گلوکارہ رابی پیرزادہ بھی اپنے باپ اور چچا کی طرح دشمن سے مقابلہ کرنے کو تیار ۔ ان کا کہنا ہے کہ جس طرح ابا اورچاچا جان بارڈر پر دشمن سے جنگ لڑ رہے ہیں اسی طرح میں بھی سوشل میڈیا پر جنگ لڑ رہی ہوں ۔ گلوکارہ رابی پیر زادہ نے پریس کانفرنس کرتے ہوئے کہا کہ انہوں نے اپنے گھر والوں سے ایک سال تک یہ بات چھپائے رکھی کہ وہ شوبز میں کام کر رہی ہیں۔ انہوں نے سندھ اور سندھی ثقافت سے محبت کا اظہار بھی کیا اور کہا کہ پاکستانی میڈیا آئٹم سونگ کرنے والوں کو راتوں رات سپر سٹار بنا دیتا ہے ان کا کہنا تھا کہ پاکستانی میڈیا کو چاہیے کو وہ مثبت کام کو آگے بڑھایا کریں نہ کہ منفی کام کو ۔
رابی پیر زادہ نے کہا ہے کہ انہیں کم عمری میں ہی ٹی وی ڈراموں اور کمرشلز سے اپنی پہنچان مل گٸی تھی ۔
رابی پیر زادہ نے مزید بتایا کہ وہ اگلے ہفتے برطانیہ جائیں گی جہاں پاکستان اور بھارت میں مشترکہ ریلیز ہونے والی ایک پنجابی فلم کی شوٹنگ میں حصہ لیں گی ۔ اس کے علاوہ وہ لندن میں منعقد ایک کنسرٹ میں بھی اپنی آواز کا جادوں جگائے گی ۔
Author: +9251
-
رابی پیرذادہ اپنے والد کے نقشِ قدم پر
-
شجاع آباد : بنک مینیجر مجبوریوں کا ناجائز فائدہ اٹھانے لگ گیا
شجاع آباد (نمائندہ باغی ٹی وی) کے زرعی ترقیاتی بینک میں رشوت کا بازار گرم، متاثرین کا بینک مینیجر کے خلاف احتجاج تبادلے کا مطالبہ
تفصیلات کے مطابق شجاع آباد میں زرعی ترقیاتی بینک کے رشوت خور مینیجر کے خلاف متاثرین نے بینک کے سامنے احتجاج کیا۔ صحافیوں سے گفتگو میں متاثرین نے بتایا کہ شجاع آباد میں زرعی ترقیاتی بنک کے منیجر شفیق آرائیں نے رشوت کا بازار گرم کررکھا ہے اور بغیر رشوت کے کسی کو زرعی قرضہ جاری نہیں کرتا جو لوگ رشوت نہیں دیتے ان کو اتنے چکر لگوائے جاتے ہیں کہ ان کومجبور ہو کر رشوت دینی ہی پڑتی ہے۔ بینک مینیجر کا صارفین کے ساتھ رویہ بہت خراب ہے حتیٰ کہ بینک ملازمین بھی اس کے رویے سے تنگ ہیں۔ متاثر رانا سکندر نے بتایا کہ میں نے دو بار بینک سے ساڑھے سات لاکھ اور پھر آٹھ لاکھ روپے قرضہ لیا ہے اور دونوں بار بینک مینیجر شفیق کو 25,25 ہزار روپے رشوت دی ہے۔ اسی طرح ایک اور متاثر ملک اللہ ڈیوایا نے بینک سے ساڑھے سات لاکھ روپے قرضہ منظور کرانے کیلئے بینک منیجر شفیق کو 30 ہزار روپے رشوت دی۔ چوہدری ساجدنے بتایا کہ میرے والد نیک محمد نے بھی بینک سے تین لاکھ روپے قرضہ لینے کیلئے منیجر شفیق کو 15 ہزار رشوت دی۔خورشید نے بتایا کہ بینک سے اڑھائی لاکھ روپے قرضہ منظور کرانے کیلئے بینک منیجر شفیق کو 12 ہزار روپے رشوت دی۔ متاثرین کا کہنا ہے کہ زرعی بینک کا منیجر شفیق آرائیںقرضہ دینے کے بہانے چھوٹے اور غریب کسانوں کا خون چوس رہا ہے۔ صرف بڑے زمیندار ہیں جو اس کے عتاب کا شکار نہیں ورنہ چھوٹے زمیندار اور کسان اس سے بہت تنگ ہیں اور رشوت کے بغیر قرض کا تصور بھی نہیں۔ متاثرین نے بینک کے گیٹ کے سامنے احتجاج کرتے ہوئے ارباب اختیار سے مطالبہ کیا کہ بینک منیجر شفیق اور آرائیں کو فوری طور پر تبدیل کر کے کسانوں کیلئے بغیر رشوت قرض کے حصول کو یقینی بنایا جائے۔ بینک منیجر شفیق نے اس بارے میں کسی بھی قسم کا موقف دینے سے انکار کر دیا ہے . -
