Baaghi TV

Author: +9251

  • پتریاٹہ : 90 افراد کو 10 گھنٹوں بعد ریسکیوکر کے باحفاظت اتار لیا گیا۔

    پتریاٹہ : 90 افراد کو 10 گھنٹوں بعد ریسکیوکر کے باحفاظت اتار لیا گیا۔

    مری پیٹریاٹہ کی چیئر لفٹوں میں پھنسے 90 افراد کو 10 گھنٹوں بعد ریسکیوکر کے بامحفاظت اتار لیا گیا۔

    تفصیل کے مطابق پٹریاٹہ چیئر لفٹ کی بارہ کیبل کاروں میں سوار سیاح خوبصورت نظاروں سے لطف اندوز ہورہے تھے کہ گزشتہ روز شام پانچ بجے کے قریب اچانک تیز آندھی شروع ہوگئی اور کیبل کار کا رسہ پلی سے اتر گیا۔

    بارہ کی بارہ کیبل کاریں فضا میں جھولنے لگیں، آندھی اور بارش رکنے کے بعد سیاحوں کو بحفاظت نکالنے کے لئے ریسکیو کا عمل شروع کیا گیا جو رات گئے 3 بجے تک جاری رہا۔

    ریسکیو اہل کاروں نے مینوئیل طریقے سے ایک ایک کیبل کار کو چلا کر سیاحوں کو نکالا اور اس طرح کیبل کار میں پھنسے خواتین، بچوں سمیت تمام 90 افراد کو بحفاظت ریسکیو کیا گیا۔

    انتظامیہ کا کہنا ہے کہ کیبل سروس معطل کردی گئی ہے تاہم یہ واضح نہیں ہوسکا کہ گرمیوں میں اسکولوں کی چھٹیوں کے موسم میں جب ملک بھر سے سیاحوں کی بڑی تعداد یہاں کا رخ کرتی ہے تو کیبل کار سروس کی مناسب دیکھ بھال کیوں نہیں کی جارہی۔
    واضح رہے کہ ہر کیبل کار میں 8 سیاحوں کے بیٹھنے کی گنجائش ہوتی ہے اور طوفان کے باعث امدادی کارروائیوں میں مشکلات کا سامنا رہا البتہ اب بارش رکنے کے بعد امدادی کاروائیاں‌ جاررہی 12 کیبل کاروں سےسیاحوں کو نکالنے کے لیے ریسکیو آپریشن شروع کیا گیا جو رات گئے تکمیل کو پہنچا.

  • اسلام آباد : جنوبی پنجاب کے ممبران قومی اسمبلی کی وزیراعظم سے ملاقات

    اسلام آباد (نمائندہ باغی ٹی وی) وزیر اعظم عمران خان سے جنوبی پنجاب سے تعلق رکھنے والے ممبران قومی اسمبلی کے وفد کی ملاقات۔

    تفصیلات کے مطابق وفد میں ممبران قومی اسمبلی طاہر اقبال چوہدری، میاں محمّد شفیق ارائیں، سید فخر امام، ظہور حسین قریشی، احمد حسین ، ملک محمد عامر ڈوگر، مخدوم زین حسین قریشی، محمد ابراہیم خان، رانا محمّد قاسم نون، اورنگزیب خان کھچی، محمد غفار وٹو، محمد فاروق اعظم ملک، مخدوم سید سمیع الحسن گیلانی ، سید مبین احمد، چودہری جاوید اقبال وڑائچ ، مخدوم باسط بخاری ، عامر طلال گوپانگ، عبد المجید خان نیازی، نیاز احمد جھاکڑ، خواجہ شیراز محمود ، امجد فاروق خان کھوسہ، سردار محمد خان لغاری، سردار جعفر خان لغاری، سردار نصراللہ خان دریشک، سردار ریاض محمود خان مزاری شامل۔

    ملاقات میں وزیر خارجہ شاہ محمود قریشی، وزیر منصوبہ بندی خسرو بختیار، وزیر نیشنل فوڈ سکیورٹی صاحبزادہ محبوب سلطان، وزیر مملکت شبیر علی قریشی اور وزیر مملکت حماد اظہر بھی موجود تھے

