Baaghi TV

Author: +9251

  • افغانستان بمقابلہ بھارت

    افغانستان بمقابلہ بھارت

    ورلڈ کپ کے اٹھائیسویں میچ میں آج افغانستان بھارت کا مقابلہ کرے گی. افغانستان ورلڈ کپ کے 5 میچز کھیل چکی ہے اور سارے ہار چکی ہے. افغانستان کو ایک میچ میں بھی فتح نصیب نہ ہوئی. دوسری جانب بھارت 4 میچز کھیل چکی ہے اور ایک میں بھی شکست نہ ملی. پوائنٹس ٹیبل پر بھارت چوتھے اور افغانستان آخری نمبر پر ہے.

    باغی ٹی وی کی رپورٹ کے مطابق شیکھر دھون آج کا میچ بھی نہیں کھیلیں گے مگر روہت شرمہ آج کے میچ میں بھی اچھا کھیل دکھانے کا ارادہ رکھتے ہیں. دونوں ٹیمز کی جانب سے پلیئنگ الیون میں کوئی تبدیلی نہیں کی جائے گی. بھارت آج کا میچ بھی جیتنے کے لیے پر عزم ہے.

  • میثاق معیشت عمران خان نے اسد قیصر کی تجویز قبول کرلی

    میثاق معیشت عمران خان نے اسد قیصر کی تجویز قبول کرلی

    اسلام آباد: پاکستان میں میثاق جمہوریت کے بعد جمہوری ایوانوں میں اب میثاق معیشت کی بازگشت گونج رہی ہے. ذرائع کے مطابق اسپیکر قومی اسمبلی اسد قیصرکی کوششوں سے وزیراعظم عمران خان نے اپوزیشن کی جانب سے میثاق معیشت کی پیشکش قبول کرلی ہے۔اسپیکر قومی اسمبلی سوشل میڈیا پر جاری بیان کے مطابق وزیر اعظم عمران خان میثاق معیشت کے لیے پارلیمان کی خصوصی کمیٹی تشکیل دینے کو تیار ہیں۔ وزیر اعظم سے ملاقات کی ہے جس میں قانونی، سیاسی اور اقتصادی امور زیر بحث آئے، وزیراعظم نے معاشی چیلنجز سے نمٹنے کے لیے میثاق معیشت پر خصوصی کمیٹی بنانے پر اتفاق کیا۔

    اس عظیم قومی مقصد کے لیے اپوزیشن کو اعتماد میں لیں گےاورخصوصی کمیٹی صرف موجودہ معاشی حالات کا جائزہ لے گی اور حل پیش کرے گی۔انہوں نے کہا کہ حکومت اور اپوزیشن ملک کے وسیع تر مفاد میں اپنا بہترین کردار ادا کریں گے۔یاد رہے کہ قومی اسمبلی میں ملکی معاشی صورتحال کے حوالے سے اپوزیشن لیڈر شہباز شریف نے حکومت کو میثاق معیشت کی پیشکش کی تھی جس کو پہلے نظرانداز کیا گیا تھا۔

  • اسلام آباد:پولیس نے فرشتہ کے قاتل گرفتار کرلیے

    اسلام آباد:پولیس نے فرشتہ کے قاتل گرفتار کرلیے

    اسلام آباد:بالآخر اسلام آباد پولیس فرشتہ نامی بچی کے قاتل گرفتار کرنے میں کامیاب ہوگئی.پولیس ذرائع کے مطابق 10 سالہ بچی کو ریپ کے بعد قتل کردیا گیا تھا.پولیس نے اس سلسلے میں بہت سی گرفتاریاں بھی کیں تھیں لیکن فرشتہ کے قاتلوں تک پہنچنے میں ناکام رہی.پولیس نے پنجاب فارینزک سائنس ایجنسی کو اس بچی کے ڈی این اے بھی بھیجے تھے جس کے بعد قاتلوں کی گرفتاری میں مدد ملی .یہ ڈی این اے فرشتہ کے کپڑوں سے حاصل کیے گئے تھے. اس سلسلے میں 150 سے زائد مشتبہ افراد کے ڈی این اے لیے گئے تھے .پولیس ذرائع کا کہنا ہے کہ رپورٹ سے یہ معلوم ہوتا ہے کہ فرشتہ کو قتل کرنے سے پہلے ریپ نہیں کیا گیا تھا.

    پولیس ذرائع کے مطابق قاتل اس بچی کی نعش کو وفاقی دارالحکومت کے علاقے شہزاد ٹاون کے جنگل میں پھینک کر فرار ہوگئے تھے.پولیس ذرائع کے مطابق بچی کے ایک قریبی رشتہ دارکو بھی شک کی بنیاد پر گرفتار کیا تھا .اس کے علاوہ ان تین پولیس اہلکاروں کے خلاف انکوائری کی جارہی ہے جنہوں نے فرشتہ کے قاتلوں کو تلاش کرنے میں سستی اور نااہلی کا مظاہرہ کیا

    فرشتہ نامی لڑکی 15 مئی کو اچانک لاپتہ ہوگئی تھی .بچی کے باپ گل نبی نے بتایا ہے کہ وہ بچی کے غائب ہونے پر اس تلاش کرنے کی سرتوڑ کوششیں کرتے رہے لیکن ناکام رہے .پولیس نے بھی ہمارے ساتھ کسی قسم کا تعاون کرنے سے انکار کردیا تھا .اسلام آباد سے ذرائع نے بتایا ہے کہ پولیس کا دعویٰ ہے کہ گرفتار ہونے والا شخص ہی فرشتہ کا قاتل ہے جس کے خلاف مزید تحقیقات کی جارہی ہیں.

    The girl went missing on May 15, said her father Gul Nabi, adding that they approached the police fearing she had been abducted after they were unable to find her, but the police refused to register an FIR.

  • عمران خان ظلم اتنارکریں جتناکل برداشت کرسکیں،بلاول بھٹوعمران خان پربرس پڑے

    عمران خان ظلم اتنارکریں جتناکل برداشت کرسکیں،بلاول بھٹوعمران خان پربرس پڑے

    نواب شاہ:سابق وزیر اعظم بے نظیر بھٹو کی تاریخ پیدائش کے موقع پر پاکستان پیپلز پارٹی کے شریک چیئر مین بلاول بھٹو زرداری نے عمران خان پر سخت تنقید کا نشانہ بناتے ہوئے کہیں دبے دبے لفظوں میں خبردار کیا اور کہا کہ عمران خان ظلم اتناکریں جتناکل کو وہ برداشت کرپائیں.عوامی اجتماع سے بڑا جزباتی خطاب کرتے ہوئے بلاول بھٹو زرداری نے کہا حکومت احتساب کے نام پر انتقام لے رہی ہے مجھے جمہوریت کا سورج ڈوبتا ہوا نظر آرہا ہے.ملک میں نیب گردی اور معیشت ساتھ ساتھ نہیں چل سکتے .احتساب کے نام پر جھوٹ بولا جارہا ہے. اس وقت ایک پاکستان عمران خان کا ہے اور ایک پاکستان عوام کا ہے .عمران خان پر سخت تنقید کرتے ہوئے کہا کہ یہاں لوگ چندہ مانگ کر ہپستال بناتے ہیں اور پھر اس کی بنیاد پر ووٹ مانگتے ہیں.

    بلاول بھٹو زرداری نے کہا کہ حکومت صوبوں کے حقوق ختم کرنا چاہتی ہے. اس وقت پیپلز پارٹی حکومت کے راستے میں ایک رکاوٹ ہے.بلاول نے عمران خان کو مخاطب کرتے ہوئےکہا کہ وہ دعا کریں کہ آصف علی زرداری کی حکومت آئے .آصف علی زرداری کی حکومت آئی تو وہ عمران خان سے بدلہ نہیں لے گا.اور اگر مولانا فضل الرحمن کی حکومت آئی تو مولانا صاحب خان صاحب کو سنگسار کیا جائے گا.مریم نواز سے ہمدردی کا اظہار کرتے ہوئے اور خبردار کرتے ہوئے کہا کہ اگر ن لیگ کی حکومت آئی تو یاد رکھو کہ آپ کے گھر میں خواتین ہیں.بلاول نے عمران خان کو خبردار کرتے ہوئے کہا یاد رکھو کہ شہید بے نظیر کی بیٹی کو آپ رلا رہے ہیں آپ سے ایک ایک آنسو کا حساب لیا جائے گا. بزدل لوگ ہی خواتین اوربزرگوں کونشانہ بناتےہیں.ہم جانتےہیں آصف زرداری کوانتقام کانشانہ کیوں بنایاجارہاہے.

    عمران خان کو بار بار تنقید کا نشانہ بناتے ہوئے کہا خان صاحب آپ 70 سال کےبوڑھےاورمیں نوجوان ہوں.میں حساب لوں گاان مزدوروں کاجن کی آپ نےکمرتوڑی .میں حساب لوں گاان غریبوں کاجن کوآپ نےبےگھرکیا.بلاول بھٹو زرداری نے حکومت کو خبردار کیا کہ وہ آصف علی زرداری کے خلاف کسی قسم کے اقدامات سے باز رہے.

  • موبائل اب چند مینٹ میں چارج

    موبائل اب چند مینٹ میں چارج

    سمارٹ فون تو ہر کوئی رکھنا چاہتا ہے لیکن اس کی گھنٹوں چارجنگ کرنے والی اذیت سے ہر کوئی پریشان ہے ۔ لیکن اب یہ پریشانی بھی حل ہونے کے قریب ہے ۔ چین کی ایک ویوو نامی کمپنی نے سمارٹ فون رکھنے والوں کی الجھن کو آسانی میں بدل دینے کا فیصلہ کیا ہے ۔ ویوو نامی کمپنی نے جدید تیز ترین چارجنگ ٹیکنالوجی متعارف کروائی ہے جس کی وجہ سے اب سمارٹ فومن رکھنے والے لوگ اپنا فون صرف 13 منٹ میں چارج کر لیں گے ۔
    چینی کمپنی ویوو نے سوشل میڈیا سائٹ ویبو پر یہ اعلان کیا ہے کہ وہ 26 جون کو شنگھائی میں شیڈول موبائل ورلڈ کانگریس میں یہ تیز ترین چارجنگ ٹیکنالوجی متعارف کرانے والی ہے۔ اس کی بدولت پچاس فیصد بیٹری صرف پانچ منٹ میں چارج ہوجاٸے گی ۔
    اس ٹیکنالوجی کی بدولت ویوو کمپنی ، ون پلس، ہواوے اور اوپو کے مقابلے پر آگئی ہے۔ اس چارجنگ ٹیکنالوجی کی بدولت 4000 ایم اے ایچ بیٹری صرف اور صرف 13 منٹ میں چارج ہوجائے گی ۔
    ویوو کمپنی اس سے بھی تیز ترین ٹیکنالوجی متعارف کرانے کا ارادہ رکھتی ہے جس کی تفصیلات اگلے ہفتے ایونٹ میں سامنے آئیں گے جس میں یہ کمپنی اپنا پہلا 5 جی اسمارٹ فون اپیکس 2019 بھی پیش کرے گی ۔

  • فیس بک کی اپنے صارفین کے لیے ایک اور آسانی

    فیس بک کی اپنے صارفین کے لیے ایک اور آسانی

    آن لائن بینکنگ کے بعد پیش خدمت ہے ڈیجیٹل کرنسی ” لبرا ” کوائن ۔
    آن لائن بینکنگ سے بات آگے بڑھانے کے لیے فیس بک انتظامیہ نے ڈیجیٹل کرنسی ” لبرا ” کوائن متعارف کروانے کا اعلان کیا ہے ۔ یہ کرنسی 2020 تک عام استمال میں آجائے گی ۔ اور اس کرنسی کو واٹس اپ اور مسینجر کے ذریعے منتقل کیا جاسکے گا ۔ جس سے وہ سب لوگ فائدہ اٹھا سکیں گے جو بینک اکاونٹ ہولڈر نہیں ہیں ۔بینک اکاونٹ نہ رکھنے والے لوگ اس کرنسی سے آن لائن خریداری بھی کر سکیں گے ۔ فیس بک انتظامیہ اس سہولت کے بدلے انتہائی معمولی معاوضہ وصول کرے گی ۔ فیس بک ذرائع کے مطابق 2020 میں یہ کرنسی عام لوگوں کے استعمال میں بھی آجاٸے گی اور اس سے اگلے مرحلے میں لبرا کرنسی آف لائن ادائیگی کے لیے بھی استعمال ہوگی اور لوگ اسے ٹراسپورٹ میں سفر کے لیے بھی استعمال کر سکیں گے ۔ لبرا کوائن کی پشت پر ویزا اور ماسٹر کارڈ جیسے ادارے ہیں جبکہ دیگر ادارے ادائیگی کے اس طریقے کو مستقبل میں قبول کریں گے ۔

  • پاکستان ایکشن پلان پرسختی سے عمل کرے،ایف اے ٹی ایف کا ایک اور مطالبہ سامنے آگیا

    پاکستان ایکشن پلان پرسختی سے عمل کرے،ایف اے ٹی ایف کا ایک اور مطالبہ سامنے آگیا

    فلوریڈا:امریکہ کی ریاست فلوریڈا میں 16 جون سے 21 جون تک جاری رہنے والے ایف اے ٹی ایف کے اجلاس کے اختتام پر اعلامیہ جاری کرتے ہوئے پاکستان سے مزید مطالبات کیے گئے ہیں. اس اجلاس کے اختتام پر ایف اے ٹی ایف حکام نے پاکستان کو ایف اے ٹی ایف کی طرف سے دیئے گئے ایکشن پلان پر سختی سے عمل کرنے کی ہدایت کی گئی ہے. اور یہ مطالبہ کیا گیا ہے کہ پاکستان عمل درآمد کو یقینی بنائے.

    ایف اے ٹی ایف نے کہا ہے کہ وہ پاکستان کےتکنیکی بنیادوں پر کیےگئےاقدامات سے مطمئن ہے. حکام نے پاکستان کو یہ بھی باور کرایا کہ پاکستان اکتوبر2019تک گرے لسٹ میں شامل رہےگااورپاکستان کو اکتوبر 2019تک تمام نکات پر عمل درآمد کی آخری مہلت دی گئی ہے. یاد رہے کہ پاکستان کے خلاف بھارت کی طرف سے پیش کی جانے والی قرار داد کو اس وقت ناکامی کا سامنا کرنا پڑا جب ترکی،چین اور ملائشیا نے بھارتی الزامات کو مسترد کرتے ہوئے پاکستان کے موقف کی حمایت کی

  • پب جی گیم حرام

    پب جی گیم حرام

    دنیا بھر میں تیزی سے مقبول ہونے والی معروف گیم پلیئر آن ناؤنز بیٹل گراؤنڈز پب جی کو کھیلنا انڈونیشیا کے عالم دین نے حرام قرار دے دیا ۔ انڈونیشیا کے عالم دین نے اس گیم پر فتوی دیتے ہوئے اسے مکمل حرام قرار دیا ہے ۔ انڈونیشیا کے مذہبی سکالر کا کہنا ہے کہ قیامت برپا ہونے سے پہلے انسانی تاریخ کی سب سے بڑی جنگ ہو گی جس کا نام الملحة الکبری ہے یہ جنگ اتنی خوفناک ہوگی کہ ننانوے ہارے گے اور صرف ایک جیتے گا۔ مذہبی سکالر کا کہنا ہے کہ اس گیم میں بھی بلکل ایسا دیکھایا گیا ہے ۔ اور اسی بنیاد پر انڈونیشا کے مذہبی سکالر نے اسے حرام قرار دیا ہے۔

  • ادویات کی قیمتوں میں اضافہ

    ادویات کی قیمتوں میں اضافہ

    نئی حکومت کی مہنگائی سے پریشان عوام نئی حکومت پر برس پڑے ۔ایک سال میں پانچ بار ادویات کی قیمتوں میں اضافے سے عوام انتہاٸی پریشانی کا شکار ہیں ۔ شوگر اور دل کے امراض کی دوائیوں میں سو فیصد اضافے نے عوام کو مزید پریشانی میں مبتلا کر دیا ہے ۔ شوگر اور دل کے مریضوں کو جو دوائی چار ہزار میں ملتی تھی وہی دوائی اب چھ ہزار میں ملے گی ۔ دوائیوں میں اس بے تحاشا اضافے نے مریضوں کے ساتھ ساتھ میڈیکل سٹور مالکان کو بھی پریشانی میں مبتلا کر دیا ہے ۔ ادویات میں اس پریشان کن اضافے کی وجہ سے عوام اور میڈیکل سٹور مالکان نئی حکومت پر برس پڑے ۔ ان کا کہنا تھا کہ اس نٸی تبدیلی سے تو پرانی حکومت ہی بہتر تھی۔

  • ٹریفک قوانین کیخلاف ورزی

    کوئٹہ ٹریفک قوانین کیخلاف ورزی کرنے والوں کیخلاف ایک بار پھر کریک ڈاون 155 لوگو کو چالان جبکہ 53 موٹر سائیکلیں 7 گاڑیاں 5 رکشے بند ٹریفک قوانین کے پاسداری نہ کرنے والوں کی خلاف کاروائیوں کا سلسلہ جاری رہے گا،ڈی ایس پی ٹریفک پولیس شبانہ حبیب

    صوبائی دارالحکومت میں ٹریفک قوانین کیخلاف ورزی کرنے والوں کی شامت آگئے ٹریفک پولیس نے ایسے لوگو کیخلاف کاروائیوں کا آغاز ایک بار پھر کردیا جوٹریفک قوانین کی پاسداری نہیں کرتے تفصیلات کے مطابق ڈی ایس پی ٹریفک پولیس شبانہ حبیب کے سربرائی میں ٹریفک پولیس اہلکاروں نے میزان چوک اور کشموڑ پر کاروائی کرتے ہوئے 155 لوگو کو چالان جبکہ 53 موٹر سائیکلیں 7 گاڑیاں 5 رکشے بند کردئے 27 گاڑیوں سے کالے پیپر جبکہ 4 سے جالیاں اتارے گئے ساتھ ان کو چالان بھی کیا گیا مختلف گاڑیوں اور موٹر سائیکلوں سے 52 غیر نمونے نمبر پلیٹ جبکہ 2 سے مونو گرام اتارے گئے ڈی ایس پی ٹریفک پولیس شبانہ حبیب کے مطابق میزان چوک پر کاروائی کرتے ہوئے 78لوگو کو چالان کیا گیا 11 موٹر سائیکلں سٹی تھانہ میں 4 رکشے 2 گاڑیاں جن کے پاس کاغذات نہ ہونے کی وجہ سے ایوب اسٹیڈیم میں بند کیا گیا گاڑیوں سے6 کالے پیپر جبکہ 4 جالیاں اتارے گئے جن کو چالان بھی کیا گیا گاڑیوں اور موٹر سائیکلوں سے 22 غیر نمونے نمبر پلیٹ 2مونو گرام اتارے گئے جبکہ کشموڑ پر کاروائی کرتے ہوئے 75 لوگو کو چالان کیا گیا 42 موٹر سائیکلیں 5 گاڑیاں ایک رکشے کو ایوب اسٹیڈیم میں بند کردیا گیا جبکہ21 کالے پیپر جبکہ 20 جالیاں بھی گاڑیوں سے اتارکر ان کو چالان کیا گیا جبکہ موٹر سائیکلیوں اور گاڑیوں سے 30 غیر نمونے نمبر پلیٹس اتارے گئے ڈی ایس پی ٹریفک پولیس شبانہ حبیب کی مطابق ٹریفک قوانین کے پاسداری نہ کرنے والوں کی خلاف کاروائیوں کا سلسلہ جاری رہے گا.