بالاکوٹ میں بھارتی فضائی آپریشن "بندر”کی عجیب وجہ تسمیہ سامنے آگئی
نئی دلی:26فروری کو بھارت کی طرف سے پاکستان کے علاقہ بالاکوٹ میں بھارتی فضائیہ کے آپریشن "بندر”کی عجیب وجہ تسمیہ سامنے آگئی. بھارتی خبر ایجنسی اے این آئی نے انڈین ایئر فورس کے ذرائع کے حوالے سے دعویٰ کیا ہے کہ اس آپریشن کو بندر کا نام اس لیے دیا گیا تھا کیونکہ بندر کی ہندو مذہب کی جنگی تاریخ میں بہت اہمیت ہے۔ آپریشن کا نام ’بندر‘ رکھنے کے پیچھے یہ منطق کار فرما تھی کہ ہندوﺅں کے بھگوان رام کی فوج کے سپہ سالار ہنومان تھے جو کہ ایک بندر تھے اور انہوں نے ہی راون کی لنکا میں آگ لگائی تھی اس لیے اس آپریشن کا نام بھی بندر رکھا گیا تھا۔
یار رہے کہ 26 فروری کوبھارت کی جانب سے پلوامہ حملے کے بعد 26 فروری کو جب بھارتی فضائیہ کے طیاروں نے پاکستان کی حدود میں دخل اندازی کی تو وہ بالاکوٹ تک پہنچ گئے تھے لیکن پاک فضائیہ نے فوری طور پر جوابی کارروائی کی جس کے باعث انڈین طیاروں کو واپس بھاگنا پڑا۔ بھارتی طیارے جاتے ہوئے اپنا پے لوڈ جابہ کے مقام پر گراگئے تھے جس کے باعث چند درخت اور ایک کوا ہلاک ہوئے تھے۔ بھارتی حملے سے اگلے روز پاکستان نے جوابی کارروائی میں بھارت کے 2 طیارے مار گرائے اور ایک پائلٹ ونگ کمانڈر ابھی نندن کو گرفتار کرلیا تھا جبکہ انڈین ایئر فورس کا ایک ہیلی کاپٹر اپنے ہی میزائل سے تباہ ہوگیا تھا۔
-
شجاع آباد : کھلی کچہری میں مسائل کا انبار
شجاع آباد ( نمائندہ باغی ٹی وی) وزیراعلی پنجاب عثمان بزدار کے حکم پر ڈی سی او ملتان عامر خٹک نے شجاع آباد میں کھلی کچہری لگائی کھلی کچہری میں عوام الناس نے شکایتوں کے انبار لگا دیئے
تفصیلات کے مطابق شجاع آباد کھلی کچہری میں عوام الناس نے ڈی سی او عامر خٹک کے سامنے شکایتوں کے انبار لگادیے ہیوی ٹریفک کوڑا کرکٹ سیوریج کا پانی پینے کا صاف پانی، چوری ڈکیتی پولیس کے خلاف شکایات سٹریٹ لائٹ واپڈ کے مسائل تجاوزات مافیا دکانداروں نے اپنی دکانوں کے آگے بیس بیس فٹ کے سٹال لگارکھے ہیں اور دکانوں کے آگے سرکاری فٹ پاتھ دس دس ہزار ماہانہ کرایہ پر دیے ہوئے ہیں شہر میں کھیل کے میدان کا نہ ہونا دو نمبر خوراک چینی کا سٹاک اشیا خوردنوش کی قیمتوں کا فرق پیڑول پمپ ریٹ ہائی ہونا ہسپتال کے مسائل بلدیہ کے مسائل وارڈن کا غائب ہونا چنگ چی رکشوں کی بھر مار سمیت ہمیں روزانہ ہزاروں مشکلات اور پریشانی کا سامنا کرنا پڑتا ہے ڈی سی او ملتان نے عوام الناس کے مسائل سننے کے بعد فوری طور پر حل کرنے کی یقین دہانی بھی کرائی اور میڈیا نمائندگان سے پریس کانفرنس بھی کی پریس کانفرنس میں ڈی سی او ملتان عامر خٹک کا کہنا تھا کہ میں ہر جمعہ شجاعباد میں کھلی کچہری لگاؤ گا اور عوام الناس کی شکایتوں کا جلد از جلد ازالہ کیا جائے گا . رانا اظہر منیر باغی ٹی وی ملتان شجاع -