    اراکین نے بجٹ پاس ہونے پر وزیر اعظم کو مبارکباد دی اور حکومتی معاشی ٹیم کی کاوشوں کو سراہا۔

  • بھارت کی پاکستان اور چین کے ساتھ بیک وقت جنگ ،عزائم کھل کر سامنے آگئے ہیں.چین کا دعویٰ

    بھارت کی پاکستان اور چین کے ساتھ بیک وقت جنگ ،عزائم کھل کر سامنے آگئے ہیں.چین کا دعویٰ

    بیجنگ:چین نے دعویٰ کیا ہے کہ بھارت پاکستان اور چین کے ساتھ جنگ کرنے کی تیاری کررہا ہے. بھارت پاکستان اور چین کی سرحدوں کے ساتھ اپنی افواج کی تیز ترین نقل وحرکت میں بھی بہتری لا رہاہے .بھارت نے پچھلے 4 سالوں سے اپنی تین کور کو پاکستان اور چین کی سرحد کی طرف منتقل کررہاہے.

    چین کا کہنا ہے کہ بھارت نے اپنی افواج کو مستقبل میں ممکنہ جنگ کے لیے اس لیے اس قدر تیار کیا ہے کیونکہ بھارت اس سے پہلے کارگل کے محاذ پر بہت زیادہ نقصان اٹھا چکا ہے.چین نے یہ بھی انکشاف کیا ہے کہ بھارت کو اس سلسلے میں چند دیگر ممالک کی سپورٹ بھی حاصل ہے. بھارت کے وزیر اعظم نریندرا مودی اپنے دوسرے دور حکومت میں انہیں پہلووں پر زور دیں گے اور ا پنی افواج کو پاکستان اور چین کے خلاف ممکنہ جنگ کے لیے بہترین منصوبہ بندی کے لیے ہر قسم کی مدد بھی فراہم کریں گے.

  • ٹوٹی انگلی کے ساتھ میچ کھیل کر پاکستان کو افغانستان کیخلاف فتح دلوائی، بھارتی میڈیا کی ستائش

    ٹوٹی انگلی کے ساتھ میچ کھیل کر پاکستان کو افغانستان کیخلاف فتح دلوائی، بھارتی میڈیا کی ستائش

    پاکستان کے اس دلیر کھلاڑی جس نے ٹوٹی انگلی کے ساتھ شاندار بیٹنگ کر کے پاکستان کو افغانستان کے خلاف میچ جیتنے میں اہم کردار اد اکیا، کو زبردست خراج تحسین پیش کیا جارہا ہے.

    باغی ٹی وی کی رپورٹ‌ کے مطابق افغانستان کے خلاف میچ کے دوران فیلڈنگ کرتے ہوئے پاکستانی کھلاڑی وہاب ریاض کی انگلی زخمی ہو گئی اور فریکچر آ گیا تھا تاہم وہ ٹوٹی انگلی سے کھیلتے رہے اور بہترین بیٹنگ کرتے ہوئے آخری اوورز میں ایک چوکا اور ایک چھکا بھی لگایا جس سے پاکستان پریشر سے کافی حد تک نکل آیا.

    بھارتی میڈیا نے وہاب ریاض کی زبردست ستائش کرتے ہوئے کہا ہے کہ انہوں نے ٹوٹی انگلی کے ساتھ کھیل کر پاکستانی ٹیم کو فتح دلوائی. بھارتی میڈیا نے وہاب ریاض کی تعریف کرتے ہوئے کہا کہ انہوں نے کور پر ایسا شاندار چوکا لگایا کہ ایسا محسوس ہوا کہ یہ شارٹ کسی بڑے بیٹسمین نے کھیلی ہے. واضح رہے کہ وہاب ریاض‌نے عماد وسیم کے ساتھ مل کر پاکستانی ٹیم کو فتح دلوانے میں اہم کردار اد اکیا.

