ملتان (نمائندہ باغی ٹی وی) ریسکیو 1122 کو لودھی کالونی کے قریب سے تقریبا 20 سالہ لڑکی ملی ہے جس کو تشدد کا نشانہ بنایا گیا ہے اور جنسی زیادتی بھی کی گئی ہے لڑکی سڑک کے کنارے پر پھینکی گئی تھی ریسکیو ٹیم نے لڑکی کو تشویشناک حالت میں ملتان نشتر ہسپتال داخل کروا دیا ہے جبکہ پولیس بھی موقع پر پہنچ گئی تھی مقامی پولیس ذرائع کا کہنا ہے جب تک لڑکی ہوش و حواس میں نہیں آ جاتی قبل از وقت کچھ کہنا مناسب نہیں ہے اور مزید ساری صورتحال میڈیکل رپورٹ کے ملنے کے بعد واضح ہوگی جبکہ واقعہ کی رپورٹ درج کر لی گئی ہے لڑکی کی ہسپتال میں حالت ابھی خطرے میں ہے
Author: +9251
-
آج رواں مالی سال کی پہلی مانیٹری پالیسی، شرح سود میں اضافے کا امکان
گورنر سٹیٹ بینک آج نئی مانیٹری پالیسی کا اعلان آج کریں
تفصیلات کے مطابق گورنر اسٹیٹ بینک رضا باقر آئندہ دو ماہ کے لیے مانیٹری پالیسی کا اعلان آج کریں گے۔ پالیسی میں آئندہ دو مہینوں کے لیے شرح سود کا تعین کیا جائے گا۔
پالیسی ریٹ کے تعین کے لیے بورڈ آف گورننس کا اجلاس کچھ دیر میں شروع ہو گا جس میں بورڈ ممبران پالیسی ریٹ پر بحث کریں گے تاہم پالیسی ریٹ کا حتمی فیصلہ گورنر اسٹیٹ بینک کریں گے۔
شرح سود کے تعین کے بعد باقاعدہ پریس کانفرنس میں ریٹ کا اعلان کیا جائے گا۔
روپے کی گرتی قدر اور مہنگائی میں مسلسل اضافے کے باعث ماہرین توقع کررہے ہیں کہ اسٹیٹ بینک موجودہ حالات کو مد نظر رکھتے ہوئے شرح سود میں اضافہ کرسکتا ہے۔
یاد رہے کہ رواں سال مئی میں اسٹیٹ بینک نے گزشتہ مالی سال کی آخری مانیٹری پالیسی کا اعلان کرتے ہوئے اگلے دو ماہ کے لیے سود کی شرح میں اضافے کافیصلہ کیا تھا۔ مرکزی بینک کی شرح سود میں 150 بیسس پوائنٹس کا اضافہ کیا گیا، اسٹیٹ بینک اعلامیے کے مطابق بنیادی شرح سود 12.25 فی صد ہو گئی تھی ۔
اسٹیٹ بینک نے اس موقع پر کہا تھا کہ گزشتہ مانیٹری پالیسی کے بعد 3 نمایاں تبدیلیاں ہوئی ہیں، حکومت نے آئی ایم ایف سے 6 ارب ڈالر فنڈ سہولت پر اتفاق کیا، اس پروگرام کا مقصد معاشی استحکام بحال کرنا ہے۔
-
دھرنا دوسرے روز میں عوام مشکلات کا شکار۔
کوئٹہ ایجوکیشنل ایمپلائز ایکشن کمیٹی کے زیر اہتمام مطالبات کے حق میں دھرنا دوسرے روز میں داخل
اساتذہ اور دیگر ملازمین کا مطالبات کی منظوری تک دھرنا دینے کا عزم حکومتی ہٹ دھرمی برقرار اور طاقت کے استعمال کا سوچ رہے ہیں ایکشن کمیٹی کے مطابق اگر طاقت کا استعمال ہوا تو مجبوری کے تحت بلوچستان بھر کے کالجز سکولز اور تعلیمی دفاتر اور کوئٹہ کے سریاب روڈ عالمو چوک اور سائنس کالج چوک بند کرینگے۔ جس کی تمام تر ذمہ داری بے حس حکومت پر ہوگی۔ جب کے عوام کا مطالبہ ہے کے کم سے کم احتجاجی دھرنے میں سے ایمبولینسس کو راستہ دینا چاہیئے یا حکومت متبادل راستے کا بندوبست کریں تاکہ کسی بیمار یا زخمی کو بروقت ہسپتال پہنچایا جائے اور اسکی جان ضائع نہ ھو یہ انسانی زندگیوں کا معاملہ ہے ساتھ یہ بھی ضروری ہے کہ احتجاج کرنے والوں کی جان و مال کا تحفظ بھی حکومت کے فرائض میں آتا ہے جس کو یقینی بنانا حکومت کی زمیداری ہے اور جلد سے جلد مزاکرات کر کے روڈ کو کھولا جائے اور عوام کو مزید پریشانی سے بچایا جائے. -
لاہور : 5 بڑے ہسپتالوں میں پناہ گاہیں بنانے کا فیصلہ
لاہور:عمران خان کے ویژں کو آگے بڑھاتے ہوئے پنجاب حکومت نے اہور کے 5 بڑے ہسپتالوں میں پناہ گاہیں بنانے کا فیصلہ کیا ہے.جس کا فیصلہ پناہ گاہ پراجیکٹ کے بورڈ آف گورنرز کا علامہ اقبال میڈیکل کالج میں گوہراعجاز کی زیر صدارت اجلاس ہوا
تفصیلات کے مطابق اس اجلاس میں چیئرمین گوہر اعجاز کے علاوہ میاں طلعت محمود فضل ، میاں احسن ، عدیل سعید سمیت نعمت سلیم ٹرسٹ، محکمہ خزانہ ، قانون،صحت، سوشل ویلفیئراور ضلعی انتظامیہ کے نمائندے اور چیف آرکیٹیکٹ پنجاب شریک ہوئے، اجلاس میں بتایا گیا کہ وزیراعظم کے ویژن کے مطابق پناہ گاہوں کی تعمیر اور ان کو فعال کرنے کا مرحلہ کامیابی سے مکمل کر لیا گیا ہے۔
گوہر اعجاز نے بتایا کہ شہر میں تعمیر ہونے والی پناہ گاہیں تمام سہولتوں سے آراستہ ہیں اور ان میں روزانہ 35 ہزار افراد کو بہترین معیار کا مفت کھانا دیا جارہا ہے۔اجلاس میں بتایا گیا کہ مخیر حضرات کے تعاون سے پناہ گاہوں کو چلانے کا منصوبہ کامیابی سے جاری ہے، اجلاس میں فیصلہ کیا گیا کہ جناح ہسپتال سمیت شہر کے بڑے ٹیچنگ ہسپتالوں میں پختہ پناہ گاہیں تعمیر ہونگی، ان میں 2 سو افراد کی رہائش اور 2 ہزار افراد کے بیک وقت کھانا کھانے کی گنجائش ہوگی۔
-
عمران خان اور ٹرمپ انتہائی اہم مسئلے پر بات کرنے جا رہے ، بھارتی میڈیا کا دعوی
بھارتی میڈیا نے دعوی کیا ہے کہ عمران خان اپنے امریکا کے دورے میں صدر ٹرمپ سے اہم مسائل پر گفت و شنید کریں گے جن میںکشمیر کے مسئلے کے حل کے لیے مدد طلب بھی شامل ہے.
باغی ٹی وی رپورٹ کے مطابق . اگلے ہفتے پاکستان کے وزیر اعظم عمران خان کے امریکہ کے دورے کے دوران ٹرمپ کے ساتھ چند اہم مدے زیربحث ہونے جارہے ہیں . ان میں اہم ترین اشو کشمیر کے مسئلے کا ہے . بھارتی میڈیا کے مطابق وزیراعظم عمران خان امریکہ سے مسئلہ کشمیر کے حل کے لیے مدد مانگیں گے. دفتر خارجہ اس معاملے کے بارے میں اپنا کام کر رہا ہے.
بھارتی میڈیا رپورٹس کے مطابق پاکستان خطے میں اپنی امداد اور تعاون کا ذکر بھی کرے گا جو اس نے افغانستان میں مذاکرات کرنے کے سلسلے میں کیا ہے .جس کے بعد طالبان اور افغان حکومت مذاکرات کے میز پر اکٹھی ہوئی ہیں.
