Author: +9251

سڈنی:آسٹریلوی ماہرین طب دنیا میں بڑی تیزی سے پھیلنے والے مرض ذیابطس جسے شوگر کا نام بھی دیا جاتا ہے کے بارے میں بڑے ہوش ربا انکشافات کرکے اس کے شکار افراد کی جہاں رہنمائی کی ہے وہاں خطرات سے آگاہ بھی کیا ہے. مصنوعی مٹھاس والے مشروبات یا ڈائٹ سافٹ ڈرنکس موٹاپے یا ذیابیطس سے بچاﺅ میں مددگار ثابت نہیں ہوتیں اور نہ ہی وہ چینی سے بنے مشروبات سے زیادہ صحت کے لیے فائدہ مند ہیں۔یہ دعویٰ آسٹریلیا میں ہونے والی ایک طبی تحقیق میں سامنے آیا۔

آسٹریلیا کے ایک ممتاز میڈیکل سینٹر ایڈیلیڈ میڈیکل اسکول کی تحقیق میں دریافت کیا گیا کہ محض 2 ہفتے تک مصنوعی مٹھاس کا استعمال ہی معدے میں موجود بیکٹریا میں تبدیلیاں لانے کے لیے کافی ثابت ہوتا ہے۔یہ تبدیلیاں جسم کی بلڈشوگر جذب اور کنٹرول کرنے کی صلاحیت کو بدل دیتی ہیں، جس کے نتیجے میں ذیابیطس کا خطرہ بڑھتا ہے۔اس تحقیق کے دوران 2 ہفتے تک 29 صحت مند نوجوانوں کی خدمات حاصل کی گئیں۔ان میں سے آدھے نوجوانوں کو مصنوعی مٹھاس کے کیپسول دیے گئے جو مقدار میں دن بھر میں ساڑھے 4 ڈائٹ سافٹ ڈرنکس کے کین کے برابر تھے۔باقی افراد کو عام کیپسول دیے گئے، جن میں کوئی مٹھاس نہیں تھی۔

ماہرین طب نے رضاکاروں کے معدے کے بیکٹریا کا تجزیہ کیا اور جن نوجوانوں نے مصنوعی مٹھاس استعمال کی تھی، ان کے بیکٹریا میں نمایاں تبدیلیاں دریافت کیں جبکہ اس ہارمون کا اخراج کم ہوگیا جو کہ بلڈ گلوکوز لیول کو کنٹرول کرتا ہے۔محققین کا کہنا تھا کہ محض 2 ہفتے تک مصنوعی مٹھاس کا استعمال ہی بیکٹریا کو متاثر کرکے ذیابیطس کا خطرہ بڑھا سکتا ہے۔اس سے قبل ہاورڈ میڈیکل اسکول کی تحقیق میں بتایا گیا تھا کہ ڈائٹ یا مصنوعی مٹھاس سے بننے والے مشروبات میں ایسا جز پایا جاتا ہے جو کہ میٹابولک سینڈروم کا باعث بن سکتا ہے جس کے نتیجے میں ہائی بلڈ پریشر، ہائی کولیسٹرول اور موٹاپے کا امکان ہوتا ہے۔جن افراد میں میٹابولک سینڈروم ہو انہیں امراض قلب، فالج اور ذیابیطس جیسے امراض لاحق ہونے کا بہت زیادہ خطرہ ہوتا ہے۔

SHAREFacebook Twitter

سڈنی :ویسے تو ورزش نہ کرنے کے حوالے سے دنیا بھر کے ماہرین کی مختلف آرا سامنے آتی رہی ہیں لیکن حال ہی میں آسٹریلوی ماہرین طب نے انسانی زندگی میں ورزش کے حوالے سے اہم انکشافات کر ڈالے ہیں. انہوں نے کہا ہے کہ ورزش سے دوری موٹاپے کا باعث بنتی ہے مگر یہ عادت آپ کو قبل از وقت موت کے منہ میں بھی لے جاسکتی ہے۔
یہ دعویٰ آسٹریلیا میں ہونے والی ایک تحقیق میں سامنے آیا۔ساﺅتھ آسٹریلیا یونیورسٹی کی تھقیق کے مطابق تمباکو نوشی کے بعد جسمانی طور پر غیر متحرک رہنا وہ دوسری عادت ہے جس سے کسی کی قبل از وقت موت کی پیشگوئی کی جاسکتی ہے، جس کے بعد ہائی بلڈ پریشر اور کولیسٹرول لیول کا نمبر آتا ہے۔تحقیق میں بتایا گیا کہ جو لوگ ورزش کی جگہ ٹیلیویژن دیکھنے کو ترجیح دیتے ہیں ان میں دماغی امراض الزائمر کا خطرہ 13 فیصد زیادہ ہوتا ہے۔اسی طرح ایسے افراد میں فالج کا خطرہ 37 فیصد، ذیابیطس ٹائپ ٹو کا 70 فیصد اور ہارٹ اٹیک کا 82 فیصد تک بڑھ جاتا ہے۔

محققین کا کہنا تھا کہ یہ تو چند بڑے خطرات ہیں جبکہ پھیپھڑوں، بریسٹ، جگر، معدے، مثانے اور لبلبے کے کینسر کا سامنا ہونے کا امکان بھی بہت زیادہ ہوتا ہے۔جسمانی طور پر غیر متحرک رہنا صرف جسمانی صحت پر اثرانداز نہیں ہوتا بلکہ ماضی کی رپورٹس میں یہ بات ثابت ہوچکی ہے کہ یہ عادت ڈپریشن کا خطرہ 150 فیصد تک بڑھا دیتی ہے۔ایسی ہی ایک تحقیق میں یہ بھی بتایا گیا کہ ایسے افراد میں اقدام خودکشی کا امکان 54 فیصد زیادہ ہوتا ہے۔