امجد صابری کی آج تیسری برسی
بھارت، نیپال، امریکا اور لندن سمیت 17 سے زائد ممالک میں پرفارمنس دینے والے قوال امجد صابری کی تیسری برسی منائی جا راہی ہے
22 جون 2016 بمطابق 16 رمضان المبارک کو جب امجد صابری اپنی رہائش گاہ سے نکل کر ایک نجی ٹی وی چینل کے پروگرام میں شرکت کے لیے جا رہے تھے تب انہیں موٹر سائکل سوار دہشت گردوں نے ٹارگٹ کلنگ کا نشانہ بنایا ۔
23 دسمبر 1976 کو کراچی کے معروف قوال گھرانے میں آنکھ کھولنے والے امجد صابری کو قوالی کا ذوق و شوق ورثے میں ملا ۔ انہوں نے قوالی کی ابتدائی تربیت اپنے والد اور بڑے بھائی سے حاصل کی ۔ اور قوالی کو منفرد انداز میں پیش کیا جو لوگوں میں بہت مقبول ہوا ۔ جتنی کم مدت میں امجد صابری نے اپنی صلاحیتوں کو منوایا اس کی مثال بہت کم ملتی ہے ۔
امجد صابری نے اپنے والد کی وفات کے بعد انہی کی پڑھی ہوئی قوالیوں کو منفرد انداز میں پیش کیا ۔ اور اپنے والد کی پڑھی ہوٸی دو قوالیوں ” تاجدار حرم ” اور بھر دو جھولی میری ” کو پڑھ کر بے پناہ شہرت حاصل کی ۔ -
امیتابھ بچن ایک نئے انداز میں
بھارتی فلم ” گلابو شتابو ” میں بھارتی فلمی اداکار امیتابھ بچن بلکل الگ کردار ادا کریں گے ۔ اس فلم کی شوٹنگ کا آغاز یو چکا ہے جو ایک مہینے میں مکمل ہوجائے گا ۔ اس فلم کے کچھ سین بمبئی میں شوٹ کیے گے ہیں جبکہ باقی شوٹس لکھنئو کے علاقے میں لیے جائیں گے ۔
اس فلم میں امیتابھ بچن موٹی ناک اور ہائی پاور عینک ، ماتھے پر شکن اور سفید داری کے ساتھ جلوہ گر ہوں گے ۔ اس فلم کی کہانی جوہی چترویدی نے لکھی ہے جبکہ اس فلم میں امیتابھ بچن کے ساتھ ایوشمان کھرانہ بھی اپنی اداکاری کے جوہر دکھائیں گے ۔
فلم میں لکھنوٰ کی سینئر آرٹسٹ ارچنا شکلا آیوشمان کھرانہ کی ماں کاکردار نبھائیں گی جو کہ امیتابھ بچن کی کرائے دار ہوں گی ۔اس فلم کے کچھ سین تاریخی مقامات پر شوٹ کیے جائیں گے ۔یہ فلم 24 اپریل 2020 میں ریلیز ہوگی ۔ -
فردوس عاشق اعوان کے بعد اب صمصم بخاری بھی مریم نواز کے خلاف میدان میں آگئے
لاہور:سابق وزیر اعطم میاں محمد نواز شریف کی صاحبزادی مریم نواز شریف کی پریس کانفرنس کو فردوس عاشق اعوان کے بعد اب صوبائی وزیر اطلاعات پنجاب صمصام بخاری نے بھی آڑے ہاتھوں لے لیا .صمصام بخاری نے مریم نواز شریف کو مشورہ دیتے ہوئے کہا کہ بہتر ہوتا کہ مریم نواز شریف اپنے بھائیوں کو پاکستان واپس آنے کا اعلان کرتیں.مریم نواز شریف پریس کانفرنس کے ذریعے حکومت پر دباو بڑھانے کی کوشش کررہی ہیں. جو ناکا م ہوگی.
