Baaghi TV

Author: +9251

  • لندن:پاکستانیوں پر افغانی اور بھارتی شرپسندوں کا حملہ ،جیت برداشت نہ کرسکے

    لندن:پاکستانیوں پر افغانی اور بھارتی شرپسندوں کا حملہ ،جیت برداشت نہ کرسکے

    لندن:ہینڈلنگ لیڈز میں جہاں ایک طرف پاکستان اور افغانستان کے درمیان میچ ہورہا تھا وہاں پاکستان اور پاکستانیوں کے خلاف اسٹیڈیم کے باہر اور اسٹیڈیم کے اندر سازشیں کھیلیں جارہی تھیں.اسٹیڈیم کے باہر بلوچستان کے حوالی پراکسی فلیکس لگائے گئے تھے اور اسٹیڈیم کے اندر پاکستانی ٹیم کی جیت کے ساتھ ہی افغان اور بھارت شر پسند ملکر پاکستانیوں پر کرسیاں،گلاس،گملے اور پانی کی بوتیلیں پھینک رہے تھے.پاکستان کے ایک ممتاز صحافی نے اس سلسلے مٰیں باغی کو جو رپورٹس اور حقائق بھیجے ہیں وہ بہت تکلیف دہ ہیں

    باغی ٹی وی ذرائع کے مطابق پاکستانیوں پر جو اسٹیڈیم سے باہر تشدد اور نعرے بازی ہوئی وہ بھی ایک باقاعدہ منصوبہ بندی دکھائی دیتی ہے.ذرائع کے مطابق مقامی وقت کے مطابق دوپہر 12:30پر یہ واقعہ پیش آیا جس میں درجنوں افغان اور ان کے بھارتی ساتھی اسٹیڈیم کے باہر کی طرف ایک اسٹیج سجائے پاکستان کے حوالے سے بلوچستان کے حقوق کے نام پر پراپیگنڈہ کررہے تھے .چندپاکستانیوں کے منع کرنے پر یہ افغان اور ان کے بھارتی ہمنوا اشتعال میں آگئے اور پاکستانیوں پر ڈیسکوں،کرسیوں اور ڈنڈوں سے حملہ کردیا .اس حملے کے بعد پولیس نے ان شرپسندوں کے خلاف کارروائی کا فیصلہ کیا ہے

    دوسرا اہم واقعہ اس وقت پیش آیا جب پاکستانی ٹیم نے افغانستان سے میچ جیت لیا .پاکستان کی جیت کو افغان شرپسند اور ان کے دیگر بھارتی ہمنوا وں نے اسٹیڈیم میں موجود پاکستانیوں پر حملہ کردیا .ویڈیو میں دیکھا جاسکتا ہےکہ ی شر پسند پاکستانیوں پر کرسیاں،لوہے کے ٹیبل ،بوتلیں اور گلاس وغیر پھینک رہے تھے . جس کی وجہ سے کئی پاکستانی زخمی ہوگئے. ان شرپسندوں نے پاکستان کے خلاف نعرے بازی بھی کی

  • فیکٹری ایریا پولیس نے کمیونٹی پولیسنگ کی مثال قائم کردی، گمشدہ بچہ والدین سے ملا دیا

    فیکٹری ایریا پولیس نے کمیونٹی پولیسنگ کی مثال قائم کردی، گمشدہ بچہ والدین سے ملا دیا

    فیکٹری ایریا پولیس نے کمیونٹی پولیسنگ کی مثال قائم کردی، پولیس نے گمشدہ بچے کو والدین سے ملا دیا۔

    باغی ٹی وی کی رپورٹ‌ کے مطابق ترجمان پولیس نے بتایا کہ معین مقصود صبح سے اپنے گھر سے لاپتہ ہوا تھا.
    پولیس نے مساجد میں اعلانات کروائے اور علاقے سے پتہ جوئی کی۔ پولیس نے بچے کو ڈھونڈ کر بچہ والدین کے حوالے کردیا۔۔

