ٹھٹھہ صادق آباد(نمائندہ باغی ٹی وی) کے رہائشی معروف ڈاکٹر عاشق حسین زاہد نے اپنے متعلق نیب ایف بی آر، حساس سکیورٹی اداروں کی طرف سے گھر پر چھاپے،رقم برآمدگی گرفتاری کے متعلق وضاحتی پریس کانفرنس کرتے ہوئے کہاکہ میں ٹھٹھہ صادق آباد کا رہائشی ہوں گزشتہ تیس سال سے عوامی خدمت کررہا ہوں،تیس سال سے میں باقائدہ ٹیکس ہولڈر اور فائلر ہوں،میرا تمام ریکارڈ ایف بی آر کے پاس موجود ہے، ان کے متعلق افواہ تھی کہ ان کا تعلق 135 دس آر سے ہے جبکہ اس گاوں کے اکثر لوگ نان فائلر ہیں۔انہوں نے وضاحت کی کہ میرا تعلق چک نمبر 135 دس آر سے نہیں ٹھٹھہ صادق آباد شہر سے ہے،گزشتہ رات نیب ایف بی آر، حساس سکیورٹی اداروں کی طرف سے میرے گھر پر چھاپہ اور ایک ارب روپے کی رقم برآمدگی اور میری گرفتاری کے متعلق تمام افواہیں بےبنیاد،من گھر اور جھوٹ کا پلندہ ہیں ایسی افواہیں پھیلا کر مجھے اور میرے خاندان کی ساکھ،شہرت کو نقصان پہنچانے کی مذموم کوشش کی گئی ہے،جس کا حقیقت کیساتھ کوئی تعلق واسطہ نہ ہے، نان فائلر ہوں نہ ٹیکس چور،گرفتاری ہوئی نہ گھر سے ایک ارب کی رقم برآمد ہوئی، الحمداللہ اپنے کلینک پر عوامی خدمت میں مصروف ہوں،ایک ارب کی رقم برآمدگی سفید جھوٹ ہے، میں اس قسم کی تمام من گھڑت بے بیناد،حقائق کے برعکس پھیلائی گئی افواہوں الزامات کی شدید مذمت کرتے ہوئے تردید کرتا ہوں، ساکھ شہرت کو نقصان پہنچانے والوں کے خلاف مکمل قانونی چارہ جوئی کا حق بھی محفوظ رکھتا ہوں،
Author: +9251
-
وہاڑی : ڈی پی او نے بڑے پیمانے پر افسران کے تبادلے کر دیئے
وہاڑی (نمائندہ باغی ٹی وی) ڈسٹرکٹ پولیس آفیسر نجیب الرحمن بگوی نے متعدد پولیس افسران کے تبادلہ کر دئیے.
تفصیلات کے مطابق انسپکٹر ذوالفقار علی کو ایس ایچ او صدر وہاڑی تعینات کر دیا گیا. سب انسپکٹر محمد یعقوب کو ایس ایچ او تھانہ سٹی میلسی تعینات کر دیا گیا. سب انسپکٹر شمعون جوئیہ کو ایس ایچ او تھانہ ٹبہ سلطانپور تعینات کر دیا گیا. سب انسپکٹر عدنان جمیل بطور ایس ایچ او ماچھیوال اپنی خدمات سر انجام دیں گے. سب انسپکٹر کرم الہی بطور ایس ایچ او میرانپور اپنی خدمات سر انجام دیں گے. انسپکٹر ریاض احمد کا تبادلہ پولیس لائنز وہاڑی کر دیا گیا. انسپکٹر عمران صدیقی بطور معاونین حج سعودی عرب میں حجاج کرام کے لئے اپنی خدمات پیش کریں گے. انسپکٹر محمد بخش ڈی آئی بی برانچ میں اپنی خدمات سرانجام دیں گے.