  • گیس صارفین کے پانچ گروہ ،وزارت پٹرولیم نیا پلان لے آئی

    گیس صارفین کے پانچ گروہ ،وزارت پٹرولیم نیا پلان لے آئی

    اسلام آباد: وزارت پٹرولیم نےکہا ہے کہ اضافے کے باوجود 45 فیصد گیس صارفین پر کوئی بوجھ نہیں پڑے گا۔وزارت پیٹرولیم کے ترجمان نے کہا کہ اوگرا نے آئندہ مالی سال کے لیے 541 ارب روپے کا ریونیو ٹارگٹ رکھا ہے، موجودہ گیس ٹیرف سے 144 ارب روپے کے مالیاتی خسارے کا سامنا ہوگا جس سے بچنے کے لیے گیس کی قیمتوں میں اضافہ ناگزیر تھا تاہم اضافے کے باوجود 45 فیصد گیس صارفین پر کوئی بوجھ نہیں پڑے گا۔گھریلو صارفین کے تحفظ کے لیے سلیبز کا ڈھانچہ تبدیل کیا گیا، 95 فیصد گھریلو صارفین کو 104 ارب روپے کی سبسڈی بھی دی جائے گی۔گیس صارفین کے لیے پانچ سلیب بنا دی ہیں جس کے تحت پہلی سلیب میں کوئی تبدیلی نہیں کی گئی، ایک ایم ایم بی ٹی یو گیس استعمال کرنے والوں کا بل 121 روپے ہی رہے گا.

    جب کہ دوسری سلیب کا بل 572 سے بڑھا کر 933 روپے کر دیا گیا ہے یعنی تین ایم ایم بی ٹی یو گیس استعمال کرنے والے صارفین کے بل میں 361 روپے اضافہ کیا گیا ہے۔

    تیسری سلیب میں 1406 روپے کا اضافہ کیا گیا ہے یعنی 7 ایم ایم بی ٹی یو گیس کے استعمال پر بل 2305 سے بڑھا کر 3712 کر دیا گیا ہے جب کہ چوتھے سلیب میں 4406 روپے اضافہ کیا گیا ہے یعنی چوتھی سلیب کا بل 3589 روپے سے بڑھا کر 7995 روپے کر دیا گیا۔

    اسی طرح پانچویں سلیب کے صارفین کا بل 13 ہزار 508 سے بڑھا کر 14 ہزار 373 روپے کر دیا گیا ہے یعنی 14 ایم ایم بی ٹی یو گیس استعمال والے صارفین کے بل میں 865 روپے اضافہ کیا گیا ہے۔

  • مقبوضہ بیت المقدس:اسرائیلی فوج کا کریک ڈاون، 19 فلسطینی گرفتار

    مقبوضہ بیت المقدس:اسرائیلی فوج کا کریک ڈاون، 19 فلسطینی گرفتار

    مقبوضہ بیت المقدس :اسرائیلی قابض فوج نےفلسطین کے مقبوضہ بیت المقدس میں فلسطینی شہریوں کے خلاف وحشیانہ کریک ڈاون میں کم سے کم 19 فلسطینیوں کوحراست میں لے لیا ہے۔ قابض فوج کےکریک ڈاوں میں حراست میں لیے گئے بیشتر فلسطینیوں کا تعلق وسطی القدس کے عیسویہ قصبے سے ہے۔ قابض فوج نے شہید فلسطینی محمد سمیر عبید کے اہل خانہ کے متعدد افراد کو بھی حراست میں لے لیا۔ ان میں ایک خاتون بھی شامل ہیں۔

    خیال رہے کہ گذشتہ دو روز سے بیت المقدس کی مختلف کالونیوں میں صہیونی فوج نے فلسطینیوں کے خلاف غیرمسبوق کریک ڈاون اور پرتشدد حربوں کا استعمال شروع کیا ہے جس میں درجنوں فلسطینی گرفتار اور 50 کو زخمی کردیا گیا ہے۔تشدد کا سلسلہ دو روز قبل اسرائیلی فوج کےہاتھوں ایک بیس سالہ فلسطینی محمد سمیر عبید کی وحشیانہ شہادت کےبعد اس وقت شروع ہوا جب فلسطینی شہریوں‌نے بے گناہ نوجوان کوبےدردی سے شہید کیے جانے کے خلاف احتجاج شروع کیا۔

  • مانسہرہ، جیپ کھائی میں گرنے سے 4 افراد جاں بحق، سات زخمی

    مانسہرہ، جیپ کھائی میں گرنے سے 4 افراد جاں بحق، سات زخمی

    مانسہرہ میں خوفناک حادثہ پیش آیا ہے اور ایک جیپ گہری کھائی میں گرگئی ہے.