    ترجمان پولیس نے بتایا کہ والدین نے بچہ ملوانے پر فیکٹری ایریا پولیس کاشکریہ اداکیا ہے. ایس ایچ او فیکٹری ایریا فاروق اصغر اعوان نے کہا ہے کہ جرائم کےخاتمے کے ساتھ عوام کی خدمت کے ذریعے کمیونٹی پولیسنگ کو فروغ دے رہے ہیں۔

  • سراج الحق، اسد قیصر و دیگر کی میچ جیتنے پر پاکستانی ٹیم کو مبارکباد

    سراج الحق، اسد قیصر و دیگر کی میچ جیتنے پر پاکستانی ٹیم کو مبارکباد

    جماعت اسلامی پاکستان کے امیر سینیٹر سراج الحق، سابق وزیر خزانہ اسد قیصر، لیاقت بلوچ، امیر العظیم اور قیصر شریف نے پاکستانی ٹیم کی فتح‌ پر مبارکباد پیش کی ہے.

    باغی ٹی وی کی رپورٹ کے مطابق سیاسی و مذہبی قائدین نے پاکستانی قوم اور قومی ٹیم کو افغانستان کے خلاف اہم میچ میں کامیابی پر مبارک باد دی ہے اور اس امید کا اظہار کیا ہے کہ قومی ٹیم اپنی فتوحات کا سلسلہ جاری رکھے گی اور قوم کو بڑی خوشخبری دے گی۔ سینیٹر سراج الحق نے کہا کہ پوری قوم کی دعائیں شاہینوں کے ساتھ ہیں۔

    سابق وزیر خزانہ اسد قیصر نے ٹویٹر پر لکھا کہ عماد وسیم زندہ باد…. پاکستان ٹیم قوم کو عارضہ قلب میں مبتلا کر کے چھوڑے گی ٹورنامنٹ ختم ہونے تک لیکن ان شاللہ سرخرو بھی ہو گی.

  • ٹیم پاکستان کی جیت کا جشن

    شیخوپورہ (نمائندہ باغی ٹی وی ) کرکٹ ورلڈ کپ 2019 کے اہم میچ میں سنسنی خیز مقابلہ کے بعد پاکستان ٹیم کی کامیابی کی خوشی میں شہر میں کئی مقامات پر آتش بازی کا مظاہرہ کیا گیا جس کا اہتمام سماجی و سیاسی شخصیات رانا علی سلیمان خان شیخ کاشف عارف خان شیخ زین ندیم پروفیسر مشتاق احمد راحت چوہدری خالد محمود ورک اور میاں ذیشان پرویز نے کیا تھا جبکہ تحریک انصاف کے رہنماؤں کنور عمران سعید خان میاں تیمور خالد اور ملک حبیب سلطان کھوکھر کے علاوہ صدر مرکزی انجمن تاجران الحاج ملک اسلم بلوچ نے قومی ٹیم کی کامیابی کی خوشی میں بھاری مقدار میں مٹھائی تقسیم کی

