فیصل آباد، ڈویژنل کمشنر محمود جاوید بھٹی نے ہدایت کی ہے کہ اراضی ریکارڈ سنٹرز کی سروسز کا معیار مزید بہتر بنایا جائے تاکہ تیز رفتار اور عمدہ سروس کی بدولت اس سسٹم پر لوگوں کا اعتماد مضبوط ہو ۔ انہوں نے یہ ہدایت تحصیل جڑانوالہ میں اراضی ریکارڈ سنٹر کا معائنہ کرتے ہوئے جاری کی۔اسسٹنٹ کمشنرز مصور خاں نیازی،شاہد ندیم اور دیگر افسران بھی موجود تھے۔ڈویژنل کمشنر نے کہا کہ اراضی ریکارڈ سنٹرز سائلان کی سہولت کے اعتبار سے بہتر کارکردگی کے حامل ہونے چاہیں ۔اس ضمن میں انچارج صاحبان سٹاف کو متحریک رکھنے کے لئے اپنی ذمہ داریوں کا ادراک کریں ۔ انہوں نے جڑانوالہ سنٹرمیں اعلی نظم و نسق کو ہمہ وقت برقرار رکھنے اور سنٹر سے رابطہ کرنے والے شہریوں کو انتظار کی زحمت سے بچاتے ہوئے ان کے کام تیزی رفتاری سے نمٹانے کی تاکید کی ۔ انہوں نے کہا کہ کاﺅنٹرز پر لمبی قطاریں نظر نہیں آنی چاہیں اور رش کی صورت میں متعلقہ کاﺅنٹر کی تعداد میں اضافہ کریں ۔انہوں نے کہا کہ سائلان کی رہنمائی کے لئے انفارمیشن ڈیسک کو ہمہ وقت فعال رکھیں تاکہ درخواست گزاروں کا وقت ضائع نہ ہو اور وہ اپنے کام کے سلسلے میں صحیح کاﺅنٹر پر رابطہ کریں ۔ انہوں نے سنٹر پر صفائی ستھرائی کے اعلی معیار کو ہمہ وقت برقرار رکھنے کی ہدایت کی ۔ ڈویژنل کمشنر نے سنٹر انچارج سے کہا کہ ماتحت عملہ کی پرفارمنس اور سائلان سے طرز عمل پر گہری نظر رکھیں ۔ انہوںنے فردات کے حصول کے لئے آئے ہوئے سائلان سے بھی ملاقات کی اور ان سے مسائل دریافت کرتے ہوئے کہا کہ سنٹر کی کارکردگی کو مزید بہتر بنانے کے لئے اقدامات کئے جا رہے ہیں۔
Author: +9251
-
سپیکر قومی اسمبلی نے زرداری کے پروڈکشن آرڈر کیوں روک دیے؟ اہم وجہ سامنے آ گئی
اسپیکر قومی اسمبلی اسد قیصر نے سابق صدر آصف زرداری کے قائمہ کمیٹیوں کے اجلاس میں شرکت کے لئے پروڈکشن آرڈر روک دیئے گئے ہیں۔پروڈکشن آرڈر روکنے کی سب سے بڑی وجہ ان پروڈکشن آرڈر کی آڑ میں غیر آئینی سرگرمیاں تھیں جن کی وجہ سے ملک میںایک نئی بحث چھڑ گئی ہے. دوسری بڑی وجہ پیمرا قوانین کی خلاف ورزی تھی جو آصف علی زرداری اپنے چند میڈیا پرسنز کے اکسانے پر کررہے ہیں.