صوبائی وزیر اطلاعات نے مریم نواز شریف کو مخاطب کرتے ہوئے کہا کہ وہ تنقید ضرور کریں لیکن کرپشن کا حساب بھی تو دیں.صوبائی وزیر نے مریم نواز شریف کو آڑے ہاتھوں لیتے ہوئے کہا کہ وہ حقائق کو صیح پیش نہیں کررہیں. یاد رہے کہ سابق وزیر اعظم نواز شریف کی اسلام آباد ہائی کورٹ سے درخواست مسترد ہونے کے بعد مریم نواز شریف کی طرف سے مسلسل ایسے بیان اور ٹویٹس آرہی ہیں جس سے پریشانی کھل کر سامنے آرہی ہے.
-
گلیشئر ختم ہو رہے ہیں
یونیورسٹی آف الاسکا‘ میں قائم ’فیئربینکس جیو فزیکل انسٹی ٹیوٹ‘ میں تحقیق سے وابستہ معاون پروفیسر، اور مطالعاتی رپورٹ کی سربراہ، اینڈی ایشوینڈن نے کہا ہے کہ اگر کاربن ڈائی آکسائیڈ گیس اسی طرح خارج ہوتی رہی تو آئندہ ہزاروں سالوں میں گرین لینڈ کی سات گز چوڑی تہہ مکمل طور پر پگھل جائے گی ۔ جس کے برے اثرات سمندروں کے ساتھ ساتھ انسانوں پربھی پڑے گے ۔
یہ انکشاف دنیا بھر میں سطح سمندر کے بارے میں ہونے والی مطالعاتی رپورٹ میں کیا گیا ہے۔اس مطالعاتی رپورٹ میں ناسا سے حاصل کردہ ’آئس برج‘ کی فضائی رپورٹ استعمال کی گئی ہے۔ یہ رپورٹ ’سائنس ایڈوانسز‘ میگزین میں شائع ہوئی ہے۔
ناسا کا کہنا ہے کہ اگر یہی صورتحال رہی تو آٸیندہ 200 سال میں برف کی چالیس فیصد طے پگھل چکی ہوگی ۔
رپوٹ کے مطابق گذشتہ دو عشروں میں سمندری پانی کافی گرم ہو چکا ہے جس کی وجہ سے یہ برف پگھلتی دکھائی دے رہی ہے ۔ برف پگھلنے کے نتیجے میں گلیشیر کو روکنے والی راہیں ختم ہوتی جارہی ہیں اور گلیشٸیرز کے لیے راستے کھلتے جارہے ہیں ۔
ان حقائق سے معلوم ہوتا ہے کہ اگر موجودہ رفتار جاری رہی تو اگلے 200 برسوں کے دوران، عالمی سطح سمندر میں 48 سے 160 سینٹی میٹر (19سے 63 انچ) پانی کی سطح کا اضافہ ہوگا۔
موسمیاتی تبدیلی سے متعلق اقوام متحدہ کی بین الحکومتی فیصلہ ساز کمیٹی نے بتایا ہے کہ عالمی ماحولیاتی بگاڑ سے بچنے کے لیے جلدی اصلاح کی ضرورت ہوگی۔ کمیٹی نے اس صورتحال کو سوچ سے زیادہ خطر ناک قرار دیا ہے ۔ -
پاکستان ریلوے نے بھی عوام پر مہنگائی کا بم گرا دیا
ریلوے کے کرایوں میں اضافہ،ریل کا سستا سفر بھی مہنگا ہوگیا