  • ڈی پی او شیخوپورہ نے لگائی کھلی کچہری

    شیخوپورہ (نمائندہ باغی ٹی وی) ڈی پی او آفس میں لوگوں کے مسائل اور ان کے حل کھلی کچہری کا انعقاد کیا جاتا ہے۔ جس کے بارے میں ڈی پی او شیخوپورہ غازی محمد صلاح الدین نے اپنے وژن کے بارے میں آگاہ کیا کہ ضلع بھر کے تمام آفیسرز لوگوں کے مسائل کے حل کیلئے اپنی کارکردگی کو مثالی بنائیں اور دفاتر و تھانوں میں آنے والے سائلین سے خوش اخلاقی سے پیش آئیں ۔اوران کی مشکلات اور پریشانیاں کو حل کرنے کے لیے تمام وسائل بروے کار لائیں۔
    وزیر اعلیٰ پنجاب جناب عثمان بزدار کی ہدایت پر ڈی پی او غازی محمد صلاح الدین نے لوگوں کے مسائل سننے اور انکے حل کے لیے ڈی پی او آفس میں کھلی کچہری لگائی ۔ کھلی کچہری میں صحافیوں اور شہریوں کی کثیر تعداد نے شرکت کی ۔ کھلی کچہری میں پیش ہونے والے سائلین کی شکایات کو بغور سنا اورموقع پر ہی متعلقہ افسروں کو میرٹ کے مطابق انکی شکایات دور کرنے اورانکی دادرسی کیلئے احکامات جاری کیے، انہوں نے ہدایات دیں کہ لوگوں کی شکایات و مسائل اپنے دفاتر میں حل کرنے پر توجہ دیں ،درخواست گزاروں کے مسائل خندہ پیشانی سے سن کر انہیں تسلی بخش ریلیف فراہم کریں ،اس موقع پر خطاب کرتے ہوئے ڈی پی او غازی محمد صلاح الدین نے کہا کہ لوگوں کے مسائل حل کرنے کےلیے دن رات کوشاں ہیں ۔ عوام کی خدمت کرتے ہوئے انصاف کی فراہمی کو یقینی بنائیں،کھلی کچہری کا مقصد عوام کے مسائل کو ترجیحی بنیادوں پر حل کرنا ہے جبکہ کھلی کچہری میں پیش کی جانے والی شکایات کی درخواستوں پر محکمانہ کاروائی کی باقاعدگی سے مانیٹرنگ کی جا رہی ہے تاکہ سائلین کو ریلیف کی فراہمی میں تاخیر نہ ہو،انکا کہنا تھا کہ عوامی مسائل کو میرٹ پر حل نہ کرنے والے افسران کے خلاف سخت کاروائی عمل میں لائی جائے گی، ڈی پی او شیخوپورہ غازی محمد صلاح الدین نے خطاب کرتے ہوئے کہا کہ ضلع میں امن و امان کا قیام،معاشرتی برائیوں ،جرائم کا خاتمہ،منشیات کا خاتمہ میری اولین ترجیح ہے ۔ کسی بھی مظلوم کے ساتھ نا انصافی ہرگز برداشت نہیں کروں گا ۔ پولیس دن رات جانفشانی سے اپنے فرائض سر انجام دے رہی ہے تاہم جرائم اور منشیات کے مکمل خاتمے میں عوامی تعاون بھی درکار ہے تاکہ ان معاشرتی ناسوروں کا جڑ سے قلع قمع کیا جاسکے۔

  • ارٹ سرکٹ کے باعث پیپرمل میں آگ لگ گئی

    شیخوپورہ(نمائندہ باغی ٹی وی) منڈیالی لاہور روڑ پر یادگار پیپر مل میں شارٹ سرکٹ کے باعث اچانک آگ لگئی-
    ریسکیو 1122 شیخوپورہ کی فائر فائیٹنگ ٹیم نے موقع پر پہنچ کر آگ پر قابو پا لیا جبکہ کولنگ کا عمل جاری ہے-
    اطلاع کے مطابق یادگار پیپر مل کے گودام میں اچانک شارٹ سرکٹ کے باعث آگ لگئی جس نے دیکھتے ہی دیکھتے پورے گودام کو اپنی لپیٹ میں لے لیا- ریسکیو 1122 نے بروقت موقع پر پہنچ کر آگ پر قابو پا لیا ہے جبکہ کولنگ کا عمل جاری ہے تاکہ دوبارہ آگ لگنے کے مواقع کو ختم کیا جا سکے-

  • صوبائی وزیر میاں خالد محمود نے اپنے حلقے میں مصروف دن گزارا

    شیخوپورہ (نمائندہ باغی ٹی وی)
    صوبائی وزیر میاں خالد محمود نے اپنے حلقہ میں آج مصروف ترین دن گزارا
    میاں خالد محمود صاحب نے میاں تیمور خالد اور پی ٹی آئی ورکرز کے ہمراہ شیخوپورہ کے مختلف علاقوں کا دورہ کیا جہاں انہوں نے معززین علاقہ سے ملاقات کی ان کے مسائل سنے اور مسائل کو جلد اور ترجیحی بنیادوں پر حل کرنے کی یقین دہانی کروائی
    اس کے علاوہ مختلف علاقوں میں فوت شدگان کی فاتحہ خوانی میں شرکت کی