اطلاعات ونشریات کمیٹی کے چیئرمین نے پروڈکشن آرڈرز کی منظوری دی تھی لیکن اس کے باوجود آصف زرداری کے پروڈکشن آرڈر جاری نہ ہو سکے۔ذرائع کے مطابق کمیٹی کا اجلاس پارلیمان کی حدود میں نہیں بلکہ پیمرا میں ہونا ہے، اجلاس پارلیمان کی حدود میں نہ ہونے کے باعث پروڈکشن آرڈر جاری نہیں کیے گئے
ذرائع کے مطابق پارلیمان کی حدود کے باہر آصف زرداری کے سارجنٹ ایٹ آرمز کے حوالگی سے متعلق مسائل پیدا ہوں گے۔دوسری جانب آصف زرداری کے آٹھ اور نو جولائی کو صنعت وپیداوار کمیٹی کے اجلاس میں شرکت کیلئے پروڈکشن آرڈر جاری کر دیئے گئے ہیں۔
-
ڈالرکے بعد سونے کی قیمت بھی گرنے لگی
کراچی: تین روز قبل سونے کی قیمتوں میں ایک ہزار روپے کمی کے بعد پھر اس کی قیمت میں فی تولہ 800 روپے کمی ہوئی ہے۔سونے کی فی تولہ قیمت اب 77800 روپے فی تولہ ہوگئی ہے۔اسی طرح 10 گرام سونے کی قیمت 686 روپے کم ہوکر 66701 روپے ہوگئی ہے۔گزشتہ ہفتے سونے کی فی تولہ قیمت تاریخ کی بلند ترین سطح پر پہنچ گئی تھی۔سونے کی فی تولہ قیمت 5 سو روپے اضافہ کے ساتھ 81 ہزار روپے پر پہنچ گئی تھی۔
دوسری جانب ڈالر کی قیمت میں بھی دو روپے کی کمی واقع ہوئی ہے۔باغی ٹی وی کی رپورٹ کے مطابق انٹربینک میں کاروبارکے آغاز پر روپے کی قدرمیں بہتری آئی ہے ،انٹربینک میں ڈالر 1روپے 45 پیسے سستا ہوکر 159روپے 50 پیسے کا ہوگیا ہے. بعد ازاں انٹر بینک میں ڈالر2 روپے تیس پیسے سستا ہوا جس کے بعد ڈالر 157 روپے 75 پیسے کا ہو گیا .ڈالر کی قیمت میں مسلسل اضافے کے بعد قیمتوں میں کمی سے تاجر برادری کو کچھ حوصلہ ملا ہے.
-
فردوس عاشق اعوان کی پریس کانفرنس میں ایسی کیا بات تھی کہ وفاقی وزیر پیر نورالحق قادری سو گئے
وزیر اعظم پاکستان عمران خان کی معاون خصوصی فردوس عاشق اعوان کی کابینہ اجلاس کے حوالہ سے پریس کانفرنس کے دوران وفاقی وزیر برائے مذہبی امور پیر نورالحق قادری سو گئے.
باغی ٹی وی کی رپورٹ کے مطابق فردوس عاشق اعوان نے کہاکہ کابینہ نے40ہزارمالیت کےپرائزبانڈختم کرنےکی منظوری دی ہے. ان کی پریس کانفرنس کے دوران پیر نورالحق قادری نے بوریت محسوس کی اور سو گئے. اس موقع پر گفتگو کرتے ہوئے فردوس عاشق اعوان نے کہاکہ بانڈکیش کرانےکےطریقہ کارمیں تبدیلی لائی جارہی ہے. بانڈ کیش کروانے کے لیے مناسب وقت دیا جائے گا. بانڈ سے جن لوگوں کا عشق تھا وہ اب دم توڑ جائے گا.
فردوس عاشق اعوان نے کہاکہ وزیراعظم نےفیصلہ کیاہےکہ اسٹیل ملزکی نجکاری نہیں کی جائےگی.
