو حادثہ کھائی میں گرنے سے بچی سمیت 2 افراد جاں بحق

    سوات: سیاحت کے شوقین افراد کے لیے صبح سویرے بری خبر دیر سے مالم جبہ سیر و تفریح کے لیے جانے والے سیاحوں کی گاڑی کھائی میں گرنے سے بچی سمیت دو افراد جاں بحق اور چارزخمی ہوگئے ہیں۔

    تفصیلات کے مطابق دیر سے مالم جبہ جانے والے سیاح مالم جبہ سے عشا کے وقت واپس جارہے تھے کہ سیر کے مقام پر گاڑی ڈرائیور سے بے قابو ہوکر کھائی میں جاگری، حادثے کے نتیجے میں محمدرسول اور تیرہ سالہ بچی ثنا جاں بحق ہوگئے جبکہ چار افراد زخمی ہوئے زخمیوں کو طبی امداد کے لئے مقامی ہسپتال منتقل کردیا گیا ہے. یاد رہے کہ اس سے قبل بھی سیاح مختلف حادثات کا شکار ہوچکے ہیں.

  • شجاع آباد : رکشہ نہر میں گرنے سے کئی افراد زخمی ہو گئے

    شجاع آباد (نمائندہ باغی ٹی وی) کے علاقہ کیول والی پل کے قریب تیز رفتاری کے باعث چنگچی رکشہ نہر میں جا گرا حادثے کے نتیجے میں 2 خواتین سمیت 3 افراد شدید زخمی ھو گے ہیں ۔ واقعہ کی اطلاع ملتے ہی ریسکیو 1122 سر وس فور طور پر جائے حادثہ کے مقام پر پہنچ گئی زخمیوں کو تشویش ناک حالت میں سول اسپتال منتقل کر دیا گیا ،ریسکیو ذرائع ۔ رانا اظہر منیر باغی ٹی وی ملتان ۔شجاع آباد

  • 86 بوسنیائی مسلمانوں کی 28 سال بعد اجتماعی قبرسے لاشیں دریافت ، نمازہ جنازہ پر جزباتی مناظر

    86 بوسنیائی مسلمانوں کی 28 سال بعد اجتماعی قبرسے لاشیں دریافت ، نمازہ جنازہ پر جزباتی مناظر

    بوسنیا :بوسنیائی مسلمانوں پر سربیائی درندوں کے مظالم کے نشانات اور آثار اب بھی باقی ، 28 سال بعد اجتماعی قبر سے 86 بوسنیائی مسلمانوں کی لاشیں برآمد ، بوسنیائی مسلمانوں کے زخم پھر تازہ ہوگئے. نمازہ جنازہ پر جزباتی مناظر نے سربیائی درندوں کے مظالم آشکار کردیئے.

    ذرائع کے مطابق بوسنیا میں رواں ہفتے ایک ایسی قبر دریافت ہوئی ہے جس میں‌ 1992 میں 86 مسلمان مردوں،عورتوں،بچوں اور بوڑھوں کو شہید کرکے چپھا دیا گیا تھا. بوسنیا شہرکے وسط میں ان 86 بوسنیائی مسلمانوں کی باقیات کو اکٹھا کرکے نمازہ جنازہ ادا کیا گیا .اس نمازہ جنازہ پر جزباتی مناظر نے بوسنیائی مسلمانوں کے زخم ایک بار پھر تازہ کردیئے اور مسلمان اپنے پیاروں کی یاد میں روتے رہے.


    یاد رہے کہ یہ کوئی پہلا مسلمان یا پہلی اجتماعی قبر نہیں کہ جس میں‌سے بڑی تعداد میں‌مسلمانوں کی باقیات ملی ہوں بلکہ اس سے پہلے بھی اجتماعی قبریں دریافت ہوچکی ہیں.اس وقت جس طرح سربیائی انتہا پسند عیسائی دہشت گردوں نے لاکھوں کی تعداد میں بوسنیائی مسلمانوں کو شہید کیا تھا جن کی اجتماعی قبریں اب بھی دریافت ہورہی ہیں.

  • ڈاکٹر یاسمین راشد کا پنجاب بلڈ ٹرانسفیوژن اتھارٹی کو از سر نو فعال کرنے کا اعلان

    ڈاکٹر یاسمین راشد کا پنجاب بلڈ ٹرانسفیوژن اتھارٹی کو از سر نو فعال کرنے کا اعلان

    لاہور: خون کی منتقلی کو محفوظ سے محفوظ تر اور آسان بنانے کے لیے صوبائی وزیر صحت ڈاکٹر راشد یاسمین نے پنجاب بلڈ ٹرانسفیوژن اتھارٹی کو ازسرنوفعال کرنے کااعلان کردیا۔ میڈیا سے گفتگو میں کہا کہ وزیراعظم عمران خان اور وزیراعلیٰ پنجاب سردارعثمان بزدارنے پنجاب بلڈ ٹرانسفیوژن اتھارٹی کی ری ویمپنگ کی باقاعدہ منظوری دے دی ہے