  • اسد قیصر سلیکٹڈ سپیکر بنیں گے تو اپوزیشن اسمبلی میں نہیں بیٹھے گی: زرداری کی دھمکی

    اسد قیصر سلیکٹڈ سپیکر بنیں گے تو اپوزیشن اسمبلی میں نہیں بیٹھے گی: زرداری کی دھمکی

    اسلام آباد:سابق صدر آصف علی زرداری نے قومی اسمبلی کے اسپیکر اسد قیصر کے رویے پر تنقید کرتے ہوئے کہا ہے ک اگر اسد قیصر سلیکٹڈ سپیکر بنیں گے تو اپوزیشن اسمبلی میں نہیں بیٹھے گی سابق صدر آصف زرداری کا کہنا ہے کہ اپنے خلاف ممبر پینل آف چیئرمین کی رولنگ کی مذمت کرتا ہوں۔میڈیا سے گفتگو کرتے ہوئے ان کا کہنا تھا کہ اگر وہ اسپیکر بن کر چلیں تو قبول ہوگا۔ اگر وہ سلیکٹڈ اسپیکر بن کر چلیں گے تو ایسا ہی ہوگا، پھر اپوزیشن نہیں بیٹھے گی، اسمبلی خود چلائیں، کیا فرق پڑے گا۔

    آصف زرداری کا کہنا تھا کہ یہ سب کچھ پلاننگ کے تحت ہی تھا، یہ سب ایک دوسرے کو خوش کرنے کے چکر میں ہیں، کچھ ارکان وزیراعظم بننے کے چکر میں ہیں، کچھ مزید وزارتوں کے، بلاول بھٹو زرداری کیخلاف قراداد کی مذمت کرتا ہوں۔اسپیکر کے خلاف آصف علی زرداری اس وقت پھٹ پڑے جب اسپیکر نے چیئرمین پیپلز پارٹی بلاول بھٹو زرداری کے خلاف قومی اسمبلی میں پیش کی گئی

  • میجر جنرل آصف غفور کا ٹویٹر پر الحمدللہ لکھ کر پاکستان کی فتح‌ پر خوشی کا اظہار

    میجر جنرل آصف غفور کا ٹویٹر پر الحمدللہ لکھ کر پاکستان کی فتح‌ پر خوشی کا اظہار

    ورلڈ کپ کے انتہائی اہم میچ میں پاکستان کی طرف سے افغانستان کو شکست دیے جانے پر ڈی جی آئی ایس پی آر میجر جنرل آصف غفور نے خوشی کا اظہار کیا ہے.


    باغی ٹی وی کی رپورٹ کے مطابق سوشل میڈیا سائٹ ٹویٹر پر اپنے پیغام میں‌ انہیں‌ نے الحمد للہ لکھا ہے. قبل ازیں وزیر اعظم عمران‌ خان نے بھی ٹویٹر پر پاکستانی ٹیم کو مبارکباد دی ہے.

    واضح رہے کہ ورلڈ کپ میں‌ انتہائی اہم میچ میں پاکستان نے اعصاب شکن مقابلہ کے بعد افغانستان کو شکست دے دی ہے. ایک موقع پر پاکستانی ٹیم مشکل کا شکار نظر آئی تاہم آخری مرحلہ میں عماد وسیم اور وہاب ریاض کی بہترین کارکردگی کی بدولت پاکستان یہ میچ جیت گیا. افغانستان نے پاکستان کو 228 رنز کا ہدف دیا تھا.