    باغی ٹی وی کی رپورٹ کے مطابق یہ حادثہ گھڑی حبیب اللہ کے قریب گلی میرا کے مقام پر پیش آیا ہے جہاں‌ جیپ کھائی میں گری. مقامی پولیس کا کہنا ہے کہ اس حادثہ میں چار افراد جاں بحق، سات زخمی ہوئے ہیں.

    پولیس کا کہنا ہےکہ زخمیوں‌ کو ہسپتال منتقل کر دیا گیا ہے. ا س افسوسناک حادثہ پر علاقہ میں غم کی فضا ہے. جیپ کھائی میں گرنے کے بعد مقامی لوگوں نے بھی امدادی کاروائیوں‌ میں حصہ لیا اور زخمیوں‌ کو ہسپتال پہنچانے میں مدد فراہم کی.

  • قطر سے پاکستان کو پہلی قسط میں کتنی بڑی رقم دی گئی؟ اہم خبر آ گئی

    قطر سے پاکستان کو پہلی قسط میں کتنی بڑی رقم دی گئی؟ اہم خبر آ گئی

    قطرسے پاکستان کو 50 کروڑ ڈالرز کی پہلی قسط مل گئی ہے. قطری امداد ملنے سے زرمبادلہ کے ذخائر میں اضافہ ہوگا.

    باغی ٹی وی کی رپورٹ کے مطابق پاکستانی وزارت خزانہ کے ذرائع کا کہنا ہے کہ قطر نے تین ارب ڈالرزکی امداد کا اعلان کیا تھا جبکہ قطر کی طرف سے یہ امداد ملنے سے زرمبادلہ کے ذخائر میں اضافہ ہوگا. پہلی قسط سے متعلق بتایا گیا ہے کہ یہ قسط 50 کروڑ ڈالر کی ہے.

    واضح رہے کہ امیر قطر نے حال ہی میں پاکستان کا دورہ کیا اور تین ارب ڈالرز کی امداد کا اعلان کیا گیا تھا. ان کا یہ دورہ بہت اہمیت کا حامل تھا اور پاکستان میں انہیں‌ خصوصی پروٹوکول دیا گیا تھا. وزیر اعظم عمران خان نے ان کی گاڑی خود ڈرائیور کی اور انہیں‌ وزیر اعظم ہاؤس لے کر گئے جہاں‌ انہیں گارڈ آف آنر بھی پیش کیا گیا تھا.

  • نعیم الحق نے 15 اراکین اسمبلی کی عمران خان سے ملاقات کی تصدیق کر دی

    نعیم الحق نے 15 اراکین اسمبلی کی عمران خان سے ملاقات کی تصدیق کر دی

    وزیر اعظم پاکستان عمران خان کے معاون خصوصی نعیم الحق نے لیگی ایم پی ایز کی وزیراعظم سے ملاقات کی تصدیق کردی ہے.

    باغی ٹی وی کی رپورٹ‌ کے مطابق انہوں‌ نے کہا ہے کہ ن لیگ کے 15 اراکین اسمبلی نے بنی گالا میں وزیراعظم عمران خان سے ملاقات کی. لیگی ایم پی ایز کی وزیراعظم سے ملاقات ڈیڑھ گھنٹہ جاری رہی.

    انہوں نے بتایا کہ لیگی ایم پی ایز نے وزیراعلیٰ پنجاب سردار عثمان بزدار کے ہمراہ وزیراعظم عمران خان سے ملاقات کی. لیگی ایم پی ایزکی اپنی قیادت سےمایوسی وزیراعظم سےملاقات میں عیاں تھی. ان کا کہنا تھا کہ لیگی ایم پی ایز نے وزیراعظم اوروزیراعلیٰ پنجاب پربھرپوراعتماد کا اظہار کیا ہے. واضح‌ رہے کہ اس ملاقات کے بعد ن لیگی حلقوں‌ میں زبردست بے چینی پائی جاتی ہے اور یہ سوال بھی اٹھایا جارہا ہے کہ کیا آنے والے دنوں‌ میں ن لیگ میں کوئی فارورڈ بلاک بننے جارہا ہے؟.

