اسلام آباد: قبائلی علاقوں میں پرامن انتخابات کے انعقاد پر برطانوی ہائی کمشنر تھامس ڈریو نے قبائلی اضلاع کے اوّلین اور تاریخ ساز انتخابات پر تبصرہ کرتے ہوئے کہا کہ آج قبائلی عوام کے لیے تاریخی دن ہے۔

سماجی رابطوں کی ویب سائٹ ٹویٹر پر برطانوی ہائی کمشنر نے اپنے پیغام میں خیبر پختون خوا میں نئے ضم شدہ اضلاع کے عوام کے لیے نیک تمناؤں کا اظہار کیا۔

Best wishes to the people of Khyber Pakhtunkhwa’s Newly Merged Districts. A historic day for the former #FATA as they elect members of the KP Assembly for the first time. May they do so safely and freely.

— Thomas Drew (@TomDrewUK) July 20, 2019

برطانوی ہائی کمشنر تھامس ڈریو نے ٹویٹ کیا کہ سابق فاٹا کے لیے یہ ایک تاریخی دن ہے، کیوں کہ وہ پہلی بار کے پی اسمبلی کے لیے اپنے ممبرز کا انتخاب کر رہے ہیں۔

اپنی ٹویٹ میں برطانوی ہائی کمشنر نے عوام کے لیے نیک خواہشات کے اظہار کے ساتھ ساتھ دعا بھی کی کہ قبائلی عوام الیکشن کے اس عمل کو آزادانہ اور محفوظ طریقے سے پورا کریں۔

لاہور:موجودہ حکومت نے ملکی معیشت تباہ کرکے رکھ دی .ان خیالات کا اظہار مسلم لیگ (ن) کے مرکزی رہنما سینٹر مشاہد اللہ رانا ثنااللہ کی رہائش گاہ پر کیا .سینٹر مشاہداللہ نے کہا کہ رانا ثناء اللہ پر بنائے جانے والے منشیات کے کیس پر کوئی یقین کرنے کے لئے تیار نہیں، جن اداروں نے یہ جھوٹا کیس بنایا ہے ان کی ساکھ کو شدید نقصان پہنچا ہے

رانا ثناء اللہ کی رہائش گاہ پر میڈیا سے گفتگو کرتے ہوئے مشاہد اللہ خان کا کہنا تھا ن لیگ کے خلاف انتقامی کارروائیاں ہورہی ہیں، ہمارا بے گناہ لیڈر نوازشریف بھی جیل میں ہے حالانکہ احتساب عدالت کے جج کی ویڈیو کی فرانزک رپورٹ آنے کے بعد نوازشریف کو جیل میں رکھنے کا کوئی جواز نہیں ہے۔

سینٹر مشاہداللہ خان نے کہا کہ ن لیگی رہنماؤں کے گھروں میں آگ لگانے والوں کو سوچنا چاہیئے کہ یہ آگ ان کے گھروں میں بھی لگ سکتی ہے۔ ان کا کہنا تھا کہ ہم جیل جانے سے نہیں ڈرتے اورنہ ہی کسی ڈیل پر یقین رکھتے ہیں، احتساب کا نعرہ لگانے والوں نے تو کے پی کے میں احتساب کےمشن کو ہی ختم کردیا۔

ن لیگ کے سینٹر پریس کانفرنس میں شعروشاعری بھی کرتے رہے. اور شاعرانہ انداز میں بھی حکومت کو آڑے ہاتھوں لیا، انہوں نے کہا کہ موجودہ حکومت کرپشن کے ریکارڈ قائم کررہی ہے، بہت جلد عمران خان کو ان کے اپنے ہی لوگ بے نقاب کریں گے۔