-
وہاڑی : تصادم میں چار افراد شدید زخمی
وہاڑی (نمائندہ باغی ٹی وی) ماچھیوال کے علاقے اڈا ظہیر آباد میں کار اور ٹرالر میں رات کو شدید تصادم ہوا جس کے نتیجے میں چار افراد شدید زخمی ہو گئے اور کار کا اگلا حصہ مکمل طور پر تباہ ہو گیا حادثے کی اطلاع ملتے ہی ریسکیو ٹیم 1122 موقع پر پہنچ گئی اور زخمی کو ڈسٹرکٹ ہسپتال ہیڈکوارٹر وہاڑی میں منتقل کر دیا گیا ہے حادثے کی وجوہات معلوم نہیں ہو سکیں
-
جرنلسٹ ویلفیئر کونسل سرگودہا کے عہدیدران کا اعلان کر دیا گیا
سرگودھا۔۔۔۔۔۔۔۔صحافیوں کی فلاح و بہبود کے لیے قائم تنظیم جرنلسٹ ویلفئیر کونسل سرگودھا کے عہدیداروں کا اعلان کر دیا گیا۔ایک پریس ریلیز کے مطابق سینئر صحافی ممتاز عارف اس تنظیم کے صدر
,امجد پرویز سینئر نائب صدر،
اشرف قریشی نائب صدر،رانا
محمد اشرف جنرل سیکرٹری،
عبد الوھاب چوہدری جائنٹ
سیکرٹری،افاق احمد گوندل
فنانس سیکرٹری اور محمد بلال مون سیکرٹری انفارمیشن ہوں
گے جبکہ نو رکنی مجلس عاملہ
میں عبد الصمد شاھین،اے۔ار
سلیم،راناافضل حنیف،طارق
اعوان،ملک عبد الجبار،مجاہد
رضا بخاری،ملک عرفان حیدر،
عالیہ کنول اور رانا ندیم شامل
ہوں گے۔پریس ریلیز کے مطابق
عہدیداروں کا افتتاحی اجلاس
اسی ہفتے ہو گا۔ -
ایک ٹکڑے زمین کی خاطربھائی نے بھائی کو قتل کردیا
چنیوٹ،بھوانہ(نمائندہ باغی ٹی وی)ایک ٹکڑے زمین کی خاطر بھائی نے بھائی کو قتل کردیا، تفصیلات کے مطابق تھانہ لنگرانہ کے علاقے چکنمر 198 ڈھول والا کے رہائشی عمر حیات سپراء کا اپنے سگے بھائیوں الیاس اور غلام فرید سپراءکے ساتھ گھر اور زمین کے بٹوارے کا تنازعہ چل رہا تھا،
رات کومحمد الیاس اور غلام فرید گھر کے صحن میں بیٹھے تھے کہ ملزم عمر حیات کلہاڑی سے مسلح ہوکر گھر کے احاطے میں داخل ہوااورللکارنے لگا کہ آج زمین کا حصہ نہ دینے کا مزہ چکھاتا ہوں،
اور اس کے ساتھ ہی اپنے بھائی الیاس پرکلہاڑی کاوار کردیا جو اس کی گردن پر لگاجس کی تاب نہ لاتے ہوئے وہ موقع پر ہی جاں بحق ہوگیا
جب دوسرے بھائہ غلام فرید نے اسے پکڑنا چاہا تو ملزم نے اس پر بھی کلہاڑی کے وار کر دیئے جس سے غلام فرید شدید زخمی ہوگیا
جسے بعد میں ریسکیو 1122نے الائیڈ ہسپتال فیصل آباد منتقل کردیا
اطلاع ملنے پر پولیس تھانہ لنگرانہ نے فوری کاروائی کرتے ہوئے ملزم عمر حیات کو آلہ قتل سمیت گرفتار کرکے مقدمہ درج کرلیا ہے -
مستونگ میں قلفی فروخت کرنے پر پابندی عائد۔
مستونگ:- مستونگ میں غیرمعیاری قلفی کے کھانے سے رونماء ہونے والے واقعات کا ڈپٹی کمشنر مستونگ ممتاز علی کھیتران نے سخت نوٹس لے لیا۔اور مستونگ میں کوئٹہ سے آنیوالے قلفی فروخت کرنے پر مستونگ میں مکمل پابندی عائد کردی گئی۔۔ڈی سی مستونگ اور ڈسٹرکٹ پولیس آفیسرعنایت اللہ بگٹی نے لیویز فورسز اور پولیس فورس کے تمام ٹیموں اور چوکیوں کو سخت ہدایات جاری کرتے ہوئے کہاہیکہ کوئٹہ سے مستونگ آنیوالے قلفی فروخت کرنے والوں کو مستونگ میں داخل نہ ہونے دیں۔۔۔اور مقامی(لوکل)سطح پر قلفی بنانےاور فروخت کرنے پر سخت چیکنگ کیاجائے۔درین اثناء سٹی پولیس نے کاروائی کرتےہوئے 4 قلفی فروشوں کو گرفتار کرلیا۔اور ان سے پوچ گچ کی جارہی ہیں۔
-
امریکا میں سعودیہ کی پہلی خاتون سفیر مقرر
سعودی عرب کی شہزادی ریما بنت بندر بن سلطان نے امریکا میں مملکت کی سفیر کے طور پر کام شروع کر دیا ہے۔
باغی ٹی وی رپورٹ کے مطابق واشنگٹن میں سعودی سفارت خانے کے سرکاری ترجمان فہد ناظر نے ایک بیان میں بتایا کہ مقررہ خاتون سفیر نے امریکی وزارت خارجہ کو اپنی سفارتی اسناد پیش کر دی ہیں۔
شہزادی ریما نے اپنی ٹویٹ میں کہا ہے کہ "میں نے آج سے امریکا میں مملکت کی سفیر کے طور پر کام شروع کر دیا ہے۔ میری دعا ہے کہ اللہ رب العزت مجھے اور میرے ساتھیوں کو اپنے پیارے وطن کی خدمت کی توفیق عطا فرمائے”۔
شہزادی ریما بنت بندر بن سلطان 1945 کے بعد سے امریکا میں مقرر ہونے والی سعودی عرب کی 11 ویں سفیر ہیں۔ وہ اس عہدے پر کام کرنے والی پہلی سعودی خاتون ہیں۔
-
سلمان تاثیر کے قتل کی منصوبہ بندی، کس پر شک تھا؟ سلمان تاثیر کی بیٹی نے کیا انکشاف
مسلم لیگ ن کے رہنما رانا ثناء اللہ کی گرفتاری پر سابق گونر پنجاب سلمان تاثیر کی بیٹی سارہ تاثیر نے کہا ہے کہ مجھے شک ہے کہ سلمان تاثیر کے قتل کی منصوبہ بندی رانا ثناء اللہ نے کی ہے
باغی ٹی وی رپورٹ کے مطابق سابق گورنر پنجاب مقتول سلمان تاثیر کی بیٹی سارہ تاثیر نے سماجی رابطے کی ویب سائٹ ٹویٹر پر رانا ثناء اللہ کی گرفتاری پر ٹویٹ کرتے ہوئے کہا کہ میں نے اپنی زندگی میں رانا ثناءاللہ سے گھٹیا شکل نہیں دیکھی.بدمعاشی سے لے کر قتل تک یہ ہمیشہ قانون کے ہاتھوں سے بچتا آیا ہے.اگر مجھے سلمان تاثیر کے قتل کی منصوبہ بندی پر کسی شخص پر شک ہوا ہے وہ رانا ثناءاللہ ہے .میں اس کی گرفتاری پر کتنا خوش ہوں بتا نہیں سکتی ، خدا عمران خان کی حکومت کو سلامت رکھے .