  • رانا مشہور نیب اور حکومت پر برس پڑے، کہا ہائی کورٹ‌ جاؤں‌ گا

    رانا مشہور نیب اور حکومت پر برس پڑے، کہا ہائی کورٹ‌ جاؤں‌ گا

    پاکستان مسلم لیگ ن کے رہنما اور سابق صوبائی وزیر رانا مشہود احمد خان نے اپنا نام بلیک لسٹ میں شامل کرنے اور بیرون ملک جانے سے روکے جانے پر ایک ویڈیو پیغام میں شدید ردعمل ظاہر کرتے ہوئے کہا ہے کہ وہ اس کے خلاف لاہور ہائی کورٹ جائیں گے اور اسی طرح دیگر تمام فورمز پر آواز بلند کریں‌ گے.

    باغی ٹی وی کی رپورٹ کے مطابق رانا مشہود احمد نے گفتگو کرتے ہوئے بتایا کہ میں‌ آج صبح ساڑھے چار بجے ایئرپورٹ پہنچا، میرے بچوں‌ کو چھٹیاں تھیں‌ اور میرا پہلے سے پلان تھا بیرون ملک جانے کا لیکن مجھے کہا گیا کہ
    آپ کا نام بلیک لسٹ میں شامل ہے آپ بیرون ملک کا سفر نہیں‌ کر سکتے. جب میں‌ نے سوال کیا کہ ایسا کس نے کیا ہے تو بتایا گیا کہ آپ کا نام نیب نے ڈلوایا ہے.

    انہوں نے کہاکہ مجھے ایف آئی اے والوں نے بتایا کہ ہم آپ کو اعلی‌ٰ حکام سے پوچھ کر بتاتے ہیں‌ اور پھر تین گھنٹے بعد نیب والوں کی طرف سے کہا گیا کہ آپ جاسکتے ہیں‌ لیکن جب مجھے یہ پیغام دیا گیا اس وقت تک جہاز جاچکا تھا. اس وقت میرے پاس اور کوئی چارہ نہیں‌ تھا کہ میں‌ واپس گھر آجاتا لہذا مجھے واپس آنا پڑا. انہوں‌نے کہاکہ یہ سخت زیادتی ہے. میری کردار کشی کر کے مجھے اور میرے خاندان کو نقصان پہنچایا گیا ہے. نیب لاہور مجھے کلین چٹ دے چکا ہے. پانچ سال سے جھوٹا ٹرائل کیا جارہا ہے. پہلے اربوں‌ کی بات کی گئی اور پھر تیرہ کروڑ کا ریفرنس فائل کر دیا گیا. یہ الزام بھی لگایا گیا کہ بوگس فرموں‌ کو ٹھیکے دیے گئے. حالانکہ یہ الزام بھی غلط ہے.

    انہوں نے کہاکہ میں‌ لاہور ہائی کورٹ میں مقدمہ کروں گا اور ہر فورم پر آواز بلند کروں‌ گا. میں بہت دلبرداشتہ ہوں. نیب کو اپنا ہاؤس ان آرڈر کرنا ہو گا جو اس حکومت کا آلہ کار بن چکا ہے. میں‌قانون کے تابع رہتے ہوئے ہر فورم پر آواز اٹھاؤں گا. میں‌پاکستان میں نکلوں‌ گا اور ان لوگوں‌کو ایکسپوز کروں‌گا کہ یہ کس کے آلہ کار ہیں.

    انہوں‌نے کہاکہ میں‌نے چیئرمین نیب کو خطوط بھی لکھے لیکن انہوں نے کسی خط کا جواب نہیں‌ دیا. میں یہ ویڈیو ریگولر ریلیز کروں‌ گا اور ان لوگوں‌ کو بے نقاب کروں‌ گا.