Author: +9251

کرس گیل پر بھی پاک بھارت میچ کا بخار،کون جیتے گا یہ بھی بتا دیا

باغی ٹی وی رپوٹ کے مطابق :جادو وہ جو سر چڑھ کر بولے، جارح مزاج ویسٹ انڈین بلے باز کرس گیل پر بھی ورلڈکپ کے دوران ہونے والا پاک بھارت اہم ترین دنگل سر چڑھ کر بولنے لگا ہے۔

ہر دل عزیز کھلاڑی کرس گیل نے اپنے آپ کو پاکستان اور بھارتی رنگوں میں مزین کرلیا اور دونوں ممالک کی سپورٹ میں سامنے آگئے۔
اپنے لباس کو واضح کرتے ہوئے کرس گیل کا کہنا تھا کہ اس لباس کے ایک جانب بھارتی پرچم کے رنگ جبکہ دوسری جانب پاکستانی پرچم کے رنگ ہیں، اور یہ دونوں ٹیمیں بہت مضبوط بھی ہیں۔

جب ان سے سوال کیا گیا کہ پاکستان اور بھارت کے درمیان آج کا میچ کو جیتے گا جس پر انہوں نے از راہ تفنن یعنی مزاح کہا کہ ’ویسٹ ” جیتے گا.ان کے اس فعل سے کرکٹ کو فائدہ ہو گا اور کھیل کو کھیل تصورکرنے اور سیاست کو کھیل کے اندر داخل کرنے کا معاملے کی نفی ہوتی ہے.واضح رہے کہ بھارت نے ہمیشہ کھیل کو بھی سیاست کی نذر کیا اور دونوں ملکوں کے کشیدہ حالات میں کھیل اور فنون لطیفہ کو بھی متاثر کیا.

ورلڈ کپ کا سب سے بڑا ٹاکرا آج ہو گا.آئی سی سی کا میگا ایونٹ کروڑوں شائقین بے چینی سے متنظر

باغی ٹی وی رپورٹ کے مطابق ورلڈ کپ کا اب تک کا سب سے اہم میدان سجنے جا رہا ہے ،گرین شرٹس کی جانب سے باؤلر محمد عامر، حسن علی، شاداب اور وہاب وکٹیں لینے کے لیے بیتاب جبکہ بھارتی بلے باز کوہلی، دھونی، روہت، راہول اور پانڈیا بڑی اننگ کھیلنے کا انتظارکررہے ہیں ۔

دوسری طرف پاکستان بلے باز فخر، بابر، امام، حفیظ اور سرفراز چوکے چھکوں کے لیے تیار جبکہ بھارتی بالر بھمرا، یادیو، جادیجا اور بھووی وکٹیں گرانے کے خواہشمند ہیں۔

ورلڈ کپ کا سب سے اب تک کا اہم میچ سجنے جا رہا ہے ٹاکرے کے لیے مانچسٹر دیسی رنگ میں رنگ گیا،کرکٹ کے دیوانے اپنی ٹیم کی جیت اور دوسرے کی ہار کے لیے بے قرار ہو رہے ہیں۔
پاک بھارت میچ کے حوالہ سے دونوں ملکوں کی ٹیموں‌ کی طرح‌ عوام بھی پرجوش ہیں. پاکستانی قوم میں بھی اس حوالہ سے زبردست جوش و خروش پایا جاتا ہے.

واضح رہے کہ پاکستان اور بھارت کی ٹیموں کے مابین میچ آج اتوار کے دن کھیلا جارہا ہے. محکمہ موسمیات انگلینڈ نے میچ کے دوران بارش کی پیش گوئی کی ہے.

وفاقی وزیر فواد چودھری کی طرف سینئر صحافی سمیع ابراہیم کوتھپڑ رسید کرنے کی وجہ سامنے آگئ،

باغی ٹی وی رپورٹ کے مطابق وزیر سائنس وٹیکنالوجی فواد چوہدری نےآخر کار وضاحت کر دی انہوں نے صحافی سمیع ابراہیم کو تھپڑ کیوں رسید کیا .فواد چودھری نے کہ ’را‘ کا ایجنٹ‘ کہنے پر اینکر پرسن سے گتھم گتھا ہوا اور اس دوران مجھ سے تھپڑ لگ گیا ۰فواد چوہدری نےکہا کہ وہ صحافیوں کا بے حد احترام کرتے ہیں اور کسی بھی صحافی کے ساتھ زیادتی کا سوچ بھی نہیں سکتے ہیں،
فیصل آباد میں جو کچھ ہوا یہ ایک شخص کے ذاتی عناد کی وجہ سے ہوا ہے ۔ فواد چوہدری نے مزید کہا ہے کہ اس واقعے کو 2 اداروں میں تصادم سمجھنے کے بجائے اسے 2 افراد یا اشخاص کے درمیان تنازع سمجھنا چاہییے،

واضح رہے کہ سمیع ابراہیم کی جانب سے تھانہ منصور آباد فیصل آباد میں فواد چوہدری کی جانب سے تھپڑ‌مارے جانے کے خلاف درخواست دے دی ہے. ادھر صحافیوں‌ کی جانب سے مختلف شہروں و علاقوں میں‌ فواد چوہدری کی اس نازیبا حرکت کے خلاف شدید احتجاج کا سلسلہ جاری ہے.