موجود حکومت نے اس سے قبل گزشتہ برس دسمبر میں بھی ٹرینوں کے کرایوں میں دس سے 19 فیصد تک اضافہ کر دیاتھا۔ جس کا اطلاق سات دسمبر سے ہوا۔پاکستان ریلوے کے جاری کردہ نوٹیفکیشن کے مطابق کراچی سے لاہور جانے والی قراقرم ایکسپریس اور گرین لائن کے ای سی بزنس کے کرائے میں 500 روپے کا اضافہ کیا گیا ہے جب کہ اکانومی کلاس کے کرایوں میں 170 روپے کا اضافہ کر دیا گیا ہے۔کراچی ایکسپریس، بزنس ایکسپریس، شالیمار، شاہ حسین ایکسپریس کے اے سی سلیپرکرایوں میں 670 روپے، اے سی بزنس میں540 روپے اور اے سی پارلر میں 390 روپے کا اضافہ کیا گیا ہے۔اے سی اسٹینڈرڈ کے کرائے میں 380 روپے جب کہ اکانومی کے کرائے میں 180 روپے کا اضافہ کیا گیا ہے۔ اسی طرح کراچی سے پشاور جانے والی خیبر میل کے ای سی سلیپر میں 850 روپے، اے سی بزنس میں 600 روپے، ای سی اسٹینڈرڈ میں 490 روپے اور اکانومی کلاس میں 190 روپے کا اضافہ کیا گیا ہے۔کراچی سے راولپنڈی جانے والی تیز گام کے اے سی سلیپرمیں 890 روپے، اے سی بزنس میں 660 روپے، اے سی اسٹینڈرڈ میں 530 روپے اور اکانومی کلاس میں 210 روپے کا اضافہ کیا گیا ہے۔کراچی سی فیصل آباد جانے والی ملت ایکسپریس کے اے سی بزنس میں 540 روپے اور اکانومی میں 160 روپے کا اضافہ کردیا گیا ہے جب کہ کراچی سے ملتان جانے والی بہاؤالدین ذکریا کے اے سی بزنس میں 480 روپے، اے سی اسٹینڈرڈ میں 360 روپے اوراکانومی کلاس میں 140 روپے کا اضافہ کیا گیا ہے۔کراچی سے راولپنڈی جانے والی کراچی ایکسپریس کی اکانومی کلاس میں 250 روپے کا اضافہ کیا گیا ہے جب کہ کراچی سے سکھرجانے والی اے سی سلیپرمیں 350 روپے، اے سی بزنس میں 230 روپے، اے سی اسٹینڈرڈ میں 180 روپے جب کہ اکانومی کلاس میں 80 روپے کا اضافہ کیا گیا
-
پاکستان نے ایف اے ٹی ایف سے متعلق بھارتی بیان بازی مسترد کر دی، کہا ہمیں مشورے دینے کی ضرورت نہیں
امریکی ریاست فلوریڈا میں ایف اے ٹی ایف کے اجلاس میں پاکستان سے متعلق ہونے والی بحث کو بھارت سیاسی رنگ دینے سے باز رہے . بھارت پہلے اپنے رویے دیکھے .پاکستان ایف اے ٹی ایف پر اپنی تجاویز اپنے پاس رکھے ہمیں ایسا مشورہ دینے کی ضرورت نہیں. نہ ہی پاکستان بھارتی تجاویز کا سننے کا پابند ہے. پاکستان پہلے ہی ایف اے ٹی ایف پر بھارتی تجاویز ،بیانات اور خیالات کونہ صرف اب مسترد کرتے ہیں بلکہ یہ تو پہلے ہی سے مسترد شدہ ہیں.
ترجمان وزارت خارجہ نے بھارت کو خبردار کرتے ہوئے کہا کہ وہ ایف اے ٹی ایف فورم کی صدارت کو آڑ بنا کر پاکستان کو بدنام کرنے سے باز رہے.پاکستان اس بات کا یہ مطالبہ کرتا ہے اور آنے والے دنوں میں اس پر فوکس کرے گےکہ ایف اے ٹی ایف کے ممبران کی تعدادمیں اضافہ کیا جائے.ترجمان نے کہا کہ بھارت منفی بیانات سے پاکستان کو نیچا دکھانے سے باز رہے.