-
جعفر گروپ کے ڈائریکٹر کا دورہ شیخوپورہ
شیخوپورہ(نمائندہ باغی ٹی وی )جعفر گروپ کے ڈائریکٹر نادر جعفر کا آج شیخوپورہ وزٹ ہوا جس میں انہوں نے اپنے کمپنی کے ڈیلر(میاں صدیق اینڈ سنز شرقپور روڈ) میاں زاہد صدیق سے ملاقات کی۔ان کے ہمراہ نیشنل سیلز مینجر چوہدری عبدالحمید،یجنل مینجر شہزاد الحق اور ایریا مینیجر شہباز صدیق بھی تھے۔ملاقات کے دوران انہوں نے نیوٹرل کھادیں اور آنے والے نئے پراڈکٹ کے بارے میں بات چیت کی اور اپنے کلب ڈیلر میاں صدیق اینڈ سنز پر اعتماد کا اظہار کیا۔
-
سینیٹ کی قائمہ کمیٹی ایوی ایشن کا اجلاس، قومی ایئر لائن کے سی ای او کی غیر موجودگی کا سخت نوٹس
سینیٹ کی قائمہ کمیٹی ایوی ایشن کا اجلاس ہوا ہے جس میں پاکستان کی قومی ایئر لائن کے چیف ایگزیکٹو آفسیر کی غیر موجودگی کا سختی سے نوٹس لیا گیا۔ کمیٹی اراکین نے کہا کہ پارلیمانی کمیٹیوں کو اہمیت نہ دینا پارلیمان کے وقار کو کم کرنے کے مترادف ہے اور حکام کو اس سلسلے میں ذمہ دارانہ رویہ اختیار کرنے کی ضرورت ہے.
باغی ٹی وی کی رپورٹ کے مطابق سینیٹ کی قائمہ کمیٹی برائے ایوی ایشن کا اجلاس سینیٹر مشاہد اللہ خان کی سربراہی میں پارلیمنٹ ہاؤس میں منعقد ہوا جس میں سینیٹرز شیری رحمن، حاصل خان بزنجو، ثمینہ سعید، منظور احمدکاکڑ، مولا بخش چانڈیو، مومن خان آفریدی اور فیصل جاوید کے علاوہ سول ایوی ایشن کے وزیر غلام سرور خان، سیکرٹری سول ایوی ایشن ڈویژن اور متعلقہ اداروں کے اعلیٰ حکام نے شرکت کی۔ اجلاس میں پاکستان کی قومی ایئر لائن کے چیف ایگزیکٹو آفسیر کی غیر موجودگی کا سختی سے نوٹس لیا گیا۔ کمیٹی اراکین نے کہا کہ پارلیمانی کمیٹیوں کو اہمیت نہ دینا پارلیمان کے وقار کو کم کرنے کے مترادف ہے اور حکام کو اس سلسلے میں ذمہ دارانہ رویہ اختیار کرنے کی ضرورت ہے۔
اراکین سینیٹ نے کہا کہ یہ مسلسل تیسری دفعہ ہورہا ہے۔ کمیٹی نے پی آئی اے سے متعلقہ ایجنڈا پر بحث کو کمیٹی کے اگلے اجلاس تک موخر کر دیا۔ کمیٹی کو محکمہ موسمیات کی جانب سے موسم کی پیش گوئی، سیلاب سے متعلق وارننگ اور دیگر اہم امور پر تفصیلی بریفنگ دی گئی ۔ میٹرولوجیکل ڈیپارٹمنٹ کے حکام نے بتایا کہ ہوا بازی کے شعبے اور قومی سطح پر موسمی پیش گوئی کے علاوہ فلڈ فور کاسٹنگ اور فلڈ وارننگ بھی دی جاتی ہے۔
پاکستان میٹرو لوجیکل ڈیپارٹمنٹ کے ڈائریکٹر جنرل نے بتایا کہ اس وقت ملک میں 97 کے قریب سٹیشن آبزویشن کرتے ہیں۔ تقریباً50 فیصد سٹیشن پرانے ہو چکے ہیں تاہم ان کی اپ گریڈیشن کی جاتی ہے۔ انہوں نے بتایا کہ جاپان کے تعاون سے 5 سینٹر قائم کئے گئے ہیں۔ انہوں نے بتایا کہ ملک کے130 شہروں کے موسم کی معلومات ٹیلی فون پر لی جا سکتیں ہیں۔ جبکہ ہیٹ ویو کے بارے میں بھی وارننگ جاری کی جاتی ہے۔
-
آرمی چیف سے روس کی بری فوج کے سربراہ جنرل اولیگ کی ملاقات، سکیورٹی کے شعبے میں تعاون پر بات چیت
پاکستانی آرمی چیف جنرل قمر جاوید باجوہ سے روس کی بری فوج کے سربراہ جنرل اولیگ نے ملاقات کی ہے.
