ویانا :پاکستان زندہ باد ،پاک فوج زندہ باد ویانا کی فضاوں کو پاکستانی کمیونٹی نے یہ نعرے لگا کر معطر کر دیا .ویانا سے اطلاعات کے مطابق پاکستان اور افواج پاکستان سے محبت کا ویسے تو ہر لمحے اور ہر موقع پر اظہار کیا جاتا ہے لیکن کسی دوسرے ملک میں بڑے پیمانے پر ایسے پروگراموں کا انعقاد وطن سے محبت کی یاد اور تازہ کردیتا ہے. ایسے ہی پاکستان اور پاک فوج کے ساتھ اظہار یکجہتی کے سلسلہ میں میں ہوں پاکستانی پاکستان زندہ باد امن ریلی کا انعقاد پاکستانی کمیونٹی ویانا آسٹریا کی جانب سے یو این اوکے دفتر کے سامنے کیا گیا جس میں پاکستانی کمیونٹی نے آسٹریابھر کے چھوٹے بڑئے شہروں سے پاکستان کی محبت میں بھر پور شرکت کرکے پاک فوج کو زبردست خراج تحسین پیش کیا اور پاکستانی کمیونٹی کا ولولہ اور جوش و جذبہ قابل دید تھا۔میں ہوں پاکستانی پاکستان زندہ باد امن ریلی میں پاکستانی شرکاء نے پاکستانی سبز ہلالی پرچم اور بینر اُٹھا رکھے تھے جن پر پاکستان زندہ باد اور پاک فوج زندہ باد کے نعرئے درج تھے

ریلی کا مقصد پاکستان اور پاکستانی سیکورٹی فورسزکو سرہانا اور عالمی برادری کو باور کوکرانا ہے کہ پاکستان دہشت گردی کے خاتمہ اور امن کے لیے کسی بھی نسلی یا گروہی تفریق کے بغیر اپناکردارادا کرتا رہے گا۔مختلف مقررین نے پاک فوج کو دہشت گردی کے خلاف زبردست کامیابی پر خراج تحسین پیش کیا اور پی ٹی ایم کے نفرتی بیانیے کی شدید الفاظ میں مذمت کی اور کہا کہ پاکستان کو درپیش موجودہ چیلنجز کا سامنا اور ایسی منفی قوتوں کا سدباب کرنے کیلیے تمام پاکستانی قوم پاک فوج کے شانہ بشانہ کھڑی ہے اور جو بھی پاکستان کے دشمنوں کے ساتھ ملکر پاکستان کو کمزور کرنے کی کوشش کرئے گا اُس کو اُس کے انجام تک پہنچایا جائے گاپاکستان ایک پرُامن سوچ رکھنے والا ملک ہے ۔

ماسکو: روسی وزارت دفاع کے مطابق Losharik نامی روسی آبدوز میں آگ لگنے کے وجہ سے چودہ فوجی ہلاک اور کئی دیگر زخمی ہو گئےہیں.روسی حکام کا کہناہے کہ آگ پر قابولیا گیا اور واقعے کی تحقیقات شروع کردی گئی ہیں۔روسی وزارت دفاع کے حکام نے ماسکو سے جاری ایک بیان میں کہا ہے کہ آبدوز میں آگ شمال میں روسی سمندری حدود میں لگی اور تمام فوجی دم گھنٹے کے باعث مرگئے۔حکام نے مزید کہا کہ آبدوز کو بحیرہ برینٹ کے بندرہ گاہ پر لایا گیاہے اور آگ کے واقعے کی تحقیقات شروع کردی گئی ہیں

یاد رہے کہ ایسا ہی ایک واقعہ دسمبر2016 میں ہوا جب روسی فضائیہ کے کریش ہونے میں ریڈ آرمی اہلکاروں سمیت 92 فوجی ہلاک ہوگئےتھے.یہ طیارہ روس سے شام جاتے ہوئے تباہ ہوا تھا جس میں‌سوار سارے افراد ہلاک ہوگئے تھے.