There couldn’t be a lower form of life than #RanaSanaullah. From thuggery to murder he has eluded the law for decades.If there’s anyone I suspect for masterminding the murder of @SalmaanTaseer its him. I can’t begin to describe how happy I am.God bless the govt of @ImranKhanPTI
— Sara Taseer (@sarataseer) July 2, 2019
واضح رہے کہ واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسرہوں گی ،رانا ثنااللہ کو منشیات فروشوں کے مخصوص سیل میں رکھا جائے گا ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .
رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی رانا ثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی
واضح رہے کہ سلمان تاثیر پیپلز پارٹی کے دور حکومت میں پنجاب کے گورنر تھے، سلمان تاثیر کو 4 جنوری 2011ء کو اس کے سرکاری محافظ ممتاز قادری نے وفاقی دارالحکومت اسلام آباد مٰیں سرکاری گن سے فائر کر کے قتل کر دیا تھا.سلمان تاثیر کو قتل کرنے والے ممتاز قادری کو مسلم لیگ ن کے گزشتہ دور حکومت میں پھانسی دے دی گئی ہے.
-
22 سالہ نوجوان غلام قاسم کو فوجی اعزاز کے ساتھ سپرد خاک کر دیا گیا
ساہیوال/سرگودھا:لائن آف کنٹرول چمب سیکٹر برنالہ کے قریب بمب دھماکہ
شہید ہونیوالے پاک آرمی کے 22سالہ نوجوان غلام قاسم کو فوجی اعزاز کے ساتھ سپردخاک کر دیا گیا۔
غلام قاسم محلہ شمش آباد ساہیوال کے محنت کش محمد رمضان کا 22سالہ بیٹا تھا جو دو سال قبل پاک فوج میں ملازمت اختیار کی
جنا زہ میں پاک آرمی کے افسران نےمیت کو پاکستانی پرچم میں لپیٹ کر سپرد خاک کر دیا گیا شہید کی قبر پر پاک آرمی کے دستے نے سلامی دی -
پاکستان کو بین الاقوامی اداروں سے 38 ارب ڈالرز کا قرضہ ملے گا، آئی ایم ایف
آئی ایم ایف نے کہا ہے کہ پاکستان کو بین الاقوامی اداروں سے 38 ڈالرز کا قرضہ ملے گا.
باغی ٹی وی رپورٹ کے مطابق آئم ایم ایف نے کہا ہے کہ پاکستان کو بین الاقوامی اداروں سے 38 ارب ڈالرز کا قرضہ ملے گا.پاکستان میں اداروں کو مضبوط کرکےان میں شفافیت لائی جائے .پاکستان میں کرپشن کے خاتمے کے لیے کاررروائیاں کی جائیں
گیس اور بجلی کی قیمتوں میں سیاسی مداخلت نہیں کی جائے گی.پاکستان کے گردشی قرضوں کا خاتمہ کیا جائے گا .توانائی سیکٹر کے واجبات کی وصولیاں یقینی بنائی جائیں گی.پاکستان میں توانائی کے شعبہ میں اصلاحات کی جائیں گی،مانیٹری پالیسی کے ذریعے منہگائی کو قابو کیا جائے گا،اسٹیٹ بینک پاکستان کرنسی کی شرح تبادلہ میں مداخلت نہیں کرے گا ،پاکستان میں کرنسی کی شرح تبادلہ مارکیٹ طے کرے گی .پاکستان سالانہ1500سے2000ارب روپےٹیکسوں کی مد میں آمدن بڑھائےگا.سرکاری اداروں میں نا اہلی کے باعث نقصانات میں اضافہ ہوچکا ہے،پاکستان میں ٹیکس کے نظام میں کمزوریاں ہیں،اضی میں ڈالر کی قیمت کو مصنوعی طور پرکنٹرول کیا گیا