    باغی ٹی وی کی رپورٹ‌کے مطابق پاکستانی کھلاڑی فخر الزمان صفر پر آؤٹ‌ ہوئے. وہ دوسری ہی گیند پر پویلین واپس لوٹ گئے تاہم بابر اعظم اور امام الحق نے سکور آگے بڑھانا شروع کیا تو امام الحق بھی آگے بڑھ کر شارٹ کھیلنے کے چکر میں 36 رنز پر آؤٹ ہو گئے. میچ کے دوران جب پاکستانی اوپنر فخر زمان کوئی رنز بنائے بغیر آوٹ ہوئے تو پاکستانی کھلاڑی کے آوٹ ہونے پر اسٹیڈم میں پاکستانی شائقین چپ جبکہ افغان شائقین اپنی ٹیم کے حق میں نعرے لگا کر فضا کو گرم کرنے لگے. بابر اعظم 45 رنز بنا کر آؤٹ‌ ہوئے جبکہ آخری کھلاڑی محمد حفیظ آؤٹ ہوئے ہیں.

    افغان ٹیم کے کپتان گل بدین نائب نے ٹاس جیت کر پہلے خود بیٹنگ کرنے کا فیصلہ کیا تو گل بدین نائب اور رحمت شاہ نے اننگز کا آغاز کیا لیکن شاہین شاہ آفریدی نے پانچویں اوور میں گل بدین کو 15 رنز پر آؤٹ کر دیا . اسی طرح اگلی ہی گیند پر ہشمت اللہ شہیدی کو بھی کھاتہ کھولے بغیر پویلین واپس بھیج دیا۔ رحمت شاہ اور اصغر افغان نے پاکستانی بولرز کو خوب پریشان کیا. رحمت 43 گیندوں پر 35 اور اصغر افغان 35 گیندوں پر 42 رنز کی اننگز کھیل کر آؤٹ ہوئے جب کہ وکٹ کیپر بیٹسمین اکرام اللہ 24 رنز بنانے کے بعد آؤٹ ہوئے، محمد نبی صرف 16 رنز ہی بناسکے اور راشد خان 8 رنز بنا کر آؤٹ ہوئے۔ پاکستانی ٹیم کی جانب سے شاہین آفریدی نے 4 ، عماد وسیم اور وہاب ریاض نے 2،2 جب کہ شاداب خان نے ایک وکٹ حاصل کی۔

    پاکستان کے میچ جیتنے پر پوری پاکستانی قوم میں زبردست خوشی کی لہر پائی جاتی ہے اور شائقین کی جانب سے مٹھائی تقسیم کی جاتی رہی.

  • کراچی:اسٹریٹ کرائم اور منشیات فروشی میں ملوث ملزم گرفتار.ایس پی ملیر

    کراچی:اسٹریٹ کرائم اور منشیات فروشی میں ملوث ملزم گرفتار.ایس پی ملیر

    کراچی :کراچی میں جرائم کی بڑھتی ہوئی شرح پر قابوپانے اور جرائم کے خاتمے کے لیے پولیس کا آپریشن جاری ہے. اس سلسلے میں ابراہیم حیدری سے اسٹریٹ کرائم اور منشیات فروشی میں ملوث ملزمان گرفتارکر لیے ہیں.پولیس نے الیاس گوٹھ میں خفیہ اطلاع پر کارروائی کے دوران یہ گرفتاریاں کیں.پولیس نے گرفتار ملزمان کے قبضے سے غیر قانونی اسلحہ اور منشیات برآمد کر لیا گیا ہے.
    گرفتار ملزمان ابراہیم حیدری اور ملحقہ آبادی میں چوری اور چھینا جھپٹی اور منشیات کی فروخت میں ملوث تھے پولیس نے ملزمان کیخلاف مقدمات کا اندراج کر کے تفتیش کا آغاز کر دیا گیا ہے.ایس پی ملیر نے کہا ہے کہ ملزمان سے برآمد اسلحہ فارنزک کیلئے بھیجا جائیگا .گرفتار ملزمان میں عبدالخالق، عبدالمالک، بابر کمال، آصف اور عامر رضا شامل ہیں