    میڈیا سے بات کرتے ہوئے صوبائی وزیر صحت نے میاں منشی ہسپتال میں انسداد ہیپاٹائٹس فری سکریننگ کیمپ کے دورہ کے موقع پر کہاکہ تین روزہ کیمپ سے 51000 افراد مستفید ہوئے، جس میں 327 میں ہیپاٹائٹس سی کی تشخیص ہوئی، باقی افراد کی مفت ویکسینیشن بھی کر دی گئی دیگر علاقوں میں بھی پبلک پرائیویٹ پارٹنرشپ کے تحت کیمپ لگائے جائیں گے۔

    محکمہ صحت پنجاب کی جانب سے لاہور کے میاں منشی ہسپتال ، میٹرنٹی ہسپتال چوہان روڈ ، مزنگ ہسپتال ، ڈائیگناسٹک سنٹر سنت نگر، بلال گنج فلٹرکلینک میں ہیپاٹائٹس کے تشخیصی و آگاہی کیمپ کا انعقاد کیا گیا، صوبائی وزیر صحت ڈاکٹر یاسمین راشد نے میاں منشی ہسپتال میں جاری کیمپ کا دورہ کیا اور سکریننگ کیمپ پرٹیسٹ کرانے کیلئے آنےوالوں سے میڈیکل سٹاف کی کارکردگی سے متعلق دریافت کیا۔

  • ایم کیو ایم کے سبزواری کی مدیحہ نقوی سے شادی نے دھوم مچا دی

    ایم کیو ایم کے سبزواری کی مدیحہ نقوی سے شادی نے دھوم مچا دی

    کراچی : ایم کیوایم رہنما بازی لے گئے،اطلاعات کے مطابق فیصل سبزواری نے معروف اینکر مدیحہ نقوی سے شادی کرکے سب کو حیران کردیا . ساتھیوں کو دعوت ولیمہ بلا کر اپنی شادی کی خوشی میں شامل کیا.مدیحہ نقوی ایک نجی ٹی وی میں‌ بطور اینکر کام کرتی ہیں.

    باغی ٹی وی ذرائع کے مطابق رات کراچی میں‌بہت بڑے ولیمہ کا اہتمام کیا گیا تھا .جس میں گورنر سندھ عمران اسمعٰیل اور وزیر اعلیٰ سندھ مراد علی شاہ کے علاوہ ایم کیو ایم اور دیگر جماعتوں کے رہنماوں کو دعوت گئی تھی .یاد رہے کہ پاکستان مٰیں اس وقت سیاستدانوں کی شادیوں پر سوشل میڈیا پر بڑی بحث ہورہی ہے اور یہ بحث ان شادیوں کے متعلق ہوتی ہے جو خفیہ کی جاتی ہیں لیکن فیصل سبزواری نے اعلانیہ شادی کرکے سب کو حیران کردیا

  • برطانیہ کی ایران کے خلاف سیکیورٹی کونسل میں شکایت

    برطانیہ کی ایران کے خلاف سیکیورٹی کونسل میں شکایت

    برطانیہ نے سیکیورٹی کونسل میں اپنے جہاز کو ایرانی قبضہ میں لیے جانے پر شکایت کی ہے.
    تفصیلات کے مطابق برطانیہ نے اقوام متحدہ کی سلامتی کونسل کے نام ایک خط تحریر کیا ہے جس میں واضح کیا گیا ہے برطانوی پرچم بردار بحری جہاز ایرانی مچھیروں کی کشتی سے نہیں ٹکرایا۔ یاد رہے کہ ایران نے اس واقعہ کو بنیاد بنا کر برطانوی جہاز پر قبضہ کر لیا تھا۔

    سیکیورٹی کونسل کے نام اپنے خط میں برطانیہ کا کہنا تھا کہ سلطنت آف عمان کی بحری حدود میں ایران کی ایک کشتی برطانوی جہاز کے قریب آئی جو تہران کی جانب سے غیر قانونی تصرف کے زمرے میں آتا ہے۔

    خط کے مطابق بین الاقوامی سمندری راستوں میں جہازوں کو دھمکانے جیسے واقعات تناؤ میں اضافے کا باعث ہیں اور انہیں کسی طور پر جائز قرار نہیں دیا جا سکتا۔ حالیہ پیش رفت انتہائی پریشان کن ہیں۔ صورت حال کا تقاضہ ہے کہ حالات کو پرسکون رکھا جائے۔

    اس سے قبل برطانوی اخبار ’’ڈیلی ٹیلی گراف‘‘ نے ایک رپورٹ میں کہا تھا کہ برطانوی وزراء برطانوی خلیج میں برطانوی پرچم بردار جہاز کو روکنے کی پاداش میں ایران کے خلاف پابندیاں لگانے کی منصوبہ بندی کر رہے ہیں۔