باغی ٹی وی کی رپورٹ کے مطابق دونوں ممالک کے درمیان سیکیورٹی کےشعبے میں تعلقات اورتربیت پربات چیت کی گئی اور اس بات پر اتفاق رائے کا اظہار کیا گیا کہ دونوں ممالک میں تعاون خطے کے امن واستحکام کوفروغ دینے میں مدد دے گا،
ملاقات کے دوران آرمی چیف جنرل قمر جاوید باجوہ نے گفتگو کرتے ہوئے کہا کہ دونوں ممالک کےدرمیان تعلقات سے خطے کی اقتصادی ترقی بھی ہوگی، پاکستان باہمی تعاون اورتعلق پریقین رکھتاہے، اس موقع پر روس کی بری فوج کے سربراہ جنرل اولیگ نے پاک فوج کی پیشہ وارانہ صلاحیت اور دہشتگردی کے خلاف اس کی کامیابیوں کوسراہا.
-
قصور کی سب سے بڑی شوگر مل کی نیلامی کی تیاریاں
پتو کی:-
پتوکی شوگرمل کو فروخت کرنے کی تیاریاں مکمل کر لی گئی ہیں
باغی ٹی وی کی رپورٹ کے مطابق قصور کی قدیم اور سب سے پرانی پتوکی شوگر مل کو فروخت کیا جا رہا ہے ۔ اس اقدام سے ملازمین میں تشویش کی لہر دوڑ گئی ہے۔ باضابطہ اعلان چند روز میں ہوگا۔ معتبر اور باخبر ذرائع سے معلوم ہوا ہے کہ پتوکی شوگر مل کے مالکان مالی بحران کا شکار ہوگئے ہیں اس لئے انہوں نے پتوکی شوگر مل کو فروخت کرنے کیلئے تیاریاں شروع کر دی ہیں اور اس سلسلہ میں تمام انتظامات مکمل کر لئے گئے ہیں۔ جس کا باضابطہ اعلان چند روز میں کر دیاجائیگا پتوکی شوگر مل کی فروخت کے فیصلہ کے بعد شوگر مل کے ملازمین میں تشویش کی لہر دوڑ گئی ہے تاہم شوگر مل مالکان اس فیصلہ کو ابھی تک خفیہ رکھ رہے ہیں۔ توقع ہے کہ چند روز میں شوگر مل کی فروخت کا باضابطہ اعلان کر کے انہیں نئے مالکان کے حوالے کر دیا جائے گا۔ -
شاباش گجرات پولیس: 7 سالہ بچے کے قتل ایک ہفتے کے اندر گرفتار
گجرات (نمائندہ باغی ٹی وی ) ٹبی سیکھواں کے سات سالہ زنیر کے قاتل ایک ہفتہ کے اندر گرفتار،سگی چچی نے ملازم کے ساتھ مل کر معصوم بچے کو انتہائی بے دردی سے قتل کیا تھا۔تفصیلات کے مطابق مورخہ27.06.19کوتھانہ صدر گجرات کے موضع ٹبی سیکھواں میں انتہائی دردناک واقعہ پیش آیا۔ بیرون ملک سعودی عرب مقیم محمد بشارت کے سات سالہ معصوم بچے کا دن دیہاڑے انتہائی سفاکی سے گلہ کاٹ کر موت کے گھاٹ اتار دیا گیا۔اس دردناک واقعہ نے پورے علاقہ کو افسردہ کردیا اور لوگوں میں شدید خوف و ہراس پھیلا دیا۔ تھانہ صدر گجرات پولیس نے مقتول کی والدہ شائستہ پروین کی مدعیت میں نامزد ملزمان کے خلاف مقدمہ درج کرکے وقوعہ کی بابت ڈی پی او گجرات سید علی محسن کو آگاہ کیا۔جس پر ڈی پی او گجرات نے سنگدل قاتلوں کی فوری گرفتار ی کیلئے ڈی ایس پی ریاض الحق کی سربراہی میں ایس ایچ او تھانہ صدر گجرات انسپکٹر بابر زمان کو خصوصی ٹاسک دیا اور ہدائیت دی کہ سفاک قاتلوں کو جلد از جلد گرفتار کرکے قرار واقعی سز ا دلوائی جائے۔جو پولیس ٹیم نے پیشہ ورانہ مہارت اور جدید سائنسی ٹیکنالوجی کو بروئے کا رلاتے ہوئے وقوعہ کے اصل ملزمان کوچند یوم کے اندر آلہ قتل سمیت گرفتار کر لیا۔ملزمان میں منیر احمد ولد غلام محمد قوم مصلی سکنہ چک نمبر 8بھیرہ حال مقیم ٹبی سیکھواں اور مسماۃ عاصمہ زوجہ محمد آصف قوم جٹ سکنہ دیہہ شامل ہیں۔ ملزمہ عاصمہ نے دوران انٹیروگیشن اعتراف جرم کرتے ہوئے انکشاف کیا کہ اس کی مدعیہ کے ساتھ ناچاقی تھی جس کی بنا پر اس نے مدعیہ کو سبق سکھانے کیلئے معصوم بچے کو قتل کرنے کا گھناؤنہ منصوبہ بنایا۔جس میں اس کا ملازم منیر احمد بھی شامل تھان۔دونوں نے مل کر درانتی سے معصوم زنیر کا گلہ کاٹ کر اسے موت کے گھاٹ اتار دیا اور موقع سے فرار ہوگئے۔
-
بیرون ملک کیوں گئے؟کس کے پاس گئے؟ تفصیلات فراہم کرنا لازم قرار دیدیا گیا
اسلام آباد: ڈالر کی سمگلنگ روکنے کے لیے حکومت نے بیرون ملک سفر کرنے والوں کے لیے نئی شرائط عائد کردیں.اس پالیسی کے مطابق بیرون ملک سفر کرنا ہے تو سب کچھ بتانا ہوگا۔ کہاں گئے؟ کیوں گئے؟ کس کے پاس گئے؟ ساتھ کیا لے کر گئے؟ امیگریشن حکام نے یکم جولائی سے مسافروں کی معلومات جمع کرنا شروع کر دیں۔نوٹیفکیشن کے مطابق مسافروں کو کسٹمز ڈیکلریشن فارم میں اپنا نام، تاریخ پیدائش، پاسپورٹ نمبر، قومیت اور وزیٹنگ ملک کا نام لکھنا ہوگا۔ یہ بھی بتانا ہوگا کہ دورہ ذاتی، سرکاری، کاروباری یا سیاحت کیلئے تھا اور سپانسر کی معلومات بھی فراہم کرنا ہوں گی۔
امیگریشن حکام کے مطابق مسافروں کو مختلف ممالک میں دورے کی معلومات اور اگر اپنے ساتھ جیولری، قیمتی پتھر اور زرمبادلہ لے جا رہے ہیں تو اس کی تفصیلات بھی فراہم کرنا ہوں گی۔یہ اقدام ڈالر سمگلنگ کی روک تھام کے لیے ایف اے ٹی ایف کے مطالبے پر کیا گیا ہے۔ امیگریشن حکام نے یکم جولائی سے بیرون ملک سفر کرنے والوں کا ڈیٹا جمع کرنا شروع کر دیا ہے۔