ماسکو:روس کو کہیں آبدوز میں دھماکے کے نتیجے میں‌ہلاکتوں کا غم تو دوسری طرف اپنے دفاع کو پہلے سے بہتر کرنےکے لیے مزید اقدامات کرنے کی خوشی .ماسکو سے روسی وزارت دفاع کے جاری کردہ بیان کے مطابق جدید ترین انٹرسیپٹ میزائل کا یہ تجربہ قزاقستان کی ٹیسٹ سائٹ سے کیا گیا۔ بیان میں کہا گیا ہے کہ یہ میزائل بیلسٹک میزائلوں کا پتہ لگا کر انہیں فضا ہی تباہ کرنے کی توانائی رکھتا ہے۔

روسی دفاعی حکام نےمیزائل تجربے کو کامیاب قرار دیتے ہوئے کہا گیا ہے یہ تجربہ طے شدہ معیاروں کے مطابق انجام پایا ہے۔سابق سویت یونین نے مغربی ملکوں کی جانب سے بین البراعظمی ایٹمی میزائلوں کے خطرات کے پیش نظر قزاقستان کی ٹیسٹ سائٹ پر انٹر سیپٹ میزائلوں کی تیاری کا خفیہ پروگرام شروع کیا تھا۔

مالیگاﺅں :بھارت میں مسلمانوں کے قتل عام اور تشدد کے خلاف مالی گاوں کے 1 لاکھ سے مسلمان احتجاج کرتے ہوئے سڑکوں پر نکل آئے .مسلمانوں کے پر ہونے والے ظلم و تشدد کو روکا جائے.اب مسلمان ظلم اور تشدد برداشت کرنے کے متحمل نہیں ہیں.اس حوالے سے مالی گاوں کے شہید اسمارک پارک میں بہت بڑا اجتماع ہوا .جس میں مسلمانوں نے ہندو انتہا پسندوں کے ظلم وتشدد کو روکنے کا مطالبہ کردیا .

جمعیت علماءسے منسلک افراد اور کچھ مقامی این جی اوز کی کوششوں سے منعقد اس ریلی کے دوران لوگوں نے اپنی بات سامنے رکھتے ہوئے کہا کہ ”ہم بدلا نہیں چاہتے اور ہم تشدد میں یقین بھی نہیں رکھتے۔ ہم قانون کی حکمرانی پر یقین رکھتے ہیں۔ اس ریلی میں لوگ شہید اسمارک پر جانے سے پہلے مالیگاوں قلعہ میں جمع ہوئے اور وہاں پر جذباتی تقریریں بھی ہوئیں۔ تقریروں میں پولس انتظامیہ اور ریاستی و مرکزی حکومت سے گزارش کی گئی کہ وہ آئین کو مٹی میں نہ ملنے دیں اور شر پسند عناصر پر کنٹرول کریں۔

واضح رہے کہ گزشتہ دنوں جھارکھنڈ میں تبریز انصاری کی بھیڑ نے زبردست پٹائی کر دی تھی جس سے وہ بیہوشی کی حالت میں چلے گئے تھے اور پھر علاج کے دوران ان کی موت واقع ہو گئی تھی۔ تبریز کی اہلیہ نے اس سلسلے میں بتایا کہ 17 جون کی رات اس کا شوہر تبریز انصاری جمشید پور سے گاوں لوٹ رہا تھا جب دھت کیڈیہہ گاوں میں کچھ لوگوں نے انھیں گھیر لیا اور پٹائی شروع کر دی۔ چوری کے الزام میں رات بھر تبریز کو بجلی کے پول سے باندھ کر رکھا گیا اور اس کی بے رحمی سےتشدد کرتے رہے۔ اس دوران اسے ’جے شری رام‘ اور ’جے ہنومان‘ کے نعرہ لگانے کے لیے بھی کہا گیا۔ نعرہ لگانے کے باوجود بھیڑ انھیں پیٹتی رہی۔ صبح نیم مردہ حالت میں تبریز کو پولس کے حوالے کر دیا گیا تھا۔ بعد میں علاج کے دوران اس کی موت ہو گئی تھی۔