یہ بھی پڑھیں
عمران خان کے دورہ امریکہ کیخلاف بڑی سازش کا انکشاف، کون ہے ملوث؟ اہم خبر آ گئی
اسکے علاوہ پاکستان بھارت کے ساتھ باہمی مذاکرات کے آغاز کے لیے بھی امریکا پر زور دے گا. اور خطے میں باہمی امن و امن اور ہمسایہ ممالک سے اچھے تعلقات بارے میں بھی اپنی کوشوں کا ذکر کرے گا. ان سب اشوز پر دفتر خارجہ کام کر رہی ہے.یہ بھی پڑھیں: عمران خان کے دورہ امریکا کو سبوتاژ کرنیکا بھارتی منصوبہ،حسین حقانی بھی متحرک
-
اسسٹنٹ کمشنر ساہیوال نے عوامی شکایت پر فوری نوٹس لے لیا
فروکہ/سرگودہا(نمائندہ باغی ٹی وی) اسٹنٹ کمشنر ساہیوال صابر حسین شاہ کا عوامی شکایات پر فروکہ رورل ہیلتھ سنٹر کا دورہ مقامی سٹاف عملہ کی جانب سے شہریوں اور مریضوں کے ساتھ نامنا سب رویہ پر نوٹس لے لیا جبکہ مقامی سٹاف عملہ کوفوری تبدیل کرنے کا فیصلہ کر لیا گیا شہر بھر میں سیاسی ہلچل جبکہ سینئر میڈیکل آفیسر بھی پریشان عوام کا اسسٹنٹ کمشنر ساہیوال کو خراج تحسین ۔تفصیل کے مطابق عوامی شکایات پر اسسٹنٹ کمشنر ساہیوال سید صابر حسین شاہ ہمراہ حکومتی نمائندہ تحصیل ساہیوال سیدمصور شاہ ہمدانی نے فروکہ ہسپتال کا دورہ کیا جس پرعوامی شکایات کو مدنظر رکھتے ہوئے مقامی سٹاف عملہ کے خلاف سخت ایکشن لیتے ہوئے فوری طور پر ہسپتال میں موجود تعینات مقامی عملہ کو تبدیل کرنے کا فیصلہ کیا گیا ۔جبکہ اسسٹنٹ کمشنر نے ہسپتال کے سینئر میڈیکل آفیسر سے سٹاف عملہ کے ناموں کی لسٹ مانگ لی۔تبدیلی کا سنتے ہی مقامی سٹاف عملے کی جانب سے پولیٹیکس اور معززین علاقہ کی سفارشیں کروانے کا بھی سلسلہ جاری۔ذرائع کا کہنا ہے کہ ہسپتال کے سینئر میڈیکل آفیسر نے آج تمام سٹاف کا اجلاسطلب کرلیا جس میں سٹاف عملہ کے ناموں کی لسٹ بنانے کا امکان
-
بے نامی اکاؤنٹ رکھنے والوں کے خلاف نیا آپریشن لانچ کرد دیا گیا
اسلام آباد :ہوشیار باش ایف بی آر نے بے نامی اکاونٹ رکھنے والوں کے خلاف نئے آپریشن لانچ کردیا ۔بے نامی اکاﺅنٹس اور جائیدادیں رکھنے والوں کی شامت آگئی، بے نامی اثاثہ جات کی نشاندہی کیلئے لاہور کے 50سے زائد "انفارمرز” نے بے نامی داروں کے پول کھولنے کیلئے ایف بی آر سے رابطہ کرلیا۔
پاکستان میں بے نامی اکاونٹس رکھنے والوں کو اس سے پہلے خبردار بھی کیا جا چکا تھا لیکن کسی نے توجہ تک نہ دی۔ایف بی آر ذرائع کا کہنا ہے کہ لاہور سے تعلق رکھنے والے پچاس سے زائد "انفارمرز” نے بے نامی داروں کے خلاف تفصیلات فراہم کرنے کیلئے بے نامی زون سے رابطہ کرلیا، ایف بی آر نے بے نامی جائیدادوں کے حوالے سے موصول ہونیوالی شکایات کی سکروٹنی شروع کر دی ہے۔
دوسری طرف ایف بی آر ذرائع کا کہنا ہے کہ بے نامی اثاثہ جات کے حوالے سے صرف مصدقہ شواہد کی بنیاد پر کارروائی کی جائے گی، موصول ہونے والی شکایات اور دستاویزات کی سکروٹنی کے بعد کارروائی کا آغاز کیا جائے گا۔اس نئے آپریشن سے کتنا فائدہ ہوگا بعد میں ہی پتہ چلے گا۔
-
چیتے کو ہوئی عمر قید کی سزا
بھارتی ریاست گجرات میں ایک تیندوے یعنی چھوٹے چیتے کو عمر قید کی سزا سنادی گئی،
باغی ٹی وی رپورٹ کے مطابق بھارتی ریاست گجرات کے قصبے چھوٹا اودی پور میں ایک تیندوے نے پانچ لوگوں پر حملہ کیا جن میں دو جنگل کے اہلکار بھی شامل ہیں . اس جرم کی بنا پر اسے عمر قید کی سزا عدالت کی جانب سے سنائی گئ ہے .
یہ تیندوا زخمی ہے اور اس کی ایک آنکھ میں موتیا بھی ہے جس کی وجہ سے وہ دیکھنے میںمشکل کا شکار ہے .اور اسی طرح سامنے والے شخص کو بھی دیکھنے اور جج کرنے سے قاصر ہے. تیندوے کو ریسکیو ٹیموں نے حراست میں لے کر پاوا گڑھ وٹرنری سینٹر پہنچایا جہاں جانوروں کے ماہرین ڈاکٹر اس کے موتیےکا علاج کریں گے .
-
بھارت، نیپال اور بنگلہ دیش میں سیلاب نے تباہی مچادی، 100سے زیادہ ہلاکتیں، لاکھوں بے گھر
بھارت، نیپال اور بنگلہ دیش میں مون سون بارشوں کی وجہ سے شدید تباہی ہوئی ہے۔ کم و بیش سات ملین افراد نقل مکانی کرنے پر مجبور ہوچکے ہیں جبکہ ہلاکتوں کی تعدا د بھی 100سے زائد ہو چکی ہے۔
باغی ٹی وی کی رپورٹ کے مطابق بھارت کی سات ریاستوں میں سیلاب سے51افراد ہلاک ہو ئے ہیں۔بھارتی صوبے آسام اور بہار سب سے زیادہ متاثر ہوئے ہیں۔ گذشتہ دس دنوں میں کم و بیش ساڑھے چار ملین افراد محفوظ مقام پر منتقل ہوئے ہیں۔بارشوں کی وجہ سے ٹرانسپورٹ کا نظام بری طرح متاثر ہے۔ سڑکیں اور ریلوے لائنیں ڈوب چکے ہیں۔ آسام کے 30اضلاع حالیہ سیلاب سے متاثر ہوئے ہیں جس کے نتیجے میں چار ملین سے زائد افراد بے گھر ہو چکے ہیں۔ آسام میں 15افراد جان کی بازی ہار چکے ہیں۔ اسی طرح بہار کے 12اضلاع تباہی ہوئی ہے جس کی وجہ سے اڑھائی ملین لوگوں نے نقل مکانی کی جبکہ ہلاک ہونے والوں کی تعداد 24ہو گئی ہے۔دریں اثناء نیپال میں سیلاب کی وجہ سے 70افراد مارے جا چکے ہیں۔ دو ملین لوگ متاثر ہوئے ہیں۔ بنگلہ دیش میں سیلاب متاثرین کی تعداد چالیس ہزارہے۔ جبکہ 16افراد جان کی بازی ہار چکے ہیں۔
واضح رہے کہ جنوبی ایشیاء میں ہر سال سیلاب آتے ہیں۔ 2017ء میں سیلاب کی وجہ سے بھارت،نیپال اور بنگلہ دیش میں کم از کم 80افراد ہلاک ہوئے تھے۔ جبکہ فصلیں، جائیدادیں اور گھر تباہ ہو گئے تھے
-
ڈالر ایک روپے چار پیسے مزید مہنگا ہوگیا
انٹر بینک میں ڈالر ایک روپے چار پیسے مزید مہنگا ہوگیا جس کے بعد اس کی قیمت 160 روپے سے تجاوز کرگئی۔
فاریکس ڈیلرز کے مطابق انٹر بینک میں ڈالر 159.86 سے بڑھ کر 160.90 روپے ہر جا پہنچا۔
ماہرین کا کہنا ہے کہ ادائیگیوں پر ڈالر کی طلب بڑھنے پر روپے پر دباؤ دیکھا جارہا ہے۔گزشتہ روز اوپن مارکیٹ میں ڈالر کا ریٹ 160 روپے اور انٹربنک میں 159 روپے 86 پیسے ہوگیا تھا۔