مظفرگڑھ پولیس نے بے نظیر انکم سپورٹ پروگرام میں فراڈ کرنے والے بڑے گینگ کو گرفتار کرلیا۔مظفرگڑھ پولیس نے تھانہ محمودکوٹ کی حدود میں کاروائی کرتے ہوئے بے نظیر انکم سپورٹ پروگرام کے کارڈز سے رقم چورانے والے گینگ کے 7ملزمان کو گرفتار کرلیا۔پولیس کے مطابق گینگ سے ڈیڑھ لاکھ روپے نقدی سمیت بے نظیر انکم سپورٹ پروگرام کے سینکڑوں کارڈز برآمد ہوئے۔ملزمان کے خلاف مقدمہ درج کرلیاگیا۔
پاکستان مسلم لیگ ن پنجاب کے صدر اور سابق صوبائی وزیر قانون رانا ثنا اللہ خان نے حیدر آباد میں جناح ایکسپریس اور مال گاڑی میں ہونے والے تصادم پر وزیر اعظم عمران خان سے مطالبہ کیا ہے کہ وہ وفاقی وزیر ریلوے شیخ رشید احمد سے استعفیٰ لیں. اس حادثہ میں جاں بحق ہونے والوں کے قتل کی ایف آئی آر شیخ رشید کے خلاف درج ہونی چاہیے.
باغی ٹی وی کی رپورٹ کے مطابق رانا ثناء اللہ نے شیخ رشید پر سخت تنقید کرتے ہوئے کہاکہ انہیں جب سے وزارت ملی ہے ٹرینوں کے حادثات بہت بڑھ گئے ہیں. آئے دن ٹرینیں پٹری سے اتر رہی ہیں. ہوتا یہ ہے کہ ہر حادثے پر راولپنڈی کا شیطان برساتی مینڈک کی طرح نالہ لئی میں چھپ جاتا ہے، اپوزیشن کے خلاف مراثی پن کے بجائے ریل اور مسافروں پر توجہ دی ہوتی تو حادثہ نہ ہوتا، نالائق اعظم مغربی جمہوریت پر چلتے ہوئے اپنے چپڑاسی سے استعفیٰ لے.
رانا ثناء اللہ نے کہاکہ حادثے میں جاں بحق ہونے والوں کا قاتل شیخ رشید ہے۔ حادثے میں جاں بحق ہونے والوں کے قتل کی ایف آئی آر شیدے ٹلی کے خلاف درج ہونی چاہیے. واضح رہے کہ ٹرینوں کے بڑھتے ہوئے حادثات پر وزیر ریلوے شیخ رشید احمد پر سخت تنقید کی جارہی ہے. رانا ثناء اللہ کے علاوہ دیگر اپوزیشن جماعتوںنے بھی شیخرشید کو تنقید کا نشانہ بنایا ہے.
مظفرگڑھ میں مقامی اخبار سے تعلق رکھنے والا صحافی پراسرار طور پر لاپتہ ہوگیا،پولیس کیمطابق لاپتہ ہونے والے صحافی کی گاڑی خون آلود حالت میں ملی ہے.مظفرگڑھ میں مقامی سے تعلق رکھنے والا صحافی گزشتہ رات لاپتہ ہوگیا،پولیس کیمطابق لاپتہ ہونے والے صحافی ذوالفقار علی کی گاڑی خون آلود حالت میں آج چوک قریشی کے قریب سے ملی ہے.ذوالفقار علی مقامی اخبار روزنامہ اوصاف سے تعلق رکھتے ہیں اور تحصیل جتوئی کے علاقے بیٹ میرہزار کے رہائشی ہیں.ذوالفقار علی کے اہلخانہ کیمطابق وہ چوک منڈا سے بیٹ میرہزار واپس آرہے تھے اور چوک قریشی کے قریب ان سے فون پر رابطہ منقطع ہواتھا.دوسری جانب پولیس کیمطابق صحافی کی گاڑی تحویل میں لیکر سائنسی بنیاد پر معاملے کی تحقیقات کی جارہی ہیں۔
پاکستانی آرمی چیف جنرل قمر جاوید باجوہ سرکاری دورے پر لندن پہنچ گئے ہیں۔ ان کا یہ دورہ پانچ روزہ بتایا جارہا ہے.
باغی ٹی وی کی رپورٹ کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر میجر جنرل آصف غفور نے سوشل میڈیا سائٹ ٹویٹر پر اپنے پیغام میں کہا ہے کہ آرمی چیف جنرل قمر جاوید باجودہ اپنے دورہ لندن کے دوران برطانیہ کی سول اور ملٹری قیادت سے اہم ملاقاتیں کریں گے جن میں باہمی دلچسپی اور دفاع کے امور سمیت دیگر اہم معاملات پر گفتگو کی جائے گی۔
COAS arrived at London, UK on official visit. Will interact with senior British Civil-Military leadership to discuss matters of mutual interest including evolving geo-strategic environment, defence and security.
— DG ISPR (@OfficialDGISPR) June 20, 2019
آئی ایس پی آر کے مطابق آرمی چیف کی برطانوی حکام سے جیو اسٹریٹجک ماحول اور سیکیورٹی امور پر بھی تبادلہ خیال ہوگا۔ جنرل قمر جاوید باجوہ برطانیہ میں عسکری قیادت سے ملاقاتیں کریں گے.
وارلڈ کپ کے سب سے بڑے مقابلے میں بھارتی تمام شایقین کو امید تھی کہ ہمیں انوشکا بھی میدان میں مقابلہ دیکھتی ہوٰے نظر اے گی لیکن ایسا نہ ہو سکا جس کی بڑی وجہ بھارتی کرکٹ بورڈ کا اپنے کھلاڑیوں پر پابندی عاید کرنا تھی بھارتی کرکٹ بورڈ نے اپنے تمام کھلاڑیوں پر پابندی عائد کی تھی کہ ورلڈکپ جیسے بڑے اور اہم ٹورنامنٹ میں کوئی بھی کھلاڑی اپنے اہل خانہ کو ساتھ نہیں رکھے گا البتہ ایونٹ کے 15 دن بعد اہلیہ کو ساتھ رکھنے کی اجازت دی گئی تھی.22جون کو ہونے والے بھارت اور افغانستان کے مقابلے میں انوشکا میدان میں شایقین کے ساتھ نظر ائیں گی.
اسلام آباد:وزیر اعطم عمران خان سے چینی وفد کی ملاقات .پاکستان اور چین کے درمیاں دو طرفہ تعلقات اور باہمی تجارت پر بات چیت کی گئی .ملاقت میں چینی وفد کو پاکستان میں سرمایہ کاری کے لیے تمام تر سہولیات بہم پہنچانے کا اعادہ بھی کیا گیا اس موقع پر وزیر اعطم عمران خان نے وزیر اعظم آفس میں تاجروں کی سہولیات کے لیے ایک سپیشل ڈیسک قائم کرنے کا اعلان کیا .
اس موقع پر عمران خان نے چینی وفد سے پاک چین دوستی کا اعادہ کرتے ہوئے کہا کہ پاکستان چین لازوال دوستی اقتصادی شراکت داری میں تبدیل ہورہی ہے .چینی وفد کو وزیر اعطم نے سی پیک کے منصوبوں میں سرمایہ کری اور ان کی بر وقت تکمیل کے لیے کوششوں کو مزید تیز کرنے کا کہا اس موقع پر وزیر اعظم نے کہ کہ پاکستان سی پیک منصوبوں کو انتہائی اہمیت دیتا ہے.
وزیر اعظم نے چینی وفد سے بات چیت کرتے ہوئے کہا کہ پاکستان مختلف شعبوں میں چین کے تجربات سے استفادہ کرنا چاہتا ہےجس کے لیے دونوں ملکوں کے درمیان باہمی شراکت داری ضروری ہے. وزیر اعظم نے وفد کو یہ بھی بتایا کہ پاکستان میں سرمایہ کاری کے بہترین مواقع ہیں.
لاہور:جیل میں ڈالناہےتوڈال دو،قیدکرناہےتوکردو،ان چیزوں سےتم ڈرتےہو،میں ڈرنے والی نہیں،سابق وزیر اعظم کی بیٹی مریم نوازکا اسلام آباد ہائی کورٹ کے فیصلے پر سخت رد عمل.اپنے بیان میں مریم نواز نے کہا ہے کہ میں اس ظلم کےخلاف آوازاٹھاوں گی،لڑوں گی،آخری حدتک جاوں گی
مریم نواز نے اس موقع پر یہ بھی کہا کہ وہ عوام کےحقیقی نمائندےنوازشریف کو ان شاء اللہ انصاف دلواکررہوں گی
مریم نواز نے کہا کہ بہت جلدعوام کےسامنے آجائےگاکہ نوازشریف کےساتھ کیا کھیل کھیلاگیا.مریم نواز اس سے قبل بھی اشاروں کنایوں میں پاکستان کے مختلف اداروں پر سخت تنقید کرتی رہی ہیں. مریم نواز نے اسلام آباد ہائی کورٹ کے فیصلے کے خلاف اپنا ردعمل دیتے ہوئے کہا کہ وہ صرف اپنےباپ کیلیےنہیں،بلکہ زنجیروں میں جکڑےان سب قیدیوں کیلیےلڑیں گی .مریم نواز نے رد عمل دیتے ہوئے کہا ہے کہ اسے یقین ہےکہ عوام کی عدالت نہ ناانصافی کرتی ہےنہ کسی کےدباومیں آتی ہے .مریم نواز کے اس ردعمل سے یہ ظاہر ہوتا ہے کہ وہ مستقبل قریب میں میاں محمد نواز شریف کے ضمانت کے لیے اپنے وکلا سے مشاورت کریں گی
وزیر اعظم پاکستان عمران خان نے ایک مرتبہ پھر قوم سے خطاب کرتے ہوئے اعتماد میں لینے کا فیصلہ کیا ہے. ان کا خطاب جمعہ کو ریکارڈ کیا جائے گا.
باغی ٹی وی کی رپورٹ کے مطابق وزیر اعظم عمران خان کا یہ خطاب ٹیکس ایمنسٹی سکیم سے متعلق ہو گا اور وہ اس حوالہ سے اب حتمی خطاب کریں گے. حکومت کی جانب سے دی جانے والی ٹیکس ایمنسٹی سکیم کے حوالے سے وزیر اعظم عمران خان متعدد بار قوم سے خطاب کرچکے ہیں تاہم اب ایک مرتبہ پھر انہوں نے اس حوالہ سے قوم کو اعتماد میں لینے کا فیصلہ کیا ہے.
واضح رہے کہ چند دن قبل بھی وزیر اعظم عمران خان نے رات بارہ بجے خطاب کیا تھا تاہم اس دوران ٹی وی انتظامیہ کی جانب سے کچھ تکنیکی خرابیاں بھی پیش آئیں جس پر اپوزیشن جماعتوں نے وزیر اعظم کو سخت تنقید کا نشانہ بنایا تھااور مختلف اپوزیشن لیڈروںکی جانب سے سخت بیانا ت دیے گئے تھے.
نئی دہلی:بھارتی ریاست ہماچل پردیش میں بس کو حادثہ ،بس گہری کھائی میں جا گری 18 افراد ہلاک 30 سے زائد زخمی ہوگئے. بھارتی ذرائع کے مطابق یہ بس گڈا گشینی کی طرف سفر پر روا ں دواں تھی.ذرائع کے مطابق ضلع کلو کے علاقے بنجر کے نواح میں 300 میٹر گہری کھائی میں جا گری.ضلع کلو کے پولیس آفیسر شیلانی نے میڈیا کو بتا یا کہ اس حادثے میں 18 افراد ہلاک جبکہ 30 سے زیادہ زخمی ہوئے .زخمیوں کوڈسٹرکٹ ہپستال میں منتقل کیا جا رہا ہے.
ہماچل پردیش میں یہ کوئی پہلا حادثہ نہیں بلکہ اس سے قبل بھی بڑے حادثے ہو چکے ہیں جس مٰیں اب تک سیکڑوں لوگ ہلاک اور زخمی ہوچکے ہیں. حادثے میں ہلاک اور زخمی ہونے والے افراد لے لواحقین کا کہنا ہے کہ حکومت ایسے حادثات کی روک تھام کے لیے کوئی کام نہیں کررہی یہی وجہ ہے کہ ہماچل پردیش میں آئے روز ایسےحادثات ہوتے رہے ہیں
انڈیا میں 2019 مین مس انڈیا کے ہونے والے مقابلے میں راجھستان کے ایک کالج کی 20 سالہ طالبعلم نے جیت لیا . اس مقابلے میں پورے بھارت میں سے خواتین نے حصہ لیا تھا. ٹائمز آف انڈیا کے مطابق ’مس انڈیا فیمینا‘ کا مقابلہ ممبئی کے سردار ولبھ بھائی پٹیل اندور اسٹیڈیم میں 15 جون کو ہوا، جس میں بولی وڈ حسیناؤں نے بھی شرکت کی۔مس انڈیا کو فلم سے بھی آفر